उड्डाणपुलांखाली रिक्षांची दहशत

January 20, 2016, 2:06 pm

≫ Next: ‘राकाज्’ पुन्हा कोर्टात

≪ Previous: ग्रामविकास खाते घेणार पोर्टल

$

0

0

म. टा. प्रतिनिधी, औरंगाबाद
शहरातील मोंढा नाका, क्रांतिचौक आणि सेव्हनहिल्स चौकात होणारी वाहतूक कोंडी लक्षात घेऊन, विविध चौकांत उड्डाणपूल तयार करण्यात आले. मात्र, त्यानंतर वाहतूक कोंडी सुटण्याऐवजी वाढली आहे. पुलांच्या सर्व्हिसरोडवर एलपीजी रिक्षांची बेशिस्त वाहतूक सुरू असते. या रिक्षा प्रवासी मिळविण्यासाठी निम्मा रस्ता रोखून धरतात. या कोंडीचा फटका वाहनधारकांना बसत आहे.
तत्कालीन आयुक्त संजय कुमार यांनी उड्डाणपुलांलगत खालील बाजूला असलेल्या रोडवरून रिक्षा नेण्यास बंदी केली होती. सर्व ​रिक्षांना त्यांनी उड्डाणपुलाचा वापर करण्याची सक्ती केली होती. त्यांच्या बदलीनंतर ही सक्ती थंडावली. आता पुन्हा एकदा ती राबविण्याची गरज निर्माण झाली आहे. एकात्मिक रस्ते विकास योजनेंतर्गत शहरात विविध चौकांतील वाहतूक कोंडी सोडविण्यासाठी उड्डाणपूल उभारण्यात आले. शहरातील सेव्हन हिल्स, क्रांतिचौक आणि मोंढा नाका उड्डाणपुलांवरून जाणाऱ्या वाहनांच्या तुलनेत सर्व्हिस रोडवरून जाणाऱ्या वाहनांची संख्या वाढली आहे. त्यामुळे उड्डाणपुलांवर शुकशुकाट आणि खाली कोंडी, असे चित्र आहे. या सर्व्हिसरोडवर एलपीजी रिक्षांची संख्या जास्त असते. एलपीजी रिक्षांच्या बेशिस्त वाहतुकीमुळे उड्डाणपुलाखालच्या चौकात वाहतूक कोंडी होत आहे.
क्रांतिचौक उड्डाणपुलाच्या दोन्ही बाजूंच्या सर्व्हिस रोडवर एलपीजी रिक्षांचे अधिराज्य आहे. उड्डाणपुलाखाली सिग्नल बसविण्यात आले, पण त्यामुळे कोंडी सुटण्याऐवजी वाढली आहे. क्रांतिचौकात रस्त्यावर प्रवासी उतरविण्यासाठी थांबलेल्या रिक्षांमुळे वाहतूक कोंडी होत आहे. मोंढा नाका उड्डाणपुलाच्या सर्व्हिस रोडवरही रिक्षांचीच मालकी आहे. ही परिस्थिती सेव्हन हिल्स उड्डाणपुलाखाली अधिक गंभीर बनली आहे. या उड्डाणपुलाच्या दोन्ही सर्व्हिसरोडचा एलपीजी रिक्षांनी ताबा घेतला आहे. उड्डाणपुलाखालची वाहतुकीची कोंडी थांबविण्यासाठी तत्कालीन पोलिस आयुक्त संजय कुमार यांनी उड्डाणपूलाखालून रिक्षांची वाहतूक बंद केली होती. यासाठी सर्व्हिसरोडवर बॅरिगेट्स लावण्यात आले होते. त्यांच्या बदलीनंतर उड्डाणपुलाखालचा परिसर पुन्हा रिक्षांच्या ताब्यात आला आहे.
नियम पाळला जात नाही
देशातील अनेक मोठ्या शहरांमध्ये रस्त्यावर वाहतूक शिस्त लावण्यासाठी रांगा लावण्यात येतात. उजव्या बाजुला वळण घेण्यासाठी उजव्या बाजुच्या रांगेमध्ये वाहनांना उभे राहावे लागते. मध्यभागी सरळ जाणारी वाहने तर डावी रांग डाव्या बाजुला वळण घेणारी वाहनांसाठी ठेवण्याचा निर्णय आहे. रांग बदलण्यासाठी कटिंगचे पट्टे रस्त्यावर काही अंतराने मारावे लागतात. जालना रोड सह अन्य रस्त्यांवर बहुतांश वाहनधारक या पद्धतीचा अवलंब करत नाहीत. याशिवाय वाहतूक कर्मचारी रांग तोडणाऱ्यांवर कारवाई करत नाहीत. त्यामुळे वाहतूक कोंडी निर्माण होते.

मोबाइल अॅप डाउनलोड करा आणि राहा अपडेट

---

‘राकाज्’ पुन्हा कोर्टात

January 20, 2016, 1:30 pm

≫ Next: कलाश्रीच्या हस्तलिखिताचे प्रकाशन

≪ Previous: उड्डाणपुलांखाली रिक्षांची दहशत

$

0

0

म. टा. प्रतिनिधी, औरंगाबाद

ज्योतीनगर येथील बहुचर्चित राकाज् लाइफ स्टाइल क्लबमध्ये महापालिकेने काही उपक्रम राबवण्यास महापालिकेच्याच कोर्टाने स्थगिती दिली आहे. क्लबची पाहणी करण्यासाठी आयुक्त, महापौर, उपमहापौर, सभागृहनेते गेले असताना या स्थगितीची माहिती समोर आली.

राकाज् लाइफ स्टाइल क्लबमध्ये कराराचा भंग करून काही उपक्रम राबविले जात होते. त्यात पूल टेबल, हुक्का पार्लर, मसाज सेंटरचा समावेश होता. त्यामुळे महापालिकेने चार महिन्यांपूर्वी क्लब सील करून ताब्यात घेतला. महापालिकेमार्फत क्लब सुरू करण्याच्या उद्देशाने बुधवारी महापौर त्र्यंबक तुपे, उपमहापौर प्रमोद राठोड, सभागृहनेते राजेंद्र जंजाळ, आयुक्त सुनील केंद्रेकर दुपारी बाराच्या सुमारास क्लबमध्ये पोचले. तेथे गेल्यावर त्यांना, राकाज् क्लबसाठी पालिकेच्या कोर्टाने स्टे दिला आहे. त्यामुळे क्लब ताब्यात घेता येणार नाही, असे उपायुक्त अय्युब खान यांनी लक्षात आणून दिले. यामुळे आयुक्तांसह पदाधिकारी अवाक् झाले. राकाज् क्लबचे संचालक सुनील राका यांनी महापालिकेच्या कारवाईच्या विरोधात हायकोर्टात धाव घेतली होती. तेथे त्यांचा टिकाव लागला नाही. त्यानंतर त्यांनी जिल्हा कोर्टात धाव घेतली. जिल्हा कोर्टातूनही त्यांना माघार घ्यावी लागली. हे घटनाक्रम ताजे असताना पालिकेच्या कोर्टाने स्थगिती कशी काय दिली, असा प्रश्न केंद्रेकर यांनी विचारला. त्यावर, २५ जानेवारीला या प्रकरणाची सुनावणी होणार असल्याचे सांगण्यात आले. या प्रकरणाची गंभीर दखल घेऊन केंद्रेकर यांनी उपायुक्त अय्युब खान, विधी सल्लागार अपर्णी थेटे, कार्यकारी अभियंता सिकंदर अली यांना राकाज् क्लबशी संबंधित फाइल घेऊन सिडको कार्यालयात येण्यास सांगितले.

दरम्यान, राकाज् क्लब महापालिकेतर्फे सुरू करण्याचा व चालविण्याचा निर्णय यावेळी झाला. या क्लबचे ३०० लाइफ मेंबर आहेत. त्यांना सामावून घेण्याचे ठरविण्यात आले. याशिवाय महिला व पुरुष प्रशिक्षक नेमणे, सुरक्षा कर्मचारी नियुक्त करणे याबद्दल चर्चा करण्यात आली. आवश्यक कर्मचारी व क्लबवर करण्यात येणार कामे यांचा तपशील तयार करण्याचे आदेश केंद्रेकर यांनी उपायुक्तांना दिले.

मोबाइल अॅप डाउनलोड करा आणि राहा अपडेट

कलाश्रीच्या हस्तलिखिताचे प्रकाशन

January 21, 2016, 1:51 pm

≫ Next: एक लाखासाठी विवाहितेचा छळ

≪ Previous: ‘राकाज्’ पुन्हा कोर्टात

$

0

0

कलाश्रीच्या हस्तलिखिताचे प्रकाशन

म. टा. प्रतिनिधी, औरंगाबाद

'लहान मुलाचं मन म्हणजे स्वच्छ कोरी पाटी,

आईच्या हातात खडू त्यावर लिहिण्यासाठी...'

स्‍त्रीरोगतज्ज्ञ डॉ. स्वाती दंडे यांच्या 'कोरी पाटी' या‌ कवितेतील या ओळी वाचायला सोप्या तरी सूचक. बालमनावर आईनेच संस्‍कार रुजवायचे असतात. हीच संस्‍काराची शिदोरी घेऊनच मुलं मोठी होतात. स्‍त्रीरोगतज्ज्ञ व कवयित्री डॉ. स्वाती दंडे यांनी आपल्याच कवितासंग्रहातील या कवितेचे वाचन करून महिलांना काव्यरुपी वाण दिले.

कलाश्री महिला मंडळाच्या सहाव्या हस्तलिखिताचे प्रकाशन बुधवारी एन दोनच्या पावन गणपती मंदिरात झाले. प्रमुख पाहुण्या डॉ. स्वाती दंडे होत्या. मंडळाच्या अध्यक्ष रेणु मुळे व सचिव गीता खेमका याही उपस्थित होत्या. मंडळाच्या सहाव्या वार्षिक हस्तलिखित अंकाचे प्रकाशनही यावेळी करण्यात आले. यंदाच्या अंकात महिला लेखिकांचे २१ लेख व कवितांचा समावेश आहे. माया महाजन व निर्मला जोशी या संपादक असून, सुभद्रा कोलकंठे यांचे मुखपृष्ठ आहे. गेल्या वर्षीप्रमाणे यंदाही कार्यक्रमात कवयित्रीलाच निमंत्रित केल्याने महिलांना सुंदर कविता त्यांच्याकडूनच ऐकायल्या मिळाल्या. यामध्‍ये डॉ. दंडे यांनी त्यांच्या कोरी पाटी या कवितासंग्रहासह 'नितळ' कवितासंग्रहातील कॉलनी ही कविताही सादर केली. सूचक व वास्तविक समाजमन या कवितेतून व्यक्त झाले. पूर्वी शेजारधर्म पाळण्यास अतिशय महत्त्व होते, पण आज मात्र शेजारधर्म सोडा शेजारी कोण याचीही माहिती कुणाला नसते या व अशा अनेक गोष्टी त्यांच्या कवितेत ऐकायल्या मिळाल्या. यावेळी हळदी-कुंकवाचा कार्यक्रमही घेण्यात आला. सुलभा कुंदे यांनी सूत्रसंचालन केले.

मोबाइल अॅप डाउनलोड करा आणि राहा अपडेट

एक लाखासाठी विवाहितेचा छळ

January 21, 2016, 1:52 pm

≫ Next: वडिलांच्या आजारपणाचा मानसिकताण आल्याने तरूणाची आत्महत्या

≪ Previous: कलाश्रीच्या हस्तलिखिताचे प्रकाशन

$

0

0

एक लाखासाठी विवाहितेचा छळ

औरंगाबाद - घर घेण्यासाठी माहेरून एक लाख रुपये आणण्याची मागणी करीत विवाहितेचा छळ केल्याची घटना जाफरगेट, तक्षशिला नगर येथे घडली. या प्रकरणी विवाहितेच्या तक्रारीवरून आरोपी खुशाल गायकवाड, लक्ष्मीबाई, उत्तम, अनिता, मोना वाघमारे, छाया प्रधान यांच्या विरुद्ध जिन्सी पोलिस ठाण्यात गुन्हा दाखल करण्यात आला आहे.

जुन्या वादातून मारहाण

जुन्या वादातून महादू रामभाऊ जाधव रा. सातारा गाव याला गावातीलच दोघांनी जुन्या वादातून मारहाण केली. या प्रकरणी संशयित आरोपी अर्चना पवार व विक्रम पवार यांच्याविरुद्ध सातारा पोलिस ठाण्यात गुन्हा दाखल करण्यात आला आहे.

रिक्षाच्या धडकेत तरुण जखमी

वेगाने जाणाऱ्या रिक्षाने पाठीमागून धडक दिल्याने अरूण वैजनाथ भालेकर रा. स्वराजनगर हा जखमी झाला. मंगळवारी मुकुंदवाडी कामगार चौकात हा अपघात घडला. या प्रकरणी मुकुंदवाडी पोलिस ठाण्यात रिक्षाचालकाविरुद्ध गुन्हा दाखल करण्यात आला आहे.

घरात घुसून महिलेचा विनयभंग

घरात एकटी असलेल्या महिलेच्या घरात शिरून तिचा विनयभंग करण्यात आल्याचा प्रकार मंगळवारी मध्यरात्री पुंडलिकनगर भागातील गल्ली क्रमांक एक येथे घडला. याप्रकरणी आरोपी सुभाष शिंदेविरुद्ध मुकुंदवाडी पोलिस ठाण्यात गुन्हा दाखल करण्यात आला आहे.

अवैध दारू विक्रेता गजाआड

अवैधरित्या देशी दारू बाळगणाऱ्या भानुदास शाम काळे (वय २८ रा. गणेशनगर, मुकुंदवाडी) याला मुकुंदवाडी पोलिसांनी अटक केली. मंगळवारी सकाळी ११ वाजता ही कारवाई गोकूळ स्वीटजवळ करण्यात आली. या प्रकरणी मुकुंदवाडी पोलिस ठाण्यात गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

वडिलांच्या आजारपणाचा मानसिकताण आल्याने तरूणाची आत्महत्या

January 21, 2016, 1:53 pm

≫ Next: पाच मोबाइल हस्तगत

≪ Previous: एक लाखासाठी विवाहितेचा छळ

$

0

0

वडिलांच्या आजारपणाचा मानसिक

ताण आल्याने तरूणाची आत्महत्या

म.टा. प्रतिनिधी, औरंगाबाद

बालाजीनगर परिसरातील एका २२ वर्षाच्या तरुणाने गुरुवारी सकाळी घरामध्ये गळफास घेत आत्महत्या केली. वडिलांना अर्धांगवायूचा झटका आल्याने त्यांची परिस्थिती पाहवत नसल्याने मानसिक ताणापोटी ही आत्महत्या केल्याची शंका आहे. या प्रकरणी जवाहरनगर पोलिस ठाण्यात अकस्मात मृत्यूची नोंद करण्यात आली आहे.

बाळू वसंत मिसाळ (वय २२ रा. महुनगर, बालाजीनगर) या तरुणाच्या वडिलांना अर्धांगवायूचा झटका आला असून ते सध्या खासगी हॉस्पिटलमध्ये उपचार घेत आहेत. वडिलांच्या देखभालीसाठी बाळू हॉस्पिटलमध्येच थांबून होता. गुरुवारी सकाळी ११ वाजता त्याच्या आईने त्याला घरी पाठविले. घरी आल्यानंतर त्याने घरात असलेल्या लहान ब‌हिणीला बाहेर पाठवून दिले. दीड वाजला तरी बाळूने दरवाजा न उघडल्याने त्याच्या बहिणीने शेजाऱ्यांना हा प्रकार सांगितला. शेजाऱ्यांनी दरवाजा तोडून आतमध्ये प्रवेश केला. आतमध्ये बाळूने छताला असलेल्या पंख्याला ओढणीने गळफास घेत आत्महत्या केल्याचे दिसून आले. या प्रकरणी पोलिस ठाण्यात अकस्मात मृत्यूची नोंद करण्यात आली आहे. जमादार जाधव याप्रकरणी तपास करीत आहेत.

मोबाइल अॅप डाउनलोड करा आणि राहा अपडेट

पाच मोबाइल हस्तगत

January 21, 2016, 1:30 pm

≫ Next: चौदा जणांना पाच लाख ८२ हजाराचा गंडा

≪ Previous: वडिलांच्या आजारपणाचा मानसिकताण आल्याने तरूणाची आत्महत्या

$

0

0

उघड्या घरातून मोबाइल लंपास करणारे जाळ्यात

पाच मोबाइल हस्तगत

म. टा. प्रतिनिधी, औरंगाबाद

उघड्या घरातून मोबाइल पळविणाऱ्या अल्पवयीन मुलासोबत एका तरुणाला गुन्हेशाखेने अटक केली. या आरोपींनी पाच मोबाइल पोलिसांच्या स्वाधीन केले आहेत.

गुन्हेशाखेचे पथक बुधवारी दुपारी हिमायत बाग परिसरात गस्त घालीत होते. यावेळी त्यांना रेकॉर्डवरील गुन्हेगार शेख आदील शेख रफिक (वय १९ रा. रोजेबाग) व एक अल्पवयीन मुलगा संशयास्पद अवस्थेत जाताना आढळून आले. त्यांनी या दोघांना ताब्यात घेऊन चौकशी केली. यावेळी त्यांच्याकडे पाच मोबाइल पोलिसांना आढळले. याबाबत चौकशी केली असता हडको एन १२ येथील विजया लाळीकर यांचा एक मोबाइल चोरीचा असल्याचे निष्पन्न झाले. इतर मोबाइल देखील त्यांनी उघड्या घरातून चोरल्याची कबुली दिली. आरोपींना पुढील कारवाईसाठी सिडको पोलिसांच्या ताब्यात देण्यात आले आहे. ही कारवाई सहायक पोलिस ‌उपनिरीक्षक अय्युब पठाण, शिवाजी भोसले, बबन इप्पर, रितेश जाधव, प्रभाकर राऊत यांनी केली.

मोबाइल अॅप डाउनलोड करा आणि राहा अपडेट

चौदा जणांना पाच लाख ८२ हजाराचा गंडा

January 21, 2016, 1:57 pm

≫ Next: तरुणाई भरकटायला नको

≪ Previous: पाच मोबाइल हस्तगत

$

0

0

चौदा जणांना पाच लाख ८२ हजाराचा गंडा

म. टा. प्रतिनिधी, औरंगाबाद

शहरातील १४ जणांना अंदमान निकोबार टुर्सचे आमिष दाखवून पाच लाख ८२ हजारांचा गंडा घालण्यात आला. याप्रकरणी सातारा येथील हॅपी एक्सप्रोलर्सच्या संचालकाविरुद्ध क्रांतिचौक पोलिस ठाण्यात फसवणूक व अपहाराचा गुन्हा दाखल करण्यात आला आहे. हा संशयित आरोपी कार्यालयाला टाळे लावून पसार झाला आहे.

हरीशचंद्र उर्फ हरीष रामनारायण जाखेटे (रा. समर्थनगर) यांनी या प्रकरणी तक्रार दिली आहे. यामध्ये २६ ऑगस्ट २०१५ रोजी हॅपी एक्सप्रोलर्सचा जयदीप श्रीरंग काशीकर याने त्यांच्याशी एका परिचितामार्फत संपर्क साधला होता. यावेळी त्याने ग्रुपसाठी अंदमान निकोबार टुर्सचे नियोजन करीत असल्याचे सांगितले होते. जाखेटे व इतर चौदाजणांनी या ट्रिपसाठी संमती दर्शवली होती. याकरीता त्याने त्यांच्याकडून चेक, डिडी, रोख अशी एकूण ५,८२,३०० रुपये घेतले होते. ही रक्कम घेतल्यानंतर त्याने मेलवर व वॉटसअपवर विमानाची तिकीटे, हॉटेल बुकींगच्या पावत्या पाठविल्या होत्या. त्यामुळे चौदाजण ट्रिपला जाण्याची तयारी करीत होते. दरम्यान ट्रिपला जाण्यासाठी काही दिवस राहिले असताना जयदीपने त्याचे मोबाइल बंद केले. त्याच्याशी वारंवार संपर्क साधूनही हे मोबाइल लागत नव्हते. त्याच्या ट्रॅव्हल्स एजंसीचे सिडको परिसरात असलेले कार्यालय देखील बंद करण्यात आले होते. ग्रुपमधील काही सदस्यांनी सातारा गाठून त्याचे कार्यालय शोधले असता त्याला देखील टाळे ठोकल्याचे दिसून आले. जयदीप काशीकर याने कार्यालय बंद करून पोबारा केला होता. आपली फसवणूक झाल्याचे निदर्शनास आल्याने फसवणूक झालेल्या जाखेटे यांनी पोलिस ठाणे गाठून त्याच्याविरुद्ध गुन्हा दाखल केला. या प्रकरणी जमादार गोपाळ सोनवणे तपास करीत आहेत.

मोबाइल अॅप डाउनलोड करा आणि राहा अपडेट

तरुणाई भरकटायला नको

January 21, 2016, 1:58 pm

≫ Next: विश्वासघाताने लांबविले महिलेचे साडेतीन तोळ्याचे दागिने

≪ Previous: चौदा जणांना पाच लाख ८२ हजाराचा गंडा

$

0

0

सिटी स्कॅन -क्राइम

तरुणाई भरकटायला नको

परिणामांची चिंता न करता केलेल्या कृत्यामुळे पाच तरुणांना कोठडीची हवा खावी लागत आहे. आपले भविष्य अंधारमय करून घेतलेल्या या तरुणांवर दोन वेगवेगळ्या खून प्रकरणात हात असल्याचा आरोप आहे. दारुच्या नशेत व तारुण्याच्या जोशात सारासार विचार न करता केलेले कृत्य किती महाग ठरू शकते, याचाच प्रत्यय या घटनांवरून समोर येत आहे. अशा घटनांमुळे तरुणाई भरकटणार नाही, त्यांची वाट चुकणार नाही, यासाठीही प्रबोधनाची गरज निर्माण झाली आहे.

-----

दारुच्या नशेत तसेच तारुण्याच्या जोशात शहरात दोन खून झाल्याचे उघड झाले आहे. आपल्या कृतीमुळे इतरांचे व पर्यायाने आपले तर पुढे नुकसान होणार नाही ना? याचा कोणताही विचार न करणारे हे संशयित आरोपी सध्या गजाआड आहेत.

वाहनचालक असलेल्या चंद्रकांत विष्णू जाधव यांचा खून झाल्याची घटना नववर्षाच्या पहिल्या दिवशी पहाटे उघडकीस आली. वंजारवाडी शिवाराजवळील रेल्वे रुळावर जाधव यांचा मृतदेह आढळून आला होता. प्रथमदर्शनी रेल्वेच्या धडकेत जाधव यांचा अंत झाल्याचे वाटत येत होते, पण या सुनियोजित खून प्रकरणाला वाचा फुटली ती जाधव यांच्या पत्नीमुळे.

हा अपघात नव्हे तर खूनच आहे, असे म्हणत त्यांनी दौलताबाद पोलिसांकडे धाव घेतली. काही जणांवर संशय व्यक्त केला आणि एक एक धागा जुळवित पोलिसांनी तीन आरोपींच्या मुसक्या आवळल्या. मोफीन खान मुबलक खान पठाण, प्रभू नारायण बागूल व बिरजूलाल मिठ्ठूलाल तरैय्यावाले अशी त्यांची नावे असून तिघेही २५ ते २८ वयोगटातील आहेत.

याप्रकरणात पोलिसांना हवा असलेला प्रमुख संशयित आरोपी माजी पंचायत समिती सभापती व विद्यमान सदस्य सर्जेराव चव्हाण यांच्या वाहनावर गेल्या सहा वर्षांपासून मृत चंद्रकांत जाधव हा चालक म्हणून काम करीत होता. अडीच महिन्यांपूर्वी चंद्रकांतने काम सोडले. सर्जेरावच्या सर्व व्यवहारांची माहिती चंद्रकांतला होती. काम सोडल्यामुळे तसेच राजकीय विरोधकासोबत चंद्रकांतचे बसणे उठणे वाढल्यामुळे सर्जेरावला त्याचा राग होता. या रागातून हा प्रकार घडला.

सर्जेरावचे साई राजमाता नावाचे हॉटेल आहे. या हॉटेलवर ३१ डिसेंबर २०१५ रोजी लावणीचा कार्यक्रम होता. या ठिकाणी जाधव यास आरोपींपैकी एकाने बोलवून घेतले. जाधव यास दारुचा अंमल चढल्याचे लक्षात येताच नशेत असलेल्या मोफीन, प्रभू व बिरजूलाल यांनी त्यास मारहाण केली. यानंतर त्यास कारमध्ये कोंबून ए. एस. क्लब, नगरनाका, पडेगाव मिटमिटा मार्गे शरणापूर फाट्याकडे नेले. घातपात नव्हे तर अपघात आहे किंवा आत्महत्या आहे, यासाठी आरोपींनी बनाव केला व बेशुद्धावस्थेत असलेल्या जाधव यास वंजारवाडी शिवाराजवळील रेल्वे रुळावर टाकून दिले. मालवाहू रेल्वेखाली त्याचा अंत झाला.

खरंतर मृत जाधव यांच्याशी या तिन्ही आरोपींचा तसा थेट संबंध नव्हता. केवळ सर्जेराव चव्हाण याच्याशी त्यांचा परिचय होता. राजकीय पार्श्वभूमी व बडे प्रस्थ असलेल्या चव्हाण याच्यासोबत राहणे या तिंघाना मोठेपणाचे वाटायचे. त्यातून आलेली एक प्रकारची मस्ती, दारुचा अंमल व तारुण्याच्या जोशात आलेली मस्ती या सर्व कारणांमुळे जाधव यांच्या खुनात मोफीन, प्रभू व बिरजूलाल हे अडकले गेले.

सारासार विचार न करता केलेल्या कृत्यामुळे या तिघांचे पुढील जीवन अंधारमय झाले. प्रशांत म्हस्के व प्रमोद निर्मल या दोन तरुणांनाही असाच पश्चाताप करण्याची वेळ आली आहे. थर्टी फर्स्टची पार्टी केल्यानंतर विरोध करूनही खाजा गुजर शाहअली गौरी हा लॉजमध्ये थांबलेल्या मैत्रिणीच्या खोलीत गेला व त्याचाच राग आल्याने प्रशांत व प्रमोद याने मित्र असलेल्या खाजा यास संपविल्याचे समोर आले आहे. सिल्लेखाना येथे नववर्षाच्या पहाटे मातीच्या ढिगाऱ्यावर खाजा गुजर या १७ वर्षांच्या अल्पवयीन तरुणाचा मृतदेह सापडला होता. या मृत्यूचे गूढ पाच दिवसांनी उकलण्यात पोलिसांना यश आले.

खाजा गुजर हा अकरावीचे शिक्षण घेत होता. अटकेत असलेले दोघे त्याचे मित्र. बीड बायपास येथील एका हॉटेलमध्ये त्याने मित्र मैत्रिणींसोबत पार्टी केली. तेथे त्यांनी मद्यपान केले. त्यांच्या मैत्रिणी मध्यवर्ती बसस्थानकाजवळ असलेल्या मिर्झा लॉजमध्ये थांबल्या होत्या. त्यांच्यासोबत थांबण्याचा खाजाचा विचार होता. मात्र, त्याचे मित्र प्रशांत म्हस्के व प्रमोद निर्मल यांनी त्याला विरोध करत घराजवळ सोडले होते, पण विरोध करूनही खाजा पुन्हा हॉटेलमध्ये आल्याने त्याचा राग येऊन आरोपींनी पुढील कृत्य केल्याचे समोर येत आहे.

शहर हद्दीत एकाच आठवड्यात घडलेल्या या दोन घटनांमुळे खळबळ उडाली आहे. दारुच्या नशेत व तारुण्याच्या जोशात केलेल्या कृत्यामुळे पाच तरुणांना कोठडीची हवा खावी लागत आहे. त्यांनी भविष्याचा विचार केला असता तर कदाचित या घटनांपासून ते दूर राहू शकले असते.

आजही किरकोळ कारणामुळे तरुणांमध्ये मारामाऱ्याच्या घटना होताना दिसतात. दिवसेंदिवस यात वाढ होत आहे. आणि अशाच किरकोळ घटना पुढे गंभीर स्वरुपही घेताना दिसतात. त्यामुळे एका चुकीच्या पावलामुळे कसे नुकसान होऊ शकते, हे तरुणाईला समजावून सांगणे आवश्यक झाले आहे. तसे झाल्यास निश्चितच किमान काही अघटीत घटना टाळता येणे शक्य होईल.

- ravindra.taksal@timesgroup.com

मोबाइल अॅप डाउनलोड करा आणि राहा अपडेट

---

विश्वासघाताने लांबविले महिलेचे साडेतीन तोळ्याचे दागिने

January 21, 2016, 1:59 pm

≫ Next: साताऱ्यातील पाण्‍याचे टँकर बंद

≪ Previous: तरुणाई भरकटायला नको

$

0

0

विश्वासघाताने लांबविले महिलेचे साडेतीन तोळ्याचे दागिने

लग्नाच्या बहाण्याने नेले व बँकेत गहाण ठेवले

म. टा. प्रतिनिधी, औरंगाबाद

लग्नाच्या बहाण्याने परिचित महिलेचे दागिने नेऊन ते परस्पर बँकेत गहाण ठेवल्याचा प्रकार गारखेड्यात घडला. या प्रकरणी महिलेच्या तक्रारीवरून संशयित आरोपीविरुद्ध मुकुंदवाडी पोलिस ठाण्यात गुन्हा दाखल करण्यात आला आहे.

गारखेडा परिसरातील रेखा सतीश बनकर (वय ४० रा. इसकृपा अपा‌र्टमेंट) या महिलेच्या परिचयाचा दिनेश रामचंद्र सोळंकी (रा. हुसैन कॉलनी) हा तरुण आहे. १२ जून २०१४ रोजी बनकर यांच्या घरी सोळंकी आला होता. त्याने मला व माझ्या पत्नीला लग्नासाठी जायचे आहे. लग्नात पत्नीला घालण्यासाठी बनकर यांच्या दागिन्याची मागणी केली. सोळंकी परिचयाचा असल्याने बनकर यांनी त्यांच्या तीन अंगठ्या, कानातले वेल, झुमके असे साडेतीन तोळ्याचे दागिने सोळंकीला दिले. काही दिवसांनी त्यांनी दागिने परत मागितले असता सोळंकीने उडवाउडवीची उत्तरे दिली. बनकर यांनी माहिती घेतली असता सोळंकी याने आयसीआयसीआय बँकेत त्यांचे दागिने गहाण ठेवल्याचे त्यांना समजले. आपली फसवणूक झाल्याचे लक्षात आल्यानंतर त्यांनी पोलिस ठाणे गाठून सोळंकी याच्याविरुद्ध अपहाराचा गुन्हा दाखल केला.

मोबाइल अॅप डाउनलोड करा आणि राहा अपडेट

साताऱ्यातील पाण्‍याचे टँकर बंद

January 21, 2016, 1:30 pm

≫ Next: दोन दिवसांत सतरा दुचाकी चोरीस

≪ Previous: विश्वासघाताने लांबविले महिलेचे साडेतीन तोळ्याचे दागिने

$

0

0

म. टा. प्रतिनिधी, सातारा
सातारा-देवळाईत सुरू असलेले पाण्‍याचे टँकर कंत्राटदाराने अचानक बंद केल्यामुळे नागरिकांचे हाल होत आहेत. राज्‍य शासनाने सातारा-देवळाई नगरपालिका बरखास्‍त केली आहे. नगरपालिकेने ३ जानेवारीपासून या भागात १० हजार लिटर क्षमतेच्‍या १० टँकरने पाणीपुरवठा सुरू केला होता. तसेच पाणीटंचाईची तीव्रता कमी व्‍हावी यासाठी परिसरातील ५ विहिरी अधिग्रहित करणार होते. परंतु नगरपालिका बरखास्‍त झाल्‍याचे कळताच कंत्राटदाराने परस्‍पर टँकर बंद केले. याबाबत नगर पालिका प्रशासनालाही माहिती नाही. सध्या टंचाई जाणवत असल्याने जादा टँकर पुरवण्याची गरज आहे. दोन वर्षांपासून नगर पालिका की महानगरपालिका या वादामुळे येथील नागरिकांचे हाल होत आहेत. सातारा गावात महिनाभरापासून पाणी मिळत नसल्‍यामुळे महिला व नागरिक बुधवारी कार्यालयात धडकले होते. टँकरने नियमित पाणीपुरवठा करण्‍याची मागणी सतीश बोटे, सोमीनाथ पाटील, रामेश्‍वर कदम, महेश खमाट आदींनी केली आहे.

मोबाइल अॅप डाउनलोड करा आणि राहा अपडेट

दोन दिवसांत सतरा दुचाकी चोरीस

January 21, 2016, 1:30 pm

≫ Next: ‘एनए’च्या निर्णयामुळे लघु उद्योजकांना दिलासा

≪ Previous: साताऱ्यातील पाण्‍याचे टँकर बंद

$

0

0

दोन दिवसांत सतरा दुचाकी चोरीस

दुचाकी चोरांचा धुमाकूळ

म. टा. प्रतिनिधी, औरंगाबाद

दुचाकी मालकांनो, सावधान... तुमच्यासाठी धोक्याची घंटा वाजली आहे... आपल्या दुचाकीची काळजी घ्या... तुमचे सारखे लक्ष राहील अशाच ठिकाणी लावा... कारण शहरात दुचाकी चोरांनी अक्षरशः धुमाकूळ घातला आहे. चोरट्यांनी तब्बल १७ दुचाकी पळविल्या आहेत, त्याही केवळ दोनच दिवसांत. शहरातील विविध पार्किंग तसेच सार्वजनिक ठिकाणावरून या दुचाकी चोरट्यांनी लंपास केल्या आहेत. तेव्हा आपल्या दुचाकीसाठी जागते रहो...

पोलिसालाच दणका

दहशतवाद विरोधी पथकामध्ये प्रदीप भाईदास कोळी (रा. श्रीकृष्णनगर, हडको, एन ९) हे पोलिस नाईक पदावर कार्यरत आहेत. रविवारी त्यांनी त्यांची दुचाकी घरासमोर उभी केली होती. अज्ञात चोरट्याने ही दुचाकी चोरून नेत पोलिसालाच दणका दिला आहे. तसेच एन ९ पवननगर येथील शंकर अरकल्ले हे मंगळवारी सायंकाळी एन १२ येथील विवेकानंद गार्डनमध्ये शतपावली करण्यासाठी गेले होते. त्यांनी त्यांची दुचाकी पार्किंगमध्ये उभी केली होती. चोरट्यांनी ही दुचाकी लंपास केली. याप्रकरणी सिडको पोलिस ठाण्यात गुन्हे दाखल करण्यात आले आहेत.

पुलाखाली दुचाकी ठेवणे पडले महाग

मारोती माणिकराव सोळंके (रा. एन २, रामनगर) यांनी मंगळवारी सकाळी त्यांची दुचाकी सेव्हनहिल उड्डाणपुलाखाली उभी केली होती. कंपनीच्या वाहनाने सोळंके बिडकीन येथे कंपनीत गेले होते. सायंकाळी दुचाकी घेण्यासाठी ते परतले. या दरम्यान पुलाखाली उभी असलेली दुचाकी चोरट्याने लंपास केली. या प्रकरणी जवाहरनगर पोलिस ठाण्यात गुन्हा दाखल करण्यात आला.

जिन्सी हद्दीतून तीन दुचाकी पळविल्या

जिन्सी पोलिस ठाणे हद्दीतून चोरट्यांनी तीन दुचाकी लंपास केल्या. यामध्ये काझी इसरार फराज काझी (रा. युनूस कॉलनी) या तरुणाची पल्सर कटकटगेट येथील बाबा कॅफे समोरून पळविण्यात आली. शकील अहेमद सिराज अहेमद रा. नवाबपुरा यांची दुचाकी त्यांच्या घरासमोरून लंपास केली. सय्यद अकबर इसाकोद्दीन सय्यद (रा. कटकटगेट) याने त्याची दुचाकी गफारखान या मित्राला चालविण्यासाठी दिली होती. ही दुचाकी चोरट्यांनी क‌ैसर कॉलनी येथून पळवून नेली. जिन्सी पोलिस ठाण्यात या प्रकरणी गुन्हे दाखल करण्यात आले आहेत.

उस्मानपुरा येथून दोन दुचाकी लंपास

उस्मानपुरा परिसरातून दोन दुचाकी चोरट्यांनी लंपास केल्या. काकासाहेब तेजराव खुर्दे (रा. ठाकरेनगर) हे मुलीचा स्नेह समेंलनाचा कार्यक्रम पाहण्यासाठी संत एकनाथ रंगमंदिर येथे आले होते. यावेळी पार्किंगमध्ये लावलेली त्यांची दुचाकी चोरट्यांनी लंपास केली. तसेच पंकजकुमार सूर्यवंशी याची बुलेट फुलेनगर येथील यादव हॉस्टेलच्या पार्किंगमधून पळविण्यात आली. उस्मानपुरा पोलिस ठाण्यात या प्रकरणी गुन्हे दाखल करण्यात आले आहे.

शासकीय कार्यालय, कॉलेजमध्ये दुचाकी चोरी

गारखेडा येथील नारायण पंढरीनाथ कोल्हे हे सोमवारी सार्वजनिक बांधकाम विभागाच्या कार्यालयात कामानिमित्त आले होते. यावेळी आवारात लावण्यात आलेली त्यांची दुचाकी चोरट्यांनी पळविली. विवेकानंद कॉलेजच्या पार्किंगमधून योगेश म्हस्के (रा. हनुमाननगर) याची दुचाकी पळविण्यात आली. क्रांतिचौक पोलिस ठाण्यात याप्रकरणी गुन्हा दाखल करण्यात आला आहे.

सिटीचौक, हर्सूल हद्दीतही दुचाकी चोरी

शहागंज येथील पाण्याच्या टाकीजवळून मोहम्मद अफजाल मोहम्मद अजमलखान याची दुचाकी चोरट्यांनी लांबविली. शनिवारी हा प्रकार घडला. या प्रकरणी सिटीचौक पोलिस ठाण्यात गुन्हा दाखल करण्यात आला आहे. तसेच मयुरपार्क येथील गणेश केशवराव वाहटुळे या तरुणाची दुचाकी घरासमोरून चोरट्यांनी लांबविली. या प्रकरणी हर्सूल पोलिस ठाण्यात गुन्हा दाखल करण्यात आला आहे.

सातारा, पुंडलिकनगर, मुंकुंदवाडीत चोऱ्या

नंदकिशोर गणपतराव शिगारे (रा. विटखेडा परिसर) यांनी त्यांची दुचाकी सोमवारी रात्री अपार्टमेंटच्या पार्किंगमध्ये उभी केली होती. चोरट्यांनी ही दुचाकी लंपास केली. याप्रकरणी सातारा पोलिस ठाण्यात गुन्हा दाखल करण्यात आला आहे. दुसऱ्या घटनेत पुंडलिकनगर येथे रुपचंद बंडू भताडे यांची दुचाकी पटीयाला बँकेसमोरील टपरीसमोरून चोरीस गेली. सोमवारी रात्री पावणेदहा वाजता हा प्रकार घडला. तसेच अन्य एका घटनेत शिवनाथ किसन गायकवाड (रा. सातारा परिसर) या तरुणाची दुचाकी मुकुंदनगर येथून मित्राच्या घरासमोरून चोरीस गेली. या दोन्ही घटनाप्रकरणी मुकुंदवाडी पोलिस ठाण्यात गुन्हा दाखल करण्यात आला आहे. वडगाव कोल्हाटी येथे घडलेल्या घटनेत बाबासाहेब बुगाजी भडगे या तरुणाची दुचाकी घरासमोरून चोरीस गेली. वाळूज एमआयडीसी पोलिस ठाण्यात या प्रकरणी गुन्हा दाखल करण्यात आला आहे. दुचाकी चोरीची पाचवी घटना उल्कानगरी येथे रविवारी घडली. गजानन प्रतापसिंग चंदनसे (रा. गांधेली) या तरुणाची दुचाकी बंद पडल्याने त्याने साईशरण पेट्रोलपंपाजवळ उभी केली होती. चोरट्याने ही दुचाकी लंपास केली. याप्रकरणी जवाहरनगर पोलिस ठाण्यात गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

‘एनए’च्या निर्णयामुळे लघु उद्योजकांना दिलासा

January 21, 2016, 1:30 pm

≫ Next: गोळ्या घालून व्यापाऱ्याचा खून

≪ Previous: दोन दिवसांत सतरा दुचाकी चोरीस

$

0

0

म. टा. प्रतिनिधी वाळूज
राज्यातील औद्योगिक क्षेत्रातील उद्योग वाढीसाठी राज्य शासनाच्या महसूल विभागाने उद्योग उभारणीसाठी बिगरशेती परवानगीची अट शिथील केल्याचा निणर्य घेतला आहे. या निर्णयामुळे लघु उद्योजकांना दिलासा मिळाला असून नव्याने उद्योग उभारणाऱ्या उद्योजकांना बँकेकडून भांडवल मिळण्याचा मार्ग मोकळा झाला आहे.
वाळूज औद्योगिक परिसराची स्थापना झाल्यानंतर अनेक मोठे उद्योग येथे आले. त्यांना आ‍वश्यक असलेले स्पेअरपार्ट बनविण्यासाठी लघु व सूक्ष्म उद्योजक सरसावले. मात्र सर्वांनाच एमआयडीसीकडून जागा मिळाली नाही. त्यामुळे लघु व सूक्ष्म उद्योजकांनी एमआयडीसी लगत असलेल्या जमिनीवर उद्योग उभारले आहेत. मात्र त्यासाठी त्यांना अकृषक जमीन नसल्याने उद्योग उभारणीसाठी सर्व भांडवल स्वतः उभारावे लागते. बँकेकडून भांडवल मिळण्याची शक्यता नसतेच. वाळूज औद्योगिक परिसरालगत जोगेश्वरी, रांजणगाव शेणपुंजी, करोडी, घाणेगाव, वाळूज, तिसगाव, विटावा, वडगाव कोल्हाटी, शिवराई, लिंबेजळगाव, जिकठाण, कासोडा आदी गावाच्या हद्दीत खासगी जागेवर उद्योग सुरू आहेत. या उद्योजकांना आजही एमआयडीसीकडून मिळाणाऱ्या सोयी व सुविधांपासून वंचित राहावे लागते. हा पेच एनएची अट शिथील करण्याच्या नियमामुळे सुटणार आहे. या निर्णयामुळे लघु व सूक्ष्म उद्योगांना बँकेकडून भांडवल मिळण्याचा मार्ग मोकळा होण्याची शक्यता आहे.

नव्याने उद्योग उभारणीसाठी एनएन गरज असते. ही प्रक्रिया अत्यंत किचकट व वर्षानुवर्ष वाट पाहावी लागणारी आहे. नवीन निर्णयामुळे तातडीने एनए होऊन उद्योग उभारणीसाठी चालना मिळणार आहे. शिवाय बँकेकडून भांडवल मिळू शकते. हा निणर्य उद्योजक व कामगार यांना दिलासा देणारा आहे.
-भारत मोतिंगे, माजी अध्यक्ष, मासिआ

उद्योग वाढीसाठी शासनाचा निणर्य रास्त असून आहे. परंतु, यापुढील काळात २४ तास वीजपुरवठा उपलब्ध होण्याची गरज आहे. या निणर्यामुळे उद्योग उभारणीचा प्रश्न मिटू शकतो मात्र, त्यानंतर विजेचा त्रास सहन करावा लागेल. त्यामुळे अविरत वीजपुरवठा होणे महत्त्वाचे आहे.

-सुनील किर्दक, सचिव, मासिआ

उद्योग उभारणीसाठी हा निर्णय महत्त्वाचा असून उद्योजकांसाठी आनंददायी आहे. ही अट शिथील झाल्यामुळे वेळेची व पैशाची बचत होऊन उद्योग उभारणीसाठी वेग येईल. उद्योगाची उभारणी लवकर झाली तर, त्याचा फायदा उद्योग व कामगारांना मिळेल.
बी. एस. खोसे, उद्योजक

मोबाइल अॅप डाउनलोड करा आणि राहा अपडेट

गोळ्या घालून व्यापाऱ्याचा खून

January 21, 2016, 1:31 pm

≫ Next: जशी वसुली; तशी कामे!

≪ Previous: ‘एनए’च्या निर्णयामुळे लघु उद्योजकांना दिलासा

$

0

0

म. टा. प्रतिनिधी, औरंगाबाद
मित्राचा वाढदिवस साजरा करण्यासाठी गेलेल्या व्यापाऱ्याचा त्याच्या मित्रानेच डोक्यात गोळ्या घालून खून केल्याची घटना गुरुवारी उघड झाली. अनिल हवासिंग शर्मा (रा. एन. 2, सिडको) असे मृत व्यापाऱ्याचे नाव आहे. नगर रोडवरील हॉटेल नक्षत्र येथे १७ जानेवारीच्या मध्यरात्री ही घटना घडली. या प्रकरणी संतोष जाधव व संतोष जगतापला पोलिसांनी अटक केली आहे.
अनिल शर्मा कामधंद्यानिमित्त पंधरा वर्षांपूर्वी हरियाणा येथून औरंगाबादला आले. वाळूज भागात ट्रान्सपोर्टचा व्यवसाय थाटला. सुमारे ९ वर्षांपूर्वी त्यांची एका बिअर बारमध्ये व्यवस्थापक म्हणून काम करणाऱ्या संतोष माधव पाटील (रा. छत्रपतीनगर, सातारा) याच्याशी ओळख झाली. पुढे दोघांत घनिष्ट मैत्री व कौटुंबिक स्नेहसंबंध वाढले. अनिल व संतोष नेहमी एकत्र फिरत. त्यांच्या नेहमी पार्ट्या होत. याच काळात संतोषने अहमदनगर रोडवरील हॉटेल नक्षत्र चालविण्यासाठी घेतले. व्यवसायासाठी म्हणून त्याने २०१० मध्ये शर्माकडून २० लाख रुपये घेतले. मात्र, काही महिन्यानंतर परतफेडीवरून दोघांत वाद निर्माण झाला. गेल्या सहा महिन्यांपासून त्यांचे संभाषणही कमी झाले होते. या वादातून हा खून झाल्याचे समोर येत आहे. संशयित संतोष पाटीलचा १६ जानेवारीला वाढदिवस होता. पुणे येथील त्यांचा मित्र व संशयित आरोपी संतोष उर्फ बापू कांतीलाल जगताप याने अनिल शर्मा यास १७ जानेवारी रोजी याची कल्पना दिली. वाढदिवस साजरा करण्यासाठी दोघांनी नियोजन केले. जगताप पुण्याहून आला. शर्मा याने केकसह मद्य खरेदी करून कारने हॉटेल नक्षत्र गाठले. त्यानंतर कारचालकास घरी जाण्यास सांगितले. हॉटेलमध्ये शर्मा, जगताप, पाटील यांनी वाढदिवस साजरा केला. तिघांनी मद्यप्राशन केले. मध्यरात्री केक कापण्यात आला, पण त्याच वेळेस जुन्या वादावरून पाटील व शर्मा यांच्यात पुन्हा भांडण झाले. रागाच्या भरात पाटीलने पिस्तुलातून शर्माच्या डोक्यात तीन गोळ्या झाडल्या. शर्माचा खून उघड होऊ नये म्हणून पाटील याने साथीदारांच्या मदतीने त्यांच्या शरीराचे दोन तुकडे केले. पैठण रोडवरील एका पुलाखाली शीर तर मृतदेह पाटोदा शिवारातील बजाजगेट ते वाल्मीरोडवरील नाल्यात फेकून दिला. हॉटेल नक्षत्र येथे बारगर्ल नोकरी करत असल्याची माहिती समोर येत आहे. खून झाल्यानंतर पाटील याने दोन कर्मचाऱ्यांच्या मदतीने मृतदेहची विल्हेवाट लावण्याचा प्रयत्न केला. तर जगताप घटनेनंतर पसार झाला होता. १७ जानेवारीपासून शर्मा घरी न आल्याने त्यांच्या कुंटुंबीयांनी पोलिसांकडे धाव घेतली. चौकशीत खुनाचा प्रकार उघडकीस आला. मृत शर्मा तसेच संशयित पाटील या दोघांकडेही पिस्तुल होती. खून कोणत्या पिस्तुलने झाला व हे शस्त्रे कुठे आहे, तसेच अन्य साथीदार कोण, यांचा शोध पोलिस घेत आहेत. अटकेत असलेल्या दोन्ही संशयितांना कोर्टाने २५ जानेवारीपर्यंत पोलिस कोठडी सुनावली आहे. पोलिस अधीक्षक नवीनचंद्र रेड्डी यांच्या मार्गदर्शनाखाली गुन्हे शाखेचे पोलिस निरीक्षक डॉ. कांचन चाटे, सहायक पोलिस निरीक्षक महेश आंधळे, पोलिस उपनिरीक्षक पी. डी. भारती यांनी ही कामगिरी केली.

मोबाइल अॅप डाउनलोड करा आणि राहा अपडेट

जशी वसुली; तशी कामे!

January 21, 2016, 2:33 pm

≫ Next: लाच घेताना सहायक आरटीओ जाळ्यात

≪ Previous: गोळ्या घालून व्यापाऱ्याचा खून

$

0

0

म. टा. प्रतिनिधी, औरंगाबाद
नगरसेवकांच्या वॉर्डातील विकासकामांची भिस्त आता मालमत्ता कर वसुलीवर अवलंबून राहील. ज्या वॉर्डातून जास्त वसुली, त्या वॉर्डात जास्त विकास कामे, असे सूत्र महापालिका अवलंबिणार आहे.
बुधवारी झालेल्या स्थायी समितीच्या बैठकीत नगरसेवकांनी वॉर्डांमध्ये विकास कामे होत नसल्याबद्दल तक्रारी केल्या. कामच होत नसतील तर बैठका कशासाठी घेता, असा सवाल देखील त्यांनी सभापती दिलीप थोरात यांना केला होता. प्रत्येक नगरसेवकाच्या वॉर्डात विकास कामे करण्यासाठी थोरात यांनी पहिल्या टप्प्यात २५ लाखांची मर्यादा घालून दिली. प्रत्येक नगरसेवकाच्या वॉर्डात २५ लाखांपर्यंतच्या कामांची अंदाजपत्रके तयार करा आणि आठ दिवसांत त्या कामांचे टेंडर काढा असे आदेश त्यांनी दिले होते. त्यानंतर काही नगरसेवकांनी आज आयुक्त सुनील केंद्रेकर यांची भेट घेऊन वॉर्डातील विकास कामांच्या संदर्भात चर्चा केली. विकास कामे सुरू करण्याची विनंती त्यांना केली. वॉर्डांमध्ये विकास कामे करण्याच्या संदर्भात पालिकेच्या प्रशासनाची भूमिका सकारात्मक आहे. वॉर्डात कामे झाली पाहिजेत असेच आमचे मत आहे, असे केंद्रेकर यांनी या नगरसेवकांसमोर स्पष्ट केले. मात्र, मालमत्ता कराच्या वसुलीवर विकास कामे अवलंबून आहेत, त्यामुळे जास्त वसुली झाली तर जास्त कामे करता येतील, असे केंद्रेकरांनी स्पष्ट केले. ज्या नगरसेवकाच्या वॉर्डातून करांची जास्त वसुली होईल, त्या नगरसेवकाच्या वॉर्डात जास्त विकास कामे करू, असे त्यांनी नगरसेवकांशी चर्चा करताना स्पष्ट केले. त्यानंतर नगरसेवकांनी वॉर्डातील थकबाकीदारांची यादी केंद्रेकरांकडे मागितली. थकबाकीदारांची यादी द्या, आम्ही कर भरण्यासाठी पाठपुरावा करू, असे नगरसेवक म्हणाले. केंद्रेकर यांनी वॉर्ड अधिकाऱ्यांना सूचना देऊन नगरसेवकांना थकबाकीदारांची यादी देण्यास सांगितले.
स्वेच्छा निधीतून मुरूम, प्लेव्हर ब्लॉक्स हद्दपार
स्वेच्छा निधीतून नगरसेवकांच्या वॉर्डात काम करताना सुनील केंद्रेकर यांनी चार बाबी हद्दपार केल्या आहेत. तसे आदेश त्यांनी काढले. नगरसेवकांना स्वेच्छा निधीतून मुरूम टाकण्याचे काम करता येणार नाही. प्लेव्हर ब्लॉक्स बसविता येणार नाही. याशिवाय ए-वन आणि रेटलिस्टची कामे देखील त्यांना वॉर्डामध्ये करता येणार नाहीत. या चार घटकांना वगळून नगरसेवकाने वॉर्डातील कामांची शिफारस करावी, असे आवाहन करण्यात आले आहे.

मोबाइल अॅप डाउनलोड करा आणि राहा अपडेट

लाच घेताना सहायक आरटीओ जाळ्यात

January 21, 2016, 1:30 pm

≫ Next: तीन व्यावसायिक मालमत्ता कराविना

≪ Previous: जशी वसुली; तशी कामे!

$

0

0

म. टा. प्रतिनिधी, औरंगाबाद
सहायक प्रादेशिक परिवहन ‌अधिकारी सुधीर जायभाये व एका एजंटाला सात हजार रुपयांची लाच घेताना लाच लुचपत प्रतिबंधक प‌थकाने आरटीओ कार्यालयात गुरुवारी दुपारी बाराच्या सुमारास अटक केली. स्कूलबस परवान्याचे नूतनीकरण व परवाना देण्यासाठी त्यांनी ही लाच घेतली होती.

अथरखान नावाचे कंत्राटदार शाळांना बसचा पुरवठा करतात. त्यांना पाच बससाठी स्कूलबसचा परवाना घ्यायचा होता. त्याचबरोबर सात बससाठी मुलांची ने-आण करण्याचे परमीट, दुय्यम परमीट प्रत आणि आठ स्कूलबसच्या परवान्यांचे नूतनीकरण करायचे होते. त्यांनी सोमवारी कागदपत्र तयार करून सहायक आरटीओ सुधीर ‌जायभाये यांची भेट घेतली. त्यांनी या कामासाठी लागणारे ११ हजार ३५० रुपये शासकीय शुल्क भरण्यास सांगितले. ते जमा केल्यानंतर जायभाये यांनी अथरखान यांच्याकडे दहा हजार रुपयांच्या लाचेची मागणी केली. ही रक्कम त्यांच्या केबीनसमोर बसणाऱ्या बाबू या व्यक्तीकडे देण्यास सांगितले. अथरखान यांनी लाच लुचपत प्रतिबंधक विभागाकडे याबाबत तक्रार दिली. त्यानुसार मंगळवारी आरटीओ कार्यालयात लाचेच्या मागणीची पडताळणी करण्यात आली. यामध्ये जायभाये यांनी सात हजारांची लाच मागितल्याचे निष्पन्न झाले.

य प्रकरणी गुरुवारी दुपारी बारा वाजता आरटीओ कार्यालयात सापळा लावण्यात आला. लाच घेणारा एजंट उपेंद्र उर्फ बाबू जयप्रकाश रॉय (वय ३३, रा. गरमपाणी) व सहायक आरटीओ सुधीर दिनकरराव जायभाये (वय ४२, रा. महाराणा प्रताप हाउसिंग सोसायटी, एन ९, सिडको) यांना अटक करण्यात आली. त्यांच्याविरुद्ध क्रांतिचौक पोलिस ठाण्यात गुन्हा दाखल करण्यात आला आहे. ही कारवाई पोलिस ‌अधीक्षक डॉ. डी. एस. स्वामी, उपाधीक्षक प्रकाश कुलकर्णी, विवेक सराफ, सुरेश वानखेडे, पोलिस निरीक्षक अनिता वराडे यांच्या मार्गदर्शनाखाली श्रीराम नांदुरे, कैलास कामठे आदींनी केली.

तक्रारदाराचा दुसरा ट्रॅप
तक्रारदार हा स्वतः आरटीओमध्ये एजंट म्हणून काम करत असल्याची माहिती सूत्रांनी दिली. यापूर्वी देखील त्याच्या तक्रारीवरून लाच लुचपत प्रतिबंधक पथकाने आरटीओमध्ये कारवाई केली होती.

मोबाइल अॅप डाउनलोड करा आणि राहा अपडेट

---

तीन व्यावसायिक मालमत्ता कराविना

January 21, 2016, 1:35 pm

≫ Next: चिमुकलीवर बलात्कार; हायकोर्टात फाशी कायम

≪ Previous: लाच घेताना सहायक आरटीओ जाळ्यात

$

0

0

म. टा. प्रतिनिधी, औरंगाबाद
पैठणगेट सारख्या व्यावसायिकदृष्ट्या महत्त्वाच्या असलेल्या परिसरात तीन व्यावसायिक मालमत्तांना आतापर्यंत कराची आकारणीच करण्यात आली नसल्याची बाब उघड झाली. महापालिकेच्या वसुली दिंडीत याचा भांडाफोड झाला. आता या मालमत्तांना कर आकारणी केली जाणार आहे. वसुली दिंडीत चार लाख ७० हजार रुपयांचे पोस्ट डेटेड चेक जमा झाले.
मालमत्ता कर वसुलीचे प्रमाण वाढवण्यासाठी महापालिकेने गुरुवारपासून वसुली दिंडी काढण्याचे ठरवले आहे. शहराच्या विविध भागात दिंडी काढून थकबाकीदारांना कर भरण्याचे आवाहन या दिंडीच्या माध्यमातून केले जाणार आहे. कर भरण्यासाठी संबंधितांना तीन दिवसांचा अवधी दिला जाणार आहे. तीन दिवसांत कर न भरल्यास त्यांच्यावर कायदेशीर कारवाई करण्याचा इशारा दिला जात आहे. आज सकाळी दहाच्या सुमारास पैठणगेट येथून वसुली दिंडी सुरू करण्यात आली. यात अतिरिक्त आयुक्त रमेश पवार, उपायुक्त अय्युब खान, वॉर्ड अधिकारी एस. आर. जरारे व अन्य कर्मचारी सहभागी झाले होते. दिंडीतील अधिकारी - कर्मचाऱ्यांना पैठणगेट परिसरातच तीन व्यावसायिक मालमत्तांना कर आकारणी करण्यात आली नसल्याचे लक्षात आले. त्यामुळे या मालमत्तांची पडताळणी करण्याचे आदेश देण्यात आले. पडताळणी झाल्यावर त्या तीन मालमत्तांचा तपशील जाहीर केला जाणार आहे.
६ लाख २० हजार वसूल
पैठणगेट ते औरंगपुरा दरम्यान वसुली दिंडी काढण्यात आली. यावेळी १०४ मालमत्तांना भेटी देण्यात आल्या. या सर्व मालमत्तांकडून ३८ लाख रुपयांच्या कराची वसुली बाकी आहे. त्यापैकी सहा लाख वीस हजार रुपये रोख वसूल झाले, ४ लाख ७० हजार रुपयांचे पोस्ट डेटेड चेक जमा झाले. वसुली दिंडी उद्या शुक्रवारी देखील काढली जाणार आहे.

मोबाइल अॅप डाउनलोड करा आणि राहा अपडेट

चिमुकलीवर बलात्कार; हायकोर्टात फाशी कायम

January 21, 2016, 2:37 pm

≫ Next: प्राणिसंग्रहालयाचे तिकीट वाढणार

≪ Previous: तीन व्यावसायिक मालमत्ता कराविना

$

0

0

औरंगाबाद : दोन वर्षाच्या चिमुकलीवर बलात्कार करून तिचा खून केल्याप्रकरणी दोषी आढळलेल्या रवी धुमारे या नराधमाला जालना सेशन कोर्टाचे न्यायाधीश आशुतोष करमरकर यांनी फाशीची शिक्षा सुनावली होती. ही शिक्षा मुंबई हायकोर्टाच्या औरंगाबाद खंडपीठाचे न्या. ए. व्ही. निरगुडे व न्या. इंदिरा जैन यांनी कायम केली.
शहरातील जुना जालना इंदिरानगर येथील दोन वर्षीय चिमुकली ६ मार्च २०१२ रोजी खेळण्यासाठी घरातून बाहेर गेली होती. त्यावेळी शेजारी राहणाऱ्या रवी अशोक घुमारे याने तिला चॉकलेटचे आमिष दाखवून तिच्यावर बलात्कार केला. यानंतर अनैसर्गिक कृत्य करून गळा आवळून तिचा खून केला. या घटनेनतर संतप्त जमावाने दगडफेक आणि तोडफोड केल्याने जालना शहरात दंगलसदृश्य परिस्थिती निर्माण झाली होती. याप्रकरणी चिमुकलीचा बलात्कार करून खून केल्याप्रकरणी गुन्हा दाखल करून कदीम जालना पोलिसांनी कोर्टात दोषारोपपत्र दाखल करण्यात आले. सेशन कोर्टाचे न्यायाधीश आशुतोष करमरकर यांनी आरोपी रवी घुमारेला दोषी ठरवून फाशीची शिक्षा सुनावली होती. सेशन कोर्टाने सुनावलेली फाशी हायकोर्टात शिक्कामोर्तब करावी लागते. आरोपीनेही हायकोर्टात अपील दाखल केले. अल्पवयीन मुलीवर बलात्कार करुन खून करण्याचे प्रमाण वाढले आहे. यासाठी सुप्रीम कोर्टाने अशा १२ प्रकरणात फाशीच्या शिक्षेवर शिक्कामोर्तब केल्याचे खंडपीठातील सरकारी वकील अमरजितसिंह गिरासे यांनी कोर्टाला दाखले दिले. त्यातील महाराष्ट्रातील ४ आरोपींचा समावेश आहे. महाराष्ट्रात ६ वर्षाच्या आतील मुलींवर बलात्कार करून खून केल्याच्या १११ घटना घडल्याची आकडेवारीही गिरासे यांनी कोर्टात सादर केली. खंडपीठाने रवी घुमारेच्या फाशीवर शिक्कामोर्तब केले. आरोपीचे अपील फेटाळून लावले.

मोबाइल अॅप डाउनलोड करा आणि राहा अपडेट

प्राणिसंग्रहालयाचे तिकीट वाढणार

January 21, 2016, 3:39 pm

≫ Next: माझं शिवार : पिकवणार तोच विकणार!

≪ Previous: चिमुकलीवर बलात्कार; हायकोर्टात फाशी कायम

$

0

0

म. टा. प्रतिनिधी, औरंगाबाद
आगामी काळात सिध्दार्थ उद्यानातील प्राणिसंग्रहालयाचे तिकीट ५० अथवा, १०० रुपयांवर गेल्यास आश्चर्य वाटू देऊ नका. कारण तिकीट वाढविण्याचा प्रस्ताव महापालिका प्रशासन तयार करत आहे.
राज्यातील इतर प्राणिसंग्रहालयाच्या तुलनेत औरंगाबादमधील प्राणिसंग्रहालयाचे तिकीट फार कमी आहे. त्यामुळे हे दर वाढवले पाहिजेत, असे प्रशासनाचे मत आहे. प्राणिसंग्रहलायातील माकड पळून गेल्याच्या पार्श्वभूमीवर 'मटा' ने प्राणिसंग्रहालयातील मोडकळीस आलेल्या पिंजऱ्यांबद्दल वृत्त प्रसिध्द केले. मोडकळीस आलेल्या पिंजऱ्यांची चर्चा सुरू असतानाच गुड्डू या पिवळ्या वाघाचे निधन झाले. त्यामुळे आयुक्त सुनील केंद्रेकर, महापौर त्र्यंबक तुपे, उपमहापौर प्रमोद राठोड, सभागृहनेता राजेंद्र जंजाळ यांनी प्राणिसंग्रहालयास भेट देऊन तेथील सोयी-सुविधांची पाहणी केली. राज्यातील अन्य शहरात असलेल्या प्राणिसंग्रहालयाच्या तुलनेत औरंगाबादेतील प्राणिसंग्रहालयाचे तिकीट कमी आहे, असे यावेळी लक्षात आहे. औरंगाबादेत मोठ्यांसाठी १० रुपये तर लहानांसाठी ५ रुपये तिकीट आकारले जाते. अन्य प्राणिसंग्रहालयांसाठी ५० ते १०० रुपयांच्या दरम्यान तिकीट आहे. त्यामुळे त्याप्रमाणात तिकीट असावे, असा प्रस्ताव प्रशासनातर्फे तयार करण्याचे ठरविण्यात आले आहे.
दरम्यान, प्राणिसंग्रहालयातील मोडकळीस आलेले पिंजरे तातडीने दुरुस्त करण्याचे आदेश आयुक्तांनी दिले आहेत. नाल्याकाठची पडलेली भिंत बांधण्याच्या फाइलला देखील त्यांनी मंजुरी दिली. भिंत बांधण्यासाठी अवास्तव खर्च न करता काम करा, असे आदेश त्यांनी दिले. त्याशिवाय हत्तीघराची तुटलेली संरक्षक भिंत, वाघांच्या पिंजऱ्याला पडलेले तडे यांच्या दुरुस्तीची कामे केली जाणार आहेत.
स्वतंत्र बॅँक खाते
प्राणिसंग्रहालयाच्या माध्यमातून मिळणारे उत्पन्न प्राणिसंग्रहालयातच खर्च व्हावे यासाठी स्वतंत्र बँकखाते उघडण्याचे आदेश आयुक्तांनी दिले आहेत. त्यामुळे जमा होणाऱ्या पैशातून प्राणिसंग्रहालयात देखभाल दुरुस्तीची कामे करता येणार आहेत.

मोबाइल अॅप डाउनलोड करा आणि राहा अपडेट

माझं शिवार : पिकवणार तोच विकणार!

January 21, 2016, 1:30 pm

≫ Next: शुल्कवाढीमागे दबावाचेच राजकारण

≪ Previous: प्राणिसंग्रहालयाचे तिकीट वाढणार

$

0

0

Tushar.Bodkhe@timesgroup.com
बाजारभाव व हवामानाचा अंदाज नसल्यामुळे शेती तोट्यात जाते; मात्र पिकवणाराच विकणारा झाल्यास शेती फायदेशीर ठरते आदर्श वस्तुपाठ खिर्डी येथील शिवाजी धोतरे व दत्तू धोतरे या बंधुंनी घालून दिला. हळद प्रक्रिया उद्योग ही धोतरे यांची ओळख झाली आहे.

पिकवतो त्याला विकता येत नाही, अशी समजूत दृढ आहे. शेतीमाल विक्री करताना शेतकऱ्यांसाठी फायदेशीर यंत्रणा नसल्याची वस्तुस्थिती सार्वत्रिक आहे. बाजारपेठेत व्यापाऱ्यांची साखळी तोडणे शक्य नसल्याने पडत्या बाजारभावात शेतीमाल विकण्याची नामुष्की शेतकऱ्यांवर वारंवार येते. उत्पादक कधीच विक्रेता झाला नसल्याने शेतीचे अर्थकारण तोट्यात असते. या बिकट परिस्थितीवर खिर्डी (ता. खुलताबाद) येथील शिवाजी धोतरे व दत्तू धोतरे या शेतकरी बंधुंनी यशस्वी मात केली. शेतात हळद लागवड करून ते थांबले नाही तर गावात स्वतःचा प्रक्रिया उद्योग उभारून हळद पावडरची निर्मिती सुरू केली. घरची फक्त सात एकर जमीन धोतरे यांच्याकडे होती; मात्र भाजीपाला उत्पादन करणारे शेतकरी अशी सखाराम धोतरे यांची पंचक्रोशीत ओळख होती. १९८३मध्ये 'शेतीनिष्ठ पुरस्कारा'ने त्यांना सन्मानित करण्यात आले होते. वडिलांचा हा वारसा शिवाजी व दत्तू धोतरे यांनी जपला. दोघे शेतीत झोकून काम करीत असल्यामुळे मागील पंधरा वर्षात कायापालट झाला. २०११-१२मध्ये एक एकरवर त्यांनी हळदीचे पीक घेतले. त्याला चांगला बाजारभाव मिळाला. 'पुढील वर्षी पाच एकरावर हळद लागवड केली, पण बाजारभाव कोसळले. लागवडीसाठी भरपूर खर्च झाला होता. हळकुंड विकूनही खर्चाची वसूल होणे शक्य नव्हते. त्यामुळे हळद पावडर विकू अशी कल्पना सूचली आणि हळद प्रक्रिया उद्योग सुरू केला,' असे शिवाजी धोतरे यांनी सांगितले. प्रत्येकी साठ हजार रुपयांचे दोन यंत्र खरेदी केले. एका यंत्रात हळकुंडाचे तुकडे करतात आणि दुसऱ्या ग्राइंडरमध्ये हळद पावडर तयार होते. कमी भांडवलात उद्योग उभारण्यात यश आले. सध्या धोतरे यांच्याकडे १८ एकर शेती आहे. १९९८मध्ये सात एकर शेती होती. शिवाय कर्जाचा डोंगर होता. केवळ शेतीतील नावीन्यपूर्ण प्रयोगांमुळे कमालीचे यश मिळाले. या बळावरच त्यांनी अधिक शेती खरेदी केली. भाजीपाला उत्पादनातून प्रत्येक आठवड्याला तीस हजार रुपये उत्पन्न मिळते. मोठे बंधू दत्तू धोतरे औरंगाबाद शहरासह इतर आठवडी बाजारात भाजीपाला विक्री करतात. संपूर्ण व्यवस्थापन शिवाजी धोतरे सांभाळतात. धोतरे कुटुंब एकत्र असल्यामुळे मनुष्यबळाची कमतरता नाही. घरातील आठ सदस्य पूर्णवेळ शेती करतात. शिवाय कायमस्वरूपी काही मजूर आहेत. सध्या धोतरे यांच्याकडे पत्ताकोबी, फुलकोबी, टोमॅटो, भोपळे, पालक, करडई, मुळा हा भाजीपाला आहे. भाजीपाल्याची गरजेनुसार तोडणी करून विक्री करतात. अतिरिक्त उत्पादन जाधवमंडीत विकतो, असे धोतरे यांनी सांगितले. हवामान बदलाचा फटका शेती व्यवसायाला बसला आहे. या संकटाचा सामना धोतरे यांनाही करावा लागत आहे. कमी पर्जन्यमानामुळे पाणी टंचाई आहे. स्वतःच्या दोन विहिरीतून त्यांनी १८ एकर शेती फुलविली आहे.

तब्बल तीन किलोमीटर पाइप लाइन करून पाणी आणले. खिर्डी परिसरातील शेतकरी पारंपरिक पीक घेतात; मात्र धोतरे यांनी नगदी पिकांची जोड दिल्यामुळे शेती फायद्यात आली. हळद प्रक्रिया उद्योगाने विशेष हातभार लावला. मागणीनुसार हळद पावडर निर्मिती करतात. दरमहा जवळपास चार क्विंटल हळद पावडर विक्री होते. औरंगाबाद शहरातील हॉटेल्स व दुकानात माल पुरवला जातो. धान्य महोत्सव, कृषी प्रदर्शनातही हळद विक्री वाढते. हळद प्रक्रिया उद्योगातून धोतरे यांना वार्षिक १८ लाख रुपये निव्वळ नफा मिळतो तर, भाजीपाला उत्पादन, कांदा बीज विक्रीतून वेगळे उत्पन्न मिळते. फायद्यातील शेतीमुळे धोतरे यांचे कुटुंब आर्थिकदृष्ट्या स्थिरस्थावर झाले. आता परिसरातील शेतकऱ्यांना हळद लागवडीसाठी उद्युक्त करून प्रक्रिया उद्योगाचा विस्तार करण्याचे ध्येय आहे. या माध्यमातून शेतकऱ्यांचा नगदी पिकातून फायदा होईल आणि धोतरे यांना कच्चा माल सहज मिळणार आहे. दुष्काळाचा सामना करणाऱ्या शेतकऱ्यांसाठी धोतरे यांची यशोगाथा दिशादर्शक आहे.

४० टक्के नफा हमखास

हळकुंडाची विक्री करण्यापेक्षा हळद पावडर करण्याचा धोतरे यांचा निर्णय फायदेशीर ठरला असून, प्रतिएकर एक लाख २० हजार नफा मिळत आहे. हळदीच्या सेलम जातीचे वाणाची लागवड करतात. परजिल्ह्यातील शेतकरीही धोतरे यांची शेती पाहण्यासाठी येतात. हळद विक्रीतून किमान ४० टक्के नफा मिळतो. पारंपरिक पिकांना नगदी पिकाची जोड दिल्यास प्रत्येक शेतकरी आर्थिकदृष्ट्या स्वावलंबी होईल असे धोतरे यांना वाटते.

मोबाइल अॅप डाउनलोड करा आणि राहा अपडेट

शुल्कवाढीमागे दबावाचेच राजकारण

January 21, 2016, 1:30 pm

≫ Next: कुलसचिवपदाचा फैसला आज

≪ Previous: माझं शिवार : पिकवणार तोच विकणार!

$

0

0

औरंगाबाद : डॉ. बाबासाहेब आंबेडकर मराठवाडा विद्यापीठातील छोट्या-छोट्या निर्णयातही आता भारतीय जनता पक्षाच्या नेत्यांचा शब्द प्रमाण मानला जात असल्याची चर्चा आहे. शुल्कवाढीस बळ देणाऱ्या निर्णयातही असाच दबाव होता. आघाडीच्या सरकारच्या काळात राष्ट्रवादीचा शब्द विद्यापीठात अंतिम असे. सत्ताबदलानंतर ही जागा भाजपने घेतली आहे. दबावतंत्रामुळे विद्यापीठातील राजकारण नव्याने चर्चेत आले आहे.

विद्यापीठात आघाडी सरकारच्या राष्ट्रवादी काँग्रेसचा शब्द प्रमाण मानला जायचा. अनेक नियुक्त्यांमधूनही हा प्रकार समोर आला. सत्ता बदलताच आता भाजपने राष्ट्रवादीची जागा घेतली आहे. विद्यापीठ उपक्रमात भाजप नेत्यांचा सहभाग वाढल्याचेही चित्र आहे. सत्रपद्धतीने शुल्क आकारणीस प्रशासनाने परवानगी द्यावी, अशा मागणीसाठी २९ डिसेंबरला कायम विनाअनुदानित वरिष्ठ महाविद्यालय कृती समितीने कुलगुरूंची भेट घेतली होती. या समितीत भाजपचे पदाधिकारी, कार्यकर्ते आहेत. या भेटीनंतर लगेच प्रशासनाला शुल्कवाढीला हिरवा कंदिल दाखविला.
प्रशासनाने विद्यार्थ्याचे हित लक्षात घ्यायला हवे. सत्ताधारी पक्षाचा आहे, म्हणून त्याचे शब्द विचारात घेणे मुळात चुकीचे आहे. दुष्काळात शुल्कवाढीचा आग्रह धरणे चुकीचे आहे. याचा निषेध केलाच पाहिजे. कॉलेजमध्ये सुविधा नसताना शुल्कवाढच मुळात चुकीची आहे.
- पंडित तुपे,
माजी अधिसभा सदस्य

शैक्षणिक क्षेत्रात कोणताही राजकीय दबाव असता कामा नये. विद्यापीठ प्रशासनानेही विद्यार्थी हिताचे निर्णय घ्यावेत. राजकीय दबावाला बळी पडता कामा नये. शुल्कवाढीसाठी कोणाचा दबाव आला असेल तर, अयोग्यच आहे.
- स्वप्नील बेगडे, अभाविप.

अधिसभेतही शुल्कवाढीबाबत चर्चा झाली होती, परंतु एकीकडे दुष्काळामुळे शैक्षणिक शुल्कमाफीची मागणी आपण करतो. त्याचवेळी प्रशासन दबावात येऊन असे निर्णय घेत असेल तर ते योग्य नाही. भाजपकडून दबावतंत्र वापरले जाते आहे, जे चुकीचे आहे.
- अण्णासाहेब खंदारे,
माजी अधिसभा सदस्य

सत्ताधाऱ्यांचा दबाव पडद्यामागून असतो. अनेक निर्णयात तो दिसून येतो. पूर्वी राष्ट्रवादीचा दबाव होता. आता भाजपचा दबाव असेलही, परंतु यात शुल्कवाढीसारखे निर्णय घेतलाच कसा जातो, असा आमचा प्रश्न आहे. आमचा अशा प्रकाराला विरोध कायम असणार आहे.
- तुकाराम सराफ, भाविसे.

मोबाइल अॅप डाउनलोड करा आणि राहा अपडेट