'राम आज चार लेकरात जिवंत आहे. त्या लेकरांनी आई म्हणून एकदा तरी हाक मारावी,' अशी अपेक्षा मंदा मगर यांनी व्यक्त केली. बुलडाणा जिल्ह्यातील देऊळगाव माळी येथील ब्रेन डेड राम मगर यांच्या त्या आई आहेत.
महात्मा गांधी मिशनतर्फे मंगळवारी महिला दिनानिमित्त विविध क्षेत्रांतील महिलांना सक्षमा गौरव पुरस्कार प्रदान करण्यात आले. हा कार्यक्रम रुख्मिणी सभागृहात पार पडला. या कार्यक्रमाला एमजीएमचे सचिव अंकुशरावजी कदम, विश्वस्त डॉ. प्रताप बोराडे, अर्पणा कक्कड, डॉ. रेखा शेळके,जयश्री जाधव, शशिकला बोराडे, अनुराधा कदम यांची उपस्तिथी होती. मुंबई येथील जे. जे. हॉस्पिटलच्या नेत्रशल्यविशारद डॉ. रागिणी पारेख, सामाजिक कार्यकर्त्या मुमताज शेख, पुणे येथील पोलिस कर्मचारी व कवयित्री बालिका बिटले, पत्रकार मृणमयी रानडे, शेतकाम करत विक्रीकर निरीक्षकपदापर्यत मजल मारणाऱ्या सोनाली राऊत, पोस्टमन प्रियंका भवरे, शाळेतील मदतनीस सुनिता बनकर, ब्रेन डेड मुलाच्या अवयवदानाचा निर्णय घेणाऱ्या मंदा मगर यांना सक्षमा पुरस्कार देऊन गौरविण्यात आले.
'दुसऱ्याच्या पोटचा गोळा वाचला पाहिजे म्हणून ब्रेन डेड झालेल्या राम या एकुलत्या एक मुलाचे अवयव दान करण्याचा निर्णय घेतला,' असे मंदा मगर यांनी सांगितले. त्यांना भावना ऐकूण अनेकांचे डोळे पानावले. पुरस्कार स्वीकारताना सभागृहातील उपस्थितांनी उभे राहून त्यांच्याप्रति सन्मान व्यक्त केला. 'मानव जन्म वाया घालवू नको, दुर्देवाने अशी वेळ कोणावरही येऊ नये पण, जर का आली तर तर अवयव दान करा,' असे आवाहनही त्यांनी केले. 'हजारो शस्त्रक्रिया केलेल्या असतानाही आजही शस्त्रक्रिया करताना ती पहिलीच असल्याचे मानते, कारण प्रत्येक डोळा हा महत्वाचाच असतो, त्यामुळेच शंभर टक्के योगदान देत सेवा करणाऱ्यावर भर असतोच,' अशी भावना डॉ. पारेख यांनी व्यक्त केली.
मोबाइल अॅप डाउनलोड करा आणि राहा अपडेट
म. टा. प्रतिनिधी, बीड
म. टा. प्रतिनिधी, बीड
म. टा. प्रतिनिधी, बीड
म. टा. प्रतिनिधी, बीड
म. टा. प्रतिनिधी, बीड
