म. टा. प्रतिनिधी, औरंगाबाद
करमाड परिसरात रविवारी अर्धवट जळालेल्या अवस्थेत सापडलेला मृतदेह शिवाजी अर्जून खरात (वय ३१, रा. राजगुरुनगर, बीड बायपास) या प्राध्यापकाचा असल्याचे उघड झाले आहे. व्यावसायिक वादातून मारेकऱ्यांनी हा खून केल्याचे समजते.
खरात हे वाळूज परिसरातील महाविद्यालयात म्हणून कार्यरत होते. ते मित्रांसोबत भागिदारीमध्ये शेळी पालनाचा व्यवसाय सुरू करण्यासाठी प्रयत्नशील होते. मात्र, व्यवसायातून त्यांच्यात नेहमी खटके उडायचे. खरात बदनामी करतो, असा मित्रांना संशय आला. त्यातूनच त्यांनी त्यांचा खून केला असावा, अशी शक्यता आहे. १९ मार्च रोजी मित्र असलेल्या तीन संशयित आरोपींनी खरात यांना दुचाकीवर बसवून करमाड परिसरातील निर्मनुष्य भागात नेले. त्यांच्यापैकी एकाने धारदार शस्त्राने त्यांचा गळा चिरला. मृतदेह जाळण्याचा प्रयत्न झाला. मात्र, तो अर्धवट जळाला. त्यामुळे त्यांनी पुरावा नष्ट करायचा म्हणून एका पोत्यात मृतदेह टाकायचा प्रयत्न केला. मात्र, मृतदेह पोत्यात जात नव्हता. त्यामुळे दोन्ही हात आणि पाय कापून मृतदेह आडगाव मोहालीतील तलावात फेकल्याचे समोर आले आहे.
गोव्यातून तिघे ताब्यात
ग्रामीण पोलिसांच्या पथकाने तीन संशयितांना शुक्रवारी गोव्याहून ताब्यात घेतले आहे. मध्यरात्रीपर्यंत हे पथक औरंगाबादला पोहोचणार आहे. खून का, कशासाठी केला हे चौकशीतूनच समोर येईल, असे म्हणत पोलिसांनी अधिक माहिती देण्यास नकार दिला.
मोबाइल अॅप डाउनलोड करा आणि राहा अपडेट
म. टा. प्रतिनिधी, उस्मानाबाद
