म. टा. प्रतिनिधी, औरंगाबाद
महापालिका पोटनिवडणुकीच्या रिंगणात साताऱ्यातून ४ तर देवळाईतून १८ उमेदवार रिंगणात आहेत. मंगळवारी उमेदवारी अर्ज भरण्याचा शेवटचा दिवस होता. सातारा अनुसूचित जमातीच्या महिला प्रवर्गासाठी, तर देवळाईचा वॉर्ड खुल्या प्रवर्गासाठी सुटला आहे.
शिवसेनेने सातारा वॉर्डातून पल्लवी गायकवाड व देवळाई वॉर्डातून हरिभाऊ हिवाळे यांना उमेदवारी दिली आहे. या दोन उमेदवारांसह सेनेने सातारा येथील खंडोबा मंदिरापासून मिरवणूक काढली. जिल्हाप्रमुख अंबादास दानवे यांनी मिरवणुकीचे नेतृत्व केले. यावेळी उपजिल्हाप्रमुख नंदकुमार घोडेले, गणेश चोपडे, सिद्धांत शिरसाट, राजेंद्र राठोड, जिल्हा परिषद सदस्य योगीता बाहुले, रमेश बाहुले यांच्यासह अन्य कार्यकर्ते उपस्थित होते. काँग्रेसने सातारा वॉर्डातून सायली जमादार यांना, तर देवळाईतून राजू नरवडे यांना उमेदवारी दिली आहे. या दोन्हीही उमेदवारांचे अर्ज दाखल करण्यासाठी काँग्रेसचे शहराध्यक्ष अॅड. सय्यद अक्रम, आमदार सुभाष झांबड, माजी आमदार डॉ. कल्याण काळे, जितेंद्र देहाडे उपस्थित होते. भाजप तर्फे देवळाईतून अप्पासाहेब हिवाळे यांना उमेदवारी देण्यात आली. त्यांनी उमेदवारी अर्ज दाखल केला. सातारा वॉर्डातून मात्र भाजपने उमेदवार निश्चित केला नाही. राजश्री पल्लेवाड व सुरेखा बावस्कर या दोन्ही उमेदवारांचे अर्ज दाखल करण्यात आले. कुणाची उमेदवारी कायम ठेवायची याचा निर्णय बुधवारी छाननीच्या वेळी घेतला जाणार आहे. या उमेदवारांचे अर्ज दाखल करताना तनवाणी यांच्यासह विनायक हिवाळे, नगरसेवक रामेश्वर भादवे, माजी नगरसेवक सुरेंद्र कुलकर्णी, ज्ञानेश्वर बोरसे यांच्यासह अन्य कार्यकर्ते उपस्थित होते.
उमेदवारांची वॉर्ड निहाय नावे
देवळाई वॉर्ड क्रमांक ११४ - नामदेव बाजड (अपक्ष), हरी हिवाळे (शिवसेना), अप्पासाहेब हिवाळे (भाजप), शिवाजी हिवाळे (शिवसेना), शेख असलम हबीब (अपक्ष), मीनाक्षी देशपांडे ( काँग्रेस व अपक्ष), हरिभाऊ राठोड (अपक्ष), मृणालिनी लाटकर (काँग्रेस), कैलास पाटील (अपक्ष), इद्रीस शेख (अपक्ष), रवींद्र बनकर (अपक्ष), पार्वती मुंदडा (अपक्ष), राजू नरवडे (काँग्रेस), राजेंद्र कानडे (भाजप), पठाण अय्यूब जब्बारखाँ (भाजप), हेमा पाटील (काँग्रेस), शेख जियाउल्लाह शेख अकबर (अपक्ष). सातारा वॉर्ड क्रमांक ११५ - पल्लवी गायकवाड (शिवसेना), राजश्री पल्लेवाड (भाजप), सायली जमादार (काँग्रेस), सुरेखा बावस्कर (भाजप).
काँग्रेसतर्फे उमेदवारी दाखल
सातारा व देवळाई वॉर्डाच्या निवडणुकीसाठी काँग्रेसच्या वतीने दोन्ही उमेदवारांचे अर्ज दाखल करण्यात आले. वॉर्ड क्रमांक ११४ मधून राजू नरवडे तर वॉर्ड क्रमांक ११५ सायली जमादार यांना उमेदवारी देण्यात आली. आमदार सुभाष झांबड, शहराध्यक्ष अॅड. सय्यद अक्रम, माजी आमदार डॉ. कल्याण काळे, डॉ. जितेंद्र देहाडे, करीम पटेल, फेरोज पटेल, राजेश मुंडे, रोहन पवार, यशवंत कदम, राजेंद्र दाते पाटील , उस्मान पटेल, सरोज मसलगे आदी उपस्थित होते.
राष्ट्रवादी देवळाईतच
सातारा-देवळाई महापालिका पोटनिवडणूक राष्ट्रवादी काँग्रेस स्वबळावर लढणार आहे. देवळाई या खुल्या वॉर्डातून राष्ट्रवादीच्या तिकिटावर नामदेव बाजड-पाटील हे निवडणूक लढवणार आहेत. राष्ट्रवादीचे शहराध्यक्ष काशीनाथ कोकाटे म्हणाले, 'मतांचे विभाजन होऊ नये म्हणून आम्ही काँग्रेससमेवत आघाडी करण्यास उत्सुक होतो. मात्र, त्यांच्याकडून सकारात्मक प्रतिसाद मिळाला नाही. त्यामुळे राष्ट्रवादीने स्वतंत्रपणेच निवडणूक लढवण्याचे ठरवले आहे. दोनऐवजी एकाच वॉर्डावर लक्ष्य केंद्रीत करून विजय मिळवण्याचा आमचा प्रयत्न आहे.'
मोबाइल अॅप डाउनलोड करा आणि राहा अपडेट
म. टा. प्रतिनिधी, बीड
