पाण्यामुळे चौपदरीकरणाचे काम रखडले

April 11, 2016, 2:30 pm

≫ Next: दोन लाख भाविकांचे इज्तेमात नियोजन

≪ Previous: गळक्या टँकरमुळे टंचाईत भर

$

0

0

म. टा. प्रतिनिधी, बीड
गेल्या अनेक वर्षांपासून प्रतीक्षेत असलेल्या औरंगाबाद-सोलापूर महामार्गाच्या चौपदरीकरणाच्या कामाला पाणी टंचाईचा फटका बसला आहे. महामार्गाचे काम टंचाई स्थिती संपेपर्यंत बंद करण्याचे आदेश जिल्हाधिकाऱ्यांनी दिले आहेत. बीड जिल्ह्यात एकीकडे नागरिकांना आठशे टँकर लावून पाणी पुरवावे लागत असल्याने पुढील पावसाळयापर्यंत पाणी न लागणारे कामे करावीत अशा सूचना ही त्यांनी दिल्या आहेत.
मराठवाड्यात यंदा तीव्र दुष्काळी स्थिती आहे. या भागात पाणीटंचाई जाणवते आहे. या टंचाई स्थितीचा फटका या भागातील विकास कामाला बसतो आहे. बीड जिल्ह्यात मराठवड्यातील इतर जिल्ह्याप्रमाणे दुष्काळ तीव्र आहे. आगामी दोन महिने पाण्याचे काटेकोर नियोजन केल्यास उपलब्ध पाणी पुरू शकेल. त्यामुळे जिल्ह्यातील २५ लाख लोकसंख्या आणि साडे आठ लाख पशुधन जगावण्यासाठी लागणारे पाणी वापर गृहीत धरून जिल्हा प्रशासनाला पावसाळयापर्यंत पाणी पुरवायचे आहे. त्यामुळे ही पाण्याची प्राथमिकता लक्षात घेवून जिल्ह्यातील बांधकामे बंद करण्याचा निर्णय घेण्यात आला आहे. बीड जिल्ह्यामधून जाणारा औरंगाबाद-सोलापूर महामार्गाच्या चौपदरीकरणाच्या कामाला ही तूर्त बंद ठेवण्याचे आदेश दिले असल्याची माहिती जिल्हाधिकारी नवल किशोर राम यांनी दिली.
जिल्ह्यात दोन टक्क्यांहून कमी पाणीसाठा आज घडीला शिल्लक आहे. तसेच जिल्ह्यात आठशे टँकरद्वारे ग्रामीण भागातील पाणी टंचाई दूर केली जात आहे . त्यामुळे आगामी जून महिन्यापर्यंत पाऊस पडेपर्यंत पिण्यासाठी तसेच इतर वापरासाठी पाणी उपलब्ध होईल. यादृष्टीने जिल्हा प्रशासनाने हे काम बंद ठेवण्यास सांगितले असल्याचे राम म्हणाले.
बीड जिल्ह्यातून राष्ट्रीय महामार्गासाठी औरंगाबाद-येडशी (सोलापूर) या रस्त्याच्या दुसऱ्या टप्प्यासाठी निविदा निघाली आहे. 'आयआरबी' या कंपनीला हे काम मिळाले आहे. काही ठिकाणी जमीन संपादन पूर्ण होऊन ते आयआरबीकडे सोपवण्यात आले आहे. कंपनीला ३० महिन्यांत पूर्ण करायचे आहे. बीड शहर, गेवराई, चौसाळा या गावाबाहेरून बाह्य वळण रस्ता जाणार आहे. त्याचबरोबर या टप्प्यातील रस्त्याच्या कामात गोदावरी, मांजरा, सिंदफणा, दुधा, बिंदुसरा या नद्यांवरील महत्त्वाचे पूल रुंद करण्यात येणार आहेत. लहान मोठ्या २३ पुलांचे काम करण्यात येणार आहे. त्यामुळे या पूलांना बांधण्यासाठी पाणी आवश्यक आहे.

रस्ता तयार करताना चोपण्यासाठी पाणी गरजेचे असते. मात्र, बीड जिल्ह्यात पाणी टंचाई असताना या कामाला मोठ्या प्रमाणात पाणी लागण्याची शक्यता गृहीत धरून हा निर्णय घेण्यात आला आहे.
नवलकिशोर राम, जिल्हाधिकारी, बीड

मोबाइल अॅप डाउनलोड करा आणि राहा अपडेट

---

दोन लाख भाविकांचे इज्तेमात नियोजन

April 11, 2016, 2:30 pm

≫ Next: महात्मा फुलेंमुळे इतिहासाला कलाटणी

≪ Previous: पाण्यामुळे चौपदरीकरणाचे काम रखडले

$

0

0

म. टा. प्रतिनिधी, औरंगाबाद
साजापूर येथे पार पडलेल्या दोन दिवसांच्या जिल्हास्तरीय इज्तेमामध्ये दोन लाख भाविकांचे यशस्वी नियोजन करण्यात आले. या इज्तेमाचा समारोप रविवारी दुपारी विशेष प्रार्थनेने करण्यात आला.
औरंगाबादपासून जवळ असलेल्या साजापूर येथे ९ एप्रिलपासून जिल्हास्तरीय इज्तेमाचे आयोजन करण्यात आले होते. या इज्तेमामध्ये कन्नड, पैठण, खुलताबाद, सिल्लोड, वैजापूर, गंगापूर व शहरातील सुमारे दोन लाख नागरिक सामील झाले होते. या कार्यक्रमाचे नियोजन तीन महिन्यांपासून करण्यात येत होते. यासाठी दीडशे एकरमध्ये नियोजन करण्यात आले होते. येथे विविध मशिदींतर्फे भोजनाची व्यवस्था करण्यात आली होती. मौलाना मुबीन, मुफ्ती उस्मान, मौलाना शोएब मामुरा यांनी इस्लाममध्ये सांगितलेल्या कर्तव्याची रविवारी माहिती दिली. या कार्यक्रमात १३८ जोडप्यांचा सामूहिक विवाह लावण्यात आला. यावेळी मौलाना युनूस पालमपूरी यांनी साध्या पद्धतीने लग्न करण्याचे आवाहन केले. प्रेषित महंमद पैगंबर यांच्या शिकवणीनुसार जीवन जगावे, आपण ज्या देशात राहत आहोत, त्या देशातील इतर नागरिकांसोबत बंधुभावाने वागावे, असे आवाहन मौलाना युनूस पालमपुरी यांनी सायंकाळच्या नमाजनंतर केले. यावेळी भरपूर पावसासाठी प्रार्थना करून इज्तेमाचा समारोप करण्यात आला.

मोबाइल अॅप डाउनलोड करा आणि राहा अपडेट

महात्मा फुलेंमुळे इतिहासाला कलाटणी

April 11, 2016, 2:30 pm

≫ Next: उदात्त तळमळीतून घडले जिज्ञासू विद्यार्थी

≪ Previous: दोन लाख भाविकांचे इज्तेमात नियोजन

$

0

0

म. टा. प्रतिनिधी, औरंगाबाद
'देशात स्त्री शिक्षणाची पायाभरणी करणारे महात्मा ज्योतिबा फुले यांनी विधवा पुनर्विवाहासारख्या सामाजिक सुधारणाद्वारे भारताच्या इतिहासाला कलाटणी दिली. अठराव्या शतकात एवढा कर्ता महापुरूष जगाच्या इतिहासात कुठेही निर्माण झाला नाही,' असे प्रतिपादन ज्येष्ठ इतिहासतज्ज्ञ प्राचार्य सोमनाथ रोडे यांनी केले.
डॉ. बाबासाहेब आंबेडकर मराठवाडा विद्यापीठातील नाट्यगृहात महात्मा फुले यांच्या जयंतीनिमित्त सोमवारी त्यांचे व्याख्यान आयोजित करण्यात आले होते. कार्यक्रमाच्या अध्यक्षास्थानी कुलगुरू डॉ. बी. ए. चोपडे होते. यावेळी प्रा. रवींद्र ठाकूर यांची प्रमुख उपस्थिती होती.
'महाराष्ट्राला विद्रोही विचारांची मोठी परंपरा असून सरंजामी राज्यव्यवस्था व सामाजिक रुढी परंपराचे जोखड महात्मा ज्योतिबा फुले यांनी झुगारून लावले. सुरुवातीला छत्रपती शिवाजी महाराजांनी सरंजामी व्यवस्थेच्या विरोधात बंड करून रयतेचे राज्य स्थापन केले. त्यानंतर जवळपास दीडशे वर्ष शिवरायांचा इतिहास अडगळीत पडला होता. महात्मा फुले यांनी रायगडावर जाऊन समाधीचा शोध घेतला आणि पोवाडाही लिहिला. 'गुलामगिरी' आणि 'शेतकऱ्याचा आसूड' हे ग्रंथ लिहून त्यांनी शेतकरी, कामगारांच्या जीवनाचे वास्तव दर्शन घडविले.
भिडेवाड्यात मुलींसाठी पहिली शाळा सुरू करून देशात स्त्री शिक्षणाची पायाभरणी केली. अठराव्या शतकात एवढा कर्ता महापुरूष जगाच्या इतिहासात कुठेही निर्माण झाला नव्हता. त्यांच्या विचारातून प्रेरणा घेऊन डॉ. बाबासाहेब आंबेडकर यांनी आपले सारे जीवन दलित, वंचित, कष्टकऱ्यांसाठी समर्पित केले. शाहू महाराजांनी समतेचा, क्रांतीचा विचार आपल्या राज्यात अंमलात आणला,' असे डॉ. रोडे यांनी सांगितले. कार्यक्रमाचे सूत्रसंचालन डॉ. आनंद उबाळे यांनी केले तर, डॉ. सुहास मोराळे यांनी आभार मानले.

मोबाइल अॅप डाउनलोड करा आणि राहा अपडेट

उदात्त तळमळीतून घडले जिज्ञासू विद्यार्थी

April 11, 2016, 2:30 pm

≫ Next: हक्काच्या शिक्षणाला ठेंगा

≪ Previous: महात्मा फुलेंमुळे इतिहासाला कलाटणी

$

0

0

Tushar.Bodkhe@timesgroup.com
औरंगाबाद ः 'मागास मराठवाड्यातील प्रत्येक घटकाला सुशिक्षित करण्यासाठी डॉ. बाबासाहेब आंबेडकर यांनी अथक परिश्रम केले. विद्यार्थ्यांमधील न्यूनगंड दूर करून नवा शैक्षणिक दृष्टिकोन दिला. शिक्षणाबाबत या ज्ञानी पुरुषाची दृष्टी म्हणजे हत्तीवरून सुई दिसावी अशी होती...,' अशी आठवण ज्येष्ठ रंगकर्मी प्रा. त्र्यंबक महाजन यांनी सांगितली.

पदवीधर झाल्यानंतर १९५३मध्ये प्रा. महाजन यांनी मिलिंद विद्यालयात अध्यापन सुरू केले होते. १९५०मध्ये डॉ. बाबासाहेब आंबेडकर यांनी नागसेनवन परिसरात मिलिंद महाविद्यालयाची स्थापना केली. मराठवाड्यातील मागासलेपण दूर करण्यासाठी शिक्षण प्रसाराचा त्यांचा उदात्त हेतू होता. या भागावर उर्दू भाषेचा प्रभाव होता. मराठवाड्यात पदवी शिक्षणाची सोय नव्हती. इंटरमिजिएट झाल्यानंतर हैदराबाद येथील उस्मानिया विद्यापीठात विद्यार्थी शिकत असत. या परिस्थितीत बाबासाहेबांनी 'मिलिंद'ची स्थापना करून नवीन दिशा दाखवली. या घटनांचे साक्षीदार प्रा. महाजन जुन्या आठवणीत समाधानी चेहऱ्याने रमतात. 'मिलिंद महाविद्यालय प्रारंभी छावणीतील इमारतीत होते. छावणीत लष्करी अधिकाऱ्यांच्या अस्खलित इंग्रजी बोलणाऱ्या मुलांसोबत खेड्यातील विद्यार्थ्यांना बाबासाहेबांनी समान पातळीवर शिक्षण देण्याची व्यवस्था केली. सर्वांसाठी आदर्श शिक्षणप्रणाली तयार केली. जिज्ञासू विद्यार्थी घडवण्याचे काम केले,' असे प्रा. महाजन यांनी सांगितले. हैदराबाद येथे पदवीधर झाल्यानंतर प्रा. महाजन १९५३मध्ये औरंगाबादला परतले. मिलिंद हायस्कूलमध्ये त्यांनी उर्दू, मराठी आणि इंग्रजी भाषा शिकवण्यास सुरुवात केली. त्यावेळी मिलिंदचे प्राचार्य एम. बी. चिटणीस होते. महाविद्यालयात शिकवण्यासाठी केरळ, पंजाब, मुंबई, पुणे येथील प्राध्यापक होते. विद्यार्थ्यांचे आकलन आणि प्राध्यापकांच्या शिकवण्याच्या हातोटीवर बाबासाहेबांचे विशेष लक्ष असायचे. एकदा बाबासाहेबांसमोर महाजन यांनी वर्गात शिकवले. बाबासाहेब समोर असल्यामुळे महाजनांवर दडपण अाले. बाबासाहेब कोकणातील असल्यामुळे उर्दू भाषेबाबत त्यांना माहिती नसेल, असे मनात ठरवून त्यांनी विद्यार्थ्यांना उर्दू गझल शिकवली. हा वर्ग संपताच बाबासाहेबांनी 'तू उर्दू चांगले शिकवतोस, पण तुझ्या भाषेत उर्दूचा नुक्ता नसतो,' असे सूक्ष्म निरीक्षण महाजन यांच्यापाशी नोंदवले. या निरीक्षणाने महाजन चकित झाले. दलित असल्यामुळे बाबासाहेबांना संस्कृत शिकता आले नाही. त्यामुळे ते पर्शियन भाषा शिकले. या भाषेमुळे नुक्ता त्यांना चांगलाच माहीत होता, असे महाजन यांनी सांगितले.

'युगयात्रा'चे दिवस
मिलिंद महाविद्यालयातील सांस्कृतिक चळवळ गतिमान करण्यासाठी बाबासाहेबांनी विशेष प्रोत्साहन दिले. प्राचार्य चिटणीस लिखित 'युगयात्रा' नाटक महाविद्यालयात सादर झाले. या नाट्य प्रयोगात प्रा. त्र्यंबक महाजन यांचे विशेष योगदान होते. बाबासाहेबांनी हा नाट्य प्रयोग पाहिला. नागपूर येथे दीक्षाभूमीवर १९५६मध्ये लाखो लोकांसमोर हा नाट्य प्रयोग सादर झाला अशी आठवण महाजन यांनी सांगितली.

नागसेनवनात शिक्षणसंस्था सुरू करून बाबासाहेबांनी मराठवाड्याला नवी शैक्षणिक दृष्टी दिली. मागास प्रदेशातील विद्यार्थ्यांना उच्च शिक्षण देण्याचा त्यांचा प्रयत्न होता. दूरवरील मुलींसाठी त्यांनी बस सर्व्हिस सुरू केली होती.
- प्रा. त्र्यंबक महाजन, ज्येष्ठ रंगकर्मी

मोबाइल अॅप डाउनलोड करा आणि राहा अपडेट

हक्काच्या शिक्षणाला ठेंगा

April 11, 2016, 2:30 pm

≫ Next: गुरुमंत्र : ग्रंथालय तासिकेमुळे वाढली वाचनाची गोडी!

≪ Previous: उदात्त तळमळीतून घडले जिज्ञासू विद्यार्थी

$

0

0

म. टा. प्रतिनिधी, औरंगाबाद
शिक्षण हक्क कायद्यानुसार (आरटीई) २५ टक्के मोफत प्रवेशासाठी शाळांच्या मनमानीसमोर शिक्षण विभागाने गुडघे टेकले आहेत. नोंदणीसाठी तीन वेळा मुदतवाढ दिल्यानंतर पुन्हा तीन दिवसांची मुदतवाढ दिली आहे. प्रक्रियेत आतापर्यंत ६१० शाळांपैकी केवळ ३८१ शाळांनीच सहभाग घेतला. शाळांच्या मनमानीमुळे पुढच्या प्रक्रियेचे वेळापत्रकही लांबले आहे. प्रवेश प्रक्रियेत पालकांसाठी १६ एप्रिल रोजी वेबसाइट सुरू होईल, असे शिक्षक विभागाकडून सांगण्यात येत आहे.

आर्थिक दुर्बल घटकातील मुलांसाठी शिक्षण हक्क कायद्यानुसार २५ टक्के मोफत प्रवेश योजना राबविली जाते, परंतु शाळांच्या अनास्थेमुळे पालकांची फरफट थांबलेली नाही. महिनाभरापासून सुरू असलेली शाळाच्या नोंदणी प्रक्रिया अद्याप पूर्ण झालेली नाही. शिक्षण विभागाकडूनही शाळांवर कारवाई केली जात नसल्याने शाळाही नोंदणीसाठी फारशा उत्सुक नसल्याचे समोर आले आहे.

आता नोंदणीसाठी पुन्हा शाळांना १३ एप्रिलपर्यंत मुदतवाढ देण्यात आली आहे. सोमवारपर्यंत ३८१ शाळांनी नोंदणी केली होती. शाळांच्या नोंदणीनंतर १६ एप्रिलपासून पालकांना नोंदणी करता येईल, असे शिक्षण विभागाकडून सांगण्यात येत आहे, परंतु त्याचे वेळापत्रक निश्चित नाही.

७ मार्चपासून प्रक्रिया सुरू
मोफत प्रवेशाची प्रक्रिया ७ मार्चपासून सुरू झाली. यंदापासून प्रक्रिया ऑनलाइन होत असल्याने शिक्षण विभागाने शाळांच्या मुख्याध्यापकांची ३ मार्च रोजी कार्यशाळा घेतली. त्यानंतरही प्रत्यक्षात ७ मार्चचा मुहूर्त हुकला. आता महिना पूर्ण झाला तरी, शाळांच्या नोंदणीचीच प्रक्रियाच अद्याप अपूर्ण आहे. त्यानंतर पालकांना आपल्या पाल्यासाठी ऑनलाइन नोंदणी करावी लागेल. ही प्रकियाचे वेळापत्रकही निश्चित नाही. त्यामुळे पालकांची फरफट होते आहे.

यंदा आपण सर्वच प्रक्रिया ऑनलाइन पद्धतीने करतो आहोत. त्यात शाळांच्या नोंदणीची प्रक्रिया सुरू आहे. नोंदणी पूर्ण न झाल्याने शाळांना आणखी तीन दिवस मुदत वाढवून दिली आहे. त्यात त्यांनी नोंदणी करावी, अशा सूचना आम्ही दिल्या आहेत. ज्या शाळा सहभागी होणार नाहीत, त्यांच्यावर कारवाई केली जाईल. १६ एप्रिलपासून पालकांसाठी प्रक्रिया सुरू होईल.
- आर. एस. मोगल, शिक्षणाधिकारी.

- मोफत प्रवेश प्रक्रियेच्या कक्षातील शाळा ः ६१०
- ऑनलाइनसाठी नोंदणी केलेल्यांची संख्या ः ३८१

मोबाइल अॅप डाउनलोड करा आणि राहा अपडेट

गुरुमंत्र : ग्रंथालय तासिकेमुळे वाढली वाचनाची गोडी!

April 11, 2016, 2:30 pm

≫ Next: दोन कॉलेजांना १ हजार ९०० उत्तरपत्रिका!

≪ Previous: हक्काच्या शिक्षणाला ठेंगा

$

0

0

Ramchandra.Vaybhat@timesgroup.com
वाचनाचे महत्त्व सांगण्यासाठी 'वाचाल तर वाचाल' असे म्हटले जाते. विद्यार्थ्यांना वाचनाची सवय जडावी म्हणून औरंगाबादेतील एलोरा प्रायमरी अँड हायस्कूलमधील शिक्षिका हरजीत कौर सोधी यांच्या कल्पनेतून शाळेत ग्रंथालय तासिका (लायब्ररी क्लास) हा आगळा-वेगळा उपक्रम सुरू केला आहे. विद्यार्थ्याच्या वाढदिवसानिमित्त शाळेतर्फे पुस्तक भेट दिले जाते. त्याचबरोबर यानिमित्त विद्यार्थी शाळेच्या ग्रंथालयाला एक पुस्तक देतात. त्यामुळे विद्यार्थ्यांमध्ये पुस्तके आणि वाचनाविषयी गोडी निर्माण झाली आहे. पाचवी ते दहावीच्या वर्गामध्ये आठवड्यातून एक वेळेस ग्रंथालय तासिकेत आवडेल ती पुस्तके वाचण्याची सोय आहे. त्याचबरोबर मुलांना आवडीची पुस्तके घरी घेऊन जाण्याची परवानगी असल्यामुळे मुलांना वाचनाची सवय लागली आहे.

मुलांना वाचनाची सवय लागावी यासाठी शिक्षक; तसेच पालक नवनवीन उपाय शोधत असतात. खेळात रममाण होणाऱ्या मुलांना वाचनाचा तिटकारा असतो. त्यामुळे त्यांना वाचनाची सवय लागावी म्हणून एक अभिनव उपक्रम बीड बायपास रोडवर नाईकनगर येथील एलोरा हायस्कूलमध्ये करण्यात आला आहे. येथील इंग्रजी विषयाच्या शिक्षिका हरजीत कौर सोधी यांनी वर्षभरापूर्वी शाळेमध्ये ग्रंथालय तासिकेचा (लायब्ररी क्लास) विचार व्यवस्थापनासमोर ठेवला. प्रत्येक विषयाचा पाया पक्का होण्यासाठी विद्यार्थ्यांच्या प्रगतीकडे वैयक्तिक लक्ष देण्याची गरज असून, वाचन हा त्यातील महत्त्वाचा घटक आहे. यामुळे शाळेनेही या प्रस्तावासाठी अधिक वेळ न घेता तत्काळ मंजुरी दिली. ग्रंथालयाची सोय पहिलीपासून असली तरी पाचवी ते दहावी या प्रत्येक वर्गासाठी आठवड्यातून एक ४५ मिनिटांची एक तासिका सुरू करण्यात आली. प्रारंभी प्रत्येक विद्यार्थ्याच्या आवडीनुसार पुस्तके वाचण्यासाठी देण्यात आली. त्यामध्ये विज्ञान, सामान्य ज्ञान, ‌भाषा विषय, कविता, गोष्टींची पुस्तके, व्याकरण, आत्मकथा आदी प्रकारच्या पुस्तकांचा समावेश आहे. लायब्ररी क्लाससाठी प्रत्येक वर्गासाठी नोंदवही तयार करण्यात आली असून, त्यानुसार कोणत्या विद्यार्थ्याने कोणत्या प्रकारातील पुस्तक वाचण्यासाठी घेतले, याची माहिती मिळाते. त्यातून कोणत्या विद्यार्थ्याचा कोणत्या विषयाकडे कल आहे, याची माहिती व्यवस्थापनाकडे असते. वर्षाच्या प्रांरंभीच मुलांच्या आवडी-निवडीच्या नोंदी घेण्यात येतात. प्रत्येक विद्यार्थ्याच्या आवडी-निवडीची माहिती वर्गशिक्षकांना माहिती होते. त्यामुळे प्रत्येक मुलाच्या वाचनाकडे वैयक्तिक लक्ष देण्याची जबाबदारी त्या-त्या वर्गशिक्षकांवर देण्यात आली आहे. ग्रंथालयामध्ये अवांतर वाचन; तसेच सामान्य ज्ञानाच्या पुस्तक वाचनामुळे विद्यार्थ्यांना गणित, इंग्रजी आदी विविध परीक्षांसाठी होतो. नुकत्याच झालेल्या ऑलिंपियाड परीक्षेमध्ये शाळेतील ३० विद्यार्थ्यांनी सुवर्ण पदके; तसचे रौप्य पदके मिळाली आहेत.

वाढदिवसाच्या दिवशी पुस्तक भेट
प्रत्येक शाळेमध्ये विद्यार्थ्यांचा वाढदिवस साजरा करण्यात येतो. त्यानिमित्त भेटवस्तू, चॉकलेट आदींवर खर्च करण्यात येतो, मात्र या खर्चाला फाटा देत एलोरा शाळेने पुस्तके भेट देण्याचा पायंडा पाडला आहे. विद्यार्थी असो की शिक्षक, प्रत्येक जण आपल्या वाढदिवसाच्या दिवशी शाळेला एक पुस्तक भेट देतात. शाळेतर्फेही विद्यार्थ्यांना वाढदिवसानिमित्त त्याच्या आवडीचे एक पुस्तक भेट देण्यात येते. अवघ्या एका वर्षामध्ये शाळेच्या ग्रंथालयात ५००पेक्षा अधिक पुस्तकांची संख्या झाली आहे. दर आठवड्याला प्रत्येक विद्यार्थी शाळेतून पुस्तक घेऊन जात असल्यामुळे त्यांना वाचनाची सवय लागली आहे. या उपरक्रमात शाळेच्या मुख्याध्यापिका संगीता भापकर शिंदे यांचे मोलाचे सहकार्य मिळाले असल्याचे सोधी मॅडम यांनी सांगितले.

सहलीत होते पुस्तकांची खरेदी
विद्यार्थ्यांनी शाळेला पुस्तके भेट दिली आहेत. त्याचबरोबर शाळेतर्फे सहली काढल्या जातात. प्रत्येक सहलीत पुस्तकांची खरेदी करण्यात येते. ज्या ठिकाणी सहलीला जातात तेथील भौगोलिक, ऐतिहासिक माहितीची पुस्तक शाळेसाठी खरेदी करण्यात येतात. मुंबई, केरळ, प्रतापगड, रागयड, कोकणदर्शन आदी सहलींमधून घेण्यात आलेली पुस्तके ग्रंथालयात ठेवण्यात आली आहेत.

मोबाइल अॅप डाउनलोड करा आणि राहा अपडेट

दोन कॉलेजांना १ हजार ९०० उत्तरपत्रिका!

April 11, 2016, 2:30 pm

≫ Next: भावाच्या नावावर परीक्षा देणाऱ्यास पकडले

≪ Previous: गुरुमंत्र : ग्रंथालय तासिकेमुळे वाढली वाचनाची गोडी!

$

0

0

म. टा. प्रतिनिधी, औरंगाबाद
बारावी उत्तरपत्रिका फेरलेखन घोटाळ्यात अडकलेल्या दोन कॉलेजांवर मंडळाने मोठी मेहरनजर दाखविल्याचे समोर आले आहे. शिक्षकांची पात्रता न पाहताच ज्ञानेश्वर सोनवणेच्या कॉलेजच्या शिक्षकांना मंडळाकडून १ हजार ९०० उत्तपत्रिका तपासण्यासाठी देण्यात आल्या होत्या. या उत्तरपत्रिका देताना संचमान्यता, पॅनल, पात्रता हे सगळे निकष धाब्यावर बसविण्यात आले.

जालन्यातील संस्कार निवासी वसतिगृहावर छापा टाकून पोलिसांनी बारावी उत्तरपत्रिका फेरलेखन रॅकेट उघडकीस आणले. या प्रकाराला महिना होत आला असून, रोज नवी माहिती समोर येते आहे. पोलिसांनी सुमारे २८०० उत्तरपत्रिका ताब्यात घेतल्या होत्या. त्यापैकी सुमारे साडेचारशे आक्षेपार्ह आढळल्या. त्यांच्या हस्ताक्षर तपासणीची प्रक्रिया सुरू आहे. पोलिसांना सापडलेल्या उत्तरपत्रिका बाजारसावंगी येथील सद्गुरू योगीराज दयानंद कनिष्ठ महाविद्यालय, राणी उंचेगाव येथील इंदिरा गांधी कनिष्ठ महाविद्यालय, पिशोर येथील सद्गुरू बालयोगी काशीगिरी महाराज कनिष्ठ महाविद्यालयातील शिक्षकांना तपासणीसाठी मंडळाकडून पाठविण्यात आल्या होत्या. त्यातील मुख्य आरोपी ज्ञारेश्वर सोनवणे अद्याप पोलिसांना सापडलेला नाही. त्याच्या बाजारसावंगी, पिशोर येथील कॉलेजला मंडळाने तब्बल १ हजार ९०० उत्तरपत्रिका पाठविल्याची धक्कादाय बाब समोर आली आहे. संचमान्यता न झालेल्या कॉलेजमधील शिक्षकांच्या मान्यतेचाच प्रश्न असताना मंडळाने एवढ्या उत्तरपत्रिका दिल्या. उत्तरपत्रिका तपासणीसाठी पाठविण्याची प्रक्रिया करताना, संबंधित शिक्षकाची पात्रता, अनुभव, पॅनलचे निकष विचारात घेतले जाणे अपेक्षित असताना मंडळाकडून अशा सगळ्या नियमांना केराची टोपली दाखविण्यात आली.

वाघचीही बनावटगिरी
सूत्रांनी दिलेल्या माहितीनुसार; श्रीमंत वाघनेही बनावट कॉलेजचे प्रमाणपत्र जोडत उत्तरपत्रिका तपासणीच्या प्रक्रियेत सहभाग घेतला. मंडळाच्या प्रक्रियेत पारदर्शकता असती तर, अशा प्रकारांना आळा बसला असता.

मंडळात खळबळ
फेरलेखन घोटाळाप्रकरणी सहभाग असल्याने मंडळातील गोपनीय शाखेतील सहा लिपिकांना पोलिसांनी अटक केली. त्यात मंडळातील आणखी कर्मचाऱ्यांचा समावेश असल्याची चर्चा आहे. त्यामुळे मंडळात खळबळ उडाली आहे.

मोबाइल अॅप डाउनलोड करा आणि राहा अपडेट

भावाच्या नावावर परीक्षा देणाऱ्यास पकडले

April 11, 2016, 2:30 pm

≫ Next: शाळांची अशीही बनवाबनवी

≪ Previous: दोन कॉलेजांना १ हजार ९०० उत्तरपत्रिका!

$

0

0

म. टा. प्रतिनिधी, औरंगाबाद
भारत राखीव बटालियनच्या सतर्क पोलिस अधिकारी, कर्मचाऱ्यांच्या सावधगिरीमुळे हायटेक कॉपी प्रकरण उजेडता आले. याप्रकरणी इतर उमेदवारांची अंगझडती सुरू असताना भावाच्या ओळखपत्रावर स्वतःचा फोटो लावून लेखी परीक्षा देणारा दुसरा एक तरूण पोलिसांच्या हाती लागला. जीवन गोविंद चरावंडे (वय १९, रा. कौचलवाडी, जि. जालना), असे या तरुणाचे नाव आहे.
जीवन चरावंडे याच्या भावाने मैदानी चाचणी दिली तर, अभ्यासात हुशार असलेला दुसरा भाऊ लेखी परीक्षा देण्यासाठी आला होता. कवायती मैदानावर पोलिस अधिकारी फकिरराव घुगे यांनी त्याला चेस्ट नंबर व नाव विचारले असता तो भेदरला. संशय आल्याने पोलिसांनी कसून चौकशी केली तेव्हा हे ओळखपत्र पवन गोविंद चरावंडे (वय २२) याच्या नावे असल्याचे आढळले. अभ्यासात हुशार असल्याने जीवन याने लेखी परिक्षेत बसता यावे, यासाठी ओळखपत्रावर स्वतःचा फोटो लावल्याचे स्पष्ट झाले. याप्रकरणी पोलिस पवन चरावंडे याचा पोलिस शोध घेत आहेत. कॉपी प्रकरण उघड होताच परीक्षास्थळी जाणाऱ्यांची कसून तपासणी सुरू झाली. हे लक्षात येताच सुमारे १० ते १२ तरुणांनी तेथून पळ काढल्याचे समोर आले. लेखी परीक्षेला ८५९ पात्र असताना ८४० उमेदवार हजर होते. तोतयागिरी व फसवणूक प्रकरणी चरावंडे बंधुसह घुसिंगे, जारवाल या चौघांविरुद्ध सातारा पोलिस ठाण्यात गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

---

शाळांची अशीही बनवाबनवी

April 11, 2016, 2:30 pm

≫ Next: जनावरांना पाणी मिळणे कठीण

≪ Previous: भावाच्या नावावर परीक्षा देणाऱ्यास पकडले

$

0

0

म. टा. प्रतिनिधी, औरंगाबाद
मान्यतेवेळी दिलेला पत्ता एक तर, प्रत्यक्षात शाळा दुसरीकडेच. त्यातही अनेक शाळांना नावापुरत्याच मान्यता असल्याचे शिक्षण विभागाच्या तपासणीत आढळले आहे. शिक्षण विभागाने मूल्यांकनाच्या प्रक्रियेसाठी पात्र ठरलेल्या १२८ प्राथमिक शाळांची तपासणी केली. यातील ३३ शाळा बंद आढळल्याचे तर, २७ शाळा दुसऱ्याच ठिकाणी असल्याची माहिती समोर आली आहे.

प्राथमिक स्तरावरील शाळांची शिक्षण विभागाकडून तपासणीची प्रक्रिया सुरू आहे. शिक्षण विभागाने शहरातील ३०० शाळांची तपासणी करण्याचे निश्चित केले. मूल्यांकन प्रक्रियेसाठी पात्र ठरलेल्या शाळांची तपासणी करत शासनाला अहवाल पाठवायचा होता. त्यात १२८ शाळांची तपासणी करण्यात आली. अनेक शाळांची बनवेगिरी उघड झाली आहे. अनेक शाळा तर, अस्तित्वातच नसल्याची धक्कादायकबाब उघड झाली आहे.

शिक्षण विभागाच्या पत्रांना प्रतिसाद देत नसलेल्या १२८ शाळांची पाहणी करण्यात आली. यात ३३ शाळा केवळ कागदापुरत्याच असल्याचे समोर आले तर, २७ शाळा मान्यतेसाठी दिलेल्या पत्त्यावर नव्हत्याच. त्या इतर ठिकाणी स्थलांतरित करण्यात आलेल्या होत्या. शाळांमधील विद्यार्थ्यांना आधारकार्ड बंधनकारक करण्यात आले आहे. त्यानुसार शाळेतील विद्यार्थी, आधारकार्ड, रोस्टर तपासण्यात आले.

शासनाकडे अहवाल
शिक्षण विभागाकडून सोमवारी शासनाकडे तपासणीचा अहवाल पाठविण्यात आला आहे. तपासणी करण्यात आलेल्या शाळा विनाअनुदान तत्वावरील असल्याचे विभागाकडून सांगण्यात आले. प्रत्येक शाळेतील विद्यार्थी आधारकार्डशी जोडला जाणार आहे. त्यामुळे मूल्यांकनाच्या प्रक्रियेत पात्र ठरलेल्या शाळांमध्येही आधारकार्डची पाहणी करण्यात येत आहे. त्याचबरोबर शाळेतील शिक्षकांची माहिती शासनाकडे पाठविण्यात आली आहे.

१२८ शाळांची तपासणी करण्यात आली. त्यात ३३ शाळा बंद आढळल्या. अनेकांचे पत्ते बदललेले आहेत. याबाबत शासनस्तरावर निर्णय घेण्यात येईल.
- आर. एस. मोगल, शिक्षणाधिकारी

मोबाइल अॅप डाउनलोड करा आणि राहा अपडेट

जनावरांना पाणी मिळणे कठीण

April 11, 2016, 2:30 pm

≫ Next: कॉपी करण्यासाठी बनवली खास बनियन

≪ Previous: शाळांची अशीही बनवाबनवी

$

0

0

म. टा. प्रतिनिधी, सिल्लोड
सिल्लोड तालुक्याताल एक लाख ७८ हजार ४२३ जनावरांना पिण्याचे पाणी मिळणे कठीण झाले आहे. दिवसागणिक वाढणाऱ्या उन्हामुळे पाण्याचे मोठ्या प्रमाणात दुर्भिक्ष्य निर्माण झाले आहे. पाण्याचे टँकर, विहीर अधिग्रहण करून प्रशासन नागरिकांना पाणीपुरवठा करत आहे. मात्र, मुक्या जनावारांकरिता पाणी मिळवण्यासाठी पशुपालकांना पायपीट करावी लागत आहे.
तालुक्यात पाणीटंचाई निर्माण झाली असून त्याचा फटका मुक्या जनावरांनाही बसला आहे. पाणी उपलब्ध असलेल्या शेतकऱ्यांनी त्यांच्याकडील पाणी जनावरांसाठी राखून ठेवले आहे. पण उन्हामुळे विहिरीचे पाणी आटत असून पाणीपातळीही खालावत आहे. त्यामुळे मे महिन्यात जनावारांच्या पाण्याचे कसे होणार, हा प्रश्न पशुपालकांना सतावत आहे. विशेषतः पाणी टंचाई व वाढत्या उन्हामुळे जनावरांचे दूध कमी झाले आहे. मोठ्या जनावारांना पिण्यासाठी रोज ३० लिटर पाणी लागते तर, लहान जनावरांना १५ लिटर पाणी लागते. सध्या शेत-शिवारातील जलस्त्रोत आटले आहेत. सध्या जनावारांना पाण्यासाठी सध्या विहिरीचाच अधार आहे, मात्र भूगर्भातील पाणीपातळी घटल्याने विहिरींनी तळ गाठला आहे. या जनावरांना पाणी पाजण्यासाठी जनावरांच्या मालकांना पायपीट करावी लागत आहे. जंगलातील प्राण्यांसाठी राखीव वनक्षेत्रात टँकरने पाणी आणून टाकले जात आहे. त्यामुळे वन्य जनावरांच्या पाण्याची सोय झाली आहे.

मोबाइल अॅप डाउनलोड करा आणि राहा अपडेट

कॉपी करण्यासाठी बनवली खास बनियन

April 11, 2016, 2:30 pm

≫ Next: ग्रंथालय तासिकेमुळे वाढली वाचनाची गोडी!

≪ Previous: जनावरांना पाणी मिळणे कठीण

$

0

0

म. टा. प्रतिनिधी, औरंगाबाद

भारत राखीव बटालियनमध्ये पोलिस शिपाईपदासाठी घेण्यात आलेल्या लेखी परीक्षेत हायटेक पद्धतीने कॉपी करणाऱ्या दोन उमेदवारांना सोमवारी पकडण्यात आले. या उमेदवारांनी कॉपी करण्यासाठी खास बनियन तयार केले होते. त्यात इलेक्ट्रॉनिक डिव्हाइस किट ठेवण्यात आल्याचे तपासणीत उघड झाले. याप्रकरणी सातारा पोलिस ठाण्यात गुन्हा नोंदविण्यात आला आहे. या प्रकारामागे मोठे रॅकेट असल्याचा संशय आहे. दरम्यान, भावाच्या नावावर लेखी परीक्षा देणाऱ्या एकाला पकडण्यात आले.

सातारा परिसर असलेल्या राज्य राखीव पोलिस दल गट क्रमांक १४मध्ये (भारत राखीव बटालियन) पोलिस शिपाई पदाच्या ४४ रिक्त जागासाठी २९ मार्चपासून भरती प्रक्रिया सुरू आहे. त्यासाठी ७ हजार १६६ उमेदवारांनी अर्ज केले होते. मैदानी चाचणी झाल्यानंतर सोमवारी १०० गुणांसाठी लेखी परीक्षा घेण्यात आली.

परीक्षेला येताना मोबाइलसह अन्य इलेक्ट्रनिक वस्तू आणू नयेत, असे निर्देश देण्यात आले होते. उमेदवारांना बटालियनतर्फे परीक्षा पॅड आणि अन्य साहित्य पुरविण्यात आले. परीक्षाला जाण्याआधी प्रत्येक उमेदवाराची तपासणी करण्यात आली. त्यावेळी दोन उमेदवार भेदरले असल्याचे बटालियनच्या अधिकाऱ्यांच्या लक्षात आले. त्यामुळे दोघांची अंगझडती घेण्यात आली आणि हायटेक कॉपीचे प्रकरण समोर आले.

मदन कपूरचंद घुसिंगे (वय २२, रा. कौचेवाडी, जि. जालना) व विजयसिंग रतनसिंह जारवाल (वय २४, रा. हुसेनपूर जि. औरंगाबाद) अशी त्यांची नावे आहेत. झडतीदरम्यान त्यांनी इलेक्टॉनिक डिव्हाइस किट दडवून ठेवण्याचे समोर आले. हे किट लपविण्यासाठी त्यांनी खास बनियन तयार केले होते. किटसाठी लागणारी वायरिंग कोणाच्याही नजरेस पडणार नाही, याची काळजी घेतली होती. त्यांच्याजवळ मेमरी कार्ड, मायक्रोफोन, काही जणांचे पासपोर्ट आकाराचे फोटो, मोबाइल, एटीएम कार्ड आदी साहित्य सापडले.

दरम्यान, या दोन उमेदवारांना पकडल्यानंतर, उमेदवारांची कसून तपासणी करावी. काळ्या रंगाच्या बनियन घालेल्या उमेदवारांवर लक्ष द्यावे, अशा सूचना देण्यात आल्या. हे काही उमेदवारांना कळाले आणि ते परीक्षा केंद्रावरून निघून गेले, अशी माहिती पोलिसांनी दिली.

मोबाइल अॅप डाउनलोड करा आणि राहा अपडेट

ग्रंथालय तासिकेमुळे वाढली वाचनाची गोडी!

April 11, 2016, 2:30 pm

≫ Next: लातूरकरांची प्रतीक्षा संपली

≪ Previous: कॉपी करण्यासाठी बनवली खास बनियन

$

0

0

Ramchandra.Vaybhat@timesgroup.com
मुलांना वाचनाची सवय लागावी यासाठी शिक्षक; तसेच पालक नवनवीन उपाय शोधत असतात. खेळात रममाण होणाऱ्या मुलांना वाचनाचा तिटकारा असतो. त्यामुळे त्यांना वाचनाची सवय लागावी म्हणून एक अभिनव उपक्रम बीड बायपास रोडवर नाईकनगर येथील एलोरा हायस्कूलमध्ये करण्यात आला आहे. येथील इंग्रजी विषयाच्या शिक्षिका हरजीत कौर सोधी यांनी वर्षभरापूर्वी शाळेमध्ये ग्रंथालय तासिकेचा (लायब्ररी क्लास) विचार व्यवस्थापनासमोर ठेवला. प्रत्येक विषयाचा पाया पक्का होण्यासाठी विद्यार्थ्यांच्या प्रगतीकडे वैयक्तिक लक्ष देण्याची गरज असून, वाचन हा त्यातील महत्त्वाचा घटक आहे. यामुळे शाळेनेही या प्रस्तावासाठी अधिक वेळ न घेता तत्काळ मंजुरी दिली. ग्रंथालयाची सोय पहिलीपासून असली तरी पाचवी ते दहावी या प्रत्येक वर्गासाठी आठवड्यातून एक ४५ मिनिटांची एक तासिका सुरू करण्यात आली. प्रारंभी प्रत्येक विद्यार्थ्याच्या आवडीनुसार पुस्तके वाचण्यासाठी देण्यात आली. त्यामध्ये विज्ञान, सामान्य ज्ञान, ‌भाषा विषय, कविता, गोष्टींची पुस्तके, व्याकरण, आत्मकथा आदी प्रकारच्या पुस्तकांचा समावेश आहे. लायब्ररी क्लाससाठी प्रत्येक वर्गासाठी नोंदवही तयार करण्यात आली असून, त्यानुसार कोणत्या विद्यार्थ्याने कोणत्या प्रकारातील पुस्तक वाचण्यासाठी घेतले, याची माहिती मिळाते. त्यातून कोणत्या विद्यार्थ्याचा कोणत्या विषयाकडे कल आहे, याची माहिती व्यवस्थापनाकडे असते. वर्षाच्या प्रांरंभीच मुलांच्या आवडी-निवडीच्या नोंदी घेण्यात येतात. प्रत्येक विद्यार्थ्याच्या आवडी-निवडीची माहिती वर्गशिक्षकांना माहिती होते. त्यामुळे प्रत्येक मुलाच्या वाचनाकडे वैयक्तिक लक्ष देण्याची जबाबदारी त्या-त्या वर्गशिक्षकांवर देण्यात आली आहे. ग्रंथालयामध्ये अवांतर वाचन; तसेच सामान्य ज्ञानाच्या पुस्तक वाचनामुळे विद्यार्थ्यांना गणित, इंग्रजी आदी विविध परीक्षांसाठी होतो. नुकत्याच झालेल्या ऑलिंपियाड परीक्षेमध्ये शाळेतील ३० विद्यार्थ्यांनी सुवर्ण पदके; तसचे रौप्य पदके मिळाली आहेत.

वाढदिवसाच्या दिवशी पुस्तक भेट

प्रत्येक शाळेमध्ये विद्यार्थ्यांचा वाढदिवस साजरा करण्यात येतो. त्यानिमित्त भेटवस्तू, चॉकलेट आदींवर खर्च करण्यात येतो, मात्र या खर्चाला फाटा देत एलोरा शाळेने पुस्तके भेट देण्याचा पायंडा पाडला आहे. विद्यार्थी असो की शिक्षक, प्रत्येक जण आपल्या वाढदिवसाच्या दिवशी शाळेला एक पुस्तक भेट देतात. शाळेतर्फेही विद्यार्थ्यांना वाढदिवसानिमित्त त्याच्या आवडीचे एक पुस्तक भेट देण्यात येते. अवघ्या एका वर्षामध्ये शाळेच्या ग्रंथालयात ५००पेक्षा अधिक पुस्तकांची संख्या झाली आहे. दर आठवड्याला प्रत्येक विद्यार्थी शाळेतून पुस्तक घेऊन जात असल्यामुळे त्यांना वाचनाची सवय लागली आहे. या उपरक्रमात शाळेच्या मुख्याध्यापिका संगीता भापकर शिंदे यांचे मोलाचे सहकार्य मिळाले असल्याचे सोधी मॅडम यांनी सांगितले.

सहलीत होते पुस्तकांची खरेदी

विद्यार्थ्यांनी शाळेला पुस्तके भेट दिली आहेत. त्याचबरोबर शाळेतर्फे सहली काढल्या जातात. प्रत्येक सहलीत पुस्तकांची खरेदी करण्यात येते. ज्या ठिकाणी सहलीला जातात तेथील भौगोलिक, ऐतिहासिक माहितीची पुस्तक शाळेसाठी खरेदी करण्यात येतात. मुंबई, केरळ, प्रतापगड, रागयड, कोकणदर्शन आदी सहलींमधून घेण्यात आलेली पुस्तके ग्रंथालयात ठेवण्यात आली आहेत.

मोबाइल अॅप डाउनलोड करा आणि राहा अपडेट

लातूरकरांची प्रतीक्षा संपली

April 11, 2016, 6:42 pm

≫ Next: 'पाणी एक्स्प्रेस'वर भाजपची पोस्टरबाजी

≪ Previous: ग्रंथालय तासिकेमुळे वाढली वाचनाची गोडी!

$

0

0

म. टा. प्रतिनिधी, लातूर

लातूर शहराची तहान भागविण्यासाठी राज्य सरकारने रेल्वेने पाणी देण्याचे आश्वासन पूर्ण केले. सोमवारी सकाळी ११ वाजता मिरजहून निघालेली वॉटर एक्सप्रेस पहाटे सव्वा पाचच्या सुमारास लातूरमध्ये पोहोचली आहे. दहा टँकरच्या या रेल्वेतून पाच लाख लिटर पाणी लातूरमध्ये पोहोचलं आहे. लातूर शहरातील रेल्वे स्टेशनवरून पाणी उतरून घेण्याचं काम आता स्थानिक प्रशासन करणार आहे. त्यामुळे लातूरकरांची पाण्याची प्रतीक्षा आता संपली आहे.

मिरज ते लातूर या रेल्वे मार्गावरील थांबे आणि स्थानके याचा अभ्यास करत ही रेल्वे लातूरात पोहोचली. सोमवारी जिल्हाधिकारी पांडुरंग पोले, मनपा आयुक्त सुधाकर तेलंग व महाराष्ट्र जीवन प्राधिकरणचे अधिकारी दिवसभर तळ ठोकून होते. गेल्या दोन दिवसांपासून सुरू असलेली कामे सोमवारी मध्यरात्री पूर्ण करण्यात आली. त्यानंतर, पाणी घेऊन येणाऱ्या रेल्वेच्या स्वागतासाठी लातूरकर आतूर झाले होते.

तत्पूर्वी, मुख्यमंत्री, रेल्वेमंत्र्यांनी ट्विट करून लातूरसाठी पाण्याची रेल्वे निघाल्याची माहिती दिली होती. त्यानंतर अनेक व्यापारी, उद्योजक, सामान्य माणसांनी दूरध्वनी करून रेल्वे लातूरात कधी येणार याची विचारणा सुरू केली होती. अनेकांनी रेल्वे स्थानकाजवळील विहिरीची पाहणीही केली. रेल्वे स्टेशनवर वेगाने कामे सुरू होती. लातूर शहर भाजपाकडून तर सांयकाळी सात वाजता रेल्वेच्या स्वागत समारंभाला उपस्थित राहण्याचं निमंत्रणही वॉटसअपवरुन सर्वांना देण्यात आलं होतं.

आर्वीच्या जलकुंभात पोहचणार पाणी

रेल्वे वाघिणीतून घेण्यात येणारे पाणी पहिल्यांदा लातूर रेल्वे स्टेशन जवळील देशमुख यांच्या विहिरीत सोडले जाईल. यासाठी रेल्वे स्टेशन ते देशमुख यांच्या विहिरीपर्यंत सहाशे मीटरची जलवाहिनी टाकण्यात आली आहे. हे पाणी लागलीच उचलण्यात येईल. विहिरीवर एकाचवेळी आठ टँकर भरण्याची सोय करण्यात आली आहे.

मोबाइल अॅप डाउनलोड करा आणि राहा अपडेट

'पाणी एक्स्प्रेस'वर भाजपची पोस्टरबाजी

April 11, 2016, 10:36 pm

≫ Next: टँकरमुक्त भांडेगावला विद्यार्थ्यांची भेट

≪ Previous: लातूरकरांची प्रतीक्षा संपली

$

0

0

मटा ऑनलाइन वृत्त । लातूर

राज्यातील सर्वाधिक दुष्काळग्रस्त लातुरात रेल्वेची 'पाणी एक्स्प्रेस' पोहोचल्याने लातूरकरांना मोठा दिलासा मिळणार असला तरी या 'जलदाना'चे श्रेय घेण्यासाठी भाजपची जोरदार पोस्टरबाजी सुरू आहे. लातूर रेल्वेस्थानक परिसराबरोबरच चक्क 'पाणी एक्स्प्रेस'च्या वॅगनवरही भाजपच्या उत्साही कार्यकर्त्यांनी पोस्टर्स लावली आहेत.

भाजपच्या सर्व प्रमुख नेत्यांचे फोटो पोस्टर्सवर झळकत आहेत. त्यावर 'लातूरकरांची तहान भागवण्यासाठी रेल्वेने लातूरला पाणीपुरवठा केल्याबद्दल केंद्र व राज्य सरकारचे जाहीर आभार' अशा आशयाचा मजकूर लिहिण्यात आला आहे. भाजपच्या लातूर शहर जिल्हा विभागाच्या वतीने ही पोस्टरबाजी करण्यात आली आहे.

विशेष म्हणजे पाणी एक्स्प्रेस लातूरला येण्याआधीपासूनच भाजपच्या कार्यकर्त्यांनी श्रेय घेण्यासाठी धडपड सुरू केली होती. लातूर शहर भाजपने काल सायंकाळीच या एक्स्प्रेसच्या स्वागत समारंभाला उपस्थित राहण्याचे निमंत्रण व्हॉट्सअॅपवरून अनेकांना धाडले होते. या संपूर्ण प्रकारावर अनेकांनी तीव्र नाराजी व्यक्त केली आहे.

भाजपची कीव करावीशी वाटते: काँग्रेस

राज्यातील विशेषतः मराठवाड्यातील दुष्काळ, शेतकरी आत्महत्या, जनावरांकरिता चारा आणि पिण्याचे पाणी या सर्व विषयांवर भाजप सरकार पूर्णपणे अयशस्वी ठरले असून जनतेमध्ये प्रचंड असंतोष असल्याने पिण्याच्या पाण्याचेही राजकारण करण्याची केविलवाणी आणि कीव करावी अशी परिस्थिती भाजपा कार्यकर्त्यांवर आली आहे. पण "बूंद से गयी वो हौद से नहीं आती" हे फडणवीस सरकारने लक्षात ठेवावे, अशी तीव्र प्रतिक्रिया या संपूर्ण प्रकारावर प्रदेश काँग्रेसचे प्रवक्ते सचिन सावंत यांनी दिली.

मोबाइल अॅप डाउनलोड करा आणि राहा अपडेट

टँकरमुक्त भांडेगावला विद्यार्थ्यांची भेट

April 12, 2016, 2:30 pm

≫ Next: महिलेला पावणेदोन लाखांचा गंडा

≪ Previous: 'पाणी एक्स्प्रेस'वर भाजपची पोस्टरबाजी

$

0

0

म. टा. प्रतिनिधी, खुलताबाद
तीन वर्षे दुष्काळासोबत सामना करणाऱ्या व गेल्या वर्षी १४ महिने टँकरच्या पाण्यावर अवलंबून असलेल्या तालुक्यातील भांडेगाव हे गाव यावर्षी टँकरमुक्त झाले आहे. त्याची कारणे जाणून घेण्यासाठी औरंगाबाद येथील शासकीय अभियांत्रिकी कॉलेजमधील २२ विद्यार्थ्यांनी मंगळवारी गावाला भेट दिली.

भांडेगाव येथे जलयुक्त शिवार योजनेतून माथा ते पायथा पाणलोट क्षेत्र उपचाराची कामे करण्यात आली आहेत. त्याचे परिणाम दिसण्यास सुरुवात झाली असून, पाणलोट उपचाराचा लाभ गरीब शेतकऱ्यांना मिळत असल्याचे पाहण्यास मिळाले. वर्गात शिकण्याबरोबर आजची क्षेत्रभेट महत्त्वाची ठरल्याचे कॉलेजच्या बांधकाम विभागाचे डॉ. डी. जी. रेगुलवार यांनी सांगितले. पाणलोट क्षेत्र उपचाराची गरज, वॉटर बजेट, पीक पद्धती याची माहिती उपविभागीय कृषी अधिकारी उदय देवळाणकर यांनी दिली. ठिंबक सिंचन, बांध बंदिस्ती, डीप सीसीटी, पाझर तलाव आदींबाबत शेतकरी अविनाश वेताळ व आजिनाथ चव्हाण यांनी विद्यार्थ्यांना माहिती दिली. 'पाणलोट क्षेत्रात झालेल्या कामांमुळे भूगर्भातील पाणीपातळी वाढली असून, यावर्षी एकही टँकर चालू नाही. मुबलक पाणी उपलब्ध असल्याने दुष्काळातही पिण्याच्या पाण्याची चिंता नाही,' असे चव्हाण यांनी सांगितले. यावेळी कृषी पर्यवेक्षक मिलिंद कोलंबीकर, कृषी सहायक अशोक पठाडे, लघुसिंचन जलसंधारणचे शाखा अभियंता सुमंत देशमुख, एम. बी. मापारी यांची उपस्थिती होती.

मोबाइल अॅप डाउनलोड करा आणि राहा अपडेट

---

महिलेला पावणेदोन लाखांचा गंडा

April 12, 2016, 2:30 pm

≫ Next: खासदार धूत यांच्यातर्फे शहरांसाठी टँकर

≪ Previous: टँकरमुक्त भांडेगावला विद्यार्थ्यांची भेट

$

0

0

म. टा. प्रतिनिधी, औरंगाबाद
पाच लाखांचे कर्ज काढून देण्याचे आमिष दाखवत भारती सोहोनी यांची पावणे दोन लाखांची फसवणूक करण्यात आली. बेगमपुरा परिसरातील विद्युत कॉलनी येथे ३ जानेवारी ते २३ मार्चच्या दरम्यान हा प्रकार घडला. याप्रकरणी समीर शर्मा, राहुल व रणवीरसिंग यांच्याविरुद्ध सोमवारी बेगमपुरा पोलिस ठाण्यात गुन्हा दाखल करण्यात आला आहे.
भारती भास्कर सोहोनी (वय ५५) यांचा दूध विक्रीचा व्यवसाय आहे. ३ जानेवारी रोजी अनोळखी मोबाइलधारकांनी त्यांच्या मोबाइलवर कॉल केला. पाच लाखांचे कर्ज हवे असल्यास मंजूर करून देतो, असे आमिष दाखविले. सोहोनी यांना कर्जाची गरज असल्याने त्यानी होकार दर्शवला. या नंतर तीन महिन्यात विविध कारणे दाखवून बँक खात्यामध्ये १ लाख ७६ हजार रुपये भरावयास भाग पाडले. यानंतर त्यांना कोणतेही कर्ज न देता आरोपींनी संपर्क कमी केला. वारंवार पाठपुरावा करूनही आरोपींकडून प्रतिसाद मिळाला नाही. त्यामुळे आपली फसवणूक झाल्याचे सोहोनी यांच्या लक्षात आले. त्यांनी सोमवारी बेगमपुरा पोलिस ठाणे गाठून तक्रार दाखल केली. या तक्रारीनुसार संशयित आरोपी समीर शर्मा, राहुल व रणवीरसिंग या तिघांविरुद्ध फसवणूक व माहिती तंत्रज्ञान कायद्यानुसार गुन्हा दाखल करण्यात आला आहे. पोलिस निरीक्षक शेख सलीम या प्रकरणी तपास करीत आहेत.

मोबाइल अॅप डाउनलोड करा आणि राहा अपडेट

खासदार धूत यांच्यातर्फे शहरांसाठी टँकर

April 12, 2016, 2:30 pm

≫ Next: मोगलपुऱ्यातील शंभर वर्षांच्या विहिरीचे पुनरुज्जीवन

≪ Previous: महिलेला पावणेदोन लाखांचा गंडा

$

0

0

म. टा. प्रतिनिधी, औरंगाबाद
मराठवाड्यातील दुष्काळग्रस्त शहरांत पाणीपुरवठा करण्यासाठी शिवसेनेचे राज्यसभेतील खासदार राजकुमार धूत यांनी २१ टँकर उपलब्ध करून दिले आहेत. या उपक्रमाचे उद्घाटन शिवसेनेचे पक्षप्रमुख उद्धव ठाकरे यांच्या हस्ते येत्या शनिवारी करण्यात येणार आहे.

आयोध्यानगरी मैदानात हा कार्यक्रम होणार आहे. मराठवाड्यात तीव्र दुष्काळ पडला आहे. लातूर, उस्मानाबाद, बीड, जालना, औरंगाबादसह सर्वच शहरांत तीव्र पाणीटंचाई आहे. या शहरांत मोफत पाणीपुरवठा करण्यासाठी खासदार धूत यांनी २१ टँकर उपलब्ध करून दिले आहेत. शिवसेनेचे पक्षप्रमुख उद्धव ठाकरे यांच्याहस्ते या उपक्रमाचे शनिवारी उद्घाटन करण्यात येणार आहे. दुष्काळी भागात नागरिकांवर पाण्यासाठी भटकंती करण्याची वेळ आली आहे. नागरिकांचा हा त्रास कमी करण्यासाठी हा उपक्रम सुरू केला आहे. खासदार धूत यांनी २०१३मध्ये मराठवाडा आणि कोकणात मोफत टँकर सुविधा उपलब्ध करून दिली होती. निकषांत बसत नाही म्हणून अनेक वाड्या-वस्ता पाण्यापासून वंचित राहू नयेत, असा उपक्रमाचा हेतू आहे. या उपक्रमामुळे दुष्काळाच्या झळा सोसणाऱ्या नागरिकांना दिलासा मिळणार आहे.

मोबाइल अॅप डाउनलोड करा आणि राहा अपडेट

मोगलपुऱ्यातील शंभर वर्षांच्या विहिरीचे पुनरुज्जीवन

April 12, 2016, 2:30 pm

≫ Next: पाणी घेऊन पहाट आली

≪ Previous: खासदार धूत यांच्यातर्फे शहरांसाठी टँकर

$

0

0

Abdulwajed.Shaikh@timesgroup.com
औरंगाबाद ः एकेकाळी जुन्या औरंगाबाद शहरातील नागरिकांची तहान भागविणारी मोगलपुरा येथील विहिरीचा वापर कचरा साचल्यामुळे बंद झाला होता. यावर्षी परिसरातील नागरिकांना पाणीटंचाईच्या झळा सोसाव्या लागत आहेत. त्यामुळे नागरिक आणि नगरसेवक यांनी या जुन्या विहिरीची स्वच्छता केली. त्यामुळे रोज सुमारे ८० हजार पाई उपलब्ध झाले आहे. या पाण्यामुळे पाच ते सहा हजार नागरिकांचा पाणीप्रश्न काही प्रमाणात मिटण्याची आशा आहे.

बारापुल्ला गेटजवळ असलेल्या मोगलपुरा भागात असलेली शंभर वर्षे जुनी विहीर आहे. या विहिरीतून एकेकाळी औरंगाबाद टेक्सटाइल मीलला पाणीपुरवठा केला जात होता. सुमारे ३० वर्षांपूर्वी औरंगाबाद टेक्सटाइल मील बंद पडली. त्यानंतर या विहिरीकडे कुणाचेच लक्ष नव्हते. त्याचबरोबर जायकवाडी धरणातून औरंगाबाद शहरात पाणी पुरवठा होत असल्याने या विहिरीतून उपसाही बंद झाला होता. पाणीउपसा बंद झाल्यानंतर या विहिरीत केरकचरा टाकण्यात येत होता. या केरकचरा, गाळमुळे विहिरीतल झरे बंद पडण्याच्या मार्गावर होते. गरमपानी वॉर्डाची पाणीटंचाईची स्थिती गंभीर झाली. गेल्यावर्षी वॉर्डातील नागरिकांना पाण्यासाठी भटकंती करावी लागली. यामुळे या विहिरीचा फेरवापर करण्याचा निर्णय घेण्यात आला.

चार ते पाच महिन्यांपूर्वी या विहिरीतून कचरा, गाळ उपसण्याचे काम सुरू करण्यात आले. विहीर स्वच्छ केल्यानंतर तीन ते चार वेळेस पाण्याचा उपसाही करण्यात आला. या विहिरीत केरकचरा जाऊ नये म्हणून भिंतीचेही काम करण्यात आले. याकामासाठी सुमारे ८० हजार रुपये खर्च करण्यात आले. त्याचबरोबर विहिरीत मोटर बसविण्यात आली आहे. या विहिरीतून रोज सुमारे ८० हजार लिटरपर्यंत पाणी काढण्यात आल्याची माहिती रफत यार खान यांनी दिली. महिनाभरापूर्वी पाण्याचा उपसा थांबविण्यात आला. येत्या काळात पाण्याची स्थिती अधिक गंभीर होण्याची शक्यता आहे. त्यावेळी वॉर्डातील नागरिकांना या विहिरीतून पाणी पुरविले जाईल, असे त्यांनी सांगितले.

अशी भागू शकते तहान
मिलकॉर्नर, कोहिनूर कॉलनी, मोगलपुरा, बाबापुरा या भागात टँकरद्वारे पाणी पुरविण्याचे नियोजन नगरसेविकाने केले आहे. त्यासाठी त्यांनी टँकरही विकत घेतले आहे. सुमारे पाच ते सात हजार नागरिकांना या विहिरीतून पाण्याचा पुरवठा केला जाणार आहे.

पाच ते सहा हजार नागरिकांची तहान भागणार
वॉर्डात अनेक ठिकाणी पाण्याची समस्या गंभीर आहे. वॉर्डातील नागरिकांना पाणीबचतीचे महत्त्व कळावे म्हणून जनजागृती करण्याचा निर्णय नगरसेविकेने घेतला आहे. एप्रिलच्या शेवटच्या आठवड्यात जनजागृती उपक्रम राबविण्यात येणार आहे, अशी माहिती रफत खान यांनी दिली.

मोबाइल अॅप डाउनलोड करा आणि राहा अपडेट

पाणी घेऊन पहाट आली

April 12, 2016, 2:31 pm

≫ Next: उद्योजकाची अडीच कोटींची फसवणूक

≪ Previous: मोगलपुऱ्यातील शंभर वर्षांच्या विहिरीचे पुनरुज्जीवन

$

0

0

अरुण समुद्रे, लातूर

मिरजेहून लातूरसाठी पाणी घेऊन येणारी विशेष रेल्वे सोमवारी सकाळी रवाना झाली आणि तेव्हापासून दोन दिवसांपासून तयारीसाठी धडपडणाऱ्या लातूर प्रशासनाच्या तयारीला वेग आला. ही रेल्वे केव्हाही पोहोचण्याची शक्यता असल्यामुळे, लातूरचे स्टेशन रात्रभर जागे होते. अखेर दहा टँकरसह ही रेल्वे पहाटे पाच वाजता स्टेशनात दाखल झाली. आधी ठरलेल्या नियोजनाप्रमाणे स्टेशनवर तयारी असणाऱ्या सर्व कर्मचाऱ्यांच्या हातांना वेग आला आणि अवघ्या तीन तासांमध्ये रेल्वेतील सर्व पाणी व्यवस्थितपणे विहिरीमध्ये सोडण्यात आले.
लातूरसाठी रेल्वेतून पाणी आणण्याची तयारी अनेक दिवसांपासून होत होती आणि मिरजेतून पाणी आणण्यावर गेल्या आठवड्यात शिक्कामोर्तब झाले. या पाणीपुरवठ्यासाठी राजस्थानातील कोटा येथे विशेष रेल्वेची तयारी करण्यात आली होती. त्यानंतर ही रेल्वे मिरजेमध्ये पोहोचल्यानंतर, सोमवारी सकाळी रवाना झाली. रेल्वेची पहिलीच फेरी असल्यामुळे आणि तयारी युद्धपातळीवर करण्यात येत असल्यामुळे, जिल्हाधिकीर पांडुरंग पोले यांच्या मार्गदर्शनाखाली प्रशासन सक्रिय होते. या वेळी महापालिकेचे आयुक्त सुधाकर तेलंग यांच्यासह उपजिल्हाधिकारी डॉ. अनंत गव्हाणे, उपविभागीय अधिकारी डॉ. प्रताप काळे, तहसीलदार संजय वारकड, महाराष्ट्र जीवन प्राधिकरणाचे अधीक्षक अभियंता सतीश सुशिर, कार्यकारी अभियंता प्रवीण पाटील, राज्य विद्युत मंडळाचे कार्यकारी अभियंता सुरेश फेरे उपस्थित होते. पहाटे रेल्वे स्टेशनवर पोहोचताच, आतापर्यंतच्या प्रयत्नांना खरा आकार येणार असल्याचे उपस्थितांच्या चेहऱ्यावरील आनंदातून दिसत होते. यातच, पाणी विहिरीमध्ये सोडण्यासाठी घाई सुरू झाली.
पाणी शुद्धीकरणाची यंत्रणा सज्ज आहे, त्यामुळे आम्ही ते काम याच गतीने पूर्ण करणार असल्याचे आयुक्त तेलंग यांनी सांगितले. सुकाणू समितीचे निमंत्रक मोईज शेख यांनी मुख्यमंत्री देवेंद्र फडणवीस यांचे आभार व्यक्त केले.

दोन महिन्यांचे काम चार तासांत
युद्धपातळीवर राबविण्यात आलेल्या कामाविषयी जिल्हाधिकारी पांडुरंग पोले म्हणाले, 'ही रेल्वे प्रायोगिक तत्त्वावर दहा टँकरची आणली गेली आहे. नियोजनाप्रमाणे ५० टँकरच्या रेल्वेने पाणी आणण्यात येईल. याविषयी सांगली जिल्हाधिकारी, रेल्वे प्रशासनाशी एकत्र चर्चा केली जाणार आहे. सध्या तात्पुरत्या स्वरुपात पाणी टँकरनेच विहिरीतून पाणी शुद्धीकरणासाठी नेले जात आहे. येत्या आठवडाभरात पाइपलाइनचे काम पूर्ण होईल. नियमानुसार सर्वसाधारणपणे दोन महिन्यात पूर्ण होत असलेले काम युद्ध पातळीवर केल्यामुळे अवघ्या चार दिवसांत पूर्ण झाले आहे. हे काम करून घेण्यासाठी सलग चार दिवस दररोज रात्री दोन वाजेपर्यंत आम्ही काम केले आहे.'

माध्यमांचे लक्ष
किल्लारीच्या भूकंपानंतर सुमारे २३ वर्षांनंतर पाणीटंचाईमुळे लातूरची चर्चा मोठ्या प्रमाणात होऊ लागली आहे. रेल्वेने पाणी आणतानाही त्याचा प्रत्यय आला. भल्या पहाटे येणाऱ्या रेल्वेच्या स्वागतासाठी प्रशासनातील अधिकाऱ्यांबरोबरच राष्ट्रीय पातळीवरील माध्यमांचे प्रतिनिधीही उपस्थित होते.

समन्यायी वाटपाची अपेक्षा
रेल्वेतून पाणी मिळाल्यानंतर, सामान्य माणसांमध्ये आता पाणी भरपुर मिळेल का? नळाला पाणी येईल का? आठवड्यातून दोनदा तरी पाणी येणार का? याविषयी चर्चा सुरू झाली. तर, राज्य सरकारने पाणी पोहोचवून जबाबदारी पूर्ण केली आहे. या पाण्याच्या वाटपाची जबाबदारी महापालिकेची आहे. त्यामुळे समान पद्धतीने वाटप करत, महापालिका ही जबाबदारी पार पाडणार का, अशी चर्चा रंगू लागली आहे.

चालकांचा सत्कार
रेल्वे पाणी घेऊन येणार असल्यामुळे, त्याविषयीचा उत्साह दिसून येत होता. स्टेशनवर रेल्वे पोहोचताच, रेल्वेच्या चालकाच्या सत्कारासाठीही अनेक जण पुढे झाले. विविध अधिकारी, कर्मचारी, विविध राजकीय पक्षांचे जिल्हाधिकारी पांडुरंग पोले यांनी पाणी वाहतूक करणाऱ्या रेल्वेचे मुख्य चालक डी. पी. वाकडे, सहाय्यक चालक कमलेशकुमार सिंग, गार्ड प्रशांत जानराव यांचे पुष्पगुच्छ देवून स्वागत केले. तर सुकाणू समितीच्या वतीने मोईज शेख आणि रविंद्र जगताप यांनी जिल्हाधिकारी पोले यांचे पुष्पगुच्छ देवून स्वागत केले.

मोबाइल अॅप डाउनलोड करा आणि राहा अपडेट

उद्योजकाची अडीच कोटींची फसवणूक

April 12, 2016, 2:30 pm

≫ Next: मिलिंद कॉलेजची वास्तू जतन करा

≪ Previous: पाणी घेऊन पहाट आली

$

0

0

म. टा. प्रतिनिधी, औरंगाबाद
चिकलठाणा एमआयडीसी येथील उद्योजकाची दोनशे कोटी रुपयांचे कर्ज देण्याचे आमिष दाखवून दोन कोटी ४९ लाख रुपयांची फसवणूक करण्यात आली. २२ मार्च रोजी हा प्रकार घडला. बँक खाते बंद केल्याने ही रक्कम आरोपींच्या खात्यावर वळती झाली नाही. याप्रकरणी अहमदाबाद येथील आरोपीविरुद्ध सिडको एमआयडीसी पोलिस ठाण्यात फसवणूक व अपहाराचा गुन्हा दाखल करण्यात आला आहे.

विनोद प्रेमचंद सुराणा (वय ४९, रा. देशपांडे पूरम, शहानूरवाडी) यांची भागीदार आमोद गुप्ते यांच्यासोबत चिकलठाणा एमआयडीसी येथे गोल्डन ड्रिम बिल्डकॉन प्रा. लि. कंपनी आहे. त्यांच्या कंपनीला कर्जाची गरज होती. यासाठी त्यांनी दीपक‌सिंह चौहान कन्सट्रक्शन प्रा. लि. कंपनीचे संचालक करनसिंह चौहान यांची मुंबईत स्प्रिंग अंधेरी लिंक रोड येथे भेट घेतली होती. यावेळी दोनशे कोटी रुपये कर्ज देण्याबाबत त्यांच्यात चर्चा झाली. यावेळी कर्जाची तीन वर्षांत परतफेड करण्याचे व सात टक्के दराने वार्षिक व्याज देण्याचे ठरले.

सुराणा यांनी दोनशे कोटी रुपयांचे सहा अॅडव्हान्स चेक चौहान यांना दिले होते. सुराणा यांना जोपर्यंत दोनशे कोटीचे कर्ज मिळणार नाही, तोपर्यंत हे चेक बँकेत वटविण्यासाठी भरणार नाही, अशी हमी चौहान यांनी सुराणा याना दिली होती, मात्र चौहान यांनी चेकवर खाडाखोड केली व एन १ येथील अॅक्सिस बँकेतील सुराणा यांच्या खात्यातून दोन कोटी ४९ लाखांची रक्कम त्यांच्या ग्वाल्हेर येथील एचडीएफसी बँकेच्या खात्यात वळती करण्याचा प्रयत्न केला. हा प्रकार लक्षात आल्यानंतर सुराणा यांनी सिडको एमआयडीसी पोलिस ठाण्यात आरोपी करणसिंह चौहान (रा. ए ६०६, कारगिल पेट्रोल पंपाच्या मागे, एस.जी. हायवे रोड, अहमदाबाद) याच्याविरुद्ध फसवणूक व अपहाराचा गुन्हा दाखल केला. पोलिस जमादार सतीश जाधव याप्रकरणी तपास करीत आहेत.

खाते बंद केल्याने रक्कम बचावली
चेक वटवण्यासाठी बँकेत सादर केल्याबाबत उद्योजक सुराणा कळाले. त्यांनी तातडीने त्यांचे बँक खाते बंद केले. त्यामुळे ही रक्कम वळती झाली नसल्याची माहिती पोलिस निरीक्षक श्रीपाद परोपकारी यानी दिली.

मोबाइल अॅप डाउनलोड करा आणि राहा अपडेट