एक कोटी थकलेल्या कंत्राटदाराचा राडा

May 27, 2016, 2:30 pm

≫ Next: ९८ लाख रुपयांची महिलेची फसवणूक

≪ Previous: ठगांनी लांबवले वृद्धेचे दागिने

$

0

0

म. टा. प्रतिनिधी, औरंगाबाद
महापालिकेचे शहर अभियंता सखाराम पानझडे यांच्या दालनात समद पटेल या कंत्राटदाराने शुक्रवारी सायंकाळी अक्षरशः राडा केला. एक कोटी रुपयांचे बिल दोन वर्षांपासून मिळत नसल्यामुळे संतापलेल्या पटेल यांनी बिलातील टक्केवारीचा उल्लेख करीत शिव्यांची लाखोळी वाहिली. महापौर, उपमहापौरांनी मध्यस्थी केल्यानंतर हे प्रकरण निवळले.
समद पटेल सायंकाळी साडेपाच वाजता थेट शहर अभियंत्यांच्या दालनात गेले. त्यांच्याकडून घनकचरा विभागासाठी वाहने घेण्यात आले असून त्यांचे एक कोटी रुपयांचे बिल दोन वर्षांपासून मिळालेले नाही. त्याचा जाब विचारण्यासाठी ते पानझडे यांच्या दालनात आले. बिलाबद्दल पानझडे यांच्यासोबत बोलत असताना शेजारी उभे असलेले सबओर्सिअर धनंजय जोशी यांनी पटेल यांच्याबद्दल अपमानकारक उदगार काढले. त्यामुळे पटेल यांचा पारा चढला, त्यांनी शिव्यांची लाखोळी वाहण्यास सुरूवात केली. बिल काढताना कशी टक्केवारी घेतली जाते, त्यात कुणाचा कसा सहभाग असतो, याबद्दल ते मोठ्या आवाजात बोलत होते. पानझडे यांनी प्रयत्न करूनही ते शांत होत नव्हते. ही बाब समजल्यानंतर महापौर त्र्यंबक तुपे व उपमहापौर प्रमोद राठोड यांनी राजशिष्टाचार बाजूला ठेवून पानझडे यांच्या दालनात धाव घेतली. त्यांनी मध्यस्थी केली. दरम्यानच्या काळात समद पटेल यांच्याविरुद्ध तक्रार देण्यासाठी सिटीचौक पोलिस ठाण्यात गेलेले धनंजय जोशी यांना परत बोलवण्यात आले.

मोबाइल अॅप डाउनलोड करा आणि राहा अपडेट

---

९८ लाख रुपयांची महिलेची फसवणूक

May 27, 2016, 2:30 pm

≫ Next: रसिकांना भावलेला साधा लेखक

≪ Previous: एक कोटी थकलेल्या कंत्राटदाराचा राडा

$

0

0

म. टा. प्रतिनिधी, औरंगाबाद
प्लॉट विक्रीत महिलेची ९८ लाख रुपयांची फसवणूक करीत पैसे परत मागण्यासाठी गेलेल्या महिलेचा विनयभंग करण्यात आला. बुधवारी सकाळी जिन्सी चौकात हा प्रकार घडला. याप्रकरणी जिन्सी पोलिस ठाण्यात विनयभंगाचा गुन्हा दाखल करण्यात आला आहे.
जिन्सी परिसरातील एका ५२ वर्षाच्या महिलेने व तिच्या पतीला आरोपी शेख खलील व इतरांनी बसैयेनगर येथे प्लॉट घेऊन देतो, असे सांगत ९८ लाख रुपये घेत रजिस्ट्री करून देण्यास नकार दिला होता. ही महिला पतीसह बुधवारी सकाळी रजिस्ट्री करून देण्याची मागणी करण्याकरीता खलील अहमदच्या घरी गेली होती. यावेळी आरोपींनी महिलेचा विनयभंग केला तसेच पैसे परत मागितल्यास जीवंत सोडणार नाही, अशी धमकी दिली. याप्रकरणी महिलेच्या तक्रारीवरून संशयित आरोपी शेख खलील अहमद, दिलदार चौधरी, फत्तू मन्नू चौधरी (सर्व रा. जिन्सी चौक) व मॅनेजर एजाज, आमिन (पूर्ण नाव माहित नाही) यांच्याविरुद्ध गुन्हा दाखल करण्यात आला. याप्रकरणी पीएसआय शेख तपास करीत आहेत.

मोबाइल अॅप डाउनलोड करा आणि राहा अपडेट

रसिकांना भावलेला साधा लेखक

May 27, 2016, 2:30 pm

≫ Next: वृद्धास गंडविणाऱ्या महिलेच्या कोठडीत वाढ

≪ Previous: ९८ लाख रुपयांची महिलेची फसवणूक

$

0

0

म. टा. प्रतिनिधी, औरंगाबाद
साधी राहणी आणि निखळ वात्सल्याने ओथंबलेला संवाद हे प्रा. रा. ग. जाधव यांचे वेगळेपण साहित्य रसिकांना प्रचंड भावले होते. जानेवारी २००४मध्ये देवगिरी महाविद्यालयाच्या प्रांगणात झालेल्या अखिल भारतीय मराठी साहित्य संमेलनाचा हा प्रतिभावंत अध्यक्ष साहित्य रसिकांच्या मनात कायमचा ठसला. या साधेपणाच्या आठवणी अजूनही रसिकांच्या स्मरणात आहेत.
मराठी साहित्याची तौलनिक समीक्षा करणारे समीक्षक ही प्रा. रा. ग. जाधव यांची ओळख होती. मराठी कविता, कादंबरी, कथा यांची वेळोवेळी व्यासंगी समीक्षा केली. मराठी साहित्य समजून घेण्यासाठी प्रा. जाधव यांचे लेखन महत्त्वपूर्ण ठरले. औरंगाबाद शहराशी त्यांचे जिव्हाळ्याचे नाते होते. मिलिंद कॉलेजमध्ये त्यांनी काही वर्षे अध्यापन केले. साहित्याच्या प्रांगणात नव्याने लिहिते झालेल्या लेखकांना जाधव यांनी बळ दिले. दलित साहित्यावरील 'निळी पहाट', 'निळी क्षितिजे' या समीक्षा ग्रंथाचे मोल अनन्यसाधारण आहे. मराठी साहित्यात दलित साहित्याची गरज त्यांनी अधोरेखित केली. २००४मध्ये औरंगाबाद शहरात अखिल भारतीय मराठी साहित्य संमेलन झाले. देवगिरी कॉलेजच्या प्रांगणात झालेल्या संमेलनाचे अध्यक्ष प्रा. जाधव होते. या चार दिवसात नव्या पिढीतील साहित्य रसिकांना त्यांनी आपलेसे केले. मृदू भाषा, सखोल अभ्यास आणि व्यासंगी संवाद ही त्यांच्या व्यक्तिमत्वाची ठसठशीत ओळख होती. संमेलनात शेकडो रसिकांचा त्यांना गराडा पडलेला असायचा. प्रत्येकाशी प्रेमळ संवाद साधत त्यांनी संमेलनावर साधेपणाची छाप पाडली. या आठवणींना साहित्य रसिकांनी प्रा. जाधव यांचे निधन झाल्याचे समजल्यानंतर पुन्हा उजाळा दिला. संमेलनाध्यक्ष साधेपणाने वागू शकतो याचा आदर्श जाधव यांनी कृतीतून घातला. 'आनंदाचा डोह', 'काव्यसमीक्षेतील धुळाक्षरे', 'खेळीमेळी', 'निळी पहाट', 'निळी क्षितिजे', 'निळे पाणी', 'पंचवटी', 'साठोत्तरी मराठी कविता व कवी', 'वासंतिक पर्व', 'माझे चिंतन', 'विचारशिल्प', 'वागर्थ' हे प्रा. जाधव यांचे महत्त्वपूर्ण ग्रंथ आहेत.

पाणावलेले डोळे
औरंगाबाद शहरात आल्यानंतर प्रा. रा. ग. जाधव रेल्वे स्टेशन रोडवरील 'हॉटेल नंदनवन'मध्ये थांबत असत. अगदी त्यांची रूमसुद्धा ठरलेली असायची. साहित्य संमेलनानिमित्त आयोजकांनी दुसऱ्या हॉटेलमध्ये व्यवस्था केली असतानाही जाधव साध्या हॉटेलमध्येच राहिले. संमेलन काळात ही खोली रसिकांनी गजबजून गेली होती. या साध्या लेखकासोबत फोटो काढण्याचा मोह हॉटेलच्या कर्मचाऱ्यांनाही आवरला नव्हता. साहित्य संमेलन संपल्यानंतर निरोप घेताना प्रा. जाधव यांचे भरलेले डोळे पाहून अनेकजण भावूक झाले होते.

प्रा. रा. ग. जाधव कवी व समीक्षक असले तरी समीक्षक म्हणूनच वाचकाला परिचित होते. व्यापक वाङमयीन दृष्टिकोन हा त्यांच्या समीक्षेचा विशेष होता. मराठवाडा साहित्य परिषदेने माझ्या साहित्यावर घेतलेल्या चर्चासत्रात 'शिवारातील शिल्पकार' हा मौलिक निबंध त्यांनी वाचला होता. त्यांचे वाचन आणि व्यासंग मोठा होता. समीक्षक आणि माणूस म्हणून जाधव श्रेष्ठ होते.
- रा. रं. बोराडे, ज्येष्ठ साहित्यिक

बहुआयामी समीक्षावृत्ती ही जाधव यांच्या समीक्षा लेखनाचे वैशिष्ट्य होते. नवीन लेखक, विविध वाड्मय प्रवाहात लेखन करणारे जुने लेखक, मध्ययुगीन काळातील लेखक यांच्यावर समीक्षा लेखन केले. जाहीर समारंभाला ते फारसे जात नसत. औरंगाबादच्या ७७वे अखिल भारतीय मराठी साहित्य संमेलनापर्यंत कुठेही ते गेले नव्हते. कविता, कथा, नाटक, समीक्षा अशा विविध प्रकारचे लेखन त्यांनी केले. १९७० ते १९९० या कालावधीत त्यांची तीस पुस्तके प्रकाशित झाली. डॉ. गंगाधर पानतावणे यांच्या 'अस्मितादर्श'चा पहिला अंक 'अस्मिता' त्यांनी काढला होता. विविध साहित्याचे प्रा. जाधव भाष्यकार होते.
- कौतिकराव ठाले पाटील, अध्यक्ष, मसाप

प्रा. रा. ग. जाधव हे त्यांच्या पिढीतील विविधांगी लेखन करणारे समीक्षक होते. विशेषतः दलित साहित्यावरील त्यांचे लिखाण महत्त्वपूर्ण आहे. वेगवेगळ्या संस्थांवर यशस्वीपणे काम करूनही त्यांचा ऋजू स्वभाव कायम राहिला. आपल्या विद्वत्तेचा गर्व नव्हता. एखाद्या व्यक्तीच्या जाण्याने रिकामी झालेली जागा भरून काढता येत नाही. जाधव सरांच्या जाण्याने सुन्न झाले आहे.
- अनुराधा पाटील, ज्येष्ठ कवयित्री

ज्या काळात दलित चळवळीसंबंधी उलटसुलट चर्चा सुरू होती अशा काळात दलित साहित्याची अपरिहार्यता ज्या चिंतकांनी महत्त्वाची मानली होती त्यात प्रा. रा. ग. जाधव अग्रणी होते. चिंतनाचे क्षेत्र मानव्याने तारले गेले पाहिजे अशी त्यांची नितांत श्रद्धा होती. निकोप मनाचा माणूस आणि द्रष्टा समीक्षक काळाने हिरावून घेतल्याचे दुःख आहे.
- प्रा. डॉ. ऋषिकेश कांबळे, समीक्षक

प्रा. जाधव मराठीतील साक्षेपी, संवेदनशील समीक्षक होते. साहित्यातील सर्व वाड्मय प्रवाहासह त्यांनी चित्रपट समीक्षासुद्धा केली. त्यांची मूल प्रवृत्ती सृजनशील लेखनाची होती. मात्र, मराठी विश्वकोश मंडळाच्या जबाबदारीमुळे त्यांच्यातील सृजनशील लेखक बाजूला पडला. 'वियोगब्रह्म' या कवितासंग्रहात त्यांच्या भावाकूल, विषण्ण अवस्थेचा प्रत्यय येतो. त्यांनी समीक्षेला सांदर्भिक मूल्य दिले.
- डॉ. कैलास अंभुरे, समीक्षक

मराठी समीक्षेतील ऋषितुल्य व्यक्तिमत्व होते. दलित साहित्य आणि मराठी कवितेवर केलेली मांडणी महत्त्वपूर्ण आहे. 'महाराष्ट्र फाउंडेशन पुरस्कारा'च्या समितीचे सदस्य असताना त्यांच्यासोबत मला काम करण्याची संधी मिळाली. एखादी साहित्यकृती निवडताना भूमिका, निकष किती प्रांजळ आहेत याचा अनुभव आला. ऋषीसारखे ते जीवन जगले. साहित्याची साधना करीत राहिले.
- डॉ. दासू वैद्य, कवी

मोबाइल अॅप डाउनलोड करा आणि राहा अपडेट

वृद्धास गंडविणाऱ्या महिलेच्या कोठडीत वाढ

May 27, 2016, 2:30 pm

≫ Next: कौतुक गुणवंतांच्या प्रेरक प्रवासाचे

≪ Previous: रसिकांना भावलेला साधा लेखक

$

0

0

औरंगाबाद : लष्करातील सेवानिवृत्त अधिकाऱ्याशी लग्न करून घरातील रोख रक्कम आणि सोन्याचे दागिने घेऊन पळून गेलेल्या महिलेच्या ताब्यातून पाच तोळे सोन्याचे दागिने पोलिस कोठडीदरम्यान जप्त करण्यात आले. त्याचबरोबर अन्य दोघांनाही अटक करण्यात आली असून, तिघांना शनिवारपर्यंत (२८ मे) पोलिस कोठडीत ठेवण्याचे आदेश मुख्य न्यायदंडाधिकारी ए. ए. खान यांनी गुरुवारी दिले.
म्हाडा कॉलनीत राहणारे सेवानिवृत्त अधिकारी शिवानंद सत्यान यांच्याशी आरोपी शोभा उर्फ सुनीता राजू कुलथे हिने विवाह केला होता. विवाहानंतर पाचव्या दिवशीच तिने २६ तोळे दागिने व रोख ३५ हजार रुपये घेऊन पोबारा केला होता. दरम्यान, १९ मे रोजी रात्री क्रांतिचौक पोलिसांनी शोभाला अटक केली. पोलिस कोठडी संपल्यामुळे तिला गुरुवारी कोर्टात हजर करण्यात आले असता, तपास अधिकाऱ्यांनी आरोपी शोभाचे साथीदार युनूस वजीर शेख आणि दागिने खरेदी करणारा व्यापारी श्रीकांत सूर्यकांत डाहाळे या दोघांना अटक केली. त्यांच्या ताब्यातून सोन्याचे दागिने जप्त करायचे असल्याने पोलिस कोठडी वाढवण्याची विनंती कोर्टात केली असता, कोर्टाने ही विनंती ग्राह्य धरुन आरोपींना शनिवारपर्यंत पोलिस कोठडीत ठेवण्याचे आदेश दिले.

मोबाइल अॅप डाउनलोड करा आणि राहा अपडेट

कौतुक गुणवंतांच्या प्रेरक प्रवासाचे

May 27, 2016, 2:30 pm

≫ Next: निश्चित ध्येय हेच यशाचे दार

≪ Previous: वृद्धास गंडविणाऱ्या महिलेच्या कोठडीत वाढ

$

0

0

औरंगाबाद : यूपीएससी आणि स्पर्धा परीक्षांबाबत गैरसमज आहेत. आपले ध्येय निश्चित करून परिश्रम केल्यास यश सहज मिळवता येते हा यशाचा गुरुमंत्र यूपीएससीतील गुणवंतांनी दिला. 'महाराष्ट्र टाइम्स प्लॅनेट कॅम्पस'तर्फे शुक्रवारी रुक्मिणी सभागृहात हा कार्यक्रम आयोजित करण्यात आला होता. एमजीएम इन्स्टिट्यूट ऑफ कॉम्पिटिटीव्ह एक्झाम सेंटरने कार्यक्रमाला सहकार्य केले.
'महाराष्ट्र टाइम्स' प्लॅनेट कॅम्पस कार्यक्रम स्पर्धा परीक्षेची तयारी करीत असलेल्या विद्यार्थ्यांसाठी महत्त्वपूर्ण ठरला. यूपीएससी परीक्षेतील गुणवंत अन्सार शेख, रोहित घोडके आणि डॉ. लक्ष्मीकांत सूर्यवंशी यांनी उपस्थित विद्यार्थ्यांना बहुमोल मार्गदर्शन केले. ध्येय वास्तवात आणण्यासाठी यूपीएससी अत्यंत महत्त्वाचा टप्पा आहे. योग्य मार्गदर्शन आणि परिश्रमाच्या बळावर परीक्षा उत्तीर्ण होणे कठीण नसल्याचा अनुभव गुणवंतांनी सांगितला. सेलगाव (जि. जालना) येथील शेख अन्सार यांचे वडील रिक्षाचालक आहेत. पुण्यात फर्ग्युसन कॉलेजात शिकताना अन्सारने परीक्षेची तयारी केली. वयाच्या २२व्या वर्षी देशात ६१वा क्रमांक मिळण्यात ते यशस्वी ठरले. रोहित घोडके हे मध्यमवर्गीय कुटुंबातील असून, सातत्यपूर्ण अभ्यासाच्या बळावर त्यांनी २५७ वी रँक मिळवली आहे. डॉक्टरी पेशात कार्यरत असतानाही प्रशासकीय सेवेची इच्छा डॉ. लक्ष्मीकांत सूर्यवंशी यांना स्वस्थ बसू देत नव्हती. त्यामुळे नियमित अभ्यास करून त्यांनी इंडियन फॉरेन सर्व्हिसमध्ये यश मिळवले. या गुणवंतांचे अनुभव ऐकताना उपस्थित विद्यार्थी भरभरून प्रतिसाद देत होते. दरम्यान, मार्गदर्शनापूर्वी एमजीएम कॉम्पिटीटीव्ह एक्झाम सेंटरचे डॉ. सतीश ढगे यांनी स्पर्धा परीक्षेची सविस्तर माहिती दिली. 'महाराष्ट्र टाइम्स'चे निवासी संपादक धनंजय लांबे यांनी प्रास्ताविक केले. स्वप्नील जोशी यांनी सूत्रसंचालन केले. वरिष्ठ सहायक संपादक प्रमोद माने यांनी आभार मानले.

विक्रमी गर्दी
सध्या मराठवाड्यातील विद्यार्थी स्पर्धा परीक्षेची तयारी करीत आहेत. मराठवाड्यातील विद्यार्थ्यांनी यूपीएससीत यश मिळवल्यानंतर उत्साहाचे वातावरण आहे. यशस्वी विद्यार्थ्यांचे मनोगत ऐकण्यासाठी गर्दी झाली होती. या महत्त्वपूर्ण मार्गदर्शनाचा उपयोग होणार असल्याचे विद्यार्थ्यांनी सांगितले.

मोबाइल अॅप डाउनलोड करा आणि राहा अपडेट

निश्चित ध्येय हेच यशाचे दार

May 27, 2016, 12:20 pm

≫ Next: अन पोलिसांनी सोडवली सिमल्यातील तक्रार

≪ Previous: कौतुक गुणवंतांच्या प्रेरक प्रवासाचे

$

0

0

ध्येय निश्चित करून परिश्रम करणारा साधारण कुटुंबातील विद्यार्थीही यूपीएससी परीक्षा उत्तीर्ण होऊ शकतो. या विद्यार्थ्यांसाठी सनदी अधिकारी होणे नक्कीच कठीण नाही, असा मोलाचा सल्ला मराठवाड्यातील यूपीएससी गुणवंत विद्यार्थी शेख अन्सार, रोहित घोडके आणि डॉ. लक्ष्मीकांत सूर्यवंशी यांनी दिला. 'मटा प्लॅनेट कॅम्पस'तर्फे आयोजित केलेल्या कार्यक्रमात गुणवंत मान्यवरांनी उपस्थित विद्यार्थ्यांसमोर आपला प्रेरणादायी प्रवास उलगडला.

ध्येय निश्चित करून मेहनत करा : शेख अन्सार
पुण्यात फर्ग्यूसन कॉलेजात प्रथम वर्षाला असताना पुस्तक खरेदीसाठी माझ्याकडे १२ हजार रुपये नव्हते. उन्हाळ्याच्या सुटीत एनडीए कोचिंग क्लासमध्ये असिस्टंट म्हणून नोकरी करू लागलो. आठ तास काम करून दरमहा आठ हजार रुपये पगार मिळत होता. दोन महिने काम करून सोळा हजार रुपये कमावले आणि पुस्तक खरेदी केली. क्लासमध्ये रिक्षाचालकाचा एक मुलगा शिकवण्यासाठी येत होता. बिकट परिस्थितीवर मात करून त्याने यश मिळवले होते. त्याचे वडील भविष्य पाहत असत. माझा भविष्यावर विश्वास नाही, पण त्यांनी आग्रह केल्यामुळे हात दाखवला. 'तू क्लास वन ऑफिसर होऊ शकणार नाही, क्लास टू ऑफिसर होशील,' असे त्यांनी सांगितले होते, पण मी खचलो नाही. 'हाथो की लकीरों पे मत जाओ गालिब, नसीब तो उनका भी होता है जिनके हाथ नही होते' या उक्तीवर माझा विश्वास होता. पहिल्याच प्रयत्नात यूपीएससी परीक्षा पास होऊन मी क्लास वन अधिकारी झालो. परीक्षेची तयारी अत्यंत संयमाने केली. वाचन करताना टिपणं काढावी लागतात. कलेक्टर होण्यासाठी निवडणूक लढवावी लागते, असा शाळेत असताना माझा समज होता, पण आमचे मापारीसर एमपीएससीची परीक्षा पास होऊन शिक्षणाधिकारी झाले होते. या सरांनी स्पर्धा परीक्षेची सविस्तर माहिती दिली. बारवाले कॉलेजात बारावी झालो. विज्ञान आणि गणित विषय अजिबात आवडत नव्हते. सामान्य माणसाला या विषयांचा उपयोग नसतो, असे माझे मत आहे. त्यामुळे बारावीनंतर बीए केले. माझ्या गावापासून बारवाले कॉलेज १०-१२ किलोमीटर अंतरावर होते. कॉलेजला जाण्यासाठी वडील दररोज दहा रुपये रिक्षासाठी देत असत, पण मी रिक्षाचालकाचा मुलगा असल्यामुळे इतर रिक्षाचालक माझ्याकडून पैसे घेत नव्हते. हेच पैसे माझे पॉकेटमनी असायचे. शाळेत खूप खडतर परिस्थितीत शिक्षण घेतले. पावसाळ्यात स्लीपर घातल्यामुळे पँटवर चिखलाचे शिंतोडे उडायचे. मग, संकोच वाटल्यामुळे शाळेत जायचो नाही किंवा दुसरे रंगीत कपडे घालून जायचो. मार चुकवण्यासाठी शाळेच्या कुंपणाजवळ शिक्षक वर्गात जाण्याची वाट पहायचो. मला नॉनव्हेज जेवण खूप आवडत होते. कधीतरी शाळेच्या खिचडीत अळ्या निघाल्यास ही आवड आपोआप पूर्ण व्हायची. बारवाले कॉलेजात शिक्षकांनी यूपीएससी पॅटर्न समजावून सांगितला. मराठवाड्यात चांगले मार्गदर्शन नसल्यामुळे पुण्याला जाण्याचा सल्ला दिला. बीएला फर्ग्युसन कॉलेजात प्रवेश घेतला. दोन ड्रेस व चप्पल असा वेष होता. जिल्हा परिषदेच्या मराठी शाळेत शिकलेला माझ्यासारखा विद्यार्थी संकोचला होता. इतर विद्यार्थी फाडफाड इंग्रजी बोलणारे व श्रीमंत घरातील होते. फर्ग्युसनमधील विद्यार्थ्यांना शिकवायची गरज नसते, असे म्हणतात इतके ते हुशार असतात. भरपूर अभ्यास करणे हाच माझ्यासमोर पर्याय होता. दररोज १४-१५ तास अभ्यास सुरू केला. २०१५मध्ये पदवी मिळाल्यानंतर ऑगस्ट महिन्यात यूपीएससीची पूर्व परीक्षा दिली. घरची परिस्थिती बेताची होती. चार वर्षांत ईदला फक्त दोनदा गेलो. भाऊ मामाकडे काम करुन पैसे पाठवत होता. १९ फेब्रुवारीला शिवजयंतीच्या दिवशी पूर्व परीक्षा पास झाल्याची भेट मिळाली. मुख्य परीक्षेच्या तयारीसाठी फक्त शंभर दिवस होते. खूप लिखाण केल्यामुळे अंगठा सुजत होता, पण वीसपैकी वीस प्रश्न सोडवण्याचा निर्धार केला होता. या काळात माझ्या भाऊजीचे निधन झाले. बहीण आणि दोन भाच्यांच्या चिंतेने व्यथित झालो, पण बहिणीने धीर दिला आणि परीक्षेची तयारी करण्यास सांगितले. २ हजार ८०० परीक्षार्थी परीक्षा उत्तीर्ण झाले. यात मी होतो. पी. के. जोशी पॅनेल मुलाखत घेण्यासाठी होते. काही प्रश्न कायम आठवणीत आहेत. मुस्लिम युवक कडवे झाल्याबाबत प्रश्न विचारण्यात आला. या प्रश्नाच्या ओघाने चर्चा करताना शिया-सुन्नी अशी चर्चा झाली. तुम्ही कोण, असा प्रश्न केल्यानंतर 'आय अॅम इंडियन मुस्लिम' असे उत्तर दिले. उत्तर सर्वांना खूप आवडले. संस्कृत विषयात मला शाळेत शंभरपैकी शंभर गुण होते. एवढे गुण कसे मिळाले, असा प्रश्न विचारण्यात आला. 'सर, परीक्षेत जास्त टक्के मिळ‍ण्यासाठी संस्कृत विषय घेतात. रट्टा मारून एवढे मार्क्स मिळाले,' असे मी प्रांजळपणे सांगितले. उत्तर ऐकून पॅनलमधील एक सदस्य म्हणाले, 'मीसुद्धा रट्टा मारला होता.' खेळीमेळीच्या वातावरणात मुलाखत झाली. मराठी माध्यमात परीक्षा देऊन मी उत्तीर्ण झालो. माझे शिक्षण मराठी, इंग्रजी माध्यमात झाले, तर मुलाखत हिंदी भाषेत झाली. दहा मे रोजी निकाल लागल्यानंतर आयुष्य खूप बदलल्याचे जाणवत आहे. तुमच्या कौटुंबिक पार्श्वभूमीशी परीक्षेचा काहीही संबंध नसतो. तुमच्या परिश्रमावर यश अवलंबून असते. ध्येय निश्चित करून प्रचंड मेहनत करा. अभ्यास करण्याची इच्छा असूनही अभ्यास होत नाही, असे अनेकजण सांगतात, पण तुम्हाला यूपीएससी का करायची आहे, या प्रश्नाचे उत्तर तुमच्याकडे असेल, तर तुम्हाला ताबडतोब प्रेरणा मिळते. आत्मविश्वास व प्रेरणा आतून आली पाहिजे. परीक्षाकेंद्री अभ्यास न करता ज्ञानकेंद्री अभ्यास करा. वयाच्या २२व्या वर्षी देशात ६१वा क्रमांक मला मिळवता आला, तो केवळ ध्येयाच्या बळावर. स्वातंत्र्य, समता व बंधूता ही मूल्ये जगायला शिका. तुमच्यातील चांगला माणूसच तुमचे यश अधोरेखित करेल.


जिद्दीने केलेल्या अभ्यासाचे फळ नक्कीच मिळते : रोहित घोडके

औरंगाबाद शहरात मिलिटरी स्कूलमध्ये पाचवी ते दहावीचे शिक्षण झाले. बारामती येथील विद्या प्रतिष्ठानच्या कॉलेजमध्ये इंजिनिअरिंग केले. मुंबईला 'आयआयटी'त एम.टेक केल्यानंतर स्पर्धा परीक्षेकडे वळलो. जैन विद्यार्थ्यांना सहकार्य करीत असलेल्या 'जितो' संस्थेत दाखल झालो. यूपीएससीची तयारी सुरू असतानाच २०१४मध्ये पूर्व परीक्षेत अनुत्तीर्ण झालो. २०१५मध्ये चार गुणांनी मुख्य परीक्षेत अनुत्तीर्ण झालो. हा अत्यंत कठीण काळ होता, मात्र अभ्यासातील सातत्य कमी झाले नाही. २०१५ यावर्षी पूर्व व मुख्य परीक्षा दिली. या परीक्षेत देशात २५७वी रँक मिळाली. अत्यंत कठीण परीक्षासुद्धा पास होऊ शकतो, हा आत्मविश्वास बळावला. यूपीएससी परीक्षेबाबत आपल्या समाजात खूप गैरसमज आहेत. परीक्षा उत्तीर्ण होण्यासाठी श्रीमंत असणे आवश्यक असते, मुलाखतीत पैसे मागतात असे अनेक गैरसमज आहेत.

गरीब कुटुंबातील मुलंसुद्धा परीक्षा उत्तीर्ण होतात ही वस्तुस्थिती आहे. फक्त परिश्रम आवश्यक असतात. दररोज १२ ते १३ तास अभ्यास केल्यास परीक्षा सहज उत्तीर्ण होता येते, पण परीक्षा पास होईपर्यंत अभ्यास कायम करावा लागतो. पूर्व परीक्षा नापास झाल्यास पुन्हा पूर्वची तयारी करावी लागते. मुख्य परीक्षा नापास झाल्यानंतरही पुन्हा पूर्वची तयारी करावी लागते आणि मुलाखतीत नापास झाल्यानंतरही पुन्हा पूर्वची तयारी करावी लागते. त्यामुळे जिद्द आणि परिश्रम कायम पाहिजे. माझ्यासारखा साधारण शैक्षणिक आलेख असलेला मुलगा ही परीक्षा पास झाला. दहावीत मला ७६ टक्के गुण होते. यूपीएससी पास होण्यासाठी मेरिट पाहिजे हा समज खोटा आहे. शाळेत असताना माझ्या ओळखीच्या एक उपजिल्हाधिकारी मॅडम होत्या. त्यांच्यासारखे अधिकारी व्हावे असे पहिल्यांदा वाटले. आईसुद्धा 'भैया, मला लाल दिव्याच्या गाडीत फिरायचे आहे,' असे म्हणाली. अशा लहान-मोठ्या घटनांनी प्रेरणा मिळाली. 'तुला कलेक्टर व्हायचंय,' असे प्रोत्साहन वडील देत होते. आपला मुलगा कितीही खोडकर असला, तरी निश्चित कलेक्टर होईल, असा त्यांना विश्वास होता. खेळात भाग का घेतला नाही म्हणून शाळेत शिक्षक मारायचे, तर अभ्यासावर कमी भर होता. मला दहावीनंतर इतर मुले किती अभ्यास करतात याचा शोध लागला. बारावीच्या परीक्षेच्या एक महिना आधी डोळे उघडले. क्लासमध्ये जात नसल्यामुळे मुलाचा परफॉर्मन्स चांगला नसल्याचा वडीलांना फोन आला होता. मी करू शकतो, असा विश्वास वडीलांना बोलून दाखवला. दररोज १४-१५ तास अभ्यास करून ७८ टक्के गुण मिळाले. बारावीनंतर सिव्हिल इंजिनिअरिंगला इच्छा नसताना प्रवेश घेतला. तिथेसुद्धा जिद्दीने उत्तीर्ण झालो. एकदा आमचे विभागप्रमुख मला म्हणाले, 'तुझे ओरल बॅक ठेवतो.' मी म्हणालो, 'सर तुम्ही ओरल बॅक ठेवा. मी तुमच्या विषयात सर्वाधिक गुण मिळवतो.' या विषयात विद्यापीठात पहिला आलो. आयआयटीमध्ये सहज प्रवेश मिळाला. एम.टेक. करताना स्पर्धा परीक्षेची तयारी करण्याचे निश्चित केले. एम.टेक.नंतर आकर्षक वेतनाचा जॉब मिळाला, पण प्रशासकीय सेवेतील ताकद खासगी नोकरीत नव्हती. माझ्या अनेक मित्रांनी 'आयआयटी'तून कमी वयात यश मिळवले. मी मात्र यूपीएससीचे ध्येय ठेवून वाटचाल करीत गेलो. एका वर्षी मुलाखत दहा दिवसांवर असताना लहान भावाचे निधन झाले. या घटनेमुळे झोपतून दचकून उठायचो. वीस-पंचवीस मिनिटे मुलाखत होऊनही निवड झाली नाही. एक मुलगा गमावल्यानंतर मी आईसोबत राहणे स्वाभाविक होते, पण लहानपणी पाहिलेले स्वप्न पूर्ण करण्यासाठी आईने मला पाठबळ दिले. ऑफिसर होईपर्यंत घरी येण्याची गरज नसल्याचे ती म्हणाली. मुलांवर पालकांनी विश्वास ठेवल्यास ते नक्कीच तुमचे नाव उज्ज्वल करतात. मी लेखी परीक्षेत एवढे मार्क्स मिळवील की मुलाखतीची गरज पडणार नाही, असे मनाशी ठरवले. अखेर परीक्षा पास झालो. खडतर प्रवासात कुटुंबाची साथ मिळाली. तळागाळाची जाणीव असलेले विद्यार्थी मराठवाड्यात जास्त आहेत. दुष्काळ, मागासलेपण, गरीबी बिहारचे विद्यार्थी नेहमी अनुभवतात. म्हणून जिद्दीने अभ्यास करून यूपीएससी पास होण्यात त्यांचे सर्वाधिक प्रमाण आहे. ही परीक्षा चळवळ बनली आहे. मराठवाड्यात जागरूकता वाढत असून, पुढील काळात आपले विद्यार्थी मोठ्या संख्येने यशस्वी होतील. परिश्रम केल्यानंतरच फळ मिळते, पण हे फळ सामाजिक बांधिलकी लक्षात घेऊन वाटून खा.

ध्येय निश्चित असेल, तर यश मिळणारच : डॉ. लक्ष्मीकांत सूर्यवंशी
शंकरनगर (जि. नांदेड) येथे साईबाबा विद्यालयात पहिली ते पाचवी मराठी माध्यमात शिक्षण झाले. त्यानंतर जवाहर नवोदय विद्यालयात शिकलो. सीबीएसई पॅटर्न कठीण असल्यामुळे अभ्यासाचा पाया भक्कम झाला. अहमदपूर येथे बारावी झाल्यानंतर औरंगाबादला शासकीय वैद्यकीय महाविद्यालयात एमबीबीएसला प्रवेश घेतला. घरात चार-पाचजण डॉक्टर असल्यामुळे मीसुद्धा डॉक्टर होऊन नाव कमवावे, असा आग्रह होता. मध्यमवर्गीय मानसिकता असल्यामुळे माझा नाइलाज होता. एमबीबीएसनंतर यूपीएससीची तयारी सुरू केली. वयाच्या २५व्या वर्षी हा निर्णय घेतला. तुझ्या शिक्षणावर पैसे खर्च केले आहेत. आता 'पीजी' कर असा पुन्हा घरात आग्रह होता. या शिक्षणानंतर अलिबाग येथे मेडिकल ऑफिसर पदावर रुजू झालो, पण हे काम खूप दिवस करू शकणार नसल्याचे लक्षात आले. खरी परिस्थिती आईला सांगितली. नोकरी सोडून थेट दिल्लीली यूपीएससीच्या तयारीसाठी रवाना झालो. कारण तेव्हा महाराष्ट्रात चांगले मार्गदर्शन वर्ग नव्हते. या परीक्षेत पहिल्यांदा अपयश आले. या अपयशाची मला काळजी नव्हती. दिल्लीत सुपरस्पेशालिटी हॉस्पिटलमध्ये रेसिडेंट डॉक्टर म्हणून नोकरी करू लागलो. रात्री नोकरी आणि दिवसा अभ्यास हा परिपाठ दोन-तीन वर्षे सुरू होता, पण, कधी पूर्व, कधी मुख्य परीक्षा अनुत्तीर्ण झालो. करिअर दोलायमान असताना लग्नासाठी विचारणा सुरू झाली होती. नोकरी करून परीक्षेची तयारी शक्य नसल्याचे लक्षात आल्यानंतर नोकरी सोडली. नियोजनपूर्वक अभ्यास करून वयाच्या ३२व्या वर्षी परीक्षा पास झालो. इंडियन फॉरेन सर्व्हिसमध्ये निवड झाली आहे. यश सहज उलगडता येत नाही, पण काही नियोजन नक्कीच सांगता येते. लोक काय म्हणतात याच्याकडे दुर्लक्ष करून मोठे स्वप्न पहा. जे तुम्हाला झोपू देत नाही असे स्वप्न पहा. 'दे रे हरि पलंगावरी' ही वृत्ती स्पर्धा परीक्षेत चालत नाही. स्वप्न साकारण्यासाठी समर्पण हवे असते. जीवनात शिस्त हवी असते. एका श्लोकानुसार कावळ्याची एकाग्रता, बगळ्यासारखे ध्यान, श्वानासारखी झोप आणि गृहत्याग यशस्वी होण्यासाठी आवश्यक असते. माझी मुलाखत चाळीस मिनिटे चालली. डॉक्टरी पेशातील नैतिकतेबाबत प्रश्न विचारण्यात आले. माझ्या आकलनानुसार समर्पक उत्तर देण्यात यशस्वी ठरलो. तुमचे ध्येय निश्चित असेल तर तुम्हाला यशस्वी होण्यापासून कुणी रोखू शकत नाही.

मोबाइल अॅप डाउनलोड करा आणि राहा अपडेट

अन पोलिसांनी सोडवली सिमल्यातील तक्रार

May 27, 2016, 1:41 pm

≫ Next: रिक्षाचालकामुळे मिळाली हरवलेली बॅग

≪ Previous: निश्चित ध्येय हेच यशाचे दार

$

0

0

म. टा. प्रतिनिधी, औरंगाबाद

पश्चिम बंगालमधील एका पर्यटक महिलेची सिमला येथे औरंगाबाद पोलिसांच्या व्हॉट्सअॅप ग्रुपमुळे त्रासदायक कारचालकापासून सुटका झाली. या महिलेची तक्रार सोडवण्यासाठी पोलिस आयुक्त अमितेशकुमार यांच्या आदेशाने शहर पोलिसांनी पुढाकार घेतला.

पश्चिम बंगालमधील महिला कुटुंबासह पर्यटनाकरिता सिमला येथे गेली होती. त्यांनी तेथे एक कार भाड्याने घेतली, मात्र, कारचालक त्यांच्यासोबत गैरवर्तन करत होता. या पीडित महिलेची गुरुवारी शहर पोलिसांच्या व्हॉटसअॅप क्रमांक ८३९००२२२२२ वर तक्रार प्राप्त झाली. भाड्याच्या कारचा चालक गैरवर्तन करून अपशब्द बोलत असल्याचे नमूद करून त्याच्यापासून सुटका करावी, अशी विनंती केली होती. आम्ही घाबरलो असून येथील काहीच माहिती नाही, त्यामुळे कोणत्या पोलिस ठाण्यात जाऊन तक्रार करावी, हे माहीत नसल्याचे नमूद करत त्या चालकाचे नाव तक्रारीत लिह‌िले होते. ही तक्रार वेगळ्या स्वरुपाची व सिमला येथील असल्याने कर्मचाऱ्यांनी ती पोलिस आयुक्त अमितेशकुमार, उपायुक्त संदीप आटोळे व सहायक आयुक्त खुशालचंद बाहेती यांना कळवण्यात आली. सिमला येथील तक्रार असली तरी या तक्रारीची गंभीर दखल अ‌धिकाऱ्यांनी घेतली. सोशल मीडियाचे पीएसआय तोडकर यांनी या महिलेला संपर्क करून संपूर्ण माहिती करून घेतली. त्यानंतर सिमला पोलिसांशी संपर्क साधून ही तक्रार त्यांच्यापर्यंत पोहचवण्यात आली. या तक्रारीचा पाठपुरावा शहर पोलिस घेत होते. सिमला पोलिसांनी त्याची दखल घेतली व त्या महिलेपर्यंत पोहचून अडचण दूर केली. संकटातून सुटका झाल्यानंतर या महिलने मेसेज पाठवून शहर पोलिसांचे आभार व्यक्त केले आहेत.

अशी आली तक्रार

कारचालक त्रास देत असल्याबद्दलची माहिती या महिलेने सिमला येथे गेलेल्या औरंगाबाद येथील पर्यटकांना सांगितली, पण स्थानिक पोलिसांची माहिती त्यांना सुद्धा नव्हती. औरंगाबाद येथील पोलिसांच्या व्हॉट्सअॅप क्रमांक त्यांच्याकडे होता. औरंगाबादच्या पर्यटकांनी त्या महिलेला क्रमांक देऊन प्रयत्न करण्याचे सुचवले. त्यामुळे शहराच्या ग्रुपवर ही तक्रार आली होती. पोलिसांनी सुद्धा तक्रारीचे निराकरण करून औरंगाबादकरांचा विश्वास सार्थ ठरवला.

मोबाइल अॅप डाउनलोड करा आणि राहा अपडेट

रिक्षाचालकामुळे मिळाली हरवलेली बॅग

May 27, 2016, 1:39 pm

≫ Next: सैन्यदलात भरतीसाठी बनावट कागदपत्रे

≪ Previous: अन पोलिसांनी सोडवली सिमल्यातील तक्रार

$

0

0

म. टा. प्रतिनिधी, औरंगाबाद

प्रवाशाची चोरीस गेलेली बॅग रिक्षाचालकाने प्रामाणिकपणा दाखवत पुंडलिकनगर पोलिसांकडे सुपूर्द केली. पोलिसांनी या प्रवाशाची संपर्क साधत साडेआठ हजार रुपये व महत्त्वाची कागदपत्रे असलेली बॅग त्याला सुखरूप परत केली. शुक्रवारी सकाळी सिडको बसस्टँड ते विश्रांतीनगर दरम्यान हा प्रकार घडला.

उज्ज्वल पंडित (रा. परभणी) हे प्रवासी शुक्रवारी सकाळी सिडको बसस्टँड येथून विश्रांतीनगर येथे जाण्यासाठी अशोक दाभाडे यांच्या रिक्षात बसले होते. खाली उतरल्यानंतर पंडित यांची बॅग रिक्षामध्ये विसरली. या बॅगमध्ये रोख दीड हजार रुपये, मोबाइल, चांदीची चेन व महत्त्वाची कागदपत्रे होती. दाभाडे यानी प्रामाणिकपणे ही बॅग पुंडलिकनगर पोलिस चौकीत आणून दिली. चौकीतील ठाणे अमलदार हिंगे व मदन घुसिंगे यानी बॅगमधील मोबाइल फोनवरून पंडित यांचा शोध घेतला. त्यांना चौकीत बोलावून बॅग परत करण्यात आली. प्रामाणिकपणा दाखवल्याबद्दल रिक्षाचालक अशोक दाभाडे याचे उपायुक्त संदीप आटोळे व सहायक पोलिस आयुक्त सी. डी. शेवगण यानी ‌अभिनंदन केले.

मोबाइल अॅप डाउनलोड करा आणि राहा अपडेट

---

सैन्यदलात भरतीसाठी बनावट कागदपत्रे

May 27, 2016, 1:38 pm

≫ Next: खासदार खैरेंना नागरिकांनी खडसावले

≪ Previous: रिक्षाचालकामुळे मिळाली हरवलेली बॅग

$

0

0

म. टा. प्रतिनिधी, औरंगाबाद

बनावट कागदपत्रांचा वापर करून सैन्यदलात भरती झालेल्या २७ जणांविरुद्ध छावणी पोलिस ठाण्यात फसवणुकीचा गुन्हा दाखल करण्यात आला आहे. जुलै ते ऑगस्ट २०१५ मध्ये छावणी येथे ही भरती झाली होती. बहुतांशी उमेदवार कोल्हापूर, सातारा, सांगली जिल्ह्यातील असून रहिवासी प्रमाणपत्र औरंगाबाद, वैजापूरचे दिल्याचे निष्पन्न झाले आहे. याप्रकरणी आर्थिक गुन्हेशाखेने तपास केला.

औरंगाबाद येथील छावणीच्या सेना भरती कार्यालयात २१ जुलै ते ६ ऑगस्ट २०१५ या कालावधीत जवानांसाठी भरती प्रक्रिया पार पाडली होती. यामध्ये अनेक उमेदवार भरती झाले होते. यापैकी कागदपत्र पडताळणीमध्ये २७ उमेदवारांची कागदपत्र ज्यामध्ये रहिवासी प्रमाणपत्र, वयाचा दाखला हे संशयास्पद वाटले होते.

याप्रकरणी सेना प्रशिक्षण केंद्राचे संचालक एम. पी. सिंग यांनी पोलिस आयुक्त अमितेशकुमार यांची भेट घेत तक्रार दिली होती. जानेवारी महिन्यापासून या तक्रारीची चौकशी करण्यात येत होती. यामध्ये आर्थिक गुन्हेशाखेने कागदपत्राची सत्यता पडताळण्यासाठी औरंगाबाद जिल्हाधिकारी कार्यालयाला पत्र पाठवले होते. जिल्हाधिकारी कार्यालयाने या उमेदवारांनी सादर केलेली कागदपत्रे बनावट असल्याचे स्पष्ट केले होते. कागदपत्रे बनावट झाल्याचे निष्पन्न झाल्यानंतर एम. पी. सिंग यांच्या तक्रारीवरून उमेदवार राहूल पांडुरंग यादव, रोहन सर्जेराव नाले, अक्षय बाबासाहेब गोसावी, विकास दीपक भोपाले, उमेश अशोक ढंगळे (सर्व रा. कोल्हापूर) यांच्यासह २२ उमेदवारांवर गुन्हा दाखल करण्यात आला आहे.

सर्व उमेदवार कोल्हापूर, सातारा, सांगली जिल्ह्यातील विविध तालुक्यांतील ग्रामीण भागातील रहिवासी होते. त्यांची माहिती काढणे जिकीरीचे काम होते. पोलिसांनी कोल्हापूर, सांगली, सातारा, जळगाव, धुळे आदी ठिकाणच्या जिल्हाधिकारी कार्यालयाला पत्र पाठवून माहिती मागवली होती. यामध्ये अकरा उमेदवारांनी औरंगाबाद तालुका, अकरा उमेदवारांनी वैजापूर तालुका, चार उमेदवारांनी साक्री (जि. धुळे) येथील रहिवासी असल्याचे तर, एका उमेदवाराने चाळीसगावचा रहिवासी असल्याचे प्रमाणपत्र सादर केले होते. परंतु, चौकशीमध्ये ते बनावट निघाले. पोलिस निरीक्षक मधुकर सावंत व पीएसआय सुभाष खंडागळे यानी चौकशी पूर्ण केल्यानंतर हा गुन्हा दाखल केला.

या २७ उमेदवारांनी सादर केलेल्या कागदपत्रामध्ये त्यांचे शैक्षणिक कागदपत्रे ‌ कोल्हापूर, सातारा व सांगली येथील असल्याचे दिसून येत होते. मात्र रहिवासी प्रमाणपत्र औरंगाबाद, वैजापूरचे असल्याने सैन्य दलातील अधिकाऱ्यांना संशय आला.

मोबाइल अॅप डाउनलोड करा आणि राहा अपडेट

खासदार खैरेंना नागरिकांनी खडसावले

May 27, 2016, 1:36 pm

≫ Next: दुष्काळभार ३ हजार कोटींचा

≪ Previous: सैन्यदलात भरतीसाठी बनावट कागदपत्रे

$

0

0

म. टा. प्रतिनिधी, औरंगाबाद

औषधी भवनची इमारत पडणार असे कळाल्यानंतर खासदार चंद्रकांत खैरे यांनी शुक्रवारी तातडीने पाहणी करून ड्रगिस्ट अँड केमिस्ट असोसिएशनचे अध्यक्ष रावसाहेब खेडकर यांच्यासोबत चर्चा केली. दहा जूनपर्यंत इमारतीवर कारवाई करू नका, असे पालिका अधिकाऱ्यांना बजावले. मात्र, खासदारांची ही भूमिका दलालवाडीच्या नागरिकांना खटकली. त्यांनी व्यापाऱ्यांसाठी धावत-पळत आलात; इतक्या वर्षांत आमच्यासाठी यावे वाटले नाही का, असा रोकडा सवाल खासदारांना केला.

कराराचा भंग झाल्यामुळे महापालिकेने गुरुवारी असोसिएशनच्या अध्यक्षांच्या नावे नोटीस बजावून सात दिवसात इमारत रिकामी करण्याचे आदेश दिले आहे. त्यामुळे खासदार खैरे यांनी शुक्रवारी दुपारी इमारतीला भेट दिली. त्यांच्यासोबत शिवसेना महानगरप्रमुख प्रदीप जैस्वाल, जिल्हाप्रमुख अंबादास दानवे, उपजिल्हाप्रमुख नंदकुमार घोडेले, माजी नगरसेवक प्रफुल्ल मालाणी, ड्रगिस्ट अँड केमिस्ट असोसिएशनचे अध्यक्ष रावसाहेब खेडकर, व्यापारी महासंघाचे अजय शहा व पदाधिकारी, महापालिका अतिरिक्त आयुक्त रमेश पवार, शहर अभियंता सखाराम पानझडे, उपायुक्त अय्युब खान, कार्यकारी अभियंता हेमंत कोल्हे, अफसर सिद्दिकी होते.

खासदारांनी इमारत, इमारतीमागील नाल्याची पाहणी केली. नाल्यात मोठ्या प्रमाणावर गाळ आणि कचरा साचल्याचे त्यांच्या लक्षात आले. खैरे यांनी रावसाहेब खेडकर यांना जवळ बोलावून नाल्याची स्वच्छता असोसिएशनने केली पाहिजे; ते न केल्याने ही वेळ आली आहे. तातडीने नाला साफ करा, असे बजावले. त्यानंतर असोसिएशनमार्फत नालासफाई करण्यास खेडकर तयार झाले. खैरे यांनी अतिरिक्त आयुक्त पवार व शहर अभियंता पानझडे यांना बोलावून खेडकर नाला सफाई करण्यास तयार असून त्यांना १० जूनपर्यंतची वेळ द्या, त्या दिवशी पुन्हा एकदा पाहणी करू, नालासफाई झाली नसल्यास इमारत पाडून टाका, असे सांगितले.

खासदारांच्या या भूमिकेमुळे दलालवाडीतील नागरिक संतापले आहेत. 'व्यापाऱ्यांसाठी आज तुम्ही धावत-पळत आलात; आम्ही इतके दिवस औषधी भवनची इमारत व नाल्यामुळे नरकयातना भोगत आहोत. आमच्यासाठी तुम्हाला कधी यावे वाटले नाही का,' असा सवाल केला. 'तुम्ही मला कधी बोलावलेच नाही,' असे खैरे म्हणताच चंद्रशेखर मिरजकर, प्रकाश कसले पाटील व काही महिलांनी, 'तुम्ही स्वतःच यायला हवे होते. मारतीवर कारवाई करण्यासाठी मुदत वाढवून दिल्यास कोर्टात जाऊ, असा इशारा त्यांनी दिला. अजय चावरिया यांनी कोर्टात जाण्याची तयारी झाल्याचे सांगितले.

खासदार खैरे यांनी अतिरिक्त आयुक्त पवार यांना जवळ बोलावून औषधी भवनला १० जूनपर्यंत मुदत द्या, तोपर्यंत कारवाई करू नका, असे सांगितले. त्यावर, आयुक्तांनी सात दिवसाची मुदत दिल्याचे सांगून पवार यांनी एक दिवस संपल्याचे खासदारांच्या लक्षात आणून दिले. पण, खैरेंनी माझे ऐका, असे बजावले. नालासफाईचा १० लाख रुपये खर्च औषधी भवनकडून वसूल करावा, खेडकर यांनी दररोज एक लाख रुपये नालासफाई करणाऱ्या कंत्राटदाराला द्यावे, असे खासदारांनी सांगितले.

मोबाइल अॅप डाउनलोड करा आणि राहा अपडेट

दुष्काळभार ३ हजार कोटींचा

May 27, 2016, 10:25 pm

≫ Next: सीबीएसईत मुलींची बाजी

≪ Previous: खासदार खैरेंना नागरिकांनी खडसावले

$

0

0

Ramchandra.vaybhat@timesgroup.com
औरंगाबाद ः गेल्या तीन-चार वर्षांतील दुष्काळी स्थितीमुळे मराठवाड्यात यंदा पिण्याचे पाणी, जनावरांचा चारा हे प्रश्न अत्यंत गंभीर झाले आहेत. या आव्हानांचा सामना करताना सरकारला विभागात यावर्षी तब्बल २ हजार ९५७ कोटी रुपयांचा खर्च करावा लागला आहे. या खर्चात आणखी वाढ होणार आहे.
गेल्या चार वर्षांपासून दुष्काळाच्या दावणीला बांधलेल्या मराठवाड्याची यंदाही दुष्काळाची होरपळ कायम आहे. टँकरचा धुराळा, चारा छावण्यांच्या गर्दीसाठी आतापर्यंत शासनाचे कोट्यवधी रुपये खर्च झाले आहेत. विभागातील ४३ लाख हेक्टर क्षेत्रापैकी सुमारे ३९ लाख ७८ हजार हेक्टर क्षेत्रावर खरिपाची पेरणी झाली, मात्र अत्यल्प पर्जन्यमानामुळे खरीप हंगामातील संपूर्ण पीक वाया गेले.
फळबागा पाण्याअभावी उद्ध्वस्त झाल्या. महसूल प्रशासनाने जाहीर केल्यानुसार विभागातील ८,५२२ गावांची हंगामी पैसेवारी ६७पेक्षा कमी आली, यामुळे दुष्काळ अनुदानापोटी शासनाकडून आतापर्यंत मराठवाड्यात २ हजार २४९ कोटी वाटप करण्यात आले.
अत्यल्प पर्जन्यमानामुळे मराठवाड्यात ऑगस्ट महिन्यापासूनच चारा छावण्या सुरू करण्यात आल्या. मार्चअखेरपर्यंत चारा छावण्यांसाठी ७३ कोटी रुपये खर्च करण्यात आले आहेत. दुष्काळात सर्वात मोठा प्रश्न पिण्याचा पाण्याचा असून, तब्बल ५८ लाख लोकांची तहान भागवण्यासाठी पाणीपुरवठ्यावर तब्बल २७७ कोटी ६४ लाख रुपये खर्च करण्यात आले. अवकाळी पावसामुळे घरांची पडझड १ कोटी ३४ लाख, वीज पडून मृत्युमुखी पडलेल्यांच्या कुटुंबीयांना मदत म्हणून २ कोटी ७८ लाख, दगावलेले पशुधन १ कोटी ४६ लाख, गारपिटीमुळे झालेल्या नुकसानीपोटी २२ कोटी २६ लाख व इतर ७ कोटी असा खर्च करण्यात आला आहे.
मार्चपर्यंत केवळ चारा व पाणी व अनुदानाचा खर्च २ हजार ५९९ कोटी रुपये असून, नैसर्गिक आपत्ती मिळून हा आकडा २ हजार ६२८ कोटी रुपयांपर्यंत पोचला आहे. २ हजार ६२८ कोटी रुपये हा केवळ मार्चअखेरपर्यंत झाला खर्च असून, एप्रिल, मे महिन्यासाठी ३२९ कोटी रुपयांची मागणी शासनाकडे करण्यात आली आहे. हा निधी मिळाल्यानंतर दुष्काळावरील खर्चात आणखी वाढ होईल.

...तर खर्च चार हजार कोटींपर्यंत
कापूस पिकाला अनुदानातून वगळण्यात आले. यामध्ये पीक विम्याची मेख मारल्यामुळे सुमारे १३ लाख शेतकऱ्यांवर अनुदानाची टांगती तलवार आहे. नियमानुसार शेतकऱ्यांना अनुदानाची ५० टक्यांची रक्कम मिळाली तरी मराठवाड्यात कापूस अनुदानापोटी किमान हजार कोटी कोटी रुपये द्यावे लागतील. यानंतर दुष्काळी खर्चाचा आकडा चार हजार कोटींपर्यंत पोचण्याची शक्यता आहे.

२०१२पेक्षा जास्त खर्च
मराठवाड्यात २०१२मध्ये पडलेल्या दुष्काळाची तीव्रता जास्त. २०१२-१३मध्ये पाणी टंचाई दूर करण्यासाठी १८१ कोटी ८७ लाख रुपये खर्च करण्यात आला होते. त्याचबरोबर चारा छावण्यांसाठी १४ कोटी तर चारा डेपोसाठी २७ कोटी रुपये खर्च करण्यात आले होते. यावर्षी मात्र हा खर्च वाढला आहे.

मोबाइल अॅप डाउनलोड करा आणि राहा अपडेट

सीबीएसईत मुलींची बाजी

May 28, 2016, 2:30 pm

≫ Next: एका वर्षात पदवी; २४ हजारांचा गंडा

≪ Previous: दुष्काळभार ३ हजार कोटींचा

$

0

0

म. टा. प्रतिनिधी, औरंगाबाद
केंद्रीय माध्यमिक शिक्षण मंडळतर्फे (सीबीएसई) मार्चमध्ये घेण्यात आलेल्या दहावी परीक्षेचा निकाल शनिवार जाहीर करण्यात आला. बारावीप्रमाणे दहावीतही मुलींनीच बाजी मारली. औरंगाबादमधील विविध शाळांमधील शंभरपेक्षा अधिक ‌विद्यार्थ्यांनी १० ग्रेड पॉइंट (सीजीपीए) संपादन करीत परीक्षेत यश मिळविले. निकाल पाहण्यासाठी वेबसाइटवर गर्दी होती. त्यामुळे काही काळासाठी वेबसाइट हँग झाल्याने पालक, विद्यार्थ्यांना निकाल पाहण्यासाठी ताटकळावे लागले.
सीबीएसईतर्फे दहावीची परीक्षा १ तो २८ मार्चदरम्यान घेण्यात आली. देशभरातून १४ लाख ९१ हजार २९३ विद्यार्थी परीक्षेला बसले होते. मागील वर्षीच्या तुलनेत यंदा निकाल १.११ टक्क्यांनी घसरला आहे. यंदा दहावीचा निकाल ९६.२१ टक्के एवढा आहे. मागील वर्षी निकाल ९७.३२ टक्के एवढा होता. राज्य मंडळाच्या बारावीप्रमाणे सीबीएसईच्या दहावीत मुलींनीच बाजी मारली आहे. मुलांच्या तुलनेत मुलींचे उत्तीर्णतेचे प्रमाण ०.२५ टक्क्यांनी अधिक आहे. एकूण मुलींच्या उत्तीर्णतेचे प्रमाण ९६.३६, तर मुलांच्या उत्तीर्णतेचे प्रमाण ९६.११ एवढे आहे. शिक्षण मंडळाने दुपारी आपल्या वेबसाइटवर निकाल जाहीर करण्यात आला. निकाल पाहण्याची सोय तीन वेबसाइटवर होती. दुपारी निकाल जाहीर झाला आणि काहीवेळ निकाल पाहण्यासाठी विद्यार्थी, पालकांना ताटकळावे लागले. वेबसाइट हँग झाल्याने विद्यार्थी एकमेकांना निकालाबाबत माहिती विचारत होते. अनेकांनी आपल्या मोबाइलवर निकाल पाहिला. एक तासानंतर वेबसाइट सुरळीत झाले. त्यानंतर अनेकांना निकाल पाहता आला. निकालानंतर विद्यार्थ्यांनी जल्लोष व्यक्त केला.

१० ग्रेड पॉइंट मिळवित यश
सीबीएसईतर्फे तीन वर्षांपासून कम्युलेटिव ग्रेड पॉइंट अॅव्हरेजप्रमाणे (सीजीपीए) निकाल जाहीर करण्यात येतो. ग्रेड पॉइंटमध्ये १० सीजीपीए मिळवून औरंगाबादच्या अनेक‌ विद्यार्थ्यांनी परीक्षेत यश मिळविले आहे. औरंगाबाद जिल्ह्यात सीबीएसईच्या २१ शाळा आहेत. अनेक शाळांचा निकाल शंभर टक्के जाहीर झाला आहे. १० सीजीपीए ‌मिळवून यशस्वी ठरलेल्या जिल्ह्यात दहा टक्क्यांपेक्षा अधिक विद्यार्थी उत्तीर्ण झाल्याचे सूत्रांनी सांगितले.

मोबाइल अॅप डाउनलोड करा आणि राहा अपडेट

एका वर्षात पदवी; २४ हजारांचा गंडा

May 28, 2016, 2:30 pm

≫ Next: जेष्ठ नागरिकाची ऑनलाइन लूट

≪ Previous: सीबीएसईत मुलींची बाजी

$

0

0

औरंगाबाद ः एका वर्षात पदवी व पदव्युत्तर कोर्स पूर्ण करा, असे आमिष दाखवून एका विद्यार्थिनीची २४ हजार रुपयांची फसवणूक करण्यात आली. याप्रकरणी बिडकीन पोलिस ठाण्यात गुन्हा दाखल करण्यात आला आहे.
मुंबई येथील शिवप्रसाद यादव याने एका वर्षात पदवी व पदव्युत्तर शिक्षण, इतर कोर्स पूर्ण करा, अशी आमिष दाखविणारी जाहिरात एका स्थानिक दैनिकात दिली होती. ती वाचून चित्तेगाव येथील जयश्री सुरेश सावदेकर यांनी बीएसडब्ल्यू व एमएसडब्ल्यू कोर्ससाठी प्रवेश घेतला. यादव याने सांगितल्याप्रमाणे प्रवेश व परीक्षा शुल्क यासाठी बँक खात्यात २४ हजार रुपये २८ जानेवारी २०१६ रोजी जमा केले. बारावीचे गुणपत्रिकासह इतर माहिती यादव यास मेलद्वारे देण्यात आली. परंतु, त्यानंतर शैक्षणिक साहित्य वा अन्य मार्गदर्शन मिळत नव्हते. मुंबई परिसरातील कुर्ला येथील फिनिक्स मॉलजवळ यादव याने कार्यालय असल्याचे सांगितले होते. त्यानुसार तेथे फिर्यादीने तीन वेळा भेट दिली, कार्यालय किंवा यादव सापडला नाही. पाठपुरावा करूनही कोर्स पूर्ण होत नसल्याचे लक्षात आल्यावर सावदेकर यांनी पोलिसांकडे धाव घेतली. पोलिस निरीक्षक एस. व्ही. गाडे तपास करत आहेत.

मोबाइल अॅप डाउनलोड करा आणि राहा अपडेट

जेष्ठ नागरिकाची ऑनलाइन लूट

May 28, 2016, 2:30 pm

≫ Next: कृतज्ञतेने लोककलावंत भावुक

≪ Previous: एका वर्षात पदवी; २४ हजारांचा गंडा

$

0

0

म. टा. प्रतिनिधी, औरंगाबाद
ज्येष्ठ नागरिकाच्या बँक खात्यातून अज्ञात सायबर चोरट्याने ऑनलाइन ६३ हजार ५०० रुपये लंपास केले. हा प्रकार २९ एप्रिल २०१६ ते २४ मे २०१६ या कालावधीत घडला. याप्रकरणी क्रांतिचौक पोलिस ठाण्यात गुन्हा दाखल करण्यात आला आहे.
ज्ञानदेव एकना‌थ शेरखाने (वय ७५, रा. पडेगाव) या सेवानिवृत्त ज्येष्ठ नागरिकाचे क्रांतिचौक येथील एसबीआय बँकेच्या खात्यात खाते आहे. या खात्यामध्ये त्यांची पेंशनची रक्कम जमा होती. २९ एप्रिल ते २४ मे या कालावधीत त्यांच्या खात्यातून ऑनलाइन ६३ हजार ५०० रुपये काढून घेण्यात आले. नुकताच हा प्रकार शेरखाने यांना समजला. त्यांनी गुरुवारी पोलिस ठाणे गाठून याप्रकरणी तक्रार दाखल केली. त्यांच्या तक्रारीवरून अज्ञात आरोपीविरुद्ध माहिती व तंत्रज्ञान कायदा, फसवणुकीचा गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

कृतज्ञतेने लोककलावंत भावुक

May 28, 2016, 2:30 pm

≫ Next: तीन आरोपींचा अटकपूर्व जामीन कोर्टाने फेटाळला

≪ Previous: जेष्ठ नागरिकाची ऑनलाइन लूट

$

0

0

म. टा. प्रतिनिधी, औरंगाबाद
अजोड कलागुणांनी लोककलेत मोलाचे योगदान दिलेल्या लोककलावंतांसाठीचा लोककला कृतज्ञता सोहळा विशेष ठरला. 'रंगाई सांस्कृतिक परिवाराने तापडिया नाट्यमंदिरात शनिवारी सायंकाळी हा कार्यक्रम आयोजित केला होता. सत्कार सोहळ्यानंतर 'बुरगुंडा' नाट्य प्रयोग रंगला.
लोककलावंत विश्वास साळुंके यांच्या स्मृतिदिनानिमित्त रंगाई सांस्कृतिक परिवाराने लोककला कृतज्ञता सोहळा घेतला. यावेळी रंगमंचावर मुंबई विद्यापीठाचे लोककला विभागप्रमुख डॉ. गणेश चंदनशिवे, भारूडकार निरंजन भाकरे, शाहीर सुरेश जाधव, गोंधळकार देविदास धोंगडे, जागरण कलावंत परसराम घुसळे, लावणी कलावंत जरीना सय्यद, शोभा दांडगे आणि डॉ. राजू सोनवणे यांची प्रमुख उपस्थिती होती. कलाकारांचा स्मृतिचिन्ह व रोपटे देऊन सत्कार करण्यात आला. यावेळी डॉ. चंदनशिवे म्हणाले, 'मराठवाडा संत, पंत व तंतांची भूमी आहे. या भूमीतील लोककलेची परंपरा समृद्ध आहे. बारा कोसावर भाषा बदलते. पण, आपल्या प्रदेशात संस्कृती आणि कलासुद्धा बदलते. अजिंठा डोंगररांगांच्या परिसरात खान्देशी भाषेचा प्रभाव दिसतो. पश्चिम महाराष्ट्रात दिमडीवर आणि मराठवाड्यात डफावर जागरण होते. कलाप्रकारात हा फरक दिसतो. लोककलेत अंधश्रद्धा घुसण्याला वाव असतो. पण, कर्मकांड, जातीयता आणि अंधश्रद्धा बाजूला करून लोककलांना समान सूत्रात बांधत आहोत.'
निरंजन भाकरे यांनी लोककलेचे वेगळेपण सांगितले. 'ग्रामीण लोककलावंतांना लोककलेची परिभाषा कळत नव्हती. विश्वास साळुंके यांच्या सान्निध्यात हे महत्त्व कळले' असे भाकरे म्हणाले. या कार्यक्रमाचे सूत्रसंचालन सीमा पठाडे यांनी केले तर प्रेरणा किर्तीकर यांनी आभार मानले. यावेळी रसिक मोठ्या संख्येने उपस्थित होते.

बुरगुंडा : एक वेगळा प्रयोग
भारूड या पारंपरिक लोककलेवर आधारीत 'बुरगुंडा' नाट्यप्रयोग सादर करण्यात आला. डॉ. राजू सोनवणे लिखित व दिग्दर्शित नाटकात लोककलेचा उत्तम वापर करण्यात आला. यात सीमा पठाडे, भाग्यश्री घुले, रेवा चौधरी, संतोष गारोळे, लक्ष्मण चौधरी, अक्षय बनकर, अजिंक्य लिंगायत, रोशन, यशवंत, नितीन कांबळे, ऋषिकेश डोखळे आणि अमर सोनवणे यांच्या प्रमुख भूमिका होत्या.

मोबाइल अॅप डाउनलोड करा आणि राहा अपडेट

---

तीन आरोपींचा अटकपूर्व जामीन कोर्टाने फेटाळला

May 28, 2016, 2:30 pm

≫ Next: उद्योजकांच्या अडचणी सोडविण्यासाठी प्रयत्न

≪ Previous: कृतज्ञतेने लोककलावंत भावुक

$

0

0

म . टा . विशेष प्रतिनिधी, औरंगाबाद
पुंडलिकनगर येथील शिवसेनेच्या नगरसेविका मीना रामदास गायके यांच्या दोन पुत्रांवर प्राणघातक हल्ला करणाऱ्या तिघांचा अटकपूर्व जामीन अतिरिक्त सत्र न्यायधीश यू. एल. तेलगांवकर यांनी फेटाळला.
जुन्या भांडणाच्या कारणावरून शिवसेनेच्या नगरसेविका मीना गायके यांच्या विशाला आणि वैभव या दोघांना १ मार्च २०१६ रोजी रात्री आठच्या सुमारास हनुमान नगरजवळ असलेल्या बीएसजीएम शाळेच्या मैदानावर सात जणांनी अडवून लोंखडी गजाने, चॉपरने हल्ला केला होता. त्या दोघांवर घाटी रुग्णालयात उपचार करण्यात आले असून, विशाल गायकेच्या तक्रारीवरून आकाश उर्फ मेडीस सोमवंशी (रा. सिल्लेखाना), महेंद्र नवनाथ वाघमारे, हितेंद्र नवनाथ वाघमारे (दोघे रा. गजानन नगर) यांच्यासह सात जणांविरुद्ध मुकुंदवाडी पोलिस ठाण्यात गुन्हा दाखल केला. गुन्हा घडल्यापासून सर्वच आरोपी पसार असून, आकाश उर्फ मेडीस, हितेंद्रने चॉपरने प्राण घातक हल्ला केला, तर महेंद्रने लोंखडी गजाने मारहाण केली होती. या तिघांनी अटकपूर्व जामिनासाठी अतिरिक्त सत्र न्यायधीश यू. एल. तेलगावकर यांच्यासमोर अर्ज सादर केला. या जामीन अर्जावर सुनावणी झाली. आरोपी सराईत गुन्हेगार असून, गुन्हा घडल्यापासून ते पसार आहेत. वैभव आणि विशाल हे दोघजण हल्ल्यात गंभीर जखमी झाले असून, त्याच्या अंगावर खोलवर जखमा झाल्या आहेत. या आरोपींना अटक करून त्याच्या ताब्यातून शस्त्र जप्त करावयाची असल्यामुळे त्यांना अटकपूर्व जामीन देण्यात येऊ नये, अशी विनंती सहायक लोकअभियोक्ता मधुकर आहेर यांनी केली. कोर्टाने विनंती मान्य करून त्या तिघांचा अटकपूर्व जामीन फेटाळला.

मोबाइल अॅप डाउनलोड करा आणि राहा अपडेट

उद्योजकांच्या अडचणी सोडविण्यासाठी प्रयत्न

May 28, 2016, 2:30 pm

≫ Next: समाजमन : ठाकूर समाज मुख्य प्रवाहापासून दूर

≪ Previous: तीन आरोपींचा अटकपूर्व जामीन कोर्टाने फेटाळला

$

0

0

म. टा. प्रतिनिधी, औरंगाबाद
उद्योजकांच्या अडचणी सोडविण्यासाठी सकारात्मक प्रयत्न करणार असल्याचे आश्वासन महाराष्ट्र राज्य उद्योग महामंडळाच्या (एमआयडीसी) अधिकाऱ्यांनी दिले.
मराठवाडा असोसिएशन ऑफ स्मॉल स्केल इंडस्ट्रिज अँड अॅग्रिकल्चरच्या (मासिआ) नवनिर्वाचित पदाधिकाऱ्यांनी नुकतीच एमआयडीसीच्या अधिकाऱ्यांची भेट घेतली. मासिआ अध्यक्ष विजय लेकुरवाळे, सुनील किर्दक, नारायण पवार, अभय हंचनाळ, किरण जगताप, गजानन देशमुख, अर्जून गायकवाड, मनिष गुप्ता, भगवान राऊत यांनी एमआयडीसीचे प्रादेशिक अधिकारी सोहम वायाळ, कार्यकारी अभियंता राजेंद्र गावडे यांची भेट घेऊन विविध विषयांवर चर्चा केली. उद्योग क्षेत्राशी निगडित अडचणींवर चर्चा झाली. त्रुटी दूर करण्यासाठी कार्यवाही करण्यात येईल, असे आश्वासन एमआयडीसीच्या अधिकाऱ्यांनी दिले. एकात्मिक उर्जा विकास योजनेंतर्गत चिकलठाणा औद्योगिक क्षेत्रातील वीजवितरण प्रणालीचे सक्षमीकरण करण्यासाठी उपकेंद्र उभारण्यासाठी भूखंड उपलब्ध करून देणे, औद्योगिक गाळा मिळण्याबाबत भाडेकरू उद्योजकांची बऱ्याच वर्षांपासून प्रलंबित असलेली मागणी, स्वच्छ व हरित औद्योगिक क्षेत्र चिकलठाणा येथे राबविणे आदी विषय चर्चिले गेले.
उद्योजकांचे वैयक्तिक व सामुदायिक प्रश्न किंवा अडचणी समजून घेवून त्यावर उपाययोजना करण्यासाठी मासिआच्या पदाधिकाऱ्यांबरोबर दरमहा बैठक घेऊन त्यावर चर्चा करण्यात येईल; तसेच मासिआने वेळोवेळी कळविलेल्या उद्योजकांच्या प्रश्नांबाबत सकारात्मक कार्यवाही करण्याचे आश्वासन देण्यात आले.

मोबाइल अॅप डाउनलोड करा आणि राहा अपडेट

समाजमन : ठाकूर समाज मुख्य प्रवाहापासून दूर

May 28, 2016, 2:30 pm

≫ Next: सभापतिपदावरून रस्सीखेच

≪ Previous: उद्योजकांच्या अडचणी सोडविण्यासाठी प्रयत्न

$

0

0

Sudhir.Bhalerao@timesgroup.com
रामराम पाहुणे ठाकूर हा समाज राज्यभर विखुरलेला आहे. कायम भटकंती करणाया समाजाला एकत्रित करण्यासाठी रामराम पाहुणे ठाकूर समाज सेवाभावी संस्थेची ११ फेब्रुवारी २०१६ रोजी स्थापना करण्यात आली. निरक्षरता व आर्थिक मागासलेपणामुळे हा समाज एकत्रित आणणे हे एक आव्हानच आहे. समाजाला एकत्र आणण्यासाठी एक व्यासपीठ असावे म्हणून या संस्थेची स्थापन करण्यात आली, असे संस्थापक सचिव रामेश्वर ठाकूर यांनी सांगितले.
भटकंती करून राहाणारा हा समाज असल्याने पूर्वीच्या काळात शिक्षणाचे प्रमाण अगदीच कमी होते. समाजातील युवा पिढी शिक्षित व्हावी म्हणून पालक प्रयत्नशील आहेत. विद्यार्थ्यांचाही कल शिक्षणाकडे अधिक वाढावा म्हणून पालकांसह या संस्थेने पुढाकार घेतला आहे. ठाकूर, ठाकर समाजातील आर्थिकदृष्ट्या मागास असलेल्या विद्यार्थ्यांना शिक्षणासाठी आर्थिक मदत, शालेय साहित्य संस्थेच्या माध्यमातून देण्यास गतवर्षीपासून सुरुवात झाली. लोकसहभाग आणि मित्रमंडळींकडून या उपक्रमास आर्थिक मदत लाभली आहे. आई-वडील नाहीत, आर्थिक परिस्थिती हलाखीची अशा विद्यार्थ्यांना शिक्षणासाठी ही संस्था मदत करीत आहे. शाळेत अभ्यासक्रमाची पुस्तके, वह्या मिळतात, परंतु अभ्यासासाठी अनेक पुस्तके, साहित्य वेळोवेळी लागते. त्यासाठी ही मदत विद्यार्थ्यांना उपयुक्त ठरते, असे ठाकूर यांनी सांगितले. संस्थेच्या माध्यमातून वातावरण निर्मितीचे काम करण्यात येत आहे. शिक्षणाकडे कल वाढवण्याची मानसिकता तयार करण्यात येत आहे. दत्तक घेतल्यासारखेच विद्यार्थ्यांच्या शैक्षणिक प्रगतीकडे लक्ष दिले जाते, असे त्यांनी नमूद केले.

जात प्रमाणपत्र
ठाकूर, ठाकर समाजातील लोकांना जात प्रमाणपत्र काढणे अतिशय कठीण बनले आहे. जात प्रमाणपत्रासाठी ५० वर्षांपूर्वीचा पुरावा मागितला जातो. हा समाज वर्षानुवर्षे भटकंती करीत असल्याने रहिवासी पुरावा मिळत नाही. त्याचा फटका जात प्रमाणपत्र काढताना बसत आहे. शाळेत विद्यार्थ्यांना प्रवेश दिल्यानंतर जातीचा उल्लेख केला जातो. शाळेतील जातीचा उल्लेख गृहित धरून जात प्रमाणपत्र दिले जावे, असे ठाकूर यांनी सांगितले.
पूर्वी समाजात शिक्षणाचे प्रमाण नगण्यच होते. त्यात शाळेत दाखल झालेल्या विद्यार्थ्यांना आपली सर्व माहितीही नीट सांगता येत नव्हती. त्यामुळे शिक्षकांनी नोंद केलेली माहितीच अधिकृत झाली. समाजाला मुख्य प्रवाहात आणण्यासाठी जात प्रमाणपत्र देण्याबाबत सुटसुटीतपणा आणणे अतिशय गरजेचे आहे. जात प्रमाणपत्र मिळवण्यात अडथळा येत असल्याने यासंबंधीचा फायदा युवा पिढीला होत नाही, अशी खंत ठाकूर यांनी व्यक्त केली. ठाकूर-ठाकर समाजातील युवा पिढीचा कल शिक्षणाकडे वाढला असला तरी अद्यापही मुलींचे शिक्षणाचे प्रमाण वाढण्याची नितांत गरज आहे. असुरक्षित जीवन, आर्थिक कारणामुळे मुलींचे विवाह लवकर जुळवण्याकडे पालकांचा कल असतो. समाजाच्या वधू-वर परिचय मेळाव्यात ही बाब प्रकर्षाणाने जाणवली. सरकारी नोकऱ्यातही या समाजाला फार प्रतिनिधीत्व अद्यापपर्यंत मिळालेले नाही. अनुसूचित जाती प्रवर्गात या समाजाचा समावेश आहे. शिक्षणाच्या अभावामुळे या प्रवर्गातील आरक्षणाचा फारसा लाभ समाजाला झालेला नाही. रोजंदारी अथवा पडेल ते काम करणे हेच आयुष्य असल्यासारखी परिस्थिती आहे. शेती नाही, घर नाही, सुरक्षित वाटेल तिथे राहणे, अशी जीवनशैली आहे. यात फारसा बदल झालेला नाही. हॉटेल व्यवसाय, बटाईने शेती करणे याकडे समाजाचा ओढा आहे, असे ठाकूर यांनी सांगितले. जात प्रमाणपत्र, सरकारी नोकरी, मुलींचे शिक्षण, शिक्षणासाठी मुला-मुलींचे वसतीगृह नाही अशी अनेक आव्हाने रामराम पाहुणे ठाकूर समाजासमोर आहेत. शासनाने आर्थिक मागास या निकषावर भर दिला तर भरभराट होण्यास वेळ लागणार नाही, असे ठाकूर यांनी नमूद केले.
रामराम पाहुणे ठाकूर समाज सेवाभावी संस्था कार्यकारिणी : अध्यक्ष जगन्नाथ चव्हाण, उपाध्यक्ष जगदीश चव्हाण, सचिव रामेश्वर ठाकूर, सहसचिव रवींद्र कदम, कोषाध्यक्ष भगवान पवार. सदस्य ः विष्णू पवार, किसन पवार, परसराम शिंदे, रामेश्वर चव्हाण, दादाराव ठाकूर, मीरा ठाकूर, दीपाली कदम.

विविध सामाजिक उपक्रम
बिरसा मुंडा हे समाजाचे प्रेरणास्थान आहे. त्यामुळे बिरसा मुंडा जयंती उत्साहाने साजरी केली जाते. रक्तदान शिबिर, रोगनिदान शिबिर, नेत्रदान शिबिर, सुशिक्षित बेरोजगार लोन मेळावा, वधू-वर परिचय मेळावा असे विविध उपक्रम संस्थेच्या माध्यमातून घेण्यात येतात. अनेक सणवार, उत्सवही साजरे केले जातात, असे ठाकूर यांनी सांगितले.

शिक्षणाशिवाय समाज मुख्य प्रवाहात येऊ शकणार नाही. त्यामुळे मुला-मुलींचे शिक्षण यावरच संस्थेने 'फोकस' केलेला आहे. जात प्रमाणपत्र मिळवणे ही अत्यंत अवघड प्रक्रिया आहे. शाळेत नोंदवण्यात आलेली जात गृहित ठरून जात प्रमाणपत्र दिल्यास मोठी अडचण दूर होऊ शकेल.
- रामेश्वर ठाकूर, सचिव, रामराम पाहुणे ठाकूर समाजसेवी संस्था.

मोबाइल अॅप डाउनलोड करा आणि राहा अपडेट

सभापतिपदावरून रस्सीखेच

May 28, 2016, 2:30 pm

≫ Next: ‘समांतर’च्या विशेष सभेबाबत मौन

≪ Previous: समाजमन : ठाकूर समाज मुख्य प्रवाहापासून दूर

$

0

0

म. टा. प्रतिनिधी, औरंगाबाद
स्थायी समिती सभापतीपदावरून महापालिकेत वर्चस्व कोणाचे, हे सिद्ध होणार अाहे. त्यामुळे आपण सांगू त्यालाच सभापती करावे, यासाठी पालकमंत्री रामदास कदम आणि खासदार चंद्रकांत खैरे यांच्यात रस्सीखेच सुरू झाल्याची चर्चा राजकीय वर्तुळात आहे.
महापालिकेच्या राजकारणात गेल्या पाच वर्षांत खासदार खैरे यांचे वर्चस्व होते. अनिता घोडेले आणि कला ओझा महापौर असताना खैरे यांनी पालिकेवर निरंकुश सत्ता चालवली. प्रत्येक सर्वसाधारण सभा आणि स्थायी समितीची बैठक खैरे यांच्या मान्यतेनंतरच व्हायची. खैरे यांच्या उपस्थितीत 'प्री-जीबी' देखील घेतली जायची, पण त्यानंतर राज्यात सत्ता बदल झाला आणि शिवसेना-भाजप युतीची सत्ता स्थापन झाली. सत्ता स्थापनेनंतर शिवसेनेचे नेते रामदास कदम यांना औरंगाबाद जिल्ह्याचे पालकमंत्री म्हणून नियुक्त करण्यात आले. पालकमंत्री झाल्यावर कदम यांनी पालिकेचे राजकारण ताब्यात घेतले. त्यामुळे खैरे यांचे वर्चस्व कमी झाले.
आता २ जून रोजी स्थायी समितीच्या सभापतिपदाची निवडणूक होणार आहे. स्थायी समितीचे सभापतिपद युतीमध्ये यंदा शिवसेनेसाठी सुटले आहे. स्थायी समितीचा सभापती आपल्या मर्जीतला असला, तर पालिकेच्या कारभारात आपले वर्चस्व स्थापित होईल, असे मानून पालकमंत्री कदम व खासदार खैरे यांच्यात रस्सीखेच सुरू झाल्याची चर्चा आहे.
स्थायी समितीवर सदस्याच्या नियुक्तीसाठी खैरे यांच्या पुढाकाराने नंदकुमार घोडेले आणि राजू वैद्य यांच्या नावाची शिफारस करण्यात आली होती. या दोघांपैकी एकाची नियुक्ती स्थायी समितीवर होणार होती, पण कदम यांनी ही दोन्ही नावे फेटाळून खैरे यांना चेक दिला आणि चर्चेत नसलेल्या सीताराम सुरे यांना स्थायी समितीवर संधी दिली. असेच धक्कातंत्र सभापतिपदाच्या निवडणुकीत कदम वापरतील, अशी चर्चा आहे. महापौर व सभापती शिवसेनेचा असल्यामुळे शहर विकासासाठी मोठा निधी आणून आपली छाप पाडता येईल, असे समीकरण पालकमंत्र्यांच्या स्तरावर तयार केले जात आहे. असेच समीकरण खैरेही जुळवत असून, मर्जीतील सभापती देऊन पुन्हा एकदा पालिकेच्या राजकारणात सक्रिय होणाचा त्यांचा प्रयत्न आहे. मोहन मेघावाले, रावसाहेब आमले यांच्यासाठी खैरे आग्रही असल्याचे बोलले जाते. पालकमंत्र्यांच्या स्तरावर मकरंद कुलकर्णी, गजानन मनगटे यांचे नाव चर्चेत आहे.

स्थायी समितीमधील पक्षीय संख्याबळ
शिवसेना ः ६
भाजप ः ३
एमआयएम ः ४
काँग्रेस ः १
शहर विकास आघाडी ः २

स्थायी समिती सभापतिपदाच्या निवडणुकीत उमेदवारी कुणाला द्यायची याचा निर्णय पक्षप्रमु्ख उद्धव ठाकरे करणार आहेत. स्थायी समितीत असलेल्या शिवसेनेच्या सहाही नगरसेवकांचे बायोडेटा मुंबईला पाठवण्यात आले आहेत. योग्य वेळी त्यावर निर्णय होऊन सभापतिपदासाठीचे नाव जाहीर केले जाईल. शिवसेनेचे सर्व नेते व पदाधिकारी एकत्र आहेत. गटातटाचा काही प्रश्नच नाही.
- अंबादास दानवे, जिल्हाप्रमुख, शिवसेना.

मोबाइल अॅप डाउनलोड करा आणि राहा अपडेट

‘समांतर’च्या विशेष सभेबाबत मौन

May 28, 2016, 2:30 pm

≫ Next: स्वा. सावरकर जयंती शहरात उत्साहात

≪ Previous: सभापतिपदावरून रस्सीखेच

$

0

0

म. टा. प्रतिनिधी, औरंगाबाद
समांतर जलवाहिनीबद्दल मे महिन्याच्या अखेरीस सर्वसाधारण सभा बोलावून त्यात निर्णय केला जाईल, असा शब्द महापालिकेच्या प्रशासनाने हायकोर्टाला दिला असला, तरी विशेष सभा घेण्यासंदर्भात अद्याप काहीच हालचाल झालेली नाही. प्रशासन व लोकप्रतिनिधींच्या स्तरावर याबद्दल मौन बाळगले जात आहे. त्यामुळे विशेष सभा केव्हा होणार, याबद्दल संभ्रम कायम आहे.
समांतर जलवाहिनीचे काम करणाऱ्या औरंगाबाद सिटी वॉटर युटिलिटी कंपनी या स्पेशल पर्पज व्हेइकल(एसपीव्ही) व सुभाष प्रोजेक्ट मार्केटिंग लिमिटेड (एसपीएमएल) या मूळ कंपनीच्या कामाबद्दल समाधानकारक स्थिती नाही. त्यामुळे कंपनीने केलेल्या कामाबद्दल शासकीय स्तरावर महाराष्ट्र जीवन प्राधिकरणाचे सदस्य सचिव संतोषकुमार यांच्या अध्यक्षतेखाली चौकशी समिती स्थापन करण्यात आली. त्याशिवाय पालिकेचे तत्कालीन आयुक्त सुनील केंद्रेकर यांनी स्वतःच्या स्तरावर चौकशी करून, 'समांतर जलवाहिनीची योजना जनहिताची नाही,' अशा आशयाचे शपथपत्र हायकोर्टात दाखल केले आहे. त्याच्याशी मिळतेजुळते शपथपत्र पालिकेचे विद्यमान आयुक्त ओम प्रकाश बकोरिया यांनी कोर्टात सादर केले आहे. संतोषकुमार यांचेही शपथपत्र सादर झाले आहे. या तीन शपथपत्रांच्या आधारे कोर्टाने महापालिकेला समांतर जलवाहिनीचे काम करणाऱ्या कंपनीस नोटीस बजावण्याचे आदेश दिले. नोटीसचे उत्तर सर्वसाधारण सभेत ठेवून त्यावर निर्णय घ्या, असे आदेश दिले. सर्वसाधारण सभा केव्हा घेणार, असेही कोर्टाने महापालिकेला विचारले. त्यावेळी, मे महिन्याच्या अखेरीस सभा घेऊ, अशी ग्वाही महापालिकेतर्फे देण्यात आली, परंतु मे महिना संपत आला तरी समांतर जलवाहिनी बद्दल विशेष सर्वसाधारण सभा घेण्याच्या हालचाली महापालिकेत सुरू झाल्या नाहीत.
समांतर जलवाहिनीबाबत विशेष सर्वसाधारण सभा घ्या, असे प्रशासनाने अद्याप आपल्याला कळवलेच नाही, असे महापौर त्र्यंबक तुपे सांगतात. प्रशासनातर्फे यासंदर्भात कोणीही बोलायला तयार नाही. त्यामुळे विशेष सर्वसाधारण सभा केव्हा होणार या द्दल अनिश्चितता कायम आहे.

मोबाइल अॅप डाउनलोड करा आणि राहा अपडेट