शहरातील विविध हॉटेलमध्ये काम करणाऱ्या काही तरुणांनी एकत्र येऊन सिडकोत विजय रेसिडेन्सी नावाने हॉटेल सुरू केले. एमजीएम हॉस्पिटलच्या समोर, नुपूर थिएटरच्या मागील बाजूला असलेले हे हॉटेल वैशिष्ट्यपूर्ण आहे. हॉटेलच्या फूड मेन्यूमध्ये कोणते पदार्थ आपल्या शरीराला उपायकारक आहेत, याची माहिती देण्यात आली आहे. हॉटेलमधील प्रत्येक खाद्यपदार्थ तयार करताना ग्राहकांच्या आरोग्याची काळजी घेतली जाते. त्याचबरोबर पदार्थाची चवही जपली जाते. या हॉटेलमध्ये पहिल्यांदा मॅजिक कुकची संकल्पना मांडण्यात आली आहे. मॅजिक कुकच्या माध्यमातून एक्झिकिटिव्ह शेफ अर्जून खरेल यांनी चविष्ट पदार्थ उपलब्ध करूनदिले आहेत.
'विजय रेसिडेन्सी'मधील मसाला मेथी पिठलं हा महाराष्ट्रीयन पदार्थ खूपच प्रसिद्ध झाला आहे. पाण्यात डाळीचे पीठ (बेसन) टाकून त्यात मीठ, लाल मिरची पावडर, जिरे, हाळद टाकली जाते. यानंतर एका पातेल्यात थोडेसे तेल घेतले जाते. त्यात बारीक चिरलेला लसूण, कांदे, टोमॅटो पेस्टे, हिरवी मिरची आदी साहित्य टाकले जाते. ते पदार्थ चांगले भाजून त्यात बारीक चिरलेली मेथी टाकून जाते. त्यानंतर काही काळ हे मिश्रम भाजतात. त्यातनंतर मसाले टाकतात. मिश्रणात मसाले मिसळल्यानंतर त्यात भिजविलेले डाळीचे पीठ टाकून हे मिश्रण शिजविले जाते. पिठल्यावर धणे पावडर, गरम मसाला, बारीक कोथंबीर टाकून ग्राहकांना ही डिश सर्व्ह केली जाते. ही डिश ज्वारी किंवा बाजरीच्या भाकरी सोबत चविष्ट लागते. अनेक ग्राहक पिठल्यासोबत भाकरीला प्राधान्य देतात.
याशिवाय या ठिकाणी व्हेज खाद्यपदार्थांमध्ये कडाई पनीर अदरकी प्रसिद्ध आहे. हा पदार्थ तयार करताना पनीर, लच्चेछार (गोलाकार कापलेले) कांदे, टोमॅटो पेस्ट, धणे पावडर, काजू पेस्ट आदींचा वापर करण्यात येतो. एका पातल्यात तेल टाकले जाते. ते गरम झाल्यावर त्यात मिरची, बारीक केलेले आले, ढोबळी मिरची टाकले जाते. लाल रंग येईपर्यंत हे पदार्थ भादले जातात. त्यानंतर त्यात धणे पावडर, मिरची पावडर, टोमॅटो पेस्ट, काजू पेस्ट टाकले आदी जाते. ही ग्रेव्ही तयार झाल्यानंतर त्यात चौकीनी आकारात कापलेले पनीर टाकून कडाई पनीर अदरकी तयार करण्यात येते. ही डिश सर्व्ह करताना त्यावर कोथिंबीर, लाल तिखट टाकले जाते.
त्याचबरोबर या हॉटेलमध्ये पनीर लबाबदारलाही ग्राहकांची मागणी आहे. याशिवाय हॉटेलमध्ये सिझनप्रमाणे विविध राज्यांतील प्रसिद्ध असलेल्या खाद्यपदार्थ तयार केली जातात. त्यालाही खवय्यांची मागणी असते, असे शेफ अर्जून खरेल यांनी सांगितले.
मोबाइल अॅप डाउनलोड करा आणि राहा अपडेट
