बचतगटांनी फिरविली पाठ, प्रशासनाचेही दुर्लक्ष

July 28, 2016, 2:30 pm

≫ Next: डेंटल’च्या दहा जागा अखेर कायम

≪ Previous: पालिकेच्या धनादेशाची रेल्वेला प्रतीक्षा

$

0

0

Makarand.Kulkarni@timesgroup.com
औरंगाबाद ः शालेय पोषण आहार योजनेतील निकष न पाळल्याबद्दल दोन वर्षांपूर्वी राज्याच्या भरारी पथकाने मुख्याध्यापकांना निलंबित केले होते. तेव्हापासून आजवर कानडगाव (ता. खुलताबाद) येथील जिल्हा परिषद शाळेत मुख्याध्यापक नाहीत. शालेय पोषण आहार शिजवण्यासाठी स्थानिक बचतगटांना सहभागी होण्याबाबत कित्येक वेळा आवाहन करण्यात आले, पण कुणीही पुढे आले नाही. त्यामुळे शिक्षकांच्या जीवावर शालेय पोषण आहाराचा गाडा हाकला जात आहे. अपुऱ्या निधीमुळे शनिवारी दिले जाणारे गोड पदार्थ महिन्यातून दोनदा कसेबसे दिले जातात. परिसरातील अस्वच्छता, काळ्याकुट्ट खोलीत शिजवला जाणारा स्वयंपाक आणि मदतनीसांची कमतरता असे अडचणीचे डोंगर कसेबसे पार केले जातात.
खुलताबाद तालुक्यातील कानडगाव हे गाव खुलताबाद-फुलंब्री रस्त्यावर सुलतानपूरपासून चार किलोमीटर अंतरावर आहे. हमखास पावसाचा भाग असल्याने बहुतांश शेतकरी सधन, पण सुलतानपूर-कानडगाव रस्त्याची अवस्था अत्यंत बिकट. गावाला जाण्यासाठी एसटीची सोय नाही. सुलतानपूरहून किंवा बाजारसावंगीहून खासगी वाहनाने जाता येते. जेमतेम तीन हजार लोकसंख्येच्या गावात जिल्हा परिषदेची पहिली ते सातवीची शाळा आहे. यंदा गावकऱ्यांच्या मागणीवरून प्रशासनाने आठवीचा वर्ग सुरू केला आहे. कानडगावमध्ये १९५९मध्ये जिल्हा परिषद शाळा सुरू झाली. तसा दाखला शाळेच्या इमारतीवर स्पष्टपणे दिलेला आहे. गावातील मंदिराच्या बाजूला दोन, दोन, तीन अशा वर्गखोल्यांच्या टप्प्यात शाळा भरते. बहुतांश कुटुंबे मध्यमवर्गीय असल्याने शालेय पोषण आहाराचे फारसे आकर्षण दिसून आले नाही. थोडीशी आडमार्गाची शाळा असल्याने झेडपी प्रशासनाचेही दुर्लक्ष पाचवीला पूजलेले आहे. दोन वर्षांपूर्वी शालेय पोषण आहाराच्या तपासणीसाठी नांदेडे यांच्या नेतृत्वाखाली एक भरारी पथक आले होते. त्यांच्या तपासणीत कानडगाव शाळेत मोठ्या प्रमाणावर अव्यवस्था दिसून आली आणि डिसेंबर २०१४मध्ये झालेल्या या पाहणीत चव्हाण नावाच्या मुख्याध्यापकांना तत्काळ निलंबित करण्यात आले. तेव्हापासून शाळेला मुख्याध्यापक नाही. पदवीधर शिक्षक पंडित वाघ यांच्याकडे मुख्याध्यापकपदाची प्रभारी जबाबदारी आहे. पहिली ते आठवीसाठी २२० विद्यार्थी आहेत. त्यात पाचवीपर्यंत १५१ आणि सहावी ते आठवी ८५ विद्यार्थी संख्या. शालेय पोषण आहाराची जबाबदारी स्थानिक महिला बचतगटांकडे द्यावी, असे सरकारचे आदेश आहेत, पण कानडगाव त्याला अपवाद आहे कारण अन्न शिजवून देण्यासाठी बचतगट पुढेच येत नाही. बचतगटासाठी दोनवेळा ठराव संमत झाले, पण कुणीच तयार झाले नाही. पोषण आहारासाठी दिले जाणारे मानधन पुरत नाही, अशी सार्वत्रिक तक्रार कानडगावच्या बाबतीतही आहे.
सरकारने ठरवून दिलेल्या वेळापत्रकानुसार आहार पुरविण्यासाठी शिक्षकांना तारेवरची कसरत करावी लागते. स्थानिक पुरवठादाराकडून मठ, हरभरा, मूग, वाटाणे, तांदूळ, तेल, मसाला, जिरे, मोहरी, हळद, मीठ पुरविले जाते. दोन महिन्यांचा स्टॉक एकदाच दिला जातो. बचतगट नसल्याने मुख्याध्यापकांच्या खोलीतच हे धान्य कोठ्यांमध्ये ठेवलेले आहे. तेलाच्या बाटल्या चोरीला जाऊ नये, म्हणून कागदपत्रांसाठी असलेल्या कपाटात ठेवलेल्या आहेत. तांदूळ ठेवण्यासाठी एक अडगळीची खोली निवडलेली होती. तिथे नव्याने आलेले ड्यूएल डेस्क कोंबलेले होते. या डेस्कमधून दोन डेस्कवर तांदळाचे पोते ठेवले होते. उंदीर, घुशी लागू नये म्हणून पडलेल्या डेस्कचा वापर करण्यात येतो.
स्वयंपाकासाठी गावातील तीन मदतनीस नेमल्या आहेत. त्यांच्या मानधनाचे वांधे आहेत. एप्रिल २०१५चे मदतनीस मानधन अजून दिलेले नाही. जून २०१५ची इंधन, भाजीपाल्याची देयके मिळावीत म्हणून कित्येक वेळा अर्ज, विनंत्या केल्या, पण प्रशासनाचे कायम दुर्लक्ष असल्याचे सांगण्यात आले. जून महिन्यांत मुख्याध्यापकांची नियुक्ती करण्यात आली दोन महिने उलटून गेले तरी मुख्याध्यापक रुजू झालेले नाहीत. त्यामुळे नव्याने सुरू केलेल्या आठवीच्या वर्गाला एकच शिक्षकाला शिकवावे लागत आहे.

मैदानावर जनावरांचा वावर
जिल्हा परिषद शाळेला नवीन इमारतीचा प्रस्ताव सादर करण्यात आला आहे, पण त्यावर काही कार्यवाही झालेली नाही. पहिली ते चौथीचे वर्ग सलग भरविले जातात. मग रस्ता त्याच्या पलिकडे पाचवी सहावी आणि चौथीच्या वर्गाच्या मागे तीन वर्गखोल्या आहेत. तिथे सातवी, आठवीचे वर्ग भरतात. मंदिराच्या बाजूला थोडी मोकळी जागा आहे. तिथून गावकऱ्यांना येण्याजाण्यासाठी रस्ता आहे म्हणून शाळेला कपाऊंड वॉल बांधता येत नाही. या रस्त्यावरून दिवसभर गावकरी आणि जनावरांची ये-जा सुरू असते. त्यामुळे विद्यार्थ्यांना शिकण्यास अडथळा निर्माण होतो.

अस्वच्छ धान्य
पुरवठादाराकडून दिलेले धान्य निवडून ते शिजवणे अपेक्षित आहे. जिथ बचतगट हे काम करतात तिथे अडचणी येत नाहीत. पण कानडगावमध्ये बचतगटाकडे ही जबाबदारी नसल्याने हंगामी मदतनीसांवर कामाचा बोजा आहे. पुरविलेले धान्य अस्वच्छ असल्याने अडचण होते. याबाबतही निश्चित धोरण असावे अशी मागणी करण्यात आली.

पाणी नाही, आहार नाही
उन्हाळ्यात तीव्र पाणीटंचाई होती. अन्न शिजवायला पाणी कुठून आणायचे, असा प्रश्न होता. त्यामुळे मोठे हाल झाले. उन्हाळ्याच्या बहुतांश कालावधीत पोषण आहार बंदच होता. गावकऱ्यांनी शाळेला पाणी देण्यासाठी पाण्याची स्वतंत्र टाकीही शाळेच्या मागे बांधून दिली आहे. आता पावसाळ्यात पाणी आले आहे. त्यामुळे आहार शिजविण्यास अडचण नसल्याचे मदतनीसांनी सांगितले.

काळेकुट्ट स्वयंपाकघर
शिक्षकांनाच शालेय पोषण आहारावर लक्ष ठेवावे लागत असल्याने अनेक अडचणी काही केल्या संपत नसल्याचे चित्र दिसून आले. मंदिराला लागून मुख्याध्यापकांचा कक्ष आहे. त्याला लागून एक छोटी बोळ आणि मंदिराच्या मागे गावाने दिलेल्या जागेत चार पत्र्यांचे स्वयंपाकघर केले आहे. धूर जाण्यासाठी जागा नसल्याने हे स्वयंपाकघर काळेकुट्ट झाले आहे. त्यातच स्वयंपाक शिजवला जातो. पावसाळ्यात ही खोली कायम गळते. मदतनीस पावसाच्या पाण्यापासून बचाव करत स्वयंपाक करतात.

नावालाच गोड
शनिवारी मटकी भाताचा दिवस होता. २०० मुलांना पोषण आहार देण्याची तयारी सुरू होती. शनिवारी पूरक पोषण आहारात काय देणार, अशी विचारणा केल्यानंतर मागच्या शनिवारी एकादशी होती. त्या दिवशी गूळ शेंगदाणे दिले होते. आज काही देता येत नाही. मिळणाऱ्या निधीतून गोडपदार्थ देणे म्हणजे तारेवरची कसरत करावी लागते. त्यातही बच्चेकंपनीला नाराज करू नये, यासाठी शिक्षकच पुढाकार घेऊन रक्कम जमा करतात आणि बिस्किट, गोळ्या काहीतरी गोड पुरवतात.

ममनापूरच्या शाळेत पाणी टंचाई
खुलताबादपासून काही किलोमीटर हायवेवर असलेल्या ममनापूर जिल्हा परिषद शाळेत तीन दिवसांपासून पाणी आले नव्हते. त्यामुळे शनिवारी नियमित वेळापत्रकातील मटकीउसळ, भाताऐवजी खिचडी शिजविण्यात आली. याठिकाणी शबरी महिला बचतगटातर्फे पोषण आहार शिजवून दिला जातो. प्रत्येक विद्यार्थ्याला ताट दिले जाते. रांगेत येऊन विद्यार्थी आहार घेतात. पाणी नसल्याने खिचडी शिजवावी, लागल्याचे बचतगटाच्या कार्यकर्त्यांनी सांगितले. पहिली ते सातवीच्या शाळेत १६१ विद्यार्थी आहेत.

शाळेत आलेल्या प्रत्येक विद्यार्थ्याला पोषण आहार देण्याच्या दृष्टीने आम्ही काम करतो. अन्नधान्याची चोरी होऊ नये, याची दक्षता घेतली आहे, पण बचतगटाकडे जबाबदारी दिली तर अनेक प्रश्न सुटतील. आमच्या परीने आम्ही प्रयत्न करतो. दोन वर्षांत कुठली तक्रार आलेली नाही.
- पंडित वाघ, प्रभारी मुख्याध्यापक

मोबाइल अॅप डाउनलोड करा आणि राहा अपडेट

---

डेंटल’च्या दहा जागा अखेर कायम

July 28, 2016, 2:30 pm

≫ Next: ‘पाली, बुद्धिझम’चे स्पेशलायझेशन बदलले

≪ Previous: बचतगटांनी फिरविली पाठ, प्रशासनाचेही दुर्लक्ष

$

0

0

म. टा. प्रतिनिधी, औरंगाबाद
प्राध्यापकांच्या रिक्त जागा, उपकरणांची कमतरता आणि निकषांपेक्षा प्रयोगशाळांचे कमी क्षेत्रफळ आदी कारणांवरून मराठवाड्यातील एकमेव शासकीय दंत महाविद्यालय व रुग्णालयातील 'बीडीएस'च्या दहा जागा घटवण्यात आल्या होत्या, मात्र महाविद्यालयाने तातडीने बहुतांश निकष पूर्ण केल्याचे तपासणीत स्पष्ट झाल्यानंतर केंद्रीय आरोग्य मंत्रालयाने पुन्हा एकदा दहा जागा कायम केल्या असून, तसे पत्र अधिष्ठातांना नुकतेच पाठवले आहे.
भारतीय दंत परिषदेने सात जून २०१६ रोजी केलेल्या महाविद्यालय व रुग्णालयाच्या तपासणीत विविध त्रुटींकडे बोट दाखवत 'बीडीएस'च्या दहा जागा घटवण्याची शिफारस केंद्रीय आरोग्य मंत्रालयाकडे केली होती. त्यामुळे केंद्रीय आरोग्य मंत्रालयाने दहा जागा घटवल्या आणि 'बीडीएस'च्या जागा ५०वरून ४०वर आल्या. त्यानंतर महाविद्यालयाने तातडीने पावले उचलत आतापर्यंत तीन प्राध्यापक व तीन सहयोगी प्राध्यापकांची नव्याने नियुक्ती केली. त्याचबरोबर उपकरणांची कमतरता पूर्ण केली आणि प्रयोगशाळांचे क्षेत्रफळ निकषांप्रमाणे वाढवले.

संकेत खरे ठरले...
आठ जुलै रोजी भारतीय दंत परिषदेच्या निरीक्षकांनी केलेल्या पाहणीत बहुतांश त्रुटी दूर झाल्याचे दिसून आले आणि दहा जागा कायम राहण्याचे संकेत निरीक्षकांकडून तेव्हाच मिळाले होते. त्यानुसार दंत परिषदेने केंद्रीय आरोग्य मंत्रालयाला समाधानकारक अहवाल दिल्यानंतर दहा जागा कायम राहतील, असे पत्र केंद्रीय सचिव डी. व्ही. के. राव यांनी शासकीय दंत महाविद्यालयाच्या अधिष्ठातांना पाठवले आहे. त्यामुळे 'बीडीएस'च्या दहा जागांवरील गंडांतर टळल्याचे स्पष्ट झाले आहे.

मोबाइल अॅप डाउनलोड करा आणि राहा अपडेट

‘पाली, बुद्धिझम’चे स्पेशलायझेशन बदलले

July 28, 2016, 2:30 pm

≫ Next: माझं शिवार : नैसर्गिक शेतीने दाखवला आदर्श मार्ग

≪ Previous: डेंटल’च्या दहा जागा अखेर कायम

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठ प्रशासनाने पाली आणि बुद्धिझम विभागाच्या शिक्षक भरतीसाठी पाली अँड बुद्धिझम हेच स्पेशलयझेशन ठेवावे, अशी मागणी पुढे आली आहे. त्यासाठी विभागाच्या विद्यार्थ्यांनी उपोषण सुरू केले आहे. शिक्षकभरतीत आपल्या निकटवर्तीयांना लाभ व्हावा या हेतूने स्पेशलायझेशन बदलण्यात आल्याचा आरोप विद्यार्थ्यांनी केला आहे.
विद्यापीठाने विभागातील रिक्त प्राध्यापकांच्या भरतीसाठी अर्ज मागविले आहेत. रिक्तपदासाठी दिलेल्या जाहिरातीत पाली व बुद्धिझम विभागातील सहाय्यक प्राध्यापक, सहयोगी प्राध्यापक पदांचाही समावेश आहे. या पदांसाठी विद्यापीठाने 'पाली प्राकृत असावे,' अशी अट घातली आहे. विद्यापीठांतर्गत विद्यार्थ्यांनी पाली व बुद्धिझम या विषयांत पदवी, पदव्युत्तरचे शिक्षण घेतले. विद्यापीठाने काही वक्तींनी डोळ्यासमोर ठेऊन स्पेशलायझेशन बदलले, असा आरोप करून काही विद्यार्थी उपोषणाला बसले आहेत. पाली, बुद्धिझम आणि प्राकृत वेगळा विषय असल्याचे विद्यार्थ्यांचे म्हणणे आहे. त्यामुळे नवीन जाहिरातीतील पाली आणि बुद्धिझम विषयासाठी दिलेले प्राकृत बुद्धिस्ट स्टडीजचे विशेष प्राविण्य तात्काळ रद्द करून सुधारित जाहिरात प्रसिद्ध करावी, पाली आणि बुद्धिझम विभागामधील नियमबाह्य झालेली कंत्राटी तत्वावरील पाली प्राकृत प्राध्यापकांची नियुक्ती तात्काळ रद्द करावी, अशा मागण्या उपोषणार्थी विद्यार्थ्यांनी केल्या आहेत.
याबाबत यूजीसी, राज्यपाल, शिक्षणमंत्र्यांकडेही दाद मागण्यात येणार असल्याचे विद्यार्थ्यांनी सांगितले. निवेदनावर पल्लवी खंडेराव, पुरण कांबळे, अलका बनकर, जयश्री सोनोने आदींची नावे आहे.

मोबाइल अॅप डाउनलोड करा आणि राहा अपडेट

माझं शिवार : नैसर्गिक शेतीने दाखवला आदर्श मार्ग

July 28, 2016, 2:30 pm

≫ Next: लॉ प्रवेशावर टांगती तलवार

≪ Previous: ‘पाली, बुद्धिझम’चे स्पेशलायझेशन बदलले

$

0

0

Tushar.Bodkhe@timesgroup.com
खते, रसायने, किटनाशकांवरील वाढता खर्च शेतीच्या तोट्याचे मुख्य कारण आहे. सेंद्रीय शेती, नैसर्गिक शेतीचा प्रसार झाला असला तरी या शेतीचे फारसे प्रमाण नाही. कमी खर्च आणि जास्त उत्पादन असे समीकरण जुळवताना धाकलगाव (ता. अंबड) येथील कैलास देविदास घाटगे या तरूण शेतकऱ्याने निसर्गशेतीचा पर्याय स्वीकारला आहे. केवळ २० गुंठे क्षेत्रात सहा महिन्यांत टरबुजाच्या दोन पिकांतून कैलास यांनी एक लाख ४० हजार रुपये उत्पन्न मिळवले. जेमतेम आठवीपर्यंत शिकलेले कैलास घाटगे शेतीत वैविध्यपूर्ण प्रयोग करण्यासाठी उत्सुक असतात. साडेचार एकर जमिनीत गुजराण शक्य नव्हती. पुरेसे उत्पन्न काढण्यासाठी पारंपरिक पिकापेक्षा त्यांनी निसर्गशेतीचा प्रयोग केला. शेतीचे उत्पादन वाढवणे आणि खर्च कमी करणे या दोन उपायांवर भर दिला. या उपायांची अंमलबजावणी करण्यासाठी कैलास यांनी टरबुजाची लागवड केली. जानेवारी महिन्यात ऊस पीक निघाल्यानंतर अवघ्या वीस गुंठे क्षेत्रात टरबुजाची लागवड केली; तसेच पीक व्यवस्थापनाचे योग्य नियोजन केले. टरबूज लागवडीनंतर १५ दिवसांच्या अंतराने खत आणि दोन वेळेस विद्राव्य खते दिली; तसेच दोन ते तीन वेळेस फवारणी केली. पिकाला ३०० लिटर स्लरी दिल्यामुळे चांगला शेतीमाल लगडला. टरबुजाचे ११ टन उत्पादन विक्री करून साडेसहा रुपये प्रतिकिलो दराने ७० हजार रुपये उत्पन्न मिळाले. टरबुजाची वेल काढून जमिनीची पुन्हा मशागत केली. मशागत करताना पाच बैलगाड्या कुजलेले शेणखत टाकले व उसासाठी अंथरलेल्या ठिबकच्या लाइनवर टरबुजाच्या 'मधुबाला' वाणाची लागवड केली. या पिकाचे रमजान महिन्यासाठी नियोजन केले होते. पहिल्या प्रयत्नात चांगले उत्पादन निघाल्यामुळे दुसऱ्यांदा लागवड केली. एप्रिल महिन्यात लागवड केल्यानंतर खते वेळेवर केली. फळ लागल्यानंतर टरबूज फुगण्याच्या वेळेपर्यंत ७० लिटर स्लरी पाच दिवसांच्या अंतराने पाच ते सहा वेळेस दिली. या व्यवस्थापन तंत्रामुळे लांब-गोलाकार हिरवट व काळसर रंगाचे सहा ते नऊ किलोचे टरबूज निघाले. टरबुजाची तोडणी करुन बांधापर्यंत पोहच करण्याची जबाबदारी स्वीकारून कैलास यांनी व्यापाऱ्याला जागेवर टरबूज विक्री केली. या विक्रीमुळे वाहतूक व आडत-हमालीचा खर्च वाचला. वाहतुकीत फळांचे संभाव्य नुकसानसुद्धा टळले. सात रुपये प्रतिकिलो दराने १० टन टरबूज विकल्यानंतर कैलास यांना ७० हजार रुपये उत्पन्न मिळाले. जानेवारी ते जून या सहा महिन्यांच्या कालावधीत कैलास यांनी एक लाख ४० हजार रुपयांचे उत्पन्न मिळवले. या पिकासाठी केवळ १० हजार रुपये खर्च लागला. जमिनीची मशागत करण्यावर कैलास यांचा भर होता. त्यामुळे पिकाचे भरघोस उत्पादन निघाले.

'जमीन मध्यम स्वरूपाची व पाण्याचा निचरा होणारी असून योग्य नियोजनातून पीक घेतल्यास चांगले उत्पादन काढता येते याची खात्री पटली. जमीन आरोग्यपत्रिका मोहीमेत मागील वर्षी जमिनीची तपासणी केली. 'जमीन पैलवान तर उत्पादन दमदार' या तत्वावर विश्वास असल्यामुळे चांगले उत्पादन काढू शकलो,' असे कैलास घाटगे यांनी सांगितले. धाकलगाव येथे नैसर्गिक शेती करणारा शेतकरी गट आहे. या गटाच्या सहकार्याने सेंद्रीय शेती करण्याचा घाटगे यांचा निर्धार आहे. टरबूज पीक घेतल्यानंतर घाटगे यांनी तूर लागवड केली आहे. पिकाची अदलाबदल करण्यासाठी स्थानिक तुरीच्या वाणाची लागवड केली; तसेच ३३ गुंठे क्षेत्रावर 'भगवा' वाणाच्या डाळिंबाची लागवड केली. उरलेल्या क्षेत्रात कापसाचे पीक आहे. कैलास यांना शेतीकामात पत्नी, आई-वडील सहकार्य करतात. नैसर्गिक शेतीचे घाटगे यांनी योग्य नियोजन केले आहे. विहिरीला पुरेसे पाणी नसताना कूपनलिकेच्या पाण्यावर शेती बहरली. तालुका कृषी अधिकारी ज्ञानेश्वर तारगे, कृषी विभागाचे साईनाथ बागडे आणि कृषिमित्र गुरुप्रसाद लगड यांनी नैसर्गिक शेतीसाठी घाटगे यांना प्रोत्साहन दिले आहे. तरूण शेतकऱ्यांनी पारंपरिक शेतीची वाट सोडून कमी खर्चातील यशस्वी शेती करणारा घाटगे यांचा प्रयोग आदर्श ठरला आहे.

स्लरीचा फायदा
नैसर्गिक शेतीत स्लरीचा पिकांना फायदा होतो. दोनशे लिटरच्या टाकीत २५ ते ३० किलो शेण, १५ ते २० लिटर गोमूत्र, एक किलो गुळ, डाळीचे पीठ, बांधावरील एक ते दोन किलो माती व उर्वरीत पाणी टाकून टाकी गोणपाटाने झाकतात. टाकीतील मिश्रण पाच ते सहा दिवस दररोज सकाळी व संध्याकाळी ढवळून काढतात. मिश्रण गाळून घेऊन व्हेंच्युरीद्वारे पिकाला सोडतात. मिश्रण गाळण्यासाठी बराच वेळ लागतो; पण, खतावरील खर्च वाचतो. शेणापासून स्लरी तयार करीत असल्यामुळे घाटगे यांचे खत विकत घेणे थांबले आहे. भरघोस टरबूज उत्पादन काढण्यासाठी त्यांना स्लरीचा फायदा झाला.

मोबाइल अॅप डाउनलोड करा आणि राहा अपडेट

लॉ प्रवेशावर टांगती तलवार

July 28, 2016, 2:30 pm

≫ Next: संघर्षशील लेखिकेचे स्मरण

≪ Previous: माझं शिवार : नैसर्गिक शेतीने दाखवला आदर्श मार्ग

$

0

0

म. टा. प्रतिनिधी, औरंगाबाद
'बार कौन्सिल ऑफ इंडिया' व राज्यातील विधी अभ्याक्रमांच्या कॉलेजांमध्ये संलग्निकरणावरून वाद सुरू आहे. त्यामुळे राज्यातील अनेक लॉ कॉलेजांतील प्रवेश प्रक्रियेवर टांगती तलवार आहे. अद्याप राज्यात प्रवेश प्रक्रियेचा पहिला टप्पाही पूर्ण झालेला नाही.
राज्यातील विधी अभ्यासक्रमांच्या संलग्निकरणाचा वाद समोर आल्याने २०१६-१७ या शैक्षणिक वर्षातील प्रवेश प्रक्रिया वादात सापडली आहे. बार कौन्सिलचे २०१६-१७ या वर्षासाठी अनेक कॉलेजांनी सलग्निकरण घेतले नाही. त्यांनी आधी मान्यता घ्यावी, असे निर्देश उच्चशिक्षण विभागाने दिले आहेत. राज्यातील बहुतांशी कॉलेजांकडे संलग्निकरणच नसल्याने हा पेच निर्माण झाला आहे. त्यामुळे प्रवेश प्रक्रियेतील पहिला टप्पाही होऊ शकलेला नाही. कौन्सिलची मान्यता न घेणाऱ्या कॉलेजांचा प्रवेश प्रक्रियेत सहभाग नसेल असे, विभागाने स्पष्ट केले आहे. त्यासंदर्भात विद्यापीठांना पत्र देण्यात आले आहे.
कॉलेजांनी बार कौन्सिल ऑफ इंडियाचे संलग्निकरण घेण्याची प्रक्रिया पूर्ण करावी, याबाबत डॉ. बाबासाहेब आंबेडकर मराठवाडा विद्यापीठाने लॉ कॉलेजांच्या प्राचार्यांची बैठकही घेतली. २८ जुलैपर्यंत संलग्निकरणाची प्रक्रिया करणे अपेक्षित होते, परंतु प्रक्रिया पूर्ण झाली नसल्याचे सूत्रांनी सांगितले.
लॉ अभ्यासक्रमाच्या कॉलेजांना विद्यापीठासह 'बार कौन्सिल ऑफ इंडिया'चेही संलग्निकरण घ्यावे लागते. कौन्सिलकडून तात्पुरते आणि नियमित अशा दोन प्रकारचे संलग्निकरण दिले जाते. दर तीन वर्षांनंतर कौन्सिलकडून कॉलेजांना संलग्निकरण घ्यावे लागते. कौन्सिलने संलग्निकराच्या शुल्कात वाढ केली आणि केवळ एक वर्षासाठी सलग्निकरण देण्याचा निर्णय घेतला. त्याला कॉलेजांचा विरोध आहे.
यासंदर्भात अनेक कॉलेजांनी कोर्टाचा दरवाजाही ठोठावला आहे. राज्यात १२७ कॉलेज आहेत. त्यातील किती कॉलेजांनी संलग्निकरण घेतले याची कौन्सिलकडून उच्चशिक्षण विभागाकडे सादर केली जाणार आहे. अद्याप ही यादीही सादर केली गेलेली नाही. कौन्सिलशी संलग्न असलेल्या कॉलेजांचीच संख्याच किती, याची निश्चिती नसल्याने प्रवेश प्रक्रियाही सुरू होऊ शकलेली नाही.

वेळापत्रक पुढे ढकलले
'स्टेट कॉमन एन्ट्रन्स टेस्ट सेल'ने प्रवेशाचे वेळापत्रक निश्चित केले. प्रवेशाच्या तीन फेऱ्या होणार आहेत. १८ व १९ जून रोजी सीईटी घेण्यात आली. राज्यात ३५ हजार विद्यार्थ्यांनी परीक्षा दिली. ३० जून रोजी निकाल जाहीर झाला. अद्याप कॉलेज, प्रवेश क्षमताच निश्चित नाही. त्यामुळे कॉलेजांची ऑप्शन भरण्याची प्रक्रियाही सुरू होऊ शकली नाही. दरवर्षी १ जुलैला विधी अभ्यासक्रमांचे कॉलेज सुरू होतात. यंदा जुलै संपत आला तरी पहिलीच फेरी निश्चित नाही. त्यात आता २ ऑगस्टपर्यंत पर्याय देण्यास मुदतवाढ दिल्याचे सीईटी सेलतर्फे जाहीर करण्यात आले. प्रक्रिया ऑगस्ट अखेरपर्यंत चालली तर यंदा प्रवेश होणार की नाही, असा पेच निर्माण झाला आहे.

आम्ही संलग्निकरणाची प्रक्रिया केलेली आहे, परंतु कौन्सिल एक वर्षाचीच मान्यता देते आहे. संलग्निकरणाचे शुल्कही वाढविण्यात आले आहे. एवढे शुल्क कॉलेजांनी आणायचे कोठून, असा प्रश्न आहे. यंदा प्रवेशप्रक्रिया जुलै संपत आला तरी पूर्ण झालेली नाही. त्यात विद्यार्थी, पालकांची फरफट होते आहे.
- डॉ. सी. एम. राव, प्राचार्य, एम.पी. लॉ. कॉलेज

'बार कौन्सिल ऑफ इंडिया'च्या लिगल एज्युकेशन कमिटीने 'लॉ' अभ्यासक्रम कशा दर्जाचा असावा, त्याबाबत २००८मध्ये नियम केले. जागतिक पातळीवरील दर्जा विचारात घेऊन नियम तयार केले गेले. कॉलेजांना बार कौन्सिलचे नियंत्रण नको आहे, परंतु राज्य शासनाने त्यांना कौन्सिलची मान्यता आवश्यक असल्याचे स्पष्ट केले आहे. परवानगी असेल त्यांनाच प्रवेश प्रक्रियेत सहभाग देण्याचे एज्युकेशन कमिटीच्या आज झालेल्या बैठकीत स्पष्ट करण्यात आले. किती कॉलेजांना कौन्सिलचे संलग्निकरण आहे, ही यादी सीईटी सेलला दोन दिवसांत सादर करू.
- सतीश देशमुख, उपाध्यक्ष, बार कौन्सिल ऑफ इंडिया

मोबाइल अॅप डाउनलोड करा आणि राहा अपडेट

संघर्षशील लेखिकेचे स्मरण

July 28, 2016, 2:30 pm

≫ Next: ईटखेडा परिसरातून मंगळसूत्र लंपास

≪ Previous: लॉ प्रवेशावर टांगती तलवार

$

0

0

म. टा. प्रतिनिधी, औरंगाबाद
शोषित व वंचितांच्या वेदना साहित्यातून मांडणाऱ्या ज्येष्ठ लेखिका महाश्वेता देवी यांचे गुरुवारी निधन झाले. आपल्या कथा-कादंबरीतून साहित्यात वेगळी विचारसरणी जपलेल्या या महान लेखिकेला शहरातील मान्यवर साहित्यिकांनी श्रद्धांजली वाहिली.

महाश्वेता देवी बंगाली कथाकार आणि कादंबरीकार असल्या, तरी त्यांचे साहित्य जगभर पोहचले आहे. भारतातील सर्व भाषांत पुस्तके अनुवादित झाली आहेत. मराठीत मीठ आणि इतर कथा आले. गरीब, शोषित व आदिवासी हे महाश्वेता देवी यांच्या साहित्याच्या केंद्रस्थानी होते. त्यांची लेखणी सतत अन्यायाविरोधात आवाज उठवणारी होती. केवळ लेखन करून त्या थांबल्या नाही. वेगवेगळ्या संघटनांना जाहीर पाठिंबा दिला. कोणतीही राजकीय विचारसरणी स्वीकारलेली नसूनही त्यांनी सामाजिक काम शेवटपर्यंत सुरू ठेवले होते.
- डॉ. छाया महाजन, लेखिका

मोबाइल अॅप डाउनलोड करा आणि राहा अपडेट

ईटखेडा परिसरातून मंगळसूत्र लंपास

July 28, 2016, 2:30 pm

≫ Next: झालर क्षेत्रातील गावे महापालिकेत?

≪ Previous: संघर्षशील लेखिकेचे स्मरण

$

0

0

सातारा : ईटखेडा परिसरातील एका वृद्ध महिलेच्या गळ्यातील चार ग्रॅम सोन्याचे मंगळसूत्र चोरट्यांने लंपास केले. 'ठेकेदाराने विटा आणल्या आहेत, पण डिझेल संपल्याने गाडी बंद पडली. ठेकेदाराशी मोबाइल बोला,' असे सांगत चोरट्याने मंगळसूत्र लांबवल्याचे समोर आले आहे. याप्रकरणी सातारा पोलिस ठाण्यात गुन्हा दाखल करण्यात आला आहे.
सुशीला सव्वाशे (रा. बीड) असे फिर्यादीचे नाव आहे. ईटखेडा परिसरातील अपना विहार येथे त्यांची मुलगी राहते. कामानिमित्त त्या मुलीच्या घरी आल्या आहे. गुरुवारी सायंकाळी त्या घरासमोर बसल्या होत्या. त्यावेळी एक तरुण दुचाकीवरून आला. त्याने ठेकेदाराने विटा आणल्या आहेत, पण डिझेल संपल्याने गाडी बंद पडली. ठेकेदाराने पैसे मागितले, असे फिर्यादीला त्या तरुणाने सांगितले. त्यावर फिर्यादीने आमच्याकडे कुणीही ठेकेदार नाही, असे सांगताच चोरट्याने ठेकेदाराशी मोबाइलवर बोला, असे म्हणत फिर्यादीजवळ मोबाइल नेला आणि संधी साधत त्यांच्या गळ्यातील मंगळसूत्र तोडून पसार झाला. याप्रकरणी सातारा पोलिस पुढील तपास करत आहेत.

मोबाइल अॅप डाउनलोड करा आणि राहा अपडेट

झालर क्षेत्रातील गावे महापालिकेत?

July 28, 2016, 2:30 pm

≫ Next: स्वस्तात रो-हाउसच्या आमिषाने फसविले

≪ Previous: ईटखेडा परिसरातून मंगळसूत्र लंपास

$

0

0

म. टा. प्रतिनिधी, औरंगाबाद
झालर क्षेत्रातील सर्व गावांचा महापालिका हद्दीत समाविष्ट करण्यासंदर्भात हालचाली सुरू झाल्या आहेत. ग्रामपंचायतीच्या ठरावानंतर यासंदर्भात पुढील कार्यवाही करण्यात येईल, असे मुख्यमंत्री देवेंद्र फडणवीस यांनी सांगितले.
औरंगाबाद महापालिका झालर क्षेत्रातील अविकसित २८ गावांचा सुनियोजित विकास करण्याबाबत विधानसभा अध्यक्ष हरिभाऊ बागडे यांच्या दालनात गुरुवारी बैठक झाली. त्याप्रसंगी मुख्यमंत्री बोलत होते, अशी माहिती आमदार अतुल सावे यांनी दिली आहे. ग्राम विकासमंत्री पंकजा मुंडे, आमदार अतुल सावे, नगर विकास विभागाचे प्रधान सचिव नितीन करीर, सिडकोचे अधिकारी आदी उपस्थित होते.
दरम्यान, झालर क्षेत्र विकास आराखडा अंतिम करण्यासाठी छाननी समितीच्या आणखी दोन ते तीन बैठका होतील. त्यानंतर अंतिम अहवाल सादर करणार आहे. त्याला शासनाकडून मंजुरी मिळेल, अशी माहिती सिडकोच्या सूत्रांनी दिली. सातारा, देवळाई या गावांचा महापालिकेत समावेश करण्यात आला आहे. त्यानंतर आता उरलेल्या २६ गावांचा महापालिकेत समावेश करण्याच्या दिशेने तयारी सुरू झाली. त्याबाबत बैठकीत चर्चा झाल्याचे सिडकोच्या सूत्रांनी सांगितले.

मोबाइल अॅप डाउनलोड करा आणि राहा अपडेट

---

स्वस्तात रो-हाउसच्या आमिषाने फसविले

July 28, 2016, 2:30 pm

≫ Next: फूड कॉर्नर : लज्जतदार व्हेज पटियाला

≪ Previous: झालर क्षेत्रातील गावे महापालिकेत?

$

0

0

म. टा. प्रतिनिधी, औरंगाबाद
जागा नावावर नसताना तेथे गृहप्रकल्प उभारला, सोळा लाखांत रो-हाउस, अशी जाहिरात करून घराचे स्वप्न दाखवत नोकरदाराला अडीच लाख रुपयांना फसविल्याने बिल्डरविरुद्ध गुन्हा दाखल करण्यात आला आहे.
पोलिसांनी सांगितले की, रवींद्र जनार्दन अहिरे (रा. सी एल-४६/२, बारावी योजना, शिवाजीनगर) असे या बिल्डरचे नाव आहे. त्याने अनेकांना गंडा घातल्याचेही समोर येत आहे. त्याच्याविरुद्ध विठ्ठल नरसिंग लद्दे (वय ४७, रा. बजाजनगर) यांच्या तक्रारीवरून गुन्हा दाखल करण्यात आला आहे.
वाळूज औद्योगिक वसाहतीतील नागरिकांना गंडविण्यासाठी आपल्या स्वप्नातील वन बीएचके आणि टू बीएचके रो-हाउस फक्त सोळा लाखांत अशी जाहिरात करून अहिरेने वसाहतीत पत्रकांचे वाटप केले. तीसगावातील गट क्रमांक २२१मधे ड्रीम सिटी फेज-१ असे नाव या योजनेला देण्यात आल्याचे पत्रकात म्हटले होते. पत्रक वाचून नोकरदार असलेल्या लद्दे यांनी अहिरेशी संपर्क साधला. वन बीएचके रो-हाउस बुक करण्याची इच्छा व्यक्त केली. तेव्हा त्याने आपण स्वत:हून आल्याने १५ लाखांत रो-हाउस देण्याचे कबूल केले. त्यापोटी त्याने २० टक्के आगाऊ रक्कम म्हणून लद्दे यांच्याकडून अडीच लाख रुपये घेतले. त्यांना तीसगावमधील जागाही दाखवण्यात आली.
काही दिवसानंतर लद्दे यांनी रो-हाउसबाबत अहिरेकडे विचारणा केली. तेव्हा त्याने घर देण्यास आणि पैसे परत करण्यास टाळाटाळ सुरू केली. त्यामुळे लद्दे यांना संशय आला. त्यांनी पोलीस आयुक्त अमितेश कुमार यांची भेट घेत अहिरेविरुद्ध तक्रार दिली. आर्थिक गुन्हे शाखेकडे हे प्रकरण सोपविण्यात आले. निरीक्षक ज्ञानेश्वर साबळे, सहायक पोलिस निरीक्षक श्यामसुंदर कौठाळे, उपनिरीक्षक सुभाष खंडागळे यांनी प्रकरणाची चौकशी केली. त्यात अहिरेने गुन्हा केल्याचे सिध्द झाल्यानंतर लद्दे यांच्या तक्रारीवरुन एमआयडीसी वाळूज पोलिस ठाण्यात गुरुवारी गुन्हा दाखल करण्यात आला.

जमीनही नावावर नाही
रवींद्र अहिरे याने तीसगाव शिवारात (गट क्र. २२१) गृहप्रकल्प उभारणार असल्याची थाप मारली होती, परंतु या परिसरात त्याची मालकीची कोणताही शेती वा जागा नसल्याचे तपासात समोर आले आहे, अशी माहिती पोलिसांनी दिली.

मोबाइल अॅप डाउनलोड करा आणि राहा अपडेट

फूड कॉर्नर : लज्जतदार व्हेज पटियाला

July 29, 2016, 2:30 pm

≫ Next: ...चिंब होऊनही तहान भागेना!

≪ Previous: स्वस्तात रो-हाउसच्या आमिषाने फसविले

$

0

0

Abdulwajed.Shaikh@timesgroup.com
आपल्या आयुष्याची १८ वर्षे औषधनिर्मिती उद्योगात काम करणाऱ्या बालाजी मुद्रेवार यांनी फूड इंड्रस्ट्रीमध्ये येण्याचा निर्णय घेतला. औषधनिर्मिती उद्योगात काम करताना चंदीगड, गोवा, मुंबई, इंदूर येथे जाण्याचा योग आला. मुद्रेवार व त्यांचा मुलगा तेथील विविध हॉटेलांत जाऊन जेवणाची चव घेत असत. त्यामुळे त्यांनी हॉटेल व्यवसायात येण्याचा निर्णय घेतला. त्यांचे बंधू बालरोगतज्ज्ञ डॉ. संतोष मुद्रेवार यांनीही त्यांच्या या निर्णयासाठी पाठिंबा दिला. बालाजी मुद्रेवार आणि त्यांचा मुलगा अजय यांनी ज्योतीनगरमध्ये हॉटेल गिरीराज सुरू केले. औरंगाबाद शहरात चांगल्या दर्जाचे खाद्य पदार्थ मिळावेत, यासाठी हॉटेल सुरू केल्याते ते सांगतात.
या हॉटेलमधील व्हेज पटियाला ही डिश प्रसिद्ध आहे. व्हेज पटियाला तीन प्रकारच्या ग्रेव्हीसह सर्व्ह केले जाते. विदर्भात प्रसिद्ध असलेल्या पापड रोलप्रमाणे हा पदार्थ आहे. पापड रोल तयार करताना रोल तळल्यानंतर त्यात मसाला टाकण्यात येतो, मात्र व्हजे पटियाला तयार करताना, डाळीचे पीठ (बेसन), मैदा, मक्याचे पीठ हे एकत्र भिजविले जाते. हे मिश्रण तव्यावर टाकून त्यावर गरम मसाला, मीठ आणि तिखट टाकले जाते. तव्यावर टाकलेले मिश्रण उत्तप्प्यासारखे तयार होते. दुसऱ्या भांड्यात तेल टाकले जाते. त्यात खवा, वटाणा, गाजर, पत्ता कोबी आदी मसाल्यात मिसळून करून भाजी तयार करण्यात येते. ही भाजी तव्वावर तयार केलेल्या पिठाच्या उत्तप्प्यासारख्या गोल मिश्रणावर पसरली जाते. त्यानंतर त्याचे रोल करून ते तीन भागांत कापतात. एका प्लेटच्या मध्यभागी हा रोल ठेवून त्यात एका बाजुला टमोटो ग्रेव्ही, कांद्याची पिवळी ग्रेव्ही आणि पालकपासून तयार करण्यात आलेली हिरवी ग्रेव्ही टाकली जाते. रोलवर बटर क्रिम टाकून ग्राहकांना ही डिश सर्व्ह केली जाते. तीन प्रकारच्या ग्रेव्हीमुळे व्हेट पटियालाला आगळी चव प्राप्त होते.
याशिवाय जीआर स्पेशल ही डिशही प्रसिद्ध आहे. पनीरपासून तयार केलेला खास पदार्थ अशी या डिशची ओळख आहे. त्यात ड्राय ग्रेव्ही, पालक ग्रेव्ही आणि ब्राऊन ग्रेव्ही यांचा वापर करण्यात यतो. एका पातेल्यात तेल टाकले जाते. ते गरम झाल्यावर त्यात लसूण पेस्ट, बारीक चिरलेला कांदा, मसाला, गरम मसाला व चना मसाला टाकला जातो. हा मसाला भाजल्यानंतर त्यात बारीक चिरलेले गाजर व पत्ता कोबी, पनीरचे छोटे तुकडे टाकून ही ड्राय ग्रेव्ही तयार करण्यात येत असते.
पालक ग्रेव्ही तयार करण्यासाठी पालकची भाजी उकळून ग्राइंडरमध्ये बारीक केली जाते. एका पातेल्या तेल टाकले जाते. ते गरम झाल्यावर त्यात मसाला व बारीक केलेला पालक टाकला जातो. त्यात मीठ, तिखट व अन्य मसाला टाकला जातो. या ग्रेव्हीमध्ये पनीरचे बारीक तुकडे टाकले जातात. एका पातेल्यात तेल आणि इतर मसाल्यासोबत ‌बारीक चिरलेला कांदा, लसूण, अन्य मसाले, मीठ, तिखट, हळद टाकून त्यांची ग्रेव्ही तयार करण्यात येते. यात अननस, पपई, सफरचंदाचे बारीक तुकडे टाकले जातात. या ग्रेव्हीवर पनीरचे बारीक तुकडे टाकूले जातात. विविध प्रकारच्या भाज्यापासून तयार करण्यात आलेल्या जीआर स्पेशलचा स्वाद हा जिभेवर दीर्घकाळ रेंगाळतो. येथील कोलकोत्ता रोलही प्रसिद्ध आहे. याशिवाय व्हेज क्रंची मसाला, पनीर चीज लबाबदार, शाही खुर्मा, काश्मिरी चना, व्हेज कोल्हापुरी, व्हजे जयपुरी आदी पदार्थही प्रसिद्ध आहेत.

मेक अँड क्रिएशनचा वेगळा अनुभव
या हॉटेलमध्ये विविध फ्लेवरचे आइस्क्रिम आवडीनुसार एकत्र करून दिले जातात. ग्राहकांना वेगवेगळे फ्लेव्हर एकाच आइसक्रिममध्ये मिळू शकतात. मेक अँड क्रिएशनमध्ये ऑर्डर दिल्यास त्यांना हवे असलेल्या फ्लेव्हरचे आइस्क्रिम एकत्र करून दिले जातात, असे अजय मद्रेवार यांनी सांगितले

मोबाइल अॅप डाउनलोड करा आणि राहा अपडेट

...चिंब होऊनही तहान भागेना!

July 29, 2016, 2:30 pm

≫ Next: सचखंड दुर्घटना टळली

≪ Previous: फूड कॉर्नर : लज्जतदार व्हेज पटियाला

$

0

0

म. टा. प्रतिनिधी, औरंगाबाद
मराठवाड्याला जोरदार पावसाने झोडपले. दोन-दोन दिवस लागलेल्या राहिलेल्या झडीने चिंब केले. मात्र, अद्यापही दुष्काळी भागाची तहान भागली नाही. विभागातील सर्वात मोठे धारण असलेल्या जायकवाडी मृतसाठ्यात असून उपयुक्त साठ्यापर्यंत येण्यासाठी २१ दशलक्ष घनमीटर पाण्याची आवश्यकता आहे.
गेल्या चार-पाच दिवसांपासून मराठवाड्याच्या विविध भागांमध्ये पावसाने पुन्हा एकदा हजेरी लावली. शुक्रवारपर्यंत विभागात वार्षिक सरासरीच्या ४८.५ टक्के पाऊस झाला. हवामान विभागाच्या अंदाजानुसार यंदा मराठवाड्यात अपेक्षित सरासरीपेक्षा पाऊस पडण्याचा अंदाज आहे. पावसाचे दोन महिने शिल्लक असल्यामुळे सरासरी गाठणे शक्यही आहे. मात्र, अद्यापही बीड व उस्मानाबाद जिल्ह्यांमध्ये ४५ टक्क्यांपर्यंतही पाऊस झाला नाही. उस्मानाबादमध्ये तर केवळ ३७.५ टक्के पाऊस झाला आहे. गेल्यावर्षी विभागामध्ये वार्षिक सरासरीच्या केवळ ५३ टक्के पाऊस झाला होता. त्या तुलनेत यंदा दोन महिन्यातच पाऊस ४८.५ टक्क्यांपर्यंत पोहचला आहे. गुरुवारी सकाळपर्यंत मराठवाड्यातील विविध ११ मंडळांमध्ये अतिवृष्टीची नोंद करण्यात आली. शुक्रवारी सकाळपर्यंत तीन मंडळांमध्ये अतिवृष्टी झाली. कंधार तालुक्यातील उस्माननगर मंडळात ६५ मिलिमीटर, उदगीर तालुक्यातील मोघा मंडळात ७८ मि.मी., उमरगा तालुक्यातील मुरुम मंडळात १२५ मिलिमीटर पाऊस झाला.

जायकवाडीत २५९ दलघमी
दोन महिन्यांत झालेल्या पावसामुळे मराठवाड्यातील लहान, मोठ्या प्रकल्पात आवक सुरू झाली असली, तरी बहुतांश प्रकल्प अद्यापही जोत्याखाली आहेत. जायकवाडी धरणात १ जूनपासून २८ जुलैपर्यंत २५९.७९ दशलक्ष घनमीटर पाण्याची आवक झाली. मात्र, प्रकल्प मृतसाठ्यात आहे. उपयुक्त पाणीपातळी गाठण्यासाठी आणखी २१ दशलक्ष घनमीटर पाण्याची आवश्यकता आहे. मराठवाड्यातील निम्न दुधना प्रकल्पात १२१ दलघमी (५० टक्के), पैनगंगा १८० दलघमी (१९ टक्के) व विष्णुपुरी ६५ दलघमी (८१ टक्के) उपयुक्त पाणीसाठा झाला आहे. विभागातील इतर मोठे प्रकल्प अद्यापही जोत्याखाली आहेत. सध्या मराठवाड्यातील १३ मोठ्या प्रकल्पांमध्ये ७३७.५८ दशलक्ष घनमीटर (९.२५ टक्के) पाणीसाठा शिल्लक आहे.

मोबाइल अॅप डाउनलोड करा आणि राहा अपडेट

सचखंड दुर्घटना टळली

July 29, 2016, 2:30 pm

≫ Next: कर्मचाऱ्याच्या कुटुंबाला वेतन देण्याचे आदेश

≪ Previous: ...चिंब होऊनही तहान भागेना!

$

0

0

म. टा. प्रतिनिधी, औरंगाबाद
रेल्वे रूळ आणि चाकाच्या घर्षणामुळे इंजिनमधून मोठ्या प्रमाणात धूर निघाला. इंजिनाला आग लागण्याच्या भीतीने प्रवाशांसह रेल्वे चालकाचे धाबे दणाणले. मात्र, गाडीचा वेग कमी असल्याने नांदेडहून अमृतसरकडे जाणाऱ्या 'सचखंड' एक्स्प्रेसची औरंगाबाद स्टेशनजवळील मोठी दुर्घटना शुक्रवारी टळली. प्रवाशांसह चालकाने सुटकेचा निश्वास सोडला.
दुपारी नांदेड ते अमृतसर एक्स्प्रेस रेल्वे चिकलठाणा येथे 'तपोवन'च्या क्रॉसिंगसाठी थांबविण्यात आली. ही रेल्वे औरंगाबादकडे निघताच रेल्वे इंजिनचे एक चाक जाम झाले. चालक आणि गार्डला हे समजताच त्यांनी चिकलठाणा ते औरंगाबाद स्टेशनपर्यंत गाडीचा वेग कमी केला. त्यानंतरही एकस्प्रेसमधील इंजिनच्या चाकाचे रुळासोबतचे घर्षण सुरू होते. रेल्वे एकनाथनगर क्रॉसिंगजवळ येताच, हे घर्षण वाढले. त्यामुळे मोठा धूर निघत होता. हे पाहून रेल्वे थांबविण्याचा निर्णय चालकाने घेतला. स्टेशनवरील रेल्वे कर्मचारी सुनील महाजन आणि रमेश सेतू यांनी रेल्वेकडे अग्निरोधक यंत्र घेऊन धाव घेतली. कर्मचाऱ्यांनी पाहणी केल्यानंतर इंजिनचे चाक जाम झाल्याचे लक्षात आले. या बिघाडात दुरुस्ती केल्यानंतर रेल्वे रेल्वे फलाटावर आणण्यात आली. त्यानंतर रेल्वे अमृतसरकडे रवाना झाली.

मोबाइल अॅप डाउनलोड करा आणि राहा अपडेट

कर्मचाऱ्याच्या कुटुंबाला वेतन देण्याचे आदेश

July 29, 2016, 2:30 pm

≫ Next: शताब्दीनगरातील शाळा नागरिकांनी बंद पाडली

≪ Previous: सचखंड दुर्घटना टळली

$

0

0

म. टा. विशेष प्रतिनिधी, औरंगाबाद
लातूर जिल्ह्यातील चाकूर येथील जय जवान, जय किसान सहकारी साखर कारखान्याचे कर्मचारी मधुकर बिराजदार यांच्या कुटुंबाला मुंबई हायकोर्टाच्या औरंगाबाद खंडपीठात दिलासा मिळाला. बिराजदार यांचे जुने वेतन व काम रुजू झाल्यानंतर थकीत वेतन देण्याचा आदेश कोर्टाने दिले. २७ वर्षांच्या लढाईनंतर बिराजदार कुटुंबियाला यश मिळाले.
मधुकर बिराजदार यांच्या पत्नीने खंडपीठात धाव घेतली होती. बिराजदार यांना १९८७ मध्ये सेवेतून बडतर्फ करण्यात आले होते. त्यांना लातूर येथील कामगार कोर्टाने १९८९मध्ये थकित पगारासह सेवेत घेण्याचा आदेश कारखान्याला दिला होता. या आदेशाला कारखान्याने औद्योगिक कोर्टात अपील दाखल केले होते. कारखान्याच्या पदरात अपयश आले. कारखान्याने या आदेशाविरोधात औरंगाबाद खंडपीठात धाव घेतली होती. कोर्टाने पूर्व वेतनाला स्थगिती देऊन सेवेत कायम ठेवले, पण बिराजदार यांना पगार देण्यात आला नाही. त्याविरोधात त्यांनी हायकोर्टात याचिका दाखल केली होती. मात्र, १९९९ मध्ये याचिकाकर्ते मृत झाले. त्यांच्या पत्नीने वारस म्हणून अर्ज केला. १९८७ ते १९९५ या काळातील थकित पगार व नंतर १९९५ ते १९९९ या काळातील पगार १२ आठवड्यात कारखान्याने द्यावा, असा आदेश कोर्टाने दिला. सध्या कारखाना अवसायनात असल्याने प्राधिकृत अधिकारी, अवसायक यांनी निर्णयाची अंमलबजावणी करण्याचे आदेश देण्यात आले. अंमलबजवाणी न केल्यास याचिकाकर्त्याला ६ टक्के व्याजासह पूर्व रक्कम देण्याचाही आदेश देण्यात आले. याचिकाकर्त्याची बाजू सी. व्ही. ठोंबरे, एस. सी. ठोंबरे, किरण ठोंबरे यांनी मांडली.

मोबाइल अॅप डाउनलोड करा आणि राहा अपडेट

शताब्दीनगरातील शाळा नागरिकांनी बंद पाडली

July 29, 2016, 2:30 pm

≫ Next: व्यसनमुक्तीसाठी दोन लाख, दोन हजार किमीचा प्रवास

≪ Previous: कर्मचाऱ्याच्या कुटुंबाला वेतन देण्याचे आदेश

$

0

0

औरंगाबाद ः शताब्दीनगरातील समाजमंदिरात भरवली जाणारी महापालिकेची शाळा तेथील नागरिकांनी शुक्रवारी बंद पाडली. ही शाळा इतरत्र भरवावी, अशी मागणी नागरिकांकडून केली जात आहे. मात्र, महापालिका प्रशासनाकडून या मागणीकडे दुर्लक्ष केले जात होते. त्यामुळे महिलांनी शाळेत जाऊन शिक्षकांना घेराव घातला व शाळा बंद पाडली.
शताब्दीनगर येथील समाजमंदिरात गेल्या सात-आठ वर्षांपासून महापालिकेची प्राथमिक शाळा भरवली जाते. इयत्ता पहिली ते चौथीपर्यंतची ही शाळा असून, तेथे एकूण ७७ विद्यार्थी आहेत. ही शाळा समाजमंदिरात भरणे योग्य नसल्याने महापालिकेने पर्यायी जागेवर शाळा हलवावी, अशी मागणी नागरिक करीत आहेत. वारंवार मागणी करूनही महापालिका प्रशासनाने शाळा हलवली नाही. त्यामुळे नागरिकांनी शुक्रवारी या शाळेवरच मोर्चा काढला. यात महिलांची संख्या जास्त होती. मोर्चातील महिलांनी शिक्षकांना घेराव घालत, शाळा बंद करण्यास भाग पाडले. महिला शिक्षकांनी शाळा बंद करून महापालिका मुख्यालयात धाव घेतली. तेव्हा येथे आयुक्त, प्रभारी शिक्षणाधिकारी यापैकी कोणीच उपस्थित नव्हते. त्यामुळे शनिवारी ही शाळा पूर्ववत सुरू होईल की नाही, याबाबत अनिश्चितता आहे.

मोबाइल अॅप डाउनलोड करा आणि राहा अपडेट

व्यसनमुक्तीसाठी दोन लाख, दोन हजार किमीचा प्रवास

July 29, 2016, 2:30 pm

≫ Next: ‘सुजाता’चे प्रबोधन रसिकांना भावले

≪ Previous: शताब्दीनगरातील शाळा नागरिकांनी बंद पाडली

$

0

0

औरंगाबाद ः '२००८मध्ये दारूच्या व्यसनामुळे सख्या मामाचा मांडीवर जीव गेला. त्यानंतर व्यसनामुक्तीचा संदेश देत भारतभ्रमण सुरू केले. मागील आठ वर्षांत दोन लाख दोन हजार किलोमीटरचा प्रवास करून देशातील ३५ हजार शाळांमध्ये व्यसनमुक्तीसाठी प्रबोधन केले. आता एक हजार किलोमीटरनंतर आपला प्रवास संपेल,' असे अमनदीप सिंग यांनी सांगितले. तेव्हा त्यांच्यातल्या सामाजिक कार्यकर्त्याचा चेहरा उजळून निघाला. शुक्रवारी ते आपल्या भारतभ्रमणात शहरात आले होते.
अमनदीप एखाद्या गावातील गुरुद्वारा, मंदिर किंवा शाळेत आपली रात्र काढतात. हा प्रवास मागील आठ वर्षांपासून सुरू आहे. त्यांनी आजवर महाराष्ट्र, छत्तीसगड, पंजाब, तामिलनाडू, पश्चिम बंगाल, केरळ तसेच विविध राज्यात सायकलद्वारे प्रवास करत व्यसनमुक्तीचा प्रचार केला आहे. अमनदीप म्हणाले, 'देशात सर्वाधिक व्यसनाचे प्रमाण पंजाबमध्ये आहे. त्यानंतर बिहारचा नंबर लागत होता. मात्र, बिहारमध्ये दारूबंद केल्याने परिस्थिती आता बदलेली आहे. महाराष्ट्रातही व्यसनाचे प्रमाण अधिक आहे. मात्र, ड्रग्जचे प्रमाण कमी आहे.'

मोबाइल अॅप डाउनलोड करा आणि राहा अपडेट

---

‘सुजाता’चे प्रबोधन रसिकांना भावले

July 29, 2016, 2:30 pm

≫ Next: वेतनासाठी डॉ. कुलकर्णी यांची खंडपीठात धाव

≪ Previous: व्यसनमुक्तीसाठी दोन लाख, दोन हजार किमीचा प्रवास

$

0

0

म. टा. प्रतिनिधी, औरंगाबाद
स्पृश्य-अस्पृश्य विषयाला संवेदनशीलतेने मांडणारा 'सुजाता' चित्रपट रसिकांना अंतर्मुख करून गेला. बिमल रॉय चित्रपट महोत्सवात शुक्रवारी सायंकाळी 'सुजाता' दाखवण्यात आला. हा लोकप्रिय चित्रपट पाहण्यासाठी ज्येष्ठ रसिकांची 'हाउसफुल्ल' उपस्थिती होती.
सरस्वती भुवन महाविद्यालयात बिमल रॉय चित्रपट महोत्सव आयोजित करण्यात आला आहे. या महोत्सवात गोविंदभाई श्रॉफ सभागृहात 'सुजाता' चित्रपट दाखवण्यात आला. सुश्राव्य गाणी आणि उत्तम कथानक असलेला 'सुजाता' जुन्या पिढीतील रसिकांना आनंद देणारा ठरला. अस्पृश्य समाजातील सुजाता आणि उच्चवर्णीय अधीर या प्रेमिकांची कथा दिग्दर्शक बिमल रॉय यांनी तरलतेने मांडली. १९५९ यावर्षी प्रदर्शित झालेल्या 'सुजाता'ने अनेक पुरस्कार पटकावले होते. नूतन, सुनील दत्त, ललिता पवार, तरुण बोस, शशिकला, सुलोचना यांच्या मुख्य भूमिका रसिकांना खिळवून ठेवणाऱ्या होत्या. एस. डी. बर्मन यांच्या सदाबहार गाण्यांची जादू अजूनही आहे. या चित्रपटातील 'तुम जियो हजारो साल', 'नन्ही कली सोने चली' या गीतांवर रसिकांनी ठेका धरला होता. सामाजिक व कौटुंबिक अडचणींवर मात करून सुजाता व अधीर विवाहबद्ध होतात. भारतीय समाजाला जातीभेद टाळण्याचा संदेश देणारा 'सुजाता' आजही प्रबोधनात्मक ठरतो. दरम्यान, चित्रपट दाखवण्यापूर्वी ज्येष्ठ सिनेपत्रकार अशोक उजळंबकर यांनी 'सुजाता'ची वैशिष्ट्ये उलगडली. या चित्रपटाला रसिकांचा मोठा प्रतिसाद मिळाला.

मोबाइल अॅप डाउनलोड करा आणि राहा अपडेट

वेतनासाठी डॉ. कुलकर्णी यांची खंडपीठात धाव

July 29, 2016, 2:30 pm

≫ Next: १२०० कोटींचे व्यवहार तुंबले!

≪ Previous: ‘सुजाता’चे प्रबोधन रसिकांना भावले

$

0

0

म. टा. विशेष प्रतिनिधी, औरंगाबाद
‌महापालिकेच्या तत्कालीन आरोग्य वैद्यकीय अधिकारी डॉ. जयश्री कुलकर्णी यांनी वेतनासाठी मुंबई हायकोर्टाच्या औरंगाबाद खंडपीठात धाव घेतली आहे.
डॉ. जयश्री कुलकर्णी या रजेवर असताना, ५ ऑक्टोबर २०१५ रोजी राज्य शासनाच्या सार्वजनिक आरोग्य विभागातून प्रतिनियुक्तीवर आरोग्य अधिकारी पदावर डॉ. सुहास जगताप रुजू झाले. या निर्णयाला डॉ. कुलकर्णी यांनी औरंगाबाद खंडपीठात आव्हान दिले होते. हायकोर्टाच्या अंतिम निर्णयात महापालिका आयुक्त, नगरविकास आणि सार्वजनिक आरोग्य मंत्रालय यांनी एकत्रित निर्णय घेण्याचे आदेश दिले होते. हा निर्णय सध्या शासनस्तरावर प्रलंबित आहे. १४ सप्टेंबर २०१५ रोजी डॉ. कुलकर्णी या रजेवर गेल्या होत्या. त्या ५ ऑक्टोबर २०१५ रोजी पुन्हा रुजू झाल्या, परंतु त्यांना काम करू देण्यात आले नाही. १४ सप्टेंबर २०१५ पासून वेतन आणि भत्ते मिळालेले नाहीत. वारंवार विनंती करूनही पैसे अदा करण्यात आले नाहीत. घरात त्या एकमेव कमवणाऱ्या व्यक्ती आहेत. ८६ वर्षांच्या आईचा सांभाळ डॉ. कुलकर्णी यांनाच करावा लागतो. वेतन अदा न झाल्यामुळे आईचे औषधोपचार करण्यात अडचणी येत आहेत. आईला तीन महिन्यांनी डोळ्याचे आजारावर उपचार करावे लागतात. वेतन अदा न झाल्यामुळे मानसिक ताणतणावास सामोरे जावे लागत आहे, यामुळे मनोधैर्य खचल्याचे याचिकेत म्हटले आहे. ५ ऑक्टोबर २०१५ पासूनचा कालावधी धरून आरोग्य वैद्यकीय अधिकारी पदावर त्वरित रुजू करून घ्यावे, अशी विनंती डॉ. कुलकर्णी यांनी राज्यशासनाकडे केली आहे. वरिष्ठ व प्रामाणिक महिला अधिकाऱ्यास न्याय द्यावा, वेतन व भत्ते त्वरित अदा करावेत अशी विनंती केली आहे. वेतन न देणे हे घटनेच्या कलम १४ व १६ याचे उल्लंघन झाले आहे. हायकोर्टाने डॉ. कुलकर्णी यांना याआधीच्या याचिकेत दिलासा दिला नाही. त्यांच्या नियुक्तीवर महापालिका व राज्यशासन यांनीच निर्णय घेण्याचे आदेश औरंगाबाद खंडपीठाने दिले होते. तत्कालीन आयुक्त सुन‌ील केंद्रेकर यांनी याबाबतचा अहवाल राज्यशासनास सादर केलेला आहे. डॉ. कुलकर्णी यांनी महापालिकेत जवळपास तीन दशके प्रामाणिकपणे सेवा केली आहे. नोकरीच्या अखेरच्या टप्प्यावर प्रशासनाच्या भूमिकेमुळे त्या व्यथ‌ित झाल्या आहेत. याचिकाकर्त्याची बाजू सत‌ीश तळेकर हे मांडत आहेत.

मोबाइल अॅप डाउनलोड करा आणि राहा अपडेट

१२०० कोटींचे व्यवहार तुंबले!

July 29, 2016, 2:30 pm

≫ Next: कधी उघड्यावर, कधी किचनमध्ये स्वयंपाक

≪ Previous: वेतनासाठी डॉ. कुलकर्णी यांची खंडपीठात धाव

$

0

0

म. टा. प्रतिनिधी, औरंगाबाद
केंद्र सरकारच्या बॅँक विलीनीकरण, खासगीकरण धोरणाविरोधात शुक्रवारी शहरातील २७ बँकांच्या १५०हून अधिक शाखांनी लाक्षणिक बंदची हाक दिली. या आंदोलनात २ हजार ४०० कर्मचारी रस्त्यावर उतरले. दिवसभर बँकाचे व्यवहार ठप्प होते. त्यामुळे १२०० कोटींची रोख आणि धनादेश वठणावळीची उलाढाल तुंबली.
'बँक विलीनीकरण नही चलेगा, नही चलेगा'; 'हमारी युनियन हमारी ताकद',' यूएफबीयू जिंदाबाद जिंदाबाद,' अशा घोषणांनी आज सकाळी १० वाजता महर्षी दयानंद चौक दुमदुमला. राकेश बुरबुरे, रवी धामणगावकर, प्रमोद बेंडे या संघटन पदाधिकाऱ्यांनी जोरदार घोषणा देऊन वातावरण निर्मिती केली. शहरातील सर्वांत मोठ्या नऊ कर्मचारी संघटनांचे प्रतिनिधित्व करणाऱ्या 'युनायटेड फोरम ऑफ बँक युनियन्स' अंतर्गत संप पुकारण्यात आला होता. संपात सहभागी होणाऱ्यांमध्ये सार्वजनिक क्षेत्रातील बँका, जुन्या खासगी बँका, प्रादेशिक ग्रामीण बँका, विदेशी बँका आणि सहकारी बँकांच्या कर्मचाऱ्यांचा समावेश होता. 'सरकारला बँकिंग क्षेत्रात सुधारणा घडवून आणायच्या असतील, तर त्यांनी सर्वप्रथम सहेतुक कर्जबुडवे आणि मोठ्या कर्जदारांना चाप बसविण्याची आवश्यकता आहे. बँकेचे खासगीकरण करून काहीही साध्य होणार नाही. अन्य मुद्द्यांवरून जनतेचे लक्ष भटकावण्याचा सरकारचा प्रयत्न आहे,' असे यावेळी ऑल इंडिया बँक एम्प्लॉइ‌ज असोस‌िएशनचे राष्ट्रीय सरचिटणीस देविदास तुळजापूरकर म्हणाले. यावेळी स्टेट बँक ऑफ हैदाराबाद युनियनचे जगदीश भावठाणकर, सुनील शिंदे, मकरंद देशपांडे, महेश गोसावी, हिंदप्रकाश जैस्वाल, उत्तम भाकरे, रवींद्र पिंगळीकर यांनी मार्गदर्शन केले. रवी धामणगावकर यांनी सभा आणि निदर्शनाचे सूत्रसंचालन केले. सेंट्रल बँक ऑफ इंडिया युनियनचे जनरल सेक्रेटरी हेमंत जामखेडकर यांनी आभार मानले.

मोबाइल अॅप डाउनलोड करा आणि राहा अपडेट

कधी उघड्यावर, कधी किचनमध्ये स्वयंपाक

July 29, 2016, 12:26 pm

≫ Next: साखर तारण ठेवून ५० कोटींची फसवणूक

≪ Previous: १२०० कोटींचे व्यवहार तुंबले!

$

0

0

Tushar.Bodkhe@timesgroup.com

औरंगाबाद ः जिल्हा परिषदेकडे प्रस्ताव पाठवूनही स्वयंपाकासाठी गॅस सिलिंडर नाही, चार पत्र्यांचे स्वयंपाकघर, चुलीच्या धुराने काळवंडलेल्या भिंती आणि कीड लागलेले वाटाणे अशा स्थितीत बोरसर (बुद्रुक.) येथे विद्यार्थ्यांना शालेय पोषण पुरवला जातो. स्वयंपाकघर आणि गोदाम एकच असल्यामुळे बहुतेक स्वयंपाक उघड्यावरच उरकला जात असल्याचे चित्र आहे.

कन्नड तालुक्यातील बोरसर (बुद्रुक.) गाव साधारण दोन हजार लोकसंख्येचे आहे. गावात जिल्हा परिषदेची आठवीपर्यंत शाळा आहे. एकूण २०४ विद्यार्थी असून, नऊ शिक्षक कार्यरत आहेत. शालेय पोषण आहार योजनेत दररोज विद्यार्थ्यांना मध्यान्ह भोजन देतात. मूगडाळ खिचडी, हरभरा उसळ भात, वाटाणा खिचडी, मटकी उसळ भात, मूगडाळ वरणभात, मटकी उसळभात आणि इतर पोषक आहार बंधनकारक आहे. शाळेत पोषण आहाराचे वेळापत्रक लावले आहे, मात्र बुधवार असूनही वेळापत्रकाप्रमाणे आहार तयार करण्यात आला नाही. 'स्वयंपाकात आज बदल केला आहे. इतरवेळी वेळापत्रकाप्रमाणे स्वयंपाक केला जातो,' असे बचतगटाच्या महिलांनी सांगितले. गावातील महिला बचतगटाने पोषण आहाराची जबाबदारी स्वीकारली आहे. विद्यार्थ्यांना सकस आहार देण्यासाठी बचतगटांनी सर्व साहित्य वापरणे आवश्यक आहे, मात्र कोथिंबीरीचा अपवाद वगळता इतर भाज्यांचे मिश्रण दिसले नाही. स्वयंपाकघराच्या बाहेरच वाटाणे निवडण्याचे काम सुरू होते. मात्र बहुतेक वाटाणे किडके असल्यामुळे कमी वाटाणे स्वयंपाकासाठी मिळाले. 'पुरवठा करतानाच किडके वाटाणे आले,' असे संबंधित महिलेने सांगितले.

स्वयंपाकघरात वाटाण्याचा कुकर लावला होता. तांदूळ शिजवण्यासाठी झाडाखाली चूल पेटवण्यात आली. उघड्यावर स्वयंपाक करणे शालेय पोषण आहार योजनेत अपेक्षित नसले तरी बहुतेक शाळांमध्ये सर्रास हा प्रकार सुरू आहे. लहान आकाराचे स्वयंपाकघर, चूल मांडण्याची सोय नसणे, गॅस शेगडीचा अभाव या समस्यांनी पोषण आहार उघड्यावर तयार करतात. या प्रकाराला बोरसर येथील शाळाही अपवाद नव्हती. स्वयंपाकघराच्या विरूद्ध दिशेला असलेले स्वच्छतागृह जुने झाल्यामुळे मोडकळीस आले आहे. जिल्हा परिषद प्रशासनाने आर्थिक तरतूद केली नसल्यामुळे अनेक वर्षांपासून स्वच्छतागृहाचा प्रश्न प्रलंबित आहे. या जुन्या स्वच्छतागृहाचा वापर विद्यार्थ्यांना करावा लागतो. स्वयंपाकघरातच तांदळाच्या गोण्या व इतर साहित्याचे ढीग आहेत. ओट्यावर ताटांचा ढीग पडला होता. एकूण स्वयंपाकघराची अवस्था बिकट होती. तसेच ताटांची अस्वच्छताही लक्ष वेधून घेत होती. जिल्हा परिषद प्रशासनाने शाळेकडे पुरेसे लक्ष दिल्यास परिस्थितीत सुधारणा होईल असे शालेय व्यवस्थापन समितीच्या सदस्यांनी सांगितले. दुपारी विद्यार्थ्यांना शिस्तबद्ध पद्धतीने पोषक आहार देण्यात आला. 'दररोज शाळेतच जेवण करतो. खिचडी आणि इतर आहार आवडतो' असे विद्यार्थ्यांनी सांगितले. गावात हरिनाम सप्ताह किंवा सार्वजनिक कार्यक्रम असल्यास कमी स्वयंपाक करतात किंवा स्वयंपाक केला जात नाही.

उघड्यावर स्वयंपाक

शाळेत स्वतंत्र स्वयंपाकघर असले तरी आकाराने अतिशय लहान आहे. महिला बचतगटाने स्वयंपाकासाठी खासगी तत्वावर गॅस उपलब्ध केला आहे, मात्र तांदूळ शिजवण्यासाठी झाडाखाली चूल मांडली आहे. उघड्यावर मोठ्या पातेल्यात स्वयंपाक करण्यात आला. अन्न झाकून शिजवले असले तरी मैदानावरील चिखल आणि इतर असुविधा स्वयंपाकात अडथळा ठरत होत्या. या शाळेला स्वतंत्र मोठ्या स्वयंपाकघराची आवश्यकता आहे. विद्यार्थ्यांच्या जेवणाची ताटे आणि इतर साहित्य ठेवण्यासाठी रॅकची गरज आहे. सध्या सर्व ताटांचा एकच ढीग घातला जात आहे.

भाजीपाल्याची वानवा

ग्रामीण भागात पुरेसा भाजीपाला आणि फळे मिळणे कठीण आहे. केळी, मोसंबी, संत्री या फळांची खरेदी करण्यासाठी शाळेने आठवडी बाजार निश्चित केले आहेत. परिसरातील मनूर, ताडपिंपळगाव, चापानेर आणि गल्ले बोरगाव या आठवडी बाजारातून आ‍वश्यक खरेदी केली जाते असे मुख्याध्यापक के. ए. मिसाळ यांनी स्पष्ट केले. दररोज भाजीपाला देणे शक्य होत नाही, पण शक्य तेवढा भाजीपाल्याचा वापर करण्यावर भर दिला जातो असे त्यांनी सांगितले.

स्वच्छता कोण जपणार?

शालेय पोषण आहार बनवताना किमान स्वच्छता अपेक्षित आहे. बोरसर येथील शाळेच्या स्वयंपाकघरात अस्वच्छता दिसली. महिला बचतगटाच्या सदस्यांचा थेट चप्पल घालून स्वयंपाकघरात वावर सुरू होता. लहानशा स्वयंपाकघराचा ओटा, भिंती आणि फरशी स्वच्छ करून अनेक दिवस झाल्याचे प्रथमदर्शनी दिसत होते. फक्त पोषण आहार बनवणे हा उद्देश नसून प्रक्रियासुद्धा महत्त्वाची आहे. जिल्हा परिषद प्रशासन स्वयंपाकघर आणि आहाराची अभावानेच पाहणी करीत असल्यामुळे मुलांच्या आरोग्याचा प्रश्न निर्माण झाला आहे.

लोकवर्गणीचा वाटा

शाळेत पाण्याची कायमस्वरूपी व्यवस्था करण्यासाठी शिक्षक आणि शालेय व्यवस्थापन समितीने वर्गणी जमवून बोअरवेल घेतला आहे. बोअरवेलमुळे शाळा आणि गावाचा पाण्याचा प्रश्न मिटला आहे. जिल्हा परिषदेचा निधी मिळत नसल्याचे पाहून पुन्हा लोकवर्गणीतून स्वच्छतागृह बांधण्यात येत आहे. शाळेच्या परिसरात स्वच्छता ठेवण्याबाबत शिक्षक प्रयत्नशील असतात. केवळ प्रशासनावर विसंबून न राहता लोकवर्गणीतून काम करण्यासाठी ग्रामस्थ व शिक्षकांनी पुढाकार घेतला आहे.

पोषण आहाराचे नियम

पहिली ते पाचवीतील प्रतिविद्यार्थी दररोज १०० ग्रॅम तांदूळ (शिजवून) आणि १२ ग्रॅम प्रथिने, सहावी ते आठवीतील वर्गासाठी प्रतिविद्यार्थी दररोज १५० ग्रॅम तांदूळ (शिजवून) आणि २० ग्रॅम प्रथिने देण्याचा नियम आहे. प्रत्येक विद्यार्थ्यास मध्यान्ह भोजन देणे बंधनकारक आहे. सुटीचा दिवस वगळता आठवड्यातील प्रत्येक दिवसाच्या आहाराचे वेळापत्रक निश्चित आहे. गूळ, शेंगदाणे, राजगिरा लाडू, बिस्किटे आणि फळ देण्याबाबतही सूचना आहेत. या सूचनांची अभावानेच अंमलबजावणी होते.

शालेय पोषण आहार योजनेची अंमलबजावणी करण्यासाठी शालेय व्यवस्थापन समिती सहकार्य करीत आहे. प्रत्येक विद्यार्थ्याला पुरेसा आहार मिळतो की नाही याची खात्री करतो. आतापर्यंत पोषण आहाराचा दर्जा टिकला आहे. ग्रामीण भाग असूनही फळे आणि भाजीपाला आणण्यासाठी आठवडी बाजाराचा पर्याय निवडला आहे. तीन-चार ठिकाणांहून आहारासाठी साहित्य खरेदी केली जाते.

- वसंत बोलधने, सदस्य, शालेय व्यवस्थापन समिती

शाळेत एकूण २०४ विद्यार्थी असून निकषानुसार प्रत्येकाला दर्जेदार आहार देण्यावर भर आहे. पोषण आहाराचे साहित्य वेळेवर उपलब्ध होते, मात्र स्वयंपाकासाठी गॅस मिळवण्याचे शाळेचे प्रयत्न सुरू आहेत. जिल्हा परिषदेकडे प्रस्ताव पाठवला आहे. बऱ्याच दिवसानंतरही प्रस्तावाचा विचार झाल्याचे दिसत नाही. काही दिवसात गॅस मिळावा अशी अपेक्षा आहे. सध्या महिला बचतगटाने स्वतः गॅस सिलिंडर व शेगडी उपलब्ध केली आहे.

- के. ए. मिसाळ, मुख्याध्यापक

मोबाइल अॅप डाउनलोड करा आणि राहा अपडेट

साखर तारण ठेवून ५० कोटींची फसवणूक

July 29, 2016, 12:24 pm

≫ Next: ‘स्टेट कॅन्सर’साठी एक पाऊल पुढे

≪ Previous: कधी उघड्यावर, कधी किचनमध्ये स्वयंपाक

$

0

0

म. टा.विशेष प्रतिनिधी,औरंगाबाद

विठ्ठलराव अंबरवाडीकर यांच्यासह दोन बँक अधिकाऱ्यांविरूद्ध फसवणुकीचा गुन्हा क्रांतीचौक पोलिस ठाण्यात दाखल झाला. अंबरवाडीकर इंडस्ट्रिजचे चेअरमन विठ्ठलराव अंबरवाडीकर यांचा अटकपूर्व जामीन अर्ज मुंबई हायकोर्टाच्या औरंगाबाद खंडपीठाचे न्या. एन. डब्ल्यू. सांबरे यांनी मंजूर केला. या गुन्ह्यांत छत्रपती संभाजी साखर कारखान्याची पन्नास लाख रुपयांची फसवणूक केल्याची तक्रार कारखान्याचे उपाध्यक्ष दामोधर नवपुते यांनी दिली आहे.

चित्ते पिंपळगावच्या छत्रपती संभाजी साखर उद्योगाने २०१२-१३ ते २०१८ या सहा वर्षांसाठी कर्मवीर काकासाहेब वाघ कारखाना (नाशिक) भाडेतत्वावर घेतला. नंतर कारखाना विठ्ठलराव रंगनाथराव अंबरवाडीकर यांची कंपनी अंबरवाडीकर इंडस्ट्रीजला ३ डिसेंबर २०१२ रोजी सबलिज अॅग्रीमेंट करून चालविण्यास दिला. या कालावधीत अंबरवाडीकर यांनी 'बँक ऑफ बडोदा'चे टिळक पथ शाखाधिकारी पी. एन. गायकवाड यांच्याशी संगनमत केले. कारखान्याच्या संचालक मंडळाची बैठक झालेली नसतानाही ३१ जानेवारी २०१३ रोजी बैठक झाल्याचे दाखविले. तसेच कारखान्याचे बनावट लेटरपॅड, खोटे शिक्के, बनावट दस्तावेज तयार केले व त्या आधारे कारखान्याची साखर गहाण ठेवून बँक ऑफ बडोदाकडून ३० कोटीचे कर्ज घेतले. त्याचप्रमाणे डोंबिवली नागरी सहकारी बॅँकेच्या येथील समर्थनगर शाखेकडूनही २० कोटी रुपयांचे कर्ज घेतले. दोन्ही बॅँकांचे मिळून ५० कोटी रुपयांचे कर्ज घेत फसवणूक केली. अंबरवाडीकर, गायकवाड, डोंबिवली बँकेच्या शाखाधिकारी पूनम दुर्वे यांच्या विरोधात गुन्हा दाखल झाला. या गुन्ह्यात अटक होवू नये म्हणून अंबरवाडीकर यांनी दाखल केलेला 'अटकपूर्व जामीन अर्ज'सेशन कोर्टाने फेटाळला होता. नोव्हेंबर २०१२ मध्ये शासनाने मंजुरी दिल्यानंतर उभयपक्ष आणि साखर आयुक्त, पुणे यांच्यामध्ये ३ डिसेंबर २०१२ रोजी उपकरार झाला. त्यानुसार अंबरवाडीकर यांनी तीन वर्ष कर्मवीर के.के वाघ कारखाना चालविला. करारातील अटीनुसार वाघ कारखान्यात जी साखर उत्पादित केली जाईल. ती अंबररवाडीकर यांच्या मालकीची राहील, असे स्पष्ट नमूद केले होते. अंबरवाडीकर यांच्या मालकीची 'ती' साखर वाघ कारखान्याच्या गोडावून मध्ये साठविली होती. त्या साखरेच्या साठ्यावर अंबरवाडीकर यांनी दोन्ही बँकाकडून कर्ज घेतले होते, असा युक्तीवाद अंबरवाडीकर यांचे वकील सिद्धेश्वर ठोंबरे यांनी केला. कोर्टाने अंबरवाडीकर यांचा जामीन अर्ज मंजूर केला.

मोबाइल अॅप डाउनलोड करा आणि राहा अपडेट