लोकशिक्षणाचे काम करा

October 24, 2016, 2:19 pm

≫ Next: शिक्षक आंतरजिल्हा बदल्यांचा खोळंबा

≪ Previous: कारवाईबाबत विद्यापीठाचे मौन

$

0

0

म. टा. प्रतिनिधी, औरंगाबाद
‘निर्भीड वक्ता, कुशल नेतृत्त्व लाभलेले द्वारकाभाऊ पाथ्रीकर यांच्यासारखा सहकारी, कार्यकर्ता आजच्या राजकारणात नाही. आमदार होण्याचे स्वप्न पूर्ण झाले नाही, तरी त्यांना लाभलेला लोकसंग्रह हीच त्यांची खरी पावती. समाजकारणातून निवृत्त न होता त्यांनी लोकशिक्षणाचे काम करावे,’ असे आवाहन विधानसभेचे माजी अध्यक्ष दिलीप वळसे-पाटील यांनी सोमवारी केले.
द्वारकाभाऊ पाथ्रीकर अमृत महोत्सव समितीतर्फे आयोजित द्वारकाभाऊ पाथ्रीकर गौरव सोहळ्यात ते बोलत होते. या प्रसंगी व्यासपीठावर विधानसभा अध्यक्ष हरिभाऊ बागडे, माजी मंत्री कमल किशोर कदम, द्वारकाभाऊ पाथ्रीकर, उषा पाथ्रीकर, आमदार भाऊसाहेब चिकटगावकर, आमदार संजय शिरसाट, अब्दुल सत्तार, सतीश चव्हाण, विक्रम काळे, सुभाष झांबड, बॅरिस्टर जवाहरलाल गांधी, किशोर पाटील, कैलास पाटील चिकटगावकर, अंकुशराव कदम, संजय वाघचौरे, डॉ. कल्याण काळे, सुधाकर सोनवणे, दत्ताभाऊ पाथ्रीकर, प्रताप बोराडे, अनिल पटेल, मनमोहनसिंग ओबेरॉय आदी मान्यवर उपस्थित होते.
जग‍द्गुरू संत तुकाराम नाट्य मंदिरात झालेल्या सोहळ्यात वळसे-पाटील म्हणाले, ‘द्वारकाभाऊ अतिशय मनमिळावू स्वभावाचे. शिकत असतानाच त्यांनी चळवळीचा मार्ग स्वीकारला. कोरडवाहू शेती असल्याने नोकरीही केली. सहकार, सार्वजनिक क्षेत्रात पाऊल टाकले. जिल्हा परिषद अध्यक्ष म्हणून त्यांनी काळ गाजवला. दोन वेळेस विधानसभा निवडणूक लढवली. पदावरून पायउतार झाल्यानंतर अनेकजण विस्मृतीत जातात. मात्र, द्वारकाभाऊंच्या बाबातीत असे घडले नाही. राजकारणातून निवृत्त होऊन ३० वर्षे झाल्यानंतरही त्यांच्यावर प्रेम करणाऱ्या मंडळींची संख्या कमी झाली नाही. हीच त्यांच्या कामाची खरी पावती.’
‘राज्यातील विविध प्रदेशांत आज अशांतता दिसून येत आहे. कोकण, महाराष्ट्र, खानदेश, विदर्भ या भागांचे प्रश्न वेगवेगळे आहेत. प्रत्येक भागाला वाटते की आमचे काम झाले पाहिजे. मराठवाड्यातील सर्वांनी राजकीय विचार बाजूला ठेवून विभागाच्या प्रगती, विकासासाठी एकत्र आले पाहिजे. अशांतता कमी करण्यासाठी सर्वांनीच प्रयत्न करण्याची गरज आहे. आगामी काळात द्वारकाभाऊंनी लोकशिक्षणाचे काम करावे,’ असे आवाहन वळसे पाटील यांनी यावेळी केली.
हरिभाऊ बागडे म्हणाले, ‘बेधडकपणा हा पाथ्रीकर घराण्यातच होता. निझाम, रझाकारांच्या विरोधात खंबीरपणे लढण्याची प्रेरणा त्यांना त्यांच्या आजीने दिली. कॉलेज विश्वात पाथ्रीकरांचा दरारा होता. खेळाच्या मैदानात ते आघाडीवर होते. नेतृत्त्वगुण त्यांच्याकडे होते, परंतु स्पष्टपणे बोलण्याची त्यांची सवय असल्याने राजकारणात हा स्वभाव त्यांना अडसर ठरला. शेतकरी कधीही निवृत्त होत नाही. त्यामुळेच द्वारकाभाऊंनी निवृत्त न होता आपले काम करत रहावे.’
या प्रसंगी कमल किशोर कदम यांनी द्वारकाभाऊंसोबतच्या आठवणींना उजाळा दिला. यशवंतराव चव्हाण, वसंतदादा पाटील, वसंतराव नाईक, शरद पवार या मुख्यमंत्र्यांपर्यंत त्यांनी मराठवाडा भागाच्या विविध प्रश्न पोटतिडकीने कसे मांडले याविषयी सांगितले. माजी आमदार किशोर पाटील यांनी प्रास्ताविक केले. संजय शिरसाट यांनी मनोगत व्यक्त केले. मयूर सोनवणे यांनी मानपत्राचे वाचन केले.

सत्ता आली की आमदार करा!
माजी आमदार कैलास पाटील चिकटगावकर यांनी द्वारकाभाऊ यांचे यशवंतराव चव्हाण, वसंतदादा पाटील, शंकरराव चव्हाण यांच्याशी असलेल्या ऋणानुबंधाची माहिती दिली. ‘आमदार होण्याची क्षमता असतानाही ते आमदार होऊ शकले नाहीत. हे त्यांचे स्वप्न अपूर्णच राहिले. भविष्यात सत्ता आली तर त्यांना आमदार करावे,’ असे आवाहन त्यांनी केले.

मोबाइल अॅप डाउनलोड करा आणि राहा अपडेट

---

शिक्षक आंतरजिल्हा बदल्यांचा खोळंबा

October 24, 2016, 2:20 pm

≫ Next: १५ नोव्हेंबरला कला संचालक भेट देणार

≪ Previous: लोकशिक्षणाचे काम करा

$

0

0

म. टा. प्रतिनिधी, औरंगाबाद
जिल्हा परिषदेत गेल्या दोन वर्षांपासून गाजत असलेल्या आंतर जिल्हा बदली प्रक्रियांना आणखी महिनाभर वाट पाहावी लागणार आहे. जून महिन्यात सर्व प्रक्रिया पूर्ण झाल्यानंतर प्रशासकीय त्रुटी काढण्यात आल्या. बाहेरच्या जिल्ह्यांमधून तथ्यता तपासणीसाठी पाठविलेले सर्व अहवाल प्राप्त झाले असून आता पुढील महिन्यात ऑर्डर निघण्याची शक्यता आहे.
जिल्हा परिषद शिक्षण विभाग आणि प्रशासनाच्या दिरंगाई मुळे आंतर जिल्हा बदलीची प्रकरणे गेल्या दोन वर्षांपासून धूळ खात पडून आहेत. बाहेरच्या जिल्ह्यात जाण्यासाठी साडेचारशे शिक्षक इच्छुक होते, तर परजिल्ह्यातून औरंगाबादेत येण्यासाटी सहाशे छत्तीस जणांनी अर्ज केले होते. सुरुवातीचे दीड वर्षे बिंदूनामावली नसल्याच्या कारणावरून या प्रस्तावांकडे पाहिलेच गेले नाही. उलटपक्षी अन्य जिल्ह्यांमधून मात्र ही प्रक्रिया अतिशय योग्य पद्धतीने आणि नियमानुसार पार पाडली गेली. जिल्हा परिषद सदस्य, आंतरजिल्हा बदलीसाठी अर्ज केलेल्या शिक्षकांना वारंवार विनंती करूनही प्रशासनाने त्याबाबत कुठलीच ठोस भूमिका घेतली नव्हती. तत्कालीन सीईओ डॉ. अभिजित चौधरी यांनी जून महिन्यात या प्रक्रियेबाबत प्रस्ताव सादर करण्याचे आदेश दिले होते. दोन्ही बाजूंनी ना हरकत प्रमाणपत्र तसेच संबंधित विषयासाठी रिक्त जागा असेल अशा प्रस्तावांना पहिल्या टप्प्यात मान्यता दिली गेली. चार वर्षांपासून जिल्हा परिषदेत खेटे घालणाऱ्या शिक्षकांना यानिमित्ताने दिलासा मिळणार होता. काही शिक्षकांच्या बदल्याही झाल्या, पण त्यानंतर प्रशासनाने पुन्हा एकदा तपासणी सुरू केली. बाहेरच्या जिल्ह्यातून औरंगाबाद जिल्हा परिषदेच्या शिक्षण विभागाला प्राप्त झालेल्या पत्रांवर थेट मुख्य कार्यकारी अधिकाऱ्यांची स्वाक्षरी नव्हती. परिणामी याची वैधता तपासण्यासाठी ४७ प्रकरणांबाबत संबंधित जिल्हा परिषदेला पत्रव्यवहार करावा, असे आदेश सीईओ मधुकर अर्दड यांनी दिले. शिक्षण विभागाने त्यानुसार कार्यवाही केली. या प्रकरणातील बहुतांश पत्र शिक्षण विभागाला प्राप्त झाले आहेत. सर्व प्रकरणे वैध असल्याचे त्यातून सिद्ध झाले. आता या बदल्या होण्याचा मार्ग मोकळा झाला आहे. जिल्हा परिषद शिक्षण विभागाने एकतर्फी, आपसी आणि पती पत्नी एकत्रितकरण अशा तीन टप्प्यांत आंतर जिल्हा बदली प्रक्रिया राबविण्याचे ठरविले आहे. त्यानुसार या ४७ प्रकरणांचा निपटारा पुढील महिनाभरात होण्याची शक्यता वर्तविण्यात आली.

मोबाइल अॅप डाउनलोड करा आणि राहा अपडेट

१५ नोव्हेंबरला कला संचालक भेट देणार

October 24, 2016, 2:21 pm

≫ Next: ‘समांतर’वर अखेर पालिकेचाच ताबा

≪ Previous: शिक्षक आंतरजिल्हा बदल्यांचा खोळंबा

$

0

0

म. टा. प्रतिनिधी, औरंगाबाद
कला महाविद्यालयाच्या विद्यार्थ्यांच्या विविध समस्या सोडविण्यासाठी कला संचालक राजीव मिश्रा १५ नोव्हेंबर रोजी औरंगाबादला भेट देत कॉलेजची पाहणी करणार आहेत. विद्यार्थ्यांनी सोमवारी अखिल भारतीय विद्यार्थी परिषदेच्या नेतृत्तवाखाली मुंबईला धाव घेत कला संचालकांना साकडे घातले.
शासकीय कला महाविद्यालयाच्या विद्यार्थ्यांचे विविध मागण्यांबाबत आठवडाभरापासून आंदोलन सुरू आहे. त्यात आज विद्यार्थ्यांनी मुंबई येथे दुपारी २.३०च्या सुमारास कला संचालक राजीव मिश्रा यांची भेट घेतली. कला महाविद्यालयात पूर्णवेळ शिक्षक नेमा, कॉलेजमध्ये आवश्यक त्या सोयीसुविधा द्या, फोटोग्राफी लॅब, संगणक लॅब पूर्णवेळ सुरू ठेवा, ग्रंथपाल नेमा अशा मागण्या केल्या. या समस्या सोडविण्याबाबत तातडीने प्रयत्न करू, असे आश्वासन मिश्रा यांनी दिले. औरंगाबादहून २२ विद्यार्थी गेले होते. कला संचालनालयाने ७ नोव्हेंबरपर्यंत प्रश्न सोडवावेत अन्यथा पुन्हा कॉलेज बंदचा इशारा विद्यार्थ्यांनी दिला आहे. दरम्यान, याबाबत औरंगाबाद कला महाविद्यालयाचे अधिष्ठाता डॉ. भ. डों. गठडी यांना कला संचालनालयाने विद्यार्थ्यांच्या समस्या जाणून घेण्यासाठी उद्या मुंबईत बोलावले आहे.

विद्यार्थ्यांनी दीडतास समस्या मांडल्या. हे प्रश्न शिक्षणमंत्री विनोद तावडे यांच्यासमोर मंगळवारी मांडणार आहे. शिक्षकांची नियमितपणे नियुक्ती करण्याची प्रक्रिया एमपीएससीकडून केली जाते. त्यांच्याकडून प्रक्रिया वेळेत होत नसल्याने या अडचणी निर्माण होत आहेत. याबाबत शासनाला कळवू. - राजीव मिश्रा, संचालक, कला संचालनालय, मुंबई

मोबाइल अॅप डाउनलोड करा आणि राहा अपडेट

‘समांतर’वर अखेर पालिकेचाच ताबा

October 24, 2016, 2:30 pm

≫ Next: दहा लाखांची फसवणूक; ठकाला दिल्लीत बेड्या

≪ Previous: १५ नोव्हेंबरला कला संचालक भेट देणार

$

0

0

म. टा. विशेष प्रतिनिधी, औरंगाबाद

औरंगाबाद महापालिकेने शहराच्या समांतर पाणीपुरवठा योजनेचा बेकायदा ताबा घेऊ नये, हा जिल्हा कोर्टाचा निर्णय मुंबई हायकोर्टाच्या औरंगाबाद खंडपीठाचे न्या. ता. वि. नलावडे यांनी सोमवारी रद्द केला. औरंगाबाद सिटी वॉटर युटिलिटी कंपनीने दाखल केलेले अपील फेटाळून लावले. या निर्णयामुळे समांतरचा पूर्ण ताबा पालिकेकडे आला आहे.

लवादाच्या एका सदस्याचे नाव सुचविण्यासंदर्भात औरंगाबाद सिटी वॉटर युटिलिटी कंपनीने दाखल केलेल्या याचिकेवर सुनावणी झाली. यासोबतच पालिकेच्या याचिकेचीही सुनावणी झाली. औरंगाबाद पालिकेने १ आॅक्टोबर रोजी औरंगाबाद सिटी वॉटर युटिलिटी कंपनीसोबतचा करार रद्द केला. हा करार २२ सप्टेंबर २०११ रोजी करण्यात आला होता. पालिकेच्या निर्णयाविरुद्ध सिटी वॉटर युटिलिटी कंपनीने जिल्हा कोर्टात लवाद कायद्याच्या कलम ९नुसार महापालिकेस ताबा घेण्यास प्रतिबंध करण्याबाबतचा दावा निकाली निघाला. महापालिकेला पाणीपुरवठा योजनेचा ताबा घेण्यास मनाई केली होती. पालिकेने या आदेशास खंडपीठात आव्हान दिले होते.

जिल्हा कोर्टाने मनाई आदेश देताना याबाबत तीन निकषांऐवजी केवळ महापालिकेने सकृदर्शनी मनाई आदेश मिळविण्यायोग्य मुद्दे मांडल्याचाच विचार केला, मात्र सध्या दाव्याचा समतोल दावेदाराच्या बाजूने आहे काय, त्याचप्रमाणे मनाई आदेश दिला नाही, तर दावेदाराचे न भरून येणारे नुकसान होईल काय, या दोन महत्त्वाच्या मुद्दांचा विचार केल्याचे दिसत नाही. पालिकेचे वकील अनिल बजाज यांनी सुप्रीम कोर्टाच्या निवाड्यांचा संदर्भ दिला. करारातील कलम ३७.१ प्रस्तुत प्रकरणात लागू होत नाही. अश परिस्थितीत जिल्हा कोर्टाने दिलेला मनाई आदेश रद्द करावा, अशी विनंती त्यांनी केली. ही विनंती कोर्टाने मान्य करून कंपनीचे अपील फेटाळून लावले. जिल्हा कोर्टाचा आदेश योग्य असून तो रद्द करू नये, असा युक्तिवाद कंपनीतर्फे रामेश्वर तोतला यांनी केला, त्यांची विनंती कोर्टाने फेटाळून लावली. या प्रकरणात बजाज यांना दीपक पडवळ, हर्षिता मंगलाणी, हर्षवर्धन बजाज, नवीन रेड्डी आणि ऋचीर वाणी यांनी सहकार्य केले. या निर्णयाला सुप्रीम कोर्टात जाण्यासाठी स्थगिती द्यावी, अशी विनंती तोतला यांनी केली, पण तीही फेटाळण्यात आली.

बँक गॅरंटी जप्तीचे अधिकार पालिकेला

कंपनीने यापूर्वी खंडपीठात याचिका दाखल केली असता कुठलाही मनाई आदेश दिला नव्हता. केवळ कंपनीची बँक गॅरंटी जप्त करू नये, असे निर्देश महापालिकेला दिले होते, असा युक्तिवाद पालिकेचे वकील अनिल बजाज यांनी केला. खंडपीठाने ही स्थगिती उठविली आहे. कंपनीने रत्नाकर बँकेच्या आैरंगाबाद शाखेची २०१७पर्यंत ७९ कोटी २२ लाख रुपयांची बँक गॅरंटी दिलेली आहे. ही रक्कम आता पालिकेला जप्त करता येईल. पालिकेने लवादावर सदस्य म्हणून सार्वजनिक बांधकाम विभागाचे सेवानिवृत्त सचिव एस. आर. तांबे यांचे नाव सुचविले आहे.

मोबाइल अॅप डाउनलोड करा आणि राहा अपडेट

दहा लाखांची फसवणूक; ठकाला दिल्लीत बेड्या

October 24, 2016, 2:22 pm

≫ Next: ऐन दिवाळीत झेडपीत अंधार

≪ Previous: ‘समांतर’वर अखेर पालिकेचाच ताबा

$

0

0

औरंगाबाद : तरुणाला कार बक्षीस लागल्याचे आमिष दाखवून ९ लाख नव्वद हजारांची फसवणूक करणाऱ्या दीपक महेश चंद या ठकाला फरिदाबाद येथे बेड्या ठोकण्यात आल्या. तो डिल्स ऑन डोअर या दिल्लीतल्या ऑनलाइन शॉपिंग सेवा पुरवणाऱ्या कंपनीत काम करतो. कंपनीला अंधारात ठेवून त्याने हा प्रकार केल्याचे समोर आले आहे.
मनोज प्रेमसिंग चव्हाण (रा. भानुदासनगर) या तरुणाने काही दिवसांपूर्वी डिल्स ऑन डोअर या ऑनलाइन शॉपिंगकडून आयफोन खरेदी केला होता. यानंतरही त्याने काही वस्तू या कंपनीकडून मागवल्या. दरम्यान त्याला या कंपनीचा कर्मचारी दीपक महेशचंद (रा. फरीदाबाद) याने कॉल केला. तुम्हाला ह्युंदई आय २० कार बक्षीस लागल्याचे आमिष त्याने दाखवले. या कारच्या नोंदणीसाठी तसेच इतर कागदपत्रासांठी त्याने वेळोवेळी वेगवेगळ्या रकमेची मागणी करत एकूण नऊ लाख नव्वद हजार रुपये मनोजकडून उकळले. कार मिळाल्यानंतर ही रक्कम देखील परत मिळेल, अशी थाप मारली. पैसे मिळाल्यानंतर दीपकने संपर्क कमी केला. त्याचा पाठपुरावा मनोजने केला असता त्याला उडवाउडवीची उत्तरे मिळाली. या प्रकरणी ७ ऑक्टोबर रोजी जवाहरनगर पोलिस ठाण्यात आरोपीविरुद्ध फसवणूक व माहिती तंत्रज्ञान कायद्यानुसार गुन्हा दाखल केला. सायबर सेलने यामध्ये तां‌त्रिक पुरावे तपासले असता हा आरोपी दिल्ली येथे असल्याचे निष्पन्न झाले. पोलिस आयुक्त अमितेशकुमार यांच्या मार्गदर्शनाखाली पीएसआय हेमंत तोडकर, धुडकू खरे, नितीन देशमुख व जवाहरनगर पोलिस ठाण्याचे ठाकूर यांनी दिल्ली गाठून आरोपीला बेड्या ठोकल्या. सोमवारी सकाळी हे पथक औरंगाबादला परतले असून आरोपीला जवाहरनगर पोलिसांच्या स्वाधीन करण्यात आले आहे.

मोबाइल अॅप डाउनलोड करा आणि राहा अपडेट

ऐन दिवाळीत झेडपीत अंधार

October 24, 2016, 2:23 pm

≫ Next: सरकारी हरभरा डाळ ७८ रुपये किलो

≪ Previous: दहा लाखांची फसवणूक; ठकाला दिल्लीत बेड्या

$

0

0

म. टा. प्रतिनिधी, औरंगाबाद
वर्षानुवर्षे वीजदेयके न भरल्यामुळे महावितरणने सोमवारी सकाळी जिल्हा परिषदेतील महिला व बालकल्याण विभागाची वीज जोडणी खंडित केली. शिक्षण सभापतींच्या दालनाचेही तब्बल ७७ हजारांचे बिल थकित असल्याने वीज तोडण्यात आली. पीबीएक्सचाही वीजपुरवठा खंडित झाल्याने झेडपीची दूरध्वनी सेवा कोलमडली.
कार्यालयाच्या सुविधांसाठी असलेली दूरध्वनी सेवा गेल्या तीन महिन्यांपासून कोलमडली आहे. सातपैकी पाच लँडलाइन दूरध्वनी बिल न भरल्याने बंद आहेत. त्यात सोमवारी सकाळी महावितरणने महिला व बालकल्याण, शिक्षण सभापतींच्या दालनाची वीज तोडली. या विभागाची हजारोंची देयके थकित आहेत. महिला व बालकल्याण विभागाचे ३० हजार रुपये तर शिक्षण सभापतींच्या दालनाचे ७७ हजार रुपयांचे देयक थकित आहे. सभापतींच्या दालनासाठी २०१२ मध्ये नवीन मीटर बसविले गेले. तेव्हापासून आजवर बिलच आले नाही, असा युक्तिवाद झेडपीतील अधिकाऱ्यांन केला. महिला व बालकल्याण विभागाच्या वीजजोडणीवर पीबीएक्स यंत्रणा आहे. कसेबसे सुरू असलेले दोन लँडलाइनही वीजपुरवठा खंडित झाल्याने सकाळीच बंद पडले. त्यामुळे सगळी यंत्रणा कोलमडली. महिला व बालकल्याण विभागातील बहुतांश काम संगणकावर आहे. लाइट नसल्याने कर्मचारी बसून होते. शिक्षण सभापतींच्या दालनाचे वीजबिल शिक्षण विभागाने भरणे अपेक्षित असल्याचे सांगण्यात आले. वास्तविक मुख्यालयातील सर्व मालमत्तांची जबाबदारी बांधकाम विभागाकडे येते. असे असताना ही टोलवाटोलवी कशामुळे केली जात आहे ? यावर मात्र अधिकाऱ्यांनी मौन बाळगले. शिक्षण विभागाकडून बिल भरण्यासाठीच्या हालचाली केल्या गेल्या, पण सायंकाळपर्यंत बिल भरले गेले नाही. सीईओ मधुकर अर्दड यांना सायंकाळपर्यंत याची माहितीच नव्हती. माहिती कळाल्यानंतर त्यांनी मुख्य लेखा व वित्त अधिकारी उत्तम चव्हाण यांच्याकडून या प्रकाराची माहिती घेतली. बिल भरण्यास दिरंगाई केल्याबद्दल संबंधित विभागावर काय कारवाई केली जाते, याकडे आता जिल्हा परिषदेचे लक्ष लागले आहे.

अध्यक्षांच्या दालनाला फटका
महिला व बालकल्याण तसेच शिक्षण सभापतींच्या दालनाची वीज कट करण्यासाठी आलेल्या महावितरणच्या कर्मचाऱ्यांनी अध्यक्ष श्रीराम महाजन यांच्याच दालनाची वीज कट केली. तासाभरानंतर अध्यक्षांच्या दालनाची वीज चुकीने कट केल्याचे लक्षात आले. त्यानंतर धावपळ झाली आणि वीजपुरवठा पूर्ववत सुरू करण्यात आला.

मंगळवारी सकाळी अकरापर्यंत माझ्या दालनाचा वीजपुरवठा सुरळीत झाला नाही तर मी बांधकाम विभागासमोरील लिंबाच्या झाडासमोर टेबल खुर्ची टाकून बसणार आहे. विविध कामे घेऊन जिल्ह्यातून नागरिक माझ्याकडे येतात. माझ्या दालनात व्हेंटिलेशन नसल्याने अंधार असतो. त्यांची अडचण होऊ नये म्हणून मी हे पाऊल उचलणार आहे. - विनोद तांबे, सभापती, शिक्षण, जिल्हा परिषद

मोबाइल अॅप डाउनलोड करा आणि राहा अपडेट

सरकारी हरभरा डाळ ७८ रुपये किलो

October 24, 2016, 4:31 pm

≫ Next: एअर इंडियाची रविवारी ‘खुशियों की उडान’

≪ Previous: ऐन दिवाळीत झेडपीत अंधार

$

0

0

म. टा. प्रतिनिधी, औरंगाबाद
दिवाळीनिमित्त ग्राहकांना सरकारी डाळ ७८ रुपये प्रतिकिलो दराने उपलब्ध करून देण्यात येणार आहे. सोमवारी डाळीचा भाव निश्चित करण्यात आला, मात्र या डाळीचे वितरण कधी सुरू होणार, याचे उत्तर प्रशासनाकडे नाही.

गेल्या महिनाभरात हरभरा डाळीचे भाव गगनाला भिडले. त्यामुळे दिवाळीनिमित्त ग्राहकांना अल्प दरात डाळ उपलब्ध करून देण्याचे सरकारने जाहीर केले. शहरात १७ केंद्रांवर डाळीची विक्री करण्यात येणार आहे, मात्र दिवाळी चार दिवसांवर येऊन ठेपली असतानाही सरकारी डाळ बाजारात आलेली नाही. शहरात डाळीचे भाव १२० ते १३० रुपयांवर पोचले आहेत.

राज्य सरकारने केंद्राकडून ५० रुपये किलो दराने ७०० टन हरभरा खरेदी केला आहे. त्यापासून तयार करण्यात येणारी डाळ मुंबई-ठाणे शिधापत्रिका वाटप क्षेत्र; तसेच पुणे, नाशिक, नागपूर, अमरावती व औरंगाबाद या शहरांतील खुल्या बाजारामध्ये वितरित करण्यात येणार आहे. सरकारने स्वस्तात हरभरा डाळ देण्याचा निर्णय जाहीर केला, पण प्रशासनाच्या हालचालींवरून ग्राहकांना डाळ दिवाळीनंतरच मिळेल, असे दिसते.

रेशन कार्ड बंधनकारक नाही
भारतीय अन्न महामंडळाच्या गोदामामधून उचल, भरडई, पॅकिंग, पाकिटावर आवश्यक तपशीलाची नोंद आदी प्रक्रियेनंतर डाळ संबंधित विक्री केंद्रांवर पोचविण्यात येणार आहे. या केंद्रांतून प्रत्येकी एक किलो डाळ उपलब्ध करून देण्यात येणार अाहे. डाळ विक्रीसाठी शहरात १७ केंद्र सुरू करण्यात येणेर आहेत. सरकारी डाळ घेण्यासाठी रेशन कार्ड असणे बंधनकारक नाही. येत्या काही दिवसांत जिल्ह्यातील प्रत्येक रेशन दुकानांमधून डाळीची विक्री करण्यात येणार आहे.

मोबाइल अॅप डाउनलोड करा आणि राहा अपडेट

एअर इंडियाची रविवारी ‘खुशियों की उडान’

October 24, 2016, 2:30 pm

≫ Next: तोडगा काढण्याची कोर्टाची सूचना

≪ Previous: सरकारी हरभरा डाळ ७८ रुपये किलो

$

0

0

म. टा. प्रतिनिधी, औरंगाबाद

दिवाळीनिमित्त एअर इंडियाने एका तिकिटावर एक तिकीट फ्री देणारी ‘खुशियों की उडान’ योजना जाहीर केली आहे. ही योजना केवळ ३० ऑक्टोबर रोजी लागू असेल. एक तिकिट खरेदी केल्यावर केवळ कर भरून दुसरे तिकीट मिळणार आहे. अर्थात सोबतची व्यक्ती पत्नी किंवा जवळचा नातेवाईक असली पाहिजे. दिवाळीच्या दिवशी प्रवासी वाढविण्यासाठी ही योजना जाहीर करण्यात आली आहे.

औरंगाबाद ते मुंबई हवाई प्रवासासाठी ३० ऑक्टोबर रोजी इकॉनॉमी क्लासचा तिकीटदर ३ हजार ३९३ रुपये आहे. त्यादिवशी एका तिकिटाबरोबर दुसरे तिकीट केवळ करांचे ४१८ रुपये भरून मिळेल. बिझनेस क्लासच्या तिकिटाचा दर ११ हजार ६११ रुपये आहे. या तिकिटासोबत करांचे ८८४ रुपये भरल्यानंतर दुसरे तिकीट मिळेल. या योजनेचा लाभ घेण्यासाठी ३० ऑक्टोबर रोजी प्रवासाचे तिकीट असलेल्या प्रवाशांना एअर इंडियाचा कार्यालयात जाऊन एक फॉर्म भरावा लागेल. त्यानंतर करांची रक्कम भरल्यावर त्यांना दुसरे तिकीट मिळेल, अशी माहिती एअर इंडियाच्या सूत्रांनी दिली.

ही योजना फक्त एका दिवसासाठी लागू आहे. औरंगाबाद ते दिल्ली या हवाई सेवेसाठीही ही योजना लागू आहे. इकॉनॉमी क्लाससाठी ७ हजार २१० रुपये तिकीटदर आहे. या तिकिटासोबर करांचे १ हजार ८५ रुपये भरल्यास दुसरे तिकीट मिळेल. बिझनेस क्लाससाठी २२ हजार ३५५ रुपये तिकीटदर आहे. करांचे १ हजार ८८५ रुपये भरल्यास प्रवाशाला दुसरे तिकीट मिळेल, असेही या सूत्रांनी सांगितले.

औरंगाबादला येणाऱ्यांना योजना लाभदायक

एअर इंडियाची ही योजना ३० ऑक्टोबर रोजी, म्हणजेच लक्ष्मीपूजनाच्या संपूर्ण देशात लागू आहे. लक्ष्मीपूजनासाठी अनेक स्थानिक उद्योजक, व्यावसायिक, उच्चपदस्थ अधिकारी औरंगाबादेत आपल्या घरी येतात. त्यांच्यासाठी ही योजना लाभदायक आहे, असेही या सूत्रांनी सांगितले.

मोबाइल अॅप डाउनलोड करा आणि राहा अपडेट

---

तोडगा काढण्याची कोर्टाची सूचना

October 25, 2016, 1:40 pm

≫ Next: ऊसतोड ठेकेदाराचे अडीच लाख लंपास

≪ Previous: एअर इंडियाची रविवारी ‘खुशियों की उडान’

$

0

0

म. टा. विशेष प्रतिनिधी, औरंगाबाद
जिल्हा क्रिकेट संघटनेच्या वादावर कोर्टाबाहेर तोडगा काढा, अशी सूचना सह धर्मादाय आयुक्त श्रीकांत भोसले यांनी वादी-प्रतिवादींना केली आहे. आजीव सभासदांच्या हेव्या-दाव्यामुळे खेळाचे नुकसान होणार नाही, अशी अपेक्षा त्यांनी व्यक्त केली.
औरंगाबाद जिल्हा क्रिकेट संघटनेचा फेरफार अर्ज सहाय्यक धर्मादाय आयुक्त सय्यद विलायत हुसेन कादरी यांनी ३१ ऑगस्टला फेटाळला होता. या अर्जाबरोबरच नवीन ४८ आजीव सभासदांसह अर्जदार सचिन मुळे, मूळ आक्षेपकर्ते वसंत शर्मा, मोहन बोरा, सुहास कुलकर्णी यांचे सभासदत्व अवैध ठरविण्यात आले होते. या निर्णयाला अपील करेपर्यंत स्थगिती देण्याचे आदेश सहाय्यक धर्मादाय आयुक्तांनी ८ सप्टेंबर रोजी दिले होते.
३१ ऑगस्टच्या निर्णयाला संघटनेचे सचिव सचिन मुळे, मूळ आक्षेपकर्ते वसंत शर्मा, मोहन बोरा, सुहास कुलकर्णी यांनी सह धर्मादाय आयुक्त यांच्या कोर्टात आव्हान दिले आहे. १९८८मध्ये अभिलेखात असलेल्या विश्वस्तांनी कॅव्हेट दाखल केले आहे. आजीव सभासद मोहन बोंबले यांनीही कॅव्हेट दाखल केले आहे. मंगळवारी अपिलावर सुनावणी झाली. या प्रकरणातील सर्व वादी-प्रतिवादी यांनी एकत्र येऊन तोडगा काढता येईल का? येत्या ५ नोव्हेंबरला सुनावणी होईल, असे त्यांनी सांगितले. त्या आधी माजी सचिव जे.यु.मिटकर, सचिन मुळे व मोहन बोंबले यांनी सर्व संबंधितांची बैठक घेऊन तोडगा काढण्याचे कोर्टाने सुचविले. या बैठकींना नवीन ४८ सभासदांना सहभागी करून घेण्याचे त्यांनी सुचविल्याचे मुळे यांचे वकील प्रमोद पाटणी यांनी सांगितले. अर्जदार मुळे यांची बाजू प्रमोद पाटणी, प्रणित पाटणी यांनी मांडली. बोंबले यांच्यातर्फे गणेश अनसिंगकर, तर मूळ आक्षेपकर्ते यांच्यातर्फे श्रीपाद कुलकर्णी यांनी मांडली. तोडगा नाही निघाला तरी ५ नोव्हेंबरला अर्जावर गुणवत्तेवर सुनावणी होईल असे कोर्टाने स्पष्ट केले.

मोबाइल अॅप डाउनलोड करा आणि राहा अपडेट

ऊसतोड ठेकेदाराचे अडीच लाख लंपास

October 25, 2016, 1:40 pm

≫ Next: स्वच्छ विद्यापीठ, अस्वच्छ कॅन्टीन

≪ Previous: तोडगा काढण्याची कोर्टाची सूचना

$

0

0

औरंगाबादः मध्यवर्ती बसस्थानकावर एका ऊसतोड ठेकेदाराची अडीच लाखांची रक्कम त्याच्या एअर बॅगेतून चोरुन नेल्याची घटना मंगळवारी दुपारी एक ते दीडच्या सुमारास घडली.
सुनील लिंबाजी माळी (कवडगाव, जि. बीड) हे ऊसतोड ठेकेदार आहेत. ते कामगारांच्या शोधासाठी व जुन्या कामगारांना पैसे देण्यासाठी धुळे व कन्नड भागात फिरत होते. त्यांनी पाच लाख रुपये एका एअर बॅगमध्ये आणले होते. त्यांच्यासोबत त्यांचा एक मित्रही होता. धुळे व नंतर कन्नड येथे त्यांनी पाच पैकी अडीच लाख रुपये जुन्या कामगारांना दिले. आज दुपारी ते कन्नडहून औरंगाबाद येथे आले. तेथून ते पैठणकडे जाणार होते. दुपारी एक ते दीडच्या सुमारास पैठणकडे जाणारी बस आल्याने गर्दीतून मार्ग काढत ते बसमध्ये चढले. बस बाबा पंपाजवळ येताच त्यांना त्यांची एअर बॅग फाटलेली दिसली. त्या बॅगमध्ये पैसेही नव्हते. त्यामुळे त्यांनी पुन्हा मध्यवर्ती बसस्थानकाकडे धाव घेतली. तेथील पोलिस चौकीमध्ये त्यांनी सर्व प्रकार सांगितल्याची माहिती क्रांतिचौक पोलिस ठाण्याचे सहाय्यक पोलिस निरीक्षक घेरडे यांनी दिली. दरम्यान याप्रकरणी क्रांतिचौक पोलिस ठाण्यात गुन्हा दाखल करण्याची प्रक्रिया रात्री उशीरा पर्यंत सुरू होती.

मोबाइल अॅप डाउनलोड करा आणि राहा अपडेट

स्वच्छ विद्यापीठ, अस्वच्छ कॅन्टीन

October 25, 2016, 2:30 pm

≫ Next: विमल जेथलियांचे नगरसेवकपद रद्द

≪ Previous: ऊसतोड ठेकेदाराचे अडीच लाख लंपास

$

0

0

म. टा. प्रतिनिधी, औरंगाबाद
‘स्वच्छ भारत मोहिमेंतर्गत’ उत्कृष्ट कार्याबद्दल देशपातळीवर पुरस्कार मिळविणाऱ्या डॉ. बाबासाहेब आंबेडकर मराठवाडा विद्यापीठतील कॅन्टीनची अवस्था अतिशय वाईट आहे. अन्नसुरक्षा, खाद्यपदार्थांचा दर्जा याबाबत प्रशासनाकडून कोणतीच काळजी घेतली जात नाही. कॅन्टीनच्या परिसरही अतिशय अस्वच्छ असून, तेथे मोकाट जनावरांचा वावर असतो.
विद्यापीठ परिसरात दोन कॅन्टीन आहेत. विद्यापीठाने ठरवून दिलेल्या दराला कॅन्टीनधारकांनी केराची टोपली दाखविली आहे. ठरवून दिलेल्या दराप्रमाणे अन्नपदार्थ का दिले जात नाहीत, हे विचारण्याचीही विद्यार्थ्यांना सोय नाही. दरांबाबत विचारणा करणाऱ्या विद्यार्थ्याला मारहाण करण्याच्या घटनेला डिसेंबरमध्ये वर्ष पूर्ण होत आहे. त्यानंतरही विद्यापीठातील कॅन्टीनची स्थिती ‘जैसे थे’ आहे. विद्यापीठातील एक कॅन्टीन २०१०मध्ये तयार करण्यात आलेली आहे, तर दुसरी कॅन्टीन शेडमध्येच उभारण्यात आली आहे.
दोन्ही कॅन्टीन परिसरातील स्वच्छतेकडे प्रशासन वर्षानुवर्षे डोळेडाक करते. अन्नसुरक्षेबाबत कॅन्टीनमध्ये कोणतीच काळजी घेत जात नसल्याची स्थिती आहे. कॅन्टीनमध्ये वडा, इडली-सांबरपासून ते भजे, पुरीभाजी आदी अनेक पदार्थ उपलब्ध असतात. ते उघड्यावरच तळले जातात आणि उघडव्यावरच ठेवण्यात येतात. सांडपाणी बाहेर सोडण्याची सोय दोन्ही कॅन्टीनमध्ये उपलब्ध नाही. सांडपाणीही रस्त्यावरच सोडले जाते. त्यामुळे प्रचंड दुर्गंधी पसरते. स्वयंपाक घरातही स्वच्छताही पाळली जात नाही. या परिसरात मोकाट जनावरेही परिसरात फिरतात.

वाढीव दराबाबत कायम तक्रारी
कॅन्टीनमधील वाढीव दराबाबत विद्यार्थ्यांनी विद्यार्थी कल्याण विभागाकडे तक्रारी केल्या, परंतु विद्यापीठ प्रशासनाने याकडेही डोळेझाक करत कॅन्टीनचालकांना पाठिशी घातले आहे. विद्यापीठाने कॅन्टीनमधील पदार्थाचे, चहा, कॉफीचे दर ठरवून दिलेले आहेत. ठरवून दिलेल्या दरपत्रकही कॅन्टीनधारकांकडून पाळले जात नाहीत.

खाद्यपदार्थांचा दर्जाची तपासणीच नाही
विद्यार्थ्यांना कॅन्टीनमधील खाद्यपदार्थांचा दर्जा चांगला असावा, असे विद्यापीठ अनुदान आयोगाकडून सांगण्यात येत असले, तरी विद्यापीठातील कँटीनमधील खाद्यपदार्थांचा दर्जा तपासण्याची कोणतीच प्रक्रिया झाली नसल्याचेही सूत्रांनी सांगितले. त्यामुळे विद्यापीठ अनुदान आयोगाने दिलेले निर्देश विद्यापीठात कागदावरच आहे.

‘विद्यापीठाने सुविधा दिल्या नाहीत’
याबाबत कॅन्टीनचालकांची संपर्क साधला असता त्यांनी सांगितले, कॅन्टीनमध्ये चांगल्या दर्जाचे अन्नपदार्थ दिले जातात. विद्यापीठाकडून आवश्यक त्या सोयीसुविधा देणे अपेक्षित आहे, पण ते दिले जात नाही. ड्रेनेज, पाणीपुरवठ्याच्या सोयीसुविधांबाबत विद्यापीठाने कॅन्टीन बांधतानाच काळजी घेणे अपेक्षित असल्याचेही त्यांनी नाव प्रसिद्ध न करण्याच्या अटीवर सांगितले.

कॅन्टीन, मेसमधून विद्यार्थ्यांना दिले जाणारे अन्नपदार्थ अधिकाधिक दर्जेदार असावे, याबाबत विद्यापीठ म्हणून आम्ही काळजी घेतो. तशा सूचनाही आम्ही कॅन्टीनचालकांना दिलेल्या आहेत. अन्न व औषध प्रशासन विभागाचे प्रमाणपत्रही आम्ही सुरुवातीला कॅन्टीनधारक, मेसचालकांकडून घेतो.
- डॉ. सुहास मोराळे, संचालक, विद्यार्थी कल्याण विभाग, डॉ. बाबासाहेब आंबेडकर मराठवाडा विद्यापीठ.

मोबाइल अॅप डाउनलोड करा आणि राहा अपडेट

विमल जेथलियांचे नगरसेवकपद रद्द

October 25, 2016, 2:30 pm

≫ Next: एमजीएमतर्फे ट्रायथलॉन स्पर्धा

≪ Previous: स्वच्छ विद्यापीठ, अस्वच्छ कॅन्टीन

$

0

0

औरंगाबाद : परतूर (जि. जालना) येथील नगरसेविका विमल सुरेशकुमार जेथलिया यांचे नगरसेवक पद मुंबई हायकोर्टाच्या औरंगाबाद खंडपीठाचे न्या. ता. वि. नलावडे यांनी रद्द ठरवले. त्या माजी आमदार सुरेश जेथलिया यांच्या पत्नी आहेत.
परतूरच्या नगरसेविका विमल जेथलिया यांनी २००५ मध्ये त्यांच्या पारडगाव रोडवरील ब्राइट स्टार इंग्लिश या शाळेच्या इमारतीचे बेकायदा बांधकाम केले. त्यामुळे पालिकेचे नुकसान झाले म्हणून, त्यांचे नगरसेवक पद रद्द करावे, अशी तक्रार डॉ. रामप्रसाद पोरवाल यांनी जिल्हाधिकाऱ्यांकडे केली होती. तत्कालीन जिल्हाधिकारी तुकाराम मुंढे यांनी सुनावणीनंतर ३० जुलै २०१२ रोजी त्यांचे नगरसेवक पद रद्द ठरवले होते. त्या विरोधात विमल जेथलिया यांनी नगरविकास मंत्र्यांकडे अपील केले. नगरविकास मंत्र्यांनी जेथलिया यांचे अपील फेटाळले त्यानंतर जेथलिया यांनी खंडपीठात धाव घेतली होती. अंतिम सुनावणीनंतर खंडपीठाने नगरविकास मंत्र्यांचा निर्णय कायम ठेवला. डॉ. रामप्रसाद पोरवाल यांनी स्वतःच बाजू मांडली. जेथलिया यांच्यातर्फे सिद्धेश्वर ठोंबरे यांनी काम पाहिले.

मोबाइल अॅप डाउनलोड करा आणि राहा अपडेट

एमजीएमतर्फे ट्रायथलॉन स्पर्धा

October 25, 2016, 2:56 pm

≫ Next: पाणीपुरवठा योजनेत भ्रष्टाचाराचा आरोप

≪ Previous: विमल जेथलियांचे नगरसेवकपद रद्द

$

0

0

एमजीएमतर्फे ट्रायथलॉन स्पर्धा
औरंगाबाद ः महात्मा गांधी मिशनच्या (एमजीएम) चौतिसाव्या स्थापनादिनानिमित्त २५ डिसेंबर रोजी मराठवाड्यातील पहिल्या राष्ट्रीय ट्रायथलॉन आणि ड्युथलॉन स्पर्धेचे आयोजन करण्यात आले आहे.
एमजीएम क्रीडा संकुलात ही स्पर्धा होणार आहे. ट्रायथलॉन स्पर्धेत ७५० मीटर जलतरण, २० किलोमीटर सायकल शर्यत व पाच किलोमीटर धावण्याची शर्यत यांचा समावेश आहे. सुपर स्प्रिंटमध्ये ४०० मीटर जलतरण, १० किलोमीटर सायकल शर्यत व २.५ किलोमीटर धावण्याची शर्यत यांचा समावेश आहे. ट्रायथलॉन स्पर्धेच्या फन श्रेणीत १०० मीटर जलतरण, ५ किलोमीटर सायकल शर्यत आणि ३ किलोमीटर धावण्याची शर्यत असेल. लहान मुलांच्या ट्रायथलॉनमध्ये ५० मीटर जलतरण, २ किलोमीटर सायकल शर्यत आणि १ किलोमीटर धावण्याच्या शर्यतीचा समावेश आहे.
ड्युथलॉन स्पर्धेत २० किलोमीटर सायकल चालवणे, पाच किलोमीटर धावण्याचा समावेश आहे. सुपरस्प्रिंट स्पर्धेत दोन किलोमीटर धावणे, दहा किलोमीटर सायकल शर्यत असणार आहे. अधिक माहितीसाठी www.mgmeducationunlimited.com या संकेतस्थळास भेट द्यावी. या स्पर्धेसाठी १५ डिसेंबरपर्यंत नाव नोंदणी करता येईल.

मोबाइल अॅप डाउनलोड करा आणि राहा अपडेट

पाणीपुरवठा योजनेत भ्रष्टाचाराचा आरोप

October 25, 2016, 2:30 pm

≫ Next: पेपर तब्बल पाऊणतास उशिरा!

≪ Previous: एमजीएमतर्फे ट्रायथलॉन स्पर्धा

$

0

0

म. टा. प्रतिनिधी, नांदेड

पाणीपुरवठा योजनेवर तेरा लाख रुपये खर्च होऊनही भोकर तालुक्यातील बल्लाळमधील ग्रामस्थांना पाण्यासाठी खासगी बोअरवरच अवलंबून राहावे लागत आहे. या योजनेमध्ये भ्रष्टाचार झाल्याचा आरोप करत, या योजनेची चौकशी करण्याची मागणी ग्रामीण पाणीपुरवठा योजनेचे अध्यक्ष वासुदेव जोशी यांनी पंतप्रधान नरेंद्र मोदी, मुख्यमंत्री देवेंद्र फडणवीस यांच्यासह अधिकाऱ्यांना लिहिलेल्या पत्रामध्ये केली आहे.
बल्लाळच्या ग्रामपंचायतीला पाणी पुरवठा योजनेंतर्गत १२ लाख ९५ हजार रुपयांचा निधी गेल्या वर्षी मार्चमध्ये मिळाला. त्या योजनेचे काम जिल्हा परिषदेच्या पाणी पुरवठा विभागाचे भोकरचे उप विभागीय अभियंता भोजराज यांच्या मार्गदर्शनाखाली कंत्राटदारामार्फत सुरू झाले.
त्या अंतर्गत वासुदेव जोशी यांनी दान केलेल्या दोन गुंठे जमिनीवर विहीर खोदण्यात आली. त्यानंतर उपअभियंता यांनी दिलेल्या पत्रानुसार, कंत्राटदारास चार लाख रुपयांचे पेमेंट धनादेशामार्फत बल्लाळ ग्राम पंचायतीच्या पाणीपुरवठा व स्वच्छता समितीने दिले.
यातून विहिरीचे बांधकाम करण्यात आले. त्यानंतर कंत्राटदाराला आणखी सहा लाख रुपये देण्यात आले. वीज वितरण कंपनीचे कोटेशन, पाइपलाइन आणि पाणी उपसा करायला दोन मोटारी यांसाठी २ लाख ९५ हजार रुपयेही कंत्राटदाराला देण्याचे आदेश देण्यात आले. त्यानुसार, हा निधीही अदा करण्यात आला. मात्र, या योजनेसाठी आजपर्यंत वीजकनेक्शन घेण्यात आलेले नाही. एकही मोटार आलेली नसून, पाइप खरेदीअभावी पाइपलाइन रखडली आहे. त्यामुळे बल्लाळला अध्यक्षांच्या खासगी बोअरमधून मोटार लावून पाणीपुरवठा होत आहे. त्यामुळे, या प्रकरणाची चौकशी करावी, अशी मागणी जोशी यांनी केली आहे.

मोबाइल अॅप डाउनलोड करा आणि राहा अपडेट

पेपर तब्बल पाऊणतास उशिरा!

October 25, 2016, 2:30 pm

≫ Next: मंडळ मान्यता शुल्कात मराठी, इंग्रजी भेद नकाे

≪ Previous: पाणीपुरवठा योजनेत भ्रष्टाचाराचा आरोप

$

0

0

औरंगाबाद : डॉ. बाबासाहेब आंबेडकर मराठवाडा विद्यापीठातील पेपरफुटी, ऐनवेळी पेपर पुढे ढकलण्याचा गोंधळ सुरू असतानाच मंगळवारी शहरातील एका केंद्रावर परीक्षार्थी विद्यार्थ्यांना तब्बल पाऊणतास ‌पेपर उशिरा देण्यात आल्याचे विद्यार्थ्यांनी सांगितले.
विद्यापीठाच्या पदवी, पदव्युत्तर अभ्यासक्रमांच्या परीक्षा ४ ऑक्टोबरपासून सुरू आहेत. परीक्षेत तीन वेळा पेपर पुढे ढकलण्यात आले, तर पाटोद्यात रसायनशास्त्र अभ्यासक्रमाचा पेपरफुटला. या घटना ताज्या असतानाच आज परीक्षेत पुन्हा पत्रकारिता अभ्यासक्रमाच्या विद्यार्थ्यांना गोंधळामुळे मनस्ताप सहन करावा लागला. शहरातील मौलाना आझाद परीक्षा केंद्रावर पत्रकारिता पदव्युत्तर अभ्यासक्रमातील विद्यार्थ्यांचा ‘पर्यावरण आणि संवाद’ विषयाचा पेपर होता. दुुपारी २ वाजता पेपर सुरू होणार होता. प्रारंभी केंद्रावर जुन्या अभ्यासक्रमाचा पेपर देण्यात आला. विद्यार्थ्यांनी ही बाब लक्षात आणून दिल्यानंतर पुन्हा नव्या अभ्यासक्रमानुसारची प्रश्नपत्रिका देण्यात आली. तोपर्यंत पावणे तीन वाजल्याचे परीक्षार्थी विद्यार्थ्यांनी ‘मटा’ला सांगितले. याबाबत परीक्षा विभागातील अधिकाऱ्यांकडे विचारणा केली असता, विद्यार्थ्यांनी याबाबत तक्रार केली नसल्याचे सांगण्यात आले.

४ नोव्हेंबरच्या पेपरचे वेळापत्रक नाही
विद्यापीठाने ४ नोव्हेंबरचा पेपर पुढे ढकलण्याचा निर्णय घेतला, परंतु तो कधी होणार याचे वेळापत्रक अद्यापही निश्चित नाही. यापूर्वी १५ व २० ऑक्टोबर रोजी होणारे पेपर अचानकपणे पुढे ढकलण्यात आले. त्यानंतर लागून आलेल्या रविवारी हे पेपर घेण्यात आले. ४ नोव्हेंबरनंतरच्या पेपरसाठी रविवारी परीक्षा घेण्याचा विद्यापीठाचा विचार होता, परंतु स्पर्धा परीक्षांमुळे रविवारी पेपर घेणे शक्य झाले नाही.

मोबाइल अॅप डाउनलोड करा आणि राहा अपडेट

---

मंडळ मान्यता शुल्कात मराठी, इंग्रजी भेद नकाे

October 25, 2016, 2:30 pm

≫ Next: आर्ट कॉलेजमध्ये कंत्राटी शिक्षक रुजू

≪ Previous: पेपर तब्बल पाऊणतास उशिरा!

$

0

0

औरंगाबाद : माध्यमिक व उच्चमाध्यमिक शिक्षण मंडळाकडून मंडळ मान्यतेसाठी शुल्क आकारणीत इंग्रजी शाळांबाबत भेदभाव केला जात असल्याचे महाराष्ट्र इंग्रजी शाळा संस्थाचालक संघटनेने (मेस्टा) म्हटले आहे. याबाबत मंडळाचे विभागीय अध्यक्ष, शिक्षण उपसंचालकांची भेट घेऊन संघटनेने निवेदन दिले.
दहावी, बारावी परीक्षेसाठी शिक्षण मंडळाकडून शाळांना मंडळ मान्यता देण्यात येते. त्यासाठी मंडळाकडून शुल्क आकारण्यात येते. मराठी शाळांना १ हजार, तर इंग्रजी शाळांना हे शुल्क १३ हजार ७०० रुपये असल्याचे संघटनेचे म्हटले आहे. मंडळ मान्यतेच्या या शुल्काबाबत मराठी, इंग्रजी असा भेदभाव करू नका, असे निवेदनात म्हटले आहे.

मोबाइल अॅप डाउनलोड करा आणि राहा अपडेट

आर्ट कॉलेजमध्ये कंत्राटी शिक्षक रुजू

October 25, 2016, 2:30 pm

≫ Next: ‘इंद्रधनुष्य’ आयोजनाला विद्यार्थ्यांनी घेतला आक्षेप

≪ Previous: मंडळ मान्यता शुल्कात मराठी, इंग्रजी भेद नकाे

$

0

0

म. टा. प्रतिनिधी, औरंगाबाद
कला महाविद्यालयातील समस्या सोडविण्याबाबत प्रशासकीय पातळीवर मंगळवारी जोरदार हालचाली सुरू होत्या. रिक्त जागा, समस्यांबाबतचा अहवाल संचालनालयाकडून शासनाला सादर करण्यात आल्याचे सूत्रांनी सांगितले, तर कॉलेजमध्ये ९ कंत्राटी शिक्षक रुजू झाले असून, आंदोलनामुळे अपूर्ण राहिलेला अभ्यासक्रम पूर्ण करण्यासाठी कॉलेजने दिवाळी सुट्यांमध्येही कपात करण्याचा निर्णय घेतला आहे.
औरंगाबादच्या शासकीय कला महाविद्यालयातील विद्यार्थ्यांचे आठ दिवसापासून आंदोलन सुरू होते. पूर्णवेळ शिक्षक नेमण्यात यावेत, फोटोग्राफी, कम्प्युटर लॅब, पूर्णवेळ ग्रंथालय सुरू ठेवावे अशा विविध मागण्यांबाबत विद्यार्थ्यांनी आंदोलन केले. त्यांनी सोमवारी मुंबईत कला संचालक राजीव मिश्रा यांची भेट घेतली. विद्यार्थ्यांच्या आंदोलनानंतर प्रशासकीय पातळीवरून हालचालींना वेग आला आहे. कंत्राटी पद्धतीवर नियुक्ती करण्यात आलेल्या शिक्षकांना तात्काळ रुजू होण्याचे आदेश दिले असून, १०पैकी ९ शिक्षकांनी रुजू झाल्याची माहिती अधिष्ठातांनी दिली. इतर सोयी-सुविधांबाबतही तातडीने पाऊले उचलले जात असल्याचे अधिष्ठातांनी सांगितले.

दिवाळीच्या सुट्यामध्ये कपात
पूर्णवेळ शिक्षक नसल्याने अभ्यासक्रम पूर्ण झालेला नाही. अॅनिमेशन, फोटोग्राफी, कम्प्युटर ग्राफिक्ससारखे विषय अपूर्ण आहेत. ते पूर्ण केव्हा होणार, असा प्रश्न विद्यार्थ्यांना पडला आहे. कॉलेजला १५ नोव्हेंबरपर्यंत दिवाळाच्या सुट्या होत्या. अभ्यासक्रम पूर्ण होण्यासाठी या सुट्या ६ नोव्हेंबरपर्यंत देण्याचा निर्णय कॉलेज व्यवस्थापनाने घेतला आहे. ७ नोव्हेंबरला नियमित कॉलेज सुरू होईल, अशी नोटीस कॉलेजतर्फे मंगळवारी काढण्यात आली. वेळापत्रक अलीकडे आणून अभ्यासक्रम पूर्ण केला जाणार असल्याचे कॉलेजकडून सांगण्यात येत आहे.

कॉलेजबाबतची माहिती संचालकांना कळविण्यात आली आहे. शिक्षकांच्या नियुक्त्या करण्यात आल्या. ९ शिक्षक रुजू झाले आहेत. ग्रंथापाल, संगणक लॅबसाठी कर्मचाऱ्यांच्याही नेमणुका करण्यात आल्या आहेत. ७ नोव्हेंबरपासून वर्ग सुरू होतील, असेही विद्यार्थ्यांना कळविले आहे.
- डॉ. भ. डों. गढरी, प्र. अधिष्ठाता, शासकीय कला महाविद्यालय.

मोबाइल अॅप डाउनलोड करा आणि राहा अपडेट

‘इंद्रधनुष्य’ आयोजनाला विद्यार्थ्यांनी घेतला आक्षेप

October 25, 2016, 2:30 pm

≫ Next: उद्योजक व्हा... : कामगार ते उद्योजक

≪ Previous: आर्ट कॉलेजमध्ये कंत्राटी शिक्षक रुजू

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठ प्रशासन नोव्हेंबरमध्ये होत असलेल्या इंद्रधनुष्य महोत्सवाबाबत मनमानी भूमिका घेत असल्याने, याप्रकरणी राज्यपालांनी लक्ष द्यावे, अशी मागणी विद्यार्थ्यांनी केली आहे. याबाबत विद्यार्थ्यांनी निवेदन दिले आहे.
विद्यापीठाने १९ ते २१ सप्टेंबरदरम्यान केंद्रीय युवक महोत्सव घेतला, २५ लाख रुपये खर्च करून घेतलेल्या या महोत्सवात नियोजनाचा अभाव होता. आता ‘इंद्रधनुष्य’बाबतही प्रशासनाची भूमिका मनमानी आहे. बरखास्त झालेल्या अधिकार मंडळातील सदस्यांना नियोजन समितीत घेऊन प्रशासनाने राज्यपालांच्या आदेशाचे उल्लंघन केल्याचे निवेदनात म्हटले आहे.
राजभवनाद्वारे घेतल्या जाणाऱ्या राज्यस्तरीय युवक महोत्सव सोहळ्याच्या स्वागताध्यक्षपदी लोकप्रतिनिधी, राजपत्रित अधिकारी, विद्यापीठ व विद्यापीठाशी संलग्नित महाविद्यालयातील प्राध्यापक, कर्मचारी, विद्यार्थ्यांमधून स्वागताध्यक्ष असावे. विद्यापीठाशी काहीही संबंध नसलेल्यांना स्वागताध्यक्ष करू नये, असेही निवेदनात म्हटले आहे.

मोबाइल अॅप डाउनलोड करा आणि राहा अपडेट

उद्योजक व्हा... : कामगार ते उद्योजक

October 25, 2016, 2:30 pm

≫ Next: ‘एमआयएम’ पालिकांच्या रिंगणात

≪ Previous: ‘इंद्रधनुष्य’ आयोजनाला विद्यार्थ्यांनी घेतला आक्षेप

$

0

0

dhananjay.kulkarni@timesgroup.com
Tweet : @dhananjaykMT
अर्जुन गायकवाड वैजापूर तालुक्यातील गायकवाड वाडीतील रहिवासी. आई जिजाबाई रोजगार हमी योजनेवर कामगार, वडील भाऊलाल गायकवाड हेही कामगार आणि भरड शेतीचे मालक. दोघेही निरक्षर, पण दोघांनीही आपल्या मुलांना त्यांच्यापरीने जेवढे शिकवता येईल तेवढे शिकवले. किंबहुना शिका, प्रगती करा आणि संघर्षातून आपले अस्तित्व निर्माण करा हे बाळकडू पाजले. गायकवाड यांना दोन भाऊ व एक बहिण. स्वत: अर्जुन गायकवाड यांचे शिक्षण फक्त बारावी, आयटीआय. घरची परिस्थिती फारच बिकट, भरड जमिनीत काहीही उत्पन्न यायचे नाही. वडिलांना अल्सरचा त्रास. आईची संसार सांभाळत मुलांना वाढवण्याचीही जबाबदारी. ही परिस्थिती पाहून मुलांनीही कष्ट करण्यास सुरुवात केली. सणावारांना नवे कपडे सोडा रोजच्याच जगण्याची भ्रांत गायकवाड कुटुंबाला होती. कधी मोठ्या भावाने वापरलेला शर्ट वापरायचा, कधी कोणी इतरांनी दिलेला शर्ट वापरायचा. काम केले नाही, तर चुलच पेटतन नसे. अशा दररोजच्या जगण्याच्या लढाईत पोटाला चिमटा काढत मुलांना आयटीआय व इतर शिक्षण दिले. मुलाला वैजापूरहून औरंगाबादला शिक्षण आणि कामधंद्याला पाठवले. अर्जुनसह मोठे भाऊ अशोक व मधले भाऊ थोडेफार शिकले. मधल्या भावाने शेतीवर लक्ष केंद्रित करण्याचे ठरवले. मोठे भाऊ आधी औरंगाबादला आले, नोकरी स्वीकारली. मग अर्जुन १९९१मध्ये औरंगाबादला आले. १९९३मध्ये आयटीआय पूर्ण करताना ज्येष्ठ उद्योजक अर्जुन गायके यांच्या कंपनीने गव्हर्नमेंट आयटीआयच्या विद्यार्थ्यांना शिष्यवृत्ती दिली. प्रात्यक्षिक आणि प्रत्यक्ष कारखान्यातील कामकाजाचा अनुभव यावा यासाठी काम दिले होते. त्या काळी ५०० ते ६०० रुपये शिष्यवृत्ती मिळाली होती. आयटीआय झाल्यावर १९९४मध्ये ड्रॅगरगर फोर्स, बजाज ऑटो, शांती इंजिनीअर्स, औरंगाबाद इलेक्ट्रिकल्स या कंपन्यांमध्ये काम केले. बजाजला एक चुकीमुळे काम गमवावे लागले. त्यानंतर औरंगाबाद इलेक्ट्रिकल्समध्ये दीड वर्षे काम केले. त्यानंतर शांती इंजिनीअर्समध्ये काम करायला सुरुवात केली. १९९५ ते १९९९पर्यंत सगळे सुरळीत चालले. त्यावेळी पगार फक्त आठ हजार ते साडेहजार रुपये होता. शांती इंजिनीअर्समध्ये असताना अर्चना यांच्याशी विवाह झाला. लग्नासाठी आठ-दहा दिवस सुटी घेतल्याने पगार कापला गेला. मग तडकाफडकी नोकरीच सोडून दिली. अर्जुन गायकेंच्या कंपनीत काम करताना स्वत:चाही उद्योग असावा हे पाहिलेले स्वप्नच पूर्ण करण्याचा त्यांनी ध्यास घेतला. त्यादरम्यान वडिलांचे निधन झाले. आई, मोठा भाऊ, बायको यांना नोकरी सोडल्याचे सांगून स्वत:ची कंपनीच स्थापन करणार असल्याचे बोलून दाखवले. सगळ्यांनी विरोध केला. घरच्या लोकांनी समजून सांगत, ‘नोकरीच कर,’ म्हणून हेका लावला, परंतु त्यांचे न ऐकता तडक, ‘वैजापूरला असलेले घर विकतो,’ असे सांगून अर्जुन गायकवाड मोकळे झाले. नुसतेच विचार मांडून मोकळे झाले नाही, तर त्यावर अंमलबजावणी केली. दीड लाख रुपये जमले, ते घेऊन मुंबई गाठली. दोन मशीन घेऊन आले. टुल रूम आणि कटरच्या मशीनला बसवायच्या कुठे, असा प्रश्न होता. वाळुजला दुकान भाड्याने घेऊन तेथे मशीन बसवल्या आणि कामाला सुरुवात केली. पत्नी अर्चना, आई यांनी त्यांना साथ दिली. भावाने त्या काळी ३५ हजारांची मदत केली. त्या तिघांनी दिलेली ही साथ आजही कायम आहे. पाच वर्षे टूल रूम, सीएनसी जॉब, डाय कास्टिंग, फिक्चर, कोअर पिन आणि स्लीव्हच्या निर्मितीसह वाहन उद्योगासाठी लागणारे छोटे-मोठे पार्ट तयार करण्यास सुरुवात केली. आयटीआयमधील वाघसर यांनी शिकवले होते, ‘आयटीआय झाले की व स्वत:ची कंपनी स्थापन केली, तर पाच वर्षे जीव टाकून काम करा. मग पुढील ‌आयुष्याची तीच शिदोरी ठरेल,’ यावर काटेकोर अंमलबजावणी केली. अरुण अत्तरदे यांच्याकडून मिळालेली शिकवणूक वागणूक आणि धंद्याचे कसब यामुळे खूप काही आयषु्यात करता आले, असे अर्जुन आवर्जून नोंदवतात. दुकानाचे रुपांतर कारखान्यात झाले. त्यांच्या कारखान्यातून व्हेरॉक, एन्ड्युरन्स यांच्यासारख्या मोठ्या कंपन्यांना माल जाऊ लागला. उत्पादनातील गुणवत्ता आणि संख्यात्मकदृष्ट्या केलेली प्रगती पाहून बजाज कंपनीकडून व्हेंडरशिपसाठी ऑफर आली. बिझनेस वाढला. आईच्या नावाने सुरू केलेली जिजाई इंडस्ट्रिजची पूनम इंडस्ट्रिज आणि कोअर टेक औरंगाबाद प्रायव्हेट लिमिटेड या दोन कंपन्यांत विस्तारीकरण झाले. १ दुकानाचे रुपांतर तीन कंपन्यात व वाळूजमधील १० हजार चौरस फूट जागेत झाले. बजाजनगरला स्वत:चे घर झाले. उलाढाल १ लाखाहून २ कोटींपर्यंत पोहचली. बँक ऑफ महाराष्ट्र खंबीरपणे पाठिशी उभी राहिली, यातून प्रगतीचा आलेख उंचावत गेला. आज ५० जणांना रोजगार देणारे अर्जुन गायकवाड एक प्रतिथयश उद्योजक झाले आहे. कमी शिकलेला आणि कामगाराचा मुलगा आज उद्योजक होऊन अनेकांना रोजगार देऊ लागला आहे. कधी काळी तीन-तीन दिवस उपाशी राहत केवळ एका भाकरी-भाजीवर जगणारे अर्जुन गायकवाड आज गव्हर्नमेंट आयटीआयच्या विद्यार्थ्यांना त्यांच्या कंपनीत अनुभवासाठी बोलावून आणि त्यांना शिष्यवृत्ती देऊ लागले आहेत. गेल्या १६ वर्षांत सुमारे ५४०हून अधिक जणांना त्यांनी कामाचा प्रत्यक्ष अनुभव दिला आहे. अनेकांना ‌वाळूजसह शहरातील विविध एमआयडीसीत कामे दिली आहेत. भविष्यात कोअर टेक कंपनीसह सर्वच कंपन्यांना अत्याधुनिक करत उद्योग वाढवण्याचा त्यांचा मनसुबा अाहे. ते म्हणतात, ‘काम सचोटी आणि मेहनतीने करत गेलो, तनमनधन लावून उद्योग उभारला यश आपोआप आले दैवापेक्षा स्वत:च्या मनगटावर व कर्तृत्वावर विश्वास बाळगला म्हणून आज तीन कंपन्यांचा मालक झालो.’ मेहनतच करा त्याशिवाय यश नाहीच कुठलाच शॉर्टकट नाही, हे ते स्पष्टपणे सांगतात.

नामांकित कंपन्यांची व्हेंडरशिप
अर्जुन गायकवाड यांच्या कंपन्यांची उत्पादने बजाज, व्हेरॉक, एन्ड्युरन्स, यासारख्या ‌किमान ६०हून अधिक कंपन्यांना पुरविली जातात. नगर, नाशिक, पुणे, मुंबईसह बाहेरच्या राज्यांतील काही कंपन्यांनाही ते माल पुरवितात. त्यात चेन्नई, बंगळुरू आदी शहरांचा समावेश आहे.

कसोटीच्या क्षणांना परीक्षा
संघर्षात कधी नैराश्य आले नाही. पत्नीने दिलेली साथ, आई-भावांनी दिलेले आशीर्वाद आणि स्वत:वर असलेला विश्वास, हेच माझे पाठबळ राहिले आहे. कायम सर्वांकडून मदत मिळत गेली. त्यांचा माझ्यावर असलेला विश्वास आणि माझे काम कारणीभूत होते. कसोटीच्या क्षणांना लागलेला कस कायम यशाची वाटचाल सुकर करत गेला. यामुळे मी समाधानी आहे, असे अर्जुन गायकवाड सांगतात.

मोबाइल अॅप डाउनलोड करा आणि राहा अपडेट

‘एमआयएम’ पालिकांच्या रिंगणात

October 25, 2016, 2:30 pm

≫ Next: ऐतिहासिक मकबरा परिसर ‘सायलेन्स झोन’

≪ Previous: उद्योजक व्हा... : कामगार ते उद्योजक

$

0

0

म. टा. प्रतिनिधी, औरंगाबाद

मराठवाड्यातील ६० नगरपालिका आणि चार नगरपरिषद अध्यक्षांच्या आगामी निवडणुकीसाठी ‘ऑल इंडिया मजलिसे इत्तेहादुल मुस्लिमीन’कडून (एमआयएम) उमेदवार देण्यात येणार आहेत. मराठवाड्यात धारूर नगरपालिका वगळता, अन्य ‌सर्व जागांवर पक्षाचे उमेदवार दिले जाणार आहे.

पक्षाच्या उमेदवारांच्या प्रचारासाठी खासदार असदुद्दीन ओवेसी यांच्या सभा आयोजन करण्यात येणार असल्याची माहिती ‘एमआयएम’चे नेते डॉ. गफ्फार कादरी यांनी दिली.

राज्यात नगरपालिका आणि नगरपरिषदेच्या स्थानिक निवडणुकीचा कार्यक्रम घोषित करण्यात आला आहे. नगरपालिकांसाठी तीन टप्प्यांत मतदान होईल.

मराठवाड्यातील जालना, बीड, परभणी आणि उस्मानाबाद येथील नगराध्यक्ष आणि नगरपालिकेच्या जागांवर ‘एमआयएम’चे उमेदवार देण्यात येतील. मराठवाड्यातील चार नगरपालिकांसह औरंगाबाद जिल्ह्यामध्ये वैजापूर, गंगापूर, कन्नड, पैठण, गंगापूर, खुलताबाद नगरपालिका निवडणुकीत पक्षाकडून उमेदवार देण्यात येणार आहेत. औरंगाबाद जिल्ह्यातील नगरपालिकेच्या निवडणुकीसाठी पक्षाकडून उमेदवारी देण्यासाठी अर्ज विक्रीला प्रारंभ करण्यात येणार आहे. जिल्ह्यातील नगरपालिकांच्या जागांसाठी इच्छुक उमेदवार पक्षाकडून उमेदवारी मिळविण्यासाठी स्थानिक पक्षाच्या पदाधिकाऱ्यांकडून अर्ज घेतील आणि दहा नोव्हेंबरच्या आत पक्षाकडे सादर होतील, अशी माहिती डॉ. कादरी यांनी दिली.

मराठवाड्यातील नगर पालिकेच्या तीन टप्प्यांत होणाऱ्या निवडणुकीत पक्षाच्या प्रचारासाठी पक्षप्रमुख खासदार असदुद्दीन ओवेसी, आमदार अकबरूद्दीन ओवेसी यांच्या सभांचेही आयोजन करण्यात येणार आहे. याशिवाय राज्यातील दोन्ही आमदार तसेच पक्षाचे नगरसेवक आणि पदाधिकारी यांच्याही कॉर्नर बैठका तसेच पदयात्रांचे नियोजन करण्यात आल्याचे त्यांनी सांगितले. या वेळी महापालिका विरोधी पक्ष नेते अयुब जहागिरदार, गटनेते नासेर खान, नगरसेवक गंगाधर ढगे, ‘एमआयएम’चे अरुण बोर्डे, आरेफ नसिम खान यांच्यासह अन्य काही जण उपस्थित होते.

‘जय मीम, जय भीम’चा नारा

नगरपालिकेच्या निवडणुकीत दलित आणि मुस्लिम भागातील विकास हा प्रमुख मुद्दा असणार आहे. दलित आणि मुसलमानांना सत्तेत वाटा मिळावा, यासाठी ‘जय मीम, जय भीम’चा नारा घेऊन, ‘एमआयएम’ नगरपालिकेच्या निवडणुकीत उतरणार असल्याचे डॉ. गफ्फार कादरी यांनी सांगितले.

उमेदवार निवडीची त्रिसूत्री

उमेदवार पक्षाशी निष्ठावंत असावा, निवडणून येण्याची ताकद असावी, दलित-मुस्लिम समाजासह अन्य समाजामध्ये उमेदवाराचा दांडगा जनसंपर्क असावा, असे तीन नियम उमेदवार निवडीसाठी नियम तयार केले असल्याची माहिती डॉ. कादरी यांनी दिले.

मोबाइल अॅप डाउनलोड करा आणि राहा अपडेट