डॉ. बाबासाहेब आंबेडकर मराठवाडा विद्यापीठात १४वा ‘इंद्रधनुष्य’ युवक महोत्सव ५ नोव्हेंबरपासून सुरू होत आहे. महोत्सवासाठी चार रंगमंच सजले असून, विद्यार्थी कलावंताच्या सोयीसाठी ‘मोबाइल अॅप’ही विकसित करण्यात आला आहे. निवासव्यवस्था, रंगमंचस्थळी भेट देत, महोत्सवाच्या तयारीचा कुलगुरूंनी गुरुवारी आढावा घेतला. त्यानंतर पत्रकारांना माहिती दिली.
महोत्सवासाठी सोशल मीडियाचा प्रभावी वापर करण्यावर भर देण्यात आला आहे. मोबाइल अॅप, वेबसाइटवर नोंदणीसह विविध ३१ समित्या तयार करून जबाबदारी विभागण्यात आली आहे. २० विद्यापीठातील ८०० विद्यार्थी कलावंत सहभागी होणार असून, शुक्रवारपासून संघांचे आगमन होणार आहे. विविध २४ कलाप्रकारांमध्ये कलावंत आपली कला सादर करणार आहेत. चार व्यासपीठाची उभारणी करण्यात आली आहे. महोत्सवाची तयारी अंतिम टप्प्यात असून, त्याची प्रशासनाकडून गुरुवारी पाहणी करण्यात आली. पत्रकार परिषदेला स्वागताध्यक्ष प्रा. गजानन सानप, डॉ. वाल्मिक सरवदे, डॉ. सय्यद अझरुद्दीन, डॉ. सुयोग अमृतराव, डॉ. सुहास मोराळे यांची उपस्थिती होती.
कुलगुरू ‘नॅक’साठी दौऱ्यावर
महोत्सवादरम्यान कुलगुरू डॉ. बी. ए. चोपडे ‘नॅक’साठी बाहेर राज्याच्या दौऱ्यावर आहेत. उद्घाटन कार्यक्रमानंतर दुसऱ्या दिवशीपासून ते संपेपर्यंत कुलगुरू महोत्सवात उपस्थित राहणार नाहीत. ‘नॅक’च्या समितीवर असल्याने समारोपाच्या कार्यक्रमाला उपस्थित राहणार नसल्याचे कुलगुरूंनी सांगितले.
आठ वर्षांनंतर विद्यापीठाला यजमानपदाची संधी मिळाली आहे. आपली तयारी उत्तम झाली असून, महोत्सवासाठी अधिकाधिक तंत्रज्ञानाचा वापर करणारे आपले पहिले विद्यापीठ ठरणार आहे.
- डॉ. बी. ए. चोपडे,कुलगुरू, डॉ. बाबासाहेब आंबेडकर मराठवाडा विद्यापीठ.
महोत्सवातील कार्यक्रम
शनिवार
- लोकवाद्य वृंद (स्टेज १, सायंकाळी ७)
- प्रश्नमंजुषा लेखी’ (स्टेज ३, सायंकाळी ७)
रविवार
- स्टेज १.. - मूक अभिनय (सकाळी ९)
- प्रहसन (सकाळी ११)
- लोक, आदिवासी नृत्य (दुपारी ३.३०)
- एकांकिका (रात्री ८)
- स्टेज २... सुगम गायन पाश्चात्य (सकाळी १०)
- शास्त्रीय तालवाद्य (दुपारी २.३०)
- स्टेज ३.. वादविवाद (सकाळी १०)
- प्रश्नमंजुषा तोंडी (दुपारी २.३०)
- स्टेज ४.. ऑन द स्पॉट पेंट‌िंग(सकाळी १०)
- कोलाज (दुपारी २)
- व्यंगचित्रकला ( सायंकाळी ५)
सोमवार
- स्टेज १.... शास्त्रीय नृत्य(सकाळी १०)
- समूह गायन पाश्चात्य (दुपारी ३)
- एकांकिका (सायंकाळी ७.३०)
- स्टेज २... शास्त्रीय सुरवाद्य (दुपारी २)
- शास्त्रीय गायन (सायंकाळी ६)
- स्टेज ३... वक्तृत्त्व (सकाळी १०)
- स्टेज ४... पोस्टर (सकाळी १०)
- मृदमूर्तीकला (दुपारी २)
मंगळवार
- स्टेज १...समूह गायन भारतीय (सकाळी ९)
- एकांकिका (दुपारी २)
- स्टेज २.. मिमिक्री (सकाळी १०)
- सुगम गायन भारतीय (सायंकाळी ५)
- स्टेज ४.. रांगोळी (सकाळी ११)
- स्पॉट फोटोग्राफी (दुपारी २)
मोबाइल अॅप डाउनलोड करा आणि राहा अपडेट
