अॅट्रॉसिटी विरोधकांना मतदान नाही

November 4, 2016, 2:30 pm

≫ Next: स्पर्धेकडे व्यापक दृष्टीने बघा

≪ Previous: शहरात निळी लाट

$

0

0

म. टा. प्रतिनिधी, औरंगाबाद
अॅट्रॉसिटी कायद्याचे समर्थन ही काळाची गरज अाहे. देशासह राज्यातही दलितांवर मोठ्या प्रमाणावर अत्याचार सुरू आहेत. अॅट्रॉसिटी कायद्याच्या विरोधात असतील, मग ते राष्ट्रवादी काँग्रेस असो, की शिवसेना-भाजप, त्यांना मतदान करणार नाही, असा सूर तरुणींच्या मनोगतामध्ये होता.
क्रांतिचौक येथून निघालेला बहुजन क्रांती मूकमोर्चा सुमारे दोन वाजता आमखास येथील मैदानावर आला. यानंतर प्रतीक्षा वाकेकर, शाहीन शेख, अपूर्वा दांडगे, मयुरी दाभाडे, मनिषा वाघमारे, रोहिणी खरात, शुभांगी बनकर यांनी विविध विषयांवर आपले मनोगत व्यक्त केले. कविता हिवराळे यांनी मागण्यांच्या निवेदनाचे वाचन केले.
यावेळी मयुरी दाभाडे म्हणाल्या की, जातीयवाद पुन्हा एकदा निर्माण झाला आहे. देशात स्वातंत्र्य, समता आणि बंधुता नाही. काही दिवसांपूर्वी मराठा समाजाचा मोर्चा काढण्यात आला. या मोर्चामध्ये राष्ट्रवादी काँग्रेसने महाविद्यालये बंद ठेऊन मोर्चामध्ये सहभाग नोंदवला. शिवसेना, भाजप, काँग्रेस हे पक्षही या मोर्चात सहभागी झाले. आम्हाला अॅट्रॉसिटीचा अधिकार राज्य घटनेने दिला आहे. हा आमचा हक्का अाहे.
प्रतिक्षा वाकेकर यांनी खैरलांजी, सोनई, खेर्डा यातील आरोपींना फाशी केव्हा मिळणार, असा सवाल केला. देश स्वतंत्र झाला, मात्र आजही समानतेची वागणूक मिळत नाही. आता अत्याचार सहन करणार नाही म्हणून आम्ही रस्त्यावर उतरलो आहोत. दलितांवर मोठ्या प्रमाणावर अत्याचार होत आहेत. ही परिस्थिती भयावह असल्याचे त्यांनी सांगत शासनाने मूकमोर्चाच्या वेदना समजून घेण्याची विनंती केली.
अपूर्वा दांडगे यांनी अॅट्रॉसिटी कायद्याला मराठा समाज का विरोध करत आहे, असा सवाल करत कोपर्डी घटनेचा निषेध केला. शहरी व ग्रामीण भागात परिस्थिती वेगळी असल्याचे सांगितले.
यावेळी शाहीन शेख यांनी, सर्व बहुजनांनी ही लढाई एकत्र लढली पाहिजे, असे सांगितले. आज आदिवासींना जंगलात मारले जाते. मुस्लिमांना दहशतवादी ठरवून मारण्यात येत आहे. मुस्लिम समाजाची अवस्था दलितांपेक्षाही वाईट आहे, असे सच्चर समितीने दिलेल्या अहवालात म्हटले आहे. समितीच्या सूचना मान्य कराव्या, असे सांगत आज सरकारी नोकऱ्यांमध्ये मुस्लिमांचे प्रमाण अत्यल्प असल्याचे त्यांनी सांगितले.
यावेळी मनिषा वाघमारे, शुभांगी बनकर, कविता हिवराळे यांनीही मनोगत मांडले. रोहिणी खरात यांनी आभार मानले. कार्यक्रमाचा शेवट राष्ट्रगीताने करण्यात आला.


‘अॅट्रॉसिटी’ कायद्याला हात लावू देणार नाही
महिलांवरील वाढते अत्याचार रोखण्यासाठी कडक कायदा करावा, कोपर्डी घटनेतील आरोपींना फाशीची शिक्षा देण्यात यावी, ओबीसींची जातवार जनगणना करून लोकसंख्येच्या प्रमाणात आरक्षण देण्यात यावे, भटके विमुक्त जाती-जमातींना अॅट्रॉसिटीच्या कायद्याचे संरक्षण देण्यात यावे, यांसह विविध मागण्या पूर्ण होण्यासाठी आम्ही हा मोर्चा काढला आहे. आमचा कुठल्याही जाती-पातीला विरोध नाही.
- राहुल वडमुळे

अॅट्रॉसिटी अॅक्टचा गैरवापर करून खोटे गुन्हे दाखल करत आहेत, त्यांच्यावर गुन्हा दाखल करावे, मुस्लिम समाजासाठी आरक्षणासोबत सच्चर कमिशन लागू करण्यात यावे, मागासवर्गीय विद्यार्थ्यांच्या शिष्यवृत्तीत वाढ करण्यात यावी, अल्पसंख्याक समुदायासाठी कम्युनल राइट प्रोटेक्शन अॅक्ट बनविण्यात यावा, यासाठी आम्ही या मोर्चात सहभागी झालो आहोत.
- प्राची ढगे

अॅट्रॉसिटी रद्द करू नये, यासह विविध मागण्यांसाठी आम्ही मोर्च्यात सहभागी झालो आहोत. अॅट्रॉसिटी कायद्याला हात लावू दिला जाणार नाही, या कायद्यातील एक शब्दही इकडचा तिकडे होऊ देणार नाही, अॅट्रॉसिटीची भीती वाटत असेल, तर आमच्यावरील अन्याय-अत्याचार आधी थांबवा, अॅट्रॉसिटी कायद्यात बदल वा रद्दही होऊ देणार नाही, उलट, हा कायदा अधिक कडक करावा, अशा आमच्या मागण्या आहेत. - अभिजित पारधे

मोर्चात सहभागी होत असलेल्या आमच्या सहकारी व मित्रांच्या समर्थनार्थ आम्ही आलो आहोत. मोर्चेकरी आणि बहुजनांच्या मागण्यांना आमचा पाठिंबा आहे. आमच्या कॉलेजमधील बहुतांश विद्यार्थी या मोर्चात सहभागी झाले आहेत.
- रोहित सावंत

अॅट्रॉसिटीच्या समर्थनार्थ आम्ही या मोर्चात सहभागी झालो आहोत. विविध मागण्यांसाठी हा मोर्चा आहे. यातून आमच्या मागण्या मान्य व्हाव्यात, असे वाटते. आमचा कुठल्याही जाती-पातीला विरोध नाही.
- सागर सहस्रबुद्धे

आम्ही या विराट मोर्चात सहभाही झालो आहोत ते फक्त समर्थनार्थ. आमच्या मागण्या योग्य. आमची लढाई कुठल्याही जाती-पाती विरोधातील नाही. मूक मोर्चातून बहुजनांमधील एक‌जूट दिसून आली आहे.
- श्रीकांत नरवडे

अॅट्रॉसिटी कायदा कडक झाला पाहिजे. त्यात बदल होऊ नयेत, यांसह विविध मागण्यांचे निवेदन आम्ही आयुक्तांना देणार आहोत. महिलांनी यात मोठ्या संख्येने सहभाग नोंदवला आहे.
- प्रवीण अंभोरे

अॅट्रॉसिटी कायद्याची कडक अमंलबजावणी करा, बलात्कार करणाऱ्यांना कठोर शिक्षा करा, मराठा समाजाला ओबीसी प्रवर्गात सहभागी करून घेऊ नये, मराठा समाजाच्या आरक्षणाचा प्रश्न स्वतंत्रपणे सोडवावा, मुस्लिम समाजास ५ टक्के आरक्षण देण्यात यावे, यांसह विविध मागण्यांसाठी हा मोर्चा आहे. याला समर्थनार्थ आम्ही या मोर्च्यात सहभागी झालो आहोत.
- प्रशांत दांडगे

अॅट्रॉसिटी कायदा रद्द करू नये, अनुसूचित जाती-जमातीच्या शिष्यवृतीत महागाई निर्देशांकानुसार वाढ करावी आदी मागण्यांसाठी दलित, अदिवासी, भटके-विमुक्त, ओबीसी आणि मुस्लिम समाज एकत्र आला आहे. आमच्या कॉलेजमधील मुलांनीही यात सहभग घेतला आहे. त्याला समर्थन करण्यासाठी आम्ही या मोर्चात सामिल झालो आहोत.
- सुमेध दातार

अॅट्रॉसिटी कायदा रद्द करण्याची काहीच गरज नाही. या कायद्याच्या समर्थनार्थ हा मोर्चा झाला. आम्ही कोणत्याही जातीयवादी शक्तीला विरोध करत नाही, करणार नाही. आमच्या हक्कासाठी आम्ही यापुढेही सतत लढत राहू.
- राजू मोरे

आम्ही जातीपातीला विरोध करण्यासाठी आजच्या मोर्चात सहभागी झालो नाही. अॅट्रॉसिटीत बदल करण्याचा घाट घातला जात आहे. त्याला आमचा विरोध आहे. आम्हाला आमच्या अस्तित्वाच्या लढाईसाठी हा कायदा हवा आहे.
- प्र‌ीतम वाघमारे

बहुजन समाजातील अनुसूचित जाती-जमाती, भटके विमुक्त जाती-जमाती, ओबीसी, मुस्लिम, ख्रिश्चन, बौद्ध, आदी समाजबांधवांच्या एकजुटीचे दर्शन येथे घडले. अॅट्रॉसिटी कायद्याची सरकारने कडक अंमलबजावणी केली पाहिजे.
- रमाकांत हिवराळे

अॅट्रॉसिटी कायद्यात कोणताही बदल होऊ दिला जाणार नाही. तो रद्दही करू देणार नाही. हा कायदा अधिक कडक करावा. कायद्याचा गैरवापर करणाऱ्यावरही कडक कारवाई करावी, याच मागणीसाठी महिला मोर्चात सहभागी झाल्या.
- अंजली नागरे

आम्हाला अॅट्रॉसिटी कायदा हवा आहे. या कायद्यात थोडाही बदल करू देणार नाही. तो रद्द करणे तर खूप दूर गोष्ट. यासह इतरही विविध मागण्या आहेत. सरकारने त्या तातडीने पूर्ण कराव्यात. अॅट्रॉसिटी कायद्याबाबत आश्वासन द्यावे.
- शोभा सूर्यवंशी

माझे वय ८० आहे. मी या मोर्चात स्वत:हून सहभागी झाले. हक्कासाठी, न्यायासाठी हा लढा आहे. या मोर्चाचा आवाज दिल्लीपर्यंत जावा. बहुजनांवरील अन्याय अत्याचार बंद झालेच पाहिजेत. आमच्या मागण्या पूर्ण झाल्याच पाहिजेत.
- रेशमाबाई गिरे

मोबाइल अॅप डाउनलोड करा आणि राहा अपडेट

---

स्पर्धेकडे व्यापक दृष्टीने बघा

November 5, 2016, 2:16 pm

≫ Next: थिंक ग्रीन...लाइव्ह ग्रीन’ची संकल्पना

≪ Previous: अॅट्रॉसिटी विरोधकांना मतदान नाही

$

0

0

म. टा. प्रतिनिधी, औरंगाबाद
‘आपण भारतीय आहोत ही गोष्ट आपल्याला एकत्र आणते. कोणत्याही स्पर्धेत हार-जीत हे ध्येय नसावे. मात्र, स्पर्धेत सहभागी होण्याची जिद्द जरूर असावी. कुणीतरी हरतो म्हणून कुणीतरी जिंकतो. या साध्या गोष्टीकडे व्यापक दृष्टीकोनातून बघा,’ असे प्रतिपादन अभिनेते रझा मुराद यांनी शनिवारी केले. ते इंद्रधनुष्य महोत्सवाचे उदघाटन केल्यानंतर बोलत होते.
राज्यातील वीस विद्यापीठातील विद्यार्थी संघांचा सहभाग असलेल्या इंद्रधनुष्य युवक महोत्सवाचे डॉ. बाबासाहेब आंबेडकर मराठवाडा विद्यापीठातील नाट्यगृहात सकाळी अभिनेते रझा मुराद यांनी उदघाटन केले. यावेळी व्यासपीठावर कुलगुरू डॉ. बी. ए. चोपडे, मुंबई विद्यापीठाचे कुलगुरू डॉ. संजय देशमुख, राष्ट्रसंत तुकडोजी महाराज विद्यापीठाचे कुलगुरू डॉ. सिद्धीविनायक काने, आमदार अतुल सावे, कुलसचिव डॉ. प्रदीप जब्दे, डॉ. सुहास मोराळे, स्वागताध्यक्ष प्रा. गजानन सानप, बीसीयूडी डॉ. सतीश पाटील, समन्वयक पी. एन. पाबरेकर यांची प्रमुख उपस्थिती होती.
दमदार आवाज आणि वैशिष्ट्यपू्र्ण अभिनयासाठी प्रसिद्ध असलेल्या रझा मुराद यांचे भाषण ऐकण्यासाठी विद्यार्थ्यांनी गर्दी केली. शेरोशायरी आणि संवादाचा खुबीने वापर करीत मुराद यांनी विद्यार्थ्यांना मार्गदर्शन केले.
‘फिल्म अँड टेलिव्हिजन इन्स्टिट्यूटमध्ये वरिष्ठांचे काम पाहून काम शिकलो. अभिनयाचे धडे इन्स्टिट्यूटमध्ये गिरवले. तुम्हीसुद्धा अनुभवातून शिका. भारतासारखे सांस्कृतिक वैभव जगात कुठेच नाही. भारतीय सण व उत्सवातील सभ्यता, परंपरा इतरत्र नाहीत. विदेशात वृद्ध आई-बापांना वृद्धाश्रमात पाठवतात. तर आईच्या पायाशी स्वर्ग असल्याची श्रद्धा भारतीय समाजात दिसते. त्यामुळे अनेकदा ‘दवाए काम नही आती, तब दुवाए काम आती है’ याची प्रचिती येते. तुम्ही घेत असलेल्या शिक्षणावर फक्त तुमचा हक्क नाही. गरिबीमुळे शिक्षण घेऊ शकत नसलेल्या प्रत्येकाचा त्याच्यावर हक्क आहे. फळ लगडलेले झाड वाकलेले असते. तुम्हीसुद्धा नम्रता अंगी ठेवून इतरांना मदत करा. ऑलिम्पिक स्पर्धेत पी. व्ही. सिंधू हरली, पण तिने विजेत्या स्पर्धकाची गळाभेट घेऊन शुभेच्छा दिल्या. हा खिलाडूपणा तुम्ही जपा. कुणीतरी हरतो म्हणून कुणीतरी जिंकतो. यशाचा डोलारा एका खांबावर टिकत नाही. क्षमता, कष्ट आणि नशीब या तीन खांबांवर यश अवलंबून असते. नशिबावर फार विसंबून न राहता आपले काम करीत गेल्यास यश मिळते. फक्त ध्येय निश्चित करून काम करा,’ असे मुराद म्हणाले. दरम्यान, यावेळी इंद्रधनुष्य महोत्सवाचे पुस्तक व सीडी, ‘वृत्तसाधना’ अंकाचे मान्यवरांच्या हस्ते प्रकाशन करण्यात आले. या कार्यक्रमाचे प्रास्ताविक डॉ. सुहास मोराळे यांनी केले, तर डॉ. प्रदीप जब्दे यांनी आभार मानले. या कार्यक्रमाचे सूत्रसंचालन महेश अचिंतलवार यांनी केले. यावेळी विद्यार्थी मोठ्या संख्येने उपस्थित होते.

मल्टिस्टारर फिल्म
इंद्रधनुष्य महोत्सवाचा उदघाटन सोहळा भाषणांमुळे खूप लांबला. या धागा पकडत रझा मुराद यांनी भाषणात चिमटे काढले. ‘भाषण करण्यासाठी माझा नंबर कधी लागतो असा प्रश्न पडला, पण साईबाबांच्या श्रद्धा व सबुरी या संदेशावर माझा विश्वास असल्यामुळे बसून राहिलो,’ असे मुराद यांनी म्हणताच हशा उसळला. ‘कार्यक्रमात तीन कुलगुरुंची एकदाच भेट झाली. त्यामुळे मला आज मल्टिस्टारर चित्रपटाची आठवण झाली,’ अशी कोपरखळी मुराद यांनी मारली.

ताली अन् गाली
‘तुमची व माझी आजपर्यंत समोरासमोर भेट झाली नव्हती. तुम्ही मला चित्रपटात चित्रविचित्र भूमिका करताना पाहिले असेल. माझा खलनायक पाहून तुम्ही दिलेली ‘गाली’ माझ्यापर्यंत पोहचली नाही, पण आज कार्यक्रमात वाजवलेली ‘ताली’ मात्र पोहचली,’ असे मुराद यांनी म्हणताच टाळ्यांचा कडकडाट झाला. ‘नवोदित कलाकारांना आपला आवाज आणि शब्दोच्चार सुधारायचे असतील तर मोफत मार्गदर्शन करीन. विद्यापीठाने कार्यशाळा घ्यावी,’ असे मुराद म्हणाले.

मोबाइल अॅप डाउनलोड करा आणि राहा अपडेट

थिंक ग्रीन...लाइव्ह ग्रीन’ची संकल्पना

November 5, 2016, 2:19 pm

≫ Next: बेशिस्त खपवून घेणार नाही

≪ Previous: स्पर्धेकडे व्यापक दृष्टीने बघा

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठातील ‘इंद्रधनुष्य’ महोत्सव ‘थिंक ग्रीन...लाइव्ह ग्रीन’ या संकल्पनेवर आधारला आहे. त्या दृष्टिकोनातून उदघाटन सोहळा, भोजनकक्ष, निवासस्थानी विशेष लक्ष दिले जात आहे. पाणी पिण्यासाठी प्लास्टिकचा ग्लासचा वापर टाळत, स्टिल किंवा कागदी ग्लासचा वापर अशा साध्या-साध्या गोष्टीतून ही संकल्पना जोपासली आहे.
राज्यातील विविध विद्यापीठांमधून आलेल्या विद्यार्थी कलावंतांचा उत्साह, जल्लोषात इंद्रधनुष्य महोत्सवाला आजपासून सुरुवात झाली. महोत्सवात ‘थिंक ग्रीन...लाइव्ह ग्रीन’ संकल्पनेनुसार प्लास्टिकचा वापर कमी करण्यावर भर देण्यात आला आहे. उस्मानाबाद येथे झालेला केंद्रीय युवक महोत्सव ‘अंकुर’ किरण आशेचा, वेध आकाशाचा या संकल्पनेवर आधारित होता. शेतकरी विद्यार्थी असलेल्या मुलांना नवी उमेद मिळावी हा त्यामागचा हेतू होता.
पर्यावरणाच्या दृष्टिकोनातून जनजागृती, त्याबाबतची काळजी घेतली जावी हा यंदाच्या महोत्सवामागच्या संकल्पनेचा उद्देश आहे. पिण्याच्या पाण्यासाठी कागदी ग्लासचा वापर, प्रत्येक विद्यार्थी कलावंताला एक पिण्याच्या पाण्याची बाटली देत, महोत्सवानंतर ती बाटली परत करण्याचे आवाहन, असे विविध मार्गदर्शक उपाय, सूचना करण्यात आल्या आहेत.

विद्यार्थी म्हणतात....
इंद्रधनुष्य महोत्सवातील सहभागाचे माझे तिसरे वर्ष आहे. येथील आयोजन, निवासाची व्यवस्था उत्तम आहे. विविध कलाप्रकारांच्या सादरीकरणासाठीचा आमचा सराव सुरू आहे. गतवर्षी आम्ही विजेतेपद पटकाविले होते. यंदाही जय्यत तयारी करत आहोत. - ऐश्वर्या परदेशी, एसएनडिटी विद्यापीठ, मुंबई

आमच्या विद्यापीठाचे यंदाचे हे शंभरावे वर्ष आहे. इंद्रधनुष्यमध्ये चांगले यश मिळवित, पारितोषिकांच्या रुपात विद्यापीठाला ग्रीफ्ट द्यायचे आहे. त्यासाठी आमची तयारीही उत्तम झाली आहे. संघातील प्रत्येकजण दिलेली जबाबदारी चांगल्यारितीने पार पाडतो आहे. - अक्षदा सुर्वे, एसएनडिटी विद्यापीठ, मुंबई

आमचा संघ प्रथमच इंद्रधनुष्यला सामोरा जात आहे. त्यामुळे आम्हाला उत्सुकता मोठी आहे. विविध कलाप्रकातील आमची तयारी चांगली आहे. चांगल्या सादरीकरणासाठी आमचा संघ सज्ज आहे. - शुभांगी अत्राम, गोंडवाना विद्यापीठ, गडचिरोली

स्पर्धेतील माझा सहभाग पहिलाच आहे. त्यामुळे महोत्सवाची उत्सुकता मोठी आहे. येथे नियोजनही चांगल्या प्रकारचे आहे. मी मूक अभियनात माझ्या कलेचे सादरीकरण करणार आहे. त्यासाठीचा सराव ही सुरू आहे. आमचा संघ चांगले सादरीकरण करेल याची मला खात्री आहे. - शीतल उईके, गोंडवाना विद्यापीठ, गडचिरोली.

आयोजक म्हणतात...
आपल्या विद्यापीठाकडे यजमानपद आहे. आम्ही पाणी समितीत आहोत. विविध संघातून आलेल्या मुलींना स्वच्छ पिण्याचे पाणी उपलब्ध करून देणे, त्यांची काही अडचण असेल तर सोडविणे ही जबाबदारी आम्ही सांभाळतो. पर्यावरणाच्या दृष्टिकोनातून आपण महोत्सवाची थिम ठरवलेली आहे. आलेल्या प्रत्येक संघातील विद्यार्थ्याला मार्गदर्शनातून त्याबाबत अवगत करत आहोत. - विभावरी बस्ते

‘इंद्रधनुष्य-१६’ची ‘थिंक ग्रीन...लाइव्ह ग्रीन’ ही थीम आहे. त्यानुसार आलेल्या संघातील विद्यार्थ्यांनी वागावे यावर आमचे लक्ष आहे. त्यांना मार्गदर्शन करणे, त्यांना काही अडचणी असतील, त्या सोडविणे यावर आमचा भर आहे. - प्रतिभा खोडके

इंद्रधनुष्यसाठी वीस विद्यापीठातून संघ आलेले आहेत. संघातील मुलींच्या निवासाची आपण व्यवस्था चांगल्या प्रकारे केली आहे. नवीन वसतिगृहात निवासाची व्यवस्था करण्यात आली आहे. जेथे अत्याधुनिक सुविधा मुलींना उपलब्ध आहेत. ‘थिंक ग्रीन...लाइव्ह ग्रीन’ या संकल्पेनवर महोत्सव आधारित आहे. त्यानुसार पिण्याच्या पाण्याची नासाडी होणार नाही, पिण्याच्या पाण्यासाठी प्लास्टिकचा ग्लासाचा वापर होणार नाही, याची खबरदारी आम्ही घेत आहोत. - एस. ए. चावरे

मोबाइल अॅप डाउनलोड करा आणि राहा अपडेट

बेशिस्त खपवून घेणार नाही

November 5, 2016, 2:30 pm

≫ Next: बोरगडी रस्त्याबाबत साधला मुख्यमंत्र्यांशी संवाद

≪ Previous: थिंक ग्रीन...लाइव्ह ग्रीन’ची संकल्पना

$

0

0

जिल्हा संपर्कप्रमुख गौरीष शानबाग यांचा इशारा
म. टा. प्रतिनिधी, उस्मानाबाद
शिवसेना पक्षप्रमुख उद्धव ठाकरे यांनी दिलेल्या उमेदवाराला साथ देत शिवसैनिकांनी उस्मानाबाद नगरपालिकेवर भगवा फडकाविण्यासाठी सज्ज रहावे. पक्षात बेशिस्तीला वाव नाही, गैरवर्तन करणाऱ्या विरोधात शिस्तभंगाची कारवाई केली जाईल, असा इशारा सेनेचे जिल्हा संपर्कप्रमुख शानबाग यांनी यावेळी दिला.
उस्मानाबाद नगरपालिका निवडणूक संदर्भाने आयोजित पदाधिकारी व कार्यकर्त्यांच्या मेळाव्यात ते बोलत होते. यावेळी खासदार रवींद्र गायकवाड, माजी आमदार ओमप्रकाश राजे निंबाळकर, माजी जिल्हाध्यक्ष भारत इंगळे, युवा सेना जिल्हाध्यक्ष सुरज साळुंके, नगराध्यपदाचे उमेदवार मकरंद राजे निंबाळकर, माजी जिल्हाध्यक्ष प्रदीप साळुंके आदींची उपस्थिती होती. जिल्हा सहसंपर्क प्रमुख अनिल खोचरे, जिल्हाध्यक्ष सुधीर पाटील हे पक्षाच्या बैठकीसाठी मुंबईला गेलेले असल्यामुळे या बैठकीला ते उपस्थित नाहीत, असे स्पष्टीकरण यावेळी देण्यात आले.
पक्षाच्या पदाधिकारी व कार्यकर्त्यांमध्ये मतभेद असू शकतात. परंतू एकदा उमेदवारी जाहीर झाली की हे मतभेद संपुष्टात येतात. धनुष्यबाण हा एकच विचार शिवसैनिकांच्या मनात असतो. त्यामुळे पक्षांतर्गत विरोधाला तिलांजली देत सर्वांनी धनुष्यबाणासाठी म्हणून एकदिलाने काम करावे असे आवाहन शानबाग यांनी यावेळी केले.
उस्मानाबाद नगरपालिकेची निवडणूक पक्षाने प्रतिष्ठेची केली आहे. उस्मानाबाद पालिकेवर भगवा फडकविण्याचा चंग शिवसैनिकासह शहरातील नागरिकांनी बांधला आहे. येथील निवडणुकीची संपूर्ण जबाबदारी खासदार रवींद्र गायकवाड आणि माजी आमदार ओमप्रकाश राजेनिंबाळकर यांच्यावर सोपविली असल्याचे त्यांनी स्पष्ट केले.
निवडणुकीच्या वेळी पक्ष हिताबरोबरच उमेदवाराच्या क्षमतेचा विचार केला जातो. त्यानुसारच उस्मानाबाद नगराध्यक्षपदाची उमेदवारी दिलेली आहे. या उमेदवारीसाठी कुणीही कोणाचीही शिफारस केलेली नाही. या अनुषंगाने पक्ष कार्यकर्त्यांनी व पदाधिकाऱ्यांनी कुठल्याही नेतेमंडळीवर आरोप-प्रत्यारोप करू नयेत. पक्षप्रमुखांच्या निर्णयाचा सन्मान करीत शिवसैनिकांनी व पदाधिकाऱ्यांनी एकदिलाने पालिकेवर भगवा ध्वज फडकाविण्यासाठी सज्ज रहावे. जिल्ह्यातील शिवसैनिक धनुष्यबाणाला बेईमान होणार नाही, याची खात्री आहे, असेही शानबाग यांनी स्पष्ट केले.
उस्मानाबाद नगराध्यक्षपदाची उमेदवारी शिवसेनेने निष्ठावान कार्यकर्त्यांना किंवा पदाधिकाऱ्यांना न देता नवख्याला दिली याबद्दल उस्मानाबादचे माजी नगराध्यक्ष व पक्षातील ज्येष्ठ पदाधिकारी प्रदीप साळुंके यांनी खुलेआम तीव्र नाराजी व्यक्त केली. माजी जिल्हाध्यक्ष भारत इंगळे यांनी पक्षनिधीची माहिती बैठकीतून देण्याची मागणी केली. शिवाय पक्ष कार्यकर्त्यांचा राग हा आदरणीय बाळासाहेब ठाकरे, पक्षप्रमुख उद्धव ठाकरे किंवा धनुष्य बाणावर नसावा, असे आवाहन त्यांनी केले. यावेळी खासदार रवींद्र गायकवाड तसेच माजी आमदार ओमप्रकाश राजे निंबाळकर यांनीही उपस्थितांना मार्गदर्शन केले.


११ नोव्हेंबरपूर्वी युतीचा निर्णय
उस्मानाबाद जिल्ह्यात भाजप व शिवसेनेची युती व्हावी यासाठीचे प्रयत्न सुरू आहेत. त्यासंदर्भाने दोन्ही पक्षाच्या नेत्यात चर्च सुरू आहे. या बाबतचा निर्णय ११ नोव्हेंबरपूर्वी होईल, असेही यावेळी स्पष्ट करण्यात आले.

मोबाइल अॅप डाउनलोड करा आणि राहा अपडेट

बोरगडी रस्त्याबाबत साधला मुख्यमंत्र्यांशी संवाद

November 5, 2016, 3:22 pm

≫ Next: ...मन उधाण वाऱ्याचे!

≪ Previous: बेशिस्त खपवून घेणार नाही

$

0

0

म. टा. प्रतिनिधी, नांदेड
हिमायतनगर तालुक्यातील बोरगडी ते बोरगडी तांडावासियांना जोडणारा रस्ता नसल्याने नागरिकांचे हाल होत आहेत. त्यासंदर्भात येथील माजी सरपंच संजय काईतवाड यांनी थेट मुख्यमंत्री देवेंद्र फडणवीस यांच्याशी ऑडिओ ब्रिजद्वारे संवाद साधून प्रश्न उपस्थित केला. त्यामुळे आता या रस्त्याचे भाग्य उजळण्याच्या अशा उंचावल्या आहेत.
शनिवारी मुख्यमंत्री देवेंद्र फडणवीस यांनी नांदेड जिल्ह्यातील सरपंच, उपसरपंच, लोकप्रतिनिधिशी ऑडिओ ब्रिजद्वारे संवाद साधला. या कार्यक्रमांतर्गत नांदेड जिल्ह्यातील हिमायतनगर तालुक्यातील बोरगाडी येथील माजी सरपंच संजय काईतवाड यांनी तहसीलदार गजानन शिंदे यांच्या उपस्थितीत बोरगडी ग्रामपंचायती अंतर्गत येणाऱ्या बोरगाडी तांडा क्रमांक एक व दोन यांना जोडणारा रस्ता हा स्वातंत्र्याच्या काळापासून अद्यापपर्यंत तयार झालेला नाही. हा रस्ता कच्चा असून, रस्त्याची अंदाजे लांबी साडे तीन किलोमीटर आहे. नदीकाठावर असलेल्या या दोन्ही तांड्याना जाण्यासाठी पक्के रास्ता नसल्याने एक हजार वस्तीतील नागरिक व शालेय विद्यार्थ्यांना पावसाळ्यात चिखलातून - उन्हाळ्यात खड्डेमय रस्त्याचा सामना करावा लागत आहे. इतर कोणताही रस्ता या गावकऱ्यांना उपलब्ध नसल्यामुळे दळण-वळणांचाही प्रश्न गंभीर बनला आहे. या समस्येकडे लक्ष देऊन तात्काळ पक्का रस्ता करून द्यावा अशी मागणी ऑडिओ कॉन्फरन्सिंगद्वारे केली. त्यानंतर तहसीलदार गजानन शिंदे, गटविकास अधिकारी विकास कोरेगावे यांनी भेट देऊन रस्त्याच्या दूरवस्थेची पाहणी केली. यावेळी विद्यमान सरपंच शंकर भैरेवाड, उपसरपंच राजू चव्हाण यांच्यासह नागरिकांची उपस्थिती होती.

मोबाइल अॅप डाउनलोड करा आणि राहा अपडेट

...मन उधाण वाऱ्याचे!

November 5, 2016, 2:25 pm

≫ Next: मुलांनाही देशसेवेसाठी सीमेवर पाठविणार

≪ Previous: बोरगडी रस्त्याबाबत साधला मुख्यमंत्र्यांशी संवाद

$

0

0

म. टा. प्रतिनिधी, औरंगाबाद
तरुणाईचा सळसळता उत्साह, जल्लोषाला आलेले उधाण अशा वातावरणात ‘इंद्रधनुष्य’ महोत्सवाला शनिवारपासून सुरुवात झाली. पहिल्या दिवशी देखण्या मिरवणुकीतून विद्यार्थी कलावंतांनी लक्ष वेधले. विद्यापीठ स्तरावरील महोत्सवात अव्वल ठरल्यानंतर आता राज्यस्तरावर यश मिळविण्याची जिद्द घेऊन आलेल्या कलावंतांच्या उत्साहाने विद्यापीठ ओसंडले आहे. चार रंगमंचावर विविध स्पर्धा होणार आहेत. भारतरत्न डॉ. बाबासाहेब आंबेडकर यांचा पूर्णाकृती पुतळा ते विद्यापीठ नाट्यगृहादरम्यान फेरी काढण्यात आली. सामाजिक संदेश देत विद्यार्थ्यांच्या कलेची झलक येथे पहायला मिळाली. ओसंडून वाहणारा उत्साह, जल्लोष अन् फक्त जल्लोषच येथे पहायला मिळाला. विद्यार्थ्यांनी पर्यावरण जनजागृतीचा संदेश दिला, तर काही विद्यार्थ्यांनी राजकारण, पर्यावरण संतुलन, वृक्षांचे महत्त्व, जंगलातील प्राण्यांचे महत्त्व सांगणारे देखावे सादर करत लक्ष वेधले.

‘रक्तदान हेच श्रेष्ठदान’, ‘पर्यावरण का रखे ध्यान’, ‘झाडे लावा झाडे जगवा’, ‘पर्यावरण संतुलन आरोग्यासाठी चांगले असते’, ‘घर असेल साफ, तर सर्व गुन्हे माफ’, ‘परिसर स्वच्छ ठेवाल, तर निरोगी रहाल’ असे संदेश देणारे फलक हाती घेत विद्यार्थी कलावंत मिरवणुकीत सहभागी झाले. ‘प्लास्टिकचा वापर टाळा, पर्यावरणाचा हाणी टाळा’ याबाबतचा देखावा, लोकशाहीत मतदानाचे महत्त्व सांगणारा देखावा तसेच वन्य प्राण्यांची होत असलेली शिकार याबाबतचा सजीव देखाव्याने वाहव्वा मिळविली.

नवीन वसतिगृहात विद्यार्थिनींचा निवास
इंद्रधनुष्य महोत्सवासाठी राज्यभरातील २० विद्यापीठातील ८०० विद्यार्थी कलावंत सहभागी झाले आहेत. महोत्सवासाठी विविध विद्यापीठातील आलेल्या २७९ विद्यार्थिनींच्या निवासाची व्यवस्था नवीन अत्याधुनिक वसतिगृहात करण्यात आली आहे.
आठ वर्षानंतर विद्यापीठाला ‘इंद्रधनुष्य’चे यजमानपद मिळाले आहे. महोत्सवासाठी विद्यार्थी कलावंत, संघप्रमुख, परीक्षक असे सुमारे ११०० पेक्षा अधिकजण विद्यापीठात दाखल झाले आहेत. संघात सहभागी विद्यार्थिनीसाठी विद्यापीठाने निवासाची उत्तम व्यवस्था केली आहे. मुलींसाठी उभारण्यात आलेल्या अत्याधुनिक अशा वसतिगृहात संघातील मुलींच्या निवासाची व्यवस्था करण्यात आली आहे. हे वसतिगृह बांधून उदघाटनाच्या प्रतीक्षेत आहे. अत्याधुनिक सुविधांनी सज्ज असलेल्या या वसतिगृहात निवासाची व्यवस्था झाल्याने राज्यभरातून आलेल्या विद्यार्थिनींनी कौतुक केले. विद्यापीठाच्या पाहुणचाराचे स्वागत करत, विद्यार्थिनींनी आयोजनाबाबत पहिल्या दिवशी धन्यवाद मानले. प्रत्येक विद्यापीठाच्या संघांसाठी स्वतंत्र दालन, रूम देण्यात आल्या आहेत. अपंग विद्यार्थिनींसाठी स्वतंत्र व्यवस्था करण्यात आली आहे.

मोबाइल अॅप डाउनलोड करा आणि राहा अपडेट

मुलांनाही देशसेवेसाठी सीमेवर पाठविणार

November 5, 2016, 10:34 am

≫ Next: चांगले सर्जन बना

≪ Previous: ...मन उधाण वाऱ्याचे!

$

0

0

म. टा. प्रतिनिधी, औरंगाबाद
‘भारतमातेच्या सेवेत असलेले माझे पती शहीद झाले. त्यांच्या मृत्यूचे दुःख विसरून या कार्यक्रमासाठी आले. माझ्या दोन्ही मुलांनाही भारत मातेच्या सेवेसाठी पाठविणार, याची हमी देते. माझे दोन्ही दीर सीमेच्या रक्षणासाठी तैनात आहेत. वीर जवानांना सदैव आठ‍वणीत ठेवा,’ असे हृदयस्पर्शी उद्‍गार निशा चंद्रकांत गलांडे यांनी काढले आणि औरंगाबादकर हेलावले.
उरी सेक्टरमध्ये सप्टेंबरमध्ये झालेल्या भ्याड दहशतवादी हल्ल्यात महाराष्ट्रातील विकास उईके, विकास कुळमेथे, संदीप ठोक, चंद्रकांत गलांडे हे जवान शहीद झाले. आठवडाभरापूर्वी काश्मीर खोऱ्यात नितीन कोळी हा जवान शहीद झाला. सकल जैन समाजाच्या वतीने या शहीदांच्या कुटुंबीयांना आर्थिक मदत देण्यात आली. आचार्य गुप्तीनंदी महाराज, कमलमुनी महाराज यांच्यासह जैनमुनी, साध्वींच्या उपस्थितीत हा कार्यक्रम झाला. अत्यंत नियोजनबद्ध आणि देशभक्तीचा जागर घडविणाऱ्या कार्यक्रमात मातृभूमी ग्रुपच्या वतीने जसवंतसिंह आणि सहकाऱ्यांनी देशभक्तीपर गीते सादर करून उपस्थितांची मने जिंकली. सीमेवर ऊन, पाऊस, थंडीची तमा न बाळगता देशाच्या संरक्षणार्थ समर्थपणे उभे राहणाऱ्या जवानांच्या कार्यपद्धतीची फिल्म सादर करण्यात आली. शहिदांची आठवण काढत मातृभूमी ग्रुपने ‘वंदे मातरम,’,‘ जन्मभूमी पे जान देते है,’ ‘हे भगतसिंह तू जिंदा है,‘ जिंदगी मौत ना बन जाए’ आदी देशभक्तीपर गीते सादर केली.
सकल जैन समाजाचे सरचिटणीस महावीर पाटणी यांनी प्रास्ताविक केले. आचार्य गुप्तीनंदी महाराज यांनी सामूहिक क्षमापनेदिवशी देशाप्रती काहीतरी विधायक कार्य करण्याची सूचना केली होती. त्याची प्रेरणा घेऊन आम्ही हा कार्यक्रम ठरविला, असे सांगितले. सकल जैन समाजाचे अध्यक्ष राजेंद्र दर्डा यांनीही याप्रसंगी विचार मांडले. कार्यक्रमास खासदार चंद्रकांत खैरे, आमदार अतुल सावे, माजी आमदार प्रदीप जैस्वाल, भाजप शहराध्यक्ष किशनचंद तनवाणी, सहायक पोलिस आयुक्त अविनाश आघाव, अतिरिक्त जिल्हाधिकारी पी. एल. सोरमारे, भगवान घडमोडे आदींसह जैन समाजातील प्रतिष्ठित मंडळी मोठ्या संख्येने उपस्थित होती.

उपस्थितांचे डोळे पाणावले
देशभक्तीपर गीते सादर होताना उपस्थितांमध्ये चैतन्य निर्माण झाले होते. जैन मुनी चंद्रगुप्ती महाराजांनी ‘ यै मेरे वतन के लोगो’ हे गीत अत्यंत मधूर आवाजात सादर केले. व्यासपीठाच्या डाव्या बाजूला वीर जवानांच्या कुटुंबीयांच्या बसण्याची सोय केली होती. या गाण्याच्या वेळी वीरपत्नी निशा गलांडे यांना दुःख आवरता आले नाही. त्यांच्या मांडीवर दोन वर्षांचा चिमुकला आणि पाठीवर पाच वर्षांचा चिमुकला उभा होता. महाराजांनी गायलेले गाणे क्लोज सर्किट टीव्हीवर गलांडे कुटुंबीयांचे दृष्य पाहून उपस्थितांचे डोळे पाणावले.

सेना जिवंत तर देश जिवंत - कमलमुनी महाराज
‘जवान नसते तर, तुम्ही सुरक्षित नसता. इतकेच काय हिंदू, मुस्लिम, जैन यांच्यासह मंदिर, मशीदही सुरक्षित राहिल्या नसत्या. सेना जिवंत तर देश जिवंत,’ असे प्रतिपादन राष्ट्रसंत कमलमुनी महाराज यांनी केले. ‘वीरपत्नीला विधवा हा शब्द कलंक आहे. समाजातून हा शब्द काढून टाकला पाहिजे. त्याला विरोध करा. त्याऐवजी वीरमाता असा उल्लेख करा. देशाच्या सुरक्षेसाठी लढणाऱ्या जवानांच्या बाबतीत पुरावे मागणारे देशाचे गद्दार आहेत. यापुढे सेनेवर संशय व्यक्त केला तर ते अजिबात सहन केले जाणार नाही. आपण ३० लाख जवानांचा सन्मान केला पाहिजे. ऑलिंपिकमधील खेळाडूला पाच कोटी दिले जातात. जवानाला काहीच नाही, हे चुकीचे आहे. राजकीय नेतेमंडळी चुका करतात आणि सेनेला भोगावे लागते,’ असे त्यांनी स्पष्ट केले.

चीनच्या उत्पादनावर बहिष्कार टाका - आचार्य गुप्तीनंदी महाराज
आचार्य गुप्तीनंदी महाराज म्हणाले, ‘चीनही आपला शत्रू आहे. त्याच्या उत्पादनांवर बहिष्कार टाका. यंदा केलेल्या आवाहनामुळे २७ टक्के परिणाम झाला. त्याऐवजी आपल्याच देशातील उत्पादने वापरा. दिवाळीची आतषबाजी थांबवून प्रत्येक कुटुंबाने किमान ११०० रुपये सैनिक फंडमध्ये जमा केले पाहिजेत. वीर जवान चंद्रकांत गलांडे यांच्या दोन लहान मुलांना अनाथ होऊ देऊ नका. त्यांच्या शिक्षणासाठी दत्तक घ्या,’ असे आवाहन महाराजांनी करताच माजी आमदार प्रदीप जैस्वाल यांनी एका मुलाच्या शिक्षणाची जबाबदारी घेतली.

अन विकास आलाच नाही...
‘सप्टेंबर महिन्यात विकासचा फोन आला. म्हणाला दिवाळीला येणार आहे. तोवर दहा हजार रुपये पाठविले आहेत. नागपूरच्या डॉक्टरला देता येतील. बहिणीच्या उपचारासाठी पैसे कमी पडू देणार नाही, असे म्हणाला होता,’ असे सांगताना बेबीताई उईके यांचे डोळे भरून आले. वीरमाता उईके या सारे दुःख विसरून कार्यक्रमाला आल्या होत्या.

कार्यक्रम संपताना काही जण उठून जाण्याच्या तयारीत होते. ते पाहून आचार्य गुप्तीनंदी महाराज म्हणाले, ‘देशापेक्षा कुठलेच काम मोठे नाही. कार्यक्रम संपल्यानंतरच प्रत्येकाने जावे. ज्याला यापेक्षा मोठे काही वाटत असेल त्यांनी शांतपणे निघून जावे. एक दिवस जेवणाला किंवा कुठल्या कामाला उशीर झाला तर काही बिघडत नाही.’ असे म्हणताच मंडपातील मंडळी शांतपणे बसून राहिली.

मोबाइल अॅप डाउनलोड करा आणि राहा अपडेट

चांगले सर्जन बना

November 5, 2016, 10:37 am

≫ Next: मुलीचे अपहरण; तिघांना अटक

≪ Previous: मुलांनाही देशसेवेसाठी सीमेवर पाठविणार

$

0

0

म. टा. प्रतिनिधी, औरंगाबाद
‘वैद्यकीय क्षेत्रात अत्याधुनिक प्रगती झाली आहे. रुग्णावर प्रभावी उपचार करण्यासाठी चांगले सर्जन (शल्यचिकित्सक) बना,’ असा सल्ला एमजीएमचे विश्वस्त डॉ. पी. एम. जाधव यांनी शनिवारी दिला.
भारतीय सर्जिकल संघटना आणि एमजीएमच्या वतीने सर्जरी या विषयावरील विभागीय सीएमईचे आयोजन करण्यात आले आहे. त्याच्या उद्‍घाटनप्रसंगी डॉ. जाधव बोलत होते. संघटनेचे माजी राष्ट्रीय अध्यक्ष डॉ. संतोष जॉन, प्रदेशाध्यक्ष ए. एम. कुरेशी, दत्ता मेघे मेडिकल कॉलेजचे कुलगुरू डॉ. दिलीप गोडे, एमजीएमचे डीन डॉ. अजित श्रॉफ, एमजीएमचे डेप्युटी डीन आणि सीएमईचे संयोजन सचिव डॉ. प्रवीण सूर्यवंशी यांची प्रमुख उपस्थिती होती.
डॉ. जाधव म्हणाले, ‘नव्याने तयार होणाऱ्या डॉक्टरांना प्रशिक्षित करण्यासाठी एमजीएमने कायम सकारात्मक पाऊल उचलले आहे. आजची सीएमई विभागीय पातळीवरील आहे. महाराष्ट्र, मध्यप्रदेश, गुजरात आणि गोवा या राज्यातील सर्जन सहभागी झाले आहेत. तुम्ही चांगले सर्जन बनले पाहिजे. त्यासाठी तुमच्या क्षेत्रात निष्णात होणे आवश्यक आहे. हार्डवर्क करा, सातत्याने प्रयत्नशील रहा, हेच तुमचे गॉडफादर आहेत. अनावश्यक तपासणी करू नका. कारण त्याचा रुग्णांना फटका बसत असतो.’
डॉ. गोडे म्हणाले, ‘सर्जिकल क्षेत्रातील नवनवीन उपचारांची माहिती या कार्यक्रमातून मिळणार आहे. जग तुमच्याकडे आशेने पाहत आहे. तुम्ही नवीन सर्जन डायनॅमिक, उत्तम ज्ञान असणारे व्हावेत, असा यामागचा हेतू आहे.’
डॉ. संतोष पॉल, डॉ. अजित श्रॉफ यांनी उपक्रमाला शुभेच्छा दिल्या. डॉ. सूर्यवंशी म्हणाले, ‘२००९ मध्ये मॅसिकॉन परिषद घेतली होती. त्यातून झालेला नफा अन्यत्र खर्च करण्यापेक्षा शैक्षणिक उपक्रम राबविण्याचे आम्ही ठरविले होते. त्यानुसार असे कार्यक्रम घेत आहोत. दोन दिवसीय सीएमई मध्ये तुम्हाला स्किल डेव्हलपमेंटसाठी निश्चितपणे चांगले ज्ञान मिळेल.’

मोबाइल अॅप डाउनलोड करा आणि राहा अपडेट

---

मुलीचे अपहरण; तिघांना अटक

November 5, 2016, 10:41 am

≫ Next: पैठण गेट पार्किंग विद्यार्थ्यांनी केली टकाटक

≪ Previous: चांगले सर्जन बना

$

0

0

म. टा. प्रतिनिधी, औरंगाबाद
जवाहरनगर पोलिसांच्या चिकाटीच्या तपासामुळे दहा वर्षीय मुलीला पळवून नेणाऱ्या टोळीला अटक करण्यात यश आले. जवाहरनगर पोलिस ठाण्याच्या हद्दीतून सहा सप्टेंबर २०१६ रोजी एक दहा वर्षीय मुलीला अज्ञात इसमाने पळवून नेली, अशी तक्रात दाखल करण्यात आली होती. अकरा सप्टेंबर १६ रोजी अपहरणकर्त्यांनी सदर मुलीला घाटी दवाखान्यात आणून सोडले. त्यानंतर पोलिस आयुक्त अमितेशकुमार यांच्या आदेशाने वेगवेगळे पथक बनवून आरोपींचा शोध घेण्यात आला.
जवाहरनगर पोलिस ठाण्याचे पोलिस निरीक्षक मनीष कल्याणकर, महिला पोलिस उपनिरीक्षक मीरा लाड, महांदुळे यांनी सीसीटीव्ही तपासले. एसीपी मीना मेकवाना यांनी सदर मुलीची विचारपूस करून काही माहिती मिळविली. त्यावरुन तपास करण्यात आला. पीडित मुलीच्या सांगण्यावरून स्केच बनवण्यात आले. त्या स्केचचाही तपासात काही फायदा झाला नाही. पीडित मुलगी वारंवार रस्ता चुकीचा सांगत होती. ओळखीच्या खाणाखुणा शोधल्यानंतर पोलिसांच्या पथकाला अखेर यश आले.
पद्मपुरा येथील हनुमान मंदिराजवळ म्हातारीने मुख्य आरोपीच्या ताब्यात दिल्याचे तिने सांगितले. पोलिस पथकाने या भागात सखोल तपास केला. कर्णपुरा भागातील म्हातारीची नकटी मुलगी आहे, अशी माहिती मिळाली. या माहितीवरून पोलिस पथकाने खोलवर तपास केला असता ती नकटी बाई हरवली असून वेदांतनगर पोलिस ठाण्यात तक्रार नोंदवल्याचे आढळून आले. त्यानंतर पोलिस उपनिरीक्षक पाटील यांच्यामार्फत सापळा रचण्यात आला. मुख्य आरोपी शिवाजी पाटील यास पोलिसांनी ताब्यात घेतले. त्याला बोलते केल्यानंतर म्हातारी सासू विमल हिरालाल सरगयीला कर्णपुरा परिसरातून अटक केली. पुढे तपासात पळून गेलेली नकटी बायको प्रिया उर्फ वैशाली उर्फ उषा शिवाजी पाटीलला नेवासा येथून ताब्यात घेत अटक केली.

विक्रीसाठी पळवले होते
आरोपींनी अल्पवयीन मुलीला विक्रीसाठी मुंबईतील कळवा भागात नेले होते. शिवाजी पाटील हा कळवा येथे राहाणारा असून त्याचा ट्रान्सपोर्टचा व्यवसाय आहे. पीडित मुलीवर आरोपीने अत्याचार केले. तिला कोणालाही सांगू नये म्हणून सिगारेटचे चटके दिले. प्रिया उर्फ वैशाली पाटील हिने मुलीला मारहाण केली. तसेच घरातील कामेही तिच्याकडून करवून घेतली. पोलिसांच्या तपासामुळे त्यांनी मुलीला घाटी हॉस्पिटलमध्ये आणून सोडले, अशी कबुली आरोपींनी दिली. या टोळीने असे प्रकार शहरात केले असण्याची शक्यता वर्तवण्यात येत आहे. या प्रकरणाचा तपास पोलिस निरीक्षक कल्याणकर, मीरा लाड, महांदुळे, पाटील, बडगुजर, समाधान काळे, हिवाळे, विनोद परदेशी, सुखदेव जाधव यांनी केला.

मोबाइल अॅप डाउनलोड करा आणि राहा अपडेट

पैठण गेट पार्किंग विद्यार्थ्यांनी केली टकाटक

November 5, 2016, 10:44 am

≫ Next: देशासाठी ‘हम दो हमारे दो’ सोडा

≪ Previous: मुलीचे अपहरण; तिघांना अटक

$

0

0

म. टा. प्रतिनिधी, औरंगाबाद
पैठणगेट येथील महापालिकेच्या मालकीच्या पार्किंग परिसराचे जेएनईसी आर्किटेक्चरच्या विद्यार्थ्यांनी सुशोभीकरण केले. पार्किंगच्या परिसरात पूर्वी कचऱ्याचे ढीग दिसून येत होते. आता या परिसरात रंगरंगोटी करून ज्येष्ठ नागरिक, बालगोपाळांना बसण्यासाठी खास व्यवस्था केली आहे.
नॅशनल असोसिएशन ऑफ स्टुडंटस् ऑफ आर्किटेक्चर (नासा) च्या सदस्यांनी काही दिवसांपूर्वी पालिका आयुक्त ओम प्रकाश बकोरिया यांची भेट घेऊन शहरातील महापालिकेच्या मोकळ्या जागा विकसित करण्याची, त्या जागांचे सुशोभीकरण करण्याची परवानगी मागितली होती. बकोरिया यांनी त्याला सहमती दर्शवून नासाच्या सदस्यांनाच त्यांना हवी ती जागा निवडून सुशोभीकरण करण्यास सांगितले. त्यानुसार पैठणगेट येथील पार्किंगच्या जागेचे सुशोभीकरण करण्याचा निर्णय नासाच्या सदस्यांनी घेतला. जेएनईसीच्या आर्किटेक्चरच्या विद्यार्थ्यांनी त्यासाठी पुढाकार घेतला व हा परिसर स्वच्छ केला.
पार्किंगच्या जागेच्या एका बाजूला कचऱ्याचा ढीग नेहमीच पडलेला असायचा, संरक्षक भिंत देखील पडलेली होती. विद्यार्थ्यांनी पडलेली भिंत बांधली. कचरा उचलून परिसर स्वच्छ केला. ज्या ठिकाणी कचरा टाकण्यात येत होता, त्या ठिकाणी कचखडी टाकली. भिंत रंगवून संपूर्ण परिसराला वेगळा लूक दिला. वापरात नसलेले टायर एकत्र करून त्यांना खुर्चीचा, सोफासेटचा आकार दिला. हे सर्व पाहिल्यावर पूर्वी या ठिकाणी कचरा होता हे लक्षात देखील येत नाही. विद्यार्थ्यांनी केलेल्या पार्किंग सुशोभीकरणाचे उदघाटन शनिवारी महापौर त्र्यंबक तुपे यांच्या हस्ते झाले. यावेळी पालिकेचे आयुक्त ओम प्रकाश बकोरिया, कार्यकारी अभियंता सिकंदर अली, अफसर सिद्दिकी, उपायुक्त अय्युब खान, नगरसेविका बबिता चावरिया, जेएनईसीच्या आर्किटेक्चर विभागाच्या प्रमुख प्रा. जयश्री गोगटे व विद्यार्थी उपस्थित होते.

मोबाइल अॅप डाउनलोड करा आणि राहा अपडेट

देशासाठी ‘हम दो हमारे दो’ सोडा

November 5, 2016, 2:30 pm

≫ Next: अधिकाऱ्यांच्या चौकशीचे प्रस्ताव

≪ Previous: पैठण गेट पार्किंग विद्यार्थ्यांनी केली टकाटक

$

0

0

म. टा. प्रतिनिधी, औरंगाबाद

देशाचे संरक्षण करणाऱ्या वीर जवानांना समजून घ्या. त्यांचे कार्य महान आहे. आपण देशाच्या सुरक्षेला प्राधान्य दिले पाहिजे. ‘हम दो हमारे दो’ आता देशासाठी सोडून आपले एक अपत्य देशाच्या संरक्षणासाठी द्या, असे आवाहन जैन मुनी गुप्तीनंदी महाराज यांनी शनिवारी येथे केले.

उरी सेक्टरमध्ये सप्टेंबरमध्ये झालेल्या दहशतवादी हल्ल्यात महाराष्ट्रातील चार जवान शहीद झाले. आठवड्यापूर्वी महाराष्ट्रातील आणखी एक जवान सीमेवर सुरक्षा प्रदान करताना धारातीर्थी पडला. या शहीद जवानांच्या कुटुंबीयांना सकल जैन समाज औरंगाबादतर्फे आर्थिक मदत प्रदान करण्यात आली. या कार्यक्रमात गुप्तीनंदी महाराजांनी उपस्थितांना उपदेश केला. महाराज म्हणाले की, जवानांचे कार्य अतुलनीय आहे. खेळात विजय मिळविलेल्या खेळाडूला पाच कोटी रुपये दिले जातात आणि सीमेवर शहीद झालेल्या जवानाला मात्र मदत दिली जात नाही. आपल्या प्रत्येक घरातून एक मुलगा देशाच्या संरक्षणासाठी गेला पाहिजे. देशाचे संरक्षण करणाऱ्या जवानांना आपण काहीतरी मदत केली पाहिजे. याची जाणीव ठेवून यापुढे आपण दिवाळीची आतषबाजी टाळून किमान ११०० रुपये सैनिक सेवा फंडासाठी दिले पाहिजेत. पाकिस्तान आणि चीन हे दोन शत्रू भारताला त्रास देतात. च‌िनी उत्पादनांवर बहिष्कार टाकावा.

मोबाइल अॅप डाउनलोड करा आणि राहा अपडेट

अधिकाऱ्यांच्या चौकशीचे प्रस्ताव

November 5, 2016, 2:30 pm

≫ Next: पाकिस्तानी कलाकारांवरील बंदी योग्य

≪ Previous: देशासाठी ‘हम दो हमारे दो’ सोडा

$

0

0

म. टा. प्रतिनिधी, औरंगाबाद

टीडीआर घोटाळा प्रकरणी निलंबित नगररचना विभागाचे सहाय्यक संचालक डॉ. डी. पी. कुलकर्णी यांच्यासह चार अधिकारी तसेच, प्राणिसंग्रहालयाचे निलंबित संचालक डॉ. बी. एस. नाईकवाडे यांच्या विभागीय चौकशीचे प्रस्ताव पालिका प्रशासनाने सर्वसाधारण सभेत ठेवले आहेत. सभेने त्यास मान्यता दिल्यानंतर विभागीय आयुक्तांकडून संबंधितांची चौकशी होणार आहे. टीडीआर घोटाळा ‘मटा’ने उघडकीस आणला होता. दरम्यान, अशा प्रकारचे प्रस्ताव पालिकेच्या इतिहासात प्रथमच सर्वसाधारण सभेसमोर आले आहेत.
गट क्रमांक २६ नारेगाव, नगर भूमापन क्रमांक ११३४२ फाजलपुरा, नगर भूमापन क्रमांक ११४३२ व ११४३६ / १६ अलमगीर कॉलनी येथील टीडीआर (ट्रान्स्फर ऑफ डेव्हलपमेंट राइटस्) घोटाळ्याचे प्रकरण ‘मटा’ने उघड केले होते. या सर्व प्रकरणांची चौकशी पालिकेचे तत्कालीन आयुक्त सुनील केंद्रेकर व विद्यमान आयुक्त ओमप्रकाश बकोरिया यांनी केली. बकोरिया यांनी टीडीआर प्रकरणात डॉ. कुलकर्णी, उपअभियंता शिरीष रामटेके, शाखा अभियंता आर. पी. वाघमारे यांना निलंबित केले. निवृत्त उपअभियंता सय्यद फईमोद्दीन विखारोद्दीन व मोहम्मद वसील मोहम्मद युसूफ यांनाही या प्रकरणात जबाबदार धरण्यात आले. आता या सर्वांची विभागीय चौकशी करण्याचे बकोरिया यांनी ठरविले असून त्यासाठी परवानगी देण्याचा प्रस्ताव १९ नोव्हेंबर रोजी होणाऱ्या सभेसमोर ठेवला आहे. विभागीय चौकशीसाठी प्रत्येक अधिकाऱ्याचे स्वतंत्र आरोपपत्र तयार करण्यात आले आहे. प्राणिसंग्रहालयातील बिबट्याच्या पिल्लांच्या मृत्यू प्रकरणी बकोरिया यांनी नाईकवाडे यांना निलंबित केले आहे. त्यांच्याही चौकशीचा प्रस्ताव आहे. सर्वसाधारण सभेने प्रस्ताव मंजूर केल्यावर विभागीय आयुक्तांच्या माध्यमातून अधिकाऱ्यांची विभागीय चौकशी केली जाणार आहे.


पानझडे, झनझन यांचे आरोपपत्र करण्याचे आदेश
शहर अभियंता सखाराम पानझडे व अग्निशामक विभागप्रमुख शिवाजी झनझन यांनाही ओमप्रकाश बकोरिया यांनी निलंबित केले आहे. या दोघांचीही विभागीय चौकशी केली जाणार असून चौकशीसाठीचे आरोपपत्र लवकर तयार करण्याचे आदेश त्यांनी आस्थापना विभागाला दिले आहेत. महापालिका सभेने अधिकाऱ्यांच्या चौकशीचे प्रस्ताव फेटाळले तर, तो निर्णय विखंडित करण्याची विनंती आपण सरकारकडे करू शकतो असे बकोरिया म्हणाले, पण अशी वेळ येणार नाही, सर्वसाधारण सभा प्रशासनाचे सर्व प्रस्ताव मान्य करेल असा विश्वास त्यांनी व्यक्त केला.

मोबाइल अॅप डाउनलोड करा आणि राहा अपडेट

पाकिस्तानी कलाकारांवरील बंदी योग्य

November 5, 2016, 2:30 pm

≫ Next: तलावात तीन जण बुडाले

≪ Previous: अधिकाऱ्यांच्या चौकशीचे प्रस्ताव

$

0

0

म. टा. प्रतिनिधी, औरंगाबाद

‘भारताने मोठा भाऊ या नात्याने नेहमीच पाकिस्तानसमोर मैत्रीचा हात पुढे केला. पंतप्रधान नरेंद्र मोदी यांनी पाकिस्तानात भेट घेऊन मैत्रीपूर्ण संबंध प्रस्थापित करण्याचा प्रयत्न केला. उरी आणि पठाणकोट येथील घटना अत्यंत निषेधार्ह आहेत. युद्धसदृश्य परिस्थितीत कुणी मित्र नसतो. त्यामुळे पाकिस्तानी कलाकारांवर निर्मात्यांनी घातलेली बंदी योग्य आहे,’ असे रोखठोक मत अभिनेते रझा मुराद यांनी शनिवारी पत्रकारांशी बोलताना व्यक्त केले.

डॉ. बाबासाहेब आंबेडकर मराठवाडा विद्यापीठात आयोजित १४ व्या इंद्रधनुष्य महोत्सवाचे उदघाटन मुराद यांनी केले. त्यानंतर झालेल्या पत्रकार परिषदेत त्यांनी पाकिस्तानी कलाकारांवरील बंदीबाबत स्पष्ट मत मांडले. ‘पाकिस्तानच्या कलाकारांना भारतीय चित्रपटात नेहमीच संधी दिली गेली. पाकिस्तानी कलाकार, संगीतकार, गायकांचा नेहमीच भारतात मेळा भरलेला असतो. भारताने मोठा भाऊ म्हणून पाकिस्तानसमोर मैत्रीचा हात पुढे केला; पण मैत्रीला मैत्रीने उत्तर मिळाले नाही. पठाणकोट व उरी येथे हल्ले करण्यात आले. या घटनेचा निषेध केला पाहिजे. या घटनेनंतर सीमारेषेवरील गावे रिकामी करण्यात आली. या युद्धसदृश्य परिस्थितीत कुणी मित्र नसतो. त्यामुळे पाकिस्तानी कलाकारांवर निर्मात्यांनी घातलेली बंदी योग्य आहे,’ असे मुराद म्हणाले.

‘पाकिस्तानी कलाकारांवर केंद्र सरकारने कधीच बंदी घातली नाही. सरकारने त्यांना व्हिसा देऊन कामाचा परवानासुद्धा दिला. सध्या निर्माता संघाने बंदी घातली आहे. हल्ल्याची घटना घडण्यापूर्वी काही कलाकारांना चित्रपटात घेण्यात आले होते. असे चित्रपट पूर्ण करण्यासाठी तोडगा काढण्याची गरज असल्याचे मतही मुराद यांनी व्यक्त केले.

पाकिस्तानचा आत्मघात

‘भारतीय व पाकिस्तानी कलाकार एकत्र आल्यास दोन्ही देशात चांगले संबंध निर्माण होतील; पण दहशतवाद्यांना चांगले संबंध नकोत. पाकिस्तानच्या राजकारणात लष्कराचा मोठा हस्तक्षेप आहे. भारताशी संबंध बिघडवून पाकिस्तान स्वतःचा आत्मघात करीत असेल तर कोण अडवणार,’ असा सवाल रझा मुराद यांनी केला.

मोबाइल अॅप डाउनलोड करा आणि राहा अपडेट

तलावात तीन जण बुडाले

November 5, 2016, 2:30 pm

≫ Next: गॅसच्या ट्रकची धडक; एक ठार, एक जखमी

≪ Previous: पाकिस्तानी कलाकारांवरील बंदी योग्य

$

0

0

म. टा. प्रतिनिधी, औरंगाबाद

पडेगाव मिटमिटा येथील डोंगर पायथ्याशी असलेल्या तळ्यात शनिवारी दुपारी चारला तीन तरुण बुडाले. दोघांचे मृतदेह सापडले असून, तिसऱ्याचा शोध रात्री उशिरापर्यंत सुरू होता. आशुतोष (अमित) म्हस्के (वय २०), अनिकेत ढवळे (वय २२), प्रतीक ओमणे अशी त्यांची नावे आहेत.

आशुतोष बीडचा असून तीन दिवसांपूर्वीच औरंगाबादला आला होता. अनिकेत भावसिंगपुरा येथील असून त्याचे वडील महापालिकेच्या पाणीपुरवठा विभागात आहेत. त्याला एक लहान भाऊ आहे. अनिकेत छत्रपती शाहू इंजिनीअरिंग कॉलेजमध्ये (कांचनवाडी) शिकत होता. आशुतोष घाटीमध्ये नर्सिंगच्या द्वितीय वर्षांत होता. प्रतीक मामाकडे राहत होता. तो डॉ. बाबासाहेब आंबेडकर मराठवाडा विद्यापीठात शिक्षण घेत असल्याची माहिती सूत्रांनी दिली. भावसिंगपुरा येथून तिघे पोहण्यासाठी दुचाकीवर तळ्याकाठी गेले. त्यांनी कपडे दुचाकीजवळ ठेवत पोहण्यासाठी तळ्यात उतरले. एक जण अगोदर व अन्य दोघे त्यानंतर पाण्यात उतरले. तळ्याच्या मधोमध जाताच ते गाळात अडकले. त्यातून त्यांना बाहेर येता आले नाही. ते बुडाल्याचे तेथील शेतकऱ्यांच्या लक्षात आले. त्यांनी मिटमिटा येथे दूरध्वनीवरून माहिती दिली असता तपास यंत्रणा हलली. या दुर्घटनेत दोघांचा बुडून मृत्यू झाला. तिसऱ्याची शोधमोहीम सुरूच होती. मिटमिटा येथील माजी सैनिक गंगाधर जाधव यांनी मृतदेह शोधण्यासाठी मदत केली. घटनास्थळी आपत्कालीन बंब, पोलिस सहआयुक्त नागनाथ कोडे, पोलिस निरीक्षक इंदलसिंह बहुरे, नगरसेवक रावसाहेब आमले, गणेश लोखंडे, कारभारी भुजबळ, काकासाहेब जाधव, गंगाधर जाधव, मनोज जाधव, नवनाथ मुळे, विनोद लोखंडे यांनी धाव घेवून परिस्थितीवर लक्ष ठेवून होते. घटनास्थळी अंधार असल्यामुळे शोधमोह‌िमेत अडचण येत होती. तरीही जमेल तसे प्रकाशझोत टाकण्यासाठी ग्रामस्थांनी आपापल्या गाडीचे दिवे लावले. दोघांचे मृतदेह घाटीत हलवले असून शोधमोहीम अंधारामुळे थांबवण्यात आली आहे. या घटनेची छावणी पोलिसठाण्यात नोंद करण्यात आली असून रात्री उशिरापर्यंत गुन्हा नोंदविण्याची प्रक्रिया सुरू होती.

मोबाइल अॅप डाउनलोड करा आणि राहा अपडेट

गॅसच्या ट्रकची धडक; एक ठार, एक जखमी

November 6, 2016, 1:30 pm

≫ Next: घरात चौघे असताना मध्यरात्री टीव्ही चोरीस

≪ Previous: तलावात तीन जण बुडाले

$

0

0

म. टा. प्रतिनिधी, फुलंब्री
औरंगाबाद-जळगाव महामार्गावरील सावंगी टोल नाक्याजवळ भारत गॅसच्या ट्रकने रस्त्यावर उभ्या असलेल्या दोघांना धडक दिली. या घटनेत एक ठार व एक जखमी झाला. ही घटना रविवारी सकाळी नऊ वाजता घडली.
जळगावकडून भारत गॅस कंपनीचा ट्रक (एम. एच. १९, झेड ०९०४) औरंगाबादकडे जात होता. या ट्रकने टोल नाक्यानजिक रस्त्याच्या एकाकडेला उभ्या असलेल्या दुचाकीवरील (एम. एच. २०, डी. एल. ९७५१) शेख सलमान शेख युनुस व शेख समीर शेख इसा (दोघे रा. सावंगी, तालुका औरंगाबाद) या तरुणांना धडक दिली. त्यात शेख सलमान (वय १९) हा मरण पावला, तर शेख समीर जखमी झाला. याप्रकरणी फुलंब्री पोलिस ठाण्यात ट्रकचालकाविरुद्ध गुन्हा दाखल करण्याची प्रक्रिया सुरू होती.
ट्रकचालक हा बेसावधपणे ट्रक चालवत होता, असे पोलिसांनी सांगितले. ट्रकचालकाने तरुणांना धडक देण्यापूर्वी एका कारला (एम. एच. २० सी. एस. ५३४२) धडक दिली. ही कार समोरच्या काळी पिवळी जीपवर (एम. एच. ३१ सी ए २८२३) धडकली यात कार व जीपचे नुकसान झाले आहे.

मोबाइल अॅप डाउनलोड करा आणि राहा अपडेट

---

घरात चौघे असताना मध्यरात्री टीव्ही चोरीस

November 6, 2016, 1:30 pm

≫ Next: पालिका निवडणुकीत रंगत

≪ Previous: गॅसच्या ट्रकची धडक; एक ठार, एक जखमी

$

0

0

म. टा. प्रतिनिधी, वाळूज
घरात चार जण झोपलेले असतांना दरवाजा उघडून एलसीडी टीव्ही चोरीला गेल्याची घटना शनिवारी मध्यरात्री पंढरपूर येथील सलामपुरेनगर येथे घडली. चोरट्यांच्या धाडसामुळे परिसरात खळबळ उडाली असून रात्रीची गस्त वाढविण्याची मागणी होत आहे.
पोलिसांनी दिलेल्या माहितीनुसार, संजय एकनाथ जाधव (रा. सलामपुरेनगर, पंढरपूर) हे मुलगा अतीश, भाचा दीपक कोळसे, वडील एकनाथ जाधव यांच्यासह घरात झोपले होते. ते मध्यरात्री दीडपर्यंत टीव्ही पाहत होते. टीव्ही पाहताना त्यांना झोप लागली, पण वडिलांना जाग आल्याने ते टीव्ही बंद करून झोपी गेले. मध्यरात्री अडीच्या सुमारास ते बाथरूमला जाण्यासाठी उठले असता घराचा दरवाजा उघडा दिसला. त्यांनी संजय यांना उठवून विचारणा केली असता घरातून १५ हजार रुपये किंमतीचा एलसीडी टीव्ही, शेजारी बाळू बाबुराव काळे यांचा मोबाइल चोरीस गेल्याचे लक्षात आले. याप्रकरणी संजय जाधव यांच्या तक्रारीवरून एमआयडीसी वाळूज पोलिस ठाण्यात गुन्हा दाखल करण्यात आला असून पुढील तपास हेडकॉन्स्टेबल गणेश अंतराप करीत आहेत.

मोबाइल हिसकावला
वाळूजः दारू पिण्यासाठी मागूनही पैसे मिळत नसल्याने एका दारूड्याने १९ हजार रुपये किंमतीचा मोबाइल व तीन हजार रुपये हिसकावून घेतल्याचा गुन्हा एमआयडीसी वाळूज पोलिस ठाण्यात दाखल करण्यात आला आहे. विनोद आत्माराम तायडे (रा. अर्जुननगर, रांजणाव शेणपुंजी) हे २४ ऑक्टोबर रोजी दुपारी चार वाजता शिक्षकनगर येथे उभे होते. तेव्हा परिसरातील रहिवासी गजाजनन खिराडे याने तायडे यांच्याकडे दारू पिण्यासाठी पैशाची मागणी केली. तायडे यांनी नकार दिल्यानंतर मोबाइल रोख रक्कम बळजबरीने काढून घेतली. याप्रकरणी शनिवारी गुन्हा दाखल करण्यात आला.

मोबाइल अॅप डाउनलोड करा आणि राहा अपडेट

पालिका निवडणुकीत रंगत

November 6, 2016, 1:30 pm

≫ Next: बुडालेला तिसरा तरूण पॉलिटेक्निकचा विद्यार्थी

≪ Previous: घरात चौघे असताना मध्यरात्री टीव्ही चोरीस

$

0

0

अतुल कुलकर्णी, बीड
बीड जिल्ह्यातील सहा नगरपालिका निवडणुकीचे बिगुल वाजले आहे. बीड, परळी, अंबाजोगाई, गेवराई माजलगाव आणि धारूर पालिका निवडणुकीसाठी येत्या २७ तारखेला मतदान होणार आहे. निवडणुकीचा ऐन थंडीत ज्वर वाढू लागला आहे. सर्वत्र आता प्रचाराची रंगत पहावयास मिळत आहे.
बीडमध्ये लक्षवेधी लढत
जिल्ह्यातील बीड नगरपालिका विशेष लक्षवेधी आहे. बीडमध्ये राष्ट्रवादीचे आमदार माजी मंत्री जयदत्त क्षीरसागर यांचे बंधू व राष्ट्रवादी काँग्रेस जिल्हाध्यक्ष भारतभूषण क्षीरसागर यांच्या ताब्यात होती. क्षीरसागर यांच्या घरात उभी फूट पडली असून राष्ट्रवादी काँग्रेस विरोधात काकू-नाना विकास आघाडी करून रविंद्र क्षीरसागर व संदीप क्षीरसागर हे निवडणूक लढवत आहेत.

अंबाजोगाईत मतदारांच्या भेटीगाठी
अंबाजोगाई नगरपालिका निवडणुकीत भाजपा उमेदवारांचा प्रचारासाठी रविवारी विविध प्रभागामध्ये आमदार संगीता ठोंबरे, नगराध्यक्ष पदाच्या उमेदवार अॅड शोभाताई लोमटे आणि नगरसेवक उमेदवार यांनी जनतेशी संवाद साधला. तर काँग्रेसच्यावतीने माजी नगराध्यक्ष राजकिशोर मोदी यांनी अंबाजोगाई शहरातील विविध प्रभागात मतदारांच्या भेटीगाठी घेऊन प्रचार केला. काँग्रेस पक्षाच्या पाठीशी मतदारांनी भक्कमपणे उभे राहण्याचे आवाहन त्यांनी केले.

परळीत संवादावर भर
परळी येथे मंत्री पंकजा मुंडे यांनी परळीतील मतदारांशी घरोघरी जाऊन संवाद साधला.पंकजा मुंडे यांनी रविवारी भाजप-शिवसेना-रिपाइं युतीच्या उमेदवारांच्या प्रचारार्थ शहरातील विविध प्रभागात जाऊन मतदारांशी संवाद साधला. शहराचा सर्वांगिण विकासासाठी भाजपा व मित्रपक्षांच्या उमेदवारांना विजयी करण्याचे आवाहन त्यांनी यावेळी मतदारांना केले. पालिकेतील सत्ताधाऱ्यांनी शहराची केलेली बकाल अवस्था पाहून लोकांनीच आता बदल करायचे ठरवले आहे, विकासाला मी कुठेही कमी पडणार नाही. आपण भाजपा व युतीच्या उमेदवारांच्या पाठिशी खंबीरपणे उभा राहून युतीच्या ताब्यात सत्ता द्यावी असे आवाहन त्यांनी केले.
परळी पालिका निवडणुकीत राष्ट्रवादी काँग्रेस पक्षाने नगराध्यक्षपदासाठी सरोजनी हालगे यांना उमेदवारी दिली असून सर्वच्या सर्व ३३ वार्डात सक्षम उमेदवार दिले आहेत. या सर्व उमेवारांचा अधिकृत प्रचाराची सुरुवात मोंढा मैदान येथे सायंकाळी सात वाजता विधान परिषदेचे विरोधी पक्ष नेते धनंजय मुंडे यांच्या सभेने होणार आहे. तर काँग्रेसच्या नगराध्यक्ष पदाच्या उमेदवार जयश्री त्रिंबकराव मुंडे-गित्ते यांनी प्रचाराच्या पहिल्या टप्प्यातच प्रत्यक्ष मतदारांना भेटुन जनसंपर्कावर भर दिला आहे. त्यांनी रविवारी कंडक्टर कॉलनी, शारदा नगर, पंचशिल नगर आदी भागातील मतदारांच्या भेटी घेतल्या त्यांच्या या प्रचार फेरीला मतदारांकडून मोठा प्रतिसाद मिळाला. एकूणच जिल्ह्यातील लढती रंगतदार होणार असून उमेदवारी अर्ज काढून घेण्याच्या शेवटच्या दिवशी निवडणुकीचे सारे चित्र स्पष्ट होईल.

राष्ट्रवादी काँग्रेस विरोधात काय बोलणार ?
काकू-नाना विकास आघाडी पूर्ण ताकदीने निवडणुकीच्या रिंगणात उतरलेली आहे. काकू-नाना विकास आघाडी निवडणुकीला का सामोरे जात आहे ? नगराध्यक्षांसह प्रत्येक वार्डात कोणते उमेदवार आहेत ? नगरपालिकेत आतापर्यंत नेमका कसा कारभार झाला ? भविष्यात बीड शहरातील नागरिकांसाठी काय योगदान द्यायचे आहे, यासह विविध विषयावर आपली भूमिका स्पष्ट करण्याच्या दृष्टीने काकू-नाना विकास आघाडीचे अध्यक्ष रवींद्र क्षीरसागर हे सोमवारी पत्रकारांशी संवाद साधणार आहेत. यावेळी जि. प. सभापती संदीप क्षीरसागर, हेमंत क्षीरसागर यांच्यासह काकू-नाना विकास आघाडीचे सर्व प्रभागातील उमेदवार, नेते उपस्थित राहणार आहेत. नगरपालिकेत सत्तेत असलेल्या राष्ट्रवादी काँग्रेस विरोधात ते काय बोलतात याकडे लक्ष असणार आहे.

मोबाइल अॅप डाउनलोड करा आणि राहा अपडेट

बुडालेला तिसरा तरूण पॉलिटेक्निकचा विद्यार्थी

November 6, 2016, 1:30 pm

≫ Next: मूक मोर्चाला पैठणमध्ये मराठा बांधवांची गर्दी

≪ Previous: पालिका निवडणुकीत रंगत

$

0

0

म. टा. प्रतिनिधी, पडेगाव
मिटमिटा येथे शनिवारी सायंकाळी बुडालेल्या तिसऱ्या तरुणाचा मृतदेह रविवारी सकाळी बाहेर काढण्यात आला. हा तरूण मिलिंद पॉलिटेक्निकचा विद्यार्थी असून त्याचे वडील जिल्हा कोर्टात वकील आहे. प्रतीक मोरेश्वर होमणे (वय २४), असे या तरुणाचे नाव आहे.
मिटमिटा येथील डोंगराच्या पायथ्याशी असलेल्या तलावात शनिवारी सायंकाळी चार वाजता तीन तरूण पोहण्यासाठी गेले होते. त्यांच्यापैकी अनिकेत ढवळे व आशुतोष म्हस्के या दोघांचे मृतदेह शनिवारी सायंकाळी अग्निशमन दलाच्या जवानांनी बाहेर काढले. पण, अंधार झाल्यानंतर मदतकार्य थांबवण्यात आले होते. अग्निशमन दलाचे डी. डी. साळुंके, अब्दुल अजिज, अशोक वेलदोडे, राजू निकाळजे, सुभाष दुधे यांनी रविवारी सकाळी सात वाजता शोध सुरू केला. जवानांनी गाळात अडकलेला प्रतिक होमणे याचा मृतदेह शोधून बाहेर काढला. घटनास्थळी मुलाचे नातेवाईकस छावणी पोलिस ठाण्याचे निरीक्षक इंदलासिंह बहुरे हे उपस्थित होते. पोलिसमित्र शेख अख्तर व शिवाजी गायकवाड यांनी मृतदेह घाटी हॉस्पिटलमध्ये पाठवण्यास मदत केली.
मृत प्रतीक होमणे याचे वडील मोरेश्वर होमणे हे औरंगाबाद येथे जिल्हा कोर्टात वकील आहेत. त्यांचे मुळगाव भंडारा जिल्ह्यातील राजेदहेगाव असून त्यांचे शहरात २० वर्षापासून वास्तव्य आहे. होमणे यांनी मिटमिटा येथे जागा घेऊन घर बांधले असून त्यांना दोन मुले आहेत. त्यापैकी धाकटा प्रतीक हा मिलिंद पॉलिटेक्निकमध्ये विद्यार्थी होता.
मृत प्रतीक मिलिंद पॉलिटेक्निकमध्ये शिक्षण घेत असताना रात्री ऑटोरिक्षा चालवत होता. त्याचा मोठा भाऊ रोजंदारीवर काम करत शिक्षण घेत पोलिस भरतीची तयारी करत आहे. आई मिलिंद मल्टिपर्पज हायस्कूलमध्ये शिक्षिका आहे. त्याचे आई-वडील शनिवारी भंडारा येथे लग्नसमारंभासाठी गेले होते, तर भाऊ कामावर गेला होता ही संधी साधून तो मित्रांसह तलावात पोहण्यासाठी गेला. त्यातच तिघांवर काळाने झडप घातली.

मोबाइल अॅप डाउनलोड करा आणि राहा अपडेट

मूक मोर्चाला पैठणमध्ये मराठा बांधवांची गर्दी

November 6, 2016, 1:30 pm

≫ Next: नांदेड विधान परिषदेसाठी चुरस

≪ Previous: बुडालेला तिसरा तरूण पॉलिटेक्निकचा विद्यार्थी

$

0

0

म. टा. प्रतिनिधी, पैठण
मराठा समाजाला आरक्षण मिळावे, अट्रॉसिटी कायद्यात काळानुसार बदल करावा, शेतकऱ्यांना संपूर्ण कर्जमाफी द्यावी, या मागण्यांसाठी रविवारी पैठण येथे सकल मराठा समाजातर्फे मराठा मूक मोर्चाचे आयोजन करण्यात आले.
मराठा समाजाचा मोर्चा काढण्याचा निर्णय एक महिन्यापूर्वी घेण्यात आला होता. नियोजनासाठी एक महिन्याचा कालावधी मिळाल्यामुळे विक्रमी गर्दी होणार, असा अंदाज होता. अंदाजाप्रमाणे, रविवारी मोर्चाला विक्रमी गर्दी झाली. शहरातील कावसनकर स्टेडियम येथून मोर्चाचे आयोजन करण्यात आले होते. रविवारी सकाळपासून हातात झेंडे, फलक घेऊन मोर्चेकरू मोठ्या संख्येने जमा होत होते. मोर्चाच्या पुढे दिव्यांग, त्यांच्यामागे महिला, वकील, डॉक्टर व इतर या क्रमाने मराठा समाजबांधव सहभागी झाले. या मोर्चाला सकाळी साडे अकरा वाजता सुरुवात झाली. कावसनकर स्टेडियम, हॉटेल पार्क वे, खंडोबा चौक, बस स्थानक चौक, महाराणा प्रताप चौक मोर्चा मार्गे शिवाजी चौकात आल्यानंतर मोर्चाचे जाहीर सभेत रुपांतर झाले.
मोर्चात आमदार संदीपान भुमरे, सचिन घायाळ, शिवसेना जिल्हाप्रमुख अंबादास दानवे, नगराध्यक्ष दत्ता गोर्डे, माजी नगराध्यक्ष सोमनाथ परदेशी, जीतसिंग करकोटक, भाजप तालुकाध्यक्ष तुषार शिसोदे, शहराध्यक्ष सूरज लोळगे, नामदेव खराद आदी सहभागी झाले होते.

जाहीर सभेत मुलींची भाषणे
शिवाजी चौकातील जाहीर सभेत अंजली पवार, संस्कृती धिरडे, हर्षदा गोर्डे, निकिता देशमुख, मानसी बचाटे, कविता मोरे, साक्षी भुमरे, हिंदवी फटांगडे, प्रतीक्षा नरके, गीता देवढे, ऋतुजा वाघ, आश्विनी खराद, सुजाता लोहारे व कोमल नरवडे या मुलींनी भाषणे केली. या मुलींनी भाषणातून मराठा समाजाच्या समस्या व मागण्या मांडल्या.

मोबाइल अॅप डाउनलोड करा आणि राहा अपडेट

नांदेड विधान परिषदेसाठी चुरस

November 6, 2016, 1:45 pm

≫ Next: कन्नड बाजार समिती; काँग्रेस सत्तेपासून दूर

≪ Previous: मूक मोर्चाला पैठणमध्ये मराठा बांधवांची गर्दी

$

0

0

सु. मा. कुळकर्णी, नांदेड
नांदेड स्थानिक स्वराज्य मतदारसंघाच्या निवडणूक रिंगणात काँग्रेसकडून विद्यमान आमदार अमरनाथ राजूरकर व अपक्ष श्यामसुंदर शिंदे यांच्यात दुरंगी लढत होत आहे. चुरशीच्या या लढतीत अशोक चव्हाण विरुद्ध जिल्ह्यातील सारे विरोधी पक्षनेते यांच्यातच ही निवडणूक होत आहे. त्यामुळे संपूर्ण राज्याचे या निवडणुकीकडे लक्ष लागले आहे.
अपक्ष उमेदवार श्यामसुंदर शिंदे यांनी अपक्ष म्हणून अर्ज दाखल केला असला तरी भाजपकडून जाहीर झालेल्या उमेदवारांच्या यादीत त्यांचा उल्लेख करण्यात आला आहे. त्यावर शिंदे यांनी अपक्ष उमेदवार असून भाजपने पाठिंबा दिल्याचे स्पष्ट केले आहे. विधानपरिषदेच्या निवडणुकीत अपक्ष उमेदवार श्यामसुंदर शिंदे यांचा अर्ज दाखल करताना भाजप-सेनेबरोबर राष्ट्रवादीही सहभागी झाली होती. मात्र, शेवटच्या टप्प्यात शिंदे यांचे नाव भाजप उमेदवाराच्या यादीत झळकल्याने राष्ट्रवादीची काहीशी अडचण निर्माण झाली आहे. बारामतीत ज्येष्ठ नेते शरद पवार यांच्याकडून कान मंत्र घेऊन आलेले राष्ट्रवादीचे अध्यक्ष बापूसाहेब गोरठेकर हे या आधीच काँग्रेस उमेदवार पाडण्याच्या कामाला लागले आहेत. किनवट, माहूर नगरपालिकांच्या नगरसेवकांना अपक्ष उमेदवाराच्या बाजूने आणण्यात त्यांनी महत्त्वाची भूमिका बजावली आहे. त्यामुळे राष्ट्रवादीत कोणतीही चलबिचल नसून अशोक चव्हाण विरुद्ध सारे विरोधी पक्षाचे नेते हे समीकरण या निवडणुकीत तरी प्रभावी ठरणार असे मानले जात आहे.
ही निवडणूक काँग्रेस पक्ष किंवा अमरनाथ राजूरकर यांच्यापेक्षाही खासदार अशोक चव्हाण यांच्या प्रतिष्ठेची बनली आहे. काँग्रेसचे प्रदेशाध्यक्ष अशोक चव्हाण यांचा हा मतदारसंघ असल्याने नांदेडची ही निवडणूक जिंकून जिल्ह्यावरील वर्चस्व सिद्ध करणे आवश्यक आहे.
पक्षीय बलाबल पाहता नांदेडमध्ये काँग्रेसचे २१९ तर राष्ट्रवादी ११४, शिवसेना ५४, भाजप १0, एमआयएम १३, मनसे १0, बिलोली विकास आघाडी १0 व अन्य असे एकूण ४७२ मतदार आहेत. अशा स्थितीत आघाडी न झाल्याने क्रमांक दोनवर असलेल्या राष्ट्रवादीने स्वतंत्र उमेदवार न देता अपक्ष उमेदवारास सर्मथन दिलेले आहे.
या आधीही राज्यात काँग्रेस व राष्ट्रवादीने आघाडीचे प्रयोग अनेकवेळा केला आहे. पण त्यात बिघाडीच निर्माण झाली. येणाऱ्या निवडणुकांमध्येही स्थानिक पातळीवर पक्षाचे नेते निर्णय घेण्याची शक्यता आहे. माजी आमदार शंकरअण्णा धोंडगे हे काँग्रेसच्या बाजूनेच राहिले आहेत. यावेळीही कंधार-लोहा भागातील त्यांच्या गटाचे नगरसेवक त्यांच्या सल्ल्याने मतदान करणार आहेत. लोकभारतीचे नगरसेवक एकेकाळी प्रताप पाटील-चिखलीकर यांच्या सोबत होते, पण आता कोणाला मतदान करणार यावर बरेचसे काही अवलंबून आहे. अर्थात कंधारी माप मोठे ठरले तर त्याचा लाभ श्यामसुंदर शिंदे यांना होऊ शकेल. विधान परिषद निवडणुकीत अपक्षाला साथ देण्याची भूमिका घेत राष्ट्रवादी उघडपणे समोर आली. राष्ट्रवादीच्या लोहा, कंधार, देगलूर, किनवट, माहूर या भागातील नगरसेवकांनी एकगठ्ठा मतदान केले तर शिंदे यांचे पारडे जड होऊ शकेल.
एकीकडे काँग्रेसने २१९ मतदारांसह मनसेतून काँग्रेसमध्ये आलेले १0, बिलोली विकास आघाडी १0 अशा विविध आघाड्यांच्या साथीने काँग्रेस उमेदवार राजूरकर यांनी मोठे आव्हान उभे केले आहे. तर दुसरीकडे भाजप-सेना आणि राष्ट्रवादी अशी मोट बांधण्याचा प्रयत्न प्रताप पाटील-चिखलीकर व त्यांचे नातेवाईक असलेले अपक्ष उमेदवार शिंदे यांच्याकडून होत आहे. ही मोट विरोधी पक्षांची वज्रमुठ ठरली तर मात्र काँग्रेसच्या उमेदवाराला शह देता येणार आहे. या निवडणुकीत एकूण ४७२ मतदारांपैकी २३७ पेक्षा अधिक मतदान पडणारा उमेदवार विजयी होणार आहे.
नांदेडमधून काँग्रेसचे अमर राजूरकर यांची उमेदवारी फार आधीपासून निश्चित झाली होती. प्रदेशाध्यक्ष अशोक चव्हाण यांचे निकटवर्तीय असलेल्या राजूरकरांना पाठिंबा देण्यास राष्ट्रवादीही तयार होती. मात्र, आघाडी फुटल्याने नांदेडमध्ये राष्ट्रवादीकडून निवृत्त सनदी अधिकारी श्यामसुंदर शिंदे हे सर्व पक्षांचे उमेदवार ठरल्याने व सत्ताधारी भाजपने पाठिंबा दिल्याने शिंदे यांना अनुकूल वातावरण तयार होत आहे. दोन्ही बाजूनी नगरसेवकांच्या सहलींचे आयोजन केले गेले आहे. १९ तारखेपर्यंत या नगरसेवकांना सांभाळावे लागणार आहे. या निवडणुकीत काँग्रेसचे प्रदेशाध्यक्ष खासदार अशोक चव्हाण यांच्या अनुभवाचा आणि मुत्सद्देगिरीचा विजय होतो की भाजपचे उपाध्यक्ष भास्करराव पाटील - खतगावकर यांच्या अनुभवाचा विजय होतो हे बघावे लागणार आहे. भाजपला नेहमीच पाण्यात पाहणारी शिवसेना या निवडणुकीत प्रताप पाटील यांचे मेहुणे उमेदवार असल्याने शिंदे यांना निवडून आणण्यासाठी कोणतीच कसर बाकी ठेवणार नाही, असे सांगण्यात येत आहे. इतिहास लक्षात घेतला तर नांदेडच्या विधान परिषद निवडणुकात चव्हाण घराणे जो उमेदवार ठरवते तोच निवडून येण्याचा इतिहास आहे. या इतिहासाची पुनरावृत्ती होणार की, नवा इतिहास घडणार ? हे निकालानंतरच कळणार आहे.

मोबाइल अॅप डाउनलोड करा आणि राहा अपडेट