नगराध्यक्षपदाच्या फिक्सिंगची चर्चा

November 12, 2016, 1:30 pm

≫ Next: ५०० कोटी जमा; वाटप १०० कोटींचे

≪ Previous: लोककलावंतांना कला जोपासताना शिक्षण हवे!

$

0

0

म. टा. प्रतिनिधी, जालना
जिल्ह्यातील सर्वपक्षीय राजकीय नेत्यांच्या सुभेदारीचे कार्यक्षेत्र शाबुत ठेवण्यासाठी समन्यायी सत्ता वाटपाचा समन्वय ठेवण्यासाठी झालेल्या तडजोडीच्या करारानुसार जालन्यात नगराध्यक्षपदाचे फिक्सिंग झाल्याची चर्चा सुरू आहे. नुकत्याच झालेल्या जालना बाजार समिती व अंबड खरेदी विक्री संघाच्या झालेल्या निवडणुकीतील घटनांची पुनरावृत्ती पालिकेच्या नगराध्यक्षपदासाठी होत असलेल्या निवडणुकीत झालेली दिसत आहे.
जिल्ह्यातील प्रभावी राजकारणात सक्रिय असलेल्या नेत्यांच्या परस्परांना समजून घेण्यासाठी ते करत असलेल्या कसरती लपून राहत नाहीत. जालना बाजार समितीच्या निवडणुकीत भाजप, शिवसेना आणि राष्ट्रवादी यांची आघाडी झाली. अंबड खरेदी विक्री संघाच्या निवडणुकीत हाच प्रयोग पुन्हा एकदा बघायला मिळाला. सहकार क्षेत्रातील समन्वय हा राजकारणापलीकडचा असतो असे उघड बोलणारे नेते एकत्र येऊन काम करतात, तर बाकीच्या सगळ्या निवडणुकांच्या संदर्भात परस्परांना सांभाळून घेण्यासाठी वेगवेगळ्या दिशांनी फंडे चालवताना दिसतात हे सगळे जालन्यातील राजकारण आहे.
भास्कर अंबेकर यांनी त्यांच्या पत्नी शोभा अंबेकर यांच्यासाठी नगराध्यक्षपदाची उमेदवारी मागितली होती. त्यांना ती मिळाली असताना त्यांनी शेवटच्या दिवशी उमेदवारी अर्ज मागे का घेतला ? आणि सर्वात महत्वाचे म्हणजे भाजपचे उमेदवार म्हणून निवडणूक लढविणार असल्याचे जाहीर करण्यात आले होते. भास्करराव पाटील-दानवे यांनी त्यांच्या पत्नी सुशीला दानवे यांच्या उमेदवारीवर शिक्कामोर्तब झाले असताना अचानक उमेदवारी अर्ज मागे का घेतला ? या दोन्ही प्रश्नांची घमासान चर्चा दिवसभर जालन्यातील गल्लीबोळात सुरू होती.
शिवसेना-भाजपची युती झाली आहे. नगरसेवकपदाचे वाटप करण्यात आले तर नगराध्यक्षपदाच्या उमेदवारीवर असे अचानकपणे शेवटच्याक्षणी कसे काय घुमजाव नाटक झाले ? अशा एक ना अनेक प्रश्नांची सरबत्ती आणि चर्चा सर्वत्र मोठ्या प्रमाणात सुरू आहे.
काँग्रेसच्यावतीने जालन्यात संगीता गोरंट्याल यांचा अर्ज दाखल केला. यावेळी त्यांना विरोध करण्यासाठी शिवसेनेच्यावतीने उमेदवार देण्याशिवाय पर्याय उपलब्ध नसल्याने काँग्रेस-राष्ट्रवादीसोबत टक्कर घेणार अशा घोषणा शिवसेनेच्यावतीने देण्यात आल्या. जालना शहराला विकासाच्या दृष्टीने सर्व क्षेत्रात आघाडीवर घेऊन जाण्यासाठी भाजप शिवाय कोणी समर्थ नाही असे भाजपचे नेते जाहीरपणे सांगत होते. आता वर्तमानात हे दोन्ही दावे फोल ठरले आहेत. नगराध्यक्षपदाची फिक्सिंग करण्यात आली असल्याची चर्चा जाहीरपणे होत आहे.
विधानसभेच्या निवडणुकीत चित्र अतिशय बदलत गेले. राजकीय बेरजेची समीकरणे कायम ठेवत वेगवेगळ्या तडजोडी झाल्याने सर्व मतदारसंघात आपोआपच समन्वय साधला गेला. भोकरदन विधानसभा मतदारसंघात शिवसेनेच्या उमेदवाराने राष्ट्रवादीकडे जाणारे भाजपविरोधी सेना समर्थक मतदान आपल्याकडे खेचले. अन भाजपच्या विजयाची वाट मोकळी करून दिली. त्याची नेमकी परतफेड जालन्यातील भाजपच्या उमेदवाराने काँग्रेसच्या पारड्यात जाणारी सेनाविरोधी भाजपच्या विचाराची मते आपल्याकडे खेचून सेनेच्या विजयाचा मार्ग प्रशस्त केला. घनसावंगी मतदारसंघात सेनेच्या एका गटातील कार्यकर्ते राष्ट्रवादीच्या तंबूत कामाला जुंपले. तर त्याचीच परतफेड जालन्यातील राष्ट्रवादीच्या कार्यकर्त्यांनी उघडपणे भगवा झेंडा खांद्यावर घेऊन केली. हा सर्व जालन्यातील ताजा इतिहास आहे. सातत्याने याच पद्धतीचे आखाडे जालन्यातील राजकारणात दिसतात. नगराध्यक्षपदाचा भार कुणाला द्यायचा यावरही अशीच फिक्सिंग झाल्याची चर्चा आहे.

मोबाइल अॅप डाउनलोड करा आणि राहा अपडेट

---

५०० कोटी जमा; वाटप १०० कोटींचे

November 12, 2016, 1:30 pm

≫ Next: मिठाची चोरी झाल्याने आश्चर्य

≪ Previous: नगराध्यक्षपदाच्या फिक्सिंगची चर्चा

$

0

0

म. टा. प्रतिनिधी, औरंगाबाद

औरंगाबादेत गेली दोन दिवस ११५० कोटींची रोकड विविध बँकांमध्ये जमा झाली. त्यापैकी अगदी अत्यल्प नोटा बदलून देण्यात आल्या. बॅँकांत शनिवारी ५०० कोटी रुपये जमा झाले, पण अपुरी रोकड आणि काही एटीएम सुरू असल्याने सर्व बँकांमधून अंदाजे १०० कोटी रुपयांचे वाटप करण्यात आले. निकड न भागल्याने बँका, एटीएमसमोरून हजारो नागरिक नाराज होऊन घरी परतले. रिझर्व्ह बँकेकडून रविवारी, १००० कोटी रुपये येणार असल्याचा दावा बँक अधिकाऱ्यांनी केला आहे. त्यामुळे नागरिकांची रविवारची सुट्टीही बँकेसमोरच जाणार आहे.

शहरात गुरुवारी १०० कोटींच्या दोन हजारांच्या नोटा शहरात आल्या होत्या. शिवाय बँकांकडील काही रोख रक्कम गृहित धरून नागरिकांना फारसा त्रास होणार नाही, असा दावा होता, पण तो गेल्या तीन दिवसांत पुरता फोल ठरला आहे. सर्वच बँकांसमोर शनिवारीही गर्दी दिसून आली. सरकारी सुट्टी असल्याने नागरिकांनी वीकेण्ड प्लॅन रद्द करून बँकांसमोर रांगा लावल्या. शनिवारी शहरात रिझर्व्ह बँकेकडून येणारी रक्कम पोचलीच नाही. त्याचा फटका नागरिकांना बसला.
दरम्यान एका ओळखपत्रावर एका ग्राहकास एका वेळी चार हजार रुपयांच्या नोटा बदलून मिळत आहेत. ग्राहक संबंधित बँकेच्या दुसऱ्या शाखेतून ओळखपत्र दाखवून नोटा बदलून घेण्यासाठी गेल्यास त्याला मज्जाव करण्यात आल्याचे अधिकाऱ्यांनी सांगितले.

मोबाइल अॅप डाउनलोड करा आणि राहा अपडेट

मिठाची चोरी झाल्याने आश्चर्य

November 12, 2016, 1:30 pm

≫ Next: मोबाईलचा व्यापार कोटीवरून लाखांत

≪ Previous: ५०० कोटी जमा; वाटप १०० कोटींचे

$

0

0

म. टा. प्रतिनिधी, औरंगाबाद

मोंढा परिसरातील दुकानातून वीस हजार रुपये किंमतीचे मीठ चोरी गेल्याचा प्रकार शुक्रवारी रात्री घडला. याप्रकरणी किराणा व्यापारी श्रीकांत दरख यांनी दिलेल्या तक्रारीवरुन अज्ञात चोरट्यांविरुद्ध शनिवारी क्रांति चौक पोलिस ठाण्यात गुन्हा दाखल करण्यात आला आहे, अशी माहिती सहायक पोलिस आयुक्त खुशालचंद बाहेती यांनी दिली.
देशभरात मिठाचे दर वाढल्याची अफवा शुक्रवारी पसरली. त्यामुळे शुक्रवारी रात्री जुना मोंढा परिसरात मीठ घेण्यासाठी अनेकांनी मोठी गर्दी केली होती. दुकाने बंद असल्याने काहींनी दुकानासमोर ठेवण्यात आलेल्या मिठाच्या गोण्याही लंपास केल्या. ही माहिती मिळताच घटनास्थळी धाव घेणाऱ्या पोलिसांना लोकांना पांगविण्यासाठी बळाचा वापरही करावा लागला.
दरम्यान, याच परिसरात श्रीकांत केदारनाथ दरख यांचे किराण दुकान आहे. मीठ चोरीला गेल्याची घटना यापूर्वी या परिसरात कधीच घडल्याचे ऐकिवात नसल्याने इतर व्यापाऱ्यांप्रमाणे दरखही दुकानासमोर गोण्या ठेवतात. ते शुक्रवारी रात्री आठ वाजता दुकान बंद करुन घरी गेले. शनिवारी सकाळी ते दुकान उघडण्यासाठी आले असता दुकानासमोर ठेवलेल्या ८० गोण्या चोरीला गेल्याचे त्यांच्या निदर्शनास आले. त्यांनी क्रांति चौक पोलिस ठाण्यात धाव घेत वीस हजार रुपये किंमतीचे मीठ चोरीला गेली, अशी तक्रार दाखल केली आहे. त्यावरुन मीठ चोरणाऱ्या अज्ञात आरोपी विरुद्ध गुन्हा दाखल झाल्याचे पोलिसांनी सांगितले. मोंढ्यातील अनेक दुकान व परिसरात सीसीटीव्ही आहेत. त्याचे फूटेज तपासून आरोपींचा काही शोध लागतो का, हेही तपासले जाईल, अशी माहिती सूत्रांनी दिली.

मोबाइल अॅप डाउनलोड करा आणि राहा अपडेट

मोबाईलचा व्यापार कोटीवरून लाखांत

November 12, 2016, 1:30 pm

≫ Next: वाघांच्या तीन बछड्यांचा जन्मोत्सव

≪ Previous: मिठाची चोरी झाल्याने आश्चर्य

$

0

0

म. टा. प्रतिनिधी, औरंगाबाद

जुन्या ५००, १००० रुपयांच्या नोटा बंद करण्याचा फटका स्मार्टफोन विक्रीलाही बसला आहे. स्मार्ट फोनची स्थानिक बाजारपेठेतील दिवसाकाठची दीड कोटी रुपयांची उलाढाल पाच ते सात लाख रुपयांवर आली आहे.
केंद्र सरकारने ५०० आणि १०००च्या नोटा चलनातून बाद केल्यानंतर नवीन नोटा अद्याप बँकांमधून पुरेशा उपलब्ध नाहीत. त्याचा फटका बाजारपेठेलाही बसला आहे. मोबाइलची बाजारपेठ मोठी मानली जाते. इंटरनेट, सोशल नेटवर्किंग, व्हिडिओसारख्या अत्याधुनिक सुविधा देणाऱ्या स्मार्टफोनने सर्वच स्तरांतील ग्राहकांना भुरळ घातली आहे. त्यामुळेच गेल्या काही वर्षांत ही बाजारपेठ वाढली आहे. शहरात निराजा बाजार, पैठण गेट, कॅनॉट प्लेस परिसरात मोबाइल बाजारपेठ आहे. शहराच्या विस्तारासह ही बाजारपेठही विस्तारते आहे. शहरात मोबाइलचे छोटे मोठे सुमारे २५० शो-रूम आहेत. व्यापाऱ्यांनी दिलेल्या माहितीनुसार स्थानिक बाजारपेठेत दिवसाकाठी सव्वा कोटी ते दीड कोटी रुपयांची उलाढाल या बाजारात होते. शासनाचा निर्णय, नवीन चलन त्वरित उपलब्ध होण्यास होत असलेला विलंब यामुळे मोबाइल विक्रीवर परिणाम झाला आहे. ग्राहक ५०० व १०००च्या नोटा घेऊन येत आहेत, परंतु त्या रद्द झाल्याने स्वीकारण्याचा प्रश्नच येत नसल्याचे व्यापारी सांगत आहेत. नवीन चलनाची प्रक्रिया जोपर्यंत सुरळीत होत नाही, तोपर्यंत बाजारपेठेवरील हे सावट कायम राहील, असा अंदाज व्यक्त केला जात आहे.

स्वाइप मशिनद्वारे व्यवहारावर अधिभार
मोबाइलखरेदी केल्यानंतर ग्राहकाने क्रेडिट, डेबिट कार्डद्वारे पैसे देऊ केले, तर व्यापाऱ्यांचा नगदी पैसे घेण्याकडे कल असतो. स्वाइप मशीनआधारे व्यवहारासाठी बॅँका दोन टक्के अधिभार घेतात. त्यामुळे नफा घटतो. केवळ याच कारणाने स्वाइप मशीनद्वारे फारसे व्यवहारावर होत नसल्याचे व्यापाऱ्यांनी सांगितले.

नवीन नोटा पुरेशा उपलब्ध होत नसल्याने मोबाइल बाजारपेठेवर मोठा परिणाम झाला आहे. रोज सुमारे दीड कोटी रुपयांची उलाढाल असलेली बाजारपेठ ठप्प आहे. नागरिक महागड्या मोबाइलची चौकशी करतात, काहींनी २०००ची नोटही देऊ केली, परंतु त्यांना परत देण्यास फारसे सुटे पैसे व्यापाऱ्यांकडे उपलब्ध नाहीत.
-गुलाम हक्कानी, अध्यक्ष, मोबाइल असोसिएशन, औरंगाबाद.

मोबाइल बाजारपेठत सध्या शुकशुकाट आहे. नवीन चलन बाजारपेठेत येत नाही तोपर्यंत ही स्थिती सुरळीत होणार नाही.
- ज्ञानेश्वर खर्डे, उपाध्यक्ष, मोबाइल असोसिएशन, औरंगाबाद

मोबाइल अॅप डाउनलोड करा आणि राहा अपडेट

वाघांच्या तीन बछड्यांचा जन्मोत्सव

November 12, 2016, 1:30 pm

≫ Next: येणार येणार म्हणे पण रोकड बेपत्ताच

≪ Previous: मोबाईलचा व्यापार कोटीवरून लाखांत

$

0

0

म. टा. प्रतिनिधी, औरंगाबाद

महापालिकेच्या सिद्धार्थ उद्यानातील प्राणिसंग्रहालयात, समृद्धी या पिवळ्या वाघिणीने शनिवारी तीन बछड्यांना जन्म दिला. तीनपैकी दोन बछडे पिवळ्या रंगाचे तर, एक पांढऱ्या रंगाचा आहे. तिन्हीही बछड्यांची प्रकृती उत्तम असून त्यांना किमान महिना आईसह विशेष कक्षात ठेवले जाणार आहे.
प्राणिसंग्रहालयातील व्यवस्थापनाने गुड्डू आणि दीप्ती ही पिवळ्या वाघांची जोडी पंजाबमधील चतबीर प्राणिसंग्रहालयातून आणली होती. दोघांनी समृद्धी आणि सिद्धांत या वाघांना जन्म दिला. त्या दोघांपासून शनिवारी तीन बछड्यांचा जन्म झाला. सूत्रांनी दिलेल्या माहितीनुसार समृद्धीने चार बछड्यांना जन्म दिला होता, त्यापैकी एकाचा मृत्यू गर्भाशयाच्या पिशवीतच झाला. तिघे वाचले आणि त्यांनी प्राणिसंग्रहालयात आनंदाची लकेर उमटवली. तिघांचेही वजन बाराशे ते तेराशे ग्रॅम असल्याचे प्राणिसंग्रहालयाचे संचालक विजय पाटील यांनी दिली. सर्वांना प्राणिसंग्रहालयातील दवाखान्याच्या विशेष खोलीत ठेवण्यात आले असून त्यांची या ठिकाणी विशेष काळजी घेतली जात आहे. या काळात कुणालाही त्यांच्याजवळ जाता येणार नसल्याचे त्यांनी स्पष्ट केले.

मोबाइल अॅप डाउनलोड करा आणि राहा अपडेट

येणार येणार म्हणे पण रोकड बेपत्ताच

November 13, 2016, 1:30 pm

≫ Next: ट्रकच्या धडकेने दोन जण जागीच ठार

≪ Previous: वाघांच्या तीन बछड्यांचा जन्मोत्सव

$

0

0

म. टा. प्रतिनिधी, औरंगाबाद

रविवारपर्यंत रिझर्व्ह बँकेतून कॅश येणार... नागपूरहून कंटेनर निघाला....रविवारपासून ना‌गरिकांना दिलासा मिळणार..... अशा वल्गना बँक अधिकारी शनिवारपर्यंत करत होते. परंतु, रविवारी रिझर्व्ह बँकेकडून कॅश आलीच नाही. बहुतांश एटीएम बंद राहिले, बँकांमधील रोकड संपली.

स्टेट बँक ऑफ हैदराबाद, बँक ऑफ महाराष्ट्र आणि स्टेट बँक ऑफ इंडियाच्या सूत्रांनी शनिवारपर्यंत रिझर्व्ह बँक नागपूर येथून नोटा पाठवत असल्याचे वारंवार सांगितले होते. पण, प्रत्यक्षात तसे काहीच घडले नाही. सिडको, हडको, जुना बाजार, सिटी चौक, औरंगपुरा, निराला बाजार, क्रांतिचौक, उस्मानपुरा, शहानुरमिया दर्गा परिसर आणि सातारा-देवळाई परिसरात या तीन बँकांच्या एटीएम मशीनची संख्या जास्त आहे. याच भागातून या एटीएमवर ‘हिट्स’ अधिक असतात. त्यामुळे नागरिकांनी रविवारी या एटीएमवर जाऊन पैसे काढणे पसंत केले. पण, त्यां‍ना ‘एटीएम आऊट ऑफ कॅश’ असे बोर्ड पाहण्यास मिळाले.

मंगळवारी होणार गर्दी

चलनात आलेल्या नवीन २००० व १००, ५० नोटा रिझर्व्ह बँकेकडून आल्या नाहीत. त्यामुळे शनिवारी शिल्लक असलेली बँकांची रोकड पहिल्या सत्रातच संपली. त्यामुळे दोन तासांनंतर केवळ कॅश स्वीकारण्याचेच काम अनेक बँकांमध्ये सुरू होते. सोमवारी सरकारी सुटी आली असल्याने मंगळवारी बँकांमध्ये गर्दी उसळणार आहे. परिस्थिती पूर्ववत होण्यास आणखी एक आठवड्याचा कालावधी लागण्याची शक्यता वर्तविण्यात आली आहे. मंगळवारी नोटा मिळतील, असे बोलले जात आहे.

मोबाइल अॅप डाउनलोड करा आणि राहा अपडेट

ट्रकच्या धडकेने दोन जण जागीच ठार

November 13, 2016, 1:30 pm

≫ Next: कॉमिक्स, गोष्टी नको आम्हा

≪ Previous: येणार येणार म्हणे पण रोकड बेपत्ताच

$

0

0

म. टा. प्रतिनिधी, पडेगाव
मिटमिटा येथील हॉटेल हॉटस्पॉट समोर ट्रक व दुचाकीच्या धडकेत रविवारी सकाळी दुचाकीवरील दोन जण ठार झाले. हे दोघे शासकीय कर्मचारी असून ते देवगाव येथे नातेवाईकाच्या अंत्यविधीसाठी जात होते. रावसाहेब रामराव धस (वय ५७, रा. रामनगर, मुकुंदवाडी) व दादाराव लक्ष्मण घोडके (वय ३७), अशी मृतांची नावे आहेत.
रावसाहेब रामराव धस हे सिंचन विभागात कार्यरत होते, तर दादाराव लक्ष्मणराव घोडके हे जिल्हा परिषदेत केंद्रप्रमुख होते. हे दोघे औरंगाबादहून देवगाव येथे नातेवाईकाच्या अंत्यविधीसाठी मोटारसायकलवरून जात होते. तेव्हा दौलताबादहून औरंगाबादकडे जाणारा ट्रक (टी. एस. ०६ यू. बी. १६१०) हा राँगसाइड जावून ओव्हरटेक करत होता. त्यावेळी समोरून त्याने मोटारसायकलला धडक दिली, अशी माहिती पोलिसांनी दिली. हा अपघात एवढा जोराचा होता की हे दोघे डाव्या बाजूला दूरवर फेकले गेले, हेल्मेट असूनही हात, पाय, मेंदुचा चेंदामेंदा झाला. अपघातानंतर स्थानिक नागरिकांनी १०८ क्रमांकावर फोन करून अॅम्ब्युलन्स बोलावली. पण ती एक तास उशिरा आल्याची माहिती, प्रत्यक्षदर्शी अमित पायमोडे यांनी सांगितली. अॅम्ब्युलन्स लवकर आली असती, तर एकाचा जीव वाचला असता, असे ते म्हणाले. पायमोडे यांनी अपघातग्रस्तांना अॅम्ब्युलन्समधून घाटी हॉस्पिटलमध्ये पाठवण्यास मदत केली. रक्तस्रावामुळे धस यांचा घाटी हॉस्पिटलमध्ये नेताना मृत्यू झाला. घोडके यांचा हॉस्पिटलमध्ये मृत्यू झाला. या घटनेची नोंद छावणी पोलिस ठाण्यात करण्यात आली. मोटारसायकलला धडक दिल्यानंतर ट्रक घटनास्थळावरून पोबारा करत होता. पण, मिटमिटा येथील पोलिस मित्रांनी एक किलोमिटरवर ट्रक अडवला. पोलिसांनी ट्रक जप्त करून चालकाला अटक कली आहे.

घोडकेंच्या घरी लग्न
रावसाहेब धस हे तीन महिन्यानंतर निवृत्त होणार होते. त्यांना तीन मुले असून ते उच्चशिक्षित आहेत. दादाराव लक्ष्मण घोडके यांच्या मुलीचा नुकताच साखरपुडा झाला असून तीन महिन्यांनंतर लग्न होते.

मोबाइल अॅप डाउनलोड करा आणि राहा अपडेट

कॉमिक्स, गोष्टी नको आम्हा

November 13, 2016, 1:30 pm

≫ Next: आमने-सामने : क्लास हवाही अन् नकोही

≪ Previous: ट्रकच्या धडकेने दोन जण जागीच ठार

$

0

0

म. टा. प्रतिनिधी, औरंगाबाद
शाळकरी मुलांच्या आवडीचे साहित्य म्हणजे कॉमिक्स, गोष्टीची पुस्तके, असा समज असतो, मुलांच्या वाचनाच्या आवडी-निवडी बदलल्या आहेत. रहस्यकथा, ऐतिहासिक कथा, विज्ञान कथा यांत मुलांना इंटरेस्ट असल्याचे उच्च माध्यमिक वर्गातील विद्यार्थ्यांशी चर्चा करताना समोर आले.
मुलं पुस्तकं वाचत नाहीत, अशी ओरड केली जाते, परंतु ती चुकीची आहे. मुले मोबाइल-टीव्हीच्या युगातही भरपूर पुस्तके वाचतात. ‘कोणती पुस्तके आवडतात. कॉमिक्स, गोष्टीची की वैचारिक पुस्तके,’ अशी विचारणा काही मुलांना केली असता, आश्चर्यकारक उत्तरे मिळाली. मुलांना रहस्यमय कथा, ऐतिहासिक, बोधकथा, वैज्ञानिक कथा वाचण्यात रस आहे. या पुस्तकांसाठी ते पालकांकडे हट्टही धरतात. औरंगाबादमध्ये सातवी ते दहावीतील ‌मुलांमुलींना प्रातिनिधिक स्वरुपात विचारल्यावर त्यांनी विविध प्रकारची पुस्तके वाचत असल्याचे सांगितले. रहस्यकथा, ऐतिहासिक, बोधकथा, वैज्ञानिक कथा वाचण्यात स्वारस्य असल्याचे त्यांनी सांगितले.

मला रहस्यमय गूढ आणि हेरगिरीवर असलेली पुस्तके वाचायला आवडतात. मी नेहमी तशाच पुस्तकांचे वाचन करते. दिवाळी पाडव्याला मी बाबांकडून पाडव्याची ओवाळणी म्हणून फन्टॅस्टिक फेलुदा ‌सीरिजचीपुस्तके घेतली. रेड, ब्ल्यू, गोल्डन अशा विविध सीरिजमधील ही पुस्तके सत्यजित रे यांची आहेत. याशिवाय मुरधीधर खैरनारांचे शोध, गड किल्ले, ऐतिहासिक पुस्तके देखील मी वाचत असते.
- गायत्री कुलकर्णी, इयत्ता नववी शारदा मंदिर शाळा

मला गोष्टींची पुस्तके, कार्टूनची पुस्तके वाचायला आवडतात. काही ऐतिहासिक गड किल्ल्यांचे पुस्तकंही वाचलेत मला बाबा छानछान पुस्तके वाचायला आणून देत असतात. शाळेच्या पुस्तकांव्यतिरिक्त इतर अवांतर पुस्तके वाचण्याची आवड आहे.
- नयना मुंडे, इयत्ता नववी, ज्ञानप्रकाश विद्या मंदिर

मला ऐतिहासिक पुस्तके वाचण्याची सवय आहे. इजिप्तशिअनचा इतिहास हे विजय देवधर यांचे पुस्तके नुकतेच वाचून संपवले. सुधा मूर्ती, विजय देवधर यांचे पुस्तके मी वाचले आहेत. चिकन सुप्स सीरिजमधील वैचारिक पुस्तकांच्या सीरिजलाही वाचून संपवले आहे. रहस्यमय कथा, ऐतिहासिक, बोधपर कथा, वैज्ञानिक कथा मला वाचायला आवडतात.
- जान्हवी कुर्डूकर, इयत्ता नववी, शारदा मंदिर शाळा

गोष्टींची, चित्रांची, कार्टूनची पुस्तके वाचायला आवडतात. मी शाळेच्या पुस्तकांव्यतिरिक्त ही पुस्तके वाचत असतो. माझे मित्रही या पुस्तकांचे वाचन करत असतात. मला गोष्टींच्या आणि कार्टून्सच्या पुस्तकांमध्ये विशेष आवड आहे. या पुस्तकांचे वाचन मी नियमित करत असतो.
- रोहन जाधव, इयत्ता नववी, शांती निकेतन शाळा

मोबाइल अॅप डाउनलोड करा आणि राहा अपडेट

---

आमने-सामने : क्लास हवाही अन् नकोही

November 13, 2016, 1:30 pm

≫ Next: टीव्ही करतो आम्हाला अपडेट

≪ Previous: कॉमिक्स, गोष्टी नको आम्हा

$

0

0

शाळेत चांगले शिकविल्यावर खाजगी कोचिंग क्लासची काही गरज असेल, असे मला वाटत नाही. शाळांमध्ये अतिरिक्त वर्ग होतात. त्याचाही फायदा होतो. शाळेत शिकणे आणि खाजगी शिकवणीत फरक आहे. शाळेत पाठांतर करून घेतले जाते. अभ्यासक्रमाचे नियोजन शाळास्तरावरच चांगले होते. वर्ग मित्र, मैत्रिणींमध्ये विषयाबाबत चर्चा केली जाते. त्यामुळे विषय चांगल्याप्रकारे समजण्यास मदत होते. माझी शाळा सकाळी सात वाजता भरते व दुपारी बारा वाजता संपले. त्यानंतर जादा तास घेऊन विज्ञान, गणित विषय शिकविले जातात. त्या उलट खाजगी शिकवणी अनेकांना आर्थिकदृष्ट्या परवडतही नाही.
- नाजिया शेख, दहावी, मराठा हायस्कूल

खासगी कोचिंग हवा की नको, याची चर्चा कायम होते. शाळेत आम्ही जे शिकतो, त्याचा सराव म्हणून शिकवणीची गरज आहे. शाळांमध्ये अनेकदा अभ्यासक्रमासह विविध उपक्रम राबविले जातात. घरांमध्येही अभ्यासासाठी अनेकदा अडचणी येतात, वेळ मिळत नाही. त्यावेळी शिकवणीचा आधार मिळतो. त्याचसोबत शाळेमध्ये शिकविण्याची पद्धती वेगळी असते. शिकवणीमध्ये काहीशी वेगळी पद्धती असते. एकच विषय वेगवेगळ्या पद्धतीने शिकण्यासाठीची संधी म्हणून क्लासकडे पहिले पाहिजे. असे असले तरी केवळ आग्रह म्हणून क्लासला जाणे चुकीचे आहे.
- झांशी डोंगरे, इयत्ता नववी, मुकूल मंदिर

मोबाइल अॅप डाउनलोड करा आणि राहा अपडेट

टीव्ही करतो आम्हाला अपडेट

November 13, 2016, 1:30 pm

≫ Next: टॉक टाइम : मोबाइल मुलांसाठी धोकादायकच

≪ Previous: आमने-सामने : क्लास हवाही अन् नकोही

$

0

0

चिमुकले म्हणतात ‘इडियट बॉक्स’ मित्रच
म. टा. प्रतिनिधी, औरंगाबाद
परीक्षा जवळ आली की, ‘टीव्ही बंद करा, सारखा टीव्ही काय पाहताय, अभ्यास करा,’ असा सूर प्रत्येक घरात असतो, मात्र पुस्तकांसोबतच टीव्हीने आम्हाला शिवाजी महाराजांच्या गड-किल्ल्यांची मा‌हिती दिली, तर त्याच टीव्हीने निसर्गापासून ते विज्ञानाच्या घडामोडींची ओळख करून दिली. टीव्हीच आम्हाला अपडेट करतो असे, मत चिमुकल्यांनी मांडली.
टीव्हीसमोर अनेक तास ठाण मांडून बसल्यामुळे सर्वसाधारणपणे टीव्ही हा इडियट बॉक्स अशीच धारणा असते. बच्चे कंपनीने जास्त वेळ टीव्ही पाहू नये, असे पालकांना वाटते, तर बच्चे कंपनीला मात्र टीव्ही मित्रच वाटतो, अशी भावना चिमुकल्यांनी बालदिनानिमित्त ‘मटा’कडे बोलून दाखवली.

दहावीच्या विद्यार्थ्यांना किंवा महत्त्वाची परीक्षा असेल त्यावेळी टीव्ही पाहण्याच्या वेळांवर नियंत्रण हवे, मात्र घरात पूर्णपणे टीव्ही बंद नको. अभ्यासातून उसंत मिळाल्यानंतर आम्हालाही विरंगुळा म्हणून कार्टून, इतर मनोरंनाचे कार्यक्रम पहायला आवडतात. त्यामुळे टीव्ही आम्हाला मित्रासारखाच वाटतो.
- अनुष्का जोशी, इयत्ता दहावी

टीव्ही पाहणे आमच्या उपयोगाचे असल्यामुळे आम्हाला तो मित्र वाटतो. टीव्हीच्या माध्यमातून मनोरंजनासोबतच शैक्षणिक चॅनलवरील कार्यक्रमांचाही उपयोग होतो. इतिहास, भूगोल या विषयांबरोबर जगाची माहिती मिळविण्यासाठी मला टीव्हीचा उपयोग होतो.
- तेजस जाधव, इयत्ता नववी

अभ्यासाचे नियोजन केले तर घरातील सर्व मोठी मंडळी मला टीव्ही पाहण्यास परवानगी देतात. टीव्ही व वर्तमानपत्राच्या माध्यमातून रोजच्या घडामोडी कळतात. सध्या सुरू असलेल्या नोटाबंदीच्या देशातील बातम्याही आम्हाला टीव्हीच्या माध्यमातूनच ‌मिळतात.
- प्रथमेश पवार, इयत्ता दहावी

अभ्यास करून बोअर झालो की टीव्ही पाहण्यात मजा येते. टीव्ही हा इडियट बॉक्स नसून, माहितीचे एक मोठे साधन आहे, असे मला वाटते. अभ्यासाची वेळ सांभाळून टीव्ही पाहिला, तर घरी टीव्ही पहाण्याची परवानगी मिळते. टीव्ही नसता, तर माहिती मिळाली नसती, म्हणून टीव्ही उपयोगाचाच आहे.
- आदित्य भोयरेकर, सातवी

वेळ अभ्यास व खेळ या शिवाय टीव्हीही आमच्या आयुष्यात महत्त्वाची भूमिका पार पाडतो. अभ्यासक्रमातील अनेक विषयाची माहिती टीव्हीतून होते. यामध्ये इतिहास, भूगोल, विज्ञान, सामान्यज्ञान यांचा समावेश होतो. घटना, घडामोडींशिवाय हवामानाचीही माहिती मिळत असल्यामुळे टीव्ही हा उपयोगाचाच आहे.
- ऋत्विक डुकरे, इयत्ता सहावी

शाळा, ट्यूशन, होमवर्कच्या कचाट्यातून विरंगुळा म्हणून खेळ खेळण्याचा व टीव्ही पाहण्याचा आनंद वेगळाच असतो. टीव्ही हे माहिती मिळवण्याचे साधन असल्यामुळे अभ्यासासोबत टीव्ही पाहिजेच.
- गजानन गुंडरे, इयत्ता नववी

अभ्यासातून कंटाळा आला तर खेळ आणि टीव्ही हाच पर्याय असतो. टीव्हीवर लहान मुलांसाठी असलेल्या वेगवेगळ्या चॅनल्सवर अनेक कार्यक्रम असतात. अभ्यास झाल्यानंतर टीव्ही पाहताना गड-किल्ल्यांचा इतिहास, विज्ञानाविषयक कार्यक्रम अभ्यासालाही मदतच करतात.
- विनायक जोशी, इयत्ता आठवी

मोबाइल अॅप डाउनलोड करा आणि राहा अपडेट

टॉक टाइम : मोबाइल मुलांसाठी धोकादायकच

November 13, 2016, 1:30 pm

≫ Next: ‘मला आवडतं औरंगाबाद अन् डेहराडून’

≪ Previous: टीव्ही करतो आम्हाला अपडेट

$

0

0

प्रश्न - बच्चेकंपनीचे मोबाइल प्रेम खूप वाढले आहे. त्याविषयी काय वाटते?
उत्तर - लहान मुलांमध्ये विशेषतः शाळकरी विद्यार्थ्यांमध्ये मोबाइलचे आकर्षण खूप वाढले आहे. पालक किंवा वडीलधाऱ्यांनी जर सामान्य ज्ञानावर आधारित एखादा प्रश्न विचारला की मुलांना बोअर वाटते. हे काय वेगळेच विचारत आहेत, अशा भावनेतून पाहिले जाते. मोबाइलचा अतिवापर याचाच हा परिणाम आहे. कारण खेळण्याच्या नादात आजची बच्चेकंपनी वाचनाकडे दुर्लक्ष करत आहे. त्यामुळे आजुबाजुला काय चालले आहे, याची माहितीच मिळत नाही. मोबाइल ही काळाची गरज आहे, पण त्याचा अतिरेक धोकादायक आहे. काही वेळासाठी विरंगुळा म्हणून मोबाइल वापरला तर त्यात गैर नाही, पण अतिवापर करणे चुकीचे आहे.

प्रश्न - मोबाइल प्रेमामुळे कोणकोणत्या गोष्टींवर परिणाम झाला आहे?
उत्तर - मोबाइल वापराची व खेळण्याची सवय लागल्यामुळे मुलै मैदानावर जाणे विसरली आहेत. मैदानी खेळही मोबाइलवरच खेळण्यात धन्यता मानली जाते. त्यामुळे मुलांच्या प्रकृतिवर परिणाम झाला आहे. पुढच्या पिढीला तर अधिकच त्रास होणार आहे. बौद्धिक वाढ खुंटत आहे. यावर वेळीच अटकाव घातला नाही, तर भविष्यात अधिक अडचणी येणार आहेत.

प्रश्न - मुलांकडून होणाऱ्या मोबाइलच्या अतिवापरावर निर्बंध घालावेत की अन्य काही उपाययोजना करावी?
उत्तर - मोबाइलचा अनेक गोष्टींसाठी होणारा वापर निश्चितच चांगला आहे, मात्र त्याच्या अतिवापरावर निर्बंध घालून मर्यादेत वापर केला पाहिजे. अभ्यासाकडे लक्ष दिले पाहिजे. आई वडिलांनीही मुलांना मोबाइलच्या अतिवापरापासून दूर ठेवले पाहिजे. तरच आपली पुढची पिढी अधिक सक्षम होईल.

मोबाइल अॅप डाउनलोड करा आणि राहा अपडेट

‘मला आवडतं औरंगाबाद अन् डेहराडून’

November 13, 2016, 1:30 pm

≫ Next: निरोपासाठी ‘स्मार्ट’ नको साधाच मोबाइल पुरेसा

≪ Previous: टॉक टाइम : मोबाइल मुलांसाठी धोकादायकच

$

0

0

म. टा. प्रतिनिधी, औरंगाबाद
ऐतिहासिक वारसा, शैक्षणिक सुविधा व मनमिळावू लोक या कारणांमुळंच पर्यटनाची राजधानी असलेलं औरंगाबाद या आपल्या शहरासह असंच वैशिष्टे असलेलं डेहराडून शहर खूप आवडतं, असं नववीत शिकणारी अंजली मधुकर सावंत सांगते.
सातारा परिसरात राहणाऱ्या अंजलीला जन्मगाव असलेलं औरंगाबाद सर्वाधिक आवडतं. त्यामागील कारण स्पष्ट करताना ती म्हणते,‘आपण जेथं राहतो, त्या शहरावर आपलं प्रेम असणं, ते शहर आवडणं हे स्वाभविकच, पण औरंगाबाद आवडण्याचं केवळ तेच एक कारण नाही. अजिंठा, वेरुळच्या लेण्यांयासह अन्य ऐतिहासिक वास्तूचा वारसा, पैठणीची निर्मिती यामुळं औरंगाबादचं नाव जागतिक पातळीवर पोचलं आहे. त्याचबरोबर औद्योगिक विकासामुळं आशिया खंडात झपाट्याने वाढणारं शहर म्हणून औरंगाबादची ख्याती आहे. अशा शहराचे रहिवासी असल्याचा सार्थ अभिमान असणारचं’ नामांकित शिक्षण संस्थांमुळे इथं शिक्षणांच्या चांगल्या सुविधा आहेत. विविध अभ्यासक्रम, कौशल्य शिकण्याची संधी इथं उपलब्ध होत आहेत. स्मार्ट सिटीकडे वाटचाल करत असतानाही या शहराची संस्कृती आजही टिकून आहे. शहराचा विस्तार होत असतानाच औद्योगिक विकासामुळे भविष्यात रोजगारांच्या अनेक संधी निर्माण होतील, असं वाचनात येतं. त्याचबरोबरच आरोग्यविषयक चांगल्या सुविधा अल्पदरात मिळत असल्यानं परदेशी नागरिकही येथे उपचारासाठी येतातच ना आपल्या या शहरात.’ ‘शहरात अनेक सुधारणा, विकासकामे होत अाहेत. मनमिळावू रहिवासी असलेले शहर मग कोणाला आवडणार नाही तुम्हीच सांगा...,’ असं अंजली विचारते.

डेहराडूनही आवडते
औरंगाबादबरोबरच डेहराडून आवडतं. या दोन्ही शहरात मला साम्य वाटतं. नागमोडी रस्ते असलेल्या डेहराडून शहराला अप्रतिम नैसर्गिक सौदर्य लाभलं आहे. औरंगाबादप्रमाणंच ते एक पर्यटनस्थळ. लष्कराचे प्रमुख कॅम्प, जवळच मसुरी इथं भारतीय पोलिस सेवेतील अधिकाऱ्याचे प्रशिक्षण केंद्रही आहे. शिक्षणाबाबत डेहराडूनमध्ये जागरुकता दिसते. आपल्या सारखी सपाट शेतजमीन तिथं नाही. डोंगर उताऱ्यावर शेती केली जाते, सर्वत्र हिरवळ, रंगीबेरंगी फुलझाडं, मुबलक जलसाठे हे सर्व पाहताना मन प्रसन्न होणार ना... शाळेत पर्यावरण हा विषय आम्हाला शिकवला जातो. पालकांसोबत देहरादूनला जाण्याची संधी दोन वर्षांपूर्वी मिळाली. थंड हवेच्या या ठिकाणाचे अनेक स्थंळांना भेट दिल्यानंतर शहरातही फेरफटका मारला. स्वच्छ रस्ते, पदचारी मार्ग, वाहतूक नियमांचे पालन करणे नागरिक, नागरी सुविधा हे सर्व चित्र पाहून कोण या हिरवळीने नटलेल्या शहराच्या प्रेमात पडणार नाही, असं अंजली सांगते.

मोबाइल अॅप डाउनलोड करा आणि राहा अपडेट

निरोपासाठी ‘स्मार्ट’ नको साधाच मोबाइल पुरेसा

November 13, 2016, 1:30 pm

≫ Next: अन्यथा डाळ नको, पैसे द्या

≪ Previous: ‘मला आवडतं औरंगाबाद अन् डेहराडून’

$

0

0

म. टा. प्रतिनिधी, औरंगाबाद
शालेय विद्यार्थ्यांमध्ये मोबाइल फोनचा वापर वाढला आहे. सातवी ते दहावीच्या विद्यार्थ्यांना मोबाइल फोनची गरज वाटू लागली आहे. घर ते शाळा-शाळा ते घर आणि घर ते क्लास-क्लास ते घर यादरम्यानचे सर्व प्रकारचे निरोप देण्या-घेण्यासाठी हा फोन खूप उपयुक्त असल्याचे मत उच्च माध्यमिक विद्यार्थ्यांचे आहे, मात्र स्मार्ट नव्हे, तर साधाच फोन पुरेसा असल्याचेही विद्यार्थ्यांचे मत आहे.
अलीकडे शहरातील प्रत्येक रस्त्यावर कोणत्याही वेळेस ट्रॅफिक असते आणि कधी-कधी ट्रॅफिकमुळे खूप वेळ वाया जातो. अशावेळी मोबाइल असेल, तर शैक्षणिक वेळ वाचवता येतो, असे विद्यार्थ्यांचे स्पष्ट मत तयार होत आहे. ‘नाथ व्हॅली’चा आठवीचा विद्यार्थी आर्यन संतोष सोळंके म्हणतो, ‘मला दिवसातून कधीतरी एखाद्या वेळेस फोन करावा लागतो. अर्थात, अशी गरज आठवड्यातून काही वेळेसच पडते. इंटरनेटसाठी मात्र मी कम्प्युटरचाच वापर करतो. मी मोबाइल हा फक्त निरोप देण्या-घेण्यासाठीच वापरतो, मात्र माझी नववीतील बहीण शालिनी हिला मात्र रोज काही ना काही निरोप देण्या-घेण्यासाठी फोनची गरज पडते. तिला दिवसातून काही वेळेस तरी मैत्रिणींना फोन करावा लागतो. मला सध्यातरी स्वतंत्र फोन असावा, असे वाटत नाही.’
‘नाथ व्हॅली’ची नववीतील विद्यार्थिनी श्रावणी संजीव इंदूरकर म्हणते, ‘मला निरोप देण्या-घेण्यासाठीच फोन लागतो. कधी-कधी क्लास लवकर संपतो, तर कधी उशिरा संपतो. अशा वेळी घरी निरोप दिला नाही, तर आई-वडिलांची विनाकारण धावपळ होते. अर्थात, मला साधाच मोबाइल फोन लागतो. स्मार्ट फोनची गरज वाटत नाही. निदान मी तरी लॅपटॉपवरच इंटरनेट अॅक्सेस करते.’
गुजराती कन्या मंदिरची आठवीतील प्रिया राहुल मालाणी हिच्यानुसार; वेगवेगळ्या प्रोजक्टसाठी इंटरनेटचा वापर करावा लागतो आणि बाहेर इंटरनेट कॅफेमध्ये जाण्यापेक्षा मला मोबाइलवरच इंटरनेट वापरणे सोयीचे वाटते. त्यामुळे मोबाईल उपयुक्तच आहे.

वेळ वाचवण्यासाठी सर्वोत्तम
मोबाइलमुळेच वेळ वाचवणे शक्य होते आणि वाचलेला वेळ अभ्यास, इतर महत्त्वाच्या कारणांसाठी वापरता येऊ शकतो, असे महाराष्ट्र पब्लिक स्कूलचा दहावीचा विद्यार्थी पुष्कर गुणवंत भारुळे म्हणतो. मी स्वतंत्र फोन वापरतो; पण तो अगदी साधा फोन आहे आणि महत्त्वाचे निरोप देण्या-घेण्यासाठी तो खूप उपयुक्त ठरतो, असेही पुष्कर म्हणतो.

मोबाइल अॅप डाउनलोड करा आणि राहा अपडेट

अन्यथा डाळ नको, पैसे द्या

November 13, 2016, 1:30 pm

≫ Next: रस्त्यात लुटणाऱ्यास उद्यापर्यंत कोठडी

≪ Previous: निरोपासाठी ‘स्मार्ट’ नको साधाच मोबाइल पुरेसा

$

0

0

म. टा. प्रतिनिधी, औरंगाबाद
आज येणार, उद्या येणार असे म्हणत दिवाळी सण संपला, तरीही रेशन दुकानांवर हरभरा डाळ मिळाली नाही. येत्या दोन दिवसांत डाळ मिळाली नाही, तर भरलेले पैसे परत मागणार असल्याचे रेशनदुकानदार महासंघाचे डी. एन. पाटील यांनी सांगितले.
ऐन सणासुदीत हरभरा डाळीचे भाव कडाडले. त्यामुळे गोरगरिबांना दिलासा देण्यासाठी आठवड्याभरात सरकारी डाळीचा ५०० क्विंटल साठा शहरात येणार असल्याचे सांगण्यात आले होते. दोन आठवड्यांपूर्वी शहरातील १९७ रेशन दुकानदारांनी डाळीसाठी प्रत्येकी १७ हजार ५०० रुपये याप्रमाणे ३४ लाख ४७ हजार रुपये सरकारकडे भरले, मात्र दिवाळी सण संपला, तरीही रेशन दुकानांमध्ये अद्यापही डाळीचा पत्ता नाही. यापूर्वी रेशन दुकानदारांना देण्यात आलेली तूर डाळही पडून अाहे. आता या सरकारी डाळीला कोण ग्राहक मिळणार, असा प्रश्न आहे. दिवाळीपूर्वी हरभरा डाळीचे भाव गगनाला भिडले. त्यामुळे सरकारने मुंबई, पुणे, नागपूर, अमरावती व औरंगाबाद या शहरांतील रेशन दुकानांमध्ये ५०० क्विंटल हरभरा डाळ वितरित करण्याचा निर्णय झाला. औरंगाबाद शहरातील १९७ रेशन दुकानदारांनी या डाळीसाठी प्रत्येकी १७ हजार ५०० रुपये या प्रमाणे ३४ लाख ४७ हजार रुपयांचा भरणा केला होता, मात्र डाळीसंदर्भात पुरवठा विभागाने कोणतही माहिती दिली नसल्यामुळे रेशन दुकानदार हैराण झाले आहेत. त्यामुळे १५ नोव्हेंबरपर्यंत डाळ उपलब्ध झाली नाही, तर भरलेले पैसे १६ नोव्हेंबर रोजी परत करावेत, अशी आम्ही मागणी करणार असल्याचे पाटील यांनी सांगितले.

७० रुपये दराने होणार होती विक्री
काही महिन्यांपूर्वी तूर डाळीचे दर गगनाला भिडले. त्यात सरकारला हस्तक्षेप करावा लागला. तूर डाळ सरकारने उपलब्ध करून दिली होती. त्यानंतर महिनाभरापूर्वी हरभरा डाळीचे दर वाढण्यास सुरुवात झाली. डाळीचे दर १४० रुपये किलोपर्यंत पोचले होते. सरकारने सुरुवातीला ७८ रुपये किलो दराने ही डाळ विकण्याचे जाहीर केले. दुसऱ्याच दिवशी त्यात आठ रुपयांची कपात करून ७० रुपये दर जाहीर केला, पण ही डाळच रेशनपर्यंत पोचलेली नाही.

मोबाइल अॅप डाउनलोड करा आणि राहा अपडेट

रस्त्यात लुटणाऱ्यास उद्यापर्यंत कोठडी

November 13, 2016, 1:30 pm

≫ Next: चुकीच्या धोरणाने गरिबी वाढली : पी. साईनाथ

≪ Previous: अन्यथा डाळ नको, पैसे द्या

$

0

0

म. टा. प्रतिनिधी, औरंगाबाद
रुग्णालयात जाणाऱ्या दुचाकीस्वाराला रस्त्यात अडवत मारहाण करून त्याच्या खिशातील रोख लांबविणाऱ्या आरोपीला मंगळवारपर्यंत (१४ नोव्हेंबर) पोलिस कोठडीत ठेवण्याचे आदेश प्रथम वर्ग न्यायदंडाधिकारी एम. एस. कोचर यांनी दिले.
याप्रकरणी जाधववाडीच्या नवनाथ नगरात राहणारे गणेश भिकन श्रावणे (वय ३५) यांनी फिर्याद दिली होती. फिर्यादीनुसार; ५ नोव्हेंबरला रात्री फिर्यादीला मुलाला रुग्णालयात घेऊन जाण्यासाठी पैशांची गरज होती म्हणून एटीएम मशीनमधून दोन हजार रुपये काढले व नंतर मित्र बिसन निंभोरे यांच्याकडून अडीच हजार रुपये घेतले. हे पैसे घेऊन फिर्यादी दुचाकीवरुन (एमएच २०, एक्यू ९३६०) रुग्णालयाकडे जात होता. आरती नगर मिसारवाडी येथे उभे असलेले राजू कचरू शिंदे, गणेश शिंदे व त्यांचा एक मित्र अशा तिघा आरोपींनी फिर्यादीची दुचाकी अडवून त्यांना मारहाण केली व खिशातील साडेचार हजार रुपयांची रोख हिसकावून घेतली. फिर्यादीने आरडा ओरड केल्याने तिघे पळून गेले. या प्रकरणी फिर्यादीने दुसऱ्या दिवशी तिघा आरोपींविरुद्ध हर्सूल पोलिस ठाण्यात दिलेल्या तक्रारीवरून गुन्हा दाखल करण्यात आला. पोलिसांनी आरोपी राजू कचरू शिंदे (वय ३१, रा. गोरखनाथ नगर, जाधववाडी) याला शनिवारी (१२ नोव्हेंबर) रात्री त्याच्या घरातून अटक केली. त्याला रविवारी (१३ नोव्हेंबर) कोर्टात हजर करण्यात आले असता, हा गंभीर स्वरुपाचा गुन्हा आहे. उर्वरित आरोपी पसार असून, त्यांचा शोध घ्यावयाचा आहे, आरोंपीकडून चोरी केलेला मुद्देमाल जप्त करणे असल्याने आरोपीला सात दिवसांची पोलिस कोठडी देण्याची विनंती सरकारी वकील व्ही. एन. चौकीदार यांनी कोर्टात केली. ही विनंती ग्राह्य धरून कोर्टाने आरोपीला मंगळवारपर्यंत पोलिस कोठडीत ठेवण्याचे आदेश दिले.

मोबाइल अॅप डाउनलोड करा आणि राहा अपडेट

---

चुकीच्या धोरणाने गरिबी वाढली : पी. साईनाथ

November 13, 2016, 1:30 pm

≫ Next: कचनेर यात्रेची धर्मध्वजवंदनाने सुरवात

≪ Previous: रस्त्यात लुटणाऱ्यास उद्यापर्यंत कोठडी

$

0

0

म. टा. प्रतिनिधी, औरंगाबाद
‘देशात चुकीच्या आर्थिक धोरणाने ग्रामीण व शहरी भागात असमानता वाढली. ग्रामीण अर्थव्यवस्था मोडकळीस येऊन शेतकरी आत्महत्यांची संख्या दुप्पट झाली. सोने, बेनामी जमीन व्यवहार आणि विदेशी चलनात सर्वाधिक काळा पैसा आहे. त्यामुळे नोटा रद्द करून भ्रष्टाचार थांबणार नाही,’ असे प्रतिपादन ज्येष्ठ पत्रकार पी. साईनाथ यांनी केले.
अनंत भालेराव प्रतिष्ठानचा यंदाचा ‘अनंत भालेराव स्मृती पुरस्कार’ ज्येष्ठ पत्रकार पी. साईनाथ यांना प्रदान करण्यात आला. तापडिया नाट्यमंदिरात रविवारी सायंकाळी हा कार्यक्रम झाला. यावेळी मंचावर प्रतिष्ठानचे अध्यक्ष मधुकरराव मुळे, सचिव डॉ. सविता पानट आणि डॉ. प्रभाकर पानट यांची प्रमुख उपस्थिती होती. रोख ५० हजार रुपये, मानपत्र आणि स्मृतिचिन्ह असलेला पुरस्कार साईनाथ यांना प्रदान करण्यात आला. यावेळी माजी न्यायमूर्ती नरेंद्र चपळगावकर, डॉ. सुधीर रसाळ, प्राचार्य प्रताप बोराडे, सुनिती धारवाडकर, सुभाषचंद्र वाघोलीकर, अशोक भालेराव व श्याम देशपांडे उपस्थित होते. पुरस्कार स्वीकारल्यानंतर साईनाथ यांचे ‘संकट में ग्रामीण भारत’ या विषयावर व्याख्यान झाले. ‘सध्या पाचशे व हजार रुपयांच्या नोटा रद्द झाल्यामुळे जनता त्रस्त आहे. कुणाकडेच पैसे नसल्यामुळे अर्थमंत्र्यांची ‘कॅशलेस इकॉनॉमी’ प्रत्यक्षात आली. बनावट नोटा रोखणे, काळा पैसा थांबवणे व दहशतवाद्यांचा अर्थपुरवठा तोडण्याचा सरकारचा दावा असेल, तर पाठिंबा द्यावा लागेल, पण ‘काळा पैसा’ म्हणजे काय तेच स्पष्ट नाही. व्यवहारात ब्लॅक मनी कधीच नसतो, तर ती समांतर अर्थव्यवस्था आहे. सोने, बेनामी जमीन व्यवहार आणि फॉरेन करन्सीत सर्वाधिक काळा पैसा गुंतवला जातो. हा भ्रष्टाचार सरकार कसा रोखणार?’
आता रजिस्ट्रार लाच घेण्याचे वेगळे प्रकार वापरत आहेत. बनावट नोटा जमा करून बँकेने दिल्यानंतर आरबीआय नष्ट करते, पण सध्या बनावट नोटा ग्राहकांनाच परत देत आहेत. पुन्हा वितरित झाल्यामुळे बनावट नोटा चलनात येतात. जुन्या नोटा रद्द करून पंतप्रधान मोदी यांनी मास्टरस्ट्रोक मारला असे टीव्ही चॅनल्स सांगतात. कारण ते क्रेडिट कार्ड वापरतात. त्यांना मजूर आणि कामगारांचे आर्थिक व्यवहार कळणार नाहीत. कधी कधी चांगल्या निर्णयात लोकांचे हाल होतात ते मान्य करू, पण या निर्णयामुळे पाच टक्केसुद्धा काळा पैसा बाहेर येणार नाही, असे साईनाथ म्हणाले.
दरम्यान, प्रतिष्ठानच्या वतीने जयकृष्ण भालेराव, सुधाकर पवार, मानस पाटील व अनुष्का काळे यांचा विशेष सत्कार करण्यात आला. श्रीकांत उमरीकर यांनी सूत्रसंचालन केले.

कर्ज दुप्पट झाले
‘दोन वर्षांत शेतकऱ्यांचे उत्पन्न दुप्पट करू, असे अर्थमंत्री म्हणाले. प्रत्यक्षात शेतकऱ्यांचे कर्ज दुप्पट होऊन आत्महत्या वाढल्या आहेत. दहा वर्षांत देशात तीन लाख शेतकऱ्यांनी आत्महत्या केल्या. महाराष्ट्रात ही संख्या ६३ हजार आहे. मागील वर्षी आकडा वाढल्यामुळे सरकारने सरकारी वेबसाइटवर माहिती जाहीर केली नाही. ३० जूनपर्यंत माहिती प्रसिद्ध करणे अपेक्षित असूनही शेतकरी आत्महत्येची माहिती दिली नाही’ असे साईनाथ म्हणाले.

कायदा वेगवेगळा
‘देशात नऊ हजार कोटी रुपयांचे कर्ज बुडवून विदेशात पळालेल्या विजय मल्ल्याला वेगळा न्याय आणि शेतकरी महिलेला वेगळा न्याय आहे. मराठवाड्यात उन्हाळ्यात लोकांनी ३५ पैसे ते एक रुपया ३० पैसे प्रतिलिटर दराने पाणी खरेदी केले. दुसरीकडे २४ बिअर कंपन्यांना फक्त चार पैसे प्रतिलिटर दराने पाणी मिळत होते. हा अन्याय नाही का,’ असा सवाल साईनाथ यांनी केला. १७.९ कोटी ग्रामीण कुटुंबातील कमावती व्यक्ती दरमहा पाच हजार रुपये कमावते. निश्चित वेतन असलेल्या दलितांची संख्या ७.३ टक्के व आदिवासींची ६.४ टक्के आहे. ही असमानता दूर कशी होईल, असे ते म्हणाले.

मोबाइल अॅप डाउनलोड करा आणि राहा अपडेट

कचनेर यात्रेची धर्मध्वजवंदनाने सुरवात

November 13, 2016, 1:30 pm

≫ Next: शरियत कायद्यानुसारच वागणार

≪ Previous: चुकीच्या धोरणाने गरिबी वाढली : पी. साईनाथ

$

0

0

म. टा. प्रतिनिधी, औरंगाबाद
लाखो भाविकांचे श्रद्धास्थान असलेले दक्षिणेतील काशी म्हणून प्रसिद्ध असलेल्या श्री १००८ चिंतामणी पार्श्वनाथ दिगंबर जैन अतिशय क्षेत्र कचनेर येथे रविवारपासून तीन दिवसांच्या वार्षिक यात्रा महोत्सवाला उत्साहात प्रारंभ झाला.
आचार्य गुप्तीनंदी गुरुदेव, आचार्य सचिदानंद गुरुदेव, मुनीश्री गिरनारसागरजी, आर्यिका कुलभूषणमती माताजी, आर्यिका विनम्र्रमती माताजी यांच्या प्रमुख सानिध्यात धर्मध्वजवंदन झाले. क्षेत्राचे अध्यक्ष व महाप्रसाददाता प्रमोदकुमार कासलीवाल, सुनीलकुमार पाटणी, मनोजकुमार सावजी परिवाराच्या वतीने ध्वजवंदन करून महोत्सवाची सुरवात झाली. क्षेत्राचे सचिव भरत ठोळे, माणिकचंद गंगवाल, अशोक गंगवाल, विपीन कासलीवाल, वृषभ गंगवाल यांच्यासह अनेक आदींची प्रमुख उपस्थिती होती. यात्रा महोत्सवासाठी उपस्थित भाविकांना प्रमोदकुमार जमनलाल कासलीवाल, सुनीलकुमार सुंदरलाल पाटणी, मनोजकुमार दुलीचंदसा सावजी परिवाराच्या वतीने महाप्रसाद आयोजित करण्यात आला. विधानसभा अध्यक्ष हरिभाऊ बागडे यांनी सकाळी कचनेरला भेट देऊन भगवंतांचे दर्शन घेतले.
प्रवीण लोहाडे व अशोक गंगवाल यांनी सूत्रसंचालन केले. सुरेश कासलीवाल यांनी बोलिया वाचन केले. तदनंतर बोलिया होऊन भगवंतांचा पंचामृत अभिषेक करण्यात आला. क्षेत्राचे विश्वस्त मंडळाचे उपाध्यक्ष माणिकचंद गंगवाल, व्यवस्थापकीय संचालक सुरेश कासलीवाल, ललित पाटणी, एम. आर. बडजाते, विनोद लोहाडे, डॉ. रमेश बडजाते, दिलीप काला, प्रकाश कासलीवाल, के. डी. पांडे, संतोष पाटणी आदींसह विश्वस्त व कार्यकारिणी मंडळाचे व यात्रा महोत्सवाचे सदस्य, कचनेरचे सरपंच, गावकरी यांच्यासह हजारो भाविकांची उपस्थिती होती. ठिकठिकाणांहून पायी यात्रेकरूंच्या दिंड्याही क्षेत्रावर दाखल झाल्या आहेत. परभणी, हिंगोली, शिवूर, जालना, जिंतूर, मानवत, नांदेड, श्रीरामपूर, लासूर, औरंगाबाद, बजाजनगर,वाळूज आदी ठिकाणाहून आलेल्या पायी यात्रेकरूंच्या क्षेत्राच्या वतीने स्वागत करण्यात आले. महोत्सवासाठी विश्श्वस्थ मंडळ, कार्यकारणी मंडळ, यात्रा समिती यांच्यासह शाळेचे शिक्षक वृंद, क्षेत्राचे कर्मचारी व कचनेर सरपंच, गावकरी विशेष पुढाकार घेत असल्याची माहिती क्षेत्राचे महामंत्री भरत ठोळे यांनी दिली असल्याचे यात्रा महोत्सवाचे प्रचार प्रसार नरेंद्र अजमेरा व पियूष कासलीवाल यांनी सांगितले दिली आहे.

आज मुख्य यात्रा महोत्सव
सोमवारी सकाळी दहा वाजता बोलिया होवून भगवंतांचा पंचामृत अभिषेक होईल. दुपारी तीन वाजता जलयात्रा पालखी व रथयात्रा मिरवणूक, सायंकाळी सातवाजता आरती, शास्त्र वाचन, स्वाध्याय व सायंकाळी साडेसात वाजता वार्षिक सर्वसाधारण सभा होणार आहे. भाविकांसाठी एस. टी. महामंडळाच्या वतीने शहागंज,सिडको बसस्टँड येथून दिवसभर बसेसची व्यवस्था करण्यात आली आहे.

मोबाइल अॅप डाउनलोड करा आणि राहा अपडेट

शरियत कायद्यानुसारच वागणार

November 13, 2016, 1:30 pm

≫ Next: उद्यानाच्या जागेवर आरक्षण

≪ Previous: कचनेर यात्रेची धर्मध्वजवंदनाने सुरवात

$

0

0

म. टा. प्रतिनिधी, औरंगाबाद
देशात सर्वांना आपल्या धर्माच्या संस्कृतीप्रमाणे आचरण करण्याचा अधिकार आहे. राज्य घटनेप्रमाणे तो अधिकार इस्लाम धर्म मानणाऱ्यांनाही आहे. आम्ही इस्लाम धर्माच्या तत्वानुसार शरियत कायद्याप्रमाणे वागणार असल्याचा ठराव या प‌रिषदेत घेण्यात अाला.
वहदते इस्लामी हिंदतर्फे देशभर १३ नोंव्हेबर २०१६ ते फेब्रुवारी २०१७ या कालावधीत चालणाऱ्या ‘अल्लाहसे नाता जोडो’ या मोहिमेचे प्रारंभ रविवारी करण्यात आला. वहिदत ए इस्लामच्या इज्तेमाचे आयोजन आमखास मैदानावर करण्यात आले. या परिषदेत मान्यवरांच्या भाषणानंतर पाच ठराव मंजूर करण्यात आले.
शरियतनुसार चालणार, यामध्ये बदल करण्याचा कुणी प्रयत्न केला तर आम्ही प्रतिकार करू, मुस्लिम, दलितांवर होणाऱ्या अत्याचारांचा निषेध, शिक्षणाचे भगवेकरण चालणार नाही, देशातील सर्व वर्गांना चांगले शिक्षण मिळाले पाहिजे, यांचा त्यात समावेश आहे. आम्ही इस्लाम धर्मातील परंपरेनुसार वागणार, असाही ठराव यावेळी मंजूर करण्यात आला.

धर्माच्या बदनामीचे कारस्थान
वहिदत ए इस्लामचे अध्यक्ष मौलाना अताउर्ररहमान वजदी यांनी सां‌गितले की, ‘जगात इस्लाम धर्माला बदनाम करण्याचा कट आहे. आम्ही शरियत नुसारच आम्ही वागणार. त्यात कोणाचाही हस्तक्षेप चालणार नाही.’ या परिषदेत विविध मान्यवरांनी वेगवेगळ्या विषयांवर आपले मत व्यक्त केले.

मोबाइल अॅप डाउनलोड करा आणि राहा अपडेट

उद्यानाच्या जागेवर आरक्षण

November 14, 2016, 11:04 am

≫ Next: रुपेरी पडद्यालाही नोटबंदीचा फटका

≪ Previous: शरियत कायद्यानुसारच वागणार

$

0

0

म. टा. प्रतिनिधी, औरंगाबाद
‘शहर तसं चांगलं, पण विकासात महागलं,’ या वाक्याचा प्रत्यय औरंगाबादमध्ये पदोपदी येतो. १६ वर्षांपूर्वी कांचनवाडीत आयुर्वेदिक उद्यान निर्मितीसाठी भूमिपूजन झाले. मात्र, केवळ पालिकेच्या अक्षम्य दुर्लक्षामुळे या जागेवर फक्त झुडपांचे संगोपन झाले आहे. आता तर या भूखंडावर सामाजिक सुविधा केंद्राचे आरक्षण पडल्याने उद्यान निर्मितीच्या कामाला खोडा बसला आहे.
कांचनवाडीत महापालिकेचे उद्यान असले पाहिजे, या उद्देशाने येथे जागा निश्चित करण्यात आली. या भागात आयुर्वेद महाविद्यालय आहे. त्यामुळे बालोद्यान किंवा पारंपरिक उद्यान तयार करण्याऐवजी येथील विद्यार्थी आणि अभ्यासकांना उपयुक्त पडेल असे आयुर्वेदिक उद्यान उभारावे असा निर्णय झाला. महापालिकेच्या ३५ एकराच्या भूखंडापैकी दोन एकरावर उद्यान विकसित करण्याचे ठरले. त्यासाठी २००१मध्ये या जागेवर भूमिपूजन करण्यात आले. मात्र, त्यानंतर उद्यानाच्या विकासाकडे अक्षम्य दुर्लक्ष झाले. आर्थिक तरतूद देखील करण्यात आली नाही. त्यामुळे उद्यानाच्या जागेवर कोणतेच काम झाले नाही. दरम्यानच्या काळात विकास आराखडा तयार करण्यात आला आणि कांचनवाडीमधील त्या प्लॉटवर सामाजिक सुविधा केंद्राचे आरक्षण पडले आहे. त्यामुळे या जागेवर उद्यान विकसित करता येईल की नाही, याबद्दल साशंकता आहे. सध्या या ठिकाणी फक्त झाडाझुडपांचे साम्राज्य निर्माण झाले आहे.

आरक्षणात काय?
उद्यानाच्या जागेवर पडलेल्या आरक्षणात सिवरेज ट्रीटमेंट प्लांट, फायर स्टेशन, पोलिस स्टेशन, पोस्ट ऑफिस, कमर्शियल कॉम्पलेक्स आदींचा समावेश आहे. सध्या उद्यानाच्या जागेवर कोणत्याही प्रकारचे बांधकाम झालेले नाही. मात्र, नव्या आरक्षणानुसार ही कामे येथे लवकरच सुरू होऊ शकतात.

कांचनवाडी येथे आयुर्वेद वनस्पती उद्यान तयार करण्याची मूळ कल्पना माझीच होती. मात्र, भूमिपूजनानंतर पालिका प्रशासनाने उद्यानाच्या उभारणीसाठी काहीच केले नाही. त्यामुळे त्या जागेवर आरक्षण पडले. पालिका यंत्रणेने पुढाकार घेतला, तर ही जागा आरक्षणातून वगळणे शक्य आहे. तसा प्रयत्न केला जाईल. - नंदकुमार घोडेले, नगरसेवक

उद्यानाच्या जागेवर आरक्षण पडलेले असले तरी दुसरी एखादी जागा उपलब्ध करून घेऊन तेथे हे उद्यान विकसित करता येऊ शकेल. गतवर्षीच या संदर्भात नियोजन केले होते, पण काही कारणांमुळे ते मागे पडले. आता आयुक्तांशी बोलून या उद्यानासाठी आर्थिक तरतूद ठेवण्याचा प्रयत्न करू. काम लवकर सुरू करू. - विजय पाटील, उद्यान अधीक्षक

मोबाइल अॅप डाउनलोड करा आणि राहा अपडेट

रुपेरी पडद्यालाही नोटबंदीचा फटका

November 14, 2016, 1:30 pm

≫ Next: जालन्यात २१ लाखांची रोकड जप्त

≪ Previous: उद्यानाच्या जागेवर आरक्षण

$

0

0

म. टा. प्रतिनिधी, औरंगाबाद
दैनंदिन व्यवहारात नोटांचा तुटवडा निर्माण झाल्याचा फटका चित्रपट व्यवसायाला बसला आहे. या आठवड्यात प्रेक्षकांची संख्या तब्बल ६० टक्के घटली आहे. शुक्रवार ते रविवार या तीन दिवशी चित्रपटगृहात सर्वाधिक गर्दी असते. मात्र, जुन्या नोटा रद्द झाल्यानंतर चित्रपटगृहात शुकशुकाट आहे. प्रेक्षकांची एकावेळी गर्दी होत असल्याने स्वाइप मशीन हँग होण्याच्या प्रकाराला कर्मचारी वैतागले आहेत.
पाचशे व हजार रुपयांच्या नोटा चलनातून रद्द झाल्यानंतर बँका आणि एटीएमसमोर नागरिकांच्या रांगा लागल्या आहेत. दररोजच्या व्यवहारासाठी पैसे नसल्यामुळे नागरिक हतबल झाले आहेत. बहुतेक व्यवहार उधारीवर सुरू असून, एटीएम बंद आहेत. नोटांच्या तुटवड्याचा परिणाम चित्रपट व्यवसायावरही झाला आहे. शहरातील बहुतेक चित्रपटगृहात शुकशुकाट असून, प्रेक्षकांनी अक्षरशः पाठ फिरवली आहे. मल्टिप्लेक्स आणि एकपडदा चित्रपटगृहात सारखीच परिस्थिती आहे. दर शुक्रवारी नवीन चित्रपट प्रदर्शित होतो. शुक्रवार ते रविवार या दिवशी प्रेक्षकांची लक्षणीय गर्दी असते, मात्र चलनात नोटा नसल्यामुळे तब्बल ६० टक्के प्रेक्षकसंख्या घटली आहे. ‘या शुक्रवारी ‘रॉक ऑन २’ चित्रपट प्रदर्शित झाला. तरूण प्रेक्षकांची गर्दी अपेक्षित असल्यामुळे आम्ही विशेष तयारी केली होती, पण नोटांचा निर्णय जाहीर झाल्यानंतर गर्दी ओसरली. परिणामी चित्रपटाला जेमतेम प्रतिसाद मिळाला,’ असे ‘बिग अंजली मल्टिप्लेक्स’चे व्यवस्थापक संतोष लोखंडे यांनी सांगितले.
‘वजनदार’, ‘चार साहेबजादे’ या चित्रपटांच्या व्यवसायावरही परिणाम झाला आहे. शहरातील इतर मल्टिप्लेक्समध्ये हीच परिस्थिती आहे. बँका आणि एटीएम मंगळवारी सुरू झाल्यानंतर परिस्थिती निवळण्याची शक्यता आहे.

स्वाइप मशीन बंद
मोजकेच पैसे असल्यामुळे काही प्रेक्षकांनी ऑनलाइन बुकिंगचा पर्याय स्वीकारला आहे. या बुकिंगसाठी जास्तीचे शुल्क लागते. मोजकेच प्रेक्षक तिकिटांची ऑनलाइन बुकिंग करतात. या समस्येवर मात करण्यासाठी मल्टिप्लेक्स व चित्रपटगृहात स्वापइ मशीन उपलब्ध आहे, मात्र शो सुरू होण्यापूर्वी प्रेक्षकांची गर्दी उसळत असून, स्वाइप मशीन हँग होते. वारंवार मशीन बंद पडत असल्यामुळे कर्मचारी वैतागले आहेत.

जुन्या नोटा रद्द झाल्यानंतर चित्रपट व्यवसायावर परिणाम जाणवत आहे. प्रेक्षकांची संख्या घटली आहे. नवीन नोटा चलनात येईपर्यंत प्रेक्षकांची प्रतीक्षा करावी लागेल.
- संतोष लोखंडे, व्यवस्थापक, बिग अंजली

मोबाइल अॅप डाउनलोड करा आणि राहा अपडेट