आर्यन, अमन, अजय, रिचाची आगेकूच
राष्ट्रीय टेनिस स्पर्धा
म. टा. प्रतिनिधी, औरंगाबाद
एड्युरन्स् मराठवाडा-एमएसएलटीए टेनिस सेंटरतर्फे आयोजित १४ वर्षांखालील राष्ट्रीय टेनिस स्पर्धेत मुलांच्या गटात आर्यन झवेरी, अमन तेजाबवाला, रुद्र कपूर, अजय मलिक, राजेश कन्नन यांनी तर, मुलींच्या गटात रिचा चौगुले, गार्गी पवार, बेला ताम्हणकर, रिया उबवेजा या खेळाडूंनी प्रतिस्पर्ध्यांचा पराभव करून आगेकूच केली.
विभागीय क्रीडा संकुलातील एन्ड्युरन्स टेनिस सेंटरमध्ये सुरू असलेल्या या स्पर्धेत दुसऱ्या फेरीत मुलांच्या गटात अव्वल मानांकित आर्यन झवेरीने प्रणय चौधरीचा ६-१, ६-०, असा पराभव केला. रुद्र कपूरने अकराव्या मानांकित उदित गोगईचे आव्हान ३-६, ६-३, ६-४ असे संपुष्टात आणले. सहाव्या मानांकित राजेश कन्ननने कार्तिक सक्सेनाचा टायब्रेकमध्ये ४-६, ६-३, ७-६(३) असा पराभव केला.
मुलींच्या गटात अव्वल मानांकित रिचा चौगुलेने आदिती नारायणवर ७-६(१), ०-६, ६-२ असा संघर्षपूर्ण विजय मिळवला. तिसऱ्या मानांकित गार्गी पवारने रिया वाशिमकरला ६-०, ६-० असे नमविले. आठव्या मानांकित बेला ताम्हणकरने श्रीचंद्रा टेंटूला ६-२, ६-० असे नमविले.
स्पर्धेतील इतर निकाल ः दुसरी फेरी : मुले - ध्रुव टंगी वि. वि. ओंकार आपटे, अजय मलिक वि. वि. श्रीजीत सेन, एस बुपती वि. वि. अमन दहिया, अमन तेजाबवाला वि. वि. शशांक नरडे, कृष्णा हुडा वि. वि. अनिरुद्ध कृष्णा, निशांत दबस वि. वि. अर्जुन गोहड, व्हीएम संदीप वि. वि. हिरक वोरा.
मुली - अवी शहा वि. वि. कनिका सिवारामण, संदिप्ती राव वि. वि. दिव्या भारद्वाज, रिया उबवेजा वि. वि. रिद्धी काकरलामुडी, संस्कृती ढमेरा वि. वि. दीपा वनराजा.
मोबाइल अॅप डाउनलोड करा आणि राहा अपडेट