बीड येथील नऊ वर्षांच्या मुलीसह औरंगाबाद जिल्ह्यातील तीन करोनाबाधित रुग्णांचा उपचारादरम्यान घाटीत मृत्यू झाला. त्यामुळे औरंगाबाद जिल्ह्यातील करोना बळींची संख्या एक हजार १५३ झाली आहे. त्याचवेळी जिल्ह्यात गुरुवारी (तीन डिसेंबर) ८४ नवे बाधित आढळून आल्याने एकूण करोनाबाधितांची संख्या ४३ हजार ६५६ झाली आहे. जिल्ह्यात गुरुवारी ८४ बाधित (शहर ६९, ग्रामीण १५) करोनामुक्त झाल्याने आतापर्यंत करोनामुक्त झालेल्यांची संख्या ४१ हजार ५०८ झाली आहे. सध्या ९९५ बाधितांवर उपचार सुरू असल्याचे जिल्हा प्रशासनाने कळवले आहे.
शहरात ६९ नवे रुग्ण
शहरातील नव्या बाधितांमध्ये दर्गा चौक येथील १, पुंडलिक नगर, गारखेडा २, आलोक नगर १, प्रताप नगर १, सातारा परिसर २, पोलिस लाइन १, चिकलठाणा १, मिलिट्री हॉस्पिटल १, माळीवाडा १, आकाशवाणी परिसर ६, एसआरपीएफ कॅम्प २, एन-नऊ, रायगड नगर १, एन-आठ ६, एन-सात, सिडको ३, हर्सूल १, चेतना नगर २, गवळीपुरा १, समर्थ नगर १, एन-नऊ, श्रीकृष्ण नगर १, अमृतसाई सारा, कांचनवाडी १, गजानन कॉलनी १, कांचनवाडी, कल्याण गेट १, बीड बायपास १, दशमेश नगर १, ज्योती नगर १, मुकुंदवाडी १, हनुमान नगर २, कामगार चौक १, पडेगाव १, बिल्डर सोसायटी, नंदनवन कॉलनी १ व इतर ठिकाणच्या २२ व्यक्तींचा समावेश आहे. ग्रामीण भागात १५ बाधित ग्रामीण भागातील नव्या बाधितांमध्ये तिसगाव महानगर १, गांधेली १, चौका, फुलंब्री २, रांजणगाव २, पळसखेडा १, कुक्कडगाव १, बिडकीन १ व इतर ठिकाणच्या ६ व्यक्तींचा समावेश आहे.
गंभीर गुंतागुंतीमुळे मुलीचा मृत्यू
शिवना येथील ५९ वर्षांचा पुरूष, काझीवाडा येथील ५८ वर्षांची महिला व चिकलठाणा येथील हनुमान चौक येथील ७० वर्षांचा पुरुष बाधितांसह बीड येथील नऊ वर्षांच्या बाधित मुलीचा उपचारादरम्यान घाटीत मृत्यू झाला. संबंधित बाधित मुलीला १७ नोव्हेंबर रोजी शासकीय वैद्यकीय महाविद्यालय व रुग्णालयात (घाटी) दाखल करण्यात आले होते व संबंधित मुलगी ही करोनाबाधित असल्याचे चाचण्यांवरून स्पष्ट झाले होते, मात्र विविध गंभीर व्याधींसह गुंतागुंतीमुळे बालरुग्णाचा उपचारादरम्यान बुधवारी (दोन डिसेंबर) मृत्यू झाल्याचे घाटी प्रशासनाकडून कळवण्यात आले आहे.
मोबाइल अॅप डाउनलोड करा आणि राहा अपडेट
