औरंगाबाद, नांदेड, परळी येथील लोहमार्ग पोलिस ठाण्यातील आरोपींना औरंगाबाद येथील कोर्टात हजर करण्यासाठी फक्त एकच वाहन आहे. त्यामुळे अनेकवेळा खासगी वाहन, रिक्षातून आरोपींची वाहतूक करावी लागते. शिवाय एकच वाहन असल्याने तपासावरही परिणाम होत आहे.
मॉडेल रेल्वेस्टेशन असलेल्या औरंगाबादच्या रेल्वे स्थानकाबाबत प्रवाशांची ओरड आहेच. त्यासोबतच आत लोहमार्ग पोलिसांच्या अपुऱ्या सुविधांकडेही लक्ष वेधले जात आहे. औरंगाबाद लोहमार्ग पोलिसांकडे रोटेगावपासून सेलूपर्यंत लोहमार्ग सुरक्षेची जबाबदारी आहे. या मार्गावर प्रवाशांची लूटमार होण्याच्या घटना होत आहेत. परिणामी, अपघात स्‍थळी पोहचण्यासाठी पोलिसांना अनेक वेळा वाहन उपलब्ध नसल्याने पायपीट करावी लागते. रेल्वे रुळावर अपघात झाल्यानंतर रुग्णाला उपचारासाठी नेण्यासाठी लोहमार्ग पोलिसांकडे सुविधा नाहीत. शासकीय अॅम्बुलन्स किंवा खासगी वाहनांचा वापर करावा लागतो. शासकीय अॅम्बुलन्स येण्या उशिर झाल्यास प्राण वाचवण्यासाठी खासगी वाहनांवर पदरमोड खर्च करावी लागते. हा भुर्दंड लोहमार्ग पोलिस किंवा प्रवाशांच्या नातेवाईकांना सहन करावा लागत आहे. लोहमार्ग पोलिसांकडे सध्या एकच वाहन असून त्याचा वापर सहायक पोलिस निरीक्षक करतात. तपासकामासाठी हे वाहन दौऱ्यावर असते. त्यामुळे लोहमार्ग पोलिसांची मोठी अडचण होत आहे.
आरोपी पळण्याची भिती
वाहनाची कमरता असल्याने लोहमार्ग पोलिसांना अनेकदा आरोपीला खासगी वाहनातून कोर्टात हजर करावे लागते. यावेळी आरोपी पळून जाण्याची भिती असते.
मोबाइल अॅप डाउनलोड करा आणि राहा अपडेट
