ट्रकचालकाला लुबाडणारे फक्त बारा तासात जेरबंद

June 7, 2017, 2:30 pm

≫ Next: ‘कॅन्सर हॉस्पिटल’ला थेंबभर पाणीही मिळेना

≪ Previous: संत एकनाथांच्या पालखीचे १६ जून रोजी प्रस्थान

$

0

0

म. टा. प्रतिनिधी, औरंगाबाद
ट्रक चालकाला मारहाण करून साडेसहा हजारांचा ऐवज लुबाडणाऱ्या ‌टोळीला अवघ्या १२ तासांत ग्रामीण गुन्हेशाखेच्या पथकाने शिर्डी येथून जेरबंद केले. हा प्रकार मंगळवारी पहाटे साडेतीन वाजता वैजापूर हद्दीत घडला होता. या टोळीने इतर जिल्ह्यात देखील गुन्हे केल्याची कबुली दिली आहे.
मुंबई-नागपूर महामार्गावरील शिवराई शिवारात ट्रकचालक वीरेंद्र सुखदेव यादव (रा. आजमगड, उत्तरप्रदेश) हे व क्लीनर झोपी गेले होते. यावेळी चार आरोपींनी ट्रकच्या केबीनमध्ये घुसून मारहाण करीत रोख पाच हजार चारशे रुपये व मोबाइल लुबाडला होता. याप्रकरणी वैजापूर पोलिस ठाण्यात गुन्हा दाखल करण्यात आला होता. घटनास्थळी ग्रामीण गुन्हेशाखेच्या पथकाने भेट दिली होती. खबऱ्याने या गुन्ह्यामध्ये शिर्डी येथील गुन्हेगारांचा समावेश असल्याची माहिती दिली. या माहितीवरून संशयित आरोपी सद्दाम राजकुमार राणा (वय १९, रा. विठ्ठलवाडी, शिर्डी) याला ताब्यात घेतले. सद्दामने या गुन्ह्याची कबुली देत इतर साथीदारांची नावे सांगितली. पोलिसांनी त्याचे साथीदार दाऊद शकीर शेख (रा. श्रीरामनगर), उबेद जेहूर शेख (रा. बारागाव पिंपरी, जि. नाशिक), आदेश दत्तात्रय नागरगोजे, (रा. शिवाजीनगर, शिर्डी) यांना अटक केली. त्यांचा एक साथीदार नवेद उर्फ गजनीखान (रा. इस्लामनगर, शिर्डी) हा अंधाराचा फायदा घेत पसार होण्यात यशस्वी झाला. आरोपींच्या ताब्यातून लुटलेला साडेसहा हजारांचा ऐवज, गुन्ह्यात वापरलेली तवेरा व इतर गुन्ह्यात लुबाडलेले ११ मोबाइल जप्त केले. ही कारवाई पोलिस अधीक्षक डॉ. आरती सिंह, अप्पर पोलिस अधीक्षक उज्ज्वला वनकर, डीवायएसपी सुनील लांजेवार, यांच्या मार्गदर्शनाखाली पोलिस निरीक्षक सुभाष भुजंग, पीएसआय भगतसिंग दुलत, गणेश मुळे, राजेंद्र जोशी, सागर पाटील, विनोद तांगडे व बाबा नवले यांनी केली.

सात किलोमीटर पाठलाग

पहिला आरोपी सद्दामला ताब्यात घेतल्यानंतर त्याने इतर गुन्हेगारांची तसेच वाहनाची माहिती सांगितली. शिर्डी येथे शोध घेत असताना एका तवेरामध्ये हे आरोपी दिसले. पोलिसांना पाहताच त्यांनी पलायन केले. पोलिसांनी त्यांचा पाठलाग करीत सात किलोमीटर अंतरावर त्यांना जेरबंद केले तरी देखील एक आरोपी पसार झाला.

कोर्टाच्या तारखेसाठी वाहन भाड्याने

आरोपी गुन्हा करण्यासाठी चारचाकी वाहनांचा वापर करीत होते. वाहन भाड्याने घेताना जालना येथे कोर्टाच्या तारखेसाठी जात असल्याची ‌ते थाप मारीत होते. अशा पद्धतीने त्यांनी अहमदनगर,‌ नाशिक, औरंगाबाद व जालना जिल्ह्यातही गुन्हे केल्याची कबुली दिली आहे.

मोबाइल अॅप डाउनलोड करा आणि राहा अपडेट

---

‘कॅन्सर हॉस्पिटल’ला थेंबभर पाणीही मिळेना

June 7, 2017, 2:30 pm

≫ Next: ऑनलाइन प्रवेशाचे नियोजन होईना

≪ Previous: ट्रकचालकाला लुबाडणारे फक्त बारा तासात जेरबंद

$

0

0

‘कॅन्सर हॉस्पिटल’ला थेंबभर पाणीही मिळेना

४५ लाख खड्ड्यात; नवीन जलवाहिनीतून पाणी नाहीच अन् पूर्वी तिसऱ्या दिवशी मिळणारे पाणीही बंद

म. टा. प्रतिनिधी, औरंगाबाद

मुंबई हायकोर्टाच्या औरंगाबाद खंडपीठाच्या आदेशानंतर आणि वारंवार पाठपुरावा करण्यात आल्यानंतर तब्बल दोन-अडीच वर्षांनी शासकीय कॅन्सर हॉस्पिटलला स्वतंत्र जलवाहिनी तयार करण्यात आली; परंतु नवीन जलवाहिनी तयार करण्यात आल्यापासून हॉस्पिटलला चक्क थेंबभर पाणीही मिळत नसल्याची दुर्दैवी स्थिती आहे. त्यातच जलवाहिनी तयार होण्यापूर्वी तिसऱ्या दिवशी मिळणारे अत्यल्प पाणीही बंद करण्यात आल्याने गोरगरीब व मरणासन्न कर्करुग्णांच्या जिवाशी खेळ सुरू असल्याचे भयावह चित्र आहे. या अस्वस्थ करणाऱ्या प्रकाराकडे मायबाप सरकार, लोकप्रतिनिधी लक्ष देणार आहेत की नाही, हा खरा प्रश्न आहे.

महाराष्ट्रातील पहिले स्वतंत्र शासकीय कॅन्सर हॉस्पिटल शहरातील आमखास मैदानासमोर मागच्या साडेचार वर्षांपासून कार्यरत आहे. १०० खाटांच्या कॅन्सर हॉस्पिटलमध्ये पूर्वीपासून महापालिकेचा ८ इंची पाण्याचा नळ आहे; परंतु या नळाला कधीच आठ इंची नळाप्रमाणे पाणी मिळाले नाही. एक विभागीय कर्करुग्णालय म्हणून किंवा ज्याप्रमाणे घाटीला दररोज पाणीपुरवठा होतो, त्याप्रमाणे कॅन्सर हॉस्पिटलला कधीच दररोज पाणी पुरवठा झाला नाही व घरगुती वापराप्रमाणे हॉस्पिटलला दर तिसऱ्या दिवशी पाणी पुरवठा झाला तोही अत्यल्पच. अर्थात, हॉस्पिटलची दररोजची गरज एक ते दीड लाख लिटरची असताना हॉस्पिटलच्या ८ इंची नळाद्वारे कधीच १०-२० हजार लिटरपेक्षा जास्त पाणी मिळाले नाही आणि पुन्हा तेदेखील तिसऱ्या दिवशी. त्यामुळेच शासकीय वैद्यकीय महाविद्यालय व रुग्णालयाप्रमाणे (घाटी) कॅन्सर हॉस्पिटलला दररोज पुरेसे पाणी द्यावे, अशी हॉस्पिटलची आजही मागणी आहे. दरम्यान, हॉस्पिटलच्या गंभीर पाणी प्रश्नाची दखल घेऊन मुंबई हायकोर्टाच्या औरंगाबाद खंडपीठाने १६ डिसेंबर २०१४ रोजी, ‘सहा महिन्यांत हॉस्पिटलसाठी ज्युबली पार्कपासून स्वतंत्र जलवाहिनी तयार करावी’, असे आदेश पालिकेला दिले. त्यासाठी हॉस्पिटल प्रशासनाने पालिकेला ४५ लाख रुपयांचा धनादेश द्यावा, असेही खंडपीठाने आपल्या आदेशात म्हटले होते. खंडपीठाच्या आदेशानुसार हॉस्पिटल प्रशासनाने पालिकेकडे धनादेश सुपूर्द केल्यानंतर आणि त्यासाठी वारंवार पाठपुरावा केल्यानंतर पालिकेने मागच्या दोन महिन्यांपूर्वी जलवाहिनीचे काम कसे-बसे पूर्ण केले. त्यानंतर पहिले दोन-तीन दिवस जलवाहिनीला पाणी आले; परंतु त्यानंतर थेंबभर पाणीही मिळत नसल्याची दुर्दैवी स्थिती निर्माण झाली ती आजतागायत कायम आहे. त्यातच हॉस्पिटलला नवीन जलवाहिनी सुरू केल्यामुळे पूर्वीचा ८ इंची नळ बंद करण्यात आला. परिणामी, नवीन जलवाहिनीद्वारे थेंबभर पाणी मिळेना आणि पूर्वीचा नळ बंद केल्याने निदान तिसऱ्या दिवशी मिळणारे अत्यल्प पाणीही बंद झाले आणि मागच्या दोन महिन्यांपासून कॅन्सर हॉस्पिटलला पाण्याचा अक्षरशः ठणठणाट आहे.

‘टँकर भरोसे’ कॅन्सर हॉस्पिटल

कॅन्सर हॉस्पिटलला पुरेसे पाणी मिळत नसल्यामुळेच मागच्या साडेचार वर्षांपासून कॅन्सर हॉस्पिटलला दररोज ३ ते ५ खासगी टँकर विकत घ्यावे लागतात. आजही हॉस्पिटल खासगी टँकरच सुरू आहे. अगदी पहिल्या दिवसापासून कॅन्सर हॉस्पिटलमध्ये संपूर्ण मराठावाडा, विदर्भ, उत्तर महाराष्ट्रातील कर्करुग्ण फार मोठ्या संख्येने येतात आणि वेगवेगळ्या उपचार-शस्त्रक्रियांसाठी कर्करुग्णांना हॉस्पिटलमध्ये दाखल करुन त्यांच्यावर उपचार केले जातात. या रुग्णांवरील विविधांगी उपचार, प्रक्रिया, शस्त्रक्रियांसाठी, शस्त्रक्रियागृहांसाठी, लिनन-ऑटोक्लेव्ह यासारख्या हॉस्पिटलच्या आवश्यक बाबींसाठी, रुग्ण-नातेवाईक-डॉक्टर-कर्मचाऱ्यांना पिण्यासाठी-वापरण्यासाठी-हॉस्पिटलच्या स्वच्छतेसाठी दररोज एक ते दीड लाख लिटर पाणी लागते आणि पाणी पुरवठा करण्याची पालिकेची जबाबदारी आहे. मात्र या जबाबदारीची कुठलीही जाणीव पालिकेला कधीच नव्हती आणि आतातर पालिकेने पूर्णपणे हात वर केल्याचेच चित्र गडद झाले आहे.

मागच्या दोन महिन्यांपासून नवीन जलवाहिनीला थेंबरभर पाणीही येत नाही आणि पूर्वीप्रमाणे तिसऱ्या दिवशी येणारे पाणीही पूर्णपणे बंद करण्यात आले आहे. घाटीप्रमाणे दररोज पुरेसा पाणीपुरवठा करावा, मिटर बसवावे, अशी आमची पहिल्यापासून किमान मागणी आहे. मात्र ना पाणी ना मिटर ना काम पूर्ण झाल्याचे पत्र, अशी एकंदर स्थिती आहे. याबाबत पालिकेला आतापर्यंत ८ ते १० पत्र दिली असूनही त्याकडे दुर्लक्ष करण्यात आले आहे.

– डॉ. अरविंद गायकवाड, विशेष कार्य अधिकारी, शासकीय कॅन्सर हॉस्पिटल

मोबाइल अॅप डाउनलोड करा आणि राहा अपडेट

ऑनलाइन प्रवेशाचे नियोजन होईना

June 7, 2017, 2:30 pm

≫ Next: वेरूळ पोस्ट ऑफिसात ४० लाखांचा गैरव्यवहार

≪ Previous: ‘कॅन्सर हॉस्पिटल’ला थेंबभर पाणीही मिळेना

$

0

0

म. टा. प्रतिनिधी, औरंगाबाद
अकरावी ऑनलाइन प्रवेश प्रक्रिया सुरुवात होण्यास बुधवारीही अडचणीतून मार्ग काढण्यास शिक्षण विभागाला जमले नाही. विद्यार्थी, पालकांनी मोठ्या प्रमाणात केंद्रांवर बुधवारी गर्दी केली. विद्यार्थ्यांना मार्गदर्शन करण्यासाठी आता, मार्गदर्शन केंद्र सुरू करण्याचे विभागाला सुचले आहे, तर वेबसाइट उघडण्यास तांत्रिक अडचणी निर्माण होत आहेत.
यावर्षीपासून औरंगाबाद शहरातील अकरावीची प्रवेश प्रक्रिया ऑनलाइन पद्धतीने होत आहे. मंगळवारपासून प्रक्रिया सुरू होईल, असे शिक्षण विभागाने जाहीर केले होते. प्रत्यक्षात दोन दिवसांनंतरही विभागाचीच तयारी नसल्याचा प्रकार समोर आला आहे. माध्यमिक व उच्चमाध्यमिक शिक्षण मंडळाचा दहावीचा निकाल अद्याप जाहीर झाला नाही. सीबीएसईचा दहावीचा निकाल जाहीर झाला असल्याने विद्यार्थी, पालकांनी शिक्षण विभागाने जाहीर केलेल्या पाच ही विभागीय केंद्रांवर गर्दी केली. तांत्रिक अडचण असल्याने बुधवारी विद्यार्थी नोंदणी होऊ शकली नाही. अनेक शाळांचे कर्मचारी माहितीपुस्तिका घेऊन जाण्यासाठी सेंटरवर होते. सेंटरवर अद्याप प्रवेशासाठी शिक्षण विभागाकडून कोणतीच तयारी करण्यात आलेली नाही. राज्य मंडळाच्या निकालानंतर विद्यार्थी, पालक मोठ्या प्रमाणात सेंटरवर येतील, हे लक्षात आल्याने शहराचे एक मार्गदर्शन केंद्र सुरू करण्यात येणार असल्याचे शिक्षण उपसंचालक कार्यालयाच्या अधिकाऱ्यांनी सांगितले.
देवगिरी ज्युनिअर कॉलेजमध्ये हे केंद्र असणार आहे. विद्यार्थ्यांना प्रवेशादरम्यान येणाऱ्या अडचणी येथून सोडविल्या जातील. शिक्षण विभागाचे अधिकारी, वेबसाइटबाबत अडचणी आल्यानंतर तांत्रिक अधिकारी तेथे उपस्थित असणार आहे. तेथून प्रवेशाचे नियंत्रण आणि मार्गदर्शन केले जाणार आहे. औरंगाबादमध्ये १०४ कॉलेजांमध्ये २२ हजार ९४० जागांवर ऑनलाइन प्रवेश दिले जाणार आहेत.

सेंटरकडे शाळांची यादीही नाही
ऑनलाइन प्रवेश प्रक्रिया राबविण्यासाठी शिक्षण विभागाने शहरात पाच विभाग तयार केले. प्रत्येक विभागासाठी एक ज्युनिअर कॉलेज सेंटर असणार आहे. यामध्ये देवगिरी ज्युनिअर कॉलेज, विवेकानंद ज्युनिअर कॉलेज, मौलाना आझाद ज्युनिअर कॉलेज, वसंतराव नाईक ज्युनिअर कॉलेज, शिवछत्रपती ज्युनिअर कॉलेजचा समावेश आहे. प्रत्येक सेंटरच्या परिसरात किती शाळा आहे, किती शाळांना माहिती पुस्तिका द्यायच्या आहेत याची माहितीही शिक्षण विभागाने सेंटरला दिलेली नाही, तर शाळांनाही आपण कोणत्या झोनमध्ये येतो याची कल्पना नाही.

- शहरातील ज्युनिअर कॉलेज : १०४
- प्रवेश क्षमता : २२९४०

मोबाइल अॅप डाउनलोड करा आणि राहा अपडेट

वेरूळ पोस्ट ऑफिसात ४० लाखांचा गैरव्यवहार

June 7, 2017, 2:30 pm

≫ Next: ‘बाटू’ उपकेंद्रावरून कॉलेजांमध्ये जुंपली

≪ Previous: ऑनलाइन प्रवेशाचे नियोजन होईना

$

0

0

म. टा. प्रतिनिधी, खुलताबाद
वेरूळ पोस्ट ऑफिसमध्ये झालेल्या कोट्यवधींच्या घोटाळाप्रकरणी ‘मटा’ मध्ये बातमी प्रसिद्ध होताच वेरूळमध्ये खळबळ उडाली आहे. अनेक खातेदारांनी बुधवारी पोस्ट कार्यालयात खात्याची नोंद तपासणी व मुदत संपलेले खाते बंद करून पैसे काढण्यासाठी गर्दी केली. दरम्यान, दोन दिवसांत १५ तक्रारदारांनी वरिष्ठ पोस्ट अधिकाऱ्याकडे नोंदविलेल्या जबाबात तब्बल ४० लाखांचा गैरव्यवहार असल्याचे समोर आले आहे.
वेरुळचे पोस्टमन राजेंद्र विनायक वरकड यांचे २४ मे रोजी निधन झाल्यानंतर अनेकांनी वेरूळ पोस्ट ऑफिसमध्ये जाऊन खात्याची चौकशी केली असता त्यांना खात्याची नोंदच नसल्याचे समजल्याने धक्का बसला आहे. दिवंगत पोस्टमन वरकड यांनी पत्नीच्या नावे अल्पबचत एजन्सीच्या माध्यमातून अनेकांकडून गुंतवणूक घेतली होती. घरपोच सेवा व गरजूंना त्वरित पैसे देत असल्याने अनेकांचा विश्वास बसला होता. गावातील अध्यात्मिक क्षेत्रातील महंत, मजूर, कामगार, व्यापारी, पूजा साहित्य विक्रेते, पुजारी, शिक्षक, डॉक्टर, पत्रकार, उद्योजक यांनी त्यांच्यामार्फत मोठी गुंतवणूक केली होती. वरकड यांच्यावर इतका विश्वास होता की पोस्टात खाते उघडल्यानंतर स्वतः पोस्टात जाण्याऐवजी बचत पत्र, पासबुक ते वरकड यांच्याकडे ठेवत असत. त्यामुळे या गैरव्यवहाराची गावात प्रचंड चर्चा आहे. याप्रकरणी पोस्टाच्या वरिष्ठांनी सखोल चौकशी करून कारवाई करण्याची मागणी वेरूळ ग्रामस्थांनी केली आहे. चौकशीसाठी आलेल्या अधिकाऱ्यांनी याप्रकरणी अधिक तपशील देण्यास नकार दिला. एका खातेदारांची आयुष्यभराची जमा पोस्ट ऑफिसमध्ये जमा नसल्याचे समजताच त्यांना रडू कोसळले.

विश्वास बसेना

पोस्टमन राजेंद्र वरकड हे ‘राजूमामा’ या टोपण नावाने ओळखले जात होते. वेरूळ येथील लेणी, घृष्णेश्‍वर मंदिर येथे येणाऱ्या दिल्ली, मुंबई येथील टपाल खात्याच्या वरिष्ठ अधिकाऱ्यांच्या सरबराईची जबाबदारी ते पार पाडत असत. २४ मे रोजी त्यांच्या निधनानंतर वेरूळ गाव बंद ठेवून डिजिटल बोर्ड लावून श्रद्धांजली अर्पण करण्यात आली. त्यामुळे राजूमामा असे काही करतील यावर वेरूळकरांचा विश्वास बसायला तयार नाही.

कोट्यवधीची चर्चा

दरम्यान, सविस्तर चौकशीनंतर हा आकडा कोट्यवधींपर्यंत जाईल, अशी चर्चा आहे. ज्या खातेदारांकडे पोस्टाचे पासबुक आहे. पोस्टाचा शिक्का व सही आहे ; परंतु पोस्ट ऑफिसमध्ये कुठलीही नोंद नाही, त्या खातेदारांचे जबाब नोंदविण्याचे काम पोस्टाचे वरिष्ठ अधिकाऱ्यांचे पथक मंगळवारपासून करीत आहे. ज्यांच्याकडे पासबुक नाही, पोस्टाचे कुठलेही कागदपत्रे नाहीत, अशांचे जबाब अद्याप नोंदविण्यात आलेले नाही.

मोबाइल अॅप डाउनलोड करा आणि राहा अपडेट

‘बाटू’ उपकेंद्रावरून कॉलेजांमध्ये जुंपली

June 7, 2017, 2:30 pm

≫ Next: अधिकाऱ्यांच्या अहवालामुळे पैठण रोडला ग्रहण

≪ Previous: वेरूळ पोस्ट ऑफिसात ४० लाखांचा गैरव्यवहार

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर तंत्रशास्त्र विद्यापीठाचे (बाटू) उपकेंद्र कोठे स्थापन करायचे यावरून औरंगाबादमधील इंजिनीअरिंग कॉलेजांमध्ये वाद निर्माण झाला आहे. संलग्नीकरणाचे पहिले वर्ष आहे. विद्यापीठाने समिती स्थापन करून या वादात तोडगा काढण्याचा प्रयत्न केला आहे. औरंगाबाद विभागातील १० अभियांत्रिकी कॉलेज ‘बाटू’चे संलग्नीकरण स्वीकारले आहे.
तंत्रशास्त्र विद्यापीठाला विविध विद्यापीठातील अभियांत्रिकी कॉलेज जोडण्याची प्रक्रिया पूर्ण झाली. राज्यातील ४८ अभियांत्रिकी कॉलेज संलग्नीकरणास इच्छुक अाहेत. त्या प्रकियेनंतर अखिल भारतीय तंत्र परिषदेनेही त्यास हिरवा कंदील दाखविला. विद्यापीठातील कामकाज सुकर व्हावे, विविध विद्यापीठांतर्गत संलग्नीकरण घेतलेल्या कॉलेजांना विद्यापीठात येण्याची आवश्यकता भासणार नाही. त्यासाठी राज्यात चार शहरांत उपकेंद्र स्थापन करण्यात येणार आहेत. औरंगाबाद शहरातही केंद्र स्थापन करण्यात येणार आहे. आता हे केंद्र कोणत्या कॉलेजमध्ये स्थापन करायचे यावरून कॉलेजांमध्येच जुंपली आहे. सीएसएमएसएस व श्रीयश इंजिनीअरिंग कॉलेजांचे उपकेंद्रासाठी प्रस्ताव आहेत. दोन्ही कॉलेज आपल्या कॅम्पसमध्ये उपकेंद्र व्हावे यासाठी इच्छुक असल्याचे सूत्रांनी सांगितले. दोन्ही कॉलेजांनी उपकेंद्र प्रतिष्ठेचे बनविल्याने नेमके कोणत्या ठिकाणी केंद्र द्यायचे, असा प्रश्न विद्यापीठाला पडला आहे. उपकेंद्राच्या वादाची चर्चा सध्या जोरदार आहे.

संचालकपदामुळे चढाओढ
विद्यापीठाशी राज्यातील ४८ अभियांत्रिकी कॉलेजांनी संलग्नता स्वीकारली आहे. त्यात डॉ. बाबासाहेब आंबेडकर मराठवाडा विद्यापीठ व उत्तर महाराष्ट्र विद्यापीठ, जळगाव या विद्यापीठांच्या कार्यक्षेत्रातील कॉलेजांची संख्या सर्वाधिक आहे. औरंगाबादमधील १० कॉलेजांनी विद्यापीठाचे सलंग्नीकरण घेतले. विद्यापीठाची उपकेंद्रे, विभागीय केंद्रे स्थापन करण्यात येणार आहेत. त्या केंद्रावर संचालक नेमण्यास सध्या सरकार इच्छुक नसल्याचे कळते. त्यामुळे काही वर्षे या विभागीय केंद्राचा कारभार संबंधित कॉलेजच्या प्राचार्य, वरिष्ठ प्राध्यापकांकडे सोपविण्याची शक्यता आहे. संचालकपदासाठी उपकेंद्राची सूत्रे आपल्या कॉलेजच्या हाती असावीत, यासाठी कॉलेजांमध्ये केंद्रासाठी चुरस निर्माण झाल्याचे कळते.

समिती लवकरच शहरात
विद्यापीठाचे औरंगाबाद, पुणे, नागपूर व मुंबई असे चार उपकेंद्र असणार आहेत. त्यासह सहा सहकेंद्र असणार आहेत. ही केंद्र स्थानिक विद्यापीठांमध्ये असावेत, असे सरकारने स्पष्ट केले होते, परंतु सोलापूर वगळता राज्यातील एकाही विद्यापीठाने उपकेंद्रास जागा देण्यास समर्थता दर्शविली नाही. त्यामुळे इतर ठिकाणी जागा शोधण्याची वेळ विद्यापीठ प्रशासनावर आली होती. त्यात आता उपकेंद्रावरूनही वाद सुरू झाला आहे. त्यावर तोडगा काढण्यासाठी विद्यापीठाने ३ जणांचा समिती स्थापन केली आहे. ही समिती येत्या आठवड्यात औरंगाबादचा दौरा करेल आणि त्यानंतर उपकेंद्र निश्चित केले जाईल, असे सूत्रांनी ‘मटा’ला सांगितले. विद्यापीठातील सुविधा उपकेंद्रात उपलब्ध करून देण्यात येणार आहेत.

मोबाइल अॅप डाउनलोड करा आणि राहा अपडेट

अधिकाऱ्यांच्या अहवालामुळे पैठण रोडला ग्रहण

June 7, 2017, 2:30 pm

≫ Next: डीजे साहित्य चोरी; चोवीस तासांत उकल

≪ Previous: ‘बाटू’ उपकेंद्रावरून कॉलेजांमध्ये जुंपली

$

0

0

अधिकाऱ्यांच्या अहवालामुळे पैठण रोडला ग्रहण

पाच किलोमीटरच्या टप्प्याचे मजबुतीकरण तूर्तास अशक्य

म. टा. प्रतिनिधी, औरंगाबाद

दीर्घ प्रतीक्षेनंतर पैठण रोडच्या मजबुतीकरण व डांबरीकरणासाठी मिळालेल्या ५६ कोटीतून चार टप्प्यांची कामे होणार आहेत. त्यापैकी दोन टप्पे पूर्ण झाले असून तिसऱ्या टप्प्याचे काम सुरू आहे. दरम्यान ढोरकीन ते पैठण मार्गावर पाच किलोमीटरचा एक टप्पा चांगल्या स्थितीत असल्याचा अजब अहवाल तत्कालीन उपअभियंत्यांनी सादर केल्यामुळे या रस्त्याची दुरुस्ती होणार नाही. परिणामी, पैठणकरांना खड्ड्यातूनच प्रवास करावा लागणार आहे.

औरंगाबाद - पैठण या ५० किलोमीटरच्या रस्त्याच्या दुरुस्तीला गेल्या वर्षी सार्वजनिक बांधकाम विभागाने मंजुरी दिली. या रस्त्यासाठी तीन वेगवेगळे प्रस्ताव केंद्र व राज्य सरकारकडे सादर झाले होते, पण त्यास मान्यता मिळाली नाही. राष्ट्रीय महामार्गाचा दर्जा देण्याचाही विचार झाला पण त्याचा अंतिम निर्णय दिल्लीत प्रलंबित आहे. तोपर्यंत रस्त्यावरील खड्डे बुजविण्यासाठी ५६ कोटींचा निधी मंजूर केला गेला. त्यात चार टप्पे करून कामे निश्चित केली गेली. बिडकीन ते पैठण कारखाना (दोन टप्पे), बिडकीन टोलनाका ते वाळूज लिंक रोड आणि वाळूज लिंक रोड ते महानुभाव आश्रम असे चार टप्पे करून त्याची कामे वाटप प्रक्रिया पूर्ण झाली. गेल्यावर्षी ऑक्टोबर महिन्यात बिडकीन ते पैठण कारखाना या टप्प्यांचे मजबुतीकरण, डांबरीकरण सुरू झाले. वर्षानुवर्षे दुरुस्तीच्या प्रतीक्षेत असलेल्या रस्त्याची अखेर दुरुस्ती सुरू झाली. या रस्त्यावर काही ठिकाणी बांधलेल्या पुलांच्या स्ट्रक्चरमध्ये अडचण होती. पावसाळ्यात तिथे पाणी साचत असे. ते पाणी झिरपून रस्ता खराब होत होता. हे टाळण्यासाठी सार्वजनिक बांधकाम विभागाच्या अधिकाऱ्यांनी काही ठिकाणी रस्त्याचा विस्तारही केला. दरम्यान दुसऱ्या टप्प्याचेही काम झाले. तिसऱ्या टप्प्याचे २३ कोटींचे काम नुकतेच सुरू झाले. बिडकीन ते पैठण रस्त्याचे २७ किलोमीटरचे काम नुकतेच पूर्ण झाले. मात्र त्यात ढोरकीन पासून पैठण कारखान्याच्या रस्त्याच्या बाजूने पाच किलोमीटरचा रस्ता दुरुस्तीविना रखडलेला आहे. सूत्रांनी दिलेल्या माहितीनुसार पैठण रोड दुरुस्तीचा सविस्तर प्रकल्प अहवाल तयार करताना तत्कालीन उपअभियंत्यांनी या रस्त्याचा अहवाल देताना ‘ रस्त्याची अवस्था चांगली आहे. दुरुस्तीची आ‍वश्यकता नाही’ असे म्हटले होते. त्यामुळे ५० किलोमीटरच्या टप्प्यातून ५ किलोमीटरचा दुरुस्तीमार्ग वगळला गेला. आता उर्वरित रस्त्याची दुरुस्ती झालेली असताना हा पाच किलोमीटरचा पॅच मात्र खड्ड्यांनी भरला आहे. आता या रस्त्यासाठी स्वतंत्र प्रस्ताव पाठवून दुरुस्तीचा निधी मागवावा लागणार आहे. आता ऑक्टोबर अखेरपर्यंत हे काम होणे शक्य नाही. संपूर्ण रस्त्यासाठी ५६ कोटी रुपये मंजूर केलेले असताना केवळ अधिकाऱ्यांच्या अहवालाचा फटका पुन्हा एकदा पैठण रोडला बसला आहे. परिणामी, पैठणकरांना आणखी सहा महिने खड्ड्यातूनच मार्ग काढावा लागणार आहे.


‘‘ रस्त्याची त्यावेळेसची स्थिती पाहून अहवाल दिला जातो. या प्रकरणात नेमके काय झाले आहे याची माहिती घेऊनच भाष्य करता येईल.’’

- अतुल चव्हाण, अधीक्षक अभियंता, सार्वजनिक बांधकाम विभाग

मोबाइल अॅप डाउनलोड करा आणि राहा अपडेट

डीजे साहित्य चोरी; चोवीस तासांत उकल

June 7, 2017, 2:30 pm

≫ Next: शिवसेनेचा रास्ता रोको; चार किलोमीटरच्या रांगा

≪ Previous: अधिकाऱ्यांच्या अहवालामुळे पैठण रोडला ग्रहण

$

0

0

म. टा. प्रतिनिधी, खुलताबाद
विरमगाव येथे चोरीस गेला डीजे शोधून पोलिसांनी चोरांना २४ तासात अटक केली आहे. शंकर अधाने यांच्या मालकीचा डीजे ३ जून रोजी चोरीस गेला होता. या प्रकरणी तिघांना अटक करण्यात आली आहे.
अधाने यांच्या शेतातील गोदामात ठेवलेला डीजे व टेम्पो कुलूप लावून ठेवला होता. ते ५ जून रोजी सकाळी म्युझिक सिस्टम बाहेर काढण्यासाठी गेले असता त्यांना गोदामाचे कुलूप तोडलेले दिसले. त्यांनी पाहणी केली असता टेंपोचा दरवाजा उघडा दिसला व एकूण ८५ हजार रुपयांचे म्युझिक सिस्टमचे तीन अॅम्प्लिफायर चोरीस गेल्याचे आढळले. अधाने यांनी याप्रकरणी दिलेल्या तक्रारीवरून खुलताबाद पोलिस ठाण्यात अज्ञात आरोपी विरुद्ध गुन्हा दाखल करण्यात आला. पोलिस निरीक्षक हरीश खेडकर यांच्या मार्गदर्शनाखाली मुख्य हवालदार गणेश काथार यांनी तपास केला. उपविभागीय पोलिस अधिकारी नीरज राजगुरू व पोलिस निरीक्षक खेडकर यांनी ६ जून रोजी घटनास्थळी भेट दिली. पोलिसांनी याप्रकरणी विरमगावातीलच अरूण आधाने यास ताब्यात घेऊन चौकशी केली असता त्याने गुन्ह्याची कबुली दिली. त्याने गवताच्या गंजीत लपवून ठेवलेले तीन अॅम्प्लिफायर ताब्यात घेण्यात आले. त्याच्या माहितीवरून विरमगावातीलच विजय मोरे व अंकुश मोरे यांनाही अटक केली.

मोबाइल अॅप डाउनलोड करा आणि राहा अपडेट

शिवसेनेचा रास्ता रोको; चार किलोमीटरच्या रांगा

June 7, 2017, 2:30 pm

≫ Next: ‘जीपीएस’मुळे गुन्हे घटले ः आयुक्त

≪ Previous: डीजे साहित्य चोरी; चोवीस तासांत उकल

$

0

0

म. टा. प्रतिनिधी, सिल्लोड
शेतकऱ्यांच्या मागण्यांसाठी शिवसेनेने तालुक्यातील लिहाखेडी फाट्यावर बुधवारी एक तास रास्ता रोको आंदोलन केले. यामुळे जळगाव-औरंगाबाद रस्त्यावर चार किलोमीटरपर्यंत वाहनांच्या रांगा लागल्या होत्या.
कर्जमाफी, शेतकऱ्यांचा सातबारा कोरा करा, स्वामीनाथन आयोग लागू करा, शेतीमालाला उत्पादन खर्चाच्या दीडपट हमी भाव द्यावा, शेतकऱ्यांना पेन्शन योजना लागू करा, दुधाला ५० रुपये प्रती लिटर भाव द्यावा या मागण्या आहेत. या मागण्यांसाठी रास्ता रोको आंदोलन करून सरकारला जागे करण्याचा प्रयत्न केल्याचे निवेदन नायब तहसीलदार संजय सोनवणे यांना देण्यात आले.
शिवसेनेच्या आंदोलनामुळे जळगाव-औरंगाबाद महामार्गावरील लिहाखेडी फाटा ते गोळेगाव, तर अलिकडे पालोदपर्यंत चार किलोमीटरपर्यंत वाहनांच्या रांगा लागल्याने वाहनधारकांचे हाल झाले.
आंदोलनाचे नेतृत्व शिवसेना नगरसेवक सुनील मिरकर यांनी केले. शेतीमधील अत्यंत हलाखीच्या स्थितीमुळे अनेक शेतकऱ्यांनी आपली आत्महत्या केल्या आहेत. अनेकदा निवेदने, विनंत्या, मोर्चे, निदर्शने करुनदेखील सरकार गंभीर नसल्याचा आरोप यावेळी करण्यात आला. यावेळी उपजिल्हाप्रमुख रघुनाथ चव्हाण, महिला आघाडी जिल्हा संघटक रंजना कुलकर्णी, तालुकाप्रमुख किशोर अग्रवाल, नगरसेवक सुदर्शन अग्रवाल, किसान सेना तालुकाप्रमुख कैलास वराडे, प्रवीण मिरकर, मंजुषा नागरे, कैलास जाधव, महिंद्रा बावस्कर, रणजीत राजपूत, संजय कळात्रे, राजू हिवाळे, समाधान वराडे, शिवा टोंपे, नितीन शिंगारे, योगेश साळवे, स्वप्निल शिंगारे आदींची उपस्थिती होती.

मोबाइल अॅप डाउनलोड करा आणि राहा अपडेट

---

‘जीपीएस’मुळे गुन्हे घटले ः आयुक्त

June 7, 2017, 2:30 pm

≫ Next: मागेल त्याला शेततळ्यांची मराठवाड्यात ढकलगाडी

≪ Previous: शिवसेनेचा रास्ता रोको; चार किलोमीटरच्या रांगा

$

0

0

म. टा. प्रतिनिधी, औरंगाबाद
यावर्षी मे महिन्यात गुन्ह्यांचे प्रमाण कमी झाल्याचे आकडेवारीवरून समोर आले आहे. गेल्यावर्षी (मे २०१६) ७२५ गुन्ह्याची नोंद झाली होती, यंदा हा आकडा ४८०पर्यंत कमी झाला आहे. पोलिसांच्या वाहनामध्ये अत्याधुनिक जीपीएस प्रणालीचा वापर करण्यात आल्याने पेट्रोलिंग प्रभावीपणे सुरू आहे. त्याचा परिणाम झाला, असा दावा पोलिस आयुक्त यशस्वी यादव यांनी केला.
पोलिस आयुक्त यशस्वी यादव यांनी २८ एप्रिल रोजी पोलिस आयुक्तपदाचा कार्यभार स्वीकारला. पोलिस कर्मचाऱ्यांची संख्या कमी असल्याने अत्याधुनिक तंत्रज्ञानाचा वापर करण्याचे त्यांनी सुरुवातीलाच स्पष्ट केले होते. याचाच एक भाग म्हणून पोलिस दलातील पेट्रोलिंग करणाऱ्या वाहनांवर जीपीएस प्रणाली बसवण्याचा त्यांनी निर्णय घेतला. काही वाहनांवर जीपीएस प्रणाली नव्हती. त्या वाहनांवरही ह‌ी प्रणाली बसवण्यात आली. ही वाहने दररोज किती गस्त घालतात याचा आढावा घेण्यात आला. या प्रणालीमुळे पेट्रोलिंगमध्ये वाढ झाली. गुन्हेगारीवर अंकुश ठेवणे पोलिसांना शक्य झाले. गुन्हेगारांनी पोलिसांच्या वाढत्या पेट्रोलिंगची धास्ती घेतली. परिणामी मे महिन्यात होणाऱ्या गुन्ह्यांमध्ये २७ टक्के घट झाल्याचा दावा आयुक्त यादव यांनी केला. त्याचबरोबर पेट्रोलिंगमध्ये चौपट वाढ झाल्याचेही त्यांनी सांगितले.

सात हजार नागरिकांचे अर्ज
पोलिस आयुक्त यशस्वी यादव यांनी पोलिसांसोबत काम करण्याची संधी नागरिकांना विशेष पोलिस अधिकारी या माध्यमातून उपलब्ध करून दिली आहे. दहा जूनपर्यंत अर्ज स्वीकारण्यात येणार आहेत. २५ हजार अर्ज आल्यानंतर मुलाखती घेण्यात येणार असून, त्यातून दहा हजार नागरिकांना विशेष पोलिस अधिकारी म्हणून नियुक्त करण्यात येणार असल्याची माहिती आयुक्त यादव यांनी दिली. एक हजार सीसीटीव्हीसाठी निधी उपलब्ध झाल्याचेही सांगितले.

गुन्ह्यांचे मे महिन्यातील प्रमाण
गुन्ह्याचे प्रकार.....२०१७......२०१६
खून.......................०४.........००
दरोडा....................००.........०३
घरफोड्या...............१८.........५२
वाहनचोरी...............५९.........११२
मोबाइल.................५४..........८०

मोबाइल अॅप डाउनलोड करा आणि राहा अपडेट

मागेल त्याला शेततळ्यांची मराठवाड्यात ढकलगाडी

June 7, 2017, 2:30 pm

≫ Next: तरुणाला लुटणाऱ्या तिघांना अटक, कोठडीत रवानगी

≪ Previous: ‘जीपीएस’मुळे गुन्हे घटले ः आयुक्त

$

0

0

म. टा. प्रतिनिधी, औरंगाबाद
मराठवाड्यात ‘मागेल त्याला शेततळे’ योजनेची कासवगती कायम असून विभागात ३९ हजार ४०० शेततळी तयार करण्याचे उद्दिष्ट आहे. प्रत्यक्षात केवळ १३ हजार ३१८ हजार शेततळी पूर्ण करण्यात आली आहेत. उद्दिष्ट्यपूर्तीबाबत मात्र शेतामध्ये पीक उभे असल्याचे कारण प्रशासन पुढे करून वेळ मारुन नेत आहे.
शेतकऱ्यांना शेतामध्येच मुबलक पाणी असावे, यासाठी शासनाने शेतकऱ्यांची गरज ओळखून ‘मागेल त्याला शेततळे’ ही योजना सुरू केली होती. मराठवाड्यातील आठही जिल्ह्यांमध्ये ३९ हजार ६०० शेततळे वाटप करण्याचे उद्दिष्ट ठरवण्यात आले, शेततळे बांधल्यानंतर केवळ ५० हजार रुपये अनुदान शेतकऱ्यांना देण्यात येणार असल्यामुळे प्रारंभीपासूनच योजनेबाबत अनेक प्रश्न उपस्थित करण्यात आले होते. तरीही मराठवाड्यातून या योजनेसाठी शेतकऱ्यांनी मोठा प्रतिसाद दिला. ३९ हजार ६०० शेततळ्यांसाठी मराठवाड्यातून ६४ हजार १९३ (१६२ टक्के) अर्ज प्रशासनाला मिळाले. यापैकी आखणी करून दिलेल्या ३८ हजार ९४० शेततळ्यांपैकी आतापर्यंत केवळ १३ हजार शेततळेच पूर्ण करण्यात आले आहेत. आता पावसाला सुरुवात होत असल्याने शेततळ्यांची कामे चार महिने थांबण्याची शक्यता आहे.

अनुदान रखडले

आतापर्यंत मराठवाड्यातील १३ हजार ३१८ शेततळे पूर्ण करण्यात आल्याचे प्रशासनाची आकडेवारी सांगते. यापैखी केवळ ८ हजार ६३६ शेततळ्यांनाच अनुदान देण्यात आले आहे.

नांदेड‌ जिल्ह्यात सर्वात मागे

मागेल त्याला शेततळे योजनेत नांदेड जिल्ह्यात ५ हजार उद्दिष्टापैकी केवळ ६७१ शेततळे (१३ टक्के) पूर्ण झाले आहेत. विभागातील इतर जिल्ह्यांच्या तुलनेत नांदेड पिछाडीवर आहे. लातूर जिल्ह्यात २३, तर बीड जिल्ह्यात केवळ २४ टक्के काम झाले आहे.


शेततळ्यांची स्थिती

जिल्हा…… उद्दिष्ट……पूर्ण शेततळे…… टक्केवारी
जालना… ६०००…… ३५२०… ५९
हिंगोली… १५००…… ८७९… ५९
औरंगाबाद… ९१००…… ३५२२…… ३९
उस्मानाबाद… ३७००…… १२४९…… ३४
परभणी... ३०००…… ७९७… २७
बीड… ६५००…… १५५७…… २४
लातूर… ४८००…… ११२४…… २३
नांदेड…… ५०००……… ६७१… १३

एकूण…… ३९६००… १३३१८…… ३४ टक्के

मोबाइल अॅप डाउनलोड करा आणि राहा अपडेट

तरुणाला लुटणाऱ्या तिघांना अटक, कोठडीत रवानगी

June 7, 2017, 2:30 pm

≫ Next: ​ सायकलपटू डॉक्टरांची जनजागृती अभियान

≪ Previous: मागेल त्याला शेततळ्यांची मराठवाड्यात ढकलगाडी

$

0

0

म. टा. प्रतिनिधी, औरंगाबाद
रिक्षातून जाणाऱ्या तरुणाला पडेगाव परिसरात मारहाण करून चाकुचा धाक दाखवत लुटणाऱ्या तिघांना बुधवारी अटक करण्यात आली. त्यांना कोर्टात हजर केले असता, सोमवारपर्यंत (१२ जून) पोलिस कोठडीत ठेवण्याचे आदेश प्रथम वर्ग न्यायदंडाधिकारी आर. आर. मावतवाल यांनी दिले.
याप्रकरणी कृष्णा बबन गायकवाड (२२, रा. महाराणा प्रताप चौक, एमआयडीसी वाळूज, औरंगाबाद) याने फिर्याद दिली होती. फिर्यादीनुसार, गायकवाड हे २१ मे रोजी रात्री साडेअकराला रिक्षाने रांजणगाव येथून औरंगाबादकडे येत होते. त्यावेळी आणखी तीनजण रिक्षात होते. रिक्षा नगरनाका येथे आला असता रिक्षाचालकासह तिघा प्रवाशांनी त्यांना मारहाण केली व रिक्षा पडेगाव येथील कासंबरी दर्गाजवळ आणून पुन्हा मारहाण करून चाकुचा धाक दाखवत गायकवाड यांच्या जवळील १४ हजारांची रोख रक्कम व दोन मोबाइल हिसकावून घेत धूम ठोकली. याप्रकरणी फिर्यादीच्या तक्रारीवरून २८ मे रोजी छावणी पोलिस ठाण्यात गुन्हा दाखल होऊन पोलिसांनी शेख शकील शेख आरेफ (वय २३), शोएब सलीम कुरेशी (वय २०) व शेख शाहरुख शेख सालउद्दीन (वय २०) या तिघांना बुधवारी अटक केली. त्यांना कोर्टात हजर केले असता, लूटमार करून हिसकाविलेला ऐवज आरोपींकडून हस्तगत करणे बाकी आहे, आरोपींच्या साथीदारांचा शोध घ्यावयाचा आहे, रिक्षाचालकाही अटक करणे बाकी असल्याने सात दिवसांची पोलिस कोठडी देण्याची विनंती सहाय्यक सरकारी वकील योगेश तुपे यांनी कोर्टात केली. ही विनंती ग्राह्य धरून कोर्टाने तिघाांना सोमवारपर्यंत (१२ जून) पोलिस कोठडीत ठेवण्याचे आदेश दिले.

मोबाइल अॅप डाउनलोड करा आणि राहा अपडेट

​ सायकलपटू डॉक्टरांची जनजागृती अभियान

June 7, 2017, 2:30 pm

≫ Next: ‘भूमिगत’ पुन्हा संशयाच्या फेऱ्यात

≪ Previous: तरुणाला लुटणाऱ्या तिघांना अटक, कोठडीत रवानगी

$

0

0

सायकलपटू डॉक्टरांची जनजागृती अभियान

म. टा. प्रतिनिधी, औरंगाबाद

सायकलपटू डॉक्टरांनी औरंगाबाद ते नांदेड असा सायकलवरून प्रवास करीत कॅन्सरबाबत जनजागृती तसेच पर्यावरणाविषयी लोकांसमवेत संवाद साधला.

जागतिक तंबाखू विरोधी दिवस व जागतिक पर्यावरणदिन या दोन्हींचे औचित्य साधून सायकलपटू डॉ. सुनील देशमुख व डॉ. प्रफुल्ल जटाळे यांनी सायकलवरून औरंगाबाद ते नांदेड असा २५८ किलोमीटर अंतराचा प्रवास करून कॅन्सरबाबत तसेच पर्यावरणाचे महत्त्व विशद केले. या प्रवासात त्यांनी शेकडो लोकांशी संवाद साधला. या मोहिमेचे उदघाटन सिग्मा हॉस्पिटलचे संचालक डॉ. उन्मेष टाकळकर, सीईओ डॉ. अजय रोटे, घाटीचे उपअधिष्ठाता डॉ. शिवाजी सुक्रे, सीईओ डॉ. पोटे, आयएमएचे अध्यक्ष डॉ. रमेश रोहिवाल, डॉ. सुजित खाडे, डॉ. कैचे, डॉ. संगीता देशपांडे, चरणजित संघा यांची प्रमुख उपस्थिती होती.

मोबाइल अॅप डाउनलोड करा आणि राहा अपडेट

‘भूमिगत’ पुन्हा संशयाच्या फेऱ्यात

June 7, 2017, 2:30 pm

≫ Next: वैजापूर तालुक्यात बसरला तासभर जोराचा पाऊस

≪ Previous: ​ सायकलपटू डॉक्टरांची जनजागृती अभियान

$

0

0

म. टा. प्रतिनिधी, औरंगाबाद
केंद्र व राज्य शासनाच्या निधीतून करण्यात येत असलेल्या भूमिगत गटार योजनेच्या कामाबद्दल संशयकल्लोळ निर्माण झालेला असताना देखभाल दुरुस्तीच्या निविदेवरून या योजनेच्या कामाभोवतीचे संशयाचे वलय अधिक गडद होण्याची शक्यता निर्माण झाली आहे.
भूमिगत गटार योजनेचे काम कंत्राटदाराबरोबर झालेल्या करारानुसार ३० जून २०१७ रोजी संपणे गरजेचे आहे. हे काम संपल्यानंतर योजनेच्या देखभाल दुरुस्तीच्या कामाचे कंत्राट देण्याचा प्रस्ताव महापालिकेच्या सर्वसाधारण सभेत ऐनवेळी मंजूर करण्यात आला. दरवर्षी सहा कोटी रुपये या कामासाठी कंत्राटदाराला देण्याचे या प्रस्तावाच्या माध्यमातून मान्य करण्यात आले. दहा वर्षांसाठी देखभाल दुरुस्तीचे कंत्राट खिल्लारी-घारपुरे इन्फ्रास्ट्रक्चरला देण्याचे ठरविण्यात आले. या कामावर दहा वर्षांत साठ कोटी रुपये खर्च होणार आहे. देखभाल दुरुस्तीचा ऐनवेळचा प्रस्ताव मंजूर झाल्याचे उघड झाल्यावर शिवसेनेचे नगरसेवक रेणुकादास वैद्य यांनी आयुक्तांना निवेदन देऊन त्याला आक्षेप घेतला. या कामाची फेर निविदा काढण्याची मागणी केली.
यासंदर्भात अधिक माहिती घेतली असता, खिल्लारी-घारपुरे कंपनीने देखभाल दुरुस्तीसाठी ४३९ कोटी ३७ लाख रुपये किंमतीची निविदा भरली होती. एल अँड टी व रॅम्के यांनी ६४.३३ कोटी रुपये किंमतीची निविदा भरली होती. प्रशासनाने वैद्य यांना लेखी माहिती देताना खिल्लारी-घारपुरे कंपनीने एल अँड टी कंपनीच्या दरात काम करण्याची तयारी दर्शवली आहे.

फेरनिविदेची मागणी
४३९ कोटी ३७ लाख रुपये किंमतीची निविदा भरणारा कंत्राटदार ६४ कोटी ३३ लाख रुपयांत काम करण्यास तयार झाला असतील, तर या कामाची फेरनिविदा काढल्यास कंत्राटदार आणखीन कमी दराने काम करण्यास तयार झाले असते, असे वैद्य यांनी म्हटले आहे. ४३९ कोटी ३७ लाखांवरून ६४ कोटी ३३ लाख इतक्या कमी दरात कंत्राटदार काम करण्यास तयार झाले, ही बाब संशयास्पद वाटते. त्यामुळे या प्रकरणाची चौकशी करा, देखभाल दुरुस्तीच्या कामाची फेरनिविदा काढा, अशी मागणी वैद्य यांनी केली आहे. देखभाल दुरुस्तीची निवुदा २०१४मध्ये काढण्यात आलेली असताना २०१७मध्ये मंजुरीसाठी ठराव कसा काय ठेवण्यात आला, असा सवाल त्यांनी आयुक्तांना दिलेल्या पत्रात केला आहे.

मोबाइल अॅप डाउनलोड करा आणि राहा अपडेट

वैजापूर तालुक्यात बसरला तासभर जोराचा पाऊस

June 7, 2017, 2:30 pm

≫ Next: वैजापूर तालुक्यात वाळूपट्ट्यांचे मोजमाप

≪ Previous: ‘भूमिगत’ पुन्हा संशयाच्या फेऱ्यात

$

0

0

म. टा. प्रतिनिधी, वैजापूर
शहर व परिसरात बुधवारी सायंकाळी पावसाने हजेरी लावली आहे. संध्याकाळी साडेचारपासून विजांच्या कडकडाटासह शहर व परिसरात मध्यम ते हलक्या स्वरुपाचा पाऊस पडला. त्यामुळे वातावरणात गारवा निर्माण झाला होता. सुमारे एक तास पावसाची रिपरिप सुरू राहिल्याने सखल भागात पाणी साचले.
मृग नक्षत्राच्या पार्श्वभूमिवर पावसाचे आगमन झाल्याने बळीराजा सुखावला असून त्यांच्या आशा पल्लवित झाल्या आहेत. शेतकऱ्यांनी खरिपाच्या लागवडीसाठी शेतीची मशागत करून रान तयार केले आहे. त्यामुळे या पावसाने खरिपाच्या पेरण्यांना वेग येणार आहे. दरम्यान तालुक्याच्या ग्रामीण भागातही पावसाने अनेक ठिकाणी हजेरी लावल्याची माहिती आहे. याआधी तालुक्यात रोहिणी नक्षत्रातसुद्धा चांगला पाऊस पडला होता. या पावसामुळे खरिपाची पेरणी वेळेवर होण्याची शक्यता आहे. दरम्यान सायंकाळी सहावाजेपर्यंत पाऊस पडल्याने सगळीकडे वातावरण चिंब झाले होते. सहानंतर पावसाची तीव्रता कमी झाली, पण आकाश निरभ्र नसल्याने वातावरण कुंद होते. या पावसाने शहरातील रस्ते धुऊन निघाले, तर ग्रामीण भागात शेतात पाणी साचले.

मोबाइल अॅप डाउनलोड करा आणि राहा अपडेट

वैजापूर तालुक्यात वाळूपट्ट्यांचे मोजमाप

June 7, 2017, 2:30 pm

≫ Next: कर्जमाफीसाठी सेनेच्या महिला कार्यकर्त्याचे मुंडन

≪ Previous: वैजापूर तालुक्यात बसरला तासभर जोराचा पाऊस

$

0

0

म. टा. प्रतिनिधी, वैजापूर
गेल्या तीन वर्षांपासून वैजापूर तालुक्यातील गोदावरी व शिवना नदीपात्रातील वाळू पट्ट्यांचा लिलाव झाला नसल्याने शासनाला अपेक्षित महसूल मिळत नाही. दुसरीकडे वाळू माफियांनी मोठ्या प्रमाणवर वाळू चोरी करुन प्रशासनाची झोप उडवली आहे. चोरी उघड करण्यासाठी तालुक्यातील वाळूपट्ट्यांचे मोजमाप केले जात आहे.
तालुक्यातील वाळूचोरीप्रकरणी प्रशासनाला कात्रीत पकडण्यासाठी तहसीलदार सूमन मोरे यांची तक्रार थेट मंत्रालयापर्यंत करण्यात आली. यापूर्वीसुद्धा तत्कालीन तहसीलदार वंदना निकुंभ यांनी आमदार भाऊसाहेब पाटील चिकटगावटर यांच्यावर अवैध उत्खनन प्रकरणी दंडात्मक कारवई केली होती. त्यानंतर त्यांना निलंबनाला सामोरे जावे लागले. याप्रकारातून स्थानिक पदाधिकारी बड्या नेत्यांच्या नावाचा वापर करून प्रशासनावर जरब बसवण्याचा प्रयत्न करत असल्याचे प्रशासकीय वर्तुळात बोलले जात आहे. सध्या महसूलमंत्री चंद्रकांत पाटील यांच्या आदेशाने जिल्हा गौण खनिज कार्यालयाच्या पथकाने वैजापूर तालुक्यातील वाळू पट्ट्यांचे मोजमाप सुरू केले आहे. जिल्हा गौण खनिज अधिकारी भाग्यश्री जोशी, कनिष्ठ भूवैज्ञानिक दिव्या शर्मा, उपविभागीय अधिकारी डॉ. संदिपान सानप यांच्या पथकाने नुकतीच तालुक्यातील अव्वलगाव व नागमठाण येथे मोजमाप पूर्ण केले. इतर वाळूपट्ट्यांच्या मोजमापानंतर त्याचा अहवाल उपविभागीय अधिकाऱ्यांमार्फत जिल्हाधिकाऱ्यांना पाठवण्यात येणार आहे. मंत्रालयस्तरापर्यंत अवैध वाळू उपशाची तक्रार गेल्यानंतर ही मोजणी करण्यात आली. विशेष म्हणजे यातील तक्रारदार हा सत्तारुढ भाजपचा पदाधिकारी असून भाजपच्या मोठ्या नेत्यांच्या नावाचा वापर करून अधिकाऱ्यांवर अंकुश ठेवत असल्याचा आरोप होत आहे.

कोपरगावची वाळू वैजापुरात
प्रशासनाने कोपरगाव तालुक्यातील गोदावरी नदीपात्रातील वाळूपट्ट्याचा लिलाव केला आहे. मात्र या वाळूपट्ट्याच्या कंत्राटदारासोबत हातमिळवणी करत तालुक्यातील माफियांनी वाळूउपसा सुरू केला आहे. वाळू वाहतूक करणारी वाहने दिवस-रात्र शहरातून धावत असताना प्रशासन त्याकडे लक्ष देत नसल्याचा आरोप होत आहे.

वैजापूर तालुक्यतील वाळूपट्ट्यांची मोजणी झाल्यानंतर वाळूचा उपसा अवैधरित्या झाल्याचे आढळून
आल्यास दोषींवर कारवाई करण्यात येईल. यात प्रनासनातील वरिष्ठ अधिकाऱ्यांची बाजू ऐकून घेण्यात येईल.
-डॉ. संदिपान सानप, उपविभागीय अधिकारी

मोबाइल अॅप डाउनलोड करा आणि राहा अपडेट

---

कर्जमाफीसाठी सेनेच्या महिला कार्यकर्त्याचे मुंडन

June 7, 2017, 2:49 pm

≫ Next: ​ मराठवाड्यात दमदार पाऊस

≪ Previous: वैजापूर तालुक्यात वाळूपट्ट्यांचे मोजमाप

$

0

0

म. टा. प्रतिनिधी, बीड
कर्जमाफीच्या मागणीसाठी राज्यात ठिकठिकाणी आंदोलने सुरू आहेत. बीड जिल्ह्यात ही शेतकऱ्यांचा संपाचा सातवा दिवस आहे. बुधवारी शेतकऱ्यांना कर्जमाफी मिळावी व इतर मागण्यासाठी शिवसेना आक्रमक झाली. शिवसेना जिल्हाप्रमुख अनिल जगताप यांच्या नेतृत्वाखाली बीडमध्ये शिवसेनेच्या महिला आघाडीच्या कार्यकर्त्यांनी या आंदोलनात उडी घेत शेतकऱ्यांच्या कर्जमाफीसाठी मुंडन केले.
मुख्यमंत्री देवेंद्र फडणवीस कर्जमाफीप्रश्नी वेळकाढूपणा करीत आहेत. त्यामुळे शिवसेना महिला आघाडीच्या कार्यकर्त्यांनी बुधवारी बीड येथील जिल्हाधिकारी कार्यालयासमोर मुंडन करून राज्य सरकारच्या भूमिकेचा निषेध केला. यावेळी शिवसेनेच्या कार्यकर्त्यांनी कर्जमाफी देण्याची मागणी केली.
यावेळी जमलेल्या शिवसेनेच्या महिला आघाडीच्या कार्यकर्त्यांनी मुख्यमंत्री देवेंद्र फडणवीस यांच्या विरोधात जिल्हाधिकारी कार्यालयाच्या परिसरात जोरदार घोषणाबाजी केली. या आंदोलनानंतर शिवसेनेच्या पदधिकाऱ्यांनी जिल्हाधिकाऱ्यांची भेट घेऊन त्यांना निवेदन दिले.

मोबाइल अॅप डाउनलोड करा आणि राहा अपडेट

​ मराठवाड्यात दमदार पाऊस

June 7, 2017, 2:51 pm

≫ Next: ​ शिष्यवृत्तीसाठी टाळे लावा आंदोलन

≪ Previous: कर्जमाफीसाठी सेनेच्या महिला कार्यकर्त्याचे मुंडन

$

0

0

टीम मटा, औरंगाबाद
मराठवाड्यातील नांदेड, बीड, उस्मानाबाद, लातूर जिल्ह्यात बुधवारी पावसाने हजेरी लावली. अंबाजोगाई तालुक्यात अतिवृष्टी झाली. पावसाचे आगमन झाल्याने बळीराजाच्या आशा पल्लवीत झाल्या असून उस्मानाबाद जिल्ह्यातील काही भागात गेल्या दोन दिवसांपासून दमदार पाऊस झाल्याने शेतकरी पेरणीच्या तयारीला लागला आहे.

उस्मानाबाद परिसरात दमदार पाऊस
म. टा. प्रतिनिधी, उस्मानाबाद
उस्मानाबाद जिल्ह्यात मंगळवारी रात्री सरासरी ३६.८४ मिली मीटर पावसाची नोंद झाली. सर्वाधिक पाऊस उमरगा तालुक्यात १००.२० मिली मीटर इतका झाला. उस्मानाबाद तालुक्यात ४०.७५ मिली मीटर, तुळजापूर ६१ मिली मीटर, लोहारा ५२.३३, कळंब ४.१७, भूम १८.४०, वाशी ३.६७ आणि परंडा तालुक्यात १४.२० मिली मीटर इतका पाऊस झाला. मंगळवारी उस्मानाबाद शहरात ७६ मिली मीटर, मुरुम येथे १३५ मिली मीटर, डाळिंब येथे १५४ मिली मीटर पावसाची नोंद झाली. उस्मानाबादसह उमरगा व तुळजापूर तालुक्यात पावसाने समाधानकारक हजेरी लावल्याने खरीप हंगामातील पेरणीची लगबग सुरू झाली आहे.
जिल्ह्यात २ जून ते ७ जून दरम्यान सरासरी ६१ मिली मीटर पावसाची नोंद झाली. जिल्ह्यात आतापर्यंत सर्वाधिक पाऊस उमरगा तालुक्यात १२२ मिली मीटर इतका झाला असून, सर्वात कमी पाऊस वाशी तालुक्यात २५.०१ मिली मीटर इतका झाला आहे. तर, उस्मानाबाद तालुक्यात ७३.३८, तुळजापूर ९३.५८, लोहारा ६७,३३, कळंब ४२.१८, भूम ३८.८० आणी परंडा तालुक्यात २५.९१ मिली मीटर इतक्या पावसाची नोंद झाली आहे.
उस्मानाबादसह उमरगा व तुळजापूर तालुक्यात आतापर्यंत पावसाने समाधानकारक हजेरी लावल्याने शेतकऱ्यांमध्ये समाधानाचे वातावरण असून, त्यांनी खरीप हंगामातील पेरणीची लगबग
सुरू केली आहे.

लातूर जिल्ह्यात सर्वत्र पाऊस
लातूर - मृग नक्षत्राच्या एक दिवस अगोदरच लातूर जिल्ह्यात पावसाला चांगली सुरुवात झाली. बुधवारी सायंकाळी लातूर शहर व परिसरात पावसाच्या जोरदार सरी कोसळल्या. दिवसभरात उदगीर, निलंगा परिसरात ही चांगला पाऊस झाला.
सात जून रोजी सकाळी आठ वाजता मोजलेल्या पावसाच्या आकडेवारीनुसार जिल्ह्यातील दहा ही तालुक्यात मंगळवारी पाऊस झाला. तालुकानिहाय पडलेल्या पावसाची आकडेवारी पुढील प्रमाणे आहे. लातूर (१२.१३ मिलि मीटर), औसा (१४.२९), रेणापूर ( ३५.२५), अहमदपूर (६७.६७), चाकूर (७३), उदगीर (४४),
जळकोट (१०) निलंगा (३२.२५), देवणी (५०), शिरुर अनंतपाळ (३७.६७) पावसाची एकूण सरासरी ३७.६३ मिलि मीटर इतकी झाली आहे.
पाऊस जरी चांगला पडला असला तरी शेतकरी मात्र, मृगाच्या पावसानंतरच पेरणी करेल असे सांगून अनिल दुडीले म्हणाले, ‘शेतकरी सध्या बियाणे खरेदीसाठी बाजारात गर्दी करीत आहेत. सरकारने सोयाबीनच्या काही वाणावर अनुदान घोषीत केल्यामुळे त्या वाणाचे कुपण पंचायत समितीच्या ऑफीसमधून आणून दुकानासमोर रांगा लावण्यात तो गुंतलेला आहे.’


नांदेडमध्ये पावसाचे आगमन
नांदेड - नांदेड जिल्ह्यात पावसाने हजेरी लावल्याने बळीराजा सुखावला आहे. मंगळवारी रात्री रोहिणी नक्षत्र संपता संपता शहरात ७.५ मिली मीटर पावसाची नोंद झाली होती. बुधवारी नांदेड शहरासह जिल्ह्यातील विविध तालुक्यात मृग नक्षत्राचे आगमन जोरात झाले. सायंकाळी साडेपाच वाजता मृगाच्या पावसाची सुरूवात झाली. यावर्षी निसर्ग व वरुणराजाची कृपा राहिल अशी अपेक्षा शेतकरी व जनतेतून केली जात आहे.
.........................
अंबाजोगाईत अतिवृष्टी
बीड - बीड जिल्ह्यात मंगळवारी रात्री आणि बुधवारी पहाटे पावसाच्या सरी कोसळल्या. परळी, अंबाजोगाई, धारूर तालुक्यात चांगला पाऊस झाला. वादळी वारे आणि पावसामुळे अनेक ठिकाणी घरावरील पत्रे उडणे, तसेच झाडे उन्मळून पडण्याचे प्रकार अंबाजोगाई ,परळीत घडले. अंबाजोगाई शहरात गेल्या २४ तासांत अतिवृष्टी म्हणजेच तब्बल एक्काहत्तर मिली मीटर पावसाची नोंद झाली. तर घाटनांदूर येथे पन्नास मिली मीटर पाऊस नोंदवला गेला. बीड जिल्ह्यात सरासरी सकाळ पर्यंत पस्तीस मिलीमीटर पावसाची नोंद झाली. या पावसामुळे वातावरणात थंडावा निर्माण झाला आहे.

मोबाइल अॅप डाउनलोड करा आणि राहा अपडेट

​ शिष्यवृत्तीसाठी टाळे लावा आंदोलन

June 7, 2017, 3:12 pm

≫ Next: जिल्हा सहकारी बँकेने दाखवली कागदावर वसुली

≪ Previous: ​ मराठवाड्यात दमदार पाऊस

$

0

0

शिष्यवृत्तीसाठी टाळे लावा आंदोलन

समाजकल्याण विभागाला ठोकले टाळे; तासभर अधिकारी, कर्मचारी ताटकळले पोलिसांनी कुलूप तोडून केली सुटका

म. टा. प्रतिनिधी, औरंगाबाद

ते आले अन् कुलूप लावून निघून गेले... दीडतास अधिकारी, कर्मचारी इमारतीत ताटकळले. शेवटी पोलिस आले त्यांनी कुलूप तोडून अधिकारी, कर्मचाऱ्यांना बाहेर काढत त्यांची सुटका केली. समाजकल्याण विभागात हा प्रकार घडला. शिष्यवृत्तीच्या मागणीसाठी टाळे लावा आंदोलन करण्यात आले. अचानकपणे झालेल्या या आंदोलनामुळे दीड-दोन तास समाजकल्याण विभाग चर्चेत राहिला.

वसतिगृहाच्या विद्यार्थ्यांना शिष्यवृत्ती मिळालेली नाही. शैक्षणिक वर्ष संपले तरी, शिष्यवृत्ती न मिळाल्याने विद्यार्थ्यांमध्ये रोष आहे. त्यात बुधवारी सकाळी बहुजन रिपब्लिकन सोशलिस्ट पार्टी, बहुजन रिपब्लिकन विद्यार्थी मोर्चाचे कार्यकर्ते समाजकल्याण विभागात दाखल झाले. ‘मोदीजी हमे पढने दो’ अशा घोषणा करत कार्यकर्त्यांनी विभागाच्या सर्व प्रवेशद्वारांना टाळे लावले. या कार्यालयात समाजकल्याण मंडळासह सात महामंडळाची कार्यालयेही आहेत. अचानकपणे हे सगळे घडले. अधिकारी, कर्मचारी, सुरक्षा रक्षकांच्या लक्षात येण्यापूर्वीच आंदोलनकर्त्यांनी टाळे लावले. त्यानंतर हे आंदोलनकर्ते तेथून निघून गेले. प्रवेशद्वारांना टाळे लावल्याचे कळताच मध्ये अडकलेले अधिकारी, पदाधिकारी कुलूप काढण्यास सांगत होते. तर, विविध कामासाठी आलेल्या नागरिकांनाही बाहेरच थांबावे लागले. याची खबर पोलिसांना मिळताच पोलिस दाखल झाले. तोपर्यंत आंदोलनकर्ते निघून गेल्याने काय करावे असा प्रश्न पोलिसांना पडला. शेवटी पोलिसांनी कुलूप तोडण्याचा निर्णय घेतला. या सगळ्या प्रक्रियेत सुमारे दीडतास कालावधी लोटला. दीडतासानंतर अधिकारी, कर्मचाऱ्यांची पोलिसांनी सुटका केली. कुलूप काढण्यात आल्याने सगळ्यांनी सुटकेचा निश्वास सोडला. आंदोलनकर्त्यांनी दिलेल्या निवेदनामध्ये रवी गायकवाड, अरविंद कांबळे, रविकुमार वाव्हळे, राज हिरे, बाळासाहेब श्रीखंडे, राहुल भिंगारे, देव राजळे, योगीराज सोनकांबळे, कुणाल गायकवाड याची नावे आहेत.

शिष्यवृत्ती रखडलेली

शैक्षणिक वर्ष संपत आले तरी, शिष्यवृत्ती मिळालेली नाही. एमबीए, कृषी, बीएस्सी अशा विविध अभ्यासक्रमांच्या ४० हजार विद्यार्थ्यांचे अर्ज प्रलंबित असल्याचे सांगण्यात येते. या विद्यार्थ्यांना शिष्यवृत्ती न मिळाल्याने विद्यार्थी आर्थिक अडचणीत सापडले आहेत.

मोबाइल अॅप डाउनलोड करा आणि राहा अपडेट

जिल्हा सहकारी बँकेने दाखवली कागदावर वसुली

June 8, 2017, 2:30 pm

≫ Next: ‘बार्टी’चा प्रशिक्षण कार्यक्रम सुरू

≪ Previous: ​ शिष्यवृत्तीसाठी टाळे लावा आंदोलन

$

0

0

म. टा. प्रतिनिधी, औरंगाबाद
जिल्हा मध्यवर्ती सहकारी बँकेने ५२ संस्थाना कर्जमाफी देताना बँकेच्या सर्व शाखांमधून बुक अॅडजेस्टमेंटने वसुली केल्याचे दाखवले आहे. वसुलीसाठी कोणतेही प्रयत्न करण्यात आलेले नाही. त्याच प्रमाणे पतसंस्थाना कर्ज देताना संस्थेच्या संचालकाच्या मालमत्तेची गहाणखत, हमीपत्रे देखील घेतली नसल्याचे समोर आले आहे.
बँकेने या संस्थाना ज्या पद्धतीने कर्जमाफी दिली आहे त्याची काही उदाहरण तक्रारदार गायके यांनी तक्रारीत नमूद केली आहेत. यामध्ये लासूर स्टेशन मल्टीपर्पज को ऑप सोसायटी ही जिल्हा मध्यवर्ती सहकारी बँकेच्या लासूर शाखेअंतर्गत येते. या संस्थाला बँकेने दिलेल्या कर्जाची रक्कम फक्त व्याज घेऊन मुद्दलाची वसुली चलनात दाखवून बुक अॅडजेस्टमेंटने ‌केली आहे, त्यांनतर तीन दिवसांनी वाटप केल्याचे दाखवले आहे. तसेच फुलंब्री येथील एका संस्थेची वसुली बुक अॅडजेस्टमेंटमध्ये ८० टक्के झाल्याचे कागदोपत्री दाखवण्यात आले आहे. तसेच चितेगाव येथील शाखेमधील शाखाधिकाऱ्याने वरिष्ठांच्या तोंडी आदेशाने खोटी वसुली झाल्याचे बुक अॅडजेस्टमेंटद्वारे दाखवले आहे. बँकेच्या जवळपास १३४ शाखांमधून बनावट कागदपत्रे तयार करीत खोटी वसुली, दाखल ऑडिट वर्ग ब बँकेने मिळवल्याचा आरोप तक्रारीत करण्यात आला आहे.

वसुलीसाठी केले नाहीत प्रयत्न

- ५२ संस्थाचे कर्ज माफ करण्यासाठी कोणत्याही वसुलीच्या दाव्याचे निकाल लागल्यानंतर डिक्री दावे वसुलीसाठी बँकेने दाखल केले नाही.
- कर्ज वाटप केलेल्या संस्थाचे चेअरमन व संचालकाविरुद्ध कोणत्याही न्यायालयात वसुलीसाठी दावे दाखल केले नाही.
- पतसंस्थेचे चेअरमन व संचालक यांची चल व अचल संपत्ती जप्त केली नाही.
- पतसंस्थाला कर्ज देताना संस्थेचे चेअरमन, संचालक यांच्या मालमत्तेचे गहाणखत, हमीपत्र व बंधपत्रके करून घेण्यात आलेली नाहीत.

मोबाइल अॅप डाउनलोड करा आणि राहा अपडेट

‘बार्टी’चा प्रशिक्षण कार्यक्रम सुरू

June 8, 2017, 2:30 pm

≫ Next: वृद्धेस लुबाडणाऱ्या रिक्षाचालकास अटक

≪ Previous: जिल्हा सहकारी बँकेने दाखवली कागदावर वसुली

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर संशोधन व प्रशिक्षण संस्थेतर्फे (बार्टी) अनुसूचित जाती-जमातीतील धुणी-भांडी करणाऱ्या वंचित महिलांचा सामाजिक व आर्थिक दर्जा उंचावण्यासाठी विशेष प्रशिक्षण कार्यक्रम सुरू करण्यात आला आहे.
संस्थेचे महासंचालक राजेश ढाबरे यांच्या संकल्पनेतून हा उपक्रम राबवण्यात येत आहे. पी. ई. एस. अभियांत्रिकी महाविद्यालयात महापौर भगवान घडमोडे यांच्या उपस्थितीत उपक्रमाचे उद्घाटन झाले. यावेळी शासकीय वैद्यकीय महाविद्यालयाचे अधीक्षक डॉ. भरत सोनवणे, उपजिल्हाधिकारी बालाजी क्षीरसागर, डॉ. बाबासाहेब आंबेडकर मराठवाडा विद्यापीठाचे जनसंपर्क अधिकारी संजय शिंदे, प्राचार्य अभिजीत वाडेकर, अॅड. डी. व्ही. खिल्लारे, ‘बार्टी’च्या संचालक प्रज्ञा वाघमारे, दर्शन सकट व विभागीय प्रकल्प संचालक डॉ. श्रीकांत देशमुख यांची उपस्थिती होती. असंघटित महिलांना कामाचे कौशल्य प्राप्त व्हावे म्हणून हा प्रशिक्षण कार्यक्रम आहे. पावनपथ बुद्ध विहार, भावसिंगपुरा व जैतवन बुद्ध विहार, जयभीमनगर येथील ८० महिलांना २१ दिवसांचे प्रशिक्षण दिले जाणार आहे.

मोबाइल अॅप डाउनलोड करा आणि राहा अपडेट