शहरात पुन्हा एकदा या आठवड्यात अवकाळी पावसाची शक्यता हवामान खात्याने वर्तवली आहे. विशेष म्हणजे प्रत्येक महिन्यात अवकाळी पाऊस हजेरी लावत आहे. त्यामुळे शहराच्या कमाल व किमान तापमानात किंचित घट झाली आहे. रविवारी (१० मे) कमाल ३९.२ तर किमान २१.६ अंश सेल्सियस असे नोंदवण्यात आले. गेल्या काही दिवसांपसासून शहराच्या कमाल व किमान तापमानात कायम चढउतार होत आहे. त्यामुळे दुपारी प्रचंड ऊन असते, तर रात्री मात्र वादळीवाऱ्यासह पावसाचे प्रकार घडत आहेत. वातावरणात अचानक होत असलेल्या या बदलामुळे शहरातील नागरिक मात्र हैराण झाले आहेत. हवामान विभागाच्या अंदाजानुसार या आठवड्यात उन्हाचा पारा किंचित कमी होणार असला, तरी अवकाळी पावसाचा अंदाज वर्तवण्यात आला आहे.
११ ते १६ मे दरम्यान शहरात किमान तापमानाचा पारा २५ ते २६ अंश सेल्सियसपर्यंत, तर कमाल तापमानाचा पारा ३८ अंशापर्यंत राहणार असल्याचा अंदाज वर्तवण्यात आला आहे. दरम्यान १३ मे रोजी मराठवाड्यातील काही जिल्ह्यांमध्ये मेघगर्जनेसह पावसाचा अंदाज वर्तवला आहे.
मोबाइल अॅप डाउनलोड करा आणि राहा अपडेट
