अधिकाधिक ग्राहकांना मोबाइल फोनवर डेटा वापरण्यास प्रोत्साहन मिळावे आणि सध्याच्या डेटा वापरकर्त्यांनाही फायदा व्हावा, या उद्देशाने महाराष्ट्र आणि गोवा परिमंडळातील आघाडीची दूरसंचार सेवा पुरवठादार कंपनी व्होडाफोनने डबल डेटा योजना सुरू केली आहे.
या योजनेनुसार, १२१ द्वारे डेटा रिचार्ज करणाऱ्या किंवा व्होडाफोन संकेतस्थळावरून आणि मायव्होडाफोन अॅपवरून विशेष योजना घेणाऱ्या ग्राहकांना निवडलेल्या डेटा पॅकचे दुप्पट मूल्य मिळेल. ही योजना परिमंडळातील व्होडाफोन प्री-पेड डेटा रिचार्ज पॅक्सवर ऑगस्टच्या पहिल्या आठवड्यापासून ३० सप्टेंबरपर्यंत लागू असेल.
व्होडाफोन ही भारतातील एक आघाडीची मोबाइल फोन सेवा पुरवठादार कंपनी असून, महाराष्ट्र आणि गोवा परिमंडळातील महसूल बाजारपेठेत त्यांचा वाटा २५.१ टक्के इतका आहे. कंपनीच्या १ कोटी ७४ लाख ग्राहकांपैकी मार्च २०१५ पर्यंत डेटा ग्राहकांची संख्या ६५ लाख असून, डेटा वापराचे २०१४-१५ मधील प्रमाण ९४ टक्क्यांनी वाढले आहे.
बाजारातील नव्या बदलांच्याही सतत पुढे राहत, ग्राहकांच्या नव्याने निर्माण होणाऱ्या गरजा पूर्ण करण्यात व्होडाफोन यशस्वी ठरले आहे. अधिक उत्तम स्मार्ट फोन आपल्या मालकीचा असावा, ही ग्राहकांची आकांक्षा वाढत असताना, व्होडाफोनच्या महाराष्ट्र आणि गोवा परिमंडळातील ग्राहकांपैकी ७२ टक्के ग्राहकांकडे डेटा वापरू शकता येईल, असे हँडसेट आहेत. त्यामुळे मोबाइल फोनवर इंटरनेट वापरणाऱ्यांची संख्या वाढत असून, डेटाचा प्रतिग्राहक वापरही वाढला आहे.
मोबाइल अॅप डाउनलोड करा आणि राहा अपडेट
