म. टा. प्रतिनिधी, औरंगाबाद
'छत्रपती शिवाजी महाराज यांच्या ३८६ व्या जयंतीनिमित्त औरंगाबाद जिल्हा शिवजयंती महोत्सव समितीने विशेष कार्यक्रम आयोजित केले आहेत. स्वच्छता मोहीम, चित्रकला स्पर्धा, व्याख्यान आणि मिरवणूक असे वैविध्यपूर्ण कार्यक्रम आहेत,' अशी माहिती समितीचे अध्यक्ष संदीप शेळके यांनी दिली. यानिमित्त शनिवारी झालेल्या पत्रकार परिषदेत ते बोलत होते.
औरंगाबाद जिल्हा शिवजयंती महोत्सव समितीने छत्रपती शिवाजी महाराज जयंतीनिमित्त विविध कार्यक्रम होणार आहेत. वैजापूर येथील जिल्हा परिषद मैदानावर १४ फेब्रुवारीला सकाळी अकरा वाजता खो-खो स्पर्धा होईल. तर १५ फेब्रुवारीला सकाळी अकरा वाजता औरंगपुरा येथे शिवजयंती कार्यालयाचे उदघाटन करण्यात येणार आहे. कुंभेफळला १६ फेब्रुवारीला महारूद्र हायस्कूलमध्ये वेशभूषा स्पर्धा घेण्यात येईल.
वेरुळ येथे मालोजीराजे भोसले गढीची १७ फेब्रुवारीला स्वच्छता केली जाणार आहे. यावेळी मनोज पाटील व मिलिंद पाटील उपस्थित राहतील. पळशी येथील धारेश्वर हायस्कूलमध्ये १८ फेब्रुवारी रोजी चित्रकला स्पर्धा घेण्यात येणार आहे. शुक्रवार, १९ फेब्रुवारीला शिवजयंतीनिमित्त सकाळी आठ वाजता क्रांतिचौकात छत्रपती शिवाजी महाराजांच्या पुतळ्याला अभिवादन करून ध्वजारोहन करण्यात येणार आहे. सायंकाळी संस्थान गणपती राजाबाजार येथून मिरवणूक काढण्यात येईल. चिकटगाव (ता. वैजापूर) येथे प्रदीप सोळुंके यांचे व्याख्यान होणार आहे. या पत्रकार परिषदेला पृथ्वीराज पवार, अभिजित देशमुख, अजय पाटील चिकटगावकर, विश्वास औताडे, अनिल मानकापे, डॉ. पवन डोंगरे, मनोज पाटील, पंजाबराव तौर, विशाल दाभाडे उपस्थित होते.
वादाचे भांडवल करू नये
'शिवजयंती तारखेनुसार साजरी करावी की तिथीनुसार हा वाद मिटवण्याची गरज आहे. राजकीय नेत्यांनी वादाचे भांडवल करू नये. माजी मुख्यमंत्री मनोहर जोशी यांनी सहा इतिहास संशोधकांची समिती नेमून तारखेनुसार शिवजयंती साजरी करण्याचा निर्णय घेतला होता. शिवजयंतीला शासकीय सुटीसुद्धा असते. त्यामुळे वाद निर्माण न करता एकाच दिवशी शिवजयंती साजरी करावी,' असे आवाहन पृथ्वीराज पवार यांनी केले.
मोबाइल अॅप डाउनलोड करा आणि राहा अपडेट
अरुण समुद्रे, लातूर
म. टा. प्रतिनिधी, नांदेड
म. टा. प्रतिनिधी, उस्मानाबाद
