वैद्यकीय बिलांत अडवणूक

March 12, 2017, 2:30 pm

≫ Next: ८४ खातेदाराविरुद्ध महाराष्ट्र बँकेची तक्रार

≪ Previous: मूकबधीर मुलांनी लुटला रंगपंचमीचा आनंद

$

0

0

म. टा. प्रतिनिधी, औरंगाबाद
जिल्ह्यातील शिक्षकांनी घेतलेल्या वैद्यकीय उपचाराची प्रतिपूर्ती मिळविण्यासाठी प्रशासकीय पातळीवर मोठ्या प्रमाणावर अडथळे निर्माण होत आहेत. त्यामुळे शिक्षकांची अडचण होत आहे. जिल्हा परिषद प्रशासनाने कामकाजाच्या पद्धतीत सुधारणा करून शिक्षकांची अडचण सोडवावी, अशी मागणी केली जात आहे.
राज्य सरकारमार्फत विविध आजार व त्यावरील इलाज, उपचार, शस्त्रकिया यांच्यावरील खर्चापोटी ‘वैद्यकीय प्रतिपूर्ती’ या हेडखाली झालेला खर्च दिला जातो. त्यासाठी शिक्षक स्वतःवर, त्याच्यावर अवलंबून असलेल्यावर, वा कुटुंबातील सदस्यांवर रुग्णालयात झालेल्या उपचारापोटी बील अगोदरच पदरमोड, उसनवारी करून भरावे लागते. हा खर्च प्रचंड मोठ्या प्रमाणावर असतो. तो जमवता-जमवता संबंधिताच्या नाकीनऊ येतात. हा खर्च मिळविण्यासाठी वैद्यकीय प्रतिपूर्ती देयकांची फाइल प्रशासनाकडे सादर केली जाते.
खरी अडचण याठिकाणी सुरू होते. शिक्षण विभागात सादर केलेली फाईल आरोग्य विभागाकडे तपासणीसाठी पाठविली जाते. त्यात काही त्रुटी आढळल्या, तर त्याची पूर्तता करून फाईल मंजूर करण्याची प्रक्रिया पूर्ण होते. अनेक फाईलमध्ये किरकोळ त्रुटी दर्शवून, अपूर्णतेचे शेरे लिहून, याची पूर्तता करा, असा शिक्का मारून या फायली परत करण्यात येतात. परिपूर्ण फाईलमध्येही त्रुटीची आडकाठी आणल्यामुळे अगोदरच आर्थिक गर्तेत सापडलेल्या शिक्षकाची अवस्था अवघड होते.
शिक्षकांना होणाऱ्या त्रासाची दखल घेऊन जिल्हा प्रशासनाने त्वरित सुधारणा करावी आणि वैद्यकीय प्रतिपूर्तीच्या फायली निकाली काढाव्यात, अन्यथा तीव्र आंदोलन करण्यात येईल, असा इशारा महाराष्ट्र राज्य प्राथमिक शिक्षक संघाचे राज्य प्रसिद्धीप्रमुख राजेश हिवाळे,जिल्हाध्यक्ष काकासाहेब जगताप, कैलास गायकवाड, जालिंदर चव्हाण, हारूण शेख, विष्णु बोरूडे, मारोती शेजवळ, प्रवीण पांडे, नारायण साळुंके, अंकुश जाधव, बाबासाहेब जाधव आदींनी दिला आहे.

दिवसाला एक फाइल!
औरंगाबाद जिल्हाभरातील ९ तालुक्यांमधून एका महिन्याला शिक्षकांच्या फक्त २५ ते ३० वैद्यकीय प्रतिपूर्ती देयकांच्या नवीन फायली शिक्षण विभागाकडे सादर होतात. महिन्याचा हिशेब केल्यास प्रमाण दरदिवसाला एक इतके अल्प आहे. एवढ्या कमी फायलींचा निपटारा हा लगेचच व्हावा, मात्र तसे न होता त्रुटींची मेख मारलेल्या फायलींचाच प्रवास हा अविरतपणे चालूच असतो. त्याच त्याच फाईली पुन्हा सादरीकरणाच्या नावाखाली मिरवतात. अशा फायलींचे प्रमाण एका महिन्यात जवळपास १२५ ते १५०च्या घरात असते. हेच चक्र अविरतपणे चालू असते.

मोबाइल अॅप डाउनलोड करा आणि राहा अपडेट

---

८४ खातेदाराविरुद्ध महाराष्ट्र बँकेची तक्रार

March 12, 2017, 2:30 pm

≫ Next: लाइनमनला ७५ हजारांचे टार्गेट

≪ Previous: वैद्यकीय बिलांत अडवणूक

$

0

0

म. टा. प्रतिनिधी, औरंगाबाद
महाराष्ट्र बँकेच्या युपीआय अॅप्स घोटाळ्याने गंभीर वळण घेतले आहे. या अॅपचा वापर करून खातेदारांच्या खात्यातून आतापर्यंत तब्बल सहा कोटी सात लाख रुपये लंपास केल्याचे उजेडात आले आहे. याप्रकरणी बँकेतर्फे ८४ खातेदारांविरुद्ध कट रचून इंटरनेटच्या माध्यमातून सहा कोटी सात लाख रुपये काढल्याप्रकरणी सिडको एमआयडीसी पोलिस ठाण्यात गुन्हा दाखल करण्यात आला आहे. याप्रकरणी एकाला अटक करण्यात आली असून १७ मार्चपर्यंत पोलिस कोठडी सुनावण्यात आली आहे.
महाराष्ट्र बँकेचे महा युपीआय अॅप्स आहे. या अॅप्सचा वापर करून इंटरनेटद्वारे खातेधारकाला एक लाख रुपये कर्ज मिळण्याची सुविधा देण्यात आली आहे. या अॅप्सचा वापर करीत गेल्या काही महिन्यात खातेधारकांनी त्यांच्या खात्यात रक्कम नसताना बँकेच्या पुल अकाउंटमधून कोट्यवधीची रक्कम काढल्याचा प्रकार उघडकीस आला आहे. ३१ ऑक्टोबर २०१६ ते ११ मार्च २०१७ या कालावधीत हा प्रकार घडला आहे. खातेदारांनी आतापर्यंत तब्बल सहा कोटी सात लाख रुपये काढल्याचे समोर आले आहे. याप्रकरणी बँकेचे झोनल मॅनेजर रवींद्र दत्तात्रय सोनजे यांनी सिडको एमआयडीसी पोलिस ठाण्यात तक्रार दिली आहे. या तक्रारीवरून खातेदार किरण अन्नासाहेब गवाड, सुरेश रामचंद्र भोसले या खातेदारांसह इतर ८२ खातेदाराविरुद्ध माहिती व तंत्रज्ञान कायदा, कट रचणे व फसवणूक केल्याप्रकरणी गुन्हा दाखल करण्यात आला आहे. पोलिसांनी संशयित आरोपी बिपीन निर्मल बिस्वास (मूळ रा. चंद्रपुर, ह. मु. रा. सिडको वाळूज महानगर) याला अटक केली आहे. बिपीनला कोर्टात हजर करण्यात आले असता १७ तारखेपर्यंत पोलिस कोठडी सुनावण्यात आली.

कर्ज सुविधेचा गैरवापर
या अॅप्सचा वापर करून इंटरनेटद्वारे खातेधारकाला एक लाख रुपये कर्ज मिळण्याची सुविधा देण्यात आली आहे. या अॅप्सचा वापर करीत गेल्या काही महिन्यात खातेधारकांनी त्यांच्या खात्यात रक्कम नसताना बँकेच्या पुल अकाउंटमधून कोट्यवधीची रक्कम काढल्याचा प्रकार उघडकीस आला आहे.

मोबाइल अॅप डाउनलोड करा आणि राहा अपडेट

लाइनमनला ७५ हजारांचे टार्गेट

March 12, 2017, 2:30 pm

≫ Next: महसूल कर्मचाऱ्यांचे उद्यापासून आंदोलन

≪ Previous: ८४ खातेदाराविरुद्ध महाराष्ट्र बँकेची तक्रार

$

0

0

औरंगाबाद : महावितरणाची वीज ब‌िल वसुली वाढविण्यासाठी थकबाकी वसूल करण्याची महामोहीम सुरू आहे. कन्नड शाखेंतर्गत काम करणाऱ्या लाइनमनला मार्चअखेरपर्यंत रोज ७५ हजार रुपये वीज ब‌िल वसूल करण्याचे टार्गेट दिले आहे.
औरंगाबाद आणि जालना परिमंडळात महावितरणाची वीज बील वसुली सुरू आहे. या अंतर्गत मुख्य अभियंता सुरेश गणेशकर यांनी औरंगाबाद ग्रामीण, औरंगाबाद शहर आणि जालना भागातील विविध ठिकाणी असलेल्या जनमित्रांची बैठक घेतली होती. जनमित्रांना वीज ब‌िल वसुली वाढविण्याची सूचना या बैठकीत देण्यात आल्या. कन्नड येथील शाखा कार्यालयात गुरुवारी लाइनमनची बैठक घेण्यात आली. मुख्य अभियंता गणेशकर यांनी महावितरणाची सध्याच्या परिस्थितीबाबत लाइनमनला माहिती दिली. त्याच्या अडचणीही त्यांनी जाणून घेतल्या.
ग्रामीण भागात सेवा पुरविण्यासाठी साधन-सामग्रीमुळे अडचणी येत असल्याचे यावेळी सांगण्यात आले. कन्नड येथे सात कोटी रुपयांची वसुली अपेक्षित आहे. सध्या ही वसुली कमी आहे. यामुळे लाइनमनने ही वसुली करण्यासाठी कारवाई सुरू करावी. ही कारवाई करताना कोणाचाही दबाव सहन करू नका, असेही आदेश त्यांनी दिले.
कन्नड येथून मार्चअखेरपर्यंत अडीच कोटी रुपयांपेक्षा जास्त वसुलीचा टार्गेट आहे. प्रत्येक लाइनमनने रोज ७५ हजार रुपयांची वसुली केली, तर निश्चित वसुलीचा हा आकडा अडीच कोटींपेक्षा जास्त जमा होणार असल्याच्या सूचनाही मुख्य अभियंत्यांनी दिल्या.

ग्राहक सेवा सुधारण्याचे आवाहन
फुलंब्री, वाळूज; तसेच अन्य भागातील जनमित्रांनी ग्राहकांचे संपर्क क्रमांकाची यादी तयार केली आहे. या ग्राहकांना संपर्क करून ग्राहक सेवेबाबत थेट माहिती देण्यात येते. यामुळे ग्राहकांना महावितरणाकडून चांगली सुविधा मिळू शकेल. ग्राहकांना चांगली सेवा द्यावी, मात्र सुविधा दिल्यानंतर वीज बिलाची वसुलीही तेवढ्याच चांगल्या पद्धतीने व्हावे. यासाठी असे प्रयत्न वैयक्तिक स्तरावर करण्याचे आवाहन मुख्य अभियंता सुरेश गणेशकर यांनी लाइनमनशी बोलताना केले.

मोबाइल अॅप डाउनलोड करा आणि राहा अपडेट

महसूल कर्मचाऱ्यांचे उद्यापासून आंदोलन

March 12, 2017, 2:30 pm

≫ Next: पापुद्रे निघत असल्याने प्राचीन तीर्थस्तंभाचे वैभव धोक्यात

≪ Previous: लाइनमनला ७५ हजारांचे टार्गेट

$

0

0

म. टा. प्रतिनिधी, औरंगाबाद
जिल्हाधिकारी कार्यालयातील अव्वल कारकून गजानन चौधरी यांच्या मृत्यूला प्रत्यक्ष, अप्रत्यक्षरित्या जबाबदार असलेल्या अप्पर जिल्हाधिकारी पी. एल. सोरमारे यांच्यावर गुन्हा दाखल, जिल्हाधिकारी डॉ. निधी पांडेय यांची तत्काळ बदली करावी या मागण्यांसाठी महसूल कर्मचारी संघटनेने मंगळवारपासून पुन्हा काम बंद आंदोलन करण्याचा निर्णय घेतला आहे.
मराठवाड्यातील महसूल कर्मचाऱ्यांनी शुक्रवारी शंभर टक्के काम बंद आंदोलन केले. त्यानंतर संघटनेने विभागीय आयुक्तांची भेट घेऊन चौकशीची मागणी केली. आयुक्तांनी अपर आयुक्तांमार्फत चौकशीचे आश्वासन दिले. याप्रकरणात जिल्हा प्रशासनातील अधिकाऱ्यांची भूमिका संदिग्‍ध असून जिल्हाधिकाऱ्यांनी दुर्लक्ष केल्याचा आरोप आहे. त्यानंतरही शनिवारी जिल्हाधिकाऱ्यांनी पुन्हा चौकशी करण्याचे आदेश दिले हा प्रकार अनाकलनीय असल्याचे संघटनेच्या निवेदनात म्हटले आहे. दोन्ही मागण्या पूर्ण होईपर्यंत १४ मार्चपासून काम बंद आंदोलन करणार असल्याचे महसूल कर्मचारी संघटनेचे जिल्हाध्यक्ष महेंद्र गिरगे, उपाध्यक्ष संतोष अनर्थे, राज्य कार्याध्यक्ष डी.एम. देशपांडे यांनी कळवले आहे.

मोबाइल अॅप डाउनलोड करा आणि राहा अपडेट

पापुद्रे निघत असल्याने प्राचीन तीर्थस्तंभाचे वैभव धोक्यात

March 12, 2017, 2:30 pm

≫ Next: महावितरणविरुद्ध नाथनगरात होळी

≪ Previous: महसूल कर्मचाऱ्यांचे उद्यापासून आंदोलन

$

0

0

Tushar.bodkhe@timesgroup.com
Tweet : @tusharbMT
औरंगाबाद ः पैठण येथील समृद्ध राजवटीचे प्रतीक असलेला प्राचीन तीर्थस्तंभ शेवटचा घटका मोजत आहे. राज्य पुरातत्व विभागाने रासायनिक लेप प्रक्रिया करून अनेक वर्षे उलटली आहेत. सध्या स्तंभाचे पापुद्रे निघत असून, सुंदर नक्षीकामाला इजा पोचली आहे. नगर परिषद आणि राज्य पुरातत्व विभागाच्या उदासीनतेने बाराव्या शतकातील नितांतसुंदर वास्तू नामशेष होण्याच्या स्थितीत आहे.
प्राचीन प्रतिष्ठान नगरीचे वैभव दाखवणाऱ्या शेकडो वास्तू काळाच्या उदरात गडप झाल्या. समृद्धी आणि शौर्याचे प्रतीक असलेल्या प्रतिष्ठानचे वर्चस्व सिद्ध करणारा तीर्थस्तंभ बाराव्या शतकात उभारण्यात आला. पैठणच्या या तीर्थस्तंभाचे वेगळेपण देशभरातील अभ्यासक आणि पर्यटकांना आकर्षित करते, मात्र ‘पिकतं तिथं विकत नाही’ या म्हणीप्रमाणे तीर्थस्तंभाची दशा झाली आहे. स्तंभाचे ठिकठिकाणी पापुद्रे निघाले असून तातडीने रासायनिक प्रक्रिया करण्याची गरज आहे. पायथ्याचा काही भाग तुटल्याने चक्क सिमेंटने डागडुजी करण्यात आली होती. या कामाचेही आता तुकडे पडत आहेत. चार टप्प्यात उभारलेल्या स्तंभावर आकर्षक नक्षीकाम आहे. वातावरणाचा प्रतिकूल परिणाम होऊन नक्षीकाम पुसट होत आहे. नगर परिषदेने तीर्थस्तंभ परिसराचे सौंदर्यीकरण केले होते. पण, कायमस्वरुपी सुरक्षारक्षक नसल्यामुळे सौंदर्यीकरणाची दुर्दशा झाली. दिवे, लोखंडी जाळ्या गायब झाल्या असून कारंजे बंद आहेत. स्तंभाच्या सभोवती गाजरगवत आणि कचरा पसरला आहे. मोकाट जनावरांचा मुक्त वावर असलेल्या स्तंभ परिसरात पर्यटकांची निराशा होते. चार भागातील स्तंभ ६.३७ मीटर उंच आहे. स्तंभावर स्वर्ग, मृत्यू व पाताळ सूचित केले आहे. तसेच सप्तमातृका, नृत्यरत गणपती, श्रीदेवी-भूदेवी, शिव व इंद्र, भैरव यांची शिल्पे आहेत. स्थापत्य शैलीचा अजोड नमुना असलेल्या स्तंभाचे तातडीने जतन करण्याची स्थ‌िती निर्माण झाली आहे.

संरक्षित स्मारक धोक्यात
१९९६मध्ये राज्य संरक्षित स्मारक झाल्यानंतरही तीर्थस्तंभाचे योग्य संवर्धन झाले नाही. नक्षीकाम पुसट होऊन पापुद्रे पडत असल्यामुळे रासायनिक प्रक्रियेची गरज आहे. पण, निधीअभावी काम करीत नसल्याचे राज्य पुरातत्त्व विभागाच्या सूत्राने सांगितले. अतिक्रमणाच्या विळख्यात अडकलेल्या तिर्थस्तंभाचे संवर्धन होणार का असा प्रश्न आहे.

इ. स. पूर्व बाराव्या शतकातील तीर्थस्तंभ पैठणला ‘दक्षिणकाशी’ सिद्ध करणारा भक्कम पुरावा आहे. काळाच्या ओघात स्तंभात स्थित्यंतरे झाली आहेत. हा ठेवा जतन करणे आवश्यक आहे. या स्तंभावरील शिल्प अभ्यासकांना प्रेरित करतात.
- डॉ. आर. एस. मोरवंचीकर, इतिहास अभ्यासक

मोबाइल अॅप डाउनलोड करा आणि राहा अपडेट

महावितरणविरुद्ध नाथनगरात होळी

March 12, 2017, 2:30 pm

≫ Next: अण्णा हजारेंनी ‘ते’पत्र दिलेले नाही

≪ Previous: पापुद्रे निघत असल्याने प्राचीन तीर्थस्तंभाचे वैभव धोक्यात

$

0

0

म. टा. प्रतिनिधी, औरंगाबाद
नाथनगर भागात उच्चदाबामुळे नागरिकांच्या घरातील विद्युत उपकरणे जळाल्याची घटना घडली. मात्र, शनिवारी महावितरण अधिकारी आणि कर्मचाऱ्यांनी नुकसान भरपाईसाठी सर्व ग्राहकांच्या घरी पंचनामा केला नाही. त्यामुळे सर्वांच्या घरी पंचनामा करून नुकसान भरपाई मिळावी, यासाठी भारतीय जनता पक्षाने महावितरणचा निषेध करत आक्रोश होळी केली.
नाथनगरमध्ये भाजपचे स्थानिक तरुण नेते नंदू गवळी याच्या नेतृत्वात हे आंदोलन रविवारी संध्याकाळी करण्यात आले. या आंदोलनात जालिंदर शेंडगे, राजू पाटील, शंकर म्हात्रे, दीपक जोंधळे, संतोष देवकर, मयूर साखरे, प्रणय पातारे, श्रीराम तांबोळी, मनोज जोशी, आनंद म्हस्के, चेतन साबद्रा, हिराबाई म्हस्के, वनिता बनकर यांच्यासह नाथनगरमधील नागरिक व महिलांची उपस्थिती होती. या भागातील नागरिकांच्या नुकसानाची पंचानामा करावा, नुकसान भरपाई त्वरित द्यावी, या घटनेला जबाबदार अधिकारी व कर्मचाऱ्यांची चौकशी करून त्यांच्यावर कारवाई करावी, अशी मागणी करण्यात आली.

आंदोलन तीव्र करणार
होळी पेटवून, महावितरणाच्या कर्मचाऱ्यांनी केलेल्या पंचनाम्याचा निषेध केला आहे. ४०० घरांतील सरासरी दोन वस्तू जळाल्या तरी ८०० उपकरणे होतात. त्यामुळे पंचनाम्यात १२२ उपकरणाची नोंद कशी करण्यात आली?, असा प्रश्न उपस्थित करण्यात आला. नाथनगर येथील नागरिकांना नुकसान भरपाई मिळाली नाही, तर महावितरण कार्यालयावर मोर्चा काढण्यात येईल, असा इशारा यावेळी देण्यात आला.

मोबाइल अॅप डाउनलोड करा आणि राहा अपडेट

अण्णा हजारेंनी ‘ते’पत्र दिलेले नाही

March 12, 2017, 2:30 pm

≫ Next: सामाजिक कुप्रथांची वैजापुरात होळी

≪ Previous: महावितरणविरुद्ध नाथनगरात होळी

$

0

0

म. टा. प्रतिनिधी, औरंगाबाद
संजय ट्रेडर्स या पुरवठादाराच्या बिलाच्या संदर्भात औरंगाबाद महापालिकेला ज्येष्ठ समाजसेवक अण्णा हजारे यांनी कोणतेही पत्र दिले नाही, असा खुलासा भ्रष्टाचार विरोधी जनआंदोलन या संघटनेने केला आहे. अण्णा हजारेंचा त्या प्रकरणाशी काहीही संबंध नाही, असे संघटनेने स्पष्ट केले आहे. तीन वर्षे बिल ठेवून घेणाऱ्या अधिकाऱ्याची चौकशी करा, अशी मागणी संघटनेने केली आहे.
‘अण्णांच्या पत्रामुळे पालिका हलली, सायकलींचे बिल मिळण्याचा मार्ग तीन वर्षांनी झाला मोकळा’ हे वृत्त ‘मटा’ मध्ये प्रसिद्ध झाले होते. या वृत्ताच्या अनुषंगाने भ्रष्टाचार विरोधी जनआंदोलन या संघटनेचे प्रतिनिधी श्याम असावा यांनी ‘मटा’ शी संपर्क साधून ते पत्र अण्णा हजारे यांनी दिलेले नाही, असे सांगितले. भ्रष्टाचार विरोधी जनआंदोलन या संघटनेने ते पत्र दिले होते. नगर येथील संजय ट्रेडर्स या पुरवठादाराने औरंगाबाद महापालिकेला सायकली पुरवल्या, सायकलींचे बिल महापालिकेच्या अधिकाऱ्यांनी तीन वर्ष ठेवून घेतले. बिल ठेवून घेण्यामागे त्या अधिकाऱ्यांचा हेतू शुद्ध नव्हता, त्यामुळे त्यांची चौकशी करून कारवाई करावी, अशी मागणी संघटनेने पत्राद्वारे केल्याचे असावा यांनी सांगितले.
महापालिकेच्या महिला बालकल्याण समितीच्या माध्यमातून दहावीच्या विद्यार्थिनींसाठी २०१४ यावर्षी सायकलींचे वाटप करायचे होते. वाटपासाठी नगर येथील पुरवठादार संजय ट्रेडर्स यांच्याकडून ६२० सायकलींची खरेदी केली. पुरवठादाराने पालिकेला ६२० सायकलींचे २३ लाख ७५ हजार रुपयांचे बिल दिले. २०१४ पासून पालिकेत बिल प्रलंबित आहे. पालिका अधिकाऱ्यांच्या अशा दिरंगाईसंदर्भात भ्रष्टाचार विरोधी जनआंदोलन या संघटनेचे श्याम असावा यांनी नाराजी व्यक्त करीत महापालिकेला पत्र दिले. बिलाची फाइल तीन वर्ष ठेवून घेणाऱ्या अधिकाऱ्यांवर कारवाई करा, अशी मागणी त्यांनी केली आहे. पुरवठादार चुकीचा असेल तर त्याच्यावरही कारवाई झाली पाहिजे, असे मत त्यांनी व्यक्त केले आहे.

मोबाइल अॅप डाउनलोड करा आणि राहा अपडेट

सामाजिक कुप्रथांची वैजापुरात होळी

March 12, 2017, 2:30 pm

≫ Next: डॉ. निलंगेकरांवर गुन्हा

≪ Previous: अण्णा हजारेंनी ‘ते’पत्र दिलेले नाही

$

0

0

म. टा. प्रतिनिधी, वैजापूर
येथील महात्मा फुले यांच्या पुतळ्यासमोर रविवारी विडी, सिगारेटची बंडले, तंबाखू, गुटख्याच्या पुड्या, दारूचे रिकामे बॉक्स, मावा, चुन्याच्या पुड्या यांची होळी पेटवण्यात आली. समाजातून कुप्रथा, रुढी-परंपरांचे समूळ उच्चाटन व्हावे व स्त्री भ्रूण हत्या थांबवी, पाणी वाचवा, अवयव दान करा, या घोषणा देत प्रतिज्ञा घेण्यात आली.
प्रारंभी अॅड. प्रवीण साखरे व धोंडिरामसिंह राजपूत यांनी महात्मा ज्योतिबा फुले यांच्या पुतळ्याला पुष्पहार घालून अभिवादन केले. प्रास्ताविकानंतर आर. पी. बागुल, अॅड. साखरे, अॅड. नुसरत सय्यद, जगताप यांनी या कार्यक्रमाची गरज असल्याचे मत व्यक्त केले. साखरे यांच्या हस्ते होळी पेटवण्यात आली. जगन गायकवाड, व दिलीप अनर्थे यांनी कार्यक्रम घडून आणण्यासाठी घोष वाक्य लिहिली, पुड्या व खोकी जमविली. याप्रसंगी ज्ञानेश्वर सिरसाट, मनीष नन्नवरे, महेश भालेराव, धनंजय कुंदे, मोती वाघ, प्रशांत बोथरा, झगडे, पठारे, कांबळे यांच्यासह नागरिकांची उपस्थिती होती.

मोबाइल अॅप डाउनलोड करा आणि राहा अपडेट

---

डॉ. निलंगेकरांवर गुन्हा

March 12, 2017, 2:30 pm

≫ Next: पंचायत समित्यांसाठी उद्या निवडणूक

≪ Previous: सामाजिक कुप्रथांची वैजापुरात होळी

$

0

0

म. टा. विशेष प्रतिनिधी, औरंगाबाद
मराठवाड्यातील नागरिकांच्या व विद्यार्थ्यांच्या हितासाठी व शैक्षणिक उपक्रमांसाठी मराठवाडा मित्र मंडळाला दिलेल्या भूखंडाची विल्हेवाट लावण्याचा प्रयत्न माजी मुख्यमंत्री शिवाजीराव पाटील निलंगेककर यांनी केला. या भूखंडाचा आर्थिक फायद्यासाठी अपहार केल्याच्या आरोपाखाली माजी मुख्यमंत्री शिवाजीराव निलंगेकर पाटील यांच्याविरोधात मुंबईतील खेरवाडी पोलीस ठाण्यात गुन्हा दाखल केला आहे.
याप्रकरणी निलंगेकर यांच्यासह मे. समृद्धी आर्केड प्रा. लि., मे. अगरवाल कन्स्ट्रक्शन कंपनी आणि कंपनीच्या भागीदारांविरोधातही २८ फेब्रुवारीला गुन्हा नोंद झाला आहे. मराठवाड्यातील गुणवंत मुलांना; तसेच गरजूंना मुंबईत राहण्यासाठी वसतिगृह असावे; तसेच समाजमंदिर व शैक्षणिक कारणासाठी भूखंड मिळावा, अशी मागणी मराठवाडा मित्र मंडळाने शासनाकडे केली होती. दिवंगत मुख्यमंत्री शंकरराव चव्हाण यांच्या प्रेरणेतून सुरू झालेल्या या संस्थेला वांद्रे पूर्व येथे चेतना महाविद्यालयासमोरील सर्वे क्रमांक ३४१ पैकी ११,००० चौरस मीटर म्हणजे सुमारे एक लाख २० हजार चौरस फुटांची जागा ९९ वर्षांच्या लीजवर (एक रुपया चौरस मीटर) देण्याचा निर्णय १९८१मध्ये घेण्यात आला.
त्या भूखंडावर अभियांत्रिकी महाविद्यालय, एमबीए महाविद्यालय आणि वसतिगृह उभारण्याचा करण्याचा मानस होता. त्यासाठी जागा अपुरी पडत असल्याने शासनाने विशेष बाब म्हणून मंडळास अधिक चटई क्षेत्र दिले, मात्र त्रिपक्षीय करार करताना मंडळाचे तत्कालीन अध्यक्ष निलंगेकर यांनी कार्यकारिणीला अंधारात ठेवून व्यवहार केल्याचा गंभीर आरोप मंडळाचे सचिव डॉ. मोहन देशमुख यांनी केला आहे. यामुळे मंडळाचे प्रचंड आर्थिक नुकसान झाल्याचेही त्यांचे म्हणणे आहे. परिणामी, या प्रकरणी पोलिस ठाण्यात गुन्हा दाखल केल्याची माहिती त्यांनी दिली. मुंबई हायकोर्टात हे प्रकरण गेले होते. मोहन देशमुख यांनी कोर्टात फौजदारी याचिका केली होती. या याचिकेत देशमुख यांची बाजू निरंजन मुंदर्गी व ओंकार मुळेकर यांनी मांडली. सरकारतर्फे एम एम देशमुख यांनी काम पाहिले.

हायकोर्टातील याचिका निकाली
हायकोर्टात सुनावणी चालू असताना आर्थिक गुन्हे शाखेने गुन्हा दाखल करण्याचे मान्य केले. २८ फेब्रुवारी रोजी गुन्हा दाखल करण्यात आला. ६ मार्चच्या सुनावणीत हायकोर्टात सरकारी वकिलांनी एफआयआरची प्रत सादर केली. त्यामुळे कोर्टाने ही फौजदारी याचिका निकाली काढली.

मोबाइल अॅप डाउनलोड करा आणि राहा अपडेट

पंचायत समित्यांसाठी उद्या निवडणूक

March 12, 2017, 2:30 pm

≫ Next: ‘सुप्रिया सुळे गो बॅक’ आंदोलन उभारणार

≪ Previous: डॉ. निलंगेकरांवर गुन्हा

$

0

0

म. टा. प्रतिनिधी, औरंगाबाद
जिल्ह्यातील नऊ पंचायत समितीचे सभापती व उपसभापतिपदाची मंगळवारी निवडणूक होत आहे. खुलताबाद, फुलंब्री, सिल्लोड, वैजापूर या चार पंचायत समित्यांमध्ये भाजपचा सभापती होणार हे निश्चित. पैठण पंचायत समितीत शिवसेनेला पूर्ण बहुमत आहे. गंगापूर पंचायत समितीत शिवसेना व भाजपला समान जागा आहेत. औरंगाबाद व सोयगाव पंचायत समितीत काँग्रेसला सत्ता स्थापन करण्यासाठी दुसऱ्यांची मदत घ्यावी लागेल. कन्नड येथेसुद्धा एकाही पक्षाला बहुमत नाही.

भाजपचे सदस्य सहलीवर रवाना

सिल्लोडपंचायत समितीमध्ये भाजपला पूर्ण बहुमत मिळाले आहे. मंगळवारी होणाऱ्या निवडणुकीत सभापतिपद मिळण्यासाठी चौघांमध्ये चुरस आहे. दरम्यान, काँग्रेसकडून दगाफटका होण्याच्या भीतीने भाजपने पंचायत समिती सदस्यांना सहलीवर पाठवले आहे.
सिल्लोड पंचायत समितीमध्ये भाजपचे ९ व काँग्रेसचे ७ सदस्य निवडून आले आहेत. यावेळी सभापतिपद सर्वसाधारण गटासाठी आहे. त्यामुळे माजी आमदार सांडू पाटील लोखंडे यांची सून सावित्री लोखंडे, विद्यमान उपसभापती इद्रीस मुलतानी यांची पत्नी रुबिना मुलतानी यांच्यात पद मिळवण्यासाठी चुरस आहे. याशिवाय ज्ञानेश्वर तायडे व काकासाहेब वाकडे यांनीही सभापतिपद मिळावे, अशी इच्छा वरिष्ठांकडे व्यक्त केली आहे.

उपसभापतिपदाची पैठणमध्ये चुरस

पैठण पंचायत समिती सभापतिपदासाठी निलजगाव गणातून विजयी झालेल्या गभाबाई चव्हाण यांची निवड निश्चित आहे. पण, उपसभापतिपद मिळवण्यासाठी शिवसेनेमध्ये चूरस आहे. पैठण पंचायत समितीमध्ये शिवसेनेने ११ जागा मिळून बहुमत मिळवले आहे. यावेळी सभापतिपद ओबीसी महिला या प्रवर्गासाठी राखीव आहे. शिवसेनेतर्फे या प्रवर्गातून गभाबाई चव्हाण या एकमेसव सदस्य निवडून आल्या आहेत. त्यामुळे त्यांची निवड निश्चित मानली जात आहे. उपसभापतिपद मिळवण्यासाठी मात्र शिवसेनेत चुरस आहे. त्यासाठी इच्छुकांनी शिवसेनेच्या वरिष्ठ नेत्यांकडे फिल्डिंग लावली आहे.

फुलंब्रीत इच्छुकांची वरिष्ठांकडे लॉबिंग

भारतीय जनता पक्षाने पंचायत समितीमध्ये बहुमत मिळवले आहे. त्यामुळे मंगळवारी होणाऱ्या निवडणुकीत पंचायत समिती सभापती व उपसभपतीपदाची माळ कोणाच्या गळ्यात पडते याकडे कार्यकर्त्यांचे लक्ष आहे. पद मिळण्यासाठी इच्छुकांनी वरिष्ठांकडे लॉबिंग सुरू केली आहे. पंचायत समितीच्या आठपैकी सात गणांमध्ये भाजपचे व एका गणात काँग्रेसचा उमेदवार निवडून आला. या निवडणुकीत सत्ताधारी राष्ट्रवादी काँग्रेस व शिवसेनेचा एकही सदस्य निवडून आला नाही. यावेळी सभापतिपद हे सर्वसाधारण प्रवर्गासाठी आहे. वडोदबाजार व पाल हे गण सर्वसाधारण गटासाठी होते. त्यामुळे वडोदबाजारचे सदस्य सर्जेराव मेटे व पालचे सदस्य नाथा काकडे यांनी सभपतीपदावर दावा केला आहे. सभापतिपद सर्वसाधारण गटासाठी असल्याने उपसभापतिपदावर राखीव गटातील सदस्याची वर्णी लागू शकते. या पदाकरिता बाबराचे सदस्य संजय त्रिभुवन यांचे पारडे जड आहे. गणोरीच्या सदस्य सोनाली कैलास सोनवणे व वारेगावचे सदस्य एकनाथ धटिंग यांचीही नावे चर्चेत आहेत.

खुलताबादेत इच्छुकांमध्ये रस्सीखेच

खुलताबाद पंचायत समितीमध्ये बहुमत मिळाल्यामुळे भारतीय जनता पक्षाचा सभापती विराजमान होणार हे निश्चित. पण सभापतिपद मिळवण्यासाठी रस्सीखेच आहे. या पंचायत समितीमध्ये सहा पैकी चार जागा भाजपने जिंकल्या आहेत. शिवसेनेच्या बंडखोर रेखा प्रकाश चव्हाण यांनी निवडणुकीनंतर भाजपमध्ये प्रवेश केला. त्यामुळे भाजपचे सदस्य पाच झाले आहेत. एक जागा काँग्रेसकडे आहे. यावेळी सभापतिपद सर्वसाधारण महिला प्रवर्गासाठी राखीव आहे. सभापतिपदासाठी ताजनापूर गणातून निवडून आलेल्या अर्चना अंभोरे व नुकत्याच भाजपमध्ये प्रवेश केलेल्या रेखा चव्हाण यांच्यात चुरस आहे.

सोयगावात बहुमताचे त्रांगडे

सोयगाव पंचायत समितीमध्ये भाजप-शिवसेना युती होण्याचे संकेत मिळत आहेत. परंतु, युती झाल्यानंतरही बहुमतासाठी त्यांना एक सदस्याची आवश्यकता आहे. सोयगाव पंचायत समितीमध्ये सहा सदस्य आहेत. त्यापैकी काँग्रेस तीन, भारतीय जनता पक्ष दोन व शिवसेना एक, असे बलाबल आहे. सभापतिपद मिळण्यासाठी काँग्रेस व भाजपने प्रयत्न सुरू केले आहेत. यावेळी सभापतिपद ओबीसी प्रवर्गासाठी राखीव आहे. सभापतिपदासाठी या प्रवर्गातील काँग्रेसचे धरमसिंग चव्हाण व भाजपचे संजीवन सोनवणे यांची नावे चर्चिली जात आहेत. दरम्यान, सभापतिपदाच्या निवडणुकीत भाजपने उमेदवारी दाखल करण्याचे निश्चित केले आहे. त्यासाठी शिवसेनेचा पाठिंबा घेण्याचे संकेत दिले आहेत. परंतु, त्यानंतरही बहुमत होत नाही. शिवसेनेची भूमिका महत्त्वाची ठरणार आहे.


भाजपचा सभापती वैजापुरात निश्चित

बहुमत मिळाले नसले तरी वैजापूर पंचायत समितीचे सभापतिपद भाजपला मिळणार आहे. यावेळी सभापतिपद अनुसूचित जमाती महिला प्रवर्गासाठी राखीव आहे. या प्रवर्गातून शिऊर गणात भाजपच्या सिंधुबाई जालिंदर सोनवणे या विजयी झाल्या आहेत. त्यामुळे त्यांचे सभापतिपद निश्चित आहे. त्यांच्या जातप्रमाणपत्राबाबत आक्षेप घेण्यात आला होता. पण, प्रमाणपत्र सादर करण्यास मुदत देण्यात आल्याने ही अनिश्चितता दूर झाली आहे. दरम्यान उपसभापतिपद मिळण्यासाठी शिवसेनेत मोठी चुरस आहे. १८ सदस्यांच्या पंचायत समितीमध्ये सर्वाधिक जागा मिळवूनही राखीव पदामुळे शिवसेनेला सभापतिपदापासून वंचित राहावे लागत आहे.


गंगापुरात टॉस की समझोता?

गंगापूर पंचायत समितीचे सभापतिपद कुणाला मिळणार संपूर्ण जिल्ह्यात उत्सूकता आहे. भाजप आणि शिवसेनेचे संख्याबळ समान असल्याने सभापती टॉसवर ठरणार की समझौता होणार याचा निर्णय मंगळवारी अपेक्षित आहे. गंगापूर पंचायत समितीच्या १८ जागांपैकी भाजप आणि शिवसेनेने प्रत्येकी नऊ जागा जिंकल्या. सभापतिपद अनुसूचित जाती प्रवर्गासाठी आरक्षित आहे. दोन्ही पक्षांकडे उमेदवार आहेत. पंचायत समितीत समसमान संख्याबळ आल्याने राजकीय चुरस वाढली आहे. सभापतिपदाचा फैसला टॉसवर करायचा की समझौता करून याबाबत दोन्ही पक्षाच्या नेत्यांनी चर्चा सुरू केली आहे. सूत्रांनी दिलेल्या माहितीनुसार, शिवसेनेचा निर्णय मुंबईहून सोमवारी सायंकाळपर्यंत अपेक्षित आहे. त्यात जर युतीचा निर्णय झाला तर सव्वा-सव्वा वर्षांसाठी सभापतिपद वाटून घेतले जाईल अन्यथा टॉसवर फैसला होईल.

मोबाइल अॅप डाउनलोड करा आणि राहा अपडेट

‘सुप्रिया सुळे गो बॅक’ आंदोलन उभारणार

March 12, 2017, 2:30 pm

≫ Next: निवृत्त परिचारिकेची दोघांकडून फसवणूक

≪ Previous: पंचायत समित्यांसाठी उद्या निवडणूक

$

0

0

म. टा. प्रतिनिधी, औरंगाबाद
मौलाना आझाद एज्युकेशन ट्रस्टसारख्या संस्थेत राजकीय हस्तक्षेप नको. यामुळे मौलाना आझाद एज्युकेशन ट्रस्ट बचाव मोहिमेतंर्गत ‘सुप्रिया सुळे गो बॅक’ हे आंदोलन उभे केले जाणार आहे. सोशल नेटवर्कच्या माध्यमातून हे आंदोलन सुरू करून मौलाना आझाद ट्रस्टमधून राजकीय नेत्यांना वगळा, अशी मागणी केली जाणार आहे. ही मागणी मान्य न झाल्यास भविष्यात रस्त्यावर उतरून आंदोलन करण्यात येईल, असा इशारा आझाद कॉलेजचे माजी विद्यार्थी, आमदार इम्तियाज जलील यांनी दिला.
मौलाना आझाद एज्युकेशन ट्रस्ट बचाव मोहिमेतं रविवारी दुपारी नेहरू भवन येथे आझाद कॉलेजचे आजी-माजी विद्यार्थी, प्राध्यापक आणि माजी कर्मचारी यांचे मेळावा आयोजित करण्यात आला होता. यावेळी आमदार जलील, डॉ. सरताज पठाण, शारेख नक्षबंदी, नगरसेवक आरेफ हुसैनी, नासेर नाहदी चाऊस, अॅड. अन्वर कादरी यांच्यासह आजी-माजी विद्यार्थी आणि प्राध्यापकांची मोठ्या संख्येने उपस्थिती होती.
आझाद कॉलेजच्या ट्रस्टमध्ये राजकीय हस्तक्षेपाला यावेळी विरोध दर्शविण्यात आला. बैठकीत सहभागी झालेल्यांकडून आझाद ट्रस्ट बचाव मोहिमेसाठी सूचना मागविण्यात आल्या. यावेळी कैसर कुरैशी, जब्बार खान, नगरसेवक मतीन अहेमद, नगरसेवक नासेर सिद्दिकी यांच्यासह अनेकांनी संस्थेच्या घटनेचा अभ्यास करून, अल्पसंख्यांक संस्थेमध्ये हा बदल करता येतो का, याबाबत चाचपणी करण्याचे आवाहन केले. तसेच या प्रश्नावर मोहीम राबविण्यासाठी एक समिती तयार करण्याचीही सूचनाही यावेळी मांडण्यात आली.
यावेळी आमदार जलील यांनी सांगितले की, आझाद कॉलेजमध्ये राजकीय हस्तक्षेप ही धोक्याची घंटा आहे. जसे देवगिरी महाविद्यालय उभे करणाऱ्यांना राजकीय नेत्यांनी एका रात्रीतून बाहेर काढले. मौलाना आझाद ट्रस्टबाबतही तसेच घडण्याची शक्यता आहे. यामुळे अल्पसंख्याक विद्यार्थी, शिक्षक, प्राध्यापक, शिक्षकेतर कर्मचारी धोक्यात आले आहेत. संस्‌थेतील राजकीय हस्तक्षेप दूर करण्यासाठी आणि संस्था वाचविण्यासाठी समितीचे सदस्य पद्मश्री फातेमा झकेरिया यांची सदस्य भेट घेतील. त्यातून तोडगा निघाला नाही, तर आंदोलन उभारण्यात येईल. तत्पूर्वी सोशल साइटच्या माध्यमातून ‘सुप्रिया सुळे गो बॅक’ आंदोलन उभे केले जाणार आहे.

ब्लॅकमेलरची नावे जाहीर करणार
मौलाना आझाद एज्युकेशनल ट्रस्टला माहितीच्या अधिकारातून (आरटीआय) काही जण टार्गेट करीत असल्याचा आरोप मुस्लिम समाज सेवा संघाचे जब्बार खान यांनी केला. त्यांनी ट्रस्टमध्ये एक आरटीआय अर्ज करून अशा ब्लॅकमेलरची यादी माग‌विण्यात येईल आणि ब्लॅकमेल करणाऱ्यांची नावे जाहीर केली जातील, असे त्यांनी सांगितले.

मोबाइल अॅप डाउनलोड करा आणि राहा अपडेट

निवृत्त परिचारिकेची दोघांकडून फसवणूक

March 12, 2017, 2:30 pm

≫ Next: मार्चएंडमुळे रॉकेलची खिरापत

≪ Previous: ‘सुप्रिया सुळे गो बॅक’ आंदोलन उभारणार

$

0

0

म. टा. प्रतिनिधी, औरंगाबाद
शासकीय गटविमा घरकुल योजनेचे घर देण्याचे आमिष दाखवून सेवानिवृत्त अधिपरिचारिकेची फसवणूक करणाऱ्या गृहनिर्माण संस्थेच्या अध्यक्षासह दोघांविरुद्ध बेगमपुरा पोलिस ठाण्यात फसवणुकीचा गुन्हा दाखल करण्यात आला आहे.
मंगला उन्हाळे (रा. अभिषेक प्राइड), असे फिर्यादीचे नाव आहे. त्या घाटी हॉस्पिटलमध्ये नोकरीत होत्या. घाटीत कार्यरत असताना ज्ञानसरिता सहकारी गृहनिर्माण संस्थेचे अध्यक्ष महेंद्र कुंडलिक ठाकरे व अजीज खान यांच्याशी उन्हाळे यांची भेट झाली होती. त्या दोघांनी त्यांना शासकीय योजनेतून घर मिळवून देण्याचे आमिष दाखवले.

मोबाइल अॅप डाउनलोड करा आणि राहा अपडेट

मार्चएंडमुळे रॉकेलची खिरापत

March 12, 2017, 2:30 pm

≫ Next: बुरा न मानो होली है

≪ Previous: निवृत्त परिचारिकेची दोघांकडून फसवणूक

$

0

0

म. टा. प्रतिनिधी, औरंगाबाद
घराघरांत गॅस पोचवण्यासाठी सरकार प्रयत्न करत असले, तरी अद्यापही जिल्ह्यातील तब्बल ३ लाख ५७ हजार रेशनकार्डधारक रॉकेलचा वापर करत आहेत. या लाभधारकांना मार्चएंडमुळे दरमहिन्यात देण्यात येणाऱ्या कोट्यापेक्षा दुप्पट रॉकेल मिळणार आहे. मात्र हे रॉकेल लाभार्थ्यींपर्यंत पोचते की, दलाल-माफियांच्या हाती लागते हे पुरवठा विभागाला डोळ्यात तेल घालून पहावे लागेल.
मार्च अखेरीस शिल्लक असलेले रॉकेल लाभार्थ्यांना वाटप करून नवीन कोटा मागवण्यात येतो. औरंगाबाद जिल्ह्यातील साडेतीन लाख रॉकेल लाभार्थींसाठी १४१६ केएल (१४ लाख १६ हजार लिटर) रॉकेलचा कोटा आहे, मात्र या महिन्यात दुप्पट म्हणजे २८२० केएल (२८ लाख ३० हजार लिटर) रॉकेल औरंगाबाद जिल्ह्याला मिळणार आहे. मार्च महिन्यापुरताच हा कोटा मिळणार असून, पुढील महिन्यामध्ये ठरल्याप्रमाणे रॉकेल मिळणार आहे. त्यामुळे अधिक मिळणाऱ्या रॉकेलची माहिती लाभार्थींपर्यंत न पोचल्यास हे रॉकेल दलाल व माफियांच्या ताब्यात जाण्याची शक्यता आहे.
औरंगाबाद जिल्ह्यातील बीपीएल, अंत्योदय, एपीएल प्राधान्य कुटुंब; तसेच शेतकऱ्यांना रेशन दुकानांवरून धान्य, रॉकेल देण्यात येतो. जिल्ह्यात ७ लाख ७२ हजार ४७४ रेशन कार्डधारक असून, यातील १ लाख २३ हजार १०८ कार्डधारकांकडे २ गॅसचे कनेक्शन आहेत. एक गॅस असलेल्या कार्डधारकांची संख्या २ लाख ८९ हजार २३८ आहे. ज्या ग्राहकांनी गॅस असल्याची नोंद केली नाही किंवा प्रत्यक्षात त्यांच्याकडे गॅसच नाही अशा कार्डांची संख्या मोठी आहे. प्रत्येकाला गॅस मिळावा यासाठी सरकारने गॅस सिलिंडर देण्याची योजना हाती घेतली आहे. शहरातील कार्डधारकांकडे गॅस असला तरी ग्रामीण भागातील कार्डधारकांपर्यंत अद्याप गॅस पोचला नसल्याचे सरकारी आकडेवारीवरून स्पष्ट होते. जिल्ह्यातील ३ लाख ६० हजार कार्डधारकांना १४१६ केएल रॉकेलचा पुरवठा करण्यात येतो. कागदावर आकडा मोठा दिसत असला, तरी प्रत्यक्षात रॉकेल मिळत नसल्याच्या तक्रारी असतात. आता अधिक कोटा मिळणाला, तरी प्रत्यक्षात किती रॉकेल लाभार्थींना मिळते याकडे पुरवठा विभागाला लक्ष द्यावे लागेल.

रॉकेल घेणारे ‌रेशन कार्डधारक
लाभार्थी..............कार्डधारक
१ व्यक्ती..................११५६
२ व्यक्ती..................३१७७५
३ व्यक्तीपेक्षा अधिक..३,२४,२५६

मोबाइल अॅप डाउनलोड करा आणि राहा अपडेट

बुरा न मानो होली है

March 12, 2017, 2:30 pm

≫ Next: अज्ञात वाहनाची धडक; पुण्याचे दोन ठार

≪ Previous: मार्चएंडमुळे रॉकेलची खिरापत

$

0

0

बुरा न मानो होली है
‘रंग कवितांचे’ कविसंमेलन रंगले
म. टा. प्रतिनिधी, औरंगाबाद
‘परेशानी परेशानी’ म्हणणाऱ्या प्रेमवीराची व्यथा कवितेतून सांगत कवींनी होळी सणाचा आनंद द्विगुणित केला. हास्यकविता, विडंबनकाव्य आणि राजकीय कोट्यांनी ‘रंग कवितांचे’ कविसंमेलन रंगले. प्रतिभावंत युवा कवींनी काव्यरंग उधळत रसिकांना सहभागी करुन घेतले. ‘बुरा न मानो होली है’ म्हणत सर्वांनीच कविसंमेलनाला दाद दिली.
युवामित्र फाउंडेशनच्या सहाव्या वर्धापनदिनानिमित्त ‘रंग कवितांचे’ कविसंमेलन घेण्यात आले. कवी प्रा. ललित अधाने यांच्या अध्यक्षतेखाली रंगलेल्या कविसंमेलनात प्रा. वीरा राठोड, डॉ. विष्णू सुरासे, प्रा. समाधान इंगळे, सुनील उबाळे, नीलेश चव्हाण, अविनाश भारती, चक्रधर डाके, शेख शब्बीर, धम्मपाल जाधव सहभागी झाले.

मी दाभोलकर मी पानसरे मी कलबुर्गी

मी रोहीत मी सचिन

मी माणसाला माणूस म्हणालो

अधर्माला अधर्म म्हणालो

या परिवर्तवनवादी कवितेतून रामप्रसाद वाव्हळ यांनी वास्तव मांडले. तर नीलेश चव्हाण यांच्या ‘मी तुला प्रॉमिस करतो’ ही कविता तरुणाईचा आशावाद व्यक्त करून गेली.

तिला मी बोललो तेव्हा

जराशी लाजली होती

तिच्याही आत तेव्हा

एक घंटी वाजली होती

अशी चारोळी सादर करीत नीलेश यांनी रसिकांची भरभरून दाद मिळवली. ‘मी लिहून दिलं तिच्या नावे’ या कवितेतून सुनील उबाळे यांनी कवितेवरील प्रेम मांडले. संत तुकाराम यांचे सामर्थ्य मांडणारी कविता अविनाश भारती यांनी सादर केली. ‘तुकाराम इज इक्वल टू कोडं’ या कवितेने वातावरण धीरगंभीर केले. प्रा. समाधान इंगळे यांच्या बहारदार निवेदनाने भिन्न शैलीतील कवितांची एकत्रित गुंफण केली. ‘हिशोब’ या कवितेतून चक्रधर डाके यांनी ‘घराणेशाहीच्या कित्येक पिढ्या पोसल्या आपण शाईभरल्या बोटांनी’ असे म्हणत व्यवस्थेवर प्रश्न उपस्थित केले. ‘तुला पाहून सुचतात गाणी, परेशानी परेशानी’ ही हास्यकविता सादर करून शेख शब्बीर यांनी दाद घेतली. अभिव्यक्ती स्वातंत्र्य आणि देशभक्तीचे चुकीचे समज देशात चर्चेत आहे. या प्रश्नांना धम्मपाल जाधव यांनी कवितेत स्थान दिले. ‘बात वतन की करते हो तुम, बात अमन की करते हो तुम’ असा सवाल करीत जाधव यांनी रसिकांना अंतर्मुख केले. गंभीर आशयाच्या कवितेसाठी प्रसिद्ध असलेल्या वीरा राठोड यांनी चपखल शब्दांचा वापर असलेल्या प्रेमकवितेतून रसिकांना आश्चर्यचकीत केले. ‘अंगात होळीची नशा आलीय’ म्हणणाऱ्या प्रेमवीराची उत्कटता मांडली. सध्याच्या निवडणुकमय वातावरणाच्या पार्श्वभूमीवर विष्णू सुरासे यांनी फर्मास चारोळ्या सादर केल्या.

‘निवडणुकीच्या काळात तो इतकी पितो

की ती येते रिटर्न

खातो याचे मटण

दाबतो त्याचे बटण’

या चारोळीतून त्यांनी रसिकांना हसवले. प्रा. समाधान इंगळे यांनी ‘गळ्यात गळे घालून ते भेटलेत पण, दुरावे मनातले मिटलेत का पण’ ही कविता सादर केली. ‘तू राणी मी तुझा सैया, चल पाळू भाकड गैया’ या कवितेतून शेतकरी आणि सामान्य माणसांचे प्रश्न मांडत प्रा. ललित अधाने यांनी रसिकांना खिळवून ठेवले. प्रसंगनिष्ठ विनोद आणि कोट्यांनी संमेलनात रंग भरले.

दरम्यान, उदघाटन कार्यक्रमाचे प्रास्ताविक सचिन अंभोरे आणि सूत्रसंचालन ज्ञानेश्वर चौथमल यांनी केले. यावेळी रसिक मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

अज्ञात वाहनाची धडक; पुण्याचे दोन ठार

March 12, 2017, 2:30 pm

≫ Next: रोहयो उपायुक्त अपघातात जखमी

≪ Previous: बुरा न मानो होली है

$

0

0

म. टा. प्रतिनिधी, वाळूज
पुण्याहून औरंगाबादकडे येणाऱ्या एका कारला मागून येणाऱ्या अज्ञात वाहनाने धडक दिली. या अपघातात दोन जण जागीच ठार झाले, तर दोन जखणी झाले आहेत. त्यांना उपचारासाठी घाटी हॉस्पिटलमध्ये दाखल करण्यात आले आहे. हा अपघात रविवारी पहाटे तीन वाजता झाला.
हणमंत शंकर शिवले, संदीप एकनाथ शिवले, राजेंद्र दिनकर शिवले, निलेश रमेश शिवले (सर्व रा. वडू बुद्रुक ता. शिरुर, जि. पुणे) हे भावंडासोबत नागपूरकडे जात होते. ते औरंगाबादमार्गे कारमधून (एम एच ०६, २११२) मधून जात होते. ही कार जिकठाण फाटा येथील २० नंबर खोलीजवळ आली असता पहाटे पहाटे तीन वाजता मागून येणाऱ्या अज्ञात वाहनाने जबर धडक दिली. या धडकेमुळे कार उलटून थेट रस्त्याच्या खाली जाऊन पडली. या अपघातात हनुमंत शंकर शिवले (वय ४०), संदीप एकनाथ शिवले (वय ३४) हे दोघे जागीच ठार झाले. राजेंद्र दिनकर शिवले (वय ३४) व निलेश रमेश शिवले (वय ३२) हे गंभीर जखमी झाले आहेत. या अपघातची माहिती मिळताच वाळूज पोलिस ठाण्याच्या पोलिसांनी घटनास्थळी धाव घेतली व जखमींना उपचारासाठी घाटी हॉस्पिटलमध्ये दाखल केले. महेश सुरेश शिवले यांनी दिलेल्या फिर्यादीवरून अज्ञात वाहनाविरुद्ध गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

---

रोहयो उपायुक्त अपघातात जखमी

March 12, 2017, 2:30 pm

≫ Next: समतेचा विचार रूजवणारी नाट्य परंपरा

≪ Previous: अज्ञात वाहनाची धडक; पुण्याचे दोन ठार

$

0

0

म. टा. प्रतिनिधी, पैठण
समोरून येणाऱ्या ट्रकने धडक दिल्याने झालेल्या अपघातात औरंगाबाद विभागाचे रोहयो उपायुक्त सूर्यकांत हजारे गंभीर झाले आहेत. त्यांना उपचारासाठी औरंगाबाद येथे पाठवण्यात आले आहे. हा अपघात औरंगाबाद-सोलापूर राष्ट्रीय महामार्गावरील डोणगाव दर्गा ता. अंबड जि. जालना फाट्याजवळ रविवारी दुपारी तीन वाजेच्या सुमारास झाला. या अपघाताची नोंद गोंदी ता. अंबड पोलिस ठाण्यात करण्यात आली.
औरंगाबाद विभागाचे रोहयो उपायुक्त सूर्यकांत बी. हजारे हे बीड येथून स्कोडा कारमधून (एम. एच. २३ ए डी १६६४) औरंगाबादकडे जात होते. त्यांची कार सोलापूर महमार्गावरील डोणगाव फाटा येथे आली असता विरूद्ध दिशेने यणाऱ्या ट्रक (टी. एन. २८ ए. एन. ५६७६) सोबत समोरासमोर धडक झाला. धडक इतकी जोराची होती की, स्कोडा कारची समोरील भाग चक्काचूर झाला. उपायुक्त सूर्यकांत हजारेंना हे कारमध्ये एकटेच होते, ते स्वतः गाडी चालवत होते. अपघातात त्यांच्या डोक्याला हातपायाला गंभीर मार लागला असून त्यांच्यावर पाचोड ग्रामीण रुग्णालयात प्रथमोपचार करण्यात आले. त्यांना पुढील उपचारसाठी औरंगाबादला पाठवण्यात आले. या अपघाताची नोंद गोंदी ता. अंबड पोलिस ठाण्यात करण्यात आली असून पुढील तपास सहायक पोलिस निरीक्षक मछिंद्र सुरवसे यांच्या मार्गादशनाखाली करण्यात येत आहे. पाचोड पोलिस ठाण्याचे सहायक पोलिस निरीक्षक महेश आंधळे यांनी घटनास्थळी भेट देऊन पाहणी केली.

मोबाइल अॅप डाउनलोड करा आणि राहा अपडेट

समतेचा विचार रूजवणारी नाट्य परंपरा

March 12, 2017, 2:30 pm

≫ Next: कुऱ्हाडीने मारहाण; न्यायालयीन कोठडी

≪ Previous: रोहयो उपायुक्त अपघातात जखमी

$

0

0

समतेचा विचार रूजवणारी नाट्य परंपरा

राज्यातील पहिलाच नाट्य महोत्सव

म. टा. प्रतिनिधी, औरंगाबाद

मोहमायेचा विसर पडून गौतम बुद्धाला शाश्वत सत्याचे दर्शन घडले. पृथ्वीला आनंदित करण्यासाठी बुद्धाने सुंदर विचार सर्वदूर पोहचवले. सध्या बुद्धाच्या आदर्श विचारांची आवश्यकता लक्षात घेऊन नाटककार प्रकाश त्रिभुवन यांनी बौद्ध नाट्य महोत्सव आयोजित केला आहे. बौद्ध विचाराला समर्पित असलेला हा राज्यातील पहिलाच नाट्य महोत्सव ठरला आहे.

आदर्श विचारांची कास धरून सर्वांगसुंदर जीवनप्रणालीचा मार्ग दाखवणारे बौद्ध विचार सर्वांच्या आस्थेचा विषय आहेत. बौद्ध साहित्यात दडलेले तत्वज्ञान सर्वसामान्यांपर्यंत घेऊन जाण्याचा प्रयत्न नाटककार प्रकाश त्रिभुवन करीत आहेत. ‘थांबा रामराज्य येतंय’ या गाजलेल्या नाटकानंतर त्रिभुवन यांनी बुद्ध विचार अधोरेखित करणाऱ्या तीन नाटकांचे लेखन केले आहे. बौद्ध नाट्य महोत्सवातून तीन नाटकांचे सादरीकरण औरंगाबाद शहरात करण्यात येत आहे. डॉ. बाबासाहेब आंबेडकर यांच्या शतकोत्तर रौप्य जयंतीनिमित्त महोत्सव घेण्यात येत आहे. यात १७ जानेवारी रोजी ‘गुरुदक्षिणा’ नाटकाचा प्रयोग झाला. तर फेब्रुवारी महिन्यात ‘दिग्विजय’ नाटक सादर झाले. बुद्धांचे विचार आणि मैत्रीचा संदेश नाटकासारख्या लोकप्रिय माध्यमातून देण्याचा त्रिभुवन यांचा प्रयत्न यशस्वी ठरला आहे. ‘बौद्ध विचारांचा प्रसार करण्यासाठी प्रत्येकजण प्रयत्नशील आहे. नाटककार असल्यामुळे नाटकाच्या प्रभावी माध्यमातून नाटक लिहिले. ‘गुरुदक्षिणा’ नाटक डाकू अंगुलीमालवर आधारीत आहे. ‘दिग्विजय’ नाटकात सम्राट हर्ष याची कथा मांडली आहे. ‘गणनायिका आम्रपाली’ नाटकात आम्रपालीची कथा आहे. समता आणि बंधुता यांना अधोरेखित करणारी नाटकं आहेत’ असे नाटककार प्रकाश त्रिभुवन यांनी सांगितले. बौद्ध नाट्य महोत्सव ही संकल्पना प्रथमच राबवण्यात आली आहे. एका विचारधारेला समर्पित असलेल्या नाटकांना रसिकांचा चांगला प्रतिसाद मिळाला आहे. येत्या बुधवारी संत एकनाथ रंगमंदिरात रात्री आठ वाजता ‘गणनायिका आम्रपाली’ या नाटकाचा प्रयोग होणार आहे.

उपक्रमाचे कौतुक

‘नाटककार प्रकाश त्रिभुवन चांगले नाटककार आहेत. डॉ. बाबासाहेब आंबेडकर यांच्या दृष्टीतून ते गौतम बुद्धाकडे पाहतात. बौद्ध नाट्य महोत्सव राज्यातीलच नव्हे तर देशातील पहिला उपक्रम आहे’ असे कौतुक ज्येष्ठ साहित्यिक डॉ. गंगाधर पानतावणे यांनी केले. तर ‘त्रिभुवन हे पहिला नाटकाकर अश्वघोष याच्या परंपरेतील नाटककार असल्याचे भन्ते सत्यपाल यांनी म्हटले आहे. नामवंत रंगकर्मी आणि साहित्यिकांनी नाटकांना दाद दिली आहे.

समतेचा विचार सांगणारी तीन नाटकांची संकल्पना रसिकांना भावली. स्थानिक कलाकारांनी मेहनतीने नाटकाला वेगळ्या उंचीवर नेले. समाजात मैत्रीचा संदेश पोहचवणे एवढाच महोत्सवाचा उद्देश आहे.

- प्रकाश त्रिभुवन, नाटककार-दिग्दर्शक

मोबाइल अॅप डाउनलोड करा आणि राहा अपडेट

कुऱ्हाडीने मारहाण; न्यायालयीन कोठडी

March 12, 2017, 2:30 pm

≫ Next: त्यांनी लुटला रंगपंचमीचा आनंद

≪ Previous: समतेचा विचार रूजवणारी नाट्य परंपरा

$

0

0

म. टा. प्रतिनिधी, औरंगाबाद
कुटुंबातील जुन्या वादावरून कुऱ्हाडीने प्राणघातक हल्ला करणाऱ्या दोघांची रवानगी न्यायालयीन कोठडीत करण्याचे आदेश प्रथम वर्ग न्यायदंडाधीकारी एस. ए. राठोड यांनी दिले. अक्षय शिवाजी जाधव (२२, रा. मयुरपार्क हर्सुल) व चंद्रकांत उर्फ चंदू उत्तमराव हिवराळे (३५, रा. एकतानगर, हर्सुल) अशी आरोपींची नावे आहेत.
या प्रकरणी प्रकाश रामलाल बामणे (३१, रा. पिसादेवी) यांनी फिर्याद दिली होती. फिर्यादीनुसार, फिर्यादी हा सावंगी फाट्यावरून दुचाकीवर येत फिर्यादीचे काका शामलाल सिताराम बमणे, किरण शामलाल बमणे, संतोष बमणे व इतर तिघांनी फिर्यादीला जुन्या भांडणाच्या कारणावरून कुऱ्याडीने व लाकडी दांड्याने गंभीर मारहाण केली. फिर्यादीच्या तक्रारीवरुन हर्सूल पोलिस ठाण्यात गुन्हा झाला. याप्रकरणी पोलिसांनी तपास करुन २४ मार्च रोजी आरोपी अक्षय जाधाव याला, तर २५ मार्च रोजी आरोपी चंद्रकांत हिवराळे याला अटक केली होती. दोघांना आधी न्यायालयीन कोठडीत व नंतर पोलिस कोठडी सुनावण्यात आली होती. पोलिस कोठडीची मुदत संपल्यामुळे रविवारी (१२ मार्च) त्यांना कोर्टात हजर करण्यात आले असता, कोर्टाने त्यांना न्यायालयीन कोठडीत ठेवण्याचे आदेश दिले. सहायक सरकारी वकील सूर्यकांत सोनटक्के यांनी सरकार पक्षाची बाजू मांडली.

मोबाइल अॅप डाउनलोड करा आणि राहा अपडेट

त्यांनी लुटला रंगपंचमीचा आनंद

March 12, 2017, 2:30 pm

≫ Next: जालन्यातील कामाबाबत मुख्यमंत्र्यांकडे तक्रारी

≪ Previous: कुऱ्हाडीने मारहाण; न्यायालयीन कोठडी

$

0

0

म. टा. प्रतिनिधी, औरंगाबाद
होळी रंगपंचमीचा उत्सव म्हणजे बच्चे कंपनीसाठी पर्वणीच असते. जटवाडा परिसरातील मूकबधीर व अपंग मुलांनी मात्र रविवारी हा रंगपंचमी उत्साहात साजरी केली. टिळा होळीसोबतच झिंगाट गाण्यावर ही मंडळी मनसोक्त थिरकली. ज्योतीनगर येथील आस्था जनविकास संस्थेच्या वतीने हा सामाजिक उपक्रम राबवण्यात आला.
आस्था जनविकास संस्थेच्या वतीने दरवर्षी वेगवेगळे उपक्रम राबवून होळी सण साजरा करण्यात येतो. रविवारी सकाळी जटवाडा रोडवरील मराठवाडा ग्रामीण अपंग विकास मंडळ संचलित सावित्रीबाई फुले निवासी मूकबधीर विद्यालयात हा उत्सव साजरा करण्यात आला. कार्यक्रमाची सुरुवात रंगोत्सवाने झाली. आलेल्या पाहुण्यांचे मुलांनी टिळा लावून स्वागत केले. यानंतर आस्थाच्या स्वयंसेवकांनी देखील मुलांना रंग लावून रंगोत्सवाला सुरुवात केली. यावेळी पर्यावरणपूरक अशा हर्बल रंगाचा वापर करण्यात आला. एकमेकांना रंग लावल्यानंतर मुलांनी नृत्याचा आनंद लुटला.

श्लोक, शिस्त आणि जेवणाचा आनंद
रंगोत्सव झाल्यानंतर या मुलांसाठी भोजनाची व्यवस्था करण्यात आली होती. पुरणपोळी, पापड, भजे आणि मसाले भात असा मेनू मुलांसाठी तयार करण्यात आला होता. या चिमुकल्यांना सुरुवातीला साखरगाठी तसेच साखरेचे कडे देण्यात आले. सामूहिक श्लोक पठणानंतर मुलांनी भोजनाचा आनंद लुटला. या उपक्रमाच्या यशस्वीतेसाठी आस्था जनविकास संस्थेच्या अध्यक्ष आरती श्यामल जोशी, सारिका भंडारी, अंजू मुळे, आशा तेली, प्राजक्ता मुर्कीकर, मधू ठाकूर, ज्योत्स्ना पुजारी, अश्विनी जहागीरदार यांनी परिश्रम घेतले. यावेळी मुकबधीर विद्यालयाच्या विमल बनसोडे, विमला सुगंधी यांची प्रमुख उपस्थिती होती.

मोबाइल अॅप डाउनलोड करा आणि राहा अपडेट

जालन्यातील कामाबाबत मुख्यमंत्र्यांकडे तक्रारी

March 12, 2017, 2:49 pm

≫ Next: ‘जेनेटिक डिसॉर्डर’च्या ६ महिन्यांत ३०० केसेस

≪ Previous: त्यांनी लुटला रंगपंचमीचा आनंद

$

0

0

म. टा. प्रतिनिधी, जालना
जालना शहराच्या विविध विकासाच्या कामांना विशेष निधी उपलब्ध करून देण्याची मागणी करण्यासाठी भाजपच्यावतीने नगर परिषदेचे गटनेते नगरसेवक अशोक पांगारकर यांच्यासह नगरसेवकांच्या एका शिष्टमंडळाने मुख्यमंत्री देवेंद्र फडणवीस यांची भेट घेतली. याच वेळी त्यांनी शहरातील काही कामांच्या गंभीर तक्रारी मुख्यमंत्री देवेंद्र फडणवीस यांच्याकडे केल्या आहेत. तर दुसरीकडे, माजी आमदार कैलास गोरंट्याल यांनी भाजपचे प्रदेशाध्यक्ष खासदार रावसाहेब पाटील-दानवे यांची मुंबईत भेट घेऊन शहरातील विविध विषयांवर बंद दाराआड चर्चा केली.
शहरातील मुख्य रस्त्याचे पक्क्या सिमेंटच्या रस्त्यात रूपांतराचे काम सुरू झाले आहे. या कामांत मोठ्या प्रमाणात गैरप्रकार होत आहेत. संबंधित कंत्राटदारांना सार्वजनिक बांधकाम विभागाचे अधिकारी पाठीशी घालत आहेत सिमेंटच्या रस्त्याच्या कामांची गुणवत्ता तपासण्याची मोठी मागणी करण्यात आली आहे. याची स्पष्ट माहिती मुख्यमंत्र्यांना देण्यात आली. शहरात घनकचरा व्यवस्थापन प्रकल्पाचा पूर्ण बोजवारा उडाला आहे. शहरातील कचरा उचलला जात नाही. कचर्यापासून खत निर्मितीचा प्रकल्प रखडलेला आहे. सामनगाव येथे १२ एकर जमीन संपादित करण्यात आली आहे. या ठिकाणी आणलेल्या यंत्र सामुग्रीला गंज चढत असताना याकडे कोणीच लक्ष देत नाही. शहरातील मध्यवर्ती भागातील महात्मा फुले बाजार संकुल नगर पालिकाने पाडले त्याचे नवीन बांधकाम असेच रखडले आहे. या ठिकाणच्या व्यापाऱ्यांनी काही राजकीय नेत्यांना हे संकुल बांधून देण्यासाठी भरघोस निधी दिला आहे. मात्र, हे काम सुरू होत नाही. या सगळ्या तक्रारी मुख्यमंत्री फडणवीस यांच्या लक्षात आणून दिल्या आहेत, अशी माहिती सूत्रांने दिली.
शहरात अंतर्गत जलवाहिनी अंथरण्याच्या कामाचे कार्यारंभ आदेश संबंधित कंत्राटदारांना देण्यात आले आहेत. मात्र, भूमीपूजन समारंभ होण्यापूर्वीच आपापल्या वार्डात काही बाहूबली नगरसेवकांनी संबंधित कंत्राटदाराकडून पाइपलाइन अंथरण्याचे काम तोडून घेतले आहेत. यामुळे या संपूर्ण योजनेचा मोठा बट्याबोळ निश्चितपणे वाजणार आहे. ज्या शास्त्रीय पध्दतीने पाण्याच्या स्त्रोत्रापासून जलकुंभापर्यंत आणि तेथून वसाहतीत नेमक्या आराखड्यानुसार पाइपलाइन अंथरली पाहिजे ते असे काम कुठेच होत नाही. ज्या-त्या ठिकाणच्या नगरसेवकांना जसे वाटते ते पाइपलाइन टाकण्याचे व आज जिथे कुठे जुनी पाइपलाइन आहे. तिला जोडण्याचे काम सुरू झाले आहे. याच संदर्भात काही तक्रारी मुख्यमंत्र्यांनी ऐकून घेतल्या आहेत, अशी माहिती सुत्रांनी दिली.

विशेष म्हणजे शहरातील अंतर्गत जलवाहिनी अंथरण्याच्या कामाचे भूमिपुजन होणे अद्याप बाकी आहे. कामे तर सुरू झाली आहेत. या निमित्ताने मुख्यमंत्री फडणवीस यांना जालन्यात बोलावण्याचे निमंत्रण खासदार दानवे यांच्या मार्गदर्शनाखाली देण्याचा निर्णय गोरंट्याल यांनी घेतला आहे. यासाठी त्यांनी खासदार दानवे यांची मुंबईत भेट घेतली. भाजप व शिवसेनेच्या अप्रत्यक्ष पाठिंब्यावर नगर परिषदेच्या सत्तेचे संचित मिळाल्यानंतर गोरंट्याल यांना शहरातील विविध विकासाच्या कामांना लागणारा निधी राज्य सरकारच्या तिजोरीतून आणायची योजना मांडण्यासाठी प्रयत्न सुरू केले आहेत. भाजपच्या माध्यमातून विशेष करून प्रदेशाध्यक्ष दानवे यांच्या शिफारशीवरून हा मोठा निधी मिळावा यासाठी गोरंट्याल हे सध्या घडीला प्रयत्न करत आहेत. याच पार्श्वभूमीवर शुक्रवारी त्यांनी खासदार दानवे यांची मुंबईत एक भेट घेतली. या सर्व भेटीची गुप्तता बाळगण्यात आली.

झेडपीतील पाठिंब्याबाबत चर्चा
जालना जिल्हा परिषदेच्या राजकारणात पाठिंब्याच्या मुद्द्यावर यावेळी
चर्चा झाल्याची माहिती सुत्रांनी दिली. जिल्हा परिषदेत काँग्रेसचे पाच सदस्य विजयी झाले आहेत. हेही सर्व गोरंट्याल यांच्या गटाचे असल्याने जिल्हा परिषदेच्या अध्यक्षपदाच्या निवडणुकीत भाजपसोबत युती करण्यासाठी चर्चा झाली अशी माहिती सूत्रांनी दिली.

गुंडाराजाला आळा घालण्याची मागणी
मुख्याधिकारी खांडेकर यांना त्यांच्या कॅबीनमध्ये घुसून एका नगरसेवकाने धमक्या दिल्या आणि धक्काबुक्की केली. नुकत्याच झालेल्या सर्वसाधारण सभेत एका नगरसेवकाने जाहीरपणे अतिशय असभ्य भाषेत विरोधी नगरसेवकांना घाणेरड्या शब्दात धमक्या दिल्या. अगदी अंगावर धावून जाण्याचा प्रकारही घडला. पालिकेतील या गुंडाराजला आळा घालण्याची मागणी करण्यात आली आहे.


मुख्यमंत्री फडणवीस हे प्रचंड मेहनत घेऊन काम करण्याची क्षमता असलेले व्यक्तीमत्व पाहून आम्ही भारावून गेलो आहोत. खासदार दानवे यांच्या शिफारशीवरून आम्हाला मुख्यमंत्र्यांनी वेळ दिला. आम्ही रात्री साडेआठ वाजता त्यांच्या दालनात गेलो होतो. ते रात्री साडेबारानंतर भेटले. त्यावेळीही ते फ्रेश होते. आमचे म्हणने त्यांनी अगदी व्यवस्थित ऐकून घेतले.
अशोक पांगारकर, गटनेता, भाजप, जालना.

मोबाइल अॅप डाउनलोड करा आणि राहा अपडेट