वैजापूर तालुक्यात वीज कोसळून महिलेचा मृत्यू

May 7, 2017, 2:30 pm

≫ Next: ‘नीट’ परीक्षेला २० हजारांची हजेरी

≪ Previous: रिक्षाचालकांकडून परीक्षार्थींची लूट

$

0

0

वैजापूर ः शेतात काम करताना वीज कोसळल्याने एक महिला ठार व अन्य गंभीर जखमी झाल्याची घटना रविवारी दुपारी तालुक्यातील महालगाव येथे घडली. मीरा नागनाथ गंडे (वय २५) असे मृत महिलेचे नाव असून, छाया सुभाष मोकाटे (वय ४२) ही महिला जखमी झाली आहे.
मीरा व त्यांची नणंद छाया या दोघी रविवारी दुपारी तीनच्या सुमारास शेतात कांदे काढण्याच्या कामासाठी गेल्या होत्या. त्यावेळी विजेचा कडकडाट झाला व त्यांच्या अंगावर वीज कोसळली. त्यामुळे दोघी बेशुद्ध झाल्या. नागनाथ गंडे यांनी ताबडतोब दोघींना वैजापूर येथील उपजिल्हा रुग्णालयात दाखल केले. वैद्यकीय अधिकारी डॉ. अश्विनी मेथेवाड यांनी मीरा यांना तपासून मृत घोषित केले. दरम्यान, वीज कोसळल्याने महालगाव येथील दिगंबर आढाव यांचा एक बैल, नारळा येथील बाबासाहेब सोमासे यांचा एक बैल व हनुमंतगाव येथील संतोष तुपे यांची गाय ठार झाल्याची माहिती आहे.

मोबाइल अॅप डाउनलोड करा आणि राहा अपडेट

---

‘नीट’ परीक्षेला २० हजारांची हजेरी

May 7, 2017, 2:30 pm

≫ Next: ‘समृद्धी’ला शिवसेनेचा विरोधच

≪ Previous: वैजापूर तालुक्यात वीज कोसळून महिलेचा मृत्यू

$

0

0

म. टा. प्रतिनिधी, औरंगाबाद
सकाळी ७ वाजता परीक्षा केंद्रावर उपस्थित रहा, इथपासून ते कानातील रिंग, बूट काढून ठेवापर्यंतच्या भरमसाठ सूचना पाळत आणि रात्रभर प्रवास करून वेळेत परीक्षा केंद्र गाठण्यासाठी उडालेली धांदल दूर करत १९ हजार ८०० परीक्षार्थींनी औरंगाबाद केंद्राहून मेडिकल प्रवेशासाठी ‘नीट’ परीक्षा दिली. दोन परीक्षेवर पाच विद्यार्थ्यांना परीक्षा देता आली नाही. पोलिसांनी हस्तक्षेप करून विद्यार्थी, पालकांना शांत केले.
केंद्रीय माध्यमिक शिक्षण मंडळतर्फे (सीबीएसई) राष्ट्रीय पात्रता व प्रवेश परीक्षा (नीट) रविवारी देशभर घेण्यात आली. शहरातील ४५ परीक्षा केंद्राहून २१ हजार विद्यार्थ्यांनी नोंदणी केली होती. सकाळी १० ते १ या दरम्यान पेपर झाला. परीक्षार्थींना यंदा सकाळी ७ वाजताच परीक्षा केंद्रावर उपस्थित रहायचे होते. वेळेत परीक्षा केंद्र गाठता यावे यासाठी अनेक परीक्षार्थी सकाळी सहा वाजेपासूनच परीक्षा केंद्रावर उपस्थिती होती. प्रवेशद्वारावर कागदपत्रांची तपासणी, ओळखपत्र तपासून विद्यार्थ्यांना प्रवेश देण्यात आला. मुलींची स्वतंत्र तपासणी करत कानातील, दागिने बाहेरच काढून घेण्यात आली. त्यानंतरच प्रवेश देण्यात आला. सूचना आणि निकष पाळताना परीक्षार्थींची धांदल उडाली. अनेक परीक्षा केंद्र दूरची आणि पत्ता अस्पष्ट होता. त्यामुळे बाहेर गावाहून आलेल्या परीक्षार्थींना परीक्षा केंद्रावर पोहचता पोहचता तारांबळ उडाली. पद्मश्री शंकरबापू आपेगावकर हायस्कूल, शिवछत्रपती कॉलेजमध्ये काही मिनिटे उशिर झाल्याने पाच परीक्षार्थींना परीक्षेला बसता आले नाही. पालक, विद्यार्थ्यांनी संताप व्यक्त केला. औरंगाबाद शहरात १९ केंद्राहून १९ हजार ८०० विद्यार्थ्यांनी परीक्षा दिली.

एका विद्यार्थिनीला भोवळ
देवगिरी अभियांत्रिकी कॉलेजमध्ये परीक्षा सुरू झाली आणि एका विद्यार्थिनीला अचानक भोवळ आली. अचानकपणे हा प्रकार घडल्याने पर्यवेक्षक आणि कॉलेज प्रशासनही घाबरले. विद्यार्थिनीला परीक्षा हॉलच्या बाहेर मोकळ्या हवेत आणण्यात आले. खासगी डॉक्टरांनाही पाचारण करण्यात आले. २० मिनिटाने ही विद्यार्थिनी शुद्धीवर आली. तिला परत उत्तरपित्रका देण्यात आली आणि तिने पेपर सोडविला. बुलडाण्याहून आलेल्या विद्यार्थिनीने रात्रभर प्रवास केला आणि प्रवासात जेवण न झाल्याने तिला भोवळ आल्याचे सांगण्यात आले.

दोन प्रभाग करूनही कारभार गोंधळाचा
परीक्षेसाठी शहरात दोन प्रभाग करण्यात आले. ४५ पैकी काही परीक्षा केंद्र शहानूरवाडी परिसरातील जैन इंटरनॅशनल स्कूल तर काही केंद्र स्टेपिंग स्टोन हायस्कूलशी जोडण्यात आले. केंद्र जोडतानाही नियोजनाचा गोंधळ होता. त्यासह प्रश्नपत्रिका कोठून घ्यायच्या याबाबतही वेळेवर नियोजन बदलण्यात आल्याने परीक्षा केंद्रचालकांची धावपळ उडाली.
..
फोटोग्राफरला आमंत्रण
परीक्षेसाठी सूचना आणि नियमावली मोठी होती. त्यात परीक्षार्थींना पासपोर्ट फोटोसह पोस्टकार्ड साईजचा फोटो आणायचा होता. अनेक विद्यार्थ्यांनी या सूचनेकडे लक्ष दिले नाही. त्यामुळे परीक्षेला पोहचल्यानंतर गोंधळ उडाला. देवगिरी इंजिनीअरिंगमध्ये प्राचार्य डॉ. उल्हास शिऊरकर यांनी पुढाकार घेत आणि विद्यार्थ्यांचे नुकसान होऊ नये यासाठी तत्काळ फोटोग्राफर बोलावून घेतले. ज्यांचे फोटो नाहीत, त्यांचे फोटो काढण्यात आले ते डेव्हलप करून ते कागदपत्रांशी जोडण्यात आले.

पेपर कठीण
‘नीट’चा पेपर कठीण असल्याचे विद्यार्थ्यांनी सांगितले. प्रश्नपित्रकेतील प्रश्न राष्ट्रीय शैक्षणिक संशोधन आणि प्रशिक्षण संस्थेच्या (एनसीईआरटीई) अभ्यासक्रम रचनेनुसार होते. त्यामुळे विशेषतः राज्य मंडळ बोर्डच्या विद्यार्थ्यांना उत्तरे सोडताना थोडीशी अडचण येते, असे विद्यार्थ्यांनी ‘मटा’ला सांगितले. तार्किक विचारसणीच्या प्रश्न सोडविताना धांदल उडते, असेही विद्यार्थ्यांनी सांगितले.

परीक्षा केंद्र........४५
परीक्षार्थी संख्या.....१९,८००
निरीक्षक.............२५
सीबीएसईचे निरीक्षक....३

मोबाइल अॅप डाउनलोड करा आणि राहा अपडेट

‘समृद्धी’ला शिवसेनेचा विरोधच

May 7, 2017, 2:30 pm

≫ Next: हजार विद्यार्थ्यांची मोफत व्यवस्था

≪ Previous: ‘नीट’ परीक्षेला २० हजारांची हजेरी

$

0

0

म. टा. प्रतिनिधी, औरंगाबाद
‘नागपूर-मुंबई समृद्धी महामार्ग हे स्वप्न म्हणून चांगले आहे, पण यामुळे होणारा विकास कुणाचा सत्यानाश करणार असेल असा विकास आम्हाला नको. समृद्धी महामार्गासाठी शेतकऱ्यांची जमीन मागताना त्यांच्या आर्थिक प्रश्नाकडे लक्ष दिलेले नाही. बहुतांश ठिकाणी शेतकऱ्यांचा जमीन देण्यास विरोध आहे. एकीकडे आम्ही शेतकरी कर्जमुक्तीसाठी भांडत आहोत. अशा परिस्थितीत शेतकऱ्यांच्या जमिनी देण्याच्या बाजूने शिवसेना कधीच नसेल. आम्ही शेतकऱ्यांच्या पाठिशी आहोत,’ असे सांगून समृद्धी महामार्गाला शिवसेनेचा विरोध असल्याचे शिवसेना पक्षप्रमुख उद्धव ठाकरे यांनी रविवारी पत्रकारांशी बोलताना स्पष्ट केले.
ठाकरे म्हणाले,‘समृद्धी महामार्गाचे स्वप्न चांगले आहे. त्याऐवजी नागपूर-मुंबई बुलेट ट्रेन झाली असती, तर चांगले झाले असते. दोन-तीन महिन्यांपूर्वी शहापूरचे शेतकरी मला भेटले. त्यांनी या मार्गासाठी जमीन देण्यास विरोध केला. कारण हा मार्ग सुपीक जमिनीतून जातो. त्याऐवजी रस्ता थोडा वळवला, तर त्यांची जमीनही वाचेल, असे त्यांचे म्हणणे होते. कुणाचा सत्यानाश करून विकास होणार असेल, तर तो शिवसेनेला मान्य नाही. शेतकऱ्यांची पर्यायी आर्थिक व्यवस्था करणे गरजेचे आहे. सोन्यासारखी जमीन त्यांच्या हातातून काढून घेतली तर ते रस्त्यावर येतील. हा विकास आम्ही मानत नाही. आज औरंगाबाद जिल्ह्यातील शेतकरी मला येऊन भेटले. त्यांनीही शहापूरच्या शेतकऱ्यांसारखीच व्यथा मांडली. मी शेतकऱ्यांना सांगितले की एकत्र येऊन तुम्ही भूमिका ठरवा. जमीन न देण्याच्या भूमिकेवर ही मंडळी ठाम आहेत. शेतकरी कर्जमुक्तीसाठी आम्ही पुढाकार घेतला आहे. दुसरीकडे त्यांची जमीन द्यावी अशी भूमिका कशी घेणार? समृद्धी महामार्ग प्रश्नी शिवसेना शेतकऱ्यांच्या पाठिशी आहे.’

तूर खरेदीच्या अटी शिथिल करा
तूर डाळ प्रश्नी राज्य सरकारची भूमिका बदलण्याची गरज असल्याचे सांगून उद्धव ठाकरे म्हणाले,‘राज्यात तुरीचे बंपर उत्पादन झाले. सरकारला याची कल्पना होती पण त्यांनी योग्य वेळी पावले उचलली नाहीत. दुष्काळाच्या ओझ्याने वाकलेल्या शेतकऱ्यांना मिळेल त्या भावात तूर विकण्याशिवाय पर्याय नव्हता. तुरीसाठी बारदाना उपलब्ध नाही. अशी परिस्थिती आहे. एवढे उत्पादन येणार असल्याचे माहित असूनही सरकारने आयात धोरण का बदलले नाही? आता तूर खरेदीच्या अटी शिथिल करण्याची गरज आहे. मराठवाड्यातील हवामानाचा अभ्यास करून काही बदल करणे नियोजन करणे आवश्यक आहे. नियोजन करण्यासाठी बसलेल्या अधिकाऱ्यांना याची जाणच नाही.’

शहरांची स्वायत्तता ठेवा
जीएसटी लागू झाल्यानंतर महापालिकांच्या आर्थिक परिस्थितीचे काय? या प्रश्नावर ठाकरे म्हणाले,‘या कायद्याचा नीट अभ्यास झाला पाहिजे. त्यात काय तरतुदी आहेत हे पाहणे गरजेचे आहे. सर्व शहरांना एकाच तराजूत तोलून कसे चालेल? जीएसटीमुळे केंद्र व राज्य सरकारकडे निधीसाठी आशाळभूत नजरेने पाहावे लागणार आहे. थोडक्यात स्थानिक स्वराज्य संस्थांना परावंलबित्व येणार आहे. मुंबई महापालिकेला राज्य सरकारकडून कोट्यवधींचे येणे बाकी आहे. शहरांची स्वायत्तता अबाधित राहिली पाहिजे.’

मोबाइल अॅप डाउनलोड करा आणि राहा अपडेट

हजार विद्यार्थ्यांची मोफत व्यवस्था

May 7, 2017, 2:30 pm

≫ Next: ‘उनकी मेहनत रंग लाएगी’

≪ Previous: ‘समृद्धी’ला शिवसेनेचा विरोधच

$

0

0

म. टा. प्रतिनिधी, औरंगाबाद
नॅशनल इलिजिबिलिटी कम एंट्रन्स टेस्टसाठी (नीट) मराठवाड्यातून आलेले विद्यार्थी व त्यांच्या पालकांची मराठवाडा पदवीधर मतदारसंघाचे आमदार सतीश चव्हाण यांच्यावतिने मुक्काम, भोजन व परीक्षा केंद्रापर्यंतच्या प्रवासाची मोफत सोय करण्यात आली.
‘नीट’ परीक्षेचे महत्त्व लक्षात घेता तसेच ऐनवेळी परीक्षा केंद्र सापडण्यास अडचण नको म्हणून अनेक पालक आपल्या पाल्यांसह एक दिवस आधीच औरंगाबाद शहरात आले होते. मात्र, आर्थिक परिस्थिती अभावी सर्वांना हॉटेल, लॉजवर मुक्काम करणे परवडत नाही. त्यामुळे अनेक पालक व विद्यार्थी रेल्वे स्टेशन, बस स्टँडवरच झोपतात. अशा गरजू विद्यार्थ्यांसाठी आमदार सतीश चव्हाण यांच्यावतिने निवास, भोजनाची व्यवस्था देवगिरी कॉलेजमधील मुलांच्या व मुलींच्या वसतिगृहात करण्यात आली. तसेच या विद्यार्थ्यांना परीक्षा केंद्रांपर्यंत पोहचविणे व तेथून परत आणण्याची सोय करण्यात आली. या सुविधेचा मराठवाड्यातील आठ जिल्ह्यांसह बुलढाणा, जळगाव, धुळे, अहमदनगर या जिल्ह्यातील सुमारे ६०० विद्यार्थी व ४०० विद्यार्थींनींनी लाभ घेतला. ही सुविधा मिळवण्यासाठी नोंदणी करण्याचे आवाहन करण्यात आले होते. पण,ऐनवेळी आलेल्यांचीही सोय करण्यात आली. विद्यार्थ्यांना सकाळी ७.३० वा. परीक्षा केंद्रांवर पोहचण्याच्या सूचना देण्यात आल्या होत्या. मात्र अनेक परीक्षा केंद्र हे शहरापासून जवळपास १५ ते २० किलोमीटर दूर असल्याने विद्यार्थ्यांची गैरसोय झाली असती. देवगिरी महाविद्यालय व देवगिरी अभियांत्रिकी महाविद्यालयातही परीक्षा केंद्र होते. याठिकाणी विद्यार्थी व पालकांसाठी थंड पाण्याची व्यवस्था करण्यात आली.

सर, मी उस्मानाबादहून आले आहे. माझ्याकडे राहण्याची सोय होईल एवढे पैसेही नाहीत. माझी हॉस्टेलवर सोय कराल का, अशी विचारणा गेल्या वर्षी एका विद्यार्थिनीने काकुळतील येऊन केली होती. तिचे बोल माझ्या लक्षात राहिले. तिच्यासारखे अनेक जण येत असतील हा विचार आला आणि त्यांच्यासाठी यावर्षीपासून सगळी व्यवस्था केली आहे. विद्यार्थ्यांनी वेळेवर परीक्षा केंद्रावर हजर राहावे, त्याचे पालक व विद्यार्थ्यांवर दडपण येऊ नये म्हणून आम्ही अल्पसा प्रयत्न केला अाहे.
-सतीश चव्हाण, आमदार

मोबाइल अॅप डाउनलोड करा आणि राहा अपडेट

‘उनकी मेहनत रंग लाएगी’

May 7, 2017, 2:30 pm

≫ Next: रेल्वेतून अपहरणाचा प्रयत्न

≪ Previous: हजार विद्यार्थ्यांची मोफत व्यवस्था

$

0

0

म. टा. प्रतिनिधी, औरंगाबाद
अभ्यासात दोन्ही मुली हुशार. वडील वडवणी तालुक्यातील कवडगावात रिक्षाचालक. त्यांची रविवारी औरंगाबादेत नीट परीक्षा. औरंगाबादेत कोणी ओळखीचे नाही. परीक्षा तर सकाळी सात वाजता. मग व्यवस्था कोणाकडे होईल, अशी चिंता. या चिंतेतून मार्ग काढण्यासाठी सय्यद जावेद यांनी कुटुंबासह थेट रिक्षातून औरंगाबाद गाठले. अशिक्षित असलेले जावेद मुलींबद्दल म्हणतात, ‘जी जानसे काम कर रहे हैं... और उनकी मेहनत रंग लाएगी.’
केंद्रीय माध्यमिक शिक्षण मंडळतर्फे (सीबीएसई) राष्ट्रीय पात्रता व प्रवेश परीक्षा (नीट) रविवारी देशभर घेण्यात आली. औरंगाबाद केंद्रावरही मराठवाड्यासह, बुलडाणा, जळगाव अशा विविध जिल्ह्यांतून परीक्षार्थी, पालक आले होते. सकाळी सात वाजता परीक्षा केंद्रावर उपस्थित रहायचे असल्याने बाहेरगावाहून अनेक विद्यार्थी रात्रीच शहरात दाखल झाले होते. बीड जिल्ह्यातील कवडगावहून आलेल्या ऑटोचालक सय्यद जावेद यांचे कुटुंबाही त्यापैकीच एक. जावेद यांच्या सय्यद शगुफ्ता आणि सय्यद सना या दोन मुलींनी ‘नीट’ परीक्षा दिली. दोन्ही मुलींच्या शिक्षणासाठी अख्खे कुटुंब औरंगाबादेत आले होते. जावेद यांनी दोन्ही मुलींना शिकविण्याचा ध्यास घेतला. ऑटोवर त्यांच्या कुटुंबाचा उदरनिर्वाह चालतो. प्रतिकूल परिस्थिती असली तरी मुलींच्या शिक्षणात त्यांनी खंड पडू दिला नाही. दोन्ही बीडमध्ये मिलिया कॉलेजच्या विद्यार्थी. मुलींच्या परीक्षेसाठी ते स्वतः ऑटो चालवित औरंगाबादला आले. येथे कोणी ओळखीचे नसल्याने त्यांनी देवगिरी कॉलेजच्या मुलींच्या वसतिगृहात राहण्याची परवानगी मागितली. मुलींच्या शिक्षणासाठी या कुटुंबाचा ध्यास लक्षात घेत कॉलेज प्रशासनाने त्यांना परवानगी दिली.
‘पेपर उत्तम सोडविला,’ असे दोन्ही मुलींनी ‘मटा’ सांगितले. मुलींच्या उच्चशिक्षणासाठी, ‘जीव तोडून मेहनत करणार,’ असे जावेद म्हणाले. त्यांच्या पत्नी सय्यद रेहाना यांनाही, आपल्या मुलींनी उच्चशिक्षित होऊन कुटुंबाचे नाव मोठे करावे, असे वाटते.

मुलींच्या परीक्षेसाठी दुपारी तीन वाजता आम्ही गावाहून निघालोत. येथे रात्री उशिरा पोचलो. येथे फार मदत झाली. मी स्वतः अशिक्षित आहे. मुलींना मात्र तसे होऊ देणार नाही. त्यांचे भविष्य त्यांच्याच हातात आहे. अधिकची मेहनत करू, पण त्यांच्या शिक्षणात खंड पडू देणार नाही. मुलीही अभ्यासात चांगली प्रगती करत आहे.
- सय्यद जावेद

मोबाइल अॅप डाउनलोड करा आणि राहा अपडेट

रेल्वेतून अपहरणाचा प्रयत्न

May 7, 2017, 2:30 pm

≫ Next: संगीत सुवर्णयुगाला श्रवणीय उजाळा

≪ Previous: ‘उनकी मेहनत रंग लाएगी’

$

0

0

म. टा. प्रतिनिधी, औरंगाबाद
तपोवन एक्स्प्रेसमध्ये स्वच्छतागृहाबाहेर उभ्या असलेल्या एका चार वर्षांच्या मुलीचे अपहरण करण्याचा प्रयत्न मनमाड येथे रविवारी करण्यात आला. रेल्वे निघाल्यामुळे भीक मागणाऱ्या महिलेला या मुलीला घेऊन रेल्वेतून उतरता आले नाही. रेल्वेमध्ये आरपीएफ जवानांनी लहान मुलीचा शोध घेतला असता, ती महिलेकडे असल्याचे आढळले. या प्रकरणात लोहमार्ग पोलिसांनी अपहरणाचा प्रयत्न करणाऱ्या महिलेला अटक केली आहे.
लोहमार्ग पोलिसांनी दिलेल्या माहितीनुसार; मुंबई ते नांदेड तपोवन एक्स्प्रेसमध्ये कल्याण येथून परभणीला जाण्यासाठी रामेश्वर केंद्रे, पत्नी मुक्ता केंद्रे, चार वर्षांची किशोरी आणि दोन वर्षांचा रूद्र हे डी-६ डब्यात सीट क्रमांक ७१ आणि ७२वर बसले. सकाळी अकराच्या सुमारास तपोवन एक्स्प्रेस मनमाड येथे पोचली. मुलांना घेऊन मुक्ता केंद्रे स्वच्छतागृहात गेल्या. मुलगी किशोरी स्वच्छतागृहाच्या दरवाजाजवळ उभी होती. त्यावेळी एका भीक मागणाऱ्या महिलेने तिला हाताला धरून पुढे नेले. तोपर्यंत मनमाड स्टेशनहून तपोवन एक्स्प्रेस निघाली होती.
मुक्ता केंद्रे स्वच्छतागृहाबाहेर आल्या. किशोरी दरवाजाजवळ नसल्याचे त्यांना दिसले. यामुळे त्यांनी आरडाओरड सुरू केली. मुलाला पतीकडे सोपवून त्यंनी मुलीचा शोध सुरू केला. रेल्वे सुरक्षा दलाचे जवान राजनारायण कणसे आणि इम्रान अली यांनीही केंद्रे परिवाराला मदत केली. भिकारी महिलेचा शोध सुरू केला तोपर्यंत ती महिला पाच ते सहा डबे ओलांडून पुढे गेली होती. एका महिलेकडे चादरीच्या झोळीत मुलगीअसल्याचे लक्षात आल्याने आरपीएफच्या जवानांनी तपासणी केली असता किशोरी सापडली. औरंगाबाद येथे तपोवन एक्स्प्रेस आल्यानंतर अपहरणाचा प्रयत्न करणाऱ्या महिलेला लोहमार्ग रेल्वे पोलिस सहाय्यक निरीक्षक आनंद बन्सोडे, पोलिस सहाय्यक निरीक्षक अन्वर बेग, रेल्वे सुरक्षा बल निरीक्षक शर्मा, पोलिस कर्मचारी जफर सय्यद, संजय राऊत यांच्या ताब्यात देण्यात आले. ही महिला झारखंड येथील असून, तिचे नाव अनामिका मांझी आहे. या महिलेवर गुन्हा दाखल करण्यात आला आहे.

अपहरणाची प्रकरणे उघड होण्याची शक्यता
अपहरणाच्या प्रयत्नात अटक करण्यात आलेल्या महिला ही कोणत्या टोळीची सदस्य आहे काय, अपहरण करणाऱ्यांचे रॅकेट आहे काय, याचा शोध घेण्यात येणार आहे. चौकशीत अपहरणाची आणखी काही प्रकरणे समोर येऊ शकतात, असे लोहमार्ग पोलिस ठाण्याचे सहाय्यक निरीक्षक आनंद बनसोडे सांगितले.

मोबाइल अॅप डाउनलोड करा आणि राहा अपडेट

संगीत सुवर्णयुगाला श्रवणीय उजाळा

May 7, 2017, 2:30 pm

≫ Next: ४०० एटीएम अजूनही बंद

≪ Previous: रेल्वेतून अपहरणाचा प्रयत्न

$

0

0

म. टा. प्रतिनिधी, औरंगाबाद
प्रसिद्ध गायक तलत मेहमूद यांच्या गीतांवर आधारीत ‘फिर वही शाम’ मैफल रसिकांसाठी संगीत सुवर्णयुगाची सैर ठरली. कलश मंगल कार्यालयाच्या हिरवळीवर रविवारी मैफल रंगली. गायक श्रीकांत पारगावकर व गायिका राजश्री ओक यांनी सुश्राव्य गाणी सादर केली.
गायक तलत मेहमूद यांची गाणी हिंदी चित्रपटसंगीताचे सुवर्णयुग गाजवणारी होती. या गाण्यांना उजाळा देणारा ‘फिर वही शाम’ कार्यक्रम श्रवणीय ठरला. जुन्या गाण्यांचा अस्सल अनुभव देत गायक श्रीकांत पारगावकर यांनी रसिकांची दाद घेतली. ‘एक गाव की कहानी’ चित्रपटातील सलील चौधरी यांनी संगीतबद्ध केलेल्या ‘मेरा दिल भी झुमे’ या गीताने मैफल सुरू झाली. पहिल्या गाण्यातच मेहमूद यांच्या आवाजाचे वेगळेपण पारगावकर यांनी अधोरेखित केले. ‘छाया’ चित्रपटातील ‘मै एक बादल आवारा’ गीत पारगावकर व राजश्री ओक यांनी उत्कटतेने गायले. या गीताला रसिकांचा उत्तम प्रतिसाद मिळाला. ‘दाग’ चित्रपटाचे ‘ए मेरे दिल कही और चल’, ‘परछाई’ चित्रपटातील ‘वो जालीम प्यार क्या जाने’, ‘एक साल’ चित्रपटातील ‘सब कुछ भुलके होश मे आये तो क्या किया’ अशा सरस गीतांनी मैफल उत्तरोत्तर रंगली. हिंदी चित्रपटांच्या सुवर्णयुगात तलत यांचे स्थान अत्यंत महत्त्वाचे आहे. ‘सध्याची गाणी उथळ असून काव्यात्मक दर्जा दिसत नाही. अशी गाणी जे करतात त्यांना करू द्या. आपण आपले काम करीत राहू’ असे पारगावकर म्हणाले. या मैफलीचे निवेदन अरूण नूलकर आणि संगीत संयोजन अमित ओक यांनी केले. यावेळी उद्योजक राम भोगले, डॉ. उल्हास गवळी, डॉ. सुनील देशपांडे, उमेश दाशरथी यांची प्रमुख उपस्थिती होती.

उमजलेले तलत

‘सुवर्णयुगातील संगीत लोप पावत असताना तलत मेहमूद यांची गाणी अभावानेच ऐकायला मिळतात. ही गाणी गाता आल्यास रसिकांना पुनःप्रत्ययाचा आनंद देता येईल म्हणून ‘फिर वही शाम’ कार्यक्रम सुरू केला. या कार्यक्रमाचे ६०० प्रयोग झाले आहेत. बालगंधर्व यांची गाणी सादर करून सवाई गंधर्व त्यांना उमजलेले बालगंधर्व सादर करीत असत. मी मला उमजलेले तलत मेहमूद सादर करतो. आवाजाचे साधर्म्य हा योगायोग आहे’ असे पारगावकर यांनी सांगताच रसिकांनी टाळ्यांचा कडकडाट केला.

मोबाइल अॅप डाउनलोड करा आणि राहा अपडेट

४०० एटीएम अजूनही बंद

May 7, 2017, 2:30 pm

≫ Next: शहीद विकास समुद्रेंवर अंत्यसंस्कार

≪ Previous: संगीत सुवर्णयुगाला श्रवणीय उजाळा

$

0

0

म. टा. प्रतिनिधी, औरंगाबाद
सलग १२ व्या दिवशी बँकांकडून एटीएमवर चलन पुरवठा न झाल्याने बहुतांश एटीएम रविवारी (७ मे) बंद होते. एटीएममध्ये पैसे भरण्यात येतील आणि त्यानंतर सर्व यंत्रणा रविवारपर्यंत सुरळीत होईल असे दावे बँकांनी शुक्रवारी केले होते. हे सर्व दावे फोल ठरले आहेत.
शहरातील सुमारे ७०० एटीएमपैकी ४०० एटीएम शनिवारपासूनच कोरडे ठाक झाले होते. शहरात रविवारी ‘नीट’ची परीक्षा असल्याने अनेक पालक मुलांसह शहरात दाखल झाले होते. त्यांना देवगिरी कॉलेज परिसर, गारखेडा परिसर, एकनाथ रंग मंदिर परिसर आणि काल्डा कॉर्नर परिसरासह ठराविक परीक्षा केंद्रांजवळील एटीएममधून रोख काढताना अडचण आली. याशिवाय शहरातील बहुतांश नागरिकांना शनिवार व रविवारी एटीएममधून पैसे मिळाले नाहीत.
शहरातील विविध बँकांना गुरुवार, शुक्रवारी रोकड भांडारातून कमी रक्कम मिळाली. याचा परिणाम एटीएमवर झाला आहे. बहुतांश बँकांमध्ये काउंटरवरच रोकड उपलब्ध करून दिली होती. स्टेट बँकेची सुमारे ३०० एटीएम बंद आहेत. शहरात विलीनकरणानंतर स्टेट बँक ऑफ पतियाळा, स्टेट बँक ऑफ हैदराबाद आणि स्टेट बँक ऑफ बिकानेर जयपूरच्या एटीएमचा ताबा स्टेट बँक ऑफ इंडियाकडे गेला आहे, तब्बल ३७ दिवस झाल्यानंतरही या एटीएम नियमित रक्कम भरली जात नसल्याचे निदर्शनास आले आहे. शहरात हैदराबाद बँकेच्या एटीएमची संख्या जास्त असल्याने ग्राहकांचा तेथून पैसे काढण्याचा प्रयत्न असतो. पण नियमित रोकड भरणा होत नसल्याने परिस्थिती गंभीर झाली आहे.

तीन-चार दिवसांत परिस्थिती सुधारेल, एटीएमवरील रोकड भरणा सुरळीत करण्याचा प्रयत्न होईल, रोकड पुरवठा अखंडितपणे होत नव्हता यामुळे एटीएम कोरडेठाक पडण्याची वेळ आली.
- रवी धामणगावकर, एसबीआय अधिकारी

मोबाइल अॅप डाउनलोड करा आणि राहा अपडेट

---

शहीद विकास समुद्रेंवर अंत्यसंस्कार

February 1, 2017, 9:37 pm

≫ Next: काँग्रेस नेत्यांचं सोन्याच्या ताटात शाही भोजन

≪ Previous: ४०० एटीएम अजूनही बंद

$

0

0

म. टा. प्रतिनिधी, बीड

काश्मीर येथे हिमस्खलनामुळे बीड जिल्ह्यातील भारतीय सैन्य दलाच्या जवान विकास पांडुरंग समुद्रे हे शहीद झाले होते. त्यांच्या पार्थीवावर बीड जिल्ह्यातील गांजपूर येथे शासकीय इतमामात शोकाकूल वातावरणात अंत्यसंस्कार करण्यात आले.

शहीद विकास समुद्रे हे सैन्य दलाच्या मुळ युनिट १८ महार रेजिमेंटमध्ये व सध्या ५१ राष्ट्रीय रायफल्समध्ये कार्यरत होते. जम्मू काश्मीर मधील गुरज भागात अतिरेकी घुसखोरीवर नियंत्रण ठेवण्याकरीता तैनात करण्यात आले होते. २५ जानेवारी रोजी अचानक झालेल्या हिमस्खलनामध्ये विकास समुद्रे शहीद झाले होते. त्यांचे पार्थिव गुरज सेक्टर येथून श्रीनगर मिलिटरी हॉस्पीटल येथे हेलिकॉप्टरने ३० जानेवारी सायंकाळी आणण्यात आले. श्रीनगर येथून दिल्ली, दिल्लीहून विमानाने पुणे आणि बुधवारी सकाळी पुण्याहून हेलिकॉप्टरने धारुर आणि तेथून त्यांच्या मुळगावी गांजपूर येथे रुग्णवाहिकेतून आणण्यात आले. प्रथम धारुर शहरात त्यानंतर गांजपूर गावात आणि त्यांच्या राहत्या घरी त्यांचे पार्थिव दर्शनासाठी ठेवण्यात आले. गावकऱ्यांनी अंत्यदर्शनासाठी मोठी गर्दी केली होती. त्यांचा तिरंग्यामधील पार्थिव गावात आणताच गावकऱ्यांनी तसेच एनसीसी व स्काऊट गाईडच्या पथकांनी अंतयात्रेत सहभाग घेतला. संपूर्ण गावावर शोककळा पसरली होती.

जिल्हा प्रशासनाच्यावतीने जिल्हाधिकारी नवल किशोर राम आणि पोलिस अधिक्षक जी. श्रीधर यांनी शहीद विकास समुद्रे यांच्या पार्थिवावर पुष्पचक्र अर्पण केले. पोलिस दलाच्या पथकाने तसेच भारतीय सैन्य दलाच्यावतीने लेप्टनंट कर्नल नितिन चव्हाण यांच्या नेतृत्वाखालील पथकाने हवेत बंदुकीच्या फैरी झाडून मानवंदना दिली. यावेळी विधान परिषदेचे विरोधी पक्षनेता धनंजय मुंडे, आमदार संगीता ठोंबरे, आमदार आर. टी. देशमुख, सैनिक कल्याण विभागाचे उपसंचालक तथा जिल्हा सैनिक कल्याण अधिकारी कर्नल हरीभाऊ दळवी, कॅप्टन भीमराव पारवे यांच्यासह असंख्य अधिकारी, पदाधिकारी व देशप्रेमी नागरिकांनी पुष्पचक्र वाहून अभिवादन केले. शहीद विकास समुद्रे यांचे भाऊ परमेश्वर यांनी चितेला भडाग्नी दिला. यावेळी आई, पत्नी, बहिनी, चिमुकली मुलगी आणि नातेवाईकांनी अत्यंत शोकाकूल वातावरणात अखेरचा निरोप दिला.

मोबाइल अॅप डाउनलोड करा आणि राहा अपडेट

काँग्रेस नेत्यांचं सोन्याच्या ताटात शाही भोजन

February 4, 2017, 7:48 pm

≫ Next: जेऊर-आष्टी मार्गासाठी दहा कोटी

≪ Previous: शहीद विकास समुद्रेंवर अंत्यसंस्कार

$

0

0

मटा ऑनलाइन वृत्त । उस्मानाबाद

राज्यातील शेतकरी आत्महत्या करत आहेत, तरुण बेरोजगार आहेत, गरिबांना दोन वेळचं अन्न मिळत नाहीए, मध्यमवर्गीय जनता महागाईनं हैराण आहे, मग कुठे आहेत 'अच्छे दिन'?, असा सवाल करत राज्य सरकारवर असंवेदनशीलतेचा आरोप करणाऱ्या काँग्रेस नेत्यांनी उस्मानाबादमध्ये सोन्याच्या ताटात जेवणावर ताव मारल्याचं समोर आलं आहे. त्यामुळे त्यांच्यावर टीकेची झोड उठली असून, हाच का काँग्रेसचा गरिबांबद्दलचा कळवळा?, असा प्रश्न विचारला जात आहे.

उस्मानाबादमधील येणगूरमध्ये काँग्रेसने जिल्हा परिषद प्रचाराचा नारळ फोडला. काँग्रेसचे प्रदेशाध्यक्ष अशोक चव्हाण, विधानसभेचे विरोधी पक्षनेते राधाकृष्ण विखे पाटील, माजी केंद्रीय मंत्री सुशीलकुमार शिंदे, शिवराज पाटील, आमदार बसवराज पाटील ही नेतेमंडळी सभेसाठी पोहोचली होती. त्यांच्या जेवणाची व्यवस्था एका कार्यकर्त्याच्या घरी करण्यात आली होती. तिथे पोहोचल्यानंतर सगळ्यांचेच डोळे विस्फारले. सोन्याचा मुलामा दिलेली ताटं-वाट्या डायनिंग टेबलवर मांडल्या होत्या आणि एकापेक्षा एक झक्कास पदार्थ घेऊन वाढपी सज्ज होते. नेत्यांच्या ताटातील एकेक वाटी सुग्रास पदार्थांनी भरत गेली. ते पाहून कुणालाच मोह आवरला नाही. सगळ्यांनीच आवडीच्या पदार्थांचा आस्वाद घेतला आणि पोटावरून हात फिरवला.

अर्थात, हे शाही भोजन त्यांना पचणार का, हा प्रश्नच आहे. कारण, काँग्रेस उपाध्यक्ष राहुल गांधी अनेक गरिबांच्या घरी जाऊन चक्क पत्रावळीवर जेवले आहेत. त्यांना महाराष्ट्रातील नेत्यांचा हा डामडौल रुचेल का, याबद्दल शंका आहे.

याआधी, काँग्रेस नेते पृथ्वीराज चव्हाण यांनी अशाच शाही मेजवानीला स्पष्ट नकार दिला होता. बीडमधील दुष्काळी दौऱ्यादरम्यान एका कार्यकर्त्यानं त्यांच्या भोजनाची जय्यत तयारी केली होती. परंतु, जनता दुष्काळात होरपळत असताना आपण हे शाही भोजन जेवणार नाही, असं त्यानं सांगितलं होतं. परंतु, त्या चव्हाणांसारखा समंजसपणा अशोक चव्हाणांनी आणि इतर नेत्यांनीही दाखवला नाही.

मोबाइल अॅप डाउनलोड करा आणि राहा अपडेट

जेऊर-आष्टी मार्गासाठी दहा कोटी

February 4, 2017, 8:50 pm

≫ Next: परळीत पुन्हा मुंडे विरुद्ध मुंडे

≪ Previous: काँग्रेस नेत्यांचं सोन्याच्या ताटात शाही भोजन

$

0

0

पंकजा मुंडे, खासदार प्रितम मुंडे यांनी मानले प्रभूंचे आभार

म. टा. प्रतिनिधी, बीड

जेऊर ते आष्टी या बीड जिल्ह्यातून जाणाऱ्या रेल्वे मार्गासाठी दहा कोटी रुपयांची तरतूद करण्यात आली आहे. बीड जिल्ह्याच्या जिव्हाळ्याचा प्रश्न असलेल्या परळी-बीड-नगर रेल्वे मार्गासाठी यंदाच्या अर्थसंकल्पात ७८० कोटी रुपयांची भरीव तरतूद करण्यात आली आहे. याबद्दल बीडच्या पालकमंत्री पंकजा मुंडे व खासदार प्रितम मुंडे यांनी रेल्वेमंत्री सुरेश प्रभू यांचे पत्राद्वारे आभार मानले आहेत.

बीड जिल्ह्यातील आष्टी ते जेऊर ७० किलोमीटर या मार्गासाठी दहा कोटी रुपयांची तरतूद करण्यात आल्याने जिल्ह्यवासियांच्या दृष्टीने दुधात साखर अशी भावना आहे. परळी-बीड-नगर हा रेल्वे मार्ग १९९५ मध्ये मंजूर करण्यात आला होता. २६१ किलोमीटरच्या या रेल्वे मार्गाचा सुरूवातीला १९९५ मध्ये मंजुरी मिळाली होती. त्यावेळी ३५३ कोटी रुपये खर्च अपेक्षित होता. यासाठी लागणाऱ्या निधीची तरतूद केंद्र व राज्य सरकार संयुक्तरित्या करेल असे ठरले होते. या मार्गासाठी अनेकदा आंदोलने झाली. मात्र, या मार्गासाठी मोठी तरतूद कधीच झाली नाही. दहा वीस कोटी रुपये देवून दरवर्षी या रेल्वे मार्गाची बोळवण केली जात होती. वीस वर्षांत ३०० कोटी रुपयांचा निधी या मार्गाला मिळाला. त्यामुळे या रेल्वे मार्गासाठी आता २८०० कोटी रुपयांची आवश्यकता होती. २८०० कोटी प्रकल्प खर्च असलेल्या या प्रकल्पासाठी राज्याने मान्यता दिली. त्यासाठी निम्मा वाटा उचलावा, असेही पंतप्रधान मोदी यांनी आदेश दिले होते. त्यानंतर झालेल्या राज्य मंत्रिमंडळाच्या बैठकीत १ हजार ४१३ कोटी या नगर-बीड-परळी रेल्वेसाठी देण्याचा निर्णय घेण्यात आला. बीडचे दिवंगत भाजप नेते गोपीनाथ मुंडे यांचे स्वप्न हा रेल्वे प्रकल्प होता. दिवंगत मुंडे यांच्या पहिल्या स्मृतीदींनाच्या पूर्व संध्येला हा निर्णय घेऊन राज्य सरकारने एक प्रकारे मुंडे यांच्या स्मृतीला अभिवादन केले होते. पंतप्रधानांच्या हस्तक्षेपामुळे हा मार्ग 2019 पर्यंत पूर्ण होणार असून सध्या त्याचे काम वेगाने सुरू आहे.

रेल्वेमंत्री सुरेश प्रभू यांनी परळी-बीड-नगर रेल्वे मार्गाला पहिल्या वर्षी १५९ कोटी, दुसऱ्या वर्षी तिनशे कोटी आणि आता थेट ७८० कोटी रुपयांची भरीव तरतूद केली आहे. यापैकी पाचशे कोटी हे अर्थसंकल्पा बाहेरून म्हणजे वित्तीय संस्थांकडून उपलब्ध होणार आहेत. या रेल्वे मार्गावरील नगर ते नारायणडोहपर्यंत १५ किलोमीटर रेल्वेमार्ग टाकण्याचे काम झाले आहे. बीड जवळ असणाऱ्या पालवण ते तिप्पटवाडी या साडेसात किलोमीटरमध्ये मातिकाम पूर्ण झाले असून या साडेसात किलोमीटरवर केवळ रेल्वे रुळ अंथरण्याचे काम बाकी आहे. नारायणडोह ते तिपट्टवाडीपर्यंत मातीचे काम प्रगतीपथावर आहे. येत्या महिनाभरात बीड ते परळी रेल्वेमार्गाचे माती कामाच्या निविदा निघणार आहे, अशी माहिती कार्यकारी अभियंता सचिन मुंगसे-पाटील यांनी दिली. दरम्यान, पंकजा मुंडे व खासदार प्रितम मुंडे यांनी या तरतूदीबद्दल रेल्वेमंत्री सुरेश प्रभू यांना पत्र पाठवून त्यांचे आभार मानले आहेत.

मोबाइल अॅप डाउनलोड करा आणि राहा अपडेट

परळीत पुन्हा मुंडे विरुद्ध मुंडे

February 4, 2017, 1:30 pm

≫ Next: पवारांच्या घरात संस्कारांची कमी: पंकजा

≪ Previous: जेऊर-आष्टी मार्गासाठी दहा कोटी

$

0

0

म. टा. प्रतिनिधी, बीड

परळी तालुक्यातील पिंपरी गटात अजय व रामेश्वर मुंडे यांच्यात लढत होत आहे. या पूर्वी बीड जिल्ह्यातील गोपीनाथ मुंडे विरुद्ध धनंजय मुंडे असा संघर्ष साऱ्या राज्याने बघितला. गोपीनाथ मुंडेंच निधन झाल्यानंतर पंकजा विरुद्ध धनंजय मुंडे हा संघर्ष तर सर्वश्रुत आहेच. आगामी जिल्हा परिषद निवडणुकीत पुन्हा मुंडे विरुद्ध मुंडेंचा संघर्ष मिनी मंत्रालयासाठी परळी तालुक्यातील पिंपरी गटात अजय मुंडे विरुद्ध रामेश्वर मुंडे यांच्यात पहावयास मिळणार आहे.

अजय मुंडे हे गोपिनाथ मुंडे यांचे पुतणे आणि पंकजा आणि धनंजयचे सख्खे चुलत भाऊ आहेत. तर रामेश्वर मुंडे हे धनंजय आणि पंकजा मुंडेचे सख्खे चुलत भाऊ आहेत. हे दोघे आताच चर्चत येण्याचे कारण या जिल्हा परिषद निवडणुकीत हे दोघे भाऊ एकमेकासमोर उभे आहेत. ज्या वेळी धनंजय मुंडे यांनी बंड करून आपला वेगळा मार्ग पत्करला त्याच वेळी अजय मुंडे हे धनंजय मुंडे सोबत राष्ट्रवादीत आले. युवक राष्ट्रवादीत प्रदेश सरचिटणीस म्हणून काम करीत आहेत. या पूर्वी नाथ्रा ग्रामपंचायतीचे ते बिनविरोध सरपंच राहिले. आता जिल्हा परिषदेच्या आखाड्यात त्यांचा सामना रामेश्वर मुंडे सोबत असणार आहे.

रामेश्वर मुंडे हे धनंजय मुंडेच्या बंडानंतर ही पंकजा मुंडे सोबतच राहिले. एक भाऊ दूर गेला तरी एक भाऊ पंकजासोबत स्थानिक राजकारण करीत होता. मात्र, अजय मुंडे यांच्या तुलनेत रामेश्वर राजकारणात नवखे आहेत. वैद्यनाथ सहकारी साखर कारखान्याच्या परिसरातील गावात ही लढत होणार असल्याने शेतकरी अपल्यालाच मतदान देतील असे रामेश्वर मुंडेंना वाटते.
मागच्या पाच वर्षापासून परळीच्या सगळ्या छोट्या-मोठ्या निवडणुकीत पंकजा आणि धनंजयचा सामना झालेला म्हणूनच आता परळीच्या पिंपरी बुद्रुक या जिल्हा परिषद गटात पुन्हा या भावंडातील लढत लक्षवेधी असणार आहे. या दोन मुंडेच्या लढतीत कस पंकजा व धनंजय यांचा लागणार आहे.

धनंजय मुंडे हे विधान परिषदेतील विरोधी पक्षनेते आहेत तर पंकजा मुंडे या राज्याच्या ग्रामविकास मंत्री म्हणून काम पाहत आहेत. आता भाऊबंदकीच्या या लढतीत कोण बाजी मारणार याकडे सर्वांचे लक्ष लागले आहे.

रेल्वेमंत्री सुरेश प्रभू यांनी परळी-बीड-नगर रेल्वे मार्गाला पहिल्या वर्षी १५९ कोटी, दुसऱ्या वर्षी तिनशे कोटी आणि आता थेट ७८० कोटी रुपयांची भरीव तरतूद केली आहे. यापैकी पाचशे कोटी हे अर्थसंकल्पा बाहेरून म्हणजे वित्तीय संस्थांकडून उपलब्ध होणार आहेत. या रेल्वे मार्गावरील नगर ते नारायणडोहपर्यंत १५ किलोमीटर रेल्वेमार्ग टाकण्याचे काम झाले आहे. बीड जवळ असणाऱ्या पालवण ते तिप्पटवाडी या साडेसात किलोमीटरमध्ये मातिकाम पूर्ण झाले असून या साडेसात किलोमीटरवर केवळ रेल्वे रुळ अंथरण्याचे काम बाकी आहे. नारायणडोह ते तिपट्टवाडीपर्यंत मातीचे काम प्रगतीपथावर आहे. येत्या महिनाभरात बीड ते परळी रेल्वेमार्गाचे माती कामाच्या निविदा निघणार आहे, अशी माहिती कार्यकारी अभियंता सचिन मुंगसे-पाटील यांनी दिली. दरम्यान, पंकजा मुंडे व खासदार प्रितम मुंडे यांनी या तरतूदीबद्दल रेल्वेमंत्री सुरेश प्रभू यांना पत्र पाठवून त्यांचे आभार मानले आहेत.

मोबाइल अॅप डाउनलोड करा आणि राहा अपडेट

पवारांच्या घरात संस्कारांची कमी: पंकजा

February 7, 2017, 8:10 pm

≫ Next: पंकजा मुंडेंना धक्का; धनंजय मुंडेंची सरशी

≪ Previous: परळीत पुन्हा मुंडे विरुद्ध मुंडे

$

0

0

मटा ऑनलाइन वृत्त । बीड

भाजपचे दिवंगत नेते गोपीनाथ मुंडे यांच्या जन्मतारखेबाबत अजित पवार यांनी केलेल्या वक्तव्याला राज्याच्या महिला व बालकल्याण मंत्री पंकजा मुंडे यांनी जोरदार आक्षेप घेतला आहे. 'व्यक्ती हयात नसताना त्यांच्या जन्मतारखेवर भाष्य करून वाद निर्माण करणं योग्य नाही. पण पवारांच्या घरात संस्कारांची कमी आहे,' अशी बोचरी टीका पंकजा यांनी केली आहे.

राष्ट्रवादी काँग्रेसचे अध्यक्ष शरद पवार यांचा वाढदिवस १२ डिसेंबरला असतो. पवारांचा वाढदिवस राज्यात मोठ्या उत्साहात साजरा केला जातो. ते पाहूनच मुंडेंनी देखील १२ डिसेंबर हीच जन्मतारीख लावली होती, असा गौप्यस्फोट अजित पवारांनी एका वृत्तवाहिनीवरील चर्चेदरम्यान केला होता. पवार यांच्या या वक्तव्यावर पंकजा यांनी नाराजी व्यक्त केली. 'अजित पवारांच्या या वक्तव्यामुळं संपूर्ण मुंडे कुटुंबीयांना वेदना झाल्या आहेत. मी नेहमीच शरद पवार यांचा आदर आणि सन्मान केला आहे. तो माझ्या संस्काराचा भाग आहे. पण पवारांच्या घरात अशा प्रकारच्या संस्कारांची कमी आहे हेच अजित पवारांच्या वक्तव्यातून दिसते. 'धनंजय मुंडे यांच्या सांगण्यावरूनच अजित पवार हे बोलत आहेत,' असा आरोपही पंकजा यांनी केला. 'गोपीनाथ मुंडे यांना जन्मतारीख बदलायचीच असती तर त्यांनी माजी पंतप्रधान अटलबिहारी वाजपेयी यांची जन्मतारीख लावली असती,' असंही त्या म्हणाल्या.

गोपीनाथ मुंडे यांची खरी जन्मतारीख त्यांच्या आई-वडिलांना ठाऊक नव्हती. मुंडे ऐंशीच्या दशकात राजकारणात आले. त्यावेळी शरद पवार यांचे वलय राज्याच्या राजकारणात होते. पवारांप्रमाणेच आपलाही वाढदिवस मोठ्या उत्साहात साजरा व्हावा यासाठीच त्यांनी ही तारीख जाहीर केल्याचे ते म्हणाले होते.

काँग्रेसप्रवेशाची चर्चा झाली नव्हती!

गोपीनाथ मुंडे काँग्रेसमध्ये जाणार होते. त्यांच्यासोबत पाच आमदार देखील होते. मात्र डॉ. मनमोहन सिंग यांनी विरोध केल्यामुळे तसेच सुषमा स्वराज यांनी मुंडेंना समजावल्यानेच ते भाजपमध्ये राहिल्याचे अजित पवार म्हणाले होते. पंकजा यांनी याबाबत वेगळे मत मांडले. 'काँग्रेसमध्ये जाण्याबद्दल गोपीनाथ मुंडेंनी कधीही माझ्याशी चर्चा केली नाही. आमदार असताना मी त्यांच्यासोबत दिल्लीला गेले नव्हते,' असा दावाही त्यांनी केला.

मोबाइल अॅप डाउनलोड करा आणि राहा अपडेट

पंकजा मुंडेंना धक्का; धनंजय मुंडेंची सरशी

February 23, 2017, 2:09 am

≫ Next: बीडमध्ये पराभव: पंकजा मुंडे राजीनामा देणार

≪ Previous: पवारांच्या घरात संस्कारांची कमी: पंकजा

$

0

0

मटा ऑनलाइन वृत्त । बीड

राज्याच्या ग्रामविकासमंत्री पंकजा मुंडे यांना जिल्हा परिषद निवडणुकीत धक्का बसला आहे. परळीतील जिल्हा परिषद निवडणुकीत राष्ट्रवादी काँग्रेसची सरशी झाली आहे. परळी विधानसभेच्या अंतर्गत येणाऱ्या १० जिल्हा परिषदेच्या जागांपैकी तब्बल आठ जागांवर राष्ट्रवादीचे उमेदवार विजयी झाले आहे. तर बीड जिल्हा परिषदेत राष्ट्रवादी काँग्रेस सर्वात मोठा पक्ष ठरला आहे.

परळीतील जिल्हा परिषद निवडणूक पंकजा मुंडे आणि धनंजय मुंडे यांनी प्रतिष्ठेच्या केल्या होत्या. जिल्हा परिषदेशिवाय परळी व अंबाजोगाई पंचायत समितीवरदेखील राष्ट्रवादीचा झेंडा फडकला आहे. भाजपने २०१२ साली झालेल्या परळी व अंबाजोगाई पंचायत समितीवर विजय मिळवला होता. पण यंदा धनंजय मुंडे यांनी दोन्ही पंचायत समिती भाजपकडून खेचून आणल्या. नगरपालिका पाठोपाठ आपल्या मतदारसंघात कॅबिनेट मंत्री पंकजा मुंडे यांना पराभव पत्करावा लागला आहे. जिल्हा परिषदेत राष्ट्रवादीला ६० जागांपैकी २४ जागांवर विजय मिळला. भाजपला २०, शिवसेना ५, काकू नाना आघाडी ४, शिवसंग्रामला तीन, काँग्रेसला दोन आणि अपक्ष एका जागेवर विजयी झालेत.

मोबाइल अॅप डाउनलोड करा आणि राहा अपडेट

बीडमध्ये पराभव: पंकजा मुंडे राजीनामा देणार

February 23, 2017, 2:42 am

≫ Next: आत्महत्यांचे सत्र सुरूच

≪ Previous: पंकजा मुंडेंना धक्का; धनंजय मुंडेंची सरशी

$

0

0

मटा ऑनलाइन वृत्त । बीड

बीड जिल्हा परिषद आणि पंचायत समिती निवडणुकीत पराभव झालेल्या पराभवाची जबाबदारी स्वीकारत ग्रामविकास मंत्री पंकजा मुंडे राजीनामा देणार आहेत. परळी विधानसभा मतदारसंघात असणाऱ्या जिल्हा परिषदेच्या गटामध्ये भाजपला पराभवाला सामोरे जावे लागले आहे.

काही महिन्यांआधी झालेल्या नगरपालिका निवडणुकीतही राष्ट्रवादी काँग्रेसला यश मिळाले होते. आज जिल्हा परिषद आणि पंचायत समितीच्या निवडणुकीचे निकाल घोषित झाल्यानंतर पंकजांनी राजीनामा देण्याची घोषणा केली आहे. कामे करूनदेखील जनतेने असा कौल का दिला, याचे विश्लेषण करणार असल्याचे पंकजा यांनी सांगितले. भाजपच्या पराभवाची जबाबदारी स्वीकारुन मंत्रीपदाचा राजीनामा मुख्यमंत्री देवेंद्र फडणवीसांकडे सोपवणार असल्याचे पंकजा मुंडेंनी जाहीर केले आहे.

परळीतील जिल्हा परिषद निवडणूक पंकजा मुंडे आणि धनंजय मुंडे यांनी प्रतिष्ठेच्या केल्या होत्या. जिल्हा परिषदेशिवाय परळी व अंबाजोगाई पंचायत समितीवरदेखील राष्ट्रवादीचा झेंडा फडकला आहे. भाजपने २०१२ साली झालेल्या परळी व अंबाजोगाई पंचायत समितीवर विजय मिळवला होता. पण यंदा धनंजय मुंडे यांनी दोन्ही पंचायत समिती भाजपकडून खेचून आणल्या. नगरपालिका पाठोपाठ आपल्या मतदारसंघात कॅबिनेट मंत्री पंकजा मुंडे यांना पराभव पत्करावा लागला आहे. जिल्हा परिषदेत राष्ट्रवादीला ६० जागांपैकी २४ जागांवर विजय मिळला. भाजपला २०, शिवसेना ५, काकू नाना आघाडी ४, शिवसंग्रामला तीन, काँग्रेसला दोन आणि अपक्ष एका जागेवर विजयी झालेत.

मोबाइल अॅप डाउनलोड करा आणि राहा अपडेट

---

आत्महत्यांचे सत्र सुरूच

April 4, 2017, 4:18 pm

≫ Next: वय वाढलं की हुंडा वाढतो म्हणून...

≪ Previous: बीडमध्ये पराभव: पंकजा मुंडे राजीनामा देणार

$

0

0

म. टा. प्रतिनिधी, बीड

बीड जिल्ह्यातील शेतकऱ्यांच्या आत्महत्यांचे सत्र कायम असून, गेल्या तीन महिन्यांमध्ये ३७ शेतकऱ्यांनी आपले जीवन संपवले आहे. नापिकी आणि दुष्काळासारख्या कारणांबरोबरच, कृषी उत्पादनाला हमी भाव न मिळाल्यामुळे आलेल्या नैराश्यातून हे टोकाचे पाऊल पडल्याचे दिसून येत आहे.

बीड जिल्ह्यामध्ये २०१०पासून दुष्काळाचे संकट आहे. त्यामुळे, शेतकऱ्यांच्या आत्महत्यांचे सत्र सुरूच आहे. गेल्या वर्षी सरासरीच्या तुलनेमध्ये १२५ टक्के पाऊस झाला. त्यामुळे खरीप व रब्बी अशा दोन्ही हंगामामध्ये एकूण ९ लाख २७ हजार ४३० हेक्टर लागवडीखालील क्षेत्रापैकी ८ लाख २९ हजार हेक्टर क्षेत्रावर प्रत्यक्ष पेरणी झाली. जिल्ह्यात पिक कापणी प्रयोगावरून खरीप पिकांच्या सरासरी उत्पादकतेमध्ये वाढ झाल्याचे सिद्ध झाले. जिल्ह्यात १४०३ महसुली गावे आहेत. सर्वच गावांमध्ये तीन वर्षे पैसेवारी ५० पैशांपेक्षा कमी होती. मात्र, गेल्या वर्षी पहिल्यांदा अंतिम पैसेवारी सरासरी ५८.२४ पैसे नोंदविण्यात आली. उत्पादन वाढल्याचे दिसून येत असताना, पिकांना योग्य भाव मिळत नसल्यामुळे शेतकऱ्यांमध्ये नैराश्य आले आहे. सोयाबीन, तूर यांसारख्या प्रमुखांना दर न मिळाल्यामुळे शेतकरी अडचणीत आले आहेत. जिल्ह्यात जानेवारी ते मार्चपर्यंत ३७ शेतकऱ्यांनी आत्महत्या केल्या आहेत. यातील जानेवारीमध्ये वीस, फेब्रुवारीत सात तर मार्चमध्ये दहा शेतकऱ्यांनी आत्महत्या केल्या आहेत. यातील २७ आत्महत्याग्रस्त शेतकरी कुटुंबे सरकारी मदतीस पात्र ठरली आहेत. तर, एक शेतकरी आत्महत्या अपात्र ठरली असून, एक प्रकरण चौकशी स्तरावर आहे.

बीड जिल्ह्यामध्ये पावसाच्या अनियमितपणामुळे कापूस, सोयाबीन, तूर, मूग ,उडीद, मका, खरीप ज्वारी याच्या उत्पादनात मोठी तूट आली आहे. तसेच, ज्वारी, गहू, हरबरा यासारख खरीप आणि रब्बी उत्पादन शेतकऱ्यांच्या हातातून गेले आहे. त्यामुळे, चांगला पाऊस झाल्यानंतरही मिळणाऱ्या उत्पादनावर त्याचा परिणाम झाल्याकडे लक्ष वेधण्यात येत आहे.

मोबाइल अॅप डाउनलोड करा आणि राहा अपडेट

वय वाढलं की हुंडा वाढतो म्हणून...

April 15, 2017, 2:06 pm

≫ Next: मुलगी सातवी पास झाली? लग्नाचं बघा...

≪ Previous: आत्महत्यांचे सत्र सुरूच

$

0

0

म. टा. विशेष प्र‌तिनिधी, शिरूर कासार (बीड)

बीड जिल्ह्यातील शिरूर, पाटोदा, धारूर, आष्टी, वडवणी या बालाघाटातल्या तालुक्यांमध्ये दुष्काळ कायम मुक्कामाला असल्याने कर्जबाजारीपणा पाचवीला पुजलेला. खासगी सावकारांचा सुळसुळाट. लहान मुलींना कमी हुंडा. वय वाढलं की लग्न जमत नाही, हुंडा वाढतो म्हणून मुलगी ‘वेळेत’ सासरी पाठवायची मानसिकता इथे आढळते.

लग्नात कर्ज काढावंच लागतं. लग्नात ऊसतोडीची उचल, वरून कर्जही संपतं. ‘पदरात दोन-तीन पोरी असल्या की आई-बापाचं आयुष्य कर्जातच संपतंय’, पुतण्यांच्या लग्नांत झालेल्या कर्जात बुडून आत्महत्या केलेल्या तरुण शेतकऱ्याची विधवा पत्नी आरती सांगत होती. तेराव्या वर्षी लग्न झालेल्या आरतीच्या पदरी एकोणिसाव्या वर्षी तीन मुलं होती! आता मुलांना घेऊन ती शांतिवन संस्थेत राहते.

दुष्काळामुळे या हंगामात ऊस कमी होता. कारखाने जेमतेम दोन महिने चालले. लोक लवकर परतले. मुकादमाकडून घेतलेली उचल अर्धीही फिटली नाही. ‘आता पुढची दोन वर्षे ते फेडण्यात जातील’, शीतलच्या सासूबाई काळजीने सांगतात.

पण म्हणून बालाघाटातले बालविवाह थांबलेले नाहीत. ही बातमी लिहित असताना लेक लाडकी अभियानाच्या कार्यकर्त्यांनी प्रयत्न करून, पोलिसांना सूचना देऊनही पांगरी गावातल्या मुलीचं लग्न लागल्याची बातमी येतेय. कार्यकर्त्यांना मिळालेल्या जन्म दाखल्यात तिचं वय १५ आहे!

मोबाइल अॅप डाउनलोड करा आणि राहा अपडेट

मुलगी सातवी पास झाली? लग्नाचं बघा...

April 15, 2017, 3:38 pm

≫ Next: गृह खातं आवडतं, ते मिळाल्यास आनंदः पंकजा

≪ Previous: वय वाढलं की हुंडा वाढतो म्हणून...

$

0

0

शिरूर कासार(बीड) : शिरूर तालुक्यात बडेवाडीची रूपाली. वडिलांचं छत्र हरवलेलं. गेल्या एप्रिलमध्ये दहावीची परीक्षा झाली आणि तिचं लग्न झालं. नवरा हमाल. दारू पिऊन मारहाण करायचा. एक दिवस चाकू घेऊन मागे लागला. दीपाली जीव वाचवायला माहेरी परत आली ती परतलेली नाही

वडवली तालुक्यातल्या चिंचवणच्या वस्तीवरची शीतल. सातवी पास झाली आणि गेल्या जुलैमध्ये लग्न झालं. तीनच महिन्यांत सासरच्या लोकांसोबत कर्नाटकात ऊस तोडायला जावं लागलं. ‘पहाटे चार वाजता शेतात कोयता घेऊन धावायचं. ऊस तोडून मोळ्या बांधून गाडीत टाकायच्या. दुपारी कोपीवर येऊन सैपाक, धुणी-भांडी. लय अवघड होतं सारं’, कसनुसं हसत ती सांगते.

रूपाली आणि शीतलसारख्या लग्न ठरलेल्या, झालेल्या, मोडलेल्या आणि विधवा झालेल्या शाळकरी वयाच्या मुली बालाघाटात गावागावांत दिसतात. उघड्या बोडक्या बालाघाट डोंगरांच्या आडोशाला पहुडलेल्या या तालुक्यांत दुष्का मुलगी सातवी पास झाली? लग्नाचं बघा...ळ कायमचा मुक्कामी. जमीन रेताड. खरीपाचं जमेल तेवढं पीक घेऊन दसरा झाला की बैलगाड्या जुंपून इथली ७५ टक्के जनता ऊस तोडणी कामगार म्हणून पश्चिम महाराष्ट्र, कर्नाटक, गुजरातेत जाते. बीडमधून ४ लाख लोक ऊस तोडायला बाहेर जातात, त्यात बालाघाटातले सर्वाधिक. चार ते सहा महिने तिकडेच. तान्ही लेकरं सोबत, जाणती घरी. वयात आलेली मुलगी गावात ठेऊन जाणं लोकांना असुरक्षित वाटतं. कारखान्यांवर उघड्यावर संसार. तिथे मुलगी सोबत असणं धोक्याचं. लग्न करून जबाबदारी संपवणं हा एकच पर्याय उरतो. ‘इपरीत झालं तर गरीबाच्या अब्रूचं खोबरं व्हतंय, पोरीच्या जातीचा जीवाला लय घोर’, मातोरी गावातल्या सुमन जरांगे सांगतात. बीडमध्ये बलात्कार, अपहरण या गुन्ह्यांचं प्रमाण प्रचंड आहे. त्यांची मुलगी शिकतेय, पण नातेवाईकांनी लग्नाचा तगादा लावलाय. पती आजारपणात गेल्यामुळे जबाबदारी अंगावर पडलेल्या सुमनबाई तणावात होत्या.

या पट्ट्यात वंजारी समाजाची लोकसंख्या मोठी. त्यांच्यात हुंड्याची मोठी प्रथा. तेच अनुकरण इतर समाजातही दिसतं. ‘पोरगं नावाला शिकल्यालं, ऊस तोडणारं असलं तरी लाखभर रुपय मोजावं लागतेत. नोकरदार आसंल तर तीन चार लाख’, वारणीचे पोलिस पाटील श्रीनिवास बोटे सांगत होते. ऊसतोडणीला एक कोयता म्हणजे एक जोडपं. पूर्ण कोयत्याला जास्त पैसे मिळतात. मुलगा जाणता झाला की त्याचं लग्न उरकायची घाई. पुष्कळदा मुलगाही २१ हून कमी वयाचा असतो!

वय वाढलं की हुंडा वाढतो म्हणून...

बीड जिल्ह्यातील शिरूर, पाटोदा, धारूर, आष्टी, वडवणी या बालाघाटातल्या तालुक्यांमध्ये दुष्काळ कायम मुक्कामाला असल्याने कर्जबाजारीपणा पाचवीला पुजलेला. खासगी सावकारांचा सुळसुळाट. लहान मुलींना कमी हुंडा. वय वाढलं की लग्न जमत नाही, हुंडा वाढतो म्हणून मुलगी ‘वेळेत’ सासरी पाठवायची मानसिकता इथे आढळते.

लग्नात कर्ज काढावंच लागतं. लग्नात ऊसतोडीची उचल, वरून कर्जही संपतं. ‘पदरात दोन-तीन पोरी असल्या की आई-बापाचं आयुष्य कर्जातच संपतंय’, पुतण्यांच्या लग्नांत झालेल्या कर्जात बुडून आत्महत्या केलेल्या तरुण शेतकऱ्याची विधवा पत्नी आरती सांगत होती. तेराव्या वर्षी लग्न झालेल्या आरतीच्या पदरी एकोणिसाव्या वर्षी तीन मुलं होती! आता मुलांना घेऊन ती शांतिवन संस्थेत राहते.

दुष्काळामुळे या हंगामात ऊस कमी होता. कारखाने जेमतेम दोन महिने चालले. लोक लवकर परतले. मुकादमाकडून घेतलेली उचल अर्धीही फिटली नाही. ‘आता पुढची दोन वर्षे ते फेडण्यात जातील’, शीतलच्या सासूबाई काळजीने सांगतात.

पण म्हणून बालाघाटातले बालविवाह थांबलेले नाहीत. ही बातमी लिहित असताना लेक लाडकी अभियानाच्या कार्यकर्त्यांनी प्रयत्न करून, पोलिसांना सूचना देऊनही पांगरी गावातल्या मुलीचं लग्न लागल्याची बातमी येतेय. कार्यकर्त्यांना मिळालेल्या जन्म दाखल्यात तिचं वय १५ आहे!

(अल्पवयीन मुलींची नावे बदलली आहेत.)

मोबाइल अॅप डाउनलोड करा आणि राहा अपडेट

गृह खातं आवडतं, ते मिळाल्यास आनंदः पंकजा

April 17, 2017, 12:37 am

≫ Next: पंधरा वर्षांची आई अन् पस्तिशीची आजी!

≪ Previous: मुलगी सातवी पास झाली? लग्नाचं बघा...

$

0

0

मटा ऑनलाइन वृत्त । बीड

गृह खातं हे माझं आवडतं खातं असून या खात्यावर माझं विशेष लक्ष असतं, ते खातं सांभाळायला मिळाल्यास आनंदच होईल, असं विधान करून बीडच्या पालकमंत्री पंकजा मुंडे यांनी गृह खात्यावर थेट दावा केला आहे. याआधी, मी जनतेच्या मनातील मुख्यमंत्री असल्याच्या त्यांच्या वक्तव्यावरून बरंच रामायण घडलं होतं.

माजलगाव येथील उपविभागीय पोलीस अधिकारी कार्यालय, ग्रामीण पोलीस ठाणे आणि पोलीस कर्मचारी निवासस्थानांचं उद्घाटन पंकजा मुंडे यांच्या उपस्थितीत रविवारी झालं. त्यावेळी त्यांनी राजकीय वर्तुळात नवी पुडी सोडली.

गृह खातं माझं आवडतं खातं आहे. माझ्या वडिलांनी - गोपीनाथ मुंडे यांनी मोठ्या हिमतीने गृहमंत्रिपदाची जबाबदारी सांभाळली होती. त्यांनी पोलिसांना सदैव प्रोत्साहन दिलं होतं. त्यांच्या कार्यकाळात पोलिसांचं मनोबल उंचावलं होतं. त्यांनी केलेलं काम मी अगदी जवळून पाहिलेले असल्यामुळे या खात्याबद्दल विशेष जिव्हाळा आहे. हे खातं सांभाळायला मिळाल्यास आनंदच होईल, अशी इच्छा त्यांनी जाहीरपणे बोलून दाखवली. त्यामुळे राजकीय वर्तुळात तर्कवितर्क लढवले जात आहेत. सध्या गृह खात्याचा कार्यभार मुख्यमंत्री देवेंद्र फडणवीस सांभाळत आहेत. पुन्हा एकदा फडणवीस यांच्याकडील खात्यावरच दावा सांगून पंकजा यांना नेमकं काय सूचित करायचं आहे, असा प्रश्न या निमित्ताने चर्चिला जातोय. पंकजा यांच्या इच्छेला पक्षश्रेष्ठींकडून काय प्रतिसाद मिळतो, याबद्दलही उत्सुकता आहे.

मोबाइल अॅप डाउनलोड करा आणि राहा अपडेट

पंधरा वर्षांची आई अन् पस्तिशीची आजी!

April 17, 2017, 8:07 pm

≫ Next: बीड जिल्ह्यात मुलींचा जन्मदर वाढला

≪ Previous: गृह खातं आवडतं, ते मिळाल्यास आनंदः पंकजा

$

0

0

धानोरा (जि. बीड) : बाजारचा दिवस असल्याने खालापुरीच्या प्राथमिक आरोग्य केंद्राच्या व्हरांड्यात गर्दी होती. त्यात चार-पाच फिकुटलेल्या, अशक्त तरुण बायका नंबर यायची वाट बघत बसलेल्या. डॉ. अंजली भांगे तिथल्या तरुण डॉक्टर. म्हणाल्या, ‘लग्नं लवकर त्यामुळे गर्भारपणही लवकर. मुली आधीच अॅनेमिक असतात. वजनही कमी. कोवळ्या वयात लादलेल्या शरीरसंबंधांमुळे रक्तस्राव, पोटदुखी, पाळीच्या तक्रारी असतातच. वेळेआधी प्रसूती, कमी वजनाची मुलं हे या भागात सर्रास दिसतं.’

या आरोग्य केंद्राची दोन वर्षांची आकडेवारी धक्कादायक होती. एप्रिल ते फेब्रुवारी, २०१६ दरम्यान ९१९ प्रसूती झाल्या. त्यापैकी ३० अर्भकमृत्यू होते. एप्रिल २०१६ ते फेब्रुवारी, २०१७ यादरम्यान ८८७ प्रसूती झाल्या त्यापैकी २२ अर्भकमृत्यू होते. यातल्या बालमाता किती होत्या हे कळायला मार्ग नाही. कारण नाव नोंदवताना वय १८ वर्षांच्या आत नोंदवण्याचा आरोग्य विभागाचा प्रघात नाही!

आर्वी गावात आशाताई भेटल्या. जेमतेम पस्तीशीच्या असून, पन्नाशीच्या दिसत होत्या. चार मुलं. सततच्या रक्तस्रावामुळे गर्भाशय काढून टाकावं लागलं. आता त्रास थांबलाय, पण घरात काम होत नाही म्हणाल्या. तिशी पस्तिशीत गर्भाशय काढून टाकलेल्या ऊसतोडणी कामगार बायका या भागात मोठ्या संख्येनं.

केंद्र सरकार किशोरींसाठी विशेष योजना राबवते. यात आयर्न, फॉलिक अॅसिडच्या गोळ्या शाळकरी मुलींना दिल्या जातात. दर सहा महिन्यांनी रक्त तपासणीही होते. शाळकरी वयाच्या संसारी मुलींपर्यंत मात्र या गोळ्या पोहचायला मार्ग नाही. मातोरीमध्ये आशा वर्कर सांगत होत्या, केंद्र सरकारने मुलींसाठी स्वस्त सॅनिटरी नॅपकीन उपलब्ध करून दिले. त्यांचा दर्जा इतका वाईट होता की मुलींनी ते घेतलेच नाहीत. मुदत संपून गेलेली अशी शेकडो खोकी अक्षरशः जाळून टाकावी लागली. बालाघाटातल्या मुली कुपोषण आणि अॅनेमिया सोबत घेऊन जगणाऱ्या. त्यामुळे पाठीची दुखणी, सांधेदुखी, अशक्तपणा यांची कायमची सोबत. जन्मलेली मुलंही अशक्त कुपोषित. डायरिया, न्यूमोनियाला बळी पडणारी. पस्तीशीत सासू हपन्नाशीच्या आत बाई म्हातारी होते. तोवर १५ वर्षांची सून हाताशी आलेली असते.

२१ वर्षांच्या मनीषाचं नुकतंच कुटुंब नियोजनाचं ऑपरेशन झालं. मनीषाला दोन मुली आणि एक मुलगा! ‘इथे गर्भनिरोधकं पहिल्या खेपेला कुणीही घेत नाही,’ धारूरच्या ग्रामीण रुग्णालयात डॉ. अभिजित सांगळे सांगत होते. इथे रायमोहापेक्षा बरी स्थिती. पण शस्त्रक्रिया बंदच होत्या. हल्लीच सर्जनची नेमणूक झाली आहे. इथे जून २०१६ मध्ये कुटुंबनियोजनाच्या १३ शस्त्रक्रिया झाल्या होत्या. पैकी ११ जणींना तीन मुलं होती आणि वय सरासरी २३!

मातोरीच्या शाळेत एक मुलगा म्हणाला, शेजारच्या आठवीतल्या मुलीचं लग्न ठरलंय. तिच्या आई-वडिलांशी बोलू म्हटलं तर ते शेतात. मग तिची मोठी बहीण आली. १६ वर्षांची. नऊ महिन्यांची गरोदर! जालना जिल्ह्यात अंबडचं सासर. चेहऱ्यावर बाळासारखे निरागस भाव. थोडी थकलेली. पायावर सूज होती. तपासण्या केल्या का, नाव कुठे घातलंस… असं काहीबाही विचारलं तर तिला काही कळेना. लाजत राहिली नुसती. हे वाचकांपर्यंत पोहोचेल तोवर तिनं बाळाला जन्म दिलेला असेल. सुखरूप सुटका झाली असेल ना तिची?

आजारी पडलेलं ग्रामीण रुग्णालय

रायमोहच्या ग्रामीण रुग्णालयात आत शिरताना पायरीवर झोपलेले कुत्रे हाकलावे लागले. कुबट वास नाकात शिरला. कुणीही वैद्यकीय अधिकारी जागेवर नव्हता. अॅडमिट केलेले रुग्ण व्हरांड्यात गप्पा मारत होते. कुणीतरी धावपळ करून ‘एनआरएचएम’च्या डॉक्टरांना बोलावलं. त्यांनी स्त्रीरोगतज्ज्ञाची बदली झाल्याचं सांगितलं. बाकी वैद्यकीय सोयींचा उजेडच होता. गरीबांना साहजिकच खासगी रुग्णालयाचा आधार घ्यावा लागतो, हजारो रुपयांच्या बिलांत घेतलेली उचल संपून जाते.

मोबाइल अॅप डाउनलोड करा आणि राहा अपडेट