​ मिरवायची हौस; घोषणेचा पाऊस!

July 4, 2017, 2:34 pm

≫ Next: ‘आयएएस’, ‘आयपीएस’प्रमाणेच आता IMS

≪ Previous: अकरावीच्या वेळापत्रकात पुन्हा बदल

$

0

0

म. टा. प्रतिनिधी, औरंगाबाद
आधीच मिरवायची हौस. अन् त्यात घोषणेचा पाऊस. अशीच गत महापालिकेतील सत्ताधारी भाजपची झाली आहे. रस्त्यांचा निधी पदरी न पडताही भाजपने शहरात पोस्टरबाजी सुरू केली असून, यात मित्रपक्ष शिवसेनेला कात्रजचा घाट दाखवून श्रेयाच्या लढाईत पुन्हा एक पाऊल पुढे टाकले आहे.
राज्य शासनाने शहरातील रस्ते विकासासाठी शंभर कोटी रुपयांचा निधी मंजूर केला. अद्याप हा निधी मिळाला नाही. रस्ते विकासाचा सविस्तर प्रकल्प अहवाल (डीपीआर) सादर झाल्यानंतर तो दिला जाणार आहे. यासाठी महापालिकेला रस्त्यांची यादी, त्याचा डीपीआर जिल्हाधिकाऱ्यांमार्फत तांत्रिक मान्यतेसाठी सादर करावा लागणार आहे. डीपीआरच्या मंजुरीनंतर रस्त्यांचा निधी पालिकेच्या तिजोरीत पडणार आहे. सरकारने निधी मंजूर केला. मात्र, प्रत्यक्षात तो अजून दिलेला नाही. तरीही भाजपच्या नेत्यांनी रस्ते विकासाठी निधी दिल्याबद्दल सरकारचे आभार मानणारे पोस्टर्स शहरात विविध ठिकाणी लावून मिरवायची आणि श्रेय लाटायची हौस तेवढी भागवून घेतली आहे, अशी शेरेबाजी मित्रपक्षातून होत आहे.

...बाण पुन्हा सेनेच्या वर्मी
पोस्टर्स लावण्यासाठी महापालिकेतील भाजपचे गटनेते प्रमोद राठोड यांनी पुढाकार घेतला आहे. पोस्टरवर पंतप्रधान नरेंद्र मोदी, भाजपचे राष्ट्रीय अध्यक्ष अमित शहा, मुख्यमंत्री देवेंद्र फडणवीस, प्रदेशाध्यक्ष रावसाहेब दानवे, केंद्रीयमंत्री नितीन गडकरी, विधानसभेचे अध्यक्ष हरिभाऊ बागडे, महापौर भगवान घडमोडे यांच्यासह मराठवाड्यातील भाजपच्या मंत्र्यांचे फोटो छापण्यात आले आहेत. शिवसेनेचा मात्र पोस्टरवर उल्लेख नाही. शिवसेनेचे नेते - पदाधिकाऱ्यांचा फोटो देखील त्यावर नाही. त्यामुळे या पोस्टर्सची चर्चा शिवसेनेच्या वर्तुळात आहे.

रस्त्यांची यादी गुलदस्त्यात
शासनाने मंजूर केलेल्या शंभर कोटी रुपयांमधून शहरातील कोणत्या रस्त्यांची कामे करायची याची यादी अद्यापही गुलदस्त्यात आहे. या यादीबद्दल पालिकेच्या वर्तुळात उलटसुलट चर्चा सुरू आहे. रस्त्यांची यादी जाहीर झाल्याचा दावा केला जात आहे. याच संदर्भात मंगळवारी महापौर भगवान घडमोडे यांना भेटून पत्रकारांनी यादीबद्दल वस्तूस्थिती जाणून घेण्याचा प्रयत्न केला असता त्यांनी पत्रकारांची भेट टाळली. ‘रस्त्यांची यादी तयार करण्याचे काम सुरू आहे, लवकरच ती जाहीर करू,’ असे त्यांनी सोमवारी बोलताना सांगितले होते.

मोबाइल अॅप डाउनलोड करा आणि राहा अपडेट

---

‘आयएएस’, ‘आयपीएस’प्रमाणेच आता IMS

July 4, 2017, 2:47 pm

≫ Next: आईच्या संगनमताने मुलीवर बलात्कार

≪ Previous: ​ मिरवायची हौस; घोषणेचा पाऊस!

$

0

0

Nikhil.Nirkhee@timesgroup.com
Tweet : @nnirkheeMT

औरंगाबाद ः इंडियन अॅडमिनिस्ट्रेटिव्ह सर्व्हिस (आयएएस), इंडियन पोलिस सर्व्हिस (आयपीएस) आदी देशपातळीवरील सर्व प्रकारच्या प्रशासकीय सेवांच्या धर्तीवर ‘इंडियन मेडिकल सर्व्हिस’ (आएमएस) सुरू करण्याच्या विचारांना आता मूर्त स्वरूप प्राप्त झाले आहे indian medical services. संपूर्ण देशातील आरोग्य सेवा अधिकाधिक बळकट करण्यासाठी आणि सर्व आरोग्य सेवांचे तांत्रिक नेतृत्व व व्यवस्थापन कौशल्य वृद्धींगत करण्यासाठी केंद्र सरकारने ‘आयएमएस’ ही सेवा सुरू करण्यासाठी पहिले पाऊल टाकले असून, त्याचे स्वागत होत आहे.

संपूर्ण देशपातळीवर ‘आयएमएस’ ही नवीन सेवा सुरू करणे कितपत लाभदायी आहे आणि त्यामुळे केंद्र-राज्य सरकारमधील दरी भरून काढण्यासाठी व एकूणच आरोग्य सेवा बळकट करण्यासाठी ‘आयएमएस’चा नेमका किती उपयोग होऊ शकतो, याबाबत सर्व राज्यांच्या सर्व मुख्य सचिवांची मत-मतांतरे केंद्र सरकारने नुकतीच मागवली आहे. या संदर्भातील पत्र केंद्र सरकारच्या आरोग्य व कुटुंब कल्याण मंत्रालयातील सचिव सी. के. मिश्रा यांनी नुकतेच सर्व राज्यांच्या सर्व मुख्य सचिवांना पाठविले आहे. मागच्या दहा वर्षांपासून अशा प्रकारची सेवा सुरू करण्याची बाब केंद्र सरकारच्या विचाराधीन होती, मात्र आतापर्यंत ही बाब केवळ तात्विक स्तरावर होती. आता मात्र याबाबत पहिले पाऊल पडले असल्याचे मानले जात आहे.

उच्चतम ‘डॉक्टर’ येतील सेवेत

यूपीएससी, एमपीएससीद्वारे वैद्यकीय अधिकाऱ्यांची निवड होते; परंतु त्यांची नियुक्ती ही त्या त्या आरोग्य संस्थेमध्ये, विभागामध्ये होते. त्यानंतरही वैद्यकीय शिक्षण विभागाचे सचिव, सार्वजनिक आरोग्य विभागाचे सचिव, अधिकारी व इतर अनेक आरोग्य संस्थांचे प्रशासकीय अधिकारी हे ‘आयएएस’ असतात. त्याऐवजी अशा ठिकाणी ‘आयएमएस’ अधिकाऱ्याचे वैद्यकीय क्षेत्रातील तांत्रिक व व्यवस्थापन कौशल्य जास्त प्रभावी व उपयुक्त ठरू शकते. मुळात डॉक्टर असल्यामुळे त्याचे वैद्यकीय ज्ञान व विषयातील खाच-खळगे याची तुलना इतरांशी होऊ शकत नाही, असेही मानले जात आहे. त्याचवेळी ‘ईएसआयसी’सह रेल्वे विभागाच्या रुग्णालयांमध्ये व केंद्राच्या इतर रुग्णालयांमध्ये ‘आयएमएस’ अधिकाऱ्यांचा प्रभावी उपयोग होऊ शकतो, असाही मतप्रवाह आहे.

‘आयएमएस’च्या माध्यमातून देशाला मोठ्या प्रमाणावर ‘क्वालिटी डॉक्टर्स’ मिळतील व केंद्राच्या वेगवेगळ्या रुग्णालयांबरोबर लष्कर, नौदल, हवाई दलात अशा दर्जेदार डॉक्टरांचा खूप चांगला उपयोग होऊ शकेल. - डॉ. प्रवीण शिनगारे, संचालक, वैद्यकीय शिक्षण व संशोधन संचालनालय

सरकारच्या या निर्णयाचे ‘आयएमए’ नक्कीच स्वागत करते. निदान वैद्यकीय क्षेत्रात तरी ‘ब्युरोक्रॅट्स’ऐवजी ‘टेक्नोक्रॅटस्’ जास्त प्रभावी व कार्यक्षम ठरू शकतात आणि ‘आयएमएस’च्या माध्यमातून हे शक्य होणार आहे. संपूर्ण देशाची आरोग्य सेवा सर्वांगाने बळकट करण्यासाठी या सेवेला खरे म्हणजे पर्याय नाही. या संदर्भात अभ्यास करुन काही वर्षांपूर्वी नेमलेल्या समितीमार्फत आम्ही सरकारला सकारात्मक अहवाल दिला होता. - डॉ. रवी वानखेडकर, नियोजित अध्यक्ष, राष्ट्रीय आयएमए

मोबाइल अॅप डाउनलोड करा आणि राहा अपडेट

आईच्या संगनमताने मुलीवर बलात्कार

July 4, 2017, 2:49 pm

≫ Next: एलईडीच्या नादात शहर अंधाराच्या खाईत

≪ Previous: ‘आयएएस’, ‘आयपीएस’प्रमाणेच आता IMS

$

0

0

म. टा. प्रतिनिधी, कन्नड

आई व मुलीच्या नात्याला काळीमा फासणारी घटना कन्नड शहरात घडली आहे. एक महिलेने तिच्या प्रियकराच्या मदतीने १६ वर्षाच्या मुलीला तिसऱ्याच्या घरी ठेवले. त्या व्यक्तीने तिच्यावर एक महिन्यात वारंवार बलात्कार केला. अखेर या मुलीने सुटका करून घेऊन पोलिस ठाणे गाठले. मुलीच्या फिर्यादीवरून आईसह तिघांविरुद्ध गुन्हा दाखल करून अटक करण्यात आली.

पोलिसांनी दिलेल्या माहितीनुसार, शहरातील औरंगजेब कॉलनीतील एका महिलेने तिच्या अकरावीत शिकणाऱ्या १६ वर्षांच्या मुलीला प्रियकर शेख नाजीम शेख आजीम याच्या मदतीने विनोद रोहिदास पवार याच्या बिस्मिल्ला कॉलनीमधील घरी बळजबरीने ठेवले. महिला व तिचा प्रियकर शेख नाजीम याने या मुलीस २१ मे रोजी सकाळी ११ वाजता विनोद रोहिदास पवार नेले होते. त्यावेळी येथे राहण्यास नकार दिल्याने आई व विनोद पवार यांनी मुलीला मारहाण केली. तू आता विनोदजवळ रहा, तो तुझा संभाळ तो करेल, असे तिला बजावून महिला व तिचा प्रियकर निघून गेले. तू आता माझी पत्नी आहेस, तुला माझ्याकडे राहावे लागेल, असे म्हणत विनोद याने या मुलीवर एक महिन्यात अनेक वेळा अत्याचार केला. विनोद हा सोमवारी (३ जुलै) घराबाहेर गेल्याची संधी साधून या मुलीने स्वतःची सुटका करून घेऊन शहर पोलिस ठाणे गाठले. तिने पोलिस ठाण्यात तिच्यावरील अत्याचाराचा पाढा वाचला. यामध्ये आई सुद्धा सामील असल्याचे तिने सांगितल्यानंतर पोलिससुद्धा हादरले.

दरम्यान, पोलिसांनी पीडित मुलीच्या फिर्यादीवरून तिन्ही आरोपीविरुद्ध ३७६-२ जे, ३७६-२ एन ३४, ४, ६, ८, बाल लौंगिक अत्याचार कायद्यानुसार गुन्हा दाखल केला. या गुन्ह्यातील तिन्ही संशयित आरोपींना अटक करून कोर्टासमोर हजर करण्यात आले. कोर्टाने त्यांना चार दिवसांची पोलिस कोठडी सुनावली आहे. या प्रकरणी पुढील तपास उपविभागीय पोलिस अधिकारी नीरज राजगुरू व पोलिस निरीक्षक शिवलाल पुरभे यांच्या मार्गदर्शनाखाली उपनिरीक्षक सुनील पवार, रमेश शिंदे हे करत आहेत.

मोबाइल अॅप डाउनलोड करा आणि राहा अपडेट

एलईडीच्या नादात शहर अंधाराच्या खाईत

July 4, 2017, 2:52 pm

≫ Next: एरोबिक्स अभ्यासक्रमातआदित्य जोशी तृतीय

≪ Previous: आईच्या संगनमताने मुलीवर बलात्कार

$

0

0

म. टा. प्रतिनिधी, औरंगाबाद
एलईडीच्या नादात बंद पथदिव्यांकडे महापालिका प्रशासनाने दुर्लक्ष केल्यामुळे शहर अंधाराच्या खाईत लोटले आहे. एलईडीच्या कंत्राटदाराचे काम सुरू होईपर्यंत पथदिव्यांची देखभाल-दुरुस्ती करणाऱ्या कंत्राटदारांकडून काम करून घेण्याऐवजी पालिकेने या कंत्राटदारांचे खिसे भरण्याचे काम केल्याचे स्पष्ट झाले आहे.
शहरात सुमारे चाळीस हजार पथदिवे आहेत. या सर्व पथदिव्यांवर एलईडी दिवे लावण्याचा प्रस्ताव महापालिकेच्या विचाराधीन होता. तत्कालीन आयुक्त हर्षदीप कांबळे यांच्या काळात हा प्रस्ताव स्थायी समितीच्या बैठकीत मंजूर झाला. कंत्राटदाराला वर्कऑर्डर देण्याची प्रक्रिया सुरू असतानाच एलईडी दिव्याचे प्रकरण न्यायप्रविष्ट झाले. या प्रकरणाचा निकाल लागेपर्यंत पथदिव्यांची देखभाल दुरुस्ती करणाऱ्या जुन्याच कंत्राटदारांना मुदतवाढ देण्याचा निर्णय घेण्यात आला. ही देखभाल दुरूस्ती करणारे सुमारे २२ कंत्राटदार महापालिकेत काम करतात. त्यांना शहराचा भाग वाटून देण्यात आला आहे. बंद पडलेले पथदिवे सुरू ठेवण्याची मोठी जबाबदारी कंत्राटदारांकडे असताना निम्यापेक्षा जास्त पथदिवे बंद आहेत. त्यामुळे मुख्य रस्त्यांसह अनेक अंतर्गत रस्त्यांवर अंधाराचे साम्राज्य परसले आहे. शहर अंधारात लोटलेले असताना पालिकेचे प्रशासन मात्र कंत्राटदारांचे बिल देत असल्याच्या तक्रारी आहेत. सुमारे आठ ते दहा कोटी रुपये आतापर्यंत कंत्राटदारांच्या खिशात टाकण्यात आल्याची माहिती सूत्रांनी दिली.

चौकशीची मागणी
महापालिकेचे सभागृहनेते गजानन मनगटे यांनी आयुक्तांच्या नावे एक पत्र दिले असून काँप्रेसिव्ह पद्धतीने पथदिव्यांची देखभाल दुरुस्ती करणाऱ्या कंत्राटदारांची सखोल चौकशी करण्याची मागणी त्यांनी केली आहे. ‘सुमारे २२ कंत्राटदार काम करतात. त्यांना सर्वसाधारण सभेत चर्चा न करता मुदतवाढ देण्यात आली आहे. त्यांना मुदतवाढ देण्यात येऊ नये, असे पत्र मी १० एप्रिल रोजी दिले होते, पण त्यानंतरही मुदतवाढ देण्यात आली. कंत्राटदार व अधिकारी यांचे संगनमत आहे. त्यातून महापालिकेला लाखोंचा गंडा घातला जात आहे. त्यामुळे या सर्व प्रकाराची चौकशी करा’ अशी मागणी मनगटे यांनी केली आहे.

मोबाइल अॅप डाउनलोड करा आणि राहा अपडेट

एरोबिक्स अभ्यासक्रमातआदित्य जोशी तृतीय

July 4, 2017, 2:57 pm

≫ Next: ​ २५ पॅथॉलॉजी तपासण्या मोफत

≪ Previous: एलईडीच्या नादात शहर अंधाराच्या खाईत

$

0

0

एरोबिक्स अभ्यासक्रमात
आदित्य जोशी तृतीय
म. टा. प्रतिनिधी, औरंगाबाद
व्हिएतनाम येथील होनाई येथे झालेल्या आशियाई जिम्नॅस्टिक्स युनिअनच्या एरोबिक्स जिम्नॅस्टिक्स कोचिंग लेव्हल वन अभ्यासक्रमात औरंगाबादचे शिवछत्रपती पुरस्कारप्राप्त आदित्य जोशी यांनी तृतीय क्रमांक मिळविला.
या अभ्यासक्रमात सात देशांचे २८ प्रतिनिधी सहभागी झाले होते. डॉ. मकरंद जोशी यांनी लेव्हल टू व रणजित पवार यांनी ट्रम्पोलिनमध्ये लेव्हल वन ही पात्रता यापूर्वी मिळवलेली आहे. तसेच महाराष्ट्र हौशी जिम्नॅस्टिक्स संघटनेतर्फे औरंगाबादेत घेण्यात आलेल्या १४व्या आर्टिस्टिक जिम्नॅस्टिक्स राज्यस्तरीय पंच परीक्षेत औरंगाबादच्या १२ जण उत्तीर्ण झाले आहेत. यात राज्यातील ५४ पंचांनी सहभाग घेतला होता. त्यात शिवछत्रपती पुरस्कारप्राप्त डॉ. विशाल देशपांडे, सागर कुलकर्णी, रणजित पवार, राहुल तांदळे, सुरज ताकसांडे, ऋत्विक भाले, ऋग्वेद जोशी, प्रथमेश हत्तेकर, विश्वजित राऊत, रजत मेघावाले यांनी यश मिळवले. या यशाबद्दल संघटनेचे सचिव मकरंद जोशी, जिल्हा अध्यक्ष अॅड. संकर्षण जोशी, जिल्हा क्रीडा अधिकारी ऊर्मिला मोराळे, तनुजा गाढवे यांनी त्यांचे अभिनंदन केले.

मोबाइल अॅप डाउनलोड करा आणि राहा अपडेट

​ २५ पॅथॉलॉजी तपासण्या मोफत

July 4, 2017, 2:58 pm

≫ Next: ​ हॉटेल व्यावसायिकेचा गळा चिरून खून

≪ Previous: एरोबिक्स अभ्यासक्रमातआदित्य जोशी तृतीय

$

0

0

म. टा. प्रतिनिधी, औरंगाबाद
ग्रामीण भागातील रुग्णांना रक्त,थुंकी,लघवी तपासणीसाठी भलेमोठे पैसे मोजावे लागतात. राज्याच्या सार्वजनिक आरोग्य विभागाने खासगी कंपनीसोबत करार करून प्राथमिक आरोग्य केंद्रांमध्ये जाणाऱ्या रुग्णांना २५ प्रकारच्या सुविधा मोफत पुरविण्याचा निर्णय घेतला आहे. पहिल्या टप्प्यात जिल्ह्यातील ५० पैकी ७ प्राथमिक आरोग्य केंद्रांमध्ये ही सुविधा सुरू करण्यात आली आहे.
ग्रामीण भागातील रुग्णांना प्राथमिक स्तरावर आरोग्य सुविधा मिळाव्यात, यासाठी प्राथमिक आरोग्य केंद्रे, उपकेंद्रे सुरू करण्यात आली. त्यामुळे दुर्गम भागातील रुग्णांची सोय झाली. ग्रामीण भागातील रुग्णांना प्रयोगशाळा पातळीवर काही तपासण्या करावयाच्या असतील, तर त्यासाठी खासगी प्रयोगशाळेत जावे लागत होते. या टेस्ट महागड्या आहेत. त्यासाठी रुग्णांची अडचण होत होती. काही प्राथमिक आरोग्य केंद्रांमध्ये निवडक पॅथॉलॉजी तपासणी उपलब्ध होत्या, पण त्यात अधिक सुधारणा करण्यासाठी सार्वजनिक आरोग्य विभागाने एचएलएल या संस्थेसोबत राज्यस्तरीय करार केला आहे. त्यानुसार प्राथमिक आरोग्य केंद्रांमध्ये महत्वाच्या २५ चाचण्या मोफत करून दिल्या जाणार आहेत. औरंगाबाद जिल्ह्यातील ५० पैकी ७ प्राथमिक आरोग्य केंद्रांमध्ये पहिल्या टप्प्यात ही सुविधा उपलब्ध करून देण्यात आली आहे.
या सुविधेत रुग्णांना रक्त, लघवी, थुंकी, किडनी, थॉयरॉइड, पोटॅशिअम, कॅल्शिअमसह अन्य महत्वाच्या तपासणी मोफत करून दिल्या जातील. या केंद्रांमध्ये एचएलएलचे प्रतिनिधी बाह्य रुग्ण विभागाच्या काळात प्राथमिक आरोग्य केंद्रांमध्ये उपलब्ध असतील. डॉक्टरांनी सांगितलेल्या तपासणी हे प्रतिनिधी करून देतील. त्यासाठी जिल्ह्यात चार ठिकाणी मध्यवर्ति प्रयोगशाळा सुरू करण्यात येणार आहे. पहिल्या टप्प्यात वैजापूरला प्रयोगशाळा सुरू झाली असून पुढच्या पंधरा दिवसांत कन्नड, सिल्लोड आणि औरंगाबादमध्ये प्रयोगशाळा सुरू होतील. ज्यामुळे प्राथमिक आरोग्य केंद्रांमधील नमुने त्वरित तपासून मिळतील. पहिल्या टप्प्यात बोरसर, शिऊर, गाढेपिंपळगाव, मणूर, लाडगाव आणि लोणी (ता.वैजापूर) तर नाचनवेल (ता.कन्नड) या सात केंद्रांवर ही सुविधा उपलब्ध करून देण्यात आली आहे. जिल्ह्यातील ग्रामीण रुग्णालये व उपजिल्हा रुग्णालयांमधूनही ही सुविधा उपलब्ध आहे.

ग्रामीण भागातील रुग्णांसाठी प्राथमिक आरोग्य केंद्र स्तरावर उपलब्ध करून दिलेली ही सुविधा निश्चितपणे उपयोगी ठरणार आहे. रुग्णांना योग्य ते उपचार करण्यासाठी याची खूप मदत होईल. - डॉ. विवेक खतगावकर, जिल्हा आरोग्य अधिकारी, जिल्हा परिषद

मोबाइल अॅप डाउनलोड करा आणि राहा अपडेट

​ हॉटेल व्यावसायिकेचा गळा चिरून खून

July 4, 2017, 3:04 pm

≫ Next: ​ राजू खाडेच्या नावाने राज मोहम्मद सेवेत

≪ Previous: ​ २५ पॅथॉलॉजी तपासण्या मोफत

$

0

0

म. टा. प्रतिनिधी, औरंगाबाद
करमाड गावाजवळील गाडेजळगाव येथे ज्योती रेस्टॉरंट या हॉटेलच्या मालकीन ज्योती नायर यांचा गळा चिरून खून केल्याची घटना मंगळवारी (४ जुलै) पहाटे चारच्या दरम्यान घडली.
करमाड पोलिसांनी दिलेल्या माहितीनुसार, ज्योती मनोज नायर (वय ४५) गेल्या तीस वर्षांपासून गाडेजळगाव येथे वास्तव्यास आहेत. गेल्या अनेक वर्षांपासून त्या येथे हॉटेल चालवतात. मंगळवारी पहाटे चारच्या सुमारास हॉटेलमधील दोन वेटरांना त्यांचा मृतदेह गळा चिरलेल्या अवस्थेत दिसून आला. करमाड पोलिसांना त्यांनी तात्काळ माहिती दिली. वरिष्ठ अधिकाऱ्यांसह करमाड पोलिस ठाण्याचे सहायक पोलिस निरीक्षक द्वारकादास चिखलीकर यांनी घटनास्थळी धाव घेतली. पोलिसांनी पंचनामा करीत मृतदेह घाटी रुग्णालयात शवविच्छेदनासाठी रवाना केला.

दोन वेटर पसार
ज्योती नायर या एकटयाच राहत होत्या. त्यांच्या हॉटेलमध्ये कामाला असलेले दोन वेटर बालाजी व राजू पसार झाले आहेत. पोलिस या संशयितांचा शोध घेत असून या प्रकरणी करमाड पोलिस ठाण्यात खुनाचा गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

​ राजू खाडेच्या नावाने राज मोहम्मद सेवेत

July 4, 2017, 3:07 pm

≫ Next: ‘सायन्स ऑफ संस्कार’चे उद्या आयोजन

≪ Previous: ​ हॉटेल व्यावसायिकेचा गळा चिरून खून

$

0

0

म. टा. प्रतिनिधी, औरंगाबाद
महापालिकेच्या सेवेत राजू खाडे याच्या नावाने राज मोहम्मद शेख हा इसम गेल्या तीन वर्षांपासून काम करीत असल्याचा भांडाफोड महापालिकतील माजी सभागृहनेते व शिवसेनेचे नगरसेवक राजेंद्र जंजाळ यांनी मंगळवारी पत्रकारांशी बोलताना केला. या प्रकरणात जे अधिकारी दोषी असतील त्या सर्वांवर नियमानुसार करावाई करा, अशी मागणी त्यांनी केली आहे.
राजेंद्र जंजाळ यांनी दिलेल्या माहितीनुसार ‘हरणाबाई अश्रुबा खाडे ही महिला पालिकेच्या सेवेत सफाई मजूर म्हणून कार्यरत होती. तिला दोन मुले, दोन मुली आहेत. निवृत्तीच्या वेळी तिच्या खऱ्या मुलाला तिच्या जागेवर नोकरी मिळायला हवी होती, पण राज मोहम्मद शेख मोहम्मद शेख युनूस यांनी हरणाबाईचा मुलगा राजू खाडे याच्या नावाने महापालिकेत कागदपत्र सादर केली. त्यात निवडणूक ओळखपत्र, आधार कार्ड याचा समावेश आहे. महापालिकेच्या अस्थापना विभागातील लिपीक संजय रगडे, तत्कालीन अस्थापना अधिकारी सी. एम. अभंग, उपायुक्त रवींद्र निकम यांनी राज मोहम्मद यास लाड समितीनुसार नोकरी देखील दिली. राज मोहम्मद तीन वर्षांपासून महापालिकेच्या सेवेत आहेत. वारसाला पालिकेत नोकरी लावण्यासाठी लाड समितीमध्ये विविध निकष आहेत. राज मोहम्मद प्रकरणात कोणताही निकष पाळण्यात आला नाही. त्यामुळे या प्रकरणाची सखोल चौकशी करून दोषी अधिकाऱ्यांवर कारवाई करावी,’ अशी मागणी जंजाळ यांनी केली आहे.

आम्ही धर्म बदलला
हरणाबाईने ‘राज मोहम्मद यास दत्तक घेतलेले नाही. अलीकडेच आपण मु्स्लिम धर्म स्वीकारला आहे. आपण मुळात राजू आश्रुबा खाडे आहोत,’ असा दावा केला आहे.

मोबाइल अॅप डाउनलोड करा आणि राहा अपडेट

---

‘सायन्स ऑफ संस्कार’चे उद्या आयोजन

July 5, 2017, 2:30 pm

≫ Next: शासनाच्या पत्रात रस्त्यांचा उल्लेखच नाही

≪ Previous: ​ राजू खाडेच्या नावाने राज मोहम्मद सेवेत

$

0

0

म. टा. प्रतिनिधी, औरंगाबाद
भगवद गीता आणि मेडिकल सायन्सच्या धर्तीवर ‘सायन्स ऑफ संस्कार' कार्यक्रमाचे आयोजन शुक्रवारी (७ जुलै) सायंकाळी सात वाजता तापडिया नाट्यगृहात करण्यात आले आहे. टाइम्स ग्रुपच्या सहभागाने होणाऱ्या या कार्यक्रमात स्ट्रेस आणि रिलेशनशीप काउन्सलर डॉ. सचिन देशमुख मार्गदर्शन करणार आहेत.
आजमितीस जगातील बहुसंख्य लोक ताण-तणाव आणि नैराश्येच्या गर्तेत सापडले आहेत. परस्पर नातेसंबंध खराब होत चालले आहेत. वेगवेगळ्या प्रकारचे उपाय करूनही मानसिक शांती दुर्मिळ झाली आहे. मनोकायिक आजारांनी मानवास वेढा घातला आहे. ह्या वर्षी जागतिक आरोग्य संघटनेनेसुद्धा ‘नैराश्य’ (डिप्रेशन) हा विषय प्रामुख्याने सोडवण्यासाठी घेतला आहे. त्यामुळे या विषयाला प्राधान्य देणे आवश्यक झालेले आहे.
शेकडो वर्षांपासून भारतीय संस्कृतीत मन, संस्कार, प्राणायाम, योगासने आणि मेडिटेशन यांचे महत्त्व सांगितले आहे. याबरोबरच संस्काराचे अनन्यसाधारण महत्त्व आहे. मानवी मनाची जडणघडण, त्याचे व्यक्तिमत्त्व, त्याची निर्णयक्षमता, थोडक्यात त्याचे संपूर्ण भविष्यच त्याच्यावर आजपर्यंत झालेल्या संस्कारावर अवलंबून असते. मन आणि संस्कार या दोन शब्दांमध्ये मानवाच्या स्वभावाचे, शांतीचे आणि अशांतीचे रहस्य दडलेले आहे. त्या बाबतीत आजही फारशी शास्त्रीय माहिती उपलब्ध नाही. प्रत्येक पालकाला आपल्या पाल्यावर सुसंस्कारच करायचे असतात. मात्र, अजाणतेपणाने काही कुसंस्काराचे बीज पडतात व त्याचा परिणाम मुले मोठे झाल्यावर दिसू लागतो. म्हणून प्रत्येक पालकाला संस्काराचे विज्ञान जाणून घेणे गरजेचे आहे.
संस्कार बनतात कसे, सुसंस्कार आणि कुसंस्कार म्हणजे काय, मुलांवर कुठले संस्कार करावे अथवा करू नये, संस्कार वा कुसंस्काराला फक्त आई वडीलच जबाबदार आहेत की इतर कुठल्या गोष्टी जबाबदार आहेत? कुसंस्कार बदलता येतात का? आणि त्यातूनच आपोआप मन:शांती, यश आणि आरोग्याचा मार्ग मिळू शकतो का? या सगळ्यांचा शास्त्रीय आधार काय? हे जाणून घेण्यासाठी डॉ. देशमुख यांचे व्याख्यान तुम्हाला उपयोगी पडेल.

सर्वांना मोफत प्रवेश
चेतन आणि अचेतन मन हे शब्द नेहेमीच वापरले जातात. त्यांचा वैज्ञानिक दृष्टिकोन मात्र आजवर कुणी विस्तृतपणे सांगितलेला नाही. ‘आजवर झालेल्या संस्काराचा आपल्या अचेतन मनावर, आपल्या मानसिक स्वास्थ्यावर कसा परिणाम होतो’ या विषयाचा शास्त्रीय दृष्टिकोन माहिती व्हावा या उद्देशाने महाराष्ट्र टाइम्स आणि टाइम्स ऑफ इंडियाने पुण्याच्या ऑल स्माइल्स फाउंडेशनचे संचालक डॉ. सचिन देशमुख यांच्या व्याख्यानाचे आयोजन केले आहे. व्याख्यानासाठी सर्वांना मोफत प्रवेश आहे.

मोबाइल अॅप डाउनलोड करा आणि राहा अपडेट

शासनाच्या पत्रात रस्त्यांचा उल्लेखच नाही

July 5, 2017, 2:30 pm

≫ Next: पतीची आत्महत्या; पत्नीला शिक्षा

≪ Previous: ‘सायन्स ऑफ संस्कार’चे उद्या आयोजन

$

0

0

Unmesh.Deshpande@timesgroup.com
Tweet : @unmeshdMT
औरंगाबाद ः औरंगाबाद शहरातील रस्त्यांसाठी राज्य शासनाने शंभर कोटी रुपये मंजूर केल्याचे भारतीय जनता पक्षाचे प्रदेशाध्यक्ष रावसाहेब दानवे यांनी गेल्या आठवड्यात पत्रकार परिषद घेऊन जाहीर केले, परंतु निधी मंजुरीच्या पत्रात रस्त्यांच्या कामांचा उल्लेखही नाही. महापालिका क्षेत्रातील मूलभूत सोई सविधांच्या विकासासाठी शंभर कोटी रुपये मंजूर करण्यात आल्याचे शासनातर्फे जिल्हाधिकाऱ्यांना पाठविलेल्या पत्रात नमूद करण्यात आले आहे.
महापालिकेत सध्या शंभर कोटी रुपयांच्या रस्त्यांवरून चर्चेला उधाण आले आहे. रस्त्यांसाठी शासनाने शंभर कोटी रुपयांचे अनुदान दिल्याचे रावसाहेब दानवे यांनी पत्रकार परिषद घेऊन जाहीर केले. त्यानंतर पालिकेतील भाजपचे गटनेते प्रमोद राठोड यांनी शासनाचे आभार मानणारे होर्डिंग शहराच्या विविध भागात लावले. रस्त्यांची यादी तयार करण्यात महापौरांसह भाजपचे नेते व पदाधिकारी गुंतले आहेत. यापार्श्वभूमीवर ‘मटा’ने शंभर कोटी मंजुरीच्या पत्राचा शोध घेतला. त्या पत्रात रस्ते विकासासाठी हे अनुदान देण्यात येत असल्याचा उल्लेख नसल्याचे समोर आले.
महाराष्ट्र शासनाच्या नगरविकास विभागाचे अवर सचिव विवेक कुंभार यांनी २७ जून रोजी जिल्हाधिकाऱ्यांच्या नावे पत्र दिले आहे. या पत्रात त्यांनी म्हटले आहे की, राज्यातील महापालिकांना मूलभूत सोई सुविधांचा विकास करण्याच्या कामासाठी अनुदान देण्यात येते. २०१७ - १८करीता औरंगाबाद महापालिकेस शंभर कोटी रुपये मंजूर करण्यात येत आहेत (१०० टक्के अनुदान). मंजूर निधीच्या मर्यादेत महापालिकेकडून कामे करून घेण्यात यावीत. निश्चित केलेल्या कामांना तांत्रिक मान्यता देऊन, प्रशासकीय मान्यतेस्तव प्रस्ताव तात्काळ शासनास सादर करण्यात यावा.

सर्वसाधारण सभेत ठराव घ्यावा लागणार
शंभर कोटी रुपये मंजुरीच्या पत्रात रस्त्यांचा उल्लेख नसल्यामुळे महापालिकेला आता सर्वसाधारण सभेत शंभर कोटी रुपयांमधून फक्त रस्त्यांचीच कामे करायची आहेत, असा ठराव घ्यावा लागेल. ठराव घेतल्यानंतर त्यानुसार प्रस्ताव तयार करून शासनाला पाठवावा लागेल, असे प्रशासकीय सेवेतील ज्येष्ठ अधिकाऱ्यांचे मत आहे. शंभर कोटी रुपयांमधून केल्या जाणाऱ्या रस्त्यांची यादी तयार करून त्याला आता सर्वसाधारण सभेची मान्यता घ्यावी लागणार आहे.

मोबाइल अॅप डाउनलोड करा आणि राहा अपडेट

पतीची आत्महत्या; पत्नीला शिक्षा

July 5, 2017, 2:30 pm

≫ Next: प्रयासतर्फे वृक्षारोपण

≪ Previous: शासनाच्या पत्रात रस्त्यांचा उल्लेखच नाही

$

0

0

म. टा. प्रतिनिधी, औरंगाबाद
पतीच्या चारित्र्यावर संशय घेऊन पतीचा मानसिक व शारीरिक छळ करणाऱ्या आणि पतीच्या आत्महत्येला कारणीभूत ठरलेल्या पत्नी, सासू व सासऱ्याला दोन वर्षे सक्तमजुरी व प्रत्येकी १२ हजार रुपये दंडाची शिक्षा जिल्हा व अतिरिक्त सत्र न्यायाधीश एच. के. भालेराव यांनी बुधवारी (५ जुलै) ठोठावली. पत्नीपीडित पतीच्या आत्महत्या प्रकरणात पत्नीसह सासू-सासऱ्याला शिक्षा होण्याची ही राज्यातील पहिलीच घटना असल्याचा दावा करण्यात आला.
सिडको एन -२ भागातील विठ्ठलनगरात राहणारे सुशील रतन जाधव (२६) यांचे भोईवाडा येथे राहणाऱ्या दीक्षा विनोद भालेराव हिच्यासोबत २००७मध्ये लग्न झाले होते. त्यानंतर दीक्षा चार महिने एकत्र कुटुंबात राहात होती व ती पती सुशीलच्या चारित्र्यावर कायम संशय घेत होती. त्यामुळे दोघांमध्ये कायम खटके उडत होते. वेगळे राहण्याच्या मागणीवरून पत्नी निघून गेल्याने सुशील यांनी गळफास घेतला.
पंचनामा करताना पोलिसांना सुशीलच्या हस्तक्षरातील सुसाइड नोट मिळाली. त्यावरून मृताचे वडील रतन जाधव यांनी तक्रार दिली व तक्रारीवरुन दीक्षा, सुनिता भालेराव व विनोद भालेराव यांच्याविरुद्ध मुकुंदवाडी पोलिस ठाण्यात गुन्हा दाखल झाला. सहाय्यक पोलिस उपनिरीक्षक रमेश पवार यांनी तपास करुन कोर्टात दोषारोपपत्र दाखल केले.

दोन कलमांद्वारे शिक्षा
दोन्ही बाजुंच्या युक्तिवादानंतर व साक्ष-पुराव्यांवरून कोर्टाने आरोपी दीक्षा, सुनिता व विनोद भालेराव यांना कलम ३०६ अन्वये दोन वर्षे सक्तमजुरी व प्रत्येकी १० हजार रुपये दंड व दंड न भरल्यास तीन महिने साधा कारावास, तर कलम ५०४ अन्वये तिघांना प्रत्येकी एक वर्ष सक्तमजुरी, प्रत्येकी २ हजार रुपये दंड व दंड न भरल्यास एक महिना साध्या कारावासाची शिक्षा ठोठावली.

मोबाइल अॅप डाउनलोड करा आणि राहा अपडेट

प्रयासतर्फे वृक्षारोपण

July 5, 2017, 2:30 pm

≫ Next: ‘नॉट फॉर सेल’औषधी हतनूरमध्ये विक्रीला

≪ Previous: पतीची आत्महत्या; पत्नीला शिक्षा

$

0

0

माय ग्रीन औरंगाबाद अंतर्गत
प्रयासतर्फे वृक्षारोपण
म. टा. प्रतिनिधी, औरंगाबाद
माय ग्रीन औरंगाबाद अंतर्गत यांत्रिकी विभागाच्या पुढाकाराने प्रयास यूथ फाऊंडेशनच्या मार्गदर्शनाखाली वृक्षारोपण करण्यात आले.
वैज्ञानिक पद्धतीने हे वृक्षारोपण करण्यात आले. यामध्ये कोकोपीट, जैविक व सेंद्रिय खतांचा पुरेपूर वापर करण्यात आला. फक्त झाडे लावून चालणार नाही तर त्यांना जगविणे, काळजी घेणे हे आवश्यक असल्याचे मत व्यक्त करण्यात आले. झाडांची जगविण्याची जबाबदारी प्रयास यूथ फाऊंडेशन आणि विभागाच्या कर्मचाऱ्यांनी घेतली. कार्यकारी अभियंता, यांत्रिकी विभाग हे कार्यालय शहराच्या मध्यवस्तीत २० एकरात आहेत. भविष्यात याठिकाणी पक्षीविहार, ऑक्जिसन पार्क, डेन्स फॉरेस्ट यासारख्या संकल्पना माय ग्रीन औरंगाबाद अंतर्गत प्रयास व विभागातर्फे राबविण्यात येणार आहेत.
कार्यक्रमास कार्यकारी अभियंता एम. एम. काकड, एम. डी. सूर्यवंशी, ए. एल. राजनेकर, जे. व्ही. काझी, आर. एस. बजाज, उपाधीक्षक अभियंता आनंद बिराजदार, उप कार्यकारी अभियंता एस. पी. पन्हाळे, आर. यू. कानडे, उपअभियंता आर. बी. कुलकर्णी, ए. व्ही. बेंद्रे, एन. व्ही. खंडवे, पी. एस. दळवी, प्रफुल्ल पझारे, प्रयास यूथ फाऊंडेशनचे स्वयंसेवक आरती तोरड, केतकी कुलकर्णी, शिवानी देशपांडे, विक्रां नखाते, पुष्पक हुरपडे, राजश्री सावळे, सायली चौधरी, सिद्धार्थ इंगळे आदींची उपस्थिती होती.

मोबाइल अॅप डाउनलोड करा आणि राहा अपडेट

‘नॉट फॉर सेल’औषधी हतनूरमध्ये विक्रीला

July 5, 2017, 2:30 pm

≫ Next: संत एकनाथ साखर कारखान्यात वाद चिघळणार

≪ Previous: प्रयासतर्फे वृक्षारोपण

$

0

0

म. टा. प्रतिनिधी, कन्नड
तालुक्यातील हतनूर येथील पशू वैद्यकीय दवाखान्यात शेतकऱ्यांची आर्थिक लुबाडणूक होत असल्याचे निदर्शनास आले आहे. या दवाखान्यातून ‘नॉट फॉर सेल’ची औषधी पशू पालकांकडून पैसे घेऊन दिली जात आहेत.
यामुळे सर्वसामान्य शेतकऱ्यांची लुबाडणुकीबरोबरच जनावरांचा उपचार महागडा होत चालल्याचे दिसून येत आहे.
जिल्हा परिषदच्या पशू संवर्धन विभागाचा हतनूर येथे पशू वैद्यकीय दवाखाना आहे. येथे हतनूर, टापरगाव, रुईखेडा, शिवराई, बनशेंद्रा येथील शेतकरी व पशू पालक जनावरांसाठी औषधी घेऊन जातात. रुईखेडा येथील शेतकरी संतोष मधुकर नकते यांना शेळ्या व इतर जनावरांसाठी जंतनाशकाची औषधी हवी होती. त्यांनी पशुवैद्यकीय अधिकारी विजय मोखडे यांच्याकडे मागणी केल्यानंतर त्यांना ‘सिफलबेन’ (अल्बेंडाझॉल) नावाची एक लिटरची जंतनाशक औषधीची बाटली देण्यात आली. त्यासाठी या शेतकऱ्याकडून एक मिलीसाठी एक रुपया या हिशेबाने शंभर रुपये व इतर शासकीय खर्चापोटी ५० रुपये वसूल केले. या बाटलीवर ‘नॉट फॉर सेल’, असे स्पष्ट लिहलेले आहे. ही बाब संतोष नकते यांनी ग्रामस्थांना सांगितली. याबाबत तालुका पशुवैद्यकीय अधिकारी डॉ. चव्हाण यांच्याशी संपर्क साधण्याचा प्रयत्न केला असता संपर्क होऊ शकला नाही.

पशू वैद्यकीय दवाखान्यात जंतनाशक औषधीसाठी माझ्याकडून दीडशे रुपये घेण्यात आले. त्यावेळी एक मिलीसाठी एक रुपया शासनाकडे जमा करावा लागतो, असे सांगण्यात आले.
-संतोष नकते, शेतकरी, रुईखेडा

मोबाइल अॅप डाउनलोड करा आणि राहा अपडेट

संत एकनाथ साखर कारखान्यात वाद चिघळणार

July 5, 2017, 2:30 pm

≫ Next: सिल्लोड तालुक्यात पाऊस गायब; पिके धोक्यात

≪ Previous: ‘नॉट फॉर सेल’औषधी हतनूरमध्ये विक्रीला

$

0

0

म. टा. प्रतिनिधी, पैठण
संत एकनाथ सहकारी साखर कारखान्याच्या संचालकानी एका खासगी कंपनीच्या मदतीने कारखाना सुरू करण्याच्या हालचाली सुरू केल्या आहेत. पण, माझ्यासोबतचा करार रद्द झाल्याशिवाय कोणीच कारखाना सुरू शकत नाही, असा पावित्रा सचिन घायाळ यांनी घेतल्याने हे प्रकरण चिघळत आहे. या वादात यंदाही कारखाना बंद राहण्याची शक्यता व्यक्त होत आहे.
सचिन घायाळ शुगर प्रा. लि. कंपनीने संत एकनाथ सहकारी साखर कारखाना १८ वर्षांसाठी भागीदारी करारावर चालवण्यासाठी घेतला आहे. मात्र कंपनी, कारखाना चेअरमन-संचालक, कामगार यांच्यात वाद झाल्याने गेल्या वर्षी कारखाना बंद राहिला.
कारखान्याचे चेअरमन तुषार शिसोदे हे एका खासगी कंपनीच्या मदतीने कारखाना सुरू करण्याच्या प्रयत्न करत आहेत. यावर प्रतिक्रया देताना सचिन घायळ म्हणाले, गेल्या वर्षी चेअरमन, संचालक व कामगारांनी अडचण केल्याने कारखाना सुरू करू शकलो नाहीत. हे प्रकरण आम्ही कोर्टात दाखल केले आहे. यावर्षी कारखाना सुरू करायचा आहे. तो कोणत्याही परिस्थितीत सुरू करा, असे ते म्हणाले. कारखान्याचे चेअरमन शिसोदे हे खासगी कंपनीच्या मदतीने कारखाना सुरू करणार असल्याचे सगळीकडे सांगून शेतकरी व कमगारांची फसवणूक करीत आहेत. आमच्या कंपनीसोबतचा करार रद्द झाल्याशिवाय कोणीच कारखाना सुरू करू शकत नाही, असा दावा घायाळ यांनी केला. दरम्यान, चेअरमन व कंपनीने यावर्षी कारखाना सुरू करणार असल्याचे जाहीर केल्याने व दोन्ही गट त्यांच्या भूमिकांवर ठाम असल्याने दोघातील वाद चिघळला आहे. परिणामी, याही वर्षी संत एकनाथ साखर कारखाना बंद राहण्याची शक्यता वाढली आहे.

साखर आयुक्तांकडे लवाद
कारखान्याचे चेअरमन तुषार शिसोदे म्हणाले, गेल्या वर्षी कारखाना बंद राहिल्याने तालुक्यातील शेतकऱ्यांचे खूप नुकसान झाले. यंदाही कारखाना सुरू करण्यासाठी सचिन घायळ कंपनीने कोणतेही पाऊल उचलले नाही. त्यामुळे आम्ही कारखाना सुरू करण्याचा प्रयत्न करत आहोत. घायळ कंपनीने करारातील अनेक अटीचा भंग केला असून तो रद्द व्हावा यासाठी आम्ही साखर आयुक्ताकडे लवाद दाखल केला आहे. त्यानुसार हा करार लवकरच रद्द होणार आहे.यावर्षी आम्ही कोणत्याही परिस्थितीत कारखाना सुरू करणार असा विश्वास त्यांनी व्यक्त केला.

मोबाइल अॅप डाउनलोड करा आणि राहा अपडेट

सिल्लोड तालुक्यात पाऊस गायब; पिके धोक्यात

July 5, 2017, 2:30 pm

≫ Next: खुलताबादचे विद्यार्थी सिंगापूरच्या दौऱ्यावर

≪ Previous: संत एकनाथ साखर कारखान्यात वाद चिघळणार

$

0

0

म. टा. प्रतिनिधी, सिल्लोड
गेल्या आठ दिवसांपासून राज्याच्या काही भागात पाऊस पडत असताना सिल्लोड तालुका मात्र कोरडा आहे. ढगाळ वातावरण असल्याने पिके तगून आहेत. पण, पिकांना जोरदार पावसाची गरज आहे. पावसाअभावी पिकांची वाढ खुटल्याने यंदा उत्पादनावर परिमाण होणार आहे.
सिल्लोड तालुक्यात मृग नक्षत्रातील जोरदार पावसानंतर शेतकऱ्यानी पेरण्या उरकल्या आहेत. त्यानंतर पाऊस गायब झाल्याने शेतकऱ्यांची चिंता वाढली आहे. गेल्या आठवड्यापासून आभाळ भरून येत आहे, काही दिवस एकाद-दुसरी सर आली. पण, त्यामुळे पिकांची गरज भागत नाही. कापूस, मका, तूर, सोयाबीन, उडीद, मूग, मिरची ही पिके जोमदार आहेत. त्यांना आता वाढीसाठी पाण्याची गरज आहे. पण, फक्त आभाळ घोंगावत आहे, पाऊस पडत नसल्याने शेतकऱ्यांना पेरणी वाया जाण्याची भिती सतावत आहे. पावसाअभावी हलक्या जमिनीवरील पिके मोठ्या प्रमाणात सुकत आहेत. भारी जमिनीतील पिकांनाही माना टाकल्या आहेत. पावसाने ओढ दिल्याने मका, कापूस आदी पिकांत तुटा निर्माण झाल्याने शेतकऱ्यांना तोटा सहन करावा लागणार आहे. त्यामुळे लागवड केलेल्या झाडांची संख्या कमी झाली आहे. हजारो रुपये खर्च करून पेरणी केली. आता वाफसा येणाऱ्या वेळेस पावसाने तीन आठवड्यापासून दडी मारल्याने शेतकरी चिंताग्रस्त आहे. मागच्या आठवड्यात थोड्या फार प्रमाणात पडलेल्या पावसामुळे पिकांना संजिवनी मिळाली आहे. मात्र या पिकांच्या जोरदार वाढीसाठी मोठ्या पावसाची गरज आहे.

रोगांचा प्रादूर्भाव
सततच्या आभाळामुळे पिकांवर रोगींचाही प्रादुर्भाव होत आहे. त्यामुळे असलेली पिके जगविण्यासाठी शेतकऱ्यांना प्रयत्न करावा लागत आहे. तालुक्यातील नदी-नाल्यांना पूर
आणणाऱ्या पावसाची नितांत गरज आहे.

मोबाइल अॅप डाउनलोड करा आणि राहा अपडेट

---

खुलताबादचे विद्यार्थी सिंगापूरच्या दौऱ्यावर

July 5, 2017, 2:30 pm

≫ Next: पदवी अभ्यासक्रम प्रवेश अधांतरी

≪ Previous: सिल्लोड तालुक्यात पाऊस गायब; पिके धोक्यात

$

0

0

म. टा. प्रतिनिधी, खुलताबाद
येथील यशोदीप विद्या मंदिरचे आठ विद्यार्थी मंगळवारी रात्री ११ वाजता मुंबई विमानतळावरून सिंगापूर येथे अभ्यास दौऱ्यासाठी रवाना झाले. यावेळी विद्यार्थ्यांना शुभेच्छा देण्यासाठी मुंबई येथील वेगवेगळ्या क्षेत्रातील प्रशासकिय अधिकाऱ्यांची उपस्थिती होती. विद्यार्थ्यांसोबत संस्थेच्या अध्यक्षा डॉ. लक्ष्मी भारती, शिक्षक प्रीतम चव्हाण, स्वप्नील भारती हे आहेत.
शैक्षणिक गुणवत्तेच्या जागतिक क्रमवारीत युरोप व अमेरिकेला मागे टाकून पुढे गेलेल्या आशियाई देशांना भेटी देऊन तेथील शैक्षणिक गुणवत्तेचा अभ्यास करण्यासाठी राज्यातील विद्यार्थी व शिक्षक उत्सूक आहेत. ग्राम फॉर इंटरनॅशनल स्टुडंट असेसमेंट’च्या अहवालानुसार आशिया खंडातील सिंगापूर, जपान, दक्षिण कोरिया, हॉंगकाँग हे देश सर्वांत शिक्षणात पुढे आहेत. त्यामुळे खुलताबाद येथील यशोदीप विद्या मंदिरने गुणवत्तावाढीच्या पाहणीसाठी तेथे जाण्याचे ठरवले. या अहवालाचा उल्लेख राज्याच्या शैक्षणिक शासन निर्णयातही करण्यात आला आहे. पहिले चार क्रमांक पटकावणाऱ्या या देशांमधील शिक्षण पद्धती नेमकी कशी आहे, विद्यार्थ्यांना ते कसे शिकवतात, कोणत्या पद्धती, साधनांचा वापर करतात, आपण कुठे कमी पडतो या प्रश्नांची उत्तरे शोधण्यास विद्यार्थी व शिक्षक उत्सूक आहेत. संस्थेच्या अध्यक्षा लक्ष्मी भारती यांनी विद्यार्थी व शिक्षकांना या देशांत जाऊन अभ्यास करून येण्यासाठी प्रवृत्त केले आहे. हा अभ्यास दौरा काही स्वंयसेवी संस्थांचे सहकार्य, विद्यार्थ्यांचे पालक, शिक्षक यांच्या खर्चातून होत आहे. या दौऱ्यात सिंगापूरच्या शाळाभेटी आणि कार्यशाळांचा समावेश आहे.

मोबाइल अॅप डाउनलोड करा आणि राहा अपडेट

पदवी अभ्यासक्रम प्रवेश अधांतरी

July 5, 2017, 2:30 pm

≫ Next: ‘मासिआ’चा वाळूजमध्ये ‘ऑक्स‍िजनरीच’प्रकल्प

≪ Previous: खुलताबादचे विद्यार्थी सिंगापूरच्या दौऱ्यावर

$

0

0

म. टा. प्रतिनिधी, औरंगाबाद
बारावी अभ्यासक्रमांचा निकाल जाहीर होऊन तब्बल ३५ दिवस उलटले, तरी डॉ. बाबासाहेब आंबेडकर मराठवाडा विद्यापीठाने पदवी अभ्यासक्रमाचे प्रवेशाचे वेळापत्रकच जाहीर केले नाही. कॉलेजांनी हमीपत्र भरून घेऊन ऑफलाइन प्रवेशाची प्रक्रिया सुरू केली. विद्यापीठाने प्रवेश नाकारल्यास जबाबदारी विद्यार्थ्यांची असेल, असे हमीपत्रात स्पष्ट करण्यात आल्याने विद्यार्थी, पालक संभ्रमात आहेत.
माध्यमिक व उच्चमाध्यमिक शिक्षण मंडळातर्फे बारावीचा निकाल ३० मे रोजी जाहीर झाला. त्यानंतर त्यावर आधारित विविध अभ्यासक्रमांची प्रवेश प्रक्रिया संपत आल्या, तरी विद्यापीठाने पदवी अभ्यासक्रमांच्या प्रवेशाचे वेळापत्रकच जाहीर केले नाही. त्यामुळे नवा पेच निर्माण झाला आहे. विद्यार्थी, पालकांचा रेटा लक्षात घेत कॉलेजांनी आपल्याच स्तरावर प्रवेश प्रक्रिया ऑफलाइन पद्धतीने सुरू केली आहे. त्यातही विद्यार्थ्याच्या जबाबदारीवरच प्रवेश दिले जात आहे. पदवी अभ्यासक्रमांचे प्रवेश दरवर्षी ऑनलाइन घेतल्या जातात. यंदा ऑनलाइन प्रवेश कसे घ्यायचे, त्याचे वेळापत्रकच जुलैचा पहिला आठवडा संपत आला तरी देण्यात आले नाही. किती दिवस वाट पाहणार, असा विचार करून कॉलेजांनी प्रवेशाची प्रक्रिया सुरू केली.

विद्यार्थ्यांकडून हमीपत्र
कॉलेज विद्यार्थ्यांकडून हमीपत्र भरून घेत प्रवेश देत आहेत. त्यामध्ये ‘डॉ. बाबासाहेब आंबेडकर मराठवाडा विद्यापीठाची प्रथमवर्षाची प्रवेश नोंदणी वेबसाइट सुरू नसल्यामुळे ऑनलाइन रिजस्ट्रेशन फॉर्म भरता येत नाही. ज्यावेळी ऑनलाइन रजिस्ट्रेशन विद्यापीठाच्या वेबसाइटवर सुरू होईल, त्यावेळी मी, स्वतः माझा फॉर्म भरून त्याची हार्डकॉपी कॉलेजला सादर करेन. तोपर्यंत माझा प्रवेश निश्चित होणार नाही, याची मला जाणीव आहे. ऑनलाइन रजिस्ट्रेशन हार्डकॉपी कॉलेजास सादर न केल्यास माझा प्रवेश रद्द करण्यात यावा. सध्या माझा प्रवेश ऑफलाइन करून फी स्वीकारण्यात यावा,’ असे हमीपत्रात म्हटले आहे.

पदवी अभ्यासक्रमाच्या प्रवेशासाठी किती दिवस थांबायचे. विद्यार्थी, पालक गोंधळात आहेत. रोज विचारणा करीत आहेत. त्यामुळे आम्ही प्रवेश प्रक्रिया सुरू केली. आमची सुरक्षित बाजू म्हणून आम्ही विद्यार्थ्यांकडून हमीपत्र भरून घेत आहोत. विद्यापीठाकडून सूचना येतील तेव्हा ऑनलाइन नोंदणीची प्रक्रिया केली जाईल. सध्यातरी त्यांच्याकडून तशा सूचना नाहीत. सुरुवातीला दोन तारखा दिल्या, आतातर बोलतही नाहीत.
- डॉ. जे. एस. खैरनार, प्राचार्य, सरस्वती भुवन कॉलेज

बारावीचा निकाल जाहीर होऊन महिना झाला.‌ निकाल जाहीर झाला की, विद्यार्थी, पालकांची लगबग सुरू होते. आम्हाला दोन तारखा जाहीर केल्या, पण त्या पाळल्या नाहीत. तोपर्यंत आम्ही विद्यार्थी, पालकांना काय सांगायचे, असा प्रश्न आहे. त्यामुळे ऑफलाइन आम्ही अर्ज स्वीकारले आणि विद्यापीठाने प्रवेश नाकारले तर, जबाबदारी तुमची असेल, अशा सूचना विद्यार्थ्यांना दिल् आहेत.
- डॉ. शिवाजी थोरे, प्राचार्य, देवगिरी कॉलेज

यंदा उत्तीर्ण झालेले विद्यार्थी
शाखा....................उत्तीर्ण विद्यार्थी
विज्ञान....................६८१८०
वाणिज्य.................१२१६०
कला.......................५६३८७
व्होकेशनल..............४७०५

प्रवेश क्षमता
बीए...............................९४०००
बीएस्सी..........................५३,६००
बीकॉम...........................१९५४५
बीएस्सी कम्प्युटर सायन्स..१५४७९
बीएस्सी सायन्स................१५९०
बीएस्सी बायोटेक..............१०२५
बीएस्सी आयटी................२१५०

मोबाइल अॅप डाउनलोड करा आणि राहा अपडेट

‘मासिआ’चा वाळूजमध्ये ‘ऑक्स‍िजनरीच’प्रकल्प

July 5, 2017, 2:30 pm

≫ Next: शेतकऱ्यांप्रती सकारात्मक दृष्टीकोन ठेवा

≪ Previous: पदवी अभ्यासक्रम प्रवेश अधांतरी

$

0

0

म. टा. प्रतिनिधी, वाळूज
मासिआ या लघुउद्योजक संघटनेतर्फे ‘ऑक्स‍िजनरीच बजाजनगर वाळूज एमआयडीसी’ हा प्रकल्प एक वर्षभर राबवण्यात येणार आहे. स्वच्छ, सुंदर व हरित एमआयडीसी बनविण्यासाठी मासिआकडून प्रयत्न करण्यात येणार आहेत. या उपक्रमाला बुधवारी वृक्ष लागवड करून सुरुवात करण्यात आली.
मराठवाडा असोसिएशन ऑफ स्मॉल स्केल इंडस्ट्रीज अँड अॅग्रीकल्चरतर्फे काही वर्षांपासून स्वच्छ, सुंदर व हरित औद्योगिक शहर म्हणून वाळूज औद्योगिक व बजाजनगराची ओळख निर्माण करण्यासाठी प्रयत्न करण्यात येत आहेत. त्यासाठी गेल्या वर्षभरात वृक्ष लावगड तसेच उद्योजकांनी स्वच्छता मोहीम राबविली होती. त्याच धर्तीवर या वर्षीही स्वच्छता मोहीम राबवत ५० हजार झाडांची लागवड करण्याचा निर्धार यावेळी करण्यात आला.
‘मासिआ’च्या वतीने बुधवारी आमदार अतुल सावे, एमआयडीसीचे मुख्य अभियंता के. आर. नागपुरे, प्रादेशिक अधिकारी सोहम वायाळ, कार्यकारी अभियंता आर. एस. कुलकर्णी, प्रदूषण नियंत्रण बोर्डाचे उपप्रादेशिक अधिकारी जयंत कदम, सीएमआयएचे अध्यक्ष प्रसाद कोकीळ, ‘मासिआ’चे अध्यक्ष सुनील किर्दक आदी मान्यवरांच्या हस्ते वृक्ष लागवड करून ‘ऑक्स‍िजनरीच बजाजनगर वाळूज एमआयडीसी’ मोहिमेला सुरवात करण्यात आली. यावेळी सीआयआयचे संदीप नागोरी, टी. एन. कुंदकार, श्रीराम शिंदे, रांजणगावचे उपसरपंच मोहिनीराज धनवटे, मासिआचे माजी अध्यक्ष अशोक काळे, सुनील भोसले, उपाध्यक्ष डी. एल. राजळे, किशोर राठी, सचिव अनिल पाटील, किरण जगताप, गजानन देशमुख, अब्दुल शेख, सचिन गायके, राहुल मोगेल, अर्जून गायकवाड, सुमित मालपाणी, विकास पाटील, सर्जेराव साळुंके, नारायण पवार, संजय काकडे, शरद चोपडे, सुरेश कुदाकर, मनीष अग्रवाल आदींची उपस्थिती होती.

मोबाइल अॅप डाउनलोड करा आणि राहा अपडेट

शेतकऱ्यांप्रती सकारात्मक दृष्टीकोन ठेवा

July 5, 2017, 2:54 pm

≫ Next: ​ नळदुर्ग किल्ल्यात बोटिंगसह गोल्फकार्ट कार

≪ Previous: ‘मासिआ’चा वाळूजमध्ये ‘ऑक्स‍िजनरीच’प्रकल्प

$

0

0

म. टा. प्रतिनिधी, जालना
नागपुर-मुंबई समृद्धी महामार्गाच्या अनुषंगाने शेतकऱ्यांच्या संपादित केलेल्या जमिनी तसेच संघर्ष समिती व शेतकऱ्यांनी नोंदविलेल्या आक्षेपासंदर्भात राज्याचे पशुसंवर्धन, मत्स्यव्यवसाय राज्यमंत्री अर्जुन खोतकर यांनी संबंधित विभागाच्या अधिकाऱ्यांची जिल्हाधिकारी कार्यालयाच्या सभागृहात बैठक घेतली. त्यासोबतच शेतकऱ्यांप्रती सकारात्मक दृष्टीकोन ठेवत काम करण्याचे निर्देश बुधवारी उपस्थित अधिकाऱ्यांना दिले.
या बैठकीला शिवसेनेचे जिल्हाप्रमुख भास्करराव आंबेकर, जिल्हाधिकारी शिवाजी जोंधळे, अपर जिल्हाधिकारी तथा प्रशासक जे. जी. मनियार, उपविभागीय अधिकारी केशव नेटके, कार्यकारी अभियंता उदय भराडे, बदनापुरचे तहसीलदार प्रवीण पांडे, जिल्हा अधीक्षक कृषी अधिकारी दशरथ तांभाळे, अॅड. संजय काळबांडे, उपअधीक्षक भुमी अभिलेख ए. एस. उजगरे, जालन्याचे तहसीलदार विपीन पाटील, कृती समितीचे रवी मदन, विलास टेकाळे, प्रशांत गाढे, प्रशांत गाडेकर, भाऊसाहेब घुगे आदींची उपस्थिती होती.
यावेळी राज्यमंत्री खोतकर म्हणाले, ‘नागपुर-मुंबई समद्धी महामार्गसाठी जालना तसेच बदनापूर या तालुक्याच्या गावामधील शेतकऱ्यांच्या जमिनी संपादित करण्यासाठी मोजणी करण्यात आली आहे. ही जमीन केवळ रस्ता या एकाच प्रयोजनासाठी संपादित करण्यात येणार असल्याने त्याचा मावेजाही जमिनीचा दर्जा न पहाता समानरित्या शेतकऱ्यांना दिला गेला पाहिजे. मावेजामध्ये कुठल्याही शेतकऱ्यावर अन्याय होणार नाही यासाठी ही बाब राज्य सरकारच्या निदर्शनास आणुन देण्यात येणार आहेत.’
महामार्गासाठी संपादित करण्यात येणारी जमीन ही जिरायती, बागायती किंवा हंगामी बागायती आहे. हे गत दहा वर्षातील पिकांच्या परीक्षणानुसार ठरविण्यात येणार आहे. शेतकऱ्यांच्या शेतामधील फळझाडे, विहिरी, शेततळे आदींच्या नोंदी तातडीने सात-बाराच्या उताऱ्यावर करण्यात याव्यात. त्यासोबतच बदनापूर तालुक्यामध्ये शेतकऱ्यांच्या संपादित करण्यात येणाऱ्या शेतीमधील जंगली झाडांचे सर्व्हेक्षण करण्यात आले नसल्याच्या अनेक शेतकऱ्यांच्या तक्रारी येत आहेत. यावर वनविभागाने ज्या-ज्या शेतकऱ्यांच्या शेतामध्ये जंगली झाडे असतील त्या ठिकाणचे सर्व्हेक्षण करून त्याचे मुल्यांकन तातडीने करण्याचे निर्देशही राज्यमंत्री खोतकर यांनी उपस्थित अधिकाऱ्यांना दिले.
महामार्गाच्या जमीन संपादनासाठी सर्व अधिकाऱ्यांच्या उपस्थितीमध्ये संयुक्तरित्या मोजणी करण्यात आली असून त्याचे परिशिष्ठ-१६ ही तयार करण्यात आलेले आहे. परंतु, काही विभागाचे अधिकारी परत त्या शेतकऱ्याच्या शेतामध्ये जाऊन चौकशी करत असल्याच्याही अनेक शेतकऱ्यांनी तक्रारी केल्या आहेत. राज्य सरकार नियमाप्रमाणे आवश्यक त्या ठिकाणी चौकशी करावी. परंतु, अधिकाऱ्यांनी शेतकऱ्यांना विनाकारण त्रास न देता शेतकऱ्यांप्रती सकारात्मक दृष्टीकोन ठेऊन तसेच त्यांना विश्वासात घेऊन काम करण्याच्या सूचना राज्यमंत्री खोतकर यांनी यावेळी अधिकाऱ्यांना केल्या. या बैठकीस उपस्थित असलेल्या संघर्ष समितीच्या पदाधिकाऱ्यांनी त्यांचे या संदर्भात असलेले आक्षेप या बैठकीत मांडले.
मुंबई-नागपूर समृद्धी महामार्ग बदनापूर आणि जालना तालुक्यातील २५ गावातील शिवारातून जात आहे. गतवर्षीच्या डिसेंबर महिन्यात संयोजक मोजणी झाली आहे. या प्रकल्पांत साधारण चारशे शेतकऱ्यांच्या सहाशे हेक्टर जमिनी संपादित करण्यासाठी यंत्रणा कामाला लागलेली आहे. यासंदर्भात शेतकरी संघर्ष समिती स्थापन करून जमिनी संपादनासाठी जोरदार विरोध सुरू आहे.
राज्यमंत्री अर्जुन खोतकर यांनी या संदर्भात बुधवारी जिल्हाधिकारी कार्यालयात विशेष बैठक घेऊन संघर्ष समितीच्या पदाधिकाऱ्यांना आणि संबंधित अधिकाऱ्यांना समोरासमोर बसवले. दरम्यान, शिवसेना पक्षप्रमुख उध्दव ठाकरे यांनी गेल्या गेल्या आठवड्यात रामनगर (ता. जालना) येथे कर्जमाफी झाली. त्यासंदर्भातील झालेल्या त्यांच्या सत्कारात समृद्धी महामार्गाला स्पष्ट शब्दांत विरोध करून या खात्याचे मंत्री एकनाथ शिंदे यांना पाठवून शेतकऱ्यांच्या सगळ्या मागण्या पूर्ण करण्याचे आदेश देत आहोत असे जाहीर केले होते.

अधिकाऱ्यांनी फसवणूक चालवली आहे. पायाभूत किंमत रेडीरेकनरच्या पाचपट दर आम्हाला मान्य नाही, बाजारभावाच्या पाचपट दर मिळाला पाहिजे, निम्मी जमीन बाजारभावाने आणि बाकीचे लँड पुलिंग असा पर्याय असू शकतो. गेल्या डिसेंबरमध्ये झालेल्या संयुक्त मोजणीच्या रेकॉर्डनुसार बागायती फळझाडे, विहिरी, शेततळयाचा मावेजा मिळाला पाहिजे, आता काही अधिकारी नव्याने मोजणी व पाहणी करण्यासाठी चकरा मारत असतील तर ते मान्य नाही.
भाऊसाहेब घुगे. समन्वयक,
समृध्दी महामार्ग शेतकरी संघर्ष समिती,बदनापूर.

मोबाइल अॅप डाउनलोड करा आणि राहा अपडेट

​ नळदुर्ग किल्ल्यात बोटिंगसह गोल्फकार्ट कार

July 5, 2017, 2:57 pm

≫ Next: अनुदान घोटाळ्यातील २८ आरोपी फरार

≪ Previous: शेतकऱ्यांप्रती सकारात्मक दृष्टीकोन ठेवा

$

0

0

मोतीचंद बेदमुथा, उस्मानाबाद
उस्मानाबाद जिल्ह्यातील ऐतिहासिक नळदुर्ग किल्ल्याचे रुपडे पालटत असून, येथे पर्यटकांना आकर्षित करण्यासाठी विविध सोयी सुविधा उपलब्ध
करून दिल्या जात आहेत. परिणामी येथे येणाऱ्या पर्यटकांच्या संख्येत सातत्याने वाढ होत असून येथील नदीपात्राचे खोलीकरण व रुंदीकरण करण्यात आले असून यामध्ये बोटिंगची सुविधा उपलब्ध करून देण्यात आली आहे. याशिवाय ज्येष्ठ नागरिकांना किल्यात फेरफटका मारण्यासाठी ‘गोल्फकार्ट कार’ची सुविधा उपलब्ध करून देण्यात आली आहे.
नर-मादी धबधबा ही उस्मानाबाद जिल्ह्यातील नळदुर्गच्या किल्ल्याची ओळख होती. पावसाळ्यात या किल्ल्यातील नरमादी धबधब्याचा आनंद लुटण्यासाठी
पर्यटक येथे मोठ्या संख्येने येतात. मात्र, गेल्या काही वर्षांत या किल्याचे वैभव नष्ट होण्याच्या मार्गावर होते. याशिवाय सततच्या दुष्काळामुळे व पाणीटंचाईमुळे
येथील धबधब्याचा आंनद लुटण्यावरही मर्यादा आल्या होत्या. परिणामी हा किल्ला अखेरची घटका मोजत होता. या किल्ल्यात अनेकांनी अतिक्रमण करून या किल्ल्याचा ऐतिहासिक वारसा नष्ट करण्याचा चंग बांधला होता. पावसाळ्यात दोन-तीन आठवडे वगळता वर्षभर किल्ल्यात येणाऱ्या पर्यटकांची संख्याही नगण्यच अशी होती. मात्र, आता या किल्ल्याला युनिटी मल्टिकॉन्ससकडून पंचतारांकित लूक देण्यात येवू लागल्याने येथे पर्यटकांचा ओघ सुरू झाला आहे. युनिटीच्या माध्यमातून किल्ल्यात येणाऱ्या पर्यटकासाठी वाहन पार्किंगची व्यवस्था करण्यात आली आहे. किल्ल्याच्या तटबंदीवर व
किल्ल्यात सर्वत्र वाढलेली झाडे-झुडपे काढून टाकण्यात आल्यामुळे सर्वत्र स्वछतेचा वावर सुरू आहे. हा किल्ला युनिटी मल्टिकॉन्स या नामांकित कंपनीने संगोपनार्थ घेतल्याने त्यांनी अशक्य वाटणारे असे बदल घडवून आणत या किल्ल्याचा चेहरामोहरा बदलून टाकला आहे. देश-विदेशातील पर्यटकांना आकर्षित करण्यासाठी येथे अकल्पनिय असे बदल घडवून, हा किल्ला आता
पर्यटकांचे आकर्षण केंद्र बनले आहे. हा किल्ला व येथील परिसर आता मनोरंजनाचे केंद्र बनू लागला आहे.

क्रीडा प्रकाराला प्रोत्साहन
हा ऐतिहासिक किल्ला पाहण्यासाठी येणाऱ्या पर्यटकांचे मनोरंजन देखील व्हावे,यासाठी युनिटी मल्टिकॉन्सने येथे क्रीडा क्षेत्रातील साहसी क्रीडा प्रकार येथे उपलब्ध करून दिले आहेत. महाराष्ट्रात सर्वात मोठी सुमारे ६०० मीटर लांबीची झिपलाइन वायररोप उपळी बुरुज ते परंडा बुरुज ही येथे सुरू करण्यात
येत आहे. येथे सध्या बोटिंग सुरू करण्यात आली आहे. ज्येष्ठ नागरिकांना किल्ल्यात फेरफटका मारण्यासाठी गोल्फकार्ट कारची सुविधा उपलब्ध करून देण्यात आली आहे. त्याचबरोबर येथे रायफल शुटिंग, रोप क्लायबिग, पराग्लायडिंग, चक्रव्यूह, आर्चरी, गिर्यारोहण, स्विमिंग याचबरोबर लहान मुलांसाठीचे विविध खेळ येथे उपलब्ध करून दिले आहेत.

लक्षवेधी बगीचाची निर्मिती
याशिवाय येथे येणाऱ्या पर्यटकांना परिसराचा आनंद लुटता यावा शिवाय त्यांचे मनोरंजन व्हावे म्हणून किल्ल्यातील सर्व रस्त्यावर सुंदर व आकर्षक झाडे लावली आहेत. तसेच लक्षवेधी बगीचे करून शिवाय त्यामध्ये म्युझिक सिस्टिमवर आधारित संगीत कारंजे लावून पर्यटकांना आकर्षित करण्याचा प्रयत्न होत आहे. किल्ल्यात जागोजागी पिण्याच्या पाण्याबरोबरच स्वछतागृहाची सोय केली आहे. किल्ल्याच्या बाह्य तटबंदीस आकर्षक रोषणाई करण्यात येणार आहे. यामुळे या किल्ल्याचे पूर्वीचे संपूर्ण रुपडे पालटून त्याला पंचतारांकित लूक देण्याचा प्रयत्न युनिटी मल्टिकॉन्सचे कफिल मौलवी, भारत जैन, जयधवल करकमकर, अनिल पाटील ही मंडळी करताहेत. मात्र, याचवेळी किल्ल्यातील मूळ वास्तूला धक्का न लावता त्यांच्या अवशेषांचे पूर्णतः जतन करण्यात येत असल्याची माहिती युनिटीचे जनसंपर्क प्रमुख अनिल विपत यांनी दिली.

नर-मादी धबधब्याला अल्पसे पाणी
यंदा येथील नर-मादी धबधब्यातून अल्पसे पाणी वाहण्यास २७ जूनपासून सुरुवात झाली आहे. मात्र, हा धबधबा पूर्ण क्षमतेने ओसंडून वाहण्यासाठी बोरी धरण पूर्णपणे भरणे गरजेचे आहे.

नदीपात्रातील जलसाठा वाढला
युनिटीच्या माध्यमातून या किल्ल्याच्या भोवतीच्या बोरी नदीच्या पात्राचे खोलीकरण व रुंदीकरण करण्यात आले आहे. या नदीच्या पात्रातील जलसाठा
वाढला असून, याचा लाभ परिसरातील शेतीला होवू लागला आहे.

मोबाइल अॅप डाउनलोड करा आणि राहा अपडेट