अकरावी ऑनलाइन प्रवेश प्रक्रियेत चौथी फेरी संपल्यानंतर मंगळवारी विशेष फेरीचे वेळापत्रक जाहीर करण्यात आले होते. आता चौथ्या फेरीला मुदतवाढ देण्यात आल्याचे बुधवारी शिक्षण विभागाने जाहीर केले. त्यामुळे विशेष फेरीचे वेळापत्रकही बदलले आहे. शिक्षण विभागाच्या गोंधळामुळे विद्यार्थी, पालकांसह कॉलेज व्यवस्थापनांमध्येही संभ्रम आहे.
ऑनलाइन अकरावी प्रवेश प्रक्रियेत चौथी फेरी आठ ऑगस्टला संपली. प्रवेशाच्या चार फेऱ्या पूर्ण होत असल्याने विशेष फेरीही जाहीर करण्यात आली. त्याचे वेळापत्रक मंगळवारी जाहीर करण्यात आले. त्याची तयारी सुरू असताना बुधवारी चौथ्या फेरीलाच मुदतवाढ देण्यात आल्याचे नवे वेळापत्रक शिक्षण विभागाने जाहीर केले. शिक्षण विभागाचा प्रवेश प्रक्रियेतील गोंधळ चार फेऱ्यांनंतरही सुरूच असल्याने विद्यार्थी, पालक संभ्रमात आहेत. आता नव्या वेळापत्रकानुसार दहा ऑगस्ट दुपारी दोनपर्यंत चौथ्या फेरीतील विद्यार्थ्यांना कॉलेजमध्ये जाऊन प्रवेश घेता येतील. प्रारंभी सात व आठ ऑगस्टपर्यंत ही मुदत होती. हे वेळापत्रक जाहीर झाल्याने विशेष फेरीचे वेळापत्रकातही काहीसे बदल झाले आहेत. दहा ऑगस्टला सकाळी रिक्त जागांची यादी जाहीर होणार होती ती आता सायंकाळी पाच वाजता जाहीर केली जाईल. त्याचे नवे वेळापत्रकही जाहीर केले जाणार आहे.
विशेष फेरीतही बदल होणार
विशेष फेरी दहा ऑगस्टपासून सुरू होणार अाहे. नव्या बदलामुळे हे वेळापत्रकही बदलण्याची शक्यता आहे. त्याचे वेळापत्रक शिक्षण विभागाने जाहीर केले नाही. त्यात दुपारी रिक्त जागांची यादी जाहीर केली जाणार होती. आता ती सायंकाळी पाच वाजता जाहीर केली जाणार आहे. पूर्वी दुपारी दोनपासून विद्यार्थ्यांना नवे पर्याय देता येतील, असे सांगण्यात आले होते. यातही बदल केला जाणार आहे. त्याचे वेळापत्रक लवकरच जाहीर केले जाणार आहे.
चौथ्या फेरीतील स्थिती
शाखा.... अॅलॉटमेंट....प्रवेश..
कला..........३५१.......२०५
कार्मस........६२९.......३७३
एमसीव्हीसी.१६८.......११८
विज्ञान........२५३८.....९६३
एकूण अॅलॉटमेंट.....३६८६
प्रवेश....................१६५९
मोबाइल अॅप डाउनलोड करा आणि राहा अपडेट
