म. टा. प्रतिनिधी, वैजापूर
तालुक्यातील चार ग्रामपंचायतीच्या निवडणुकांचे निकाल बुधवारी तहसील कार्यालयात झालेल्या मतमोजणीनंतर जाहीर करण्यात आले. अव्वलगाल हमरापूर, वांजरगाव व बाबतरा या तीन ग्रामपंचायती ताब्यात घेतल्याचा दावा शिवसेनेने केला आहे.
या चार ग्रामपंचायतीसाठी मंगळवारी मतदान घेण्यात आले. तहसील कार्यालयाच्या प्रांगणात बुधवारी सकाळी मतमोजणी करण्यात आली. निकाल ऐकण्यासाठी ग्रामस्थांनी गर्दी केली होती. निवडणूक अधिकारी व्ही. पी. पंडित व जी. एम. चुकेवाड यांच्या मार्गदर्शनाखाली मतमोजणी करून सकाळी अकरा वाजता निकाल घोषित करण्यात आले. पुरणगावच्या सरपंचपदी विद्या प्रवीण कसबे (अनुसूचित जाती महिला राखीव) या विजयी झाल्या. सदस्यपदी रमेश बबन लाहिरे, पुष्पाबाई राजेंद्र ठोंबरे, रुख्मिणीबाई काशिनाथ कोसे, बापुसाहेब संदीप गरूड, सीताबाई रामराव कसबे, ज्योती संदीप ठोंबरे, रोहिणी रामकृष्ण लोखंडे हे विजयी झाले. बाबतराच्या सरपंचपदी मनीषा लक्ष्मण मुकिंद (सर्वसाधारण महिला राखीव), सदस्यपदी सुनीता साहेबराव घोडके, अनिल बाबासाहेब बावके, सरुबाई राधाकिसन गंगुले, काशिनाथ जगन्नाथ मुकिंद, नानासाहेब चांगदेव मुकिंद, पल्लवी बबन मोरे, कांताबाई केशव धुमाळ, अवलगाव हमरापूरच्या सरपंचपदी नंदाबाई संजय मोरे (अनुसूचित जमाती महिला), सदस्यपदी जीजाबाई गंगाधर शिनगारे, कमल भास्कर मंडलिक, बाळासाहेब अशोक सवाई, विजय रामचंद्र येवले, दीपाली अरूण मोरे, योगिता चंद्रकांत सवाई, लताबाई बहिरनाथ, दीक्षा प्रदीप पठारे, संजय रामचंद्र मोरे, वांजरगावच्या सरपंचपदी किशोर मच्छिंद्रनाथ केळेकर (ओबीसी राखीव), सदस्यपदी अशोक रामराव गागरे, निर्मलाबाई पंढरीनाथ शिंदे, वंदना संजय नांगळ, नामदेव जनार्धन त्रिभुवन, अशोक काशिनाथ वाकळे, नंदाबाई विठ्ठळ कासार, देवुबाई ज्ञानदेव शिंदे, रिना भारत त्रिभुवन, आरेफा रशीद सय्यद हे विजयी झाले. पुरणगाव ग्रामपंचायतीमध्ये ७ पैकी पाच सदस्य, बाबतरामध्ये सातपैकी तीन सदस्य व अव्वलगाव हमरापूर या ग्रुप ग्रामपंचायतीत नऊपैकी तीन सदस्य बिनविरोध निवडून आले.
शिवसेनेतर्फे सत्कार
माजी आमदार आर. एम. वाणी यांनी अवलगाव हमरापूर व वांजरगाव या ग्रामपंचायतीच्या नवनिर्वाचित सदस्यांचा संपर्क कार्यालयात सत्कार केला. याप्रसंगी तालुकाप्रमुख रमेश पाटील बोरनारे, बाबासाहेब जगताप, रमेश सावंत, भाऊसाहेब गलांडे, प्रभाकर जाधव आदींची उपस्थिती होती.
पहिले थेट सरपंच
राज्य सरकारच्या निर्णयानंतर पहिल्या टप्प्यातील या चार ग्रामपंचायतींमध्ये सरपंचांची थेट निवडणूक घेण्यात आली. या निवडणुकीत पुरणगावच्या सरपंचपदी विद्या प्रवीण कसबे, बाबतराच्या सरपंचपदी मनीषा लक्ष्मण मुकिंद, अवलगाव हमरापूरच्या सरपंचपदी नंदाबाई संजय मोरे व वांजरगावच्या सरपंचपदी किशोर मच्छिंद्रनाथ केळेकर हे विजयी झाले.
मोबाइल अॅप डाउनलोड करा आणि राहा अपडेट
