पैठणमध्ये संमिश्र कौल; भाजपला नाकाराले
१३ जागी शिवसेनेचे सरपंच, आठ ग्रामपंचायती राष्ट्रवादीच्या ताब्यात
म. टा. प्रतिनिधी, पैठण
तालुक्यातील २२ ग्रामपंचायत निवडणुकीच्या निकालात, मतदारांनी समिश्र कौल दिला. शिवसेना व राष्ट्रवादी समर्थित पॅनलमध्ये मुख्य लढत झाली तर भाजप समर्थित पॅनलला ग्रामीण भागातील मतदारांनी नाकारल्याचे चित्र निकालावरून पहावयास मिळाले.
सोमवारी तहसील कार्यालय येथे १२ टेबलावर व सात फेऱ्यात जवळपास दोन तासांत मतमोजणी पूर्ण झाली. अपेक्षेप्रमाणे या २२ ग्रामपंचायत २२ ग्रामपंचायती पैकी देवगाव, धनगाव, दिन्नापूर, हिरापूर, कृष्णापूर, शेकटा, तारूपिपळवाडी, वरवडी, मुधलवाडी, सालवडगाव, कुरणपिपरी, बिडकीन व जाभळी या १३ ग्रामपंचायतीवर शिवसेना पुरस्कृत पॅनलचे सरपंच निवडून आल्याचा दावा आमदार संदीपान भुमरे यांनी केला आहे.
बोकुड जळगाव, वरवंडी, पोरगाव, गेवराई बाशी, धुपखेडा, चिंचाळा, आडूळ व नारायणगाव या आठ ग्रामपंचायती राष्ट्रवादी समर्थित पॅनलच्या ताब्यात आल्याची माहिती माजी आमदार संजय वाघचौरे यांनी दिली. भाजप व काँग्रेस पक्षाला या निवडणुकीत अपेक्षेप्रमाने यश मिळाले नाही. भाजप व काँग्रेस पुरस्कृत पॅनलला अनुक्रमे टाकली पैठण व नांदर या प्रत्येकी एकच ग्रामपंचायत जिंकता आली.
सरपंच पदी विजयी झालेले उमेदवार आडुळ ः शेख शमीम नासेर, बोकुड जळगाव -रामेश्वर शंकर लोखंडे, चिंचाळा - सतिष मुरलीधर काळे, दरेगाव - मंगल रामलाल कोठुळे, धनगाव - मीराबाई बापूसाहेब कातबने, धुपखेडा - कैलास यादवराव वाघचौरे, दिन्नपूर - बाबुराव माणिकराव खाटीक, गेवराई बार्शी - सुकन्या सखाराम वाघ, हिरापूर - इंदूबाई प्रभाकर लेंडे, जांभळी - गणेश शामा राठोड, कृष्णापूर - विष्णू बाबासाहेब जाधव, नांदर - मीना किशोर वैद्य, नारायणगाव - संजय श्रीमंत गवळी, पोरंगाव - दत्तात्रय मनोहर रंगदाळ, शेकटा - एकनाथ रंगनाथ भवर, टाकळी पैठण - महेश बाबासाहेब सोलाटे, तारू पिंपळवाडी - शिवाजी कल्याण कणसे, वरवंडी खुर्द - अशोक नांहुसिंग राठोड, मुधलवाडी - काकासाहेब बाबासाहेब बर्वे, सालवडगाव - चंद्रकला अंगद दळवे, कुरानपिंप्री - आस्मा रफीक पटेल
बिडकीन - सारिका मनोज पेरे
तालुक्यातील सर्वात मोठी असलेल्या बिडकिन ग्रामपंचायत निवडणुकीत शिवसेनेचे दोन गट निवडणुकीत एकमेकांसमोर उभे राहिल्याने संपूर्ण जिल्ह्याचे या निवडणुकीकडे लागले होते. येथे मनोज पेरे गटाने बाजी मारली. त्यांच्या पत्नी सारिका पेरे यांनी विरोधी गटाच्या उषा धर्मे यांचा १२५२ मतांनी पराभव केला. तर ग्रामपंचायत निवडणुकीत विद्यमान आमदारांच्या गटाच्या विरोधात कौल देण्याची परंपरा आडूळच्या गावकऱ्यांनी याही निवडणुकीत कायम ठेवली. आमदार गटाच्या सिंधुताई पिवळ यांचा विरुद्ध गटाच्या शमीम शेख यांनी २१२ मतांनी पराभव केला.
मोबाइल अॅप डाउनलोड करा आणि राहा अपडेट
