‘समृद्धी’साठी १५५ हेक्टर संपादित

December 11, 2017, 1:30 pm

≫ Next: किडनीप्राप्त तरुणाची माणुसकीची हाक

≪ Previous: विद्यार्थी राहिले उपाशी

$

0

0

म. टा. प्रतिनिधी, वैजापूर
राज्य शासनाच्या महत्त्वाकांक्षी समृद्धी महामार्गासाठी जमीन संपादित करण्याच्या कामाला वैजापूर तालुक्यात वेग आला आहे. आतापर्यंत तालुक्यातील १५ गावांतील १५५ हेक्टर क्षेत्र संपादित करण्यात आले असून, शेतकऱ्यांना तब्बल १२५ कोटी रुपयांचे वाटप करण्यात आल्याची माहिती उपवीभागिय अधीकारी डॉ. संदीपान सानप यांनी दिली.

समृद्धी महामार्गासाठी तालुक्यातील डवाळा, अगरसायगाव, शिवराई, पालखेड, गोळवाडी, घायगाव, वैजापुर ग्रामीण, करंजगाव, कनकसागज, खंबाळा, सुराळा, हडसपिंपळगांव, दहेगाव, जांबरगाव, लासूरगाव या १५ गावांतील जमीन संपादित करण्यात येणार आहे. या गावांतून महामार्गाचा ४३ किलोमीटर अंतराचा रस्ता जातो. प्रशासनाने या गावातील जमिनीच्या संपादनाची प्रक्रिया सुरू केली आहे. शेतकऱ्यांच्या सकारत्मक प्रतिसादामुळे आतापर्यंत १५४.१०८३ हेक्टर क्षेत्रफळाची खरेदी करण्यात आली आहे. शेतकऱ्यांना १२५ कोटी रुपयांचे वाटप देखील करण्यात आले आहे. तालुक्यातील एक हजार १३० लाभार्थी शेतकऱ्यांपैकी २६६ शेतकऱ्यांनी यासाठी आवश्यक संमती दिली आहे. दळणवळणासाठी महत्त्वाचा असणारा हा मार्ग प्रगतीसाठीही पूरक ठरणार आहे. सुरुवातीला या महामार्गाबद्दल असणाऱ्या उलटसुलट चर्चेमुळे व फारशी माहिती उपलब्ध नसल्याने गैरसमजातून अनेकांनी विरोधाची भूमिका घेतली होती, परंतु जमिनीचा योग्य मोबदला व जिल्ह्याच्या दळण वळणासाठी असणारे महत्त्व पाहता हा विरोध अता कमी होत असल्याचे दिसत आहे

कोणत्याही भागाच्या प्रगतीसाठी दळणवळणाची प्रभावी साधने महत्त्वाची असतात. तालुक्यात लोहमार्गाचे जाळे कमी आहे. त्यामुळे महामार्गातून ती कमतरता भरण्याची संधी समृद्धी महामार्गाच्या माध्यमातून मिळणार आहे.

या रस्त्यासाठी ४५३ हेक्टरची आवश्यकता आहे. जिल्हा समितीकडून शेतकरीनिहाय मूल्यांकन निश्चित कामाला वेग देण्यात आला अाहे. १५ गावांचे मूल्यांकन झाल्याची माहिती प्रशासनाने दिली.

भूसंपादनाच्या अधिकारांचे विकेंद्रीकरण
समृद्धी महामार्गातील जमीन संपादित करण्यासाठी यापूर्वी अप्पर जिल्हाधिकारी समृद्धी महामार्ग यांनाच अधिकार होते, परंतु अता उपविभागीय अधिकारी, वैजापूर व गंगापूर तहसीलदारांना अधिकार प्रधान केल्याने कामाची गती वाढली आहे. उपविभागीय अधिकारी डॉ. संदीपान सानप आणि तहसीलदार सुमन मोरे यांनी वळोवेळी शेतकाऱ्यांशी संवाद साधत येणाऱ्या अडचणी सोडविण्यास प्राधान्य दिले आहे.

मोबाइल अॅप डाउनलोड करा आणि राहा अपडेट

---

किडनीप्राप्त तरुणाची माणुसकीची हाक

December 11, 2017, 1:30 pm

≫ Next: बोंडअळीचे पंचनामे ‘जीपीएस’द्वारे

≪ Previous: ‘समृद्धी’साठी १५५ हेक्टर संपादित

$

0

0

किडनीप्राप्त तरुणाची माणुसकीची हाक
म. टा. प्रतिनिधी, औरंगाबाद

लहान वयातच आई-वडील गेले अन् विपरित परिस्थितीत सगळा सांभाळ आजीने केला. पदव्युत्तर शिक्षण पूर्ण करुन तरुणाने नोकरी मिळवली. आजीला चार दिवस सुखात ठेवण्याच्या प्रयत्नात असतानाच प्रकृती बिघडली आणि दोन्ही किडनी निकामी झाल्याचे निदान डॉक्टरांनी करून टाकले. पाच वर्षे डायलिसिसवर रोज मरण सोसत असताना एका मातेच्या अवयवदानानंतर नवजीवन मिळाले आणि तरुण पुन्हा एकदा आयुष्यात उभा राहिला आणि ‘माणुसकीने मृत्युवर मात करता येऊ शकते’ हे जगाला पटवून देण्यासाठी लिहिता झाला. अंधारल्या आयुष्यात पहाट उगवण्यासाठी अवयवदान करण्याचे कळकळीचे आवाहनही त्याने हृदयस्पर्शी पत्रातून केले.

मागच्या काही महिन्यांत शहरात एका ब्रेन डेड महिलेचे अवयवदान झाले आणि याच महिलेच्या अवयवदानातून संबंधित तरुणाला पाच वर्षांच्या मरणयातनेनंतर किडनीदान मिळाले. आता हा तरुण पुन्हा एकदा आपल्या आयुष्यात उभा राहिला आहे आणि अर्थाजनासाठीही सज्ज झाला आहे. याच तरुणाने आपल्या भावनांना वाट मोकळी करुन देत किडनीदान देणाऱ्या मातेच्या कुटुंबियांप्रती हृदयस्पर्शी शब्दांतून कृतज्ञता व्यक्त केली आहे.

यापूर्वी या तरुणाने अनेकदा पत्र लिहिण्याचा प्रयत्न केला, पण त्याची कधी हिम्मत झाली नाही. एकीकडे किडनी मिळाल्याचा आनंद, तर त्यासाठी दुसऱ्याला जगाचा निरोप घ्यावा लागणे, यामुळे येणारी अपराधीपणाची भावना, अशा द्वंद्वामुळेही त्याने पत्र लिहिण्याचे टाळले. मात्र आपल्या साचलेल्या भावना व्यक्त करणे आवश्यक वाटू लागल्यानंतर सगळा धीर एकवटून पत्राद्वारे आपल्या भावनांना एकदाची वाट मोकळी करून दिल्याचे त्याने म्हटले आहे. हा तरुण पत्रात लिहितो…लहानपणीच आई गेल्याने आजीने सांभाळ केला. २००८ मध्ये झालेल्या अपघातात वडील गेल्यानंतर तर सगळी जबाबदारी माझ्यावरच आली. अडचणींवर मात करून २०१० मध्ये पदव्युत्तर शिक्षण पूर्ण केले, नोकरीही मिळाली आणि आता आजीला चार दिवस सुखाचे दाखवता येतील, असे वाटत असतानाच २०११ मध्ये तब्येत बिघडली आणि दोन्ही किडनी निकामी झाल्याचे निदान डॉक्टरांनी केल्यानंतर माझ्यावर मोठा आघात झाला. सामान्य आयुष्य जगता येणार नाही, हे स्वीकारणे जड जात होते व त्यामुळेच जगायचे कसे व कशासाठी, असाही प्रश्न उभा ठाकल्याचे तरुण पत्रात लिहितो. काही चांगल्या माणसांमुळे तरुणावर ‘डायलिसिस’चे उपचार सुरू झाले. मात्र प्रत्येक वेळी दोन्ही हातांना सुया टोचून तासन तास पडून राहताना व अनेक अकल्पित त्रास सोसताना अनेकदा मरणाला कवटाळण्याचे विचार येऊन गेल्याचेही तो म्हणतो. जवळचे कोणी नव्हते म्हणून किडनी मिळालीच नाही. शेवटी प्रत्यारोपण समितीमध्ये नाव नोंदणी केली आणि एक दिवस अचानक एका मातेची किडनी मिळाली. मी कोण, याची कुठलीही कल्पना नसताना मला एका मातेची किडनी मिळाली आणि त्यामुळेच मी पुन्हा एकदा आयुष्यात उभा राहिलो, ज्याची परतफेड मी कधीच करू शकणार नाही, असेही तो पत्रात म्हणतो.

मोबाइल अॅप डाउनलोड करा आणि राहा अपडेट

बोंडअळीचे पंचनामे ‘जीपीएस’द्वारे

December 11, 2017, 1:30 pm

≫ Next: ‘बाटू’च्या परीक्षांवर ‘सीसीटीव्ही’ची नजर

≪ Previous: किडनीप्राप्त तरुणाची माणुसकीची हाक

$

0

0

म. टा. प्रतिनिधी, सिल्लोड
शेंदरी बोंडअळीच्या प्रादुर्भावाने बाधित झालेल्या कपाशीच्या क्षेत्राचा ‘जीपीएस’ प्रणालीद्वारे (ग्लोबल पोझिशनिंग सिस्टीम) संयुक्त पथकांमार्फत पंचनामे करण्याचे आदेश विभागीय आयुक्त पुरुषोत्तम भापकर यांनी दिले आहेत. पंचनाम्यांचा अहवाल दहा दिवसांत सादर करण्याचेही आदेश विभागी आयुक्तांनी दिले आहेत.

या आदेशानंतर तहसीलदार संतोष गोरड यांनी बाधित क्षेत्राचे पंचनामे करण्यासाठी तालुक्यात पथकाची नियुक्ती केली असून, दहा दिवसात पंचनामे करून अहवाल सादर करण्याचे आदेश दिले आहेत. या आगोदर शेतकऱ्यांनी कृषी कार्यालयात खोटे मारून झालेल्या बाधित क्षेत्राबाबत माहिती, लागवड केलेल्या कपाशीच्या वाणाची पावती, सातबारा आदी कागदपत्रांसह अर्ज सादर केले होते. ते आता रद्दबादल झाल्यात जमा असल्याने शासनाने कागदपत्रे का सादर करायला लावली, असा सवाल शेतकरी उपस्थित करीत आहेत.

कपाशी पीक वेचणीच्या व परिपक्वतेच्या टप्प्यात असताना शेंदरी बोंड अळीचा प्रादुर्भाव झाला. त्यामुळे हजारो रुपये खर्चून जगवलेले पीक हाती येण्याच्या वेळेलाच बोंडअळीमुळे शेतकऱ्याचे कंबरडे मोडले. मोठा खर्च करून उत्पादन हाती येणार नसल्यामुळे शेतीचे अर्थचक्र कोलमडले. या संकटाने शेतकरी हबकला आहे. बीटी कंपन्यांनावर कंपन्यावर गुन्हे दाखल झाले, मात्र यात शेतकरी या संकटाने आर्थिक आघाडीवर मागे गेला आहे. आता शासन मदत देणार का, याकडे शेतकऱ्यांचे लक्ष लागले आहे.

कृषी विभागाच्या आकडेवारीनुसार, तालुक्यात ४५ हजार हेक्टरवर कपाशी लागवड करण्यात आली आहे. ही सर्व कपाशी बोंडअळीच्या प्रादुर्भावाने बाधित झाली आहे. या सर्व क्षेत्राचे पंचनामे संयुक्त पथकाद्वारे केले जाणार आहे. नोव्हेंबर महिन्यात कपाशीवर शेंदरी बोंडअळीचा प्रादुर्भाव झाला. त्यामुळे कापूस वेचणीच्या काळातच हे संकट आल्याने शेकऱ्यांचे मोठे नुकसान झाले आहे.

कपाशीवर बोंडअळीचा प्रादुर्भाव झाल्याने पुढच्या वर्षी कपाशीवर बोंडअळी येऊ नये म्हणून शेतकऱ्यांनी कृषि विभागाच्या सल्यानुसार कपाशी उपटली. काही शेतकऱ्यांनी ट्रक्टरच्या सहाय्याने कपाशीत रोटाव्हेटर फिरविले. त्यामुळे ती कपाशी आता शेतात उभी नाही. त्या कपाशीचा ‘जीपीएस’ प्राणालीद्वारे पंचनामा करण्यास पथकाला अडचणी निर्माण होणार आहेत. कपाशी नष्ट करून कृषी विभागाकडे मदतीसाठी अर्ज भरणारे शेतकरी या प्रकारामुळे संतापले आहेत.

तालुक्याकत हजारो शेतकऱ्यांनी बोडअळीच्या तक्रारी कृषी विभाकडे केल्या. शेतकऱ्यांच्या रेट्यामुळे सिल्लोड शहर पोलिस ठाण्यात सहा कंपन्यांविरुद्ध गुन्हा दाखल करण्यात आला. आता पंचनामे करून शासन काय व केव्हा मदत देते, याकडे बळीराजाचे लक्ष लागले आहे.

दहा दिवसांत पंचनामे
महसूल व कृषी विभागाच्या पथकांनी बाधित क्षेत्राचे शेतात जाऊन जीपीएस व व्हिडिओ चित्रिकरणासह पंचनामे करण्याचे आदेश दिले आहे. याबाबत तहसील कार्यालयात कृषी विभागाचे कर्मचारी, ग्रामसेवक तलाठी यांची बैठक घेऊन त्यांना दहा दिवसांत पंचानामे सादर करण्याचे आदेश दिले आहे, अशी माहीती तहसीलदार संतोष गोरड यांनी दिली

मोबाइल अॅप डाउनलोड करा आणि राहा अपडेट

‘बाटू’च्या परीक्षांवर ‘सीसीटीव्ही’ची नजर

December 11, 2017, 1:30 pm

≫ Next: वृक्षलागवडीची नोंद ‘लिम्का बुक’मध्ये

≪ Previous: बोंडअळीचे पंचनामे ‘जीपीएस’द्वारे

$

0

0

‘बाटू’च्या परीक्षांवर ‘सीसीटीव्ही’ची नजर
म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा तंत्रशास्त्र विद्यापीठातर्फे (बाटू) अभियांत्रिकी प्रथम वर्ष अभ्यासक्रमाच्या परीक्षा आजपासून सुरू झाल्या. विभागात सात परीक्षा केंद्राहून दोन हजार ५०२ परीक्षार्थी परीक्षा देत आहेत. ‘बाटू’ विद्यापीठाशी संलग्निनीकरणानंतर पहिल्यांदाच होत असलेल्या परीक्षा ‘सीसीटीव्ही’च्या नजरेत होत आहेत. विद्यापीठाचे उपकेंद्र औरंगाबादेत नसल्याने परीक्षेतील उत्तरपत्रिका जळगावला नेण्याची वेळ विद्यापीठावर आली आहे.
तंत्रशास्त्र विद्यापीठाशी संलग्निकरणानंतर विद्यापीठाच्यातर्फे पहिल्यांदाच परीक्षा घेतल्या जात आहेत. विभागात सात कॉलेजांमध्ये परीक्षा होत आहे. अभ्यासक्रमाचा पॅर्टन ६०+२०+२० असा आहे. त्यानुसार ही परीक्षा ६० गुणांसाठी घेण्यात येत आहे. २२ डिसेंबरपर्यंत या परीक्षा सुरू राहणार आहेत. पहिल्यांदा परीक्षा होत असल्याने विद्यार्थ्यांना उत्सुकता होती. परीक्षेसाठी प्रत्येक परीक्षा कक्षात सीसीटीव्ही हवा असा दंडक विद्यापीठाच्या त्यानुसार सकाळी दहा ते एक या वेळेत पेपर झाला. या सीसीटीव्हीचे फुटेज विद्यापीठाला सादर करावे लागणार आहे. तसेच परीक्षेसाठी दोन पथक, प्रत्येक केंद्रावर एक नियंत्रक जो बाहेरच्या कॉलेजचा असणार आहे. अशाच्या नेमणुका करण्यात आल्या आहेत. ‘बाटू’शी २०१६-१७ शैक्षणिक वर्षात राज्यातील ४८ कॉलेजांनी संलग्निकरण स्विकारले.
परीक्षा सुरळीत सुरू झाल्या असून प्रात्यक्षिक परीक्षांचेही वेळापत्रक विद्यार्थ्यांना कळविण्यात आले आहे. सीसीटीव्ही नजरेत परीक्षा, प्रश्नपत्रिका ऑनलाइन अशा अनेक बाबींमुळे अधिकाधिक पारदर्शकता आणण्याचा प्रयत्न विद्यापीठाने केला आहे.
- डॉ. एस. एल. धोंडगे, परीक्षा समन्वयक, देवगिरी इंजिनीअरिंग कॉलेज

मोबाइल अॅप डाउनलोड करा आणि राहा अपडेट

वृक्षलागवडीची नोंद ‘लिम्का बुक’मध्ये

December 11, 2017, 1:30 pm

≫ Next: संत एकनाथ रंगमंदिराच्या नूतनीकरणासाठी दोन कोटी रुपये

≪ Previous: ‘बाटू’च्या परीक्षांवर ‘सीसीटीव्ही’ची नजर

$

0

0

विजय चौधरी, खुलताबाद
महाराष्ट्रात एक ते सात जुलै २०१७ या काळात वन महोत्सवाच्या काळात चार कोटी वृक्षलागवडीचे उद्दिष्ट ठरविण्यात आले होते. एका आठवड्यात पाच कोटी ४३ लाख विक्रमी वृक्षलागवडीची नोंद लिम्का बुक ऑफ रेकॉर्डमध्ये नोंद झाल्याची माहिती वनविभागाचे सचिव विकास खारगे यांनी दिली.

आपले जसे देशाच्या सीमेचे रक्षण करतात; तसेच वातावरणातील बदलामुळे निर्माण झालेल्या आव्हानांचा सामना करण्यासाठी एक कोटी लोकांची हरितसेनेची फौज निर्माण करत अाहे. आतापर्यंत ३७ लाख नागरिकांनी स्वंयप्रेरणेने सहभाग नोंदविला असल्याची माहिती राज्याचे वन विभागाचे सचिव विकास खारगे यांनी ‘मटा’शी बोलतांना दिली. वेरूळ दौऱ्यावर आले असता ते बोलत होते.

वेरूळ येथील गुरुदेव समंतभद्र विद्या मंदिर शाळेतील वेद चौधरी या विद्यार्थ्याने वनविभागाच्या वेबसाइटवरून ऑनलाइन नोंदणी केल्याबद्दल त्याचे अभिनंदन केले. यावेळी खारगे यांनी, प्रत्येक नागरिकांनी स्वतःपासून मित्र, नातेवाईकांपर्यंत सगळ्यांनी एकत्र येऊन वृक्षारोपण करावे. लावलेली झाडे जगतील याची देखील काळजी घ्यावी. वनविभागाच्या वेबसाइटवर हरितसेनेत ऑनलाइन सहभागी होण्याचे आवाहन केले.

दिलेल्या नमुन्यात ऑनलाइन नोंदणी केली की, आपल्याला हरितसेनेचे सदस्य झाल्याचे प्रमाणपत्र मिळते. ही हरितसेना महाराष्ट्राच्या निर्मितीत योगदान देऊ शकते. हे स्वंयसेवक त्यांनी केलेल्या पर्यावरणपूरक कामाचे छायाचित्रे देखील अपलोड करू शकतात. हरित महाराष्ट्राच्या निर्मितीसाठी वनविभाग नियोजनबद्ध काम करत असून, आता विभागासोबत सगळ्यांनी या कामात सहभागी होण्याची गरज आहे, असे त्यांनी सांगितले.

प्रसाद म्हणून रोपटी द्या
वृक्षलागवडीच्या उपक्रमात धार्मिक संस्थांनी सहभागी व्हावे. पावसाळ्यात वेरूळ येथील श्री घृष्णेश्‍वर मंदिरात श्रावण महिन्यात दर्शनासाठी आलेल्या भाविकांना बेल, रुद्राक्ष यासारख्या रोपट्यांचे प्रसाद म्हणून वाटप करण्याची सूचना वनविभागाचे सचिव खारगे यांनी श्री घृष्णेश्‍वर मंदिर देवस्थान ट्रस्टला केली. यासाठी रोपांची उपलब्धता करून देण्याचे काम विभागाने करावे. त्यासाठी प्रायोजकांना तयार करावे. प्रसाद म्हणून मिळालेल्या रोपांची लागवड करून भक्तगणांनी झाडाचे संवर्धन करून वृक्षारोपणाच्या कामात सहभागी होण्याची साद घातली.

मोबाइल अॅप डाउनलोड करा आणि राहा अपडेट

संत एकनाथ रंगमंदिराच्या नूतनीकरणासाठी दोन कोटी रुपये

December 11, 2017, 1:30 pm

≫ Next: सातारा - देवळाईच्या डीपीआरसाठी आज पाहणी

≪ Previous: वृक्षलागवडीची नोंद ‘लिम्का बुक’मध्ये

$

0

0

संत एकनाथ रंगमंदिराच्या नूतनीकरणासाठी दोन कोटी रुपये
जिल्हाधिकारी करणार अंदाजपत्रक मंजूर
म. टा. प्रतिनिधी, औरंगाबाद -
संत एकनाथ रंगमंदिराच्या नूतनीकरणासाठी पालकमंत्री रामदास कदम यांनी जाहीर केलेले दोन कोटी महापालिकेला प्राप्त झाले आहेत. या निधीतून करावयाच्या कामाचे अंदाजपत्रक जिल्हाधिकाऱ्यांकडे मंजुरीसाठी पाठवण्यात येणार असून त्यांच्या मंजुरीनंतर प्रत्यक्ष कामाला सुरुवात केली जाणार आहे. याशिवाय महापालिकेतर्फे रंगमंदिराच्या नूतनीकरणासाठी ५० लाख रुपयांचा निधी स्वतंत्रपणे खर्च केला जाणार आहे.
संत एकनाथ रंगमंदिराच्या दुरवस्थेसंदर्भात रंगकर्मींनी आंदोलनाचा पवित्रा घेतल्यानंतर लोकप्रतिनिधींना जाग आली. पालकमंत्री रामदास कदम यांनी रंगमंदिराच्या नूतनीकरणासाठी जिल्हा विकास योजनेतून दोन कोटी रुपये देण्याची घोषणा केली होती, परंतु हा निधी महापालिकेस मिळण्यास तांत्रिक अडचण निर्माण झाली होती. महापालिकेने ही अडचण दूर केल्यावर दोन कोटी रुपये पालिकेला प्राप्त झाले आहेत. तसे पत्र पालकमंत्री व जिल्हाधिकारी यांच्यातर्फे पालिकेला मिळाले आहे. दोन कोटी रुपयांमधून नेमकी कोणती कामे करणार त्याचा तपशील अंदाजपत्रकासह महापालिकेला जिल्हाधिकाऱ्यांकडे सादर करावा लागणार आहे. जिल्हाधिकाऱ्यांनी अंदाजपत्रकाला मंजुरी दिल्यानंतर नूतनीकरणाचे काम प्रत्यक्ष सुरू होणार आहे.
पालकमंत्र्यांचे दोन कोटी रुपये आणि महापालिकेचे ५० लाख रुपये खर्च करून संत एकनाथ रंगमंदिराचे नूतनीकरण केले जाईल. रंगमंदिराच्या नूतनीकरणासाठी एवढा निधी पुरेसा आहे, असे मत महापौर नंदकुमार घोडेले यांनी व्यक्त केले. आवश्यक त्या सर्व सोईसुविधा अडिच कोटींमधून उपलब्ध करून देणे शक्य आहे असे ते म्हणाले.

एसपीव्हीचे इतिवृत्त मंजुरीसाठी पोरवाल यांच्याकडे
स्मार्टसिटीच्या स्पेशल पर्पज व्हेकलच्या (एसपीव्ही) बैठकीत झालेली चर्चा, त्यानुसार घेण्यात आलेले निर्णय याचे इतिवृत्त तयार करून ते मंजुरीसाठी एसपीव्हीचे अध्यक्ष व राज्य शासनाच्या उद्योग खात्याचे प्रधान सचिव सुनील पोरवाल यांच्याकडे मंजुरीसाठी पाठवण्यात आले आहे. त्यांची मंजुरी मिळाल्यावर पाच सिटीबस खरेदी करण्याची कार्यवाही सुरू केली जाणार आहे. बस खरेदी बद्दल राज्य शासनाने एका कंपनीबरोबर केलेले रेट कॉन्टरॅक्ट संपले आहे, त्यामुळे महापालिकेला बस खरेदीसाठी निविदा काढावी लागणार आहे.

मोबाइल अॅप डाउनलोड करा आणि राहा अपडेट

सातारा - देवळाईच्या डीपीआरसाठी आज पाहणी

December 11, 2017, 1:30 pm

≫ Next: रोहिला गल्लीतील खून अनैतिक संबंधातून

≪ Previous: संत एकनाथ रंगमंदिराच्या नूतनीकरणासाठी दोन कोटी रुपये

$

0

0

सातारा - देवळाईच्या डीपीआरसाठी आज पाहणी

एमआयटी कॉलेजचा पुढाकार, पाणीपुरवठ्यासाठी पीएमसी नियुक्त करणार

म. टा. प्रतिनिधी, औरंगाबाद -

सातारा - देवळाईच्या विकासासाठी सविस्तर प्रकल्प अहवाल (डीपीआर) तयार केला जाणार आहे. त्यासाठी उद्या मंगळवारी खंडोबा मंदिराच्या परिसराची पाहणी केली जाणार आहे. डीपीआर तयार करण्यासाठी एमआयटी कॉलेजने पुढाकार घेतला असून पाहणीच्या नंतर डीपीआर तयार करण्याचा प्राधान्यक्रम ठरविण्यात येणार आहे.

सातारा - देवळाई परिसराचा समावेश महापालिकेत करण्यात आला. हा परिसर मुलभूत सोईसुविधांपासून वंचित आहे. रस्ते, पाणीपुरवठा, दिवाबत्ती, ड्रेनेज लाइन, घनकचरा व्यवस्थापन या सर्वच क्षेत्रात महापालिकेला काम करावे लागणार आहे. सातारा - देवळाईच्या विकासासाठी डीपीआर तयार करण्याची तयारी एमआयटी कॉलेजने दाखवली आहे. सातारा परिसरात प्रसिद्ध असे खंडोबा मंदिर आहे. या मंदिराच्या परिसराच्या विकासासंदर्भात देखील एमआयटी कॉलेजने काही माहिती व नकाशे तयार केले आहेत. त्याच्या आधारे मंगळवारी या परिसराची पाहणी करण्यात येणार आहे, अशी माहिती महापौर नंदकुमार घोडेले यांनी दिली. यावेळी एमआयटी कॉलेजचे संचालक मुनीष शर्मा उपस्थित राहणार आहेत.

सातारा - देवळाई परिसरात पाणीपुरवठा योजना तयार करण्यासाठी पीएमसी (प्रकल्प व्यवस्थापन सल्लागार) नियुक्त करायची आहे. त्यासाठी एक्सप्रेशन ऑफ इंटरेस्ट मागवण्यात आले आहे. ज्या ज्या संस्था पाणीपुरवठा योजनेचा डीपीआर तयार करण्यासाठी महापालिकेच्या अटी - शर्तीनुसार पुढाकार घेतली त्यांच्याकडून हे काम करून घेतले जाणार आहे. पाणीपुरवठा योजनेचा डीपीआर तयार झाल्यावर तो शासनाक़डे पाठवून निधी साठी पाठपुरावा केला जाणार आहे. सातारा - देवळाई भागातून सिडको प्रशासनाने विकासशुल्काच्या नावाखाली १३ कोटी रुपये वसूल केले आहेत, त्यापैकी आठ कोटी रुपये महापालिकेला सिडको प्रशासनाने दिले. पाच कोटी रुपये सिडकोकडे बाकी आहेत. ही रक्कम मिळवण्यासाठी सिडकोच्या वरिष्ठ अधिकाऱ्यांबरोबर चर्चा केली जाणार आहे, ही रक्कम मिळाल्यास काही विकास कामे मार्गी लागतील असे महापौर म्हणाले.

अप्रतिम पुष्पसाठी २० लाख


सातारा परिसरातील अप्रतिम पुष्प वसाहतीकडे जाणाऱ्या रस्त्याचे काम करण्यासाठी महापौर निधीतून विशेष बाब म्हणून २० लाख रुपयांचा निधी मंजूर करण्यात आला असल्याची माहिती महापौर नंदकुमार घोडेले यांनी दिली. सूर्यदीपनगर, अप्रतिम पुष्प, अप्रतिम वास्तू आदी परिसराची पाहणी महापौरांनी सोमवारी केली. यावेळी त्यांच्या बरोबर महापालिकेचे अधिकारी उपस्थित होते.

सातारा - देवळाईच्या विकासाच्या दृष्टीने सविस्तर प्रकल्प अहवाल तयार करण्यासाठी एमआयटी कॉलेजने पुढाकार घेण्याचे ठरविले आहे. रस्ते, पाणी, ड्रेनेज आणि घनकचरा व्यवस्थापन या चार क्षेत्रात काम होणे गरजेचे आहे. मंगळवारी महापौरांसोबत करण्यात येणाऱ्या पाहणीनंतर सविस्तर प्रकल्प अहवालाची व्याप्ती लक्षात येईल, प्रकल्प अहवाल तयार करताना महापालिकेच्या कॉलेज कडून काय अपेक्षा आहेत हे स्पष्ट होईल आणि किती कालावधीत प्रकल्प अहवाल तयार करायचा हे निश्चित होईल. त्यानंतर प्राधान्य क्रमानुसार डीपीआरच्या कामाला प्रत्यक्षपणे सुरुवात केली जाईल.

मुनीष शर्मा, संचालक, एमआयटी कॉलेज.

मोबाइल अॅप डाउनलोड करा आणि राहा अपडेट

रोहिला गल्लीतील खून अनैतिक संबंधातून

December 11, 2017, 1:30 pm

≫ Next: गुरूगौरव पुरस्कार सोहळ्याला सापडला मुहूर्त

≪ Previous: सातारा - देवळाईच्या डीपीआरसाठी आज पाहणी

$

0

0

म. टा. प्रतिनिधी, औरंगाबाद
बहिणीसोबत अनैतिक संबंध, भाचीसोबत लग्न करण्याची मागणी आणि अपत्य होत नसल्याने चुकीच्या पद्धतीने उपचार केल्याचा राग मनात ठेवून रोहिला गल्लीतील एकखाना म‌शिदीसमोरील बोळीत रविवारी हकीम सय्यद अकील याचा खून केल्याची घटना घडली. मृत अकीलच्या अंगावर सात वार करण्यात आले असून, याप्रकरणी चार जणांना अटक केल्याची माहिती सिटीचौक पोलिस ठाण्याचे पोलिस निरीक्षक हेमंत कदम यांनी दिली.

हकीम सय्यद अकील याच्या खुनप्रकरणात शेख शफीक कादरी (३५, रा. पडेगाव), शेख तय्यब शेख हसन (२५, रा. रोहिल्ला गल्ली), सना फिरदौस शेख हसन (१९, रा. रोहिला गल्ली) आणि खमरुन्निसा बेगम शेख हसन (३५, रा. रोहिल्ला गल्ली) असे अटक करण्यात आलेल्यांची नावे आहेत. या प्रकरणाबाबत पोलिस निरीक्षक हेमंत कदम यांनी दिलेल्या माहितीनुसार; रविवारी दुपारी चारच्या सुमारास खमरुन्निसा बेगम याच्या घरी आलेल्या हकीम बाबा सय्यद अकील याचा खून करण्यात आला होता. खून झाल्यानंतर खमरुन्निसा बेगम यांनी ही माहिती शेख इस्माइल शेख याकुब (रा. किराडपुरा) याला दिली. शेख इस्माइल यांनीच सय्यद अकील याला जखमी अवस्थेत घाटी रुग्णालयात नेले होते. या प्रकरणात सोमवारी पहाटे दोन वाजून सहा मिनिटांनी शेख इस्माइल याच्या फिर्यादीवरून सिटीचौक येथे गुन्हा दाखल करण्यात आला. या फिर्यादीत, सय्यद अकीलचे अनैतिक संबंध होते. या संबंधानंतरही अकीलचा डोळा संबंधित महिलेच्या १९ वर्षांच्या मुलीवर होता. त्याने लग्नाचीही मागणी केली होती. या संबंधाविषयी महिलेचा पतीला माहिती होऊ नये. अकीलने या कुटुंबासोबत संबंध ठेवू नयेत. यासाठी तिला तिच्या भावांनी पडेगाव येथून रोहिला गल्लीत राहण्यास आणले होते. या परिवाराने घर बदलल्यानंतरही सय्यद अकीलने या परिवाराचा पिच्छा सोडला नाही. तत्पूर्वी संबंधित महिलेच्या भावाला अपत्य होत नसल्याने सय्यद अकील याच्याकडे उपचार सुरू होते. हे उपचार सुरू असताना सय्यद अकीलने त्याला मनोरुग्ण घोषित केले होते. त्याच्यावर कादरी हॉस्पिटलमध्ये उपचारही करण्यात आले. शफिक याने आपल्या संसाराचे वाटोळे करणाऱ्या सय्यद अकीलला ठार मारण्याची धमकीही दिली होती, अशी माहिती पोलिस निरिक्षक हेमंत कदम यांनी दिली. सय्यद अकील हा रोहिला गल्ली येथे बहिणीच्या घरी आल्याची माहिती मिळाली. तो घरी आला. त्याने सय्यद अकीलवर धारदार शस्त्राने वार केले. शस्त्र सोबत घेऊन एका रिक्षातून शेख शफिक निघून गेला. या घटनेची माहिती महिलेने शेख इस्माइल याला दिली. शेख इस्माइल याने मृत सय्यद अकील याला घाटीमध्ये नेले. या घटनेची माहिती सिटीचौक पोलिस ठाण्याला मिळाल्यानंतर पोलिस घरी पोचले. मृत सय्यद अकीलच्या परिवाराला खून झाल्याची माहितीही नव्हती. त्यांच्याकडून कोणत्याही प्रकारची फिर्याद दिली नाही. शेवटी शेख इस्माइलच्या फिर्यादीवरून सिटीचौकात चौघांविरोधात गुन्हा दाखल करण्यात आला.

‌सिटीचौक पोलिस ठाण्यातील विशेष पथकाने महिलेसह तिची मुलगी व शेख तय्यब यांना ताब्यात घेतले. मुख्य आरोपी शेख शफीकला सोमवारी दुपारनंतर ताब्यात घेण्यात आले, अशी माहिती सिटीचौक पोलिस ठाण्याचे पोलिस निरीक्षक हेमंत कदम यांनी दिली. या प्रकरणाचा तपास सहाय्यक पोलिस निरिक्षक शैलेजा जानकर यांच्याकडे देण्यात आला आहे.

खुनानंतर साफसफाई
रविवारी दुपारी चारच्या सुमारास ही घटना घडली. त्यानंतर संबंधित महिलेने मुलगा, मुलीसह घर साफ केले. रक्ताचे डाग काढण्यासाठी घरही धुतले. यानंतर तिघे जण पोलिस येण्यापूर्वी निघून गेले.

३० नंबर बिडीचे कट्टे सापडले
या खुनाच्या घटनेनंतर फॉरेन्सिक पथकाने घटनास्थळाची पाहणी करून सर्व पुरावे जमा केले. सय्यद अकील याला ३० नंबर बिडी ओढण्याची सवय होती. त्या बिडीचे कट्टेही घरातून सापडले आहेत.

मोबाइल अॅप डाउनलोड करा आणि राहा अपडेट

---

गुरूगौरव पुरस्कार सोहळ्याला सापडला मुहूर्त

December 11, 2017, 1:35 pm

≫ Next: बियाणे विक्रेत्यांचा जामीन फेटाळला

≪ Previous: रोहिला गल्लीतील खून अनैतिक संबंधातून

$

0

0

नांदेड - गेल्या चार वर्षांपासून रखडलेल्या गुरूगौरव पुरस्कार सोहळ्याला अखेर मुहूर्त सापडला असून येत्या २६ डिसेंबर रोजी हा सोहळा आयोजित करण्यात आल्याची माहिती सूत्रांनी दिली. याच कार्यक्रमात नरहर कुरुंदकर, सावित्रीबाई फुले पुरस्काराचे वितरण होणार आहे.
जिल्हा परिषद प्रशासनाच्या उदासीन धोरणामुळे गेल्या चार वर्षांपासून जिल्ह्यात आदर्श शिक्षकांचा सत्कार सोहळा होऊ शकला नाही. पदाधिकारी व सदस्यांना वेळ नाही, सभागृह रिकामे नाही, आदर्श शिक्षकांची निवड करण्यावरून एकमत होत नाही, अशा वेगवेगळ्या कारणांमुळे गुरूगौरव पुरस्कार सोहळा लटकला होता. पुरस्कार वितरणाच्या दिरंगाईमुळे अनेक शिक्षक संघटनांनी तीव्र नाराजी व्यक्त केली होती. दिरंगाईमुळे अनेक शिक्षक संघटनांनी तीव्र नाराजी व्यक्त केली होती. वाडी-तांड्यावर तसेच दुर्गम भागात काम करीत असलेल्या शिक्षकांसाठी हा सोहळा पर्वणी असतो पण वर्षभरात एकदा ‘कौतुक’ करण्याचे सौजन्य शिक्षण विभागातील अधिकायांनी दाखवले नाही. वेगवेगळी कारणे पुढे करत गेल्या चार वर्षांपासून सुरू असलेल्या टोलवाटोलवीला आता पूर्णविराम मिळण्याची चिन्हे आहेत.
येत्या २६ डिसेंबरला शंकरराव चव्हाण सभागृहात २०१४, २०१५, २०१६ व २०१७ या वर्षीच्या आदर्श शिक्षकांना गौरवण्यात येणार आहे. प्रत्येक तालुक्यातील दोन याप्रमाणे ३२ शिक्षकांचा सत्कार करण्यात येणार आहे. एकूण १२८ शिक्षकांना आदर्श शिक्षक पुरस्कार देण्यात येणार आहे. पुरस्कारप्राप्त शिक्षकांची संख्या मोठ्या प्रमाणावर असल्याने कार्यक्रमात कोणताही गोंधळ होऊ नये यासाठी सूक्ष्म नियोजन करण्यात येत आहे.
जिल्हा परिषदेच्या अध्यक्षा शांताबाई जवळगावकर यांच्या अध्यक्षतेखाली होत असलेल्या या कार्यक्रमास माजी मंत्री डी. पी. सावंत, आमदार अमरनाथ राजूरकर, खासदार राजीव सातव, खासदार सुनील गायकवाड, आमदार अमिता चव्हाण, विक्रम काळे, सतीश चव्हाण, वसंत चव्हाण, प्रदीप नाईक, प्रतापराव पाटील चिखलीकर, सुभाष साबणे, हेमंत पाटील, नागेश पाटील, तुषार राठोड, जिल्हाधिकारी अरुण डोंगरे, पोलिस अधीक्षक चंद्रशेखर मीना, मुख्य कार्यकारी अधिकारी अशोक शिनगारे यांच्यासह जिल्हा परिषदेचे पदाधिकारी, अधिकारी उपस्थित राहणार आहेत.
दरम्यान, जिल्हा परिषदेने उशिरा का होईना आदर्श शिक्षक पुरस्काराचे आयोजन केल्याबद्दल इंटक शिक्षक संघटनेचे प्रदेशाध्यक्ष मधुकर उन्हाळे यांनी समाधान व्यक्त केले आहे. ठरल्याप्रमाणे २६ डिसेंबर रोजी हा कार्यक्रम व्हावा, पुरस्कारप्राप्त शिक्षकांची संख्या जास्त असल्याने कार्यक्रम नीटनेटका होण्यासाठी आवश्यक त्या उपाययोजना कराव्यात, अशी अपेक्षा त्यांनी व्यक्त केली.

आमटे दांपत्याचा गौरव ?
जिल्हा परिषदेच्या वतीने दरवर्षी ‘नरहर कुरुंदकर’ व ‘सावित्रीबाई फुले’ हा पुरस्कार दिला जातो. यंदा या पुरस्कारासाठी ज्येष्ठ समाजसेवक डॉ. प्रकाश आमटे व डॉ. मंदाकिनी आमटे यांचे नाव निश्चित झाल्याची माहिती सूत्रांनी दिली. लवकरच या पुरस्काराची घोषणा केली जाणार आहे.

मोबाइल अॅप डाउनलोड करा आणि राहा अपडेट

बियाणे विक्रेत्यांचा जामीन फेटाळला

December 11, 2017, 1:41 pm

≫ Next: मनाई केली नव्हती

≪ Previous: गुरूगौरव पुरस्कार सोहळ्याला सापडला मुहूर्त

$

0

0

म. टा. प्रतिनिधी, औरंगाबाद
बीटी कॉटन वाणाच्या बियाणांची विक्री करताना हमी देऊनही गुलाबी बोंडअळीचा प्रादूर्भाव झाल्यामुळे करमाड पोलिस ठाण्यात चार बियाणे कंपन्या व तीन विक्रेत्यांविरुद्ध दाखल झालेल्या फसवणुकीच्या गुन्हाप्रकरणी तीन आरोपी विक्रत्यांचा अटकपूर्व जामीन अर्ज जिल्हा व अतिरिक्त सत्र न्यायालयाने सोमवारी फेटाळला.
औरंगाबाद तालुक्यातील कुंभेफळ येथील शेतकरी हरिभाऊ उर्फ रामकिसन साहेबराव गोजे (५०) यांनी ११ जून २०१७ रोजी नुजिवुड, कावेरी, आदित्य व बायर सीडस या कंपन्यांचे बीटी कॉटन वाणाचे बियाणे खरेदी केले. त्यावेळी कुंभेफळ येथील श्रीनिवास कृषी सेवा केंद्राचा विक्रेता व आरोपी विष्णू रामनाथ शिनगारे आणि कंपनीच्या प्रतिनिधीनींनी या वाणाची लागवड केली, तर बोंडआळीचा प्रादूर्भाव होणार नाही अशी हमी दिली. त्यामुळे गोजे यांनी वाणाची खरेदी केली. त्याचवेळी शेतकरी तुळशीराम रंगनाथ गोजे यांनी शेंद्रा येथील विक्रेता व आरोपी जनार्दन रामकिसन कचकुरे याच्या ‘शेतकरी कृषी सेवा केंद्रा’तून, तर शेतकरी गणेश अरुण गोजे यांनी सटाणा येथील विक्रेता व आरोपी शिवाजी पंडित घावरे याच्या ‘श्रीगणेश कृषी सेवा केंद्रा’तून याच बियाणांची खरेदी केली. मात्र त्या बियाणांवर गुलाबी बोंडअळीचा प्रादूर्भाव झाला. त्यानंतर संबंधित शेतकऱ्यांनी त्याची माहिती कृषी अधिकाऱ्यांना दिली. कृषी अधिकाऱ्यांनी त्याची पाहणी करून पंचनामे केले. कृषी विभागाने दिलेल्या अहवालामध्येही या बियाणांवर बोंडअळीचा प्रादूर्भाव झाल्याचे नमूद केले होते. या अहवालानुसार गोजे यांनी करमाड पोलिस ठाण्यात विक्रेते तसेच कंपनीविरोधात फसवणुकीची तक्रार दिली होती. त्यावरून शिवाजी घावरे, विष्णू शिनगारे, जनार्दन कचकुरे यांच्यासह नुजिवुड, कावेरी, आदित्य व बायर सीडस कंपनी अशा सातजणांविरोधात फसवणुकीचा गुन्हा दाखल करण्यात आला होता.

फसवणुकीची व्याप्ती मोठी
‘फसवणुकीची व्याप्ती मोठी असून विक्रेत्यांनी बियाणे कुठून खरेदी केले याचा तपास करणे बाकी आहे, तसेच दुकानातील व कंपनीचे रेकॉर्ड तपासणे बाकी आहे. या प्रकारामुळे शेतकरी अडचणीत सापडला असून तो आत्महत्या करण्याच्या मनस्थितीत आहे. त्यामुळे प्रकरणाच्या सखोल तपासासाठी आरोपींच्या कोठडीची गरज असून, आरोपींना जामीन मंजूर करू नये,’ अशी विनंती सहाय्यक सरकारी वकील मधुकर आहेर यांनी कोर्टात केली. ही विनंती जिल्हा व अतिरिक्त सत्र न्यायालयाचे न्यायाधीश डी. एस. शिंदे यांनी मान्य केली.

मोबाइल अॅप डाउनलोड करा आणि राहा अपडेट

मनाई केली नव्हती

December 11, 2017, 1:41 pm

≫ Next: कमी किमतीत घरे पुरविण्यात अपयश

≪ Previous: बियाणे विक्रेत्यांचा जामीन फेटाळला

$

0

0

म. टा. प्रतिनिधी, बीड
परळी तालुक्यातील वैद्यनाथ कारखान्यात घडलेल्या दुर्दैवी घटनेचे राजकारण करायचे नव्हत तर घटनेचा कोणताही रिपोर्ट आला नसताना कारखान्यावर मनुष्यवधाचा गुन्हा दाखल करण्याची घाई का ? असा सवाल बीडच्या पालकमंत्री तथा कारखान्याच्या अध्यक्षा पंकजा मुंडे यांनी केला आहे. वैद्यनाथ कारखान्यातील घटनास्थळावर जाण्यास मनाई करण्यात आल्याचे विरोधी पक्षनेते धनंजय मुंडे यांनी केलेले वक्तव्य चुकीचे असल्याचेही त्यांनी म्हटले आहे.
वैद्यनाथ कारखान्यात ८ डिसेंबर रोजी झालेल्या दुर्घटनेत बारा कर्मचारी जखमी झाले, त्यात पाच जणांचा मृत्यू झाला. ही घटना हादरून टाकणारी होती. गेली अनेक वर्षे हा कारखाना व्यवस्थित चालू होता. दुष्काळाच्या पार्श्वभूमीवर कारखान्याला आर्थिक नुकसानीला सामोरे जावे लागले तरीही सर्व मोट बांधून प्रभावी यंत्रणा राबवली व गाळप यशस्वीपणे सुरू केले. शिस्त व प्रयत्नांची पराकाष्ठा करून आम्ही या हंगामात गाळपाचा आतापर्यंतचा उच्चांक गाठला. कर्मचाऱ्यांचा पगारही ३ डिसेंबर रोजीच देण्यात आला होता. शिवाय दुष्काळ आणि कारखाना बंदमुळे थकीत पगारही जानेवारीच्या अगोदर करण्याचे आम्ही जाहीर केले होते. त्यामुळे सर्व कर्मचाऱ्यांमध्ये आनंदाचे वातावरण पसरले होते. दोन वर्षाच्या संघर्षानंतर कारखान्याची परिस्थिती पुर्ववत चांगली झाली असताना ही दुर्घटना हादरून टाकणारी व विचारात पाडणारी असल्याचे त्यांनी सांगितले.
या घटनेनंतर जखमींना योग्य उपचार देणे, कारखान्यातील यंत्रणेला मनोबल देणे हे प्रथम कर्तव्य असते, जे आम्ही व आमच्या संचालकांनी चोखपणे बजावण्याचा प्रयत्न केला. जखमी कर्मचाऱ्यांवर तातडीने उपचार व्हावेत यासाठी तज्ज्ञ डॉक्टर्स व लातूरला हलविण्यासाठी अॅम्ब्यूलन्स यासाठी संचालक व कार्यकर्त्यांनी शर्थीचे प्रयत्न केले. आर्थिक व्यवस्थेबरोबर त्यांना मानसिक आधार देण्याचं काम आम्ही केले असे पंकजा मुंडे यांनी म्हटले आहे. याउलट घटना घडल्यानंतर जखमींना मदत करायची सोडून काहींनी कारखान्याचा घटनास्थळ गाठून, फोटो काढून स्वतःच्या शाबासकीच्या बातम्या स्वतःच देणे आणि कारखान्यावर मनुष्यवधाचा गुन्हा दाखल करा असे त्यांनी केलेलं स्टेटमेंट राजकारणानं बरबटलेले होते असे त्या म्हणाल्या.

रोखण्यात आल्याचे वक्तव्य चुकीचे
वैद्यनाथची दुर्घटना हा अपघात आहे की आणखी काय ? हे रिपोर्ट आल्यावरच कळेल. कारखान्याची टीम सुद्धा याचा तपास करीत आहे. कुठल्याही अपघाताचे घटनास्थळ हे विविध तपासणीसाठी योग्य रहावे यासाठी सील ठेवणे आवश्यक असते. मी स्वतः आमचे संचालक मंडळ व कार्यकर्ते जखमींच्या उपचारामध्ये व्यस्त असताना राष्ट्रवादी काँग्रेसचे काही पुढारी व कार्यकर्ते घटनास्थळी जाऊन फोटो काढत असल्याचे आढळले. तपासणीला यामुळे अडचण निर्माण होण्याची शक्यता वाटल्याने घटनास्थळावर तपासणी अधिकारी व संबंधित वगळता कोणीही जाऊ नये हा योग्य निर्णय घेऊन आम्ही पोलिस अधीक्षकांना निवेदन दिले होते. त्यावर पोलिसांनी कारवाई करणे योग्यच होते. या निवेदनात कोणत्याही व्यक्तीचे नाव अधोरेखित केले नव्हते. त्यामुळे आपल्याला रोखण्यात आल्याचे धनंजय मुंडे यांचे वक्तव्य चुकीचे आहे, रोखणाऱ्या पोलिस अधिकाऱ्यांना अधिवेशनात बघून घेऊ अशी अशोभनीय भाषा करून पदाचा गैरवापर करणाऱ्या विरोधी पक्षनेत्यांनी तपास यंत्रणेला सहकार्य करणे अपेक्षित होते असे पंकजा मुंडे म्हणाल्या.


जयंतीदिनाचा कार्यक्रम साधेपणाने
वैद्यनाथ कारखान्यावर झालेल्या अपघातात पाच कामगारांचे निधन झाले. त्यामुळे यंदा गोपीनाथराव मुंडे यांच्या जयंतीदिनी होणारे सर्व कार्यक्रम रद्द करण्यात आले आहेत. आता साधेपणाने जयंतीचा कार्यक्रम होणार असून दिवंगत मुंडे यांच्या समाधीचे दर्शन घेण्यासाठी राज्याच्या कानाकोपऱ्यातून कार्यकर्ते दाखल होणार आहेत. बीडच्या पालकमंत्री पंकजा मुंडे, खासदार प्रितम मुंडे यावेळी परिवारासह गडावर उपस्थित राहणार आहेत. दुर्घटनेमुळे गोपीनाथ मुंडे प्रतिष्ठानने मुख्यमंत्री देवेंद्र फडणवीस, केंद्रीय मंत्री उमा भारती यांच्या उपस्थितीत आयोजित करण्यात आलेले सामाजिक उपक्रमांचे सर्व कार्यक्रम रद्द करून शोकाकूल कुटुंबाच्या दुःखात सहभागी होण्याचा निर्णय घेतला आहे.

मोबाइल अॅप डाउनलोड करा आणि राहा अपडेट

कमी किमतीत घरे पुरविण्यात अपयश

December 11, 2017, 1:42 pm

≫ Next: ऐतिहासिक टाऊन हॉल ‘भूमिगत’साठी गहाण

≪ Previous: मनाई केली नव्हती

$

0

0

म. टा. प्रतिनिधी, औरंगाबाद
‘लोकांना कमी किमतीत घरे पुरविण्याच्या सरकारी योजना कमी पडत आहेत,’ असे प्रतिपादन अॅड. भास्कर आव्हाड यांनी केले. ‘निवारा हक्क व कायदे यांचे बदलते स्वरूप’ या कार्यशाळेत ते बोलत होते.
माणिकचंद विधी महाविद्यालय, जिल्हा वकील संघ यांच्यातर्फे आंतरराष्ट्रीय मानवाधिकार दिनानिमित्त या चर्चासत्राचे आयोजन करण्यात आले होते. कॉलेजच्या सभागृहात झालेल्या कार्यक्रमाच्या व्यासपीठावर उदघाटक महाराष्ट्र ग्राहक संरक्षण समितीचे अध्यक्ष अरुण देशपांडे, अॅड. जे. के. वासडीकर, प्राचार्य डॉ. सी. एम. राव, समन्वयक डॉ. अपर्णा कोत्तापल्ले, अॅड. वर्षा लहरे, उपप्राचार्य डॉ. गोडबोले यांची प्रमुख उपस्थिती होती. ‘रेरा कायद्या-२०१७’ आणि झोपडपट्टी विकास विषयावर अॅड. आव्हाड यांनी सविस्तर मार्गदर्शन केले.
‘ग्रामीण भागात रोजगार उपलब्ध नाही. शेती परवडत नाही. त्यामुळे शहराकडे कल वाढतो आहे. अशावेळी सर्वसामान्यांना परवडेल यासाठी खासगी गुंतवणूकधारकांनी पुढे यायला हवे,’ असे आवाहन करताना कायद्यातील उपाययोजना, तरतुदी याबाबतचे विश्लेषण अॅड. आव्हाड यांनी केले. ‘रेरा’ हा ग्राहकांना दिलासा देणारा कायदा असल्याचे मत अरुण देशपांडे यांनी व्यक्त केले. सामान्य ग्राहकांसाठी कायद्यातील जमेच्या बाजू कोणत्या हे त्यांनी सांगितले. अॅड. वासडीकर यांचेही भाषण झाले. दुसऱ्या सत्रात सुभाष लोमटे यांनी झोपडपट्टी रहिवाशांच्या प्रश्नावर आपल्या मार्गदर्शनातून लक्ष वेधले. प्रास्ताविक डॉ. कोत्तापल्ले यांनी केले. कल्याणी देशमुख यांनी स्वागत गीत गायले. सूत्रसंचालन अनघा पेडगावकर यांनी केले.

मोबाइल अॅप डाउनलोड करा आणि राहा अपडेट

ऐतिहासिक टाऊन हॉल ‘भूमिगत’साठी गहाण

December 11, 2017, 1:43 pm

≫ Next: औरंगाबादचे केंद्र बाहेरगावी

≪ Previous: कमी किमतीत घरे पुरविण्यात अपयश

$

0

0

म. टा. प्रतिनिधी, औरंगाबाद
भूमिगत गटार योजनेच्या कामासाठी महापालिका हडकोकडून ९८ कोटी रुपयांचे कर्ज काढणार असून, त्यासाठी ऐतिहासिक टाऊन हॉलसह पालिकेच्या प्रशासकीय इमारतीची जागा आणि पदमपुरा येथील अग्निशमन केंद्राची जागा हडकोकडे गहाण ठेवणार आहे. तसा प्रस्तावही तयार करण्यात आला आहे.

केंद्र सरकारच्या अर्बन इन्फ्रास्ट्रक्चर डेव्हलपमेंट स्किम फॉर स्मॉल अँड मीडियम टाऊन्स (युआयडीएसएसएमटी) योजनेतून औरंगाबादसाठी भूमिगत गटार योजना मंजूर करण्यात आली. त्यासाठी ३५५ कोटी रुपये देखील मंजूर केले. पालिकेने या कामाची टेंडर प्रक्रिया पूर्ण केल्यावर ‘भूमिगत’चे काम ४६५ कोटी रुपयांवर गेले. १०० कोटी रुपयांची तफावत खर्चात निर्माण झाली. ही तफावत भरून काढण्यासाठी हडकोकडून ९८ कोटी रुपयांचे कर्ज काढण्याचा प्रस्ताव पालिका प्रशासनाने तयार केला. हा प्रस्ताव मंजुरीसाठी सर्वसाधारण सभेच्या समोर ठेवण्यात आला आहे. कर्जासाठी महापालिकेला हडकोकडे कर्जाच्या किमतीच्या १२५ टक्के किमतीच्या मालमत्ता गहाण ठेवाव्या लागणार आहेत. त्यासाठी टाऊन हॉलची जागा (सीटीएस क्रमांक - २३८३, क्षेत्रफळ - ७२८२.४० चौरस मीटर), पालिकेच्या प्रशासकीय इमारतीची जागा (सीटीएस क्रमांक - ४८३५, क्षेत्रफळ -४८३५ चौरस मीटर), अग्निशमन विभागाच्या पदमपुरा येथील कार्यालयाची जागा (सीटीएस क्रमांक - १९६४६, क्षेत्रफळ - ३४६७ चौरस मीटर) या मालमत्तांची निवड केली आहे. सर्वसाधारण सभेत कर्ज काढण्याचा प्रस्ताव मंजूर झाल्यास या मालमत्ता गहाण ठेवून पालिका हडकोकडून कर्ज घेणार आहे. मुळात ५२ कोटी रुपयांचीच गरज आहे, परंतु जास्तीच्या कर्जाची मंजुरी घेऊन ठेवायची आहे. आवश्यक तेवढीच रक्कम टप्प्याटप्प्याने हडकोकडून घेऊ, अशी माहिती भूमिगत गटार योजनेचे नोडल ऑफिसर अफसर सिद्दिकी यांनी दिली.


काय आहे टाऊन हॉल ?
महापालिकेच्या शेजारी असलेली टाऊन हॉल ही वास्तू वारसा स्थळ म्हणून ओळखली जाते. तज्ज्ञांनी दिलेल्या माहितीनुसार मलिक अंबरच्या काळात १६१६मध्ये या वास्तूचे वैशिष्ट्यपूर्ण पद्धतीने बांधकाम झाले. ही वास्तू पंडित खाना म्हणून त्यावेळी प्रसिद्ध होती. त्यानंतर औरंगजेबाच्या काळात या वास्तूचे रुपांतर महिखाना (गेस्ट हाऊस) मध्ये करण्यात आले. पुढे या वास्तूला चिताखाना या नावाने ओळखले जाऊ लागले. ब्रिटिशांनी या वास्तूचे नूतनीकरण केले. या वास्तूच्या मधोमध पाण्याचा हौद, कारंजे आहेत. त्याशिवाय टाऊन हॉलच्या परिसरात आकर्षक उद्यान देखील विकसित करण्यात आले होते. कालांतराने टाऊन हॉल महापालिकेने आपल्या ताब्यात घेतला. काही वर्ष महापालिकेचे कार्यालय या वास्तूत होते. महापालिकेची पहिली सर्वसाधारण सभा याच हॉलमध्ये झाली व पहिल्या महापौरांनी निवड देखील याच हॉलमधून करण्यात आली. सध्या ही वास्तू पालिकेच्याच ताब्यात असून महापालिकेने तिचे नूतनीकरण केले आहे. या ठिकाणी कला प्रदर्शनांचे आयोजन केले जाते.

मोबाइल अॅप डाउनलोड करा आणि राहा अपडेट

औरंगाबादचे केंद्र बाहेरगावी

December 11, 2017, 1:48 pm

≫ Next: व्यवस्थापन परिषदेची नियुक्ती सुरू

≪ Previous: ऐतिहासिक टाऊन हॉल ‘भूमिगत’साठी गहाण

$

0

0

म. टा. प्रतिनिधी, औरंगाबाद
शिक्षक भरतीसाठी महत्त्वाची ठरणारी अभियोग्यता व बुद्धिमत्ता चाचणी मंगळवारपासून (१२ डिसेंबर) सुरू होत आहे. औरंगाबादच्या परीक्षार्थींना थेट पुणे, नागपूर असे केंद्र देण्यात आले आहेत. त्यामुळे विद्यार्थ्यांचा वेळ आणि पैसा खर्च होणार आहे.

राज्य परीक्षा परिषदेतर्फे १२ ते २१ डिसेंबर दरम्यान अभियोग्यता व बुद्धिमत्ता चाचणी ऑनलाइन घेतली जाणार आहे. आठ वर्षानंतर शिक्षक भरतीची प्रक्रिया होत असल्याने डीटीएड, बीएडधारकांमध्ये उत्सुकता आहे. २ ते २२ नोव्हेंबर अशी अर्ज भरण्याची प्रक्रिया पूर्ण झाली. राज्यातील सुमारे दोन लाख विद्यार्थ्यांनी अर्ज भरले आहेत. विद्यार्थ्यांना हॉलतिकीट मिळाल्यानंतर गोंधळ उडाला आहे. अनेक विद्यार्थ्यांना बाहेरच्या शहरातील परीक्षा केंद आले आहे. विद्यार्थ्यांना अर्ज भरताना तीन शहरांमध्ये परीक्षा केंद्र निवडण्याची संधी दिली होती. त्यासाठी विद्यार्थ्यांनी क्रमाने शहर भरले. अर्जामध्ये संबंधित शहराचा उल्लेख नसतानाही या विद्यार्थ्यांना केंद्र आले आहेत. औरंगाबादमध्ये केंद्र असताना विद्यार्थ्यांना बाहेरच्या शहरात जाऊन परीक्षा देण्याची वेळ आली आहे. त्यात ही केंद्र शोधण्याची कसरतही त्यांना करावी लागेल. आठ वर्षानंतर होत असलेल्या परीक्षेबाबत विद्यार्थ्यांना अभ्यासासाठीचा वेळ महत्त्वाचा आहे, मात्र परिषदेच्या अशा कारभारामुळे विद्यार्थ्यांचा वेळ आणि पैसा खर्च होणार आहेत. वेळेच्या दोनतास आधी विद्यार्थ्यांना केंद्रावर पोहचायचे आहे. त्यामुळे संबंधित केंद्र शोधणे आणि तिथे पोहचणे विद्यार्थ्यांना जिकरीचे ठरणार आहे.

परीक्षेची रात्री ११ची वेळ
परीक्षेच्या हॉल तिकीटमध्ये चक्क वेळापत्रकच बदलण्याचा प्रताप समोर आला आहे. सकाळच्या सत्रात परीक्षा असताना हॉल तिकीटावर ११ पीएम ते १ एम असा उल्लेख करण्यात आलेला आहे. त्यामुळे आपला पेपर नेमका कधी, असा प्रश्न विद्यार्थ्याला पडला आहे.

औरंगाबादमध्ये पाच केंद्र
अभियोग्यता व बुद्धिमत्ता चाचणी परीक्षेसाठी शहरात पाच परीक्षा केंद्र देण्यात आले आहेत. त्यामध्ये सरस्वती भुवन कॉलेज, शिवछत्रपती कॉलेज, औरंगाबाद कॉलेज ऑफ इंजिनीअरिंग, वन डिरेक्शन, अॅक्टिव इन्स्टिट्यूट ऑफ आयटी अशा केंद्रांचा समावेश आहे. सकाळी नऊ ते अकरा, दुपारी १२.३० ते २.३० व सायंकाळी चार ते सहा अशा तीन सत्रामध्ये होणार आहे.

आयटी विभागाने परीक्षा केंद्र निश्चिती, हॉलतिकीटचे काम केले आहे. काही त्रुटी असतील तर त्यात परिषदेचा काही दोष नाही. त्याचबरोबर ऐनवेळी हॉलतिकीटांमध्ये बदल होणे शक्यही नाही. आमच्या माहिती प्रमाणे विद्यार्थ्यांनी हॉलतिकीटांमध्ये जे क्रमाने पसंती दिली होती, त्याच शहरात परीक्षेचे केंद्र आलेले आहेत. - सुखदेव डेरे, आयुक्त, राज्य परीक्षा परिषद, पुणे

राज्यभर परीक्षा
- ६७ परीक्षा केंद्र
- १,९७,५२० परीक्षार्थी
- १२ ते २१ डिसेंबर पेपर

मोबाइल अॅप डाउनलोड करा आणि राहा अपडेट

व्यवस्थापन परिषदेची नियुक्ती सुरू

December 11, 2017, 1:49 pm

≫ Next: अधिवेशनात विद्यापीठाचे वाभाडे

≪ Previous: औरंगाबादचे केंद्र बाहेरगावी

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठाच्या अधिसभा, व्यवस्थापन परिषद, विद्या परिषद आणि अभ्यास मंडळाच्या सदस्य नियुक्तीची प्रक्रिया सुरू झाली आहे. बंगळुरू येथील इंडियन इन्स्टिट्यूट ऑफ सायन्स संस्थेचे प्रा. टी. जी. सीताराम यांची व्यवस्थापन परिषदेत नियुक्ती झाली आहे. इतर नियुक्त्यांच्या प्रस्तावाला राज्यपाल कार्यालयाची मान्यता मिळण्याची प्रतीक्षा आहे.

विद्यापीठ निवडणुकीनंतर अधिसभा, व्यवस्थापन परिषद, विद्या परिषद आणि अभ्यास मंडळाच्या नियुक्त्या सुरू झाल्या आहेत. निर्वाचित सदस्यांशिवाय नियुक्त सदस्यांचा परिषदेत समावेश असतो. व्यवस्थापन परिषदेत प्रा. टी. जी. सीताराम यांची नियुक्ती झाली आहे. राष्ट्रीय कीर्तीची परिसंस्था किंवा संघटनेमधील एका ख्यातनाम तज्ज्ञांची नियुक्ती करायची असते. या प्रवर्गातून सीताराम व्यवस्थापन परिषदेचे सदस्य झाले आहेत. कुलगुरूंनी राज्यपालांशी विचारविनिमय केल्यानंतर नियुक्तीला मान्यता मिळाली आहे. नियुक्त सदस्यांचे प्रस्ताव राज्यपाल कार्यालयाला पाठवण्यात आले आहेत. प्रस्तावांना मान्यता मिळाल्यानंतर इतर नियुक्त्या लवकरच होणार आहेत. ‘सिनेट’मध्ये ३९ निवडून आलेले सदस्य, १७ नियुक्त सदस्य आणि २० अशासकीय सदस्य असे एकूण ७६ सदस्य आहेत. व्यवस्थापन परिषदेत एकूण २५ सदस्य असून सात सदस्य निर्वाचित आहेत. तर काही सदस्य नियुक्त आहेत. विद्या परिषदेत ७५ सदस्य आणि अभ्यास मंडळात १८ सदस्य असतील. प्रलंबित नियुक्त्या तातडीने करण्यासाठी प्रशासनाने पाठपुरावा सुरू केला आहे.

प्रस्तावांची प्रतीक्षा
अधिकार मंडळाच्या नियुक्तीसाठी कुलगुरूंनी विविध प्रस्ताव पाठवले आहेत. राज्यपाल कार्यालयाकडून मान्यता मिळाल्यानंतर ते जाहीर होतील. निवडणूक प्रक्रियेचा कालावधी वाढवल्यामुळे नियुक्त्या त्या कालावधीपर्यंत सुरू राहणार आहेत, असे प्रभारी कुलसचिव डॉ. साधना पांडे यांनी सांगितले.

मोबाइल अॅप डाउनलोड करा आणि राहा अपडेट

---

अधिवेशनात विद्यापीठाचे वाभाडे

December 11, 2017, 1:51 pm

≫ Next: हज हाऊसच्या कामाला ब्रेक

≪ Previous: व्यवस्थापन परिषदेची नियुक्ती सुरू

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठाच्या गलथान कारभाराचे वाभाडे हिवाळी अधिवेशनात निघणार आहेत. ‘पीजी सीईटी’ गोंधळ, प्रभारी कुलसचिव डॉ. प्रदीप जबदे यांची नियुक्ती, रॅगिंग, स्त्री अभ्यास केंद्राची स्थिती अशा मुद्द्यांवर तारांकित प्रश्न विचारण्यात आले आहेत. विद्यापीठाची बाजू सावरताना उच्च व तंत्र शिक्षणमंत्री विनोद तावडे यांची तारांबळ उडण्याची शक्यता आहे.

विद्यापीठात गेल्या सहा महिन्यात अभियांत्रिकी सामूहिक कॉपी प्रकरण, पीजी स्पॉट अॅडमिशनचा गोंधळ, पदव्युत्तर प्रवेशापासून वंचित विद्यार्थी, ‘पेट’वर झालेले आंदोलन, छत्रपती शिवाजी महाराज यांचा पुतळा उभारणीचा वाद, अभियांत्रिकी कॅरिऑन, निवडणूक प्रक्रियेतील विस्कळीतपणा व प्रभारी कुलसचिव डॉ. प्रदिप जबदे यांची नियमबाह्य मुदतवाढ अशी प्रकरणे गाजली. प्रत्येक वादग्रस्त प्रकरणात कुलगुरू डॉ. बी. ए. चोपडे यांनी स्पष्ट भूमिका घेतली नाही. परिणामी, दबावतंत्र वापरून काही संघटनांनी मनमानी निर्णय घेण्यास भाग पाडले. विद्यापीठ प्रशासनाच्या गलथानपणाची झळ थेट विद्यार्थ्यांना बसल्यामुळे वातावरण चिघळले आहे. या प्रकाराचे पडसाद हिवाळी अधिवेशनात उमटणार आहेत. नागपूर येथे सोमवारी (११ डिसेंबर) हिवाळी अधिवेशन सुरू झाले. लोकप्रतिनिधींनी डॉ. बाबासाहेब आंबेडकर मराठवाडा विद्यापीठाच्या कारभाराची चौकशी करणारे तारांकित प्रश्न उपस्थित केले आहेत. पदव्युत्तर प्रवेश प्रक्रियेसाठी सीईटी घेण्याचा निर्णय विद्यापीठाने घेतला होता. शुल्क घेऊन प्रक्रिया पूर्ण करण्यात आली. मात्र, ‘सीईटी’ न दिलेल्या विद्यार्थ्यांसाठी विद्यापीठात स्पॉट अॅडमिशन प्रक्रिया झाली. चार जिल्ह्यातील दहा हजार विद्यार्थी विद्यापीठात आल्यानंतर नियोजन कोलमडले. रसायनशास्त्र विभागात संतापलेल्या विद्यार्थ्यांनी दगडफेक केली. पोलिस बंदोबस्त वाढवून विद्यार्थी नियंत्रणात ठेवण्यात आले. २३ ऑगस्ट रोजी घडलेल्या प्रकारामुळे शैक्षणिक वर्तुळात विद्यापीठाची नाचक्की झाली. पीजी प्रवेश प्रक्रियेत विद्यार्थ्यांना वेठीस का धरले असा प्रश्न विरोधी पक्षनेते आमदार धनंजय मुंडे, आमदार अमरसिंह पंडित, आमदार सतीश चव्हाण, विक्रम काळे, जयवंतराव जाधव आणि नरेंद्र पाटील यांनी उपस्थित केला आहे. ताराबाई शिंदे स्त्री अभ्यास केंद्रात विद्यापीठ अनुदान आयोगाच्या नियमानुसार पदे न भरल्यामुळे व नियमित न केल्यामुळे तासिका बंद पडल्या आहेत का, अशी विचारणा आमदार कपिल पाटील यांनी केली आहे. प्रभारी कुलसचिव डॉ. प्रदीप जबदे यांना नियमबाह्य मुदतवाढ दिल्याचा प्रश्नही उपस्थित झाला आहे. विद्यापीठाच्या प्रशासकीय गोंधळावर विरोधक आक्रमक होण्याची शक्यता आहे. दरम्यान, हिवाळी अधिवेशनात उपस्थित झालेल्या प्रश्नांना उत्तरे देण्यासाठी विद्यापीठ यंत्रणेची धावपळ उडाली आहे. या आठवड्यात विद्यापीठाचे काही प्रश्न अधिवेशनात गाजणार आहेत.

विद्यापीठाच्या प्रतिमेला तडा
मागील काही दिवसांत गैरप्रकारांमुळे विद्यापीठाची राज्यभर नाचक्की झाली. या प्रकारावर शिक्षणमंत्री विनोद तावडे नाराज आहेत. मागील तीन वर्षांत ‘बामू’च्या प्रतिमेला तडा गेला असून विद्यापीठाची प्रतिमा सुधारणे आव्हानात्मक असल्याचे मत मंत्रालयातील एका वरिष्ठ अधिकाऱ्याने मांडले. या सर्व प्रकाराचे पडसाद हिवाळी अधिवेशनात उमटण्याची चिन्हे आहेत.

हिवाळी अधिवेशनात लोकप्रतिनिधींनी विचारलेल्या सर्व प्रश्नांची उत्तरे पाठवली आहेत. अशी विचारणा राज्यातील सर्व विद्यापीठांना केली आहे. काही प्रश्न मी रुजू होण्यापूर्वीच विचारण्यात आले होते. - डॉ. साधना पांडे, प्रभारी कुलसचिव

मोबाइल अॅप डाउनलोड करा आणि राहा अपडेट

हज हाऊसच्या कामाला ब्रेक

December 11, 2017, 1:53 pm

≫ Next: कणखर वाटचालीचा मुक्त संवाद

≪ Previous: अधिवेशनात विद्यापीठाचे वाभाडे

$

0

0

म. टा. प्रतिनिधी, औरंगाबाद
हज हाऊसचे कामकाज वेळेत पूर्ण न केल्याबद्दलचे कंत्राट रद्द केल्यानंतर अखेर सिडकोने अपूर्ण काम पूर्ण करण्यासाठी निविदा प्रक्रिया पूर्ण केली असून, तीन महिन्यानंतर या कामाला सुरुवात होणार आहे.

शहरात हज हाऊस बांधावे या मागणीसाठी आंदोलन करण्यात आले. तत्कालीन मुख्यमंत्री पृथ्वीराज चव्हाण यांनी अखेर हज हाऊस आणि वंदेमातरम सभागृह बांधण्याची घोषणा केली. हज हाऊसचे काम ऑगस्ट २०१७मध्ये पूर्ण होण्याचे नियोजन सिडकोने केले, मात्र संबंधित कंत्राटदाराकडून हे काम वेळेत पूर्ण न झाल्याने सप्टेंबर २०१७मध्ये हे कंत्राट रद्द करण्यात आले. संबंधित कंत्राटदाराला काळ्या यादीत टाकले. त्यानंतर या अर्धवट कामासाठी पुन्हा निविदा काढण्यात आली असून, यासाठीची शेवटची तारीख २१ डिसेंबर अशी ठेवण्यात आली आहे. ही प्रक्रिया पूर्ण झाल्यानंतर या निविदेची मान्यता बोर्ड किंवा व्यवस्था‌थापकीय संचालक यांच्याकडून घेण्यात येणार आहे.

२०१९पर्यंत काम पूर्ण
सिडको विभागाने हज हाऊसच्या अर्धवट कामासाठी काढलेल्या निविदेला चांगला प्रतिसाद मिळाला असून, हे काम फेब्रुवारीत सुरू झाले, तर २०१९पर्यंत पूर्ण होईल, अशी शक्यता वर्तविण्यात येत आहे.

मोबाइल अॅप डाउनलोड करा आणि राहा अपडेट

कणखर वाटचालीचा मुक्त संवाद

December 11, 2017, 1:54 pm

≫ Next: रूद्रकंठावार यांना ‘कोल्हटकर’ पुरस्कार

≪ Previous: हज हाऊसच्या कामाला ब्रेक

$

0

0

म. टा. प्रतिनिधी, औरंगाबाद
विविध क्षेत्रात कणखरपणे यशस्वी वाटचाल करीत असलेल्या महिलांशी खुला संवाद प्रेरक ठरला. वैद्यकीय पेशा, वकिली आणि अध्यापन क्षेत्रातील आव्हाने जाणून घेताना उपस्थित भारावून गेले. मुक्त संवादात विविध प्रश्नांवर मनमोकळी चर्चा केली.

सक्षम स्त्रियांची वाटचाल अधोरेखित करणारा ‘कुछ कहो कुछ सुनो, कुछ अनकहा भी सुनो’ संकल्पना असलेला मुक्त संवाद कार्यक्रम घेण्यात आला. एमजीएम कॅम्पसमधील आइन्स्टाइन सभागृहात रविवारी सायंकाळी हा विशेष कार्यक्रम झाला. स्त्रीरोग तज्ज्ञ डॉ. स्वाती शिरडकर, एमजीएम जर्नालिझम कॉलेजच्या प्राचार्य डॉ. रेखा शेळके आणि अॅड. अर्चना गोंधळेकर यांच्याशी डॉ. तृप्ती बोरूळकर यांनी मुक्त संवाद साधला. वैयक्तिक वाटचाल आणि आपल्या क्षेत्रातील आव्हानांवर तिघींनी प्रकाश टाकला. शिक्षण, विवाह, करिअर, मुलांचे संगोपन या विविध विषयांवर चर्चा झाली. स्त्रियांनी स्त्रियांना मदत केल्यास बराच बदल घडतो असे प्रतिपादन डॉ. रेखा शेळके यांनी केले. ‘नगर जिल्ह्यातील खर्डा प्रकरणात मुलाचा जीव गेला. राज्यभर सामाजिक तेढ निर्माण झाली, पण त्या मुलीचे काय होईल, असा प्रश्न एका संवेदनशील पत्रकाराला पडला. महिनाभर मुलीच्या घरी जाऊन त्या पत्रकाराने समुपदेशन केले. ती मुलगी आता पुण्यात शिकते. स्त्री स्त्रीला साथ देत असते. स्त्री तिची शत्रू असते हा समज साफ चुकीचा आहे,’ असे शेळके म्हणाल्या. एकमेकींना समजून घेतल्यास बदल घडतील असे त्यांनी नमूद केले. मुलींना मेडिकलला प्रवेश मिळणे खूप दिव्य असते. एका पंजाबी मुलीला प्रवेश मिळाला होता, पण तिचे पती अमेरिकेला चालल्यामुळे तू शिक्षण थांबवून आई-वडीलांजवळ रहा असा त्याने हट्ट धरला. त्याचे खूप समुपदेशन केल्यानंतर तिच्या शिक्षणाचा मार्ग खुला झाला. मुलींना शिक्षणात अडचणी जाणवतात असे डॉ. स्वाती शिरडकर म्हणाल्या.

चित्रफितीच्या माध्यमातून चर्चा
विविध चित्रफितीच्या माध्यमातून स्त्रियांच्या प्रश्नांवर चर्चा करण्यात आली. कार्यालयातील पुरूष सहकारी स्त्रियांशी कसे वागतात, अशा प्रसंगांना धाडसाने कसे सामोरे जावे याबाबत साधकबाधक चर्चा करण्यात आली. या कार्यक्रमासाठी डॉ. निधी नावंदर, डॉ. अरुणा कराड, डॉ. तृप्ती बोरूळकर, श्वेता सेठी, मोना सेठी, डॉ. शारदा जाधव, डॉ. कीर्ती बर्डे यांनी परिश्रम घेतले. यावेळी महिला मोठ्या संख्येने उपस्थित होत्या.

मोबाइल अॅप डाउनलोड करा आणि राहा अपडेट

रूद्रकंठावार यांना ‘कोल्हटकर’ पुरस्कार

December 11, 2017, 10:56 pm

≫ Next: अश्लिल व्हिडिओ दाखवून विद्यार्थिनींशी चाळे

≪ Previous: कणखर वाटचालीचा मुक्त संवाद

$

0

0

औरंगाबाद : क्लासिकल विनोदाचा बाज जपत, खुसखुशीत लिखाणातून कुणाचेही मन न दुखावता मर्मावर बोट ठेवत चिमटा काढणारे औरंगाबादचे साहित्यिक ब्रब्रुवान रूद्रकंठावार यांच्या ‘आमादमी विदाऊट पार्टी’ या पुस्तकाला महाराष्ट्र शासनाचा उत्कृष्ट वाडनिर्मितीसाठीचा श्रीपाद कृष्ण कोल्हटकर पुरस्कार जाहीर झाला आहे. एक लाख रुपये, स्मृतीचिन्ह असे या पुस्तकाचे स्वरूप आहे. तर बालवाङमय संकीर्ण ना. धो. ताम्हणकर पुरस्कार सोनाली गावडे हिच्या ‘माझी दैनंदिनी’ला जाहीर झाला आहे. प्रौढ वाङमयातून शिक्षणशास्त्र कर्मवीर भाऊराव पाटील पुरस्कार डॉ. पुरुषोत्तम भापकर यांच्या ‘हे शक्य आहे’ या पुस्तकाला, तर राजा मंगळवेढेकर पुरस्कार डॉ. विशाल तायडे यांना जाहीर झाला आहे.

मोबाइल अॅप डाउनलोड करा आणि राहा अपडेट

अश्लिल व्हिडिओ दाखवून विद्यार्थिनींशी चाळे

December 11, 2017, 11:42 pm

≫ Next: फुलंब्री पंचायतीसाठी आज मतदान

≪ Previous: रूद्रकंठावार यांना ‘कोल्हटकर’ पुरस्कार

$

0

0

बीडः
बीड जिल्ह्यातील एका शिक्षकाने माणुसकीला आणि ज्ञानदानाच्या पवित्र क्षेत्राला काळिमा फासणारे कृत्य केले. ढोरवाडी येथील जिल्हा परिषद शाळेतील शिक्षक दिगंबर शिंदे हा विद्यार्थिनींना अश्लिल व्हिडिओ दाखवून त्यांच्याशी चाळे करत असल्याची धक्कादायक घटना उघडकीस आली आहे. या प्रकरणी पोलिसांनी शिंदेला अटक केली आहे.

वडवणी तालुक्यातील ढोरवाडी येथील जिल्हा परिषद शाळेतील शिक्षक दिगंबर शिंदे हा दुपारच्या वेळेत काही मुलींना वर्गातच थांबवून ठेवायचा. त्यांना मोबाइलमधील अश्लिल व्हिडिओ दाखवून त्यांच्याशी अश्लिल चाळे करायचा. हा प्रकार एका विद्यार्थिनीने पालकांना सांगितला. या प्रकरणी त्यांनी तक्रार दाखल केल्यानंतर वडवणी पोलिसांनी रविवारी शिक्षकाला अटक केली.

मोबाइल अॅप डाउनलोड करा आणि राहा अपडेट