म. टा. प्रतिनिधी, औरंगाबाद शहरात विक्री करण्यात आलेल्या १९ तलवारींचा साठा गुन्हे शाखेच्या पथकाने हर्सूल, जहांगीर कॉलनीतून जप्त केला. याप्रकरणी सहा जणांना अटक करण्यात आली आहे. जहांगीर कॉलनी भागातील संशयित आरोपी आलिमखान रहीमखान पठाण (वय ३५) हा गेल्या काही दिवसांपासून तलवारींची विक्री करीत असल्याची माहिती गुन्हे शाखेला मिळाली होती. या माहितीवरून पथकाने आलिमखानच्या घरावर छापा टाकला. यावेळी त्याच्या घरात दोन तलवारी आढळल्या. तसेच त्याने इतर तलवारी काही जणांना विकल्याची माहिती दिली. पोलिसांनी विक्री केलेल्या या तलवारी शेख मोहसीन शेख मतीन, नफीस शहा शरीफ शहा, इलियास उर्फ इलू इसाक कुरेशी, शेख परवेज शेख महेराज, शेख आमेर शेख इकबाल,शेख कलीम उर्फ इलियाज शेख, शेख समीर शेख मोहम्मद अयुब, शेख असर व शेख आवेज शेख महेराज यांच्याकडून जप्त केल्या. तसेच आरोपींना अटक केली. ही कामगिरी पोलिस निरीक्षक मधुकर सावंत, पीएसआय अमोल देशमुख, नंदकुमार भंडारे, अफसर शहा, विकास माताडे, विलास वाघ, संजय जाधव, शिवाजी भोसले, ओमप्रकाश बनकर, धर्मराज गायकवाड व संजिवनी शिंदे यांनी केली. … \Bहजार रुपयांत तलवार \Bगेल्या तीन महिन्यापासून आलिमखान या तलवारींची विक्री करीत होता. हजार रुपयात तो एक तलवार विकत होता. या तलवारी कोठून आणण्यात येत होत्या आणि यांची विक्री कशासाठी करण्यात येत होती, याचा तपास पोलिसांकडून करण्यात येत आहे.
मोबाइल अॅप डाउनलोड करा आणि राहा अपडेट
