विविध घटनांत दोघे बेपत्ता

May 5, 2015, 11:36 am

≫ Next: बलात्काराच्या गुन्ह्यातील पसार संशयित गजाआड

≪ Previous: ‘नंबर प्लेट करताना मालकाची खात्री करा’

$

0

0

म. टा. प्रतिनिधी, औरंगाबाद

विविध घटनांत शहरातील दोन नागरिक बेपत्ता झाले आहेत. पद्मपुरा व मिलकॉर्नर परिसरात या घटना घडल्या आहेत. याप्रकरणी क्रांतिचौक पोलिस ठाण्यात नोंद करण्यात आली आहे. रवी सुरेश भंडारी (वय ४० रा. छावणी) हे २७ एप्रिल रोजी मिल कॉर्नर येथून रेल्वे स्टेशनकडे जाण्यासाठी रिक्षामध्ये बसले होते. ते मुंबईला कामानिमित्त जाणार होते. ते अद्यापपर्यंत घरी परतले नाहीत. त्यांच्याशी कुटुंबीयांचा संपर्कही होऊ शकलेला नाही. भंडारी यांच्या अंगात आकाशी रंगाची शर्ट-पँट असून, सोबत निळ्या रंगाची बॅग आहे. प्रवीण आनंदराव यांच्या तक्रारीवरून क्रांतिचौक पोलिस ठाण्यात नोंद करण्यात आली आहे. दुसऱ्या घटनेत पद्मपुरा येथील सुधाकर दगडू पवार (वय ५३) हे २९ एप्र‌िल रोजी बेपत्ता झाले आहे.

खालसा हॉटेलमध्ये जेवण करण्याचे कारण सांगून पवार घराबाहेर पडले होते. पवार यांची उंची पाच फूट सहा इंच, रंग सावळा असून, सडपातळ बांधा आहे. त्यांच्या नातेवाईकांनी क्रांतिचौक पोलिस ठाण्यात याबाबत अर्ज दिला.

मोबाइल अॅप डाउनलोड करा आणि राहा अपडेट

---

बलात्काराच्या गुन्ह्यातील पसार संशयित गजाआड

May 5, 2015, 11:37 am

≫ Next: ‘काळी-पिवळी’च्या ‘नो एंट्री’ला सुरुवात

≪ Previous: विविध घटनांत दोघे बेपत्ता

$

0

0

म. टा. प्रतिनिधी, औरंगाबाद

अल्पवयीन मुलीवर बलात्कार करून पसार झालेल्या संशय‌ित आरोपीला विशेष पथकाने मालेगाव तालुक्यातून अटक केली. हा गुन्हा १२ मार्च रोजी वाळूज पोलिस ठाण्याच्या हद्दीत घडला आहे. वाळूज परिसरात उमेश साहेबराव तायडे (वय २१, रा. कापशी ता. पातूर जि. अकोला) हा तरूण भाड्याने राहत होता. परिचयातील एका अल्पवयीन मुलीवर बलात्कार करून तो पसार झाला. याप्रकरणाचा तपास करणाऱ्या विशेष पथकाला माहिती मिळाल्यानंतर त्याला करंजी (ता. मालेगाव) येथून अटक करण्यात आली. ही कारवाई सहायक पोलिस निरीक्षक अर्चना पाटील व पथकाने केली.

मोबाइल अॅप डाउनलोड करा आणि राहा अपडेट

‘काळी-पिवळी’च्या ‘नो एंट्री’ला सुरुवात

May 5, 2015, 11:44 am

≫ Next: ‘काळी पिवळी’वर बंदीमुळे एसटी स्टँडवर प्रवाशांची गर्दी

≪ Previous: बलात्काराच्या गुन्ह्यातील पसार संशयित गजाआड

$

0

0

म. टा. प्रतिनिधी, औरंगाबाद

काळी-पिवळी अवैध प्रवासी वाहतूक करणाऱ्या वाहनांवर मंगळवारपासून शहरात येण्यावर बंदी घालण्यात आली आहे. पोलिसांनी विविध मार्गांवर नाके उभारले, परंतु चालकांनीच आपली वाहने बंद ठेवली. दरम्यान, वाहनचालकांच्या संघटनेने पोलिस आयुक्तांना निवेदन सादर केले. यावेळी, आक्षेप सादर करा. जनसुनावणी घेऊन यासंदर्भात निर्णय घेण्यात येईल. तोपर्यंत 'काळी-पिवळी'ला शहरात येण्यास बंदी असल्याचे आयुक्तांनी स्पष्ट केले.

अवैध प्रवासी वाहतूक करणाऱ्या काळी-पिवळी वाहनांवर शहरात येण्यास नवे आयुक्त अमितेशकुमार यांनी बंदी घातली आहे. हर्सूल टी पॉइंट, चिकलठाणा, नगर नाका व महानुभाव आश्रम चौकापर्यंतच या वाहनांना येण्यास परवानगी देण्यात आली आहे. मंगळवारी दुपारी बारापासून या आदेशाची अंमलबजावणी सुरू करण्यात आली. शहरात प्रवेश करणाऱ्या या चारही मार्गावर वाहतूक शाखेने नाके उभारले होते. बॅरिगेट लावण्यात आले होते, मात्र या निर्णयाविरोधात काळी पिवळी वाहनचालक मालक संघटनेने बंद पुकारला होता. उस्मानपुरा परिसरात माजी महापौर मनमोहनसिंग ओबेरॉय यांच्या कार्यालयात वाहनाचालक-मालक संघटनेची बैठक पार पडली. मराठवाडा अॅटो व जीप ओनर्स संघटनेनेच्या शिष्टमंडळाने सायंकाळी पोलिस आयुक्त अमितेशकुमार यांची भेट घेतली. त्यांनी हा निर्णय मागे घेण्याबाबत निवेदन सादर केले. आयुक्त अमितेशकुमार यांनी, ६० दिवसांत तुमचे आक्षेप, हरकती नोंदवा. त्यानंतर जनसुनावणी घेऊन याबाबत निर्णय घेतला जाईल, असे स्पष्ट केल्याचे वाहतूक शाखेचे सहायक आयुक्त खुशालचंद बाहेती यांनी ही माहिती दिली.

काळी पिवळीच्या शहरातील वाहतुकीबाबत आक्षेप मागविण्यात आले आहेत. मंगळवारी मराठवाडा अॅटो व जीप मोटर्स असोसिएशनचा एक आक्षेप लेखी स्वरूपात प्राप्त झाला आहे. आक्षेप नोंदवण्यासाठी ६० दिवसांची मुदत अाहे. तोपर्यंत या वाहनांना शहरात दिवसा येण्यास बंदी असेल.

- खुशालचंद बाहेती, सहायक पोलिस आयुक्त, वाहतूक शाखा

मोबाइल अॅप डाउनलोड करा आणि राहा अपडेट

‘काळी पिवळी’वर बंदीमुळे एसटी स्टँडवर प्रवाशांची गर्दी

May 5, 2015, 11:45 am

≫ Next: जिल्हा बँकेच्या अध्यक्षांवर आचारसंहिता भंगाचा आरोप

≪ Previous: ‘काळी-पिवळी’च्या ‘नो एंट्री’ला सुरुवात

$

0

0

म. टा. प्रतिनिधी, औरंगाबाद

वाहतूक पोलिसांनी शहरात 'काळी-पिवळी'च्या प्रवेशावर बंदी आणल्याने ग्रामीण भागाकडे जाणाऱ्या प्रवाशांना बसमधून प्रवास करावा लागला. त्यामुळे मंगळवारी दिवसबर एसटी स्टँडवर प्रवासांची गर्दी होती.
शहरात काळी-पिवळी जीपच्या प्रवेशावर बंदी घातली आहे. त्यामुळे शहरातील विविध चौकांतून प्रवासी घेण्यासाठी आज एकही जीप नव्हती. त्यामुळे ग्रामीण भागाकडे जाणाऱ्या प्रवाशांना चौकांत बसची वाट बघत थांबावे लागले. अनेक प्रवासी मध्यवर्ती बस स्थानकात आले होते. त्यामुळे बस स्टँडवर प्रवाशांची दिवसभर गर्दी होती. पैठण, सिल्लोड, कन्नड, खुलताबाद, गंगापूर आणि वैजापूरला जाण्यासाठी प्रवाशांना एसटीची वाट पाहात थांबावे लागले. औरंगाबादसह विविध आगारांच्या बस प्रवासी वाहतुकीसाठी वापरण्यात आल्या. प्रवाशांची संख्या वाढल्याने एसटी विभागाची सेवाही अपुरी पडली. एसटी स्टँडवर बसमध्ये जागा पकडण्यासाठी प्रवाशांची धावपळ सुरू होती. गर्दीमुळे महिला आणि वृद्धांचे हाल झाले. बहुतांश बसमध्ये प्रवाशांना उभे राहून प्रवास करावा लागला.

बस स्टँडवर प्रवाशांची गर्दी होती तर, दुसरीकडे हर्सूल पॉइंट, दिल्ली गेट, पंचवटी चौक, रेल्वे स्टेशन, महानुभव आश्रम यांसह चिकलठाणात पॉइंटवर प्रवाशांची गर्दी होती. स्टँडवरून भरून आलेल्या बस या पॉइंटवर न थांबताच पुढे जात होत्या.

शहर वाहतूक पोलिसांनी काळी पिवळी जीप थांबविण्याचा निर्णय घेतला आहे. प्रवाशांना त्रास होऊ नये म्हणून कन्नड, गंगापूर, वैजापूर, सिल्लोड आणि पैठण या मार्गांवर एसटी बसच्या फेऱ्या वाढविण्यात येणार आहेत. जास्तीत जास्त प्रवाशांना सुविधा देण्यासाठी हा निर्णय घेण्यात येणार आहे.

- आर. एन. पाटील, विभागीय नियंत्रक, औरंगाबाद

मोबाइल अॅप डाउनलोड करा आणि राहा अपडेट

जिल्हा बँकेच्या अध्यक्षांवर आचारसंहिता भंगाचा आरोप

May 5, 2015, 11:45 am

≫ Next: एसटी कॉलनीत दूषित पाणीपुरवठा

≪ Previous: ‘काळी पिवळी’वर बंदीमुळे एसटी स्टँडवर प्रवाशांची गर्दी

$

0

0

म. टा. प्रतिनिधी, औरंगाबाद

जिल्हा मध्यवर्ती सहकारी बँक निवडणुकीत विद्यामान अध्यक्ष सुरेश पाटील व संचालक नितीन पाटील यांनी आचारसंहितेचे उल्लंघन केले आहे, असा आरोप सर्व पक्षीय सहकार बँक उत्कर्ष पॅनलचे महेश देशमुख यांनी केला आहे. यासंदर्भात त्यांनी निवडणूक विभागाकडे लेखी तक्रार दाखल केली आहे.

सहकार बँकेच्या निवडणुकीत बँक कर्मचाऱ्यांना प्रत्यक्ष सहभाग घेता येत नाही, मात्र असे असतानाही सुरेश आणि नितीन पाटील यांनी पदाचा दुरुपयोग करून बँकेच्या काही कर्मचाऱ्यांना निवडणुकीच्या कामात जुंपले, असा आरोप देशमुख यांनी केला. आचारसहिंता असताना पाटील यांनी २९ एप्रिल रोजी बँक कर्मचारी आणि सोसायटी गट सचिवांची एक बैठक घेतली. त्यावेळी अनेक कर्मचारी उपस्थित होते, असा आरोप देशमुख यांनी केला आहे. याप्रकरणी कायदेशीर कारवाई करावी, अशी मागणी त्यांनी या तक्रार अर्जात केली आहे.

मोबाइल अॅप डाउनलोड करा आणि राहा अपडेट

एसटी कॉलनीत दूषित पाणीपुरवठा

May 5, 2015, 11:46 am

≫ Next: ताफ्यात घुसखोरीचा प्रयत्न

≪ Previous: जिल्हा बँकेच्या अध्यक्षांवर आचारसंहिता भंगाचा आरोप

$

0

0

म. टा. प्रतिनिधी, औरंगाबाद

एसटी कॉलनीला पाण्याच्या टाकीची सफाई न केल्याने काही दिवसांपासून दूषित पाणीपुरवठा करण्यात येत आहे. त्यामुळे कॉलनीतील अनेक रहिवाशांना डायरियाची लागण झाली आहे. यासंदर्भात कर्मचाऱ्यांनी थेट विभागीय नियंत्रक यांना भेटून कैफियत मांडली.

औरंगाबाद विभागीय नियंत्रक कार्यालयाच्या मागील बाजुला असलेल्या एसटीच्या क्वॉर्टर्समध्ये सुमारे दिडशेहून अधिक घरे आहेत. तेथे गेल्या तीन दिवसांपासून दूषित पाण्याचा पुरवठा होत होता. या याबाबत काही कर्मचाऱ्यांनी स्थापत्य विभागाकडे तक्रार केली, मात्र हा प्रश्न सुटला नाही. एसटी क्वॉर्टर्समध्ये राहणाऱ्या काही अधिकारी, कर्मचारी यांच्या कुटुंबीयांना डायरिया आणि इतर जलजन्य आजार झाले आहेत. एका वरिष्ठ अधिकाऱ्याचे कुटुंबीयही आजारी असल्याची माहिती सूत्रांनी दिली.

दूषित पाण्याचा प्रश्न काही कर्मचाऱ्यांनी थेट विभागीय नियंत्रक आर. एन. पाटील यांच्याकडे मांडला. स्वच्छ पाणी पुरविण्यात यावे, अशी मागणी त्यांनी केली आहे. विभागीय नियंत्रक पाटील यांनी या प्रश्नाचे गांभीर्य ध्यानात घेऊन पाण्याच्या टाक्या तातडीने साफ करण्याचे आदेश दिले आहेत. कर्मचाऱ्यांच्या निवासस्थानांत दूषित पाण्याचा पुरवठा करण्यात येत असल्याच्या तक्रारी काही कर्मचाऱ्यांनी केल्या होत्या. त्यामुळे तेथील टाक्यांची सफाई करण्याचे आदेश दिल्याचे विभागीय नियंत्रक पाटील यांनी सांगितले.

मोबाइल अॅप डाउनलोड करा आणि राहा अपडेट

ताफ्यात घुसखोरीचा प्रयत्न

May 5, 2015, 11:38 am

≫ Next: ५ अधिकाऱ्यांना पाण्यासाठी कोंडले!

≪ Previous: एसटी कॉलनीत दूषित पाणीपुरवठा

$

0

0

म. टा. प्रतिनिधी, औरंगाबाद

अंबर दिवा व महाराष्ट्र शासनाचा लोगो व व्हीआयपी असे लिहलेल्या एका मोटारीने मुख्यमंत्री देवेंद्र फडणवीस यांच्या ताफ्यात सोमवारी (४ मे) घुसण्याचा प्रयत्न केला. परंतु, पोलिसांच्या हे लक्षात आल्याने मोटार बाजूस घेऊन वाहनचालकाला अटक करण्यात आली.

मुख्यमंत्री फडणवीस विविध कार्यक्रमासाठी सोमवारी (४ मे) शहरात होते. गुन्हे शाखेचे पोलिस निरीक्षक अविनाश आघाव पथकासह मुख्यमंत्र्याच्या व्हीआयपी ताफ्याच्या बंदोबस्तासाठी तैनात होते. त्यांच्या ताफ्यात एपीआय कॉर्नरजवळील जानकी पेट्रोल पंपासमोर एक स्कार्पिओ कार सायंकाळी साडेचार वाजता घुसण्याचा प्रयत्न करीत होती. या स्कार्पिओ कारवर अंबर दिवा लावला होता व पुढे-मागे दोन्ही बाजूस महाराष्ट्र शासन लिहलेले होते. मोटारीवर व्हीआयपीचा लोगोही लावलेला होता. संशय आल्याने या कारला मुख्यमंत्र्यांच्या ताफ्यातून बाजूला करण्यात आले.

या कारमध्ये चालक भागवत शिंदे (वय २१, रा. लिंगेवाडी ता. भोकरदन) याच्यासह इतर दोन जण होते. अंबर दिवा व महाराष्ट्र शासन लिहण्याची परवानगी तपासण्यात आली. चालकाकडे अधिकृत परवानगी, कागदपत्रे सापडली नाहीत. ही कार लिंगेवाडी येथील प्रल्हाद गुलाबराव शिंदे यांच्या मालकीची असून ती भोकरदन तहसील कार्यालयास भाड्याने दिल्याचे चालकाने तोंडी सांगितले. पोलिसांनी महाराष्ट्र शासनाचे चिन्ह, अंबर दिव्याचा गैरवापर आदी कलमानुसार मुकुंदवाडी पोलिस ठाण्यात गुन्हा दाखल करण्यात आला आहे.

चिन्हांचा वापर केल्यास गुन्हा

कोणताही अधिकार किंवा परवानगी नसताना भारत सरकार, महाराष्ट्र शासन असे चिन्ह किंवा दिव्यांचा वापर करू नये. व्ह‌ीआयपी चिन्हांचा वापर करणे चूक आहे. वाहनधारकांनी ही चिन्हे, अंबर दिवे काढून टाकावेत, अन्यथा कारवाई केली जाईल, असा इशारा गुन्हे शाखेने दिला आहे.

मोबाइल अॅप डाउनलोड करा आणि राहा अपडेट

५ अधिकाऱ्यांना पाण्यासाठी कोंडले!

May 5, 2015, 11:48 am

≫ Next: ‘समांतर’: वाद पुन्हा हायकोर्टात

≪ Previous: ताफ्यात घुसखोरीचा प्रयत्न

$

0

0

म. टा. प्रतिनिधी, औरंगाबाद

शहरात दोन महिन्यांपासून विस्कळित झालेल्या पाणीपुवठ्याच्या संतापाचा मंगळवारी तीव्र उद्रेक झाला. अयोध्यानगर येथील नागरिकांनी एन ७ येथील पाण्याच्या टाकीवर धाव घेत, औरंगाबाद वॉटर युटिलिटी कंपनीच्या कार्यालयावर हल्लाबोल केला. संतापालेल्या आंदोलकांनी कंपनीच्या चार अधिकाऱ्यांसह महापालिकेच्या एका अधिकाऱ्याला सुरक्षारक्षकाच्या दालनात कोंडले. यावेळी मुजोरी करणाऱ्या एका अधिकाऱ्याला चोप दिला. सकाळी सातच्या सुमारास हा प्रकार घडला. या प्रकरणी पोलिसांनी दोन आंदोलकांना अटक केली.

सध्या शहरातील पाणीपुरवठ्याचे वेळापत्रक पुरते विस्कळित झाले आहे. अयोध्यानगर वॉर्डात दररोज पाणी येण्याची वेळ सकाळी साडेआठ वाजताची आहे. अनेक दिवसांपासून या भागात वेळेवर पाणी येत नाही. आधीच दोन दिवसाआड पाणी. उन्हाळ्याचे दिवस अन् त्यात वेळापत्रकही पाळले जात नाही. त्यामुळे नागरिकांनी या भागाच्या नगरसेविका सुरेखा गौतम खरात यांच्याकडे तक्रारी केल्या. यानंतर संतापलेल्या नागरिकांनी मंगळवारी सकाळीच सिडकोतल्या एन-७ येथील पाण्याच्या टाकीकडे धाव घेतली. यावेळी नगरसेविका सुरेखा खरात त्यांचे पती गौतम खरात, भाजपचे कार्यकर्ते गणेश नावंदर, राहुल खरात, सुधीर मोकळे, सतीश खेडकर, रवीकुमार जाधव आदी नागरिक टाकीकडे गेले. तेथे सुरक्षारक्षकाशिवाय त्यांना कोणीच सापडले नाही. याबाबत महापालिका व औरंगाबाद सिटी वॉटर युटिलिटी कंपनीच्या अधिकाऱ्यांना दूरध्वनी करून त्यांनी विचारणा केली. त्यानंतर महापालिकेचे उपअभियंता अशोक पद्मे, कंपनीचे बिझनेस हेड सोनल खुराणा, देखभाल दुरुस्ती प्रमुख हेमंत शिवांगी, जनसंपर्क विभागाचे दिलीप घोडके, अभियंता प्रवीण खाडे पाण्याच्या टाकीवर आले. या अधिकाऱ्यांकडून विस्कळित पाणीपुरवठ्याबद्दल नागरिकांना समाधानकारक उत्तरे मिळाली नाहीत. त्यामुळे संतापलेल्या आंदोलकांनी या अधिकाऱ्यांना सुरक्षा रक्षकाच्या दालनामध्ये कोंडून ठेवले. त्यांनी महापालिका आयुक्त प्रकाश महाजन व शहर अभियंता एस. डी. पानझडे यांना फोनकरून हा प्रकार कळविला आणि घटनास्थळावर येण्याची विनंती केली. मात्र ते साडेअकरा वाजेपर्यंत ते आलेच नाहीत. संतापलेल्या नागरिकांनी मुजोर शब्दांत बोलणाऱ्या एका अभियंत्याला चोप दिल्याची माहिती सूत्रांनी दिली.

आंदोलनकर्त्यांविरोधात तक्रार

उपमहापौर प्रमोद राठोड या ठिकाणी आले. त्यांनी मध्यस्थी करण्याचा प्रयत्न केला. मात्र, आधीच कंपनीच्या आधिकाऱ्यांनी पोलिसांना बोलावून आंदोलनकर्त्यांच्या विरोधात पोलिस ठाण्यात तक्रार दाखल केली. अधिकाऱ्यांच्या तक्रारीवरून गणेश नावंदर व राहुल खरात यांच्या विरोधात तक्रार दाखल करण्यात आली आहे.

महापालिकेने शहराचा पाणीपुरवठा औरंगाबाद वॉटर युटिलिटी कपंनीकडे सोपविला आहे. त्यांना शहरातील जनतेच्या पाणी प्रश्नाशी काहीच देणेघेणे राहिले नाही. शहरातील कुठल्याच भागात पाणीपुरवठा सुरळीत नाही. त्यामुळे नागरिकांच्या संतापाचा कडेलोट झाला आहे.

- गणेश नावंदर, आंदोलनकर्ते

मोबाइल अॅप डाउनलोड करा आणि राहा अपडेट

---

‘समांतर’: वाद पुन्हा हायकोर्टात

May 5, 2015, 11:49 am

≫ Next: स्टेशन रोड रिक्षांना आंदण!

≪ Previous: ५ अधिकाऱ्यांना पाण्यासाठी कोंडले!

$

0

0

म. टा. विशेष प्रतिनिधी, औरंगाबाद

शहराच्या समांतर जलवाहिनीमध्ये अनियमितता आहे, असा आक्षेप घेणाऱ्या जनहित याचिकेची सुनावणी मुंबई हायकोर्टाच्या औरंगाबाद खंडपीठात १० जूनला होणार आहे. औरंगाबाद महापालिकेने समांतर जलवाहिनीच्या ठेकेदाराबरोबर केलेला करार रद्द करण्याची विनंती, याचिकेत करण्यात आली आहे.

७९२ कोटी रुपयांचा प्रकल्प औरंगाबाद महापालिकेकडून चुकीच्या पद्धतीने राबवण्यात येत आहे. यात महापालिकेने चुका केल्या असून अनियमितता आहे, असा आक्षेप जलअभ्यासक व याचिकाकर्ते राजेंद्र दाते-पाटील यांनी घेतला आहे. औरंगाबाद महापालिकेने औरंगाबाद वॉटर युटिलिटी कंपनीसोबत केलेल्या करारातील बंधनकारक अटींची पूर्ततादेखील आजपर्यंत झालेली नाही. ही पूर्तता महापालिका आणि भागीदार कंपन्यांनीही केली नाही, असा आक्षेप आहे. या योजनेचा विमा केवळ ४३ कोटी रुपयांचा आहे. झोपडपट्टी व गरीब वसाहतीमध्ये अल्प दराने पाणीपुरवठा करणे आवश्यक असताना, सर्वांसाठी एकच दर ठेवण्यात आला आहे. पाण्याच्या मीटरसाठी ५६ कोटींपेक्षा जास्त रक्कम वसूल केले जाणार असल्याचे याचिकेत म्हटले आहे. ज्या कंपनीची निविदा मंजूर झाली त्यांच्यासोबत करारनामा न करता निविदा प्रक्रियेत सहभागी न झालेल्या औरंगाबाद सिटी वॉटर युटीलिटी कंपनीबरोबर करण्यात आलेला करार आला जो कायदेशीरदृष्ट्या चुकीचा आहे. हा करारनामा रद्द करण्याची विनंती याचिकेत करण्यात आली आहे. या याचिकाकर्त्यातर्फे अनिल गोलेगावकर हे काम पाहत आहेत.

महापालिकेने दिलेले कोट्यवधी कुठे मुरले?

महापालिका औरंगाबाद युटिलिटी कंपनीला महिना ५ कोटी रुपये देते, पण याचा या योजनेसाठी खर्च होतो का? याचा जाब विचारला जात नाही. या कंपनीला पालिकेने करोडो रुपये दिले आहेत. मात्र, तो खर्च कुठे करण्यात आला हे स्पष्ट होत नाही. कंपनीचा सहभाग ५१% एवढा असावयास पाहिजे, तशी तरतूद नियमात असताना त्याचे पालन केले जात नाही, असा आक्षेपही याचिकेत घेण्यात आला आहे.

मोबाइल अॅप डाउनलोड करा आणि राहा अपडेट

स्टेशन रोड रिक्षांना आंदण!

May 5, 2015, 11:47 am

≫ Next: काळी-पिवळी बंदमुळे एसटी तुडुंब

≪ Previous: ‘समांतर’: वाद पुन्हा हायकोर्टात

$

0

0

म. टा. प्रतिनिधी , औरंगाबाद

रेल्वे स्टेशनकडे जाणारे असंख्य प्रवासी, शाळा, कॉलेजांना जाणारे विद्यार्थी आणि सर्वसामान्य नागरिक यांची कायम गर्दी असल्यामुळे क्रांतिचौक ते रेल्वे स्टेशन या रस्त्यावर सिटी बसची सेवा अपेक्षित आहे. या मार्गावर सिटी बसला चांगले उत्पन्नही मिळू शकेल, परंतु एसटी महामंडळाने सिटी बस सेवाच उबलब्ध करून दिली नाही. जणू हा रस्ता रिक्षावालांना आंदण दिल्याचे चित्र आहे. त्यामुळे प्रवासी, विद्यार्थी व सर्वसामान्य नागरिकांची गैरसोय होत आहे.

जालना रोडनंतर जास्त वर्दळ असलेल्या रस्त्यांमध्ये स्टेशन रोडचा वरचा क्रमांक आहे. उस्मानपुरा भागात गव्हर्नमेंट इंजिनीअरिंग आणि पॉलिटेक्निक कॉलेज आहे. त्याचबरोबर सरकारी औषधनिर्माणशास्त्र आणि बीएड कॉलेजही याच परिसरात आहे. पुढे कोकणवाडी, पद्मपुरा भागात मराठवाडा शिक्षण संस्थेची महाविद्यालयांबरोबर सरकारी आयटीआय आहे. या मार्गावरील सर्व कॉलेजांत सुमारे १० ते १२ हजार विद्यार्थी शिक्षण घेत असतील. त्याचबरोबर रेल्वेद्वारे प्रवास करणाऱ्यांचीही संख्या मोठी आहे. या परिसरात पर्यटकांसाठी लॉजही आहेत. पद्मपुरा, कोकणवाडी, वेदांतनगर, बन्सीलालनगर, जालाननगर या भागात नागरी वसाहतीही आहेत. त्यामुळे या रस्त्यावर कायम वर्दळ असते. सकाळपासून रात्रीपर्यंत या रस्त्यावर रोज सुमारे ५०० ते ५५० रिक्षांच्या माध्यमातून प्रवाशांची वाहतूक सुरू असते. या रस्त्यावर एक रिक्षा दिवसभरात चार ते पाच फेऱ्या मारतो. या रिक्षांमधून 'शेअरिंग' तत्त्वावर प्रवासी वाहतूक करण्यात येते. या मार्गावर प्रवासी वाहतुकीच्या माध्यमातून मोठे उत्पन्न मिळण्याची शक्यता आहे, मात्र सिटी बसचा कारभार हाकणाऱ्या एसटी महामंडळाची या मार्गावर सेवा नाही. एसटीने हा मार्ग रिक्षांना आंदण दिला आहे की काय, असा प्रश्न पडण्यासारखी स्थिती आहे.

काही महिन्यांपूर्वी या रस्त्याच्या काँक्रिटीकरणाचे काम सुरू होते. हे कारण पुढे करून रेल्वे स्टेशन मार्गावर सिटी बस सोडण्यास एसटीने असमर्थता दर्शविली होती. आता या रस्त्याचे कामही पूर्ण झाले आहे. तरीही सिटी बस सेवेची चाके या रस्त्याला लागलेली नाहीत. काही रेल्वे पहाटे शहरात येतात. त्यातून येणाऱ्या प्रवाशांना रिक्षाशिवाय दुसरा पर्याय नसतो. सिडको, सातारा-देवळाई परिसरात जाण्यासाठी त्यांना 'शेअरिंग' रिक्षामध्येही जादा पैसे मोजावे लागतात. रात्री उशिराच्या रेल्वेतून आलेल्या प्रवाशांनाही हा त्रास सहन करावा लागतो.

वर्षभरात आठ हजारांचा खर्च

सिडको किंवा अन्य भागातून उस्मानपुरा परिसरातील महाविद्यालयात येण्यासाठी अनेक विद्यार्थी शेअरिंग रिक्षाचा उपयोग करतात. यासाठी त्यांना रोज २० ते ४० रुपये खर्च करावे लागतात. महाविद्यालयात येण्यासाठी आणि घरी जाण्यासाठी त्यांना वर्षाकाठी ६ ते ८ हजार रुपये खर्च करावे लागतात.

'देवगिरी'तर्फे निवेदन

दे‌वगिरी महाविदलयाने या संदर्भात एसटी महामंडळाला सहा महिन्यांपूर्वी निवेदन दिले आहे. विद्यार्थी, विद्यार्थिनींच्या सुरक्षित प्रवासासाठी रेल्वे स्टेशन ते क्रांतिचौक मार्गावर शहर बस सेवा सुरू करावी, असे या निवेदनात म्हटले होते. त्यावर एसटी महामंडळाने कोणतीही कार्यवाही केली नाही.

सिटी बस नसल्याने आम्हाला रोज रिक्षातून प्रवास करावा लागतो. काही रिक्षावाले २० रुपये घेतात तर, काही १५ रुपये घेतात, मात्र रिक्षांतून प्रवास करताना आम्हाला अनेक अडचणींचा सामना करावा लागतो.

- सादिक शेख, विद्यार्थी

क्रांतिचौक ते रेल्वे स्टेशन हा रस्ता महत्त्वाचा आहे. हा रस्ता आम्ही रिक्षांसाठी सोडलेला नाही. पूर्वीच्या नियोजनात बाबा पेट्रोल पंप-चिकलठाणा, सिडको-सीबीएस अशा मार्गांवर बस सेवा सुरू करण्यात आली होती. रस्त्याच्या कामामुळे या मार्गावर बस सेवा सुरू झाली नव्हती. आता नवीन शैक्षणिक वर्षाचा विचार करून क्रांतिचौक ते रेल्वे स्टेशन या मार्गासाठी विशेष सिटी बस सेवा देण्याचा आमचा प्रयत्न आहे. उस्मानपुरा भागातील असलेल्या महाविद्यालयीन विद्यार्थ्यांचे पास तयार करून त्यांच्यासाठी बस सेवा सुरू करण्यात येणार आहे.

- ए. यू. पठाण, डेपो मॅनेजर, सिडको आगार

मोबाइल अॅप डाउनलोड करा आणि राहा अपडेट

काळी-पिवळी बंदमुळे एसटी तुडुंब

May 6, 2015, 12:09 pm

≫ Next: पैठणच्या सॉ मिलमध्ये अवैध लाकूड कटाई

≪ Previous: स्टेशन रोड रिक्षांना आंदण!

$

0

0

म. टा. प्रतिनिधी, पैठण

काळी-पिवळी चालकांनी बंद पुकारल्याने पैठणहून औरंगाबादला जाणाऱ्या प्रवाश्यांचे हाल होत आहेत. नागरिकांना बसची किमान दोन तास प्रतीक्षा करावी लागत आहे. दरम्यान, प्रवाशांची संख्या वाढूनही पैठण आगाराकडून औरंगाबादला एकही जादा बस सोडण्यात आलेली नाही. पोलिसांनी औरंगाबाद शहराच्या हद्दीत काळी-पिवळी टॅक्सीला बंदी घातली आहे. या निर्णयाच्या विरोधात पैठण औरंगाबाद रस्त्यावर चालणाऱ्या काळी-पिवळी टॅक्सीचालकांनी बंद पुकारला आहे. पैठण-औरंगाबाद रस्त्यावर जवळपास पन्नास काळी-पिवळी टॅक्सी प्रवासी वाहतूक करतात. त्या बंद झाल्याने पैठणहून औरंगाबादला जाणाऱ्या प्रवाशांना फक्त एसटी बसचा पर्याय आहे.

सध्या पैठण बसस्थानकावर प्रवाशांची मोठी गर्दी होत आहे. त्यातच लग्नसराई असल्याने प्रवाशांची संख्या वाढली आहे. औरंगाबादला जाणाऱ्या प्रवाशांच्या संख्येत वाढ झाल्याने व एसटी महामंडळातर्फे औरंगाबाद रस्त्यावर जादा बस न सोडल्याने प्रवाशांना दोन-दोन तास बसची प्रतीक्षा करावी लागत आहे. फलाटावर बस लागल्यानंतर तिच्यात चढण्यासाठी व जागा मिळवण्यासाठी प्रवाशांना मोठी कसरत करावी लागत आहे. या गर्दीत महिला व लहान मुलांचे मोठे हाल होत आहे. दरम्यान, पैठण बसस्थानकाच्या व्यवस्थापकाशी संपर्क करण्याचा प्रयत्न केला असता संपर्क होवू शकला नाही. बस स्थानकावरून औरंगाबादसाठी जादा बस सोडण्यात आली नसल्याची माहिती देण्यात आली.

दोन तासांपासून औरंगाबाद बसची वाट आहे. अजून बस लागली नाही. आतापर्यंत आलेल्या बसमध्ये पाय ठेवायलाही जागा नव्हती.

- सुनील वाघे, प्रवासी

औरंगाबादला येणाऱ्या काळी-पिवळींची संख्या

पैठण : ५०

खुलताबाद : १२५

फुलंब्री : २००

सिल्लोड : १२५

कन्नड : २५

वैजापूर : १५

मोबाइल अॅप डाउनलोड करा आणि राहा अपडेट

पैठणच्या सॉ मिलमध्ये अवैध लाकूड कटाई

May 6, 2015, 12:10 pm

≫ Next: ४६ शेतकऱ्यांनी ४ महिन्यात संपवले जीवन

≪ Previous: काळी-पिवळी बंदमुळे एसटी तुडुंब

$

0

0

म. टा. प्रतिनिधी, पैठण

तालुक्यातील अवैध वृक्षतोडीकडे वनविभागाचे दुर्लक्ष होत असून येथील सॉ मिलमध्येही लाकडाबद्दल कोणतीही माहिती उपलब्ध नाही. त्याबद्दल चौकशी केली असता काही सॉ मिल चालकांनी वनविभागाचे नियम माहिती नाहीत, असे सांगितले. अवैधरित्या तोडलेले लाकूड सॉ मिलमध्ये कापले जात आहे.

वृक्षतोडीचा परवाना घेऊन झाड तोडल्यानंतर वन विभागातर्फे जागेवर पंचनामा करून तोडलेल्या लाकडावर विशिष्ट पद्धतीची खूण केली जाते. त्यानंतर लाकूड वाहतूक करण्याचा परवाना देण्यात येतो. सॉ मिल चालकांनी परवाना असलेल्या वाहनातून आणलेले लाकूड विकत घ्यावे व त्याचे अद्ययावत रेकॉर्ड ठेवावे, हे रेकॉर्ड वन विभागाकडे सादर करावे, असा नियम आहे. तपासणीसाठी सर्व रेकोर्ड सॉ मिलमध्ये उपलब्ध ठेवावे लागते. तालुक्यातील १८ सॉ मिलमध्ये मोठ्या प्रमाणात लाकूड आहे. मात्र, वन विभागातर्फे करण्यात येणारी खूण या लाकडावर दिसत नाही. हे लाकूड अवैधरित्या वृक्षतोडीचे असण्याची शक्यता आहे. लाकूड विकत घेताना आवश्यक वाहतूक परवाना व कोणतेही रेकोर्ड सॉ मिल चालक ठेवत नसल्याची माहिती आहे. त्याबद्दल काही सॉ मिल चालकांकडे विचारणा केली असता त्यांनी माहिती देण्यास नकार दिला. काही जणांनी वन विभागाचे नियम माहित नसल्याचे सांगून हात वर केले.

वनपालाचे कानावर हात

वनपाल सुनील मेहेर यांच्याकडे विचारणा केली असता त्यांनीही सर्वच नियमानुसार होत नाही, असे उत्तर दिले. यापुढे कायदा मोडणाऱ्यावर कारवाई करू, असे ते म्हणाले. पण अवैध वृक्षतोड आणि सॉ मिलमधील लाकूड याबद्दल वारंवार विचारणा करूनही त्यांनी उत्तर देण्याचे टाळले.

मोबाइल अॅप डाउनलोड करा आणि राहा अपडेट

४६ शेतकऱ्यांनी ४ महिन्यात संपवले जीवन

May 6, 2015, 12:12 pm

≫ Next: कचरा वाहतुकीच्या गाड्या लागल्या थप्पीला

≪ Previous: पैठणच्या सॉ मिलमध्ये अवैध लाकूड कटाई

$

0

0

म.टा.प्रतिनिधी औरंगाबाद

सततची नापिकी व दुष्काळी परिस्थितीमुळे गेल्या चार महिन्यात औरंगाबाद जिल्ह्यातील ४६ शेतकऱ्यांनी आत्महत्येला कवटाळल्याच्या घटना घडल्या आहेत. अवकाळी पावसाच्या माऱ्यामुळे हवालदिल झालेला शेतकऱ्यांच्या आत्महत्यांचे सत्र गेल्या वर्षीप्रमाणे यंदाही सुरूच आहे. जानेवारी ते ५ मे २०१५ या कालावधीमध्ये मराठवाड्यातील आठ जिल्ह्यातील २९२ शेतकऱ्यांनी आत्महत्या केल्या आहेत. यापैकी एकट्या औरंगाबाद जिल्ह्यातील शेतकऱ्यांची संख्या ४६ आहे. जिल्ह्यातील ४६ प्रकरणांपैकी समितीने यापैकी २९ आत्महत्यांना पात्र ठरवले आहे. ८ आत्महत्यांची प्रकरणे अपात्र व ९ प्रकरणे चौकशीसाठी प्रलंबित आहेत. शासनाच्या वतीने आत्महत्या केलेल्या शेतकऱ्यांच्या कुटुंबियांना देण्यात येत असलेली २९ लाख रुपयांची मदतही देण्यात आली आहे. आत्महत्या केलेल्या काही शेतकऱ्यांनी वर्षभरापूर्वीच पीककर्ज घेतले आहे. काहींचा शवविच्छेदन अहवाल समितीला प्राप्त झाला नाही, तर काही शेतकऱ्यांच्या नावावर पीककर्ज नसल्याने त्यांना मदतीसाठी अपात्र ठरवण्यात आले आहे.

मोबाइल अॅप डाउनलोड करा आणि राहा अपडेट

कचरा वाहतुकीच्या गाड्या लागल्या थप्पीला

May 6, 2015, 12:15 pm

≫ Next: ‘पाणीपट्टी दरवाढ रद्द करा’

≪ Previous: ४६ शेतकऱ्यांनी ४ महिन्यात संपवले जीवन

$

0

0

म.टा. प्रतिनिधी, औरंगाबाद

ऑटोमोबाईलवाल्यांचे सहा लाखांचे बिल थकल्यामुळे महापालिकेच्या यांत्रिकी विभागाला कचरा वाहतूक करणाऱ्या काही गाड्या थप्पीला लावाव्या लागल्या आहेत. त्यामुळे शहरातील कचरा वाहतुकीवर परिणाम होऊ लागला आहे.

रस्त्यांचे काम करणाऱ्या ठेकेदारांचे पेमेंट थकल्यामुळे रस्त्यांची कामे रखडल्याच्या बातम्या महापालिकेच्या बाबतीत नित्याच्याच झाल्या आहेत. पथदिव्यांच्या ठेकेदारांनीही पेमेंट न मिळाल्यामुळे पथदिव्यांच्या देखभाल दुरूस्तीचे काम बंद केल्याच्या घटनाही ताज्याच आहेत. असे असताना कचरा वाहतूक करणाऱ्या गाड्या पेमेंट न दिल्यामुळे बंद पडल्याचा नवा किस्सा आता उघड झाला आहे. काल मंगळवारी महापौर त्रिंबक तुपे, उपमहापौर प्रमोद राठोड आणि सभागृहनेते राजेंद्र जंजाळ यांनी यांत्रिकी विभागाची बैठक घेतली. त्यात ही बाब समोर आली. कचरा वाहतूक करणाऱ्या गाड्यांचे आणि जेसीबी मशीन्सचे देखभाल दुरूस्तीचे काम यांत्रिकी विभागातर्फे ठराविक ऑटोमोबाईलवाल्यांकडून करून घेतले जाते. काम करून घेतल्यावर पेमेंट मात्र वेळेत केले जात नाही. या प्रकारामुळे ऑटोमोबाईलवाल्यांनी महापालिकेच्या गाड्यांची देखभाल दुरूस्ती करणे सोडून दिले आहे. त्यामुळे पाचपैकी तीन जेसीबी मशीन्स उभ्या आहेत. कचरा वाहतूक करणाऱ्या काही ट्रक्सचे टायर बदलणे अत्यंत गरजेचे आहे, पण पेमेंट न केल्यामुळे ट्रक्सचे टायर बदलणेही महापालिकेला शक्य झाले नाही.

साफसफाईसारख्या महत्त्वाच्या कामावरील वाहने पेमेंट न केल्यामुळे बंद असतील तर ते गंभीर आहे. साफसफाई, दिवाबत्ती ही कामे अत्यावश्यक मानून त्या कामासाठी निधी उपलब्ध झालाच पाहीजे, असे आदेश प्रशासनाला दिले आहेत. पेमेंटच्या बाबतीत अत्यावश्यक कामांना प्रथम प्राधान्य द्या. नागरिकांच्या जीवाशी खेळू नका, असे अधिकाऱ्यांना स्पष्टपणे सांगितले आहे.

- राजेंद्र जंजाळ, सभागृहनेता, महापालिका

धरण उशाला कोरड घशाला

धरण उशाला आणि कोरड घशाला अशी पैठणमधील नागरिकांची अवस्था झालेली आहे. पैठण तालुक्यामध्ये सर्वाधिक पाण्याची टंचाई असून तालुक्यातील ८२ गावांमधील १ लाख ४४ हजार नागरिकांची तहान दररोज १०४ टँकरच्या माध्यमातून भागवण्यात येत आहे. पाण्याचे स्त्रोत आटल्यामुळे नागरिकांना विकत पाणी घ्यावे लागत आहे.

जिल्ह्यातील टंचाईची स्थिती

तालुका गावे टँकर

औरंगाबाद ५६ ८०

फुलंब्री ३६ ४४

पैठण ८२ १०४

गंगापूर ६२ ८४

वैजापूर ५९ ८९

खुलताबाद ८ ९

कन्नड ८ ७

सिल्लोड १५ २६

सोयगाव ० ०

एकूण ३२६ ४४३

(सातारा-देवळाई नगर परिषद : २० टँकर)

मोबाइल अॅप डाउनलोड करा आणि राहा अपडेट

‘पाणीपट्टी दरवाढ रद्द करा’

May 6, 2015, 12:17 pm

≫ Next: ७ आरोपींची जन्मठेप कोर्टात रद्द

≪ Previous: कचरा वाहतुकीच्या गाड्या लागल्या थप्पीला

$

0

0

म. टा. प्रतिनिधी, औरंगाबाद

महापालिका हद्दीत अनेक भागात पाच-सहा दिवसांतून एकदा पाणी पुरवठा होतो. तसेच अत्यंत कमी दाबाने पाणी येते. त्यामुळे नागरिकांना प्रचंड त्रास होतो. तरीही महापालिकेने यंदाच्या वर्षी दहा टक्के पाणी पट्टीत वाढ केली आहे. ही दरवाढ रद्द करण्यात यावी, अशी मागणी जनजागरण समितीने महापालिका आयुक्तांकडे केली आहे.

जनजागरण समितीचे अध्यक्ष मोहसीन अहमद, मोहंमद नवाज, शेख मुनाफ, डॉ. शेख मुर्तुजा, आबेदा बेगम, डॉ. अजिज इरफान, शेख साबेर, नोमान अहमद यांच्या स्वाक्षरीने हे निवेदन देण्यात आले. या निवेदनात त्यांनी पाणीपट्टी कर दरवाढ गैरवाजवी असल्याचे नमूद केले आहे. मनपा हद्दीत अनेक व्यावसायिक व रहिवासी नळ बेकायदा आहेत. तसेच पाण्याचे टँकर दररोज मोठ्या प्रमाणात पाणी बेकायदा उचलत आहेत. त्यामुळे मनपाचे मोठे आर्थिक नुकसान होत आहे. पाण्याच्या चोरीला तातडीने आळा घालण्यासाठी मनपाने तातडीने कारवाई करण्याची गरज आहे. वर्षातून फक्त १२० दिवस पाणी येते आणि ३६० दिवसांचे पैसे मोजावे लागतात. ग्राहकांना कर दरवाढ करून कोणताही आर्थिक बोजा टाकण्यात येऊ नये. दहा टक्के करवाढ तातडीने रद्द करावी, अशी मागणी निवेदनाद्वारे आयुक्तांकडे करण्यात आली आहे. नव्याने निवडून आलेल्या नगरसेवकांनी पुढाकार घ्यावा, असे आवाहनही त्यांनी केले आहे.

मोबाइल अॅप डाउनलोड करा आणि राहा अपडेट

---

७ आरोपींची जन्मठेप कोर्टात रद्द

May 6, 2015, 12:20 pm

≫ Next: सातबारा परस्पर वापरून तीन सिमकार्डची खरेदी

≪ Previous: ‘पाणीपट्टी दरवाढ रद्द करा’

$

0

0

म. टा. प्रतिनिधी, औरंगाबाद

राज्यभर गाजलेल्या पाल (ता. फुलंब्री) येथील दलित तरुण रोहिदास तुपे याच्या खूनप्रकरणी औरंगाबाद कोर्टाने सात जणांना जन्मठेप, प्रत्येकी पाच हजार रुपये दंड, तसेच दंड न भरल्यास ६ महिने साधी कैद अशी शिक्षा सुनावली होती. या सर्व आरोपींची शिक्षा रद्द करण्याचे आदेश मुंबई हायकोर्टाच्या औरंगाबाद खंडपीठाचे न्या. संभाजी शिंदे व न्या. पी. आर. बोरा यांनी दिले आहेत. सुटका झालेल्यांत तीन महिलांचा समावेश आहे.

पाल येथील रोहिदास तुपे खुनप्रकरणात आरोपी ज्ञानेश्वर तेजराव जाधव (वय २३), संतोष अंबादास जाधव (वय २४), ज्ञानेश्वर ऊर्फ छोटू सूर्यभान जाधव (वय २५), सचिन जाधव (वय २६), कुसुमबाई तानाजी जाधव, रुख्मिणबाई लक्ष्मण जाधव (वय ७५), विजूबाई विठ्ठल जाधव (वय ३६) यांना जन्मठेपेची शिक्षा सुनावली होती. तसेच मुख्य चार आरोपींना शासकीय कामात अडथळा निर्माण केला म्हणून एक महिना कैद व २०० रुपये दंड अशी शिक्षा सुनावली होती .या निर्णयाला त्यांनी औरंगाबाद खंडपीठात आव्हान दिले. सरकार पक्षाच्या वतीने दोन वेगवेगळे अपील दाखल करून त्यांना खून आणि अॅट्रासिटी गुन्ह्यात फाशीची शिक्षा व्हावी असे अपिलात म्हटले होते. या अपिलावर न्यायमूर्ती एस. एस. शिंदे आणि न्यायमूर्ती पी. आर. बोरा यांच्या समोर सुनावणी झाली असता त्यांनी त्या सात जणांना निर्दोष मुक्त करण्याचे आदेश दिले. खंडपीठाने त्या सात जणांना कलम ३४१ खाली एक महिन्याची शिक्षा सुनावली होती. त्यांनी आतापर्यंत शिक्षा भोगली ती पुरेशी असल्याचे खंडपीठाने निकालात म्हटले आहे. खंडपीठाने त्यांची जन्मठेप रद्द केली. आरोपींची बाजू व्ही. डी. सपकाळ, नीलेश घाणेकर, जॉयदीप चटर्जी यांनी मांडली.

अशी घडली घटना

पाल (ता. फुलंब्री) गावातील एका तरुणीची छेड काढल्याच्या कारणावरून २३ फेब्रुवारी २००९ रोजी रोहिदास पंडित तुपे (वय २१) याला सुरुवातीला चौघांनी मारहाण केली. त्यानंतर गावातील शिवाजी चौकातील विजेच्या खांबाला बांधून लाथाबुक्क्यांनी तसेच लाठ्याकाठ्यांनी मारहाण केली. अंगावरील कपडे काढले. त्याच्या जखमांवर मिरची पूड व रॉकेल टाकण्यात आले. तुपे याने पाणी मागितल्यावर त्याला महिला आरोपींनी चपलाने नालीतील गढूळ पाणी पाजले. रोहिदासचा भाऊ दत्तू याने आपल्या भावास मारू नका, अशी विनवणी केली. मात्र, त्यालाही तेथून हाकलले. घटनेची माहिती फिर्यादी पोलिस छगन रेसवाल यांनी पोलिस ठाण्याला फोन करून कळविली होती. पोलिस आल्यावर त्यांनाही घटनास्थळी येण्यास जमावाने मज्जाव केला. पोलिसांनी जमावावर लाठीचार्ज करून रात्री रोहिदासला घाटीत दाखल केले. मात्र, त्याचा मृत्यू झाला होता.

पाल येथे २३ फेब्रुवारी २००९ रोजी रोहिदास तुपे या दलित तरुणाचा बेदम मारहाणीत मृत्यू.

रोहिदासच्या शरीरावर २५ गंभीर जखमा आढळल्या.

पाल गावातील ७५ आरोपींच्या विरुद्ध गुन्हा दाखल.

तीन अल्पवयीन तर सहा महिला आरोपींचा समावेश.

सहापैकी तीन महिलांना जन्मठेपेची शिक्षा.

सत्तरपैकी सात जणांना शिक्षा.

हायकोर्टात सर्वच आरोपी सुटले

मोबाइल अॅप डाउनलोड करा आणि राहा अपडेट

सातबारा परस्पर वापरून तीन सिमकार्डची खरेदी

May 6, 2015, 11:43 am

≫ Next: परस्पर प्लॉट विकून सहा लाखांची फसवणूक

≪ Previous: ७ आरोपींची जन्मठेप कोर्टात रद्द

$

0

0

म. टा. प्रतिनिधी, औरंगाबाद

पैठण तालुक्यातील शेतकऱ्याच्या नावे बीएसएनएलचे तीन सिमकार्ड खरेदी करणाऱ्या अज्ञात व्यक्तीविरुद्ध क्रांतिचौक पोलिस ठाण्यात गुन्हा दाखल करण्यात आला आहे. मनीष बाबासाहेब मिसाळ, असे शेतकऱ्याचे नाव आहे.

आडगाव येथील मनीष मिसाळ यांनी ३० मार्च २०११ मध्ये कृषी योजनेअंतर्गत बीएसएनएलचे सिमकार्ड खरेदी करण्यासाठी शेतीचा सातबारा, फोटो आयडी व अन्य कागदपत्रे कृषी अधिकाऱ्याकडे दिले होते. त्यावर मिसाळ यांनी एक सिमकार्ड बीएसएनएल कार्यालयातून खरेदी केले. त्यानंतर मिसाळ यांच्या कागदपत्राआधारे अज्ञात व्यक्तीला बीएसएनएल कार्यालयाने आणखी तीन सिमकार्डचे वाटप केल्याचे समोर आले.

पोलिस आयुक्तालयातील एटीसीचे सहायक पोलिस निरीक्षक उन्मेष थिटे यांनी सिमकार्डची माहिती घेताना मिसाळ यांच्याकडे इतर तीन सिमकार्डबद्दल विचारणा केली. त्यांनी आपल्या नावे एकच सीमकार्ड असल्याचे सांगितले. मात्र रेकॉर्डनुसार त्याच्या नावे आणखी तीन सिमकार्ड असल्याचे दाखवले जात होते. त्यावरून थिटे यांनी सोमवारी मिसाळ यांनी चौकशीसाठी आयुक्तालयात बोलावून घेतले. चौकशीअंती मिसाळ यांच्या तक्रारीवरून अज्ञात व्यक्तीविरुद्ध फसवणुकीचा गुन्हा दाखल करण्यात आला. दरम्यान, याप्रकरणात बीएसएनएलच्या कर्मचाऱ्यांरी गुंतले आहेत का, यावर चर्चा होत आहे.

मोबाइल अॅप डाउनलोड करा आणि राहा अपडेट

परस्पर प्लॉट विकून सहा लाखांची फसवणूक

May 6, 2015, 11:44 am

≫ Next: अर्थसाह्य न दिल्यास विहिरीत उतरून उपोषण

≪ Previous: सातबारा परस्पर वापरून तीन सिमकार्डची खरेदी

$

0

0

म. टा. प्रतिनिधी, औरंगाबाद

इसार पावती करून सहा लाख रुपये घेतल्यानंतर प्लॉटची परस्पर दुसऱ्याला विक्री केल्याचा प्रकार देवळाई येथे घडला. याप्रकरणी एका महिलेविरुद्ध मुकुंदवाडी पोलिस ठाण्यात गुन्हा दाखल करण्यात आला आहे. सिडको एन-४ येथील दत्तू चव्हाण यांनी देवळाई गट क्रमांक ९ मधील एक हजार चौरस फूट क्षेत्रफळ असलेल्या प्लॉटची इसार पावती केली होती. हा प्लॉट सुश‌िला राठोड (रा. जांभाळा, ता. गंगापूर) यांच्या मालकीचा आहे. राठोड यांनी चव्हाण यांच्यासोबत इसार पावती व करारनामा केल्यानंतरही याच प्लॉटची दुसऱ्या ग्राहकाला परस्पर विक्री केली. हा प्रकार चव्हाण यांच्या नुकताच निदर्शनास आला. त्यांनी मुकुंदवाडी पोलिस ठाणे गाठून या प्रकरणी फसवणुकीची तक्रार दिली. त्यानुसार गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

अर्थसाह्य न दिल्यास विहिरीत उतरून उपोषण

May 6, 2015, 11:45 am

≫ Next: अॅड. घाणेकरांविरुद्ध लैंगिक शोषणाचा गुन्हा

≪ Previous: परस्पर प्लॉट विकून सहा लाखांची फसवणूक

$

0

0

म. टा. प्रतिनिधी, औरंगाबाद

पैठण तालुक्यातील ४२ गावांतील शेतकऱ्यांना मनरेगाच्या माध्यमातून विहिरींचे अर्थसाह्य मंजूर झाले; मात्र विहिरींचे कामे पूर्ण होऊन तीन वर्ष उलटूनही शासनाने रक्कम दिली नाही. लाभार्थी शेतकऱ्यांनी कर्ज काढून मजुरांचे पैसे अदा केले आहेत. ही रक्कम शासनाने तत्काळ द्यावी, अन्यथा १८ मे पासून विहिरीमध्ये उपोषण करण्याचा इशारा जायकवाडी पाणी नियोजन व हक्क संघर्ष समितीतर्फे देण्यात आला आहे.

या मागणीबद्दलचे निवदेन जिल्हाधिकारी विक्रम कुमार यांना देण्यात आले आहे. याप्रकरणी समितीतर्फे २३ जानेवारीपासून पैठण तालुक्यातील रहाडगाव येथील लाभार्थी शेतकऱ्यांच्या विहिरींमध्ये बेमुदत उपोषणाला सुरुवात केली होती. तेव्हा १५ दिवसांत रक्कम देऊ, असे लेखी पत्र दिल्यानंतर उपोषण मागे घेण्यात आले. परंतु, शेतकऱ्यांना अद्यापही रक्कम देण्यात आलेली नाही. थकित रक्कम शेतकऱ्यांना तत्काळ द्यावी, अन्यथा १८ मेपासून पुन्हा विहिरीत उपोषण सुरू करण्यात येईल, असा इशारा देण्यात आला आहे. जिल्हाधिकाऱ्यांना देण्यात आलेल्या निवेदनावर समितीचे अध्यक्ष जयाजीराव सूर्यवंशी यांची स्वाक्षरी आहे.

मोबाइल अॅप डाउनलोड करा आणि राहा अपडेट

अॅड. घाणेकरांविरुद्ध लैंगिक शोषणाचा गुन्हा

May 6, 2015, 11:46 am

≫ Next: महिला वक‌िलासह तिघांवर खुनाच्या प्रयत्नाचा गुन्हा

≪ Previous: अर्थसाह्य न दिल्यास विहिरीत उतरून उपोषण

$

0

0

म. टा. प्रतिनिधी, औरंगाबाद

अॅड. निलेश घाणेकर यांच्याविरुद्ध मुकुंदवाडी पोलिस ठाण्यात बुधवारी रात्री (६ मे) लैंगिक शोषण केल्याप्रकरणी गुन्हा दाखल करण्यात आला. त्यांच्याकडे पूर्वी ज्युनियरशीप केलेल्या एका महिला वकिलाने ही तक्रार दिली.

या महिला वकिलाच्या तक्रारीनुसार, त्या अॅड. निलेश घाणेकर यांच्याकडे २००९ पासून १३ मार्च २०१५ पर्यंत सहायक म्हणून काम केले. दरम्याच्या काळात ६ एप्रिल २०१२ रोजी घाणेकर यांनी महिला वकिलास उस्मानपुरा पोलिस ठाण्यासमोरील मित्राच्या फ्लॅटवर बोलावले होते. तेथे गेल्यानंतर डोके दुखत असल्याने त्यांनी औषधाची गोळी दिली. ही गोळी घेतल्यानंतर महिला वकिलाला ग्लानी आली. त्यानंतर घाणेकर यांनी त्यांचे निर्वस्त्र अवस्थेतील फोटो व शुटिंग केल्याचा उल्लेख तक्रारीत आहे. या ठिकाणी व त्यानंतर सातत्याने बीडबायपास येथील गुरूनगर येथील बांधकाम साईटवर तसेच एन ४ येथे महिला वक‌िलाच्या घरी बळजबरी व धमक्या देत लैंगिक शोषण केल्याची तक्रार आहे. १३ मार्च रोजी २०१५ रोजी दोघांमध्ये वाद झाल्यानंतर आपल्याला खंडणीच्या गुन्ह्यात अडकवल्याचा आरोप तक्रारीत केला आहे. या तक्रारीवरून अॅड. निलेश सिताराम घाणेकर (रा. गुरूनगर, बीड बायपास) यांच्याविरुद्ध पोलिस ठाण्यात बलात्कार तसेच माहिती व तंत्रज्ञान कायद्यानुसार गुन्हा दाखल करण्यात आला आहे, अशी माहिती मुकुंदवाडी पोलिस ठाण्याचे पोलिल निरीक्षक उत्तम मुंढे यांनी दिली.

मोबाइल अॅप डाउनलोड करा आणि राहा अपडेट