महावितरणच्या पथकाने पकडले १४ वीज चोर

July 21, 2015, 1:37 pm

≪ Previous: दीड लाखाचा ऐवज दोन घरफोड्यांत लंपास

औरंगाबाद : महावितरण कंपनीच्या शेंदूरवादा येथील पथकाने गुरूवारी गंगापूर तालुक्यात वीज चोरीविरुद्ध मोहीम राबविली. या मोहिमेत चौदा आकडे बहाद्दर पथकाच्या जाळ्यात सापडले. त्यांच्यावर दंडात्मक कारवाई करण्यात आली.

या विशेष मोहिमेत कोंडापूर, झांजर्डी, तांदूळवाडी आदी ठिकाणी छापे टाकण्यात आले. यामध्ये घरगुती वापरासाठी वीज चोरी करणाऱ्या बारा जणांना, तर कृषीपंपासाठी आकडा टाकून वीज चोरी करणाऱ्या दोघांना पकडण्यात आले. या घरगुती वापरासाठी विज चोरणाऱ्या मध्ये गोविंदबापू सोनवणे, सखाराम गावंडे, लक्ष्मण राऊत, अंकुश राऊत, भाऊराव वीर, जग्गनाथ राऊत, रावसाहेब खंडागळे, शेख मुश्ताक शेख फत्तू, नंदू खंडागळे, हरीभाऊ खाजेकर, कडुबा खंडागळे, बाळासाहेब खंडागळे यांचा समावेश आहे. तसेच कृषीपंपासाठी वीजचोरी करणाऱ्यामध्ये रुपचंद बाबुराव विधाते व सुरेश कल्याण विधाते यांचा समावेश आहे. यापैकी रूपचंद विधाते यांनी त्यांच्या दंडाची साडेसात हजार रुपयांची रक्कम त्वरित जमा केली. भारतीय विद्युत कायद्यानुसार दंड आकारण्यात येणार असून दंड भरला नाही, तर गुन्हे दाखल करण्यात येणार आहे. एकूण ३४ हजार ६९० रुपयाची वीजचोरी करण्यात आली आहे. त्यापोटी दंडासह ३७ हजार रुपये वसूल करण्यात येणार आहेत.

Latest Images