जालन्यात पहाटे थरारनाट्य

September 29, 2015, 11:32 am

≫ Next: सात आरोपींची जन्मठेप कायम

≪ Previous: बालिकेवर बलात्कार; चुलत्यास अटक

$

0

0

म. टा. प्रतिनिधी, जालना

पंधरा लाख रुपयांच्या खंडणीसाठी अपहरण केलेल्या एका १७ वर्षांच्या मुलाची सुटका करण्यासाठी गेलेल्या जालना पोलिसांच्या पथकावर अपहरणकर्त्यांनी गोळीबार केल्याची घटना घनसावंगीजवळील रामगव्हाण तलावाजवळ मंगळवारी पहाटे घडली. सिनेमातील थरारनाट्याप्रमाणे घडलेल्या या घटनेमध्ये पोलिसांनी अवघ्या ३६ तासांत अपहृत मुलाची सुटका केली. आरोपींना मात्र पळून जाण्यात यश आले.

जालना शहरातील जमुनानगर परिसरात राहणाऱ्या एका १७ वर्षांच्या मुलाचे रविवारी (ता. २७) रेवगाव रोडवरून अपहरण करण्यात आले. या प्रकरणी अट्टल गुन्हेगार गजानन तौर व त्याच्या साथीदारांविरोधात तालुका जालना पोलिस ठाण्यात गुन्हादेखील नोंदविण्यात आला. दरम्यान, अपहरणकर्त्यांनी सदर मुलाच्या कुटुंबीयांना फोनवरून १५ लाख रुपयांची खंडणीची मागणी केली. विशेष पोलिस महानिरीक्षक विश्वास नांगरे पाटील यांच्या सूचनेनुसार प्रभारी पोलिस अधीक्षक अमोल तांबे, अप्पर पोलिस अधीक्षक राहुल माकणीकर आणि सहायक पोलिस अधीक्षक दीक्षित गेडाम यांच्या मार्गदर्शनाखाली पोलिसांची पाच पथके हिंगोली, वसमत नांदेड परिसरात तपासासाठी रवाना करण्यात आले. अपहृत मुलाला सोडविण्यासाठी पोलिसांनी सापळा रचला.

पोलिसांनी वेषांतर केले. काही पोलिस अधिकारी कर्मचारी पीडित कुटुंबीयांसोबत गाडीच्या डिक्कीत लपून बसले. घनसावंगी-अंबड मार्गावरील बहिरगड शिवारातील रामगव्हाण तलावाजवळ अपहरणकर्त्यांनी अपहृत मुलाच्या वडिलांना पैसे घेऊन एकटे येण्यास सांगितले. परंतु, पोलिसांच्या सूचनेनुसार त्यांनी एकटे जाण्यास नकार देत घनसावंगीकडे रवाना झाले. अपहरणकर्त्यांनी त्यांना पुन्हा फोन करून बोलवुन घेतले. अपहरणकर्त्यांनी कारद्वारे सदर गाडीला रस्त्यातच अडविले. परंतु, सदर गाडीत पोलिस असल्याचे समजताच अपहरणकर्त्यांनी तेथून पळून जाण्याचा प्रयत्न केला.

तालुका जालना पोलिस ठाण्याचे पोलिस निरीक्षक भागीरथ देशमुख आणि स्थानिक गुन्हे शाखेचे पोलिस निरीक्षक अनंत कुलकर्णी यांनी अपहरणकर्त्यांच्या गाडीवर झडप मारून अपहृत मुलाला सोडविण्याचा प्रयत्न केला. दरम्यान, पोलिस आणि अपहरणकर्त्यांमधे मोठी झटापट सुरू असताना अपहरणकर्त्यांपैकी एकाने पोलिसांवर गोळीबार केला. पोलिसांनी अखेर सदर मुलाची अपहरणकर्त्यांच्या तावडीतून सुटका केली. अपहरणकर्त्यांनी केलेल्या गोळीबारात अपहृत मुलाचा भाऊ जखमी झाला असून त्याच्यावर घाटी रुग्णालयात उपचार सुरू आहे.

अपहृत मुलाची सुखरूप सुटका करण्याला पोलिसांचे प्राधान्य होते. पोलिसांनी ज‌िवावर खेळून मुलाची सुटका केली. आरोपीच्या शोधात पोलिसांची विशेष पथके रवाना करण्यात आले असून लवकरच आरोपी तुरुंगात असतील.

- राहुल माकणीकर, प्रभारी पोलिस अधीक्षक, जालना

मोबाइल अॅप डाउनलोड करा आणि राहा अपडेट

---

सात आरोपींची जन्मठेप कायम

September 29, 2015, 11:35 am

≫ Next: खड्ड्यांमुळे अपघात; महिलेचा मृत्यू

≪ Previous: जालन्यात पहाटे थरारनाट्य

$

0

0

म. टा. विशेष प्रतिनिधी, औरंगाबाद

पुणेगाव (नांदेड) दुहेरी खून प्रकरणात जन्मठेपेची शिक्षा सुनावलेल्या बारा पैकी सात आरोपींची जन्मठेप मुंबई हायकोर्टाच्या औरंगाबाद खंडपीठाचे न्या. ए. बी. चौधरी व न्या. इंदिरा जैन यांनी कायम ठेवली, तर पाच आरोपींची निर्दोष मुक्तता करण्याचे आदेश कोर्टाने दिले.

नांदेड जिल्ह्यातील गाजलेल्या पुणेगाव ग्रामपंचायतीच्या निवडणुकीच्या वादावरून झालेल्या दुहेरी खून प्रकरणाने खळबळ उडाली होती. १५ एप्रिल २००६ रोजी शिवसेनेचे संभाजी पुयड यांच्या भाचीचा आमदुरा गावात साखरपुडा होता. दुपारी ३ वाजण्याच्या सुमारास साखरपुडा आटोपून संभाजी व त्यांचा चुलत भाऊ मारोती मोतीराम पोयड, मित्र देविदास दत्ता भंडरवार असे तिघे दोन दुचाकीवरून पुणेगावकडे परतत होते. त्या वेळी विरोधी गटातील आरोपी जीप, ट्रॅक्टर व दुचाकीवर आले. त्यांनी लाठ्या काठ्यांनी व शस्त्रांनी त्यांच्यावर प्राणघातक हल्ला चढवला. यामध्ये देविदास व मारोती यांचा मृत्यू झाला, तर संभाजी गंभीर जखमी झाले होते. या प्रकरणी संभाजी पोयड यांच्या तक्रारीवरून नांदेड ग्रामीण पोलिसांनी २७ जणांविरोधात खुनाचा गुन्हा दाखल केला होता. पोलिसांनी तपास करून अतिरिक्त सत्र न्यायालयात दोषारोपपत्र दाखल केले होते. सेशन कोर्टाने आरोपी बालाजी आबाजी पुयड, काशिनाथ मारोती पुयड यांच्यासह बारा आरोपींना जन्मठेपेची शिक्षा सुनावली, तर १४जणांची निर्दोष मुक्तता केली. एकाचा सुनावणीदरम्यान मृत्यू झालेला आहे.

सेशन कोर्टाच्या जन्मठेपेच्या शिक्षेला बारा आरोपींनी खंडपीठात आव्हान दिले. बचाव पक्षातर्फे मृतांचा खून झालेला नसून ते दोन जीपच्या धडकेत ठार झाले आहेत असा युक्तिवाद करण्यात आला. घटनास्थळ पंचनामा, डॉक्टरांचा अहवाल, वैद्यकीय अहवाल, घटनेच्या वेळी पोलिसांनी जप्त केलेले शस्त्र या सर्व बाबींवरून दोघांचा खून झाला असल्याचा युक्तिवाद अतिरिक्त सरकारी वकील भास्कर धस यांनी केला. आरोपींतर्फे नितीन प्रधान, शुभदा खोत, हेमंत पवार यांनी बाजू मांडली.

मोबाइल अॅप डाउनलोड करा आणि राहा अपडेट

खड्ड्यांमुळे अपघात; महिलेचा मृत्यू

September 29, 2015, 11:36 am

≫ Next: अतिक्रमण हटाव मोहीम गणेशोत्सवानंतर पुन्हा सुरू

≪ Previous: सात आरोपींची जन्मठेप कायम

$

0

0

खुलताबाद : राष्ट्रीय महामार्ग क्रमांक २११ ला जोडणाऱ्या कसाबखेडा फाटा ते वेरूळ रस्त्यावर मोठे खड्डे पडले असून वाहन चालवणे धोकादायक झाले आहे. रस्त्यावरील खड्ड्यामुळे अपघात होऊन एका महिलेचा रविवारी मृत्यू झाला. कसाबखेडा फाटा ते वेरूळ या रस्त्यावरील एका खड्ड्यात वाहनावरून पडल्याने मीराबाई मदनसिंग महेर (वय ४७, रा. झरी) यांना गंभीर मार लागला. त्यांचा उपचार सुरू असताना मृत्यू झाला. दरम्यान या रस्त्याची अवस्था अत्यंत वाईट झाली आहे.

मोबाइल अॅप डाउनलोड करा आणि राहा अपडेट

अतिक्रमण हटाव मोहीम गणेशोत्सवानंतर पुन्हा सुरू

September 29, 2015, 11:37 am

≫ Next: एफआरपीनुसार उसाची बिले देण्याची मागणी

≪ Previous: खड्ड्यांमुळे अपघात; महिलेचा मृत्यू

$

0

0

म. टा. प्रतिनिधी, कन्नड

एक महिन्यापूर्वी सुरू झालेली शहरातील अतिक्रमण काढण्याची मोहीम गणेशत्सोवामुळे थांबविण्यात आली होती. या मोहिमेला मंगळवारी (२९ सप्टेंबर) पुन्हा सुरुवात झाली असून आठवडीबाजार परिसरातील ४९ अतिक्रमणे काढण्यात आली.

आठवडीबाजार परिसरात मोलमजुरी करणारे नागरिक राहतात. येथे सुमारे साठ वर्षांपासून वास्तव्य असल्याचा त्यांचा दावा आहे. नगर पालिकेने अतिक्रमणधारकांना विश्वासात घेवून जास्त नुकसान न होता अतिक्रमण काढण्यावर भर दिला. त्यामुळे बांधकाम वगळता अतिक्रमणधारकांनी स्वतः अतिक्रमणे काढण्यास मदत केली. मुख्यधिकारी संतोष आगळे यांच्या उपस्थितीत स्वच्छता निरीक्षक नाना गायकवाड, एस. डी. सोनार, शेख मजीद, उस्मानभाई दरोगा यांनी ही कारवाई केली. यावेळी सहायक पोलिस निरीक्षक स्वप्ना शहापूरकर, उपनिरीक्षक संदीप काळे, राजेंद्र मुळे, कविता मुंढे, ए. एस. तुपे, कैलास करवंदे आदींनी बंदोबस्त ठेवला होता.

मोबाइल अॅप डाउनलोड करा आणि राहा अपडेट

एफआरपीनुसार उसाची बिले देण्याची मागणी

September 29, 2015, 11:38 am

≫ Next: ‘११ कोटींच्या कामांची चौकशी करा’

≪ Previous: अतिक्रमण हटाव मोहीम गणेशोत्सवानंतर पुन्हा सुरू

$

0

0

म. टा. प्रतिनिधी, पैठण

अहमदनगर जिल्ह्यातील साखर कारखान्यांना उस देणाऱ्या पैठण तालुक्यातील शेतकऱ्यांना शासनाने ठरवून दिलेल्या एफआरपीप्रमाणे उसाची बिले द्यावीत, अशी मागणी अन्नदाता शेतकरी संघटनेने अहमदनगर येथील सहायक साखर आयुक्तांकडे केली आहे.

तालुक्यातील शेतकऱ्यांनी अहमदनगर जिल्ह्यातील व्रद्धेश्वर साखर कारखान्यासह अनेक साखर कारखान्यांना ऊस दिला आहे. व्रद्धेश्वर साखर कारखान्याने आतापर्यंत तालुक्यातील शेतकऱ्यांना ११२० रुपयांचा पहिला हप्ता दिला आहे. पहिला हप्ता देऊन पाच महिन्यांपेक्षा जास्त कालावधी लोटला असून कारखान्याने एफआरपीप्रमाणे उसाची बिले दिली नाहीत. एफआरपी प्रमाणे बिले न देणआऱ्या कारखान्यांच्या विरोधात गुन्हे दाखल करावे, असे शासनाचे आदेश आहेत. त्यामुळे कारखान्यांवर गुन्हे दाखल करून, एफआरपीप्रमाणे बिले देण्याचे आदेश द्यावे, असे सहायक साखर आयुक्त मिलिंद भालेराव यांना दिलेल्या निवेदनात म्हटले आहे. निवेदनावर संघटनेचे अध्यक्ष जयाजीराव सूर्यवंशी, किशोर दसपुते, संभाजी दसपुते, राहुल दसपुते, नवनाथ दसपुते आदी शेतकऱ्यांच्या सह्या आहेत. मागणी मान्य न झाल्यास आंदोलन करण्याचा इशारा देण्यात आला.

मोबाइल अॅप डाउनलोड करा आणि राहा अपडेट

‘११ कोटींच्या कामांची चौकशी करा’

September 29, 2015, 11:40 am

≫ Next: ‘जलयुक्त शिवार’च्या निकृष्ट कामांवर कारवाई

≪ Previous: एफआरपीनुसार उसाची बिले देण्याची मागणी

$

0

0

'सिंचन'नंतर आता बांधकाम विभाग रडारवर

म. टा. प्रतिनिधी, औरंगाबाद

जिल्हा परिषदेच्या बांधकाम विभागांतर्गत जिल्हा परिषद उपकरातून तसेच अन्य लेखाशीर्षांतर्गत गेल्या चार वर्षांत देखभाल, दुरुस्तीवर ११ कोटी रुपये खर्च करण्यात आले. या कामांची चौकशी करून ऑडिट अहवाल सादर करावा, अशी मागणी जिल्हा परिषदेच्या मुख्य कार्यकारी अधिकाऱ्यांकडे करण्यात आली आहे.

जिल्हा परिषद उपकर गट अ, ब,क, ड लेखा शीषांतर्गत वर्ष २०१२-१३, १४ तसेच १५-१६ या कालावधीमध्ये जी कामे झाली. त्या कामांची चौकशी करण्यात यावी, उपकर निधीअंतर्गत जिल्हा परिषद परिसर, पदाधिकारी, कर्मचारी, अधिकारी यांचे कार्यालय व निवासस्थानांची वेळोवेळी दुरुस्ती करण्यात आली. त्याच कामांचे वेळोवेळी बिले कशी उचलली गेली, बोगस देयक उचलण्यात आल्याचा आरोप मनसे सदस्य शैलेश क्षीरसागर यांनी केला आहे.

हाच निधी वेळोवेळी न उचलता तो अंगणवाडी, शाळा, पशुवैद्यकीय रुग्णालयांच्या दुरुस्तीसाठी वापरला असता तर विकासाला चालना मिळाली असती. गट क लेखाशीर्षांतर्गत वैजापूर तालुक्यातील वीरगाव गटात विधानसभेच्या एका उमेदवाराने लोकसहभागातून रस्त्यांचे खडी, मुरूम टाकून दुरुस्ती केली होती. मात्र त्याच कामाची मंजुरी अधिकाऱ्यांनी सरकारकडून करवून आणली. कामे न करता देयके उचलण्यात आली. या कामांची चौकशी व्हावी, अशी मागणी क्षीरसागर यांनी केली आहे. चौकशी त्याचा ऑडिट अहवाल सादर करण्याचीही मागणी त्यांनी सीइओ डॉ. अभिजित चौधरी यांच्याकडे केली आहे.

मोबाइल अॅप डाउनलोड करा आणि राहा अपडेट

‘जलयुक्त शिवार’च्या निकृष्ट कामांवर कारवाई

September 29, 2015, 11:41 am

≫ Next: पुलावर खड्डे; अपघाताचा धोका

≪ Previous: ‘११ कोटींच्या कामांची चौकशी करा’

$

0

0

म. टा. प्रतिनिधी, औरंगाबाद

दहा दिवसांपूर्वीच्या पावसामुळे नुकसान झालेल्या जलयुक्त शिवार योजनेतील कामांची तपासणी केली जाणार आहे. निकृष्ट कामांबद्दल संबंधितांवर कारवाई केली जाणार आहे, अशी माहिती विभागीय आयुक्त डॉ. उमाकांत दांगट यांनी दिली. दरम्यान, त्यांनी या नुकसानीचा अहवाल मागवला आहे.

गणेशोत्सव सुरू होण्यापूर्वी औरंगाबाद जिल्ह्यात पावसाने जोरदार हजेरी लावली, सिल्लोड, फुलंब्री येथे मोठ्या प्रमाणावर पावसामुळे हानी झाली आहे. औरंगाबाद, तसेच जालना जिल्ह्यात जलयुक्त शिवार अभियानाअंतर्गत झालेल्या कामांचेही नुकसान झाल्याची माहिती पुढे येत आहे. अतिवृष्टीमुळे झालेल्या नुकसानीचे पंचनामे करून अहवाल सादर करण्याचे आदेश देण्यात आलेले आहेत. अतिवृष्टी झाली तरी नुकसान होणार नाही, हे मार्गदर्शक तत्व काम करताना पाळले गेले की नाही, याची तपासणी करण्यात येणार आहे. निकृष्ट काम झाल्याचे समोर आल्यास संबंधितांवर कारवाई करणार असल्याचे डॉ. दांगट यांनी सांगितले. काही ठिकाणी मोठा पाऊस झाल्याने नुकसान झाले असले तरी, इतर ठिकाणी कमी पाऊस असतानाही जलयुक्तची कामे वाहून गेल्याच्या तक्रारी गावकऱ्यांनी केल्या आहेत.

मोबाइल अॅप डाउनलोड करा आणि राहा अपडेट

पुलावर खड्डे; अपघाताचा धोका

September 29, 2015, 11:43 am

≫ Next: झेडपीने केले दुष्काळाचे ‘विसर्जन’

≪ Previous: ‘जलयुक्त शिवार’च्या निकृष्ट कामांवर कारवाई

$

0

0

म. टा. प्रतिनिधी, कन्नड

औरंगाबाद-धुळे महामार्गावरील टापरगावनजिकचा पूल वाहतुकीसाठी अत्यंत धोकादायक झाला आहे. या पुलाच्या कठड्यांना तडे गेले असून ठिकठिकाणी खड्डे पडले आहेत.

राष्ट्रीय महामार्गावरील टापरगावजवळ शिवना नदीवरील पूल सुमारे ५० वर्षांपूर्वी बांधलेला आहे. या पुलावरून पाण्याचा निचरा होण्याची सध्या कोणतीही सोय नाही. त्यामुळे दरवर्षी पावसाळ्यात पुलावर खड्डे पडतात. दरवर्षी पुलाची व त्यावरून जाणाऱ्या रस्त्याची नियमित डागडुजी होत नसल्याचा अनुभव आहे.

सद्यस्थितीत पुलाची पूर्णतः दुरावस्था झालेली असून पुलाच्या सळ्या उघड्या पडल्या आहेत. पुलाच्या जोडणीचे बीम उघडे पडले असून, त्यातून नदीपात्रातील पाणी स्पष्ट दिसते. या रस्त्यावर मोठ्या प्रमाणावर जड वाहतूक आहे. जड वाहतुकीमुळे पुलास मोठे हादरे बसतात, शिवाय ओव्हरटेक करण्याच्या नादात या ठिकाणी नियमित अपघात होतात. त्यातच पुलावर खड्डे झाल्याने तो वाहतुकीकरिता अधिकच धोकादायक झाला आहे. पुलावरील खड्ड्यांमुळे छोटी वाहने व दुचाकींचे मोठे नुकसान होत आहे. वाहनचालकांची तारांबळ थांबवून वाहतूक सुरळीत करण्याकरिता पुलाचा दुरुस्तीची गरज आहे.

दुरुस्तीची मागणी

या पुलावरील खड्ड्यामुळे छोटे मोठे अपघात होत आहेत. या पुलावर मोठे खड्डे पडले असून, पुलाच्या कठड्यास तडे पडलेले आहे. या पुलाची लवकर दुरुस्ती होण्याची गरज आहे, अशी मागणी टापरगावच्या सरपंच रुपाली सतीश खडेकर यांनी केली. सार्वजनिक बांधकाम विभागातर्फे दरवर्षी पुलाच्या दुरुस्तीकडे दुर्लक्ष होते. याबद्दलही परिसरातील नागरिकांमध्ये संताप व्यक्त होत आहे.

मोबाइल अॅप डाउनलोड करा आणि राहा अपडेट

---

झेडपीने केले दुष्काळाचे ‘विसर्जन’

September 29, 2015, 11:45 am

≫ Next: मद्य तस्करी करणारा गजाआड

≪ Previous: पुलावर खड्डे; अपघाताचा धोका

$

0

0

'पीआरसी'मुळे कामांकडे दुर्लक्ष; पारदर्शकता दाखविण्याची लगीनघाई

म. टा. प्रतिनिधी, औरंगाबाद

जिल्हा परिषदेच्या कामकाजाचे स्कॅनिंग करण्यासाठी पंचायत राज समितीचा येत्या १५ ते १७ ऑक्टोबर दरम्यान दौरा होणार आहे. समितीसमोर आपल्या कामकाजाचा पारदर्शकपणा सिद्ध करण्यासाठी सर्व विभागांची लगीनघाई सुरू झाली आहे. त्या पार्श्वभूमीवर दुष्काळी उपाययोजनांकडे मात्र दुर्लक्ष झाले आहे.

जिल्ह्यात सलग तिसऱ्या वर्षी दुष्काळ आहे. ग्रामीण भागात दुष्काळी उपाययोजना आखण्यासाठी टंचाई आराखडा तयार केला जातो. २०११मध्ये तत्कालीन मुख्य कार्यकारी अधिकारी सुखदेव बनकर यांनी महात्मा गांधी राष्ट्रीय रोजगार हमी योजनेच्या कामात केंद्रीय पातळीवर मागणी करून बदल मंजूर करून घेतले होते. हमी योजनेच्या कामावर जाण्यासाठी शेतकऱ्यांच्या प्रतिष्ठेला जपणे आवश्यक आहे. आपले शेत सोडून दुसरीकडे जाण्यासाठी शेतकरी उत्सुक नसायचे. अशा परिस्थितीत हमी योजनेच्या प्रस्तावित कामाच्या पॅकेजमध्ये बदल केला तर त्याचा दुहेरी फायदा होण्यासंदर्भात बनकरांनी दुष्काळ निवारण पॅटर्न आखला होता. त्यातून विहिर फेरभरण, खड्डे खोलीकरण, कंपाऊंडिंग, बंडिग आदी कामे सूचविली आणि त्यास मंजुरीही मिळाली होती. त्यापुढच्या वर्षी सुदैवाने जिल्ह्यात बऱ्यापैकी पाऊस झाला. यंदा पुन्हा एकदा गंभीर दुष्काळ पडल्याने जिल्हा परिषद प्रशासनाने जुलै २०१५ मध्ये ८० कोटींचा टंचाई आराखडा सरकारला सादर केला होता. जूनमध्ये काही दिवस पाऊस झाला त्यानंतर पाऊस गायब झाल्याने जिल्ह्याची चिंता वाढली होती.

ऑगस्ट व सप्टेंबरच्या १५ तारखेपर्यंत पावसाने दडी मारली होती. टंचाई आराखड्यात टँकर, विहिर संपादन, कूपनलिका घेणे आदी कामे प्राधान्याने अपेक्षित आहेत. १७ व १८ ऑक्टोबरच्या पावसानंतरही जिल्ह्यात मोठ्या प्रमाणावर पाणीटंचाई आहे. दुष्काळाची तीव्रता डिसेंबरनंतर आणखी वाढणार आहे. त्यादृष्टीने जिल्हा परिषद प्रशासनाचे नियोजन आताच तयार होणे गरजेचे आहे. सूत्रांनी दिलेल्या माहितीनुसार ऑक्टोबर ते डिसेंबर २०१५ साठीचा टंचाई आराखडा लवकरच सादर केला जाणार आहे, पण या पंधरा दिवसांत पीआरसीच्या दौऱ्याची तयारी करण्यात बिझी असलेल्या प्रशासनाकडून दुष्काळी कामांकडे मात्र दुर्लक्ष केले आहे. पीआरसीसमोर लेखापरीक्षण अहवालात काढलेल्या त्रुटींची माहिती देण्यासाठीची उत्तरे तयार करण्यात सर्व विभाग मग्न आहेत. त्यानंतर बैठकांचे सत्र सुरू आहे. या सगळ्यात दुष्काळी प्रस्ताव, करण्या आलेल्या मागण्यांकडे मात्र प्रशासनाचे दुर्लक्ष आहे.

पीआरसीचे काम करत असताना दुष्काळाच्या कामाला प्राधान्य दिले पाहिजे. निव्वळ पीआरसीच्या कामाच्या नावावर दुसरे काम ठप्प होता कामा नये.

- विनोद तांबे, सभापती, जिल्हा परिषद

मोबाइल अॅप डाउनलोड करा आणि राहा अपडेट

मद्य तस्करी करणारा गजाआड

September 29, 2015, 11:49 am

≫ Next: नरवडे खून प्रकरणात तिघांना बेड्या

≪ Previous: झेडपीने केले दुष्काळाचे ‘विसर्जन’

$

0

0

म.टा. प्रतिनिधी, औरंगाबाद

टाटा सफारी कारमध्ये मद्य तस्करी करणाऱ्या आरोपीला सिडको एमआयडीसी पोलिसांनी अटक केली. मंगळवारी पहाटे बीडबायपासवर थरारक पाठलागानंतर त्याला पकडण्यात आले. त्याच्या ताब्यातून नव्वद हजारांची देशी दारू जप्त करण्यात आली आहे.

बीड बायपास परिसरातून मध्यरात्री किंवा पहाटेच्या सुमारास अवैध देशीदारूच्या साठ्याची तस्करी होणार असल्याची माहिती पोलिसांना मिळाली होती. या माहितीवरून पथकाने झाल्टाफाट्याच्या अलीकडे सापळा रचला. रात्री अडीचच्या सुमारास खबऱ्याने सांगितलेल्या संशयित टाटा सफारी कार पोलिसांच्या दृष्टीस पडली. या कारचालकाला थांबवण्याचा इशारा करण्यात आला, मात्र त्याने सहारा सिटीजवळ असलेल्या निर्जन परिसरात कार वळविली. पोलिसांनी त्याचा पाठलाग सुरू केला. काही अंतरावर ओढा असल्याने कारचालकाचा पुढे जाण्याचा मार्ग बंद झाला. यावेळी कार मधील तरुणाने खाली उतरून पलायनाचा प्रयत्न केला, मात्र पोलिसांनी पाठलाग करून त्याला ताब्यात घेतले. कैलास घीसनलाल भोई (वय २८ मूळ रा. राजस्थान, हल्ली मुक्काम चिते पिंपळगाव) त्याच्या ताब्यातून ९० हजार रुपयांच्या देशी दारुच्या साठ्यासह नऊ लाखांची कार पोलिसांनी जप्त केली. याप्रकरणी सिडको एमआयडीसी पोलिस ठाण्यात गुन्हा दाखल करण्यात आला. ही कामगिरी पोलिस निरीक्षक श्रीपाद परोपकारी यांच्या मार्गदर्शनाखाली सहायक फौजदार गोरख चव्हाण, दिलीप भताने व भगवान शिलोटे यांनी केली.

१ लाख ८० हजारांचा ऐवज पळविला

वैजापूर, शहरातील परदेशी गल्ली भागातील एका महिलेचे घर फोडून चोरांनी रोख दीड लाख रुपये व ३० हजार रुपये किमतीचे सोन्याचे दागिने असा ऐवज पळविला. रविवारी मध्यरात्री घटना घडली. याप्रकरणी शोभा राजपूत यांच्या तक्रारीवरुन चंद्रसेन विजय भोसले व अनिता आशोक गायकवाड यांच्याविरूद्ध संशयावरून गुन्हा नोंदविण्यात आला आहे. चोरांनी घराची मागील भिंत फोडून घरात प्रवेश केला व कपाटातील ऐवज लंपास केला. या प्रकरणी पुढील तपास सहायक पोलिस निरीक्षक प्रकाशकुमार पाटील करीत आहेत.

वाळूजहून तस्करी

आरोपीने वाळूज भागातून हा साठा आणला असल्याची माहिती पोलिसांना दिली, मात्र हा साठा कोठे नेणार होता याबाबत त्याने मौन धरले. त्याला कोर्टात हजर करण्यात आले असता त्याची जामिनावर सुटका करण्यात आली.

मोबाइल अॅप डाउनलोड करा आणि राहा अपडेट

नरवडे खून प्रकरणात तिघांना बेड्या

September 29, 2015, 11:51 am

≫ Next: कुख्यात सच्या, अक्याची टोळी पडेगावात जेरबंद

≪ Previous: मद्य तस्करी करणारा गजाआड

$

0

0

वडील भावानेच पाठविले यमसदनी

म. टा. प्रतिनिधी, औरंगाबाद

सिंदोन शिवारातील शेतकरी राजू उर्फ राजेंद्र जगन्नाथ नरवडे (वय ३२) खून प्रकरणाचा छडा ग्रामीण पोलिसांनी अवघ्या २४ तासांत लावला आहे. राजूचे वडील व सावत्र भावासह तिघांना याप्रकरणी मंगळवारी सायंकाळी पोलिसांनी अटक केली. शेतीच्या वाटणीचा वाद तसेच राजुचे दारुचे व्यसन या कारणामुळे संशयितांनी त्यांचा खून केला, अशी माहिती प्राथमिक तपासात समोर आली आहे. राजू नरवडेचा खून झाल्याची घटना सोमवारी (२८ सप्टेंबर) दुपारी उघडकीस आली. याप्रकरणी स्थानिक गुन्हे शाखा व चिकलठाणा पोलिसांनी संयुक्तरित्या तपास करत राजूचे वडील जगन्नाथ नरवडे ( वय ६५), सावत्र भाऊ संतोष नरवडे (वय २३) आणि निरंजन ढवसे (वय २१) या तिघांना सायंकाळी अटक केली.

अज्ञात मारेकऱ्यांनी हा खून केल्याचा बनाव जगन्नाथ नरवडे यांनी केला होता. राजू नेहमीप्रमाणे सकाळी शेतात कामासाठी गेला, परंतु दुपारी अडीच वाजेनंतरही जेवायला आला नाही. त्याला पाहण्यासाठी गेलो असता खून झाल्याचे लक्षात आल्याची माहिती त्यांनी पोलिसांनी दिली होती. मारेकऱ्यांनी राजूच्या डोक्यात दगड घालून, तसेच कुऱ्हाडीचे वार करून खून केल्याचे घटनास्थळाच्या पाहणीत दिसले. या खुनामागे घरच्यांचाच हात असावा, असा संशय पोलिसांना होता. पोलिसांच्या तपासात जगन्नाथ नरवडे यांनी केलेला बनाव फार काळ टिकू शकला नाही.

राजुला दारुचे व्यसन होते. तो पालकांसह पत्नीला नेहमी त्रास द्यायचा. शिवाय शेताच्या वाटणीसाठी सारखा भांडत असे. यामुळे वैतागून वडीलांनी मुलगा संतोष व अन्य एकाच्या मदतीने हा खून केल्याचे तपासातून लक्षात आले, अशी माहिती चिकलठाणा पोलिसांनी दिली. पोलिस अधिक्षक नवीनचंद्र रेड्डी, अप्पर पोलिस अधिक्षक जी. श्रीधर, पोलिस उपअधीक्षक एस. के. लांजेवार यांच्या मार्गदर्शनाखाली स्थानिक गुन्हे शाखेचे पोलिस निरीक्षक डॉ. कांचन चाटे, चिकलठाणा पोलिस स्टेशनचे प्रभारी सहायक पोलिस निरीक्षक महेश आंधळे व पथकाने ही कामगिरी केली.

मोबाइल अॅप डाउनलोड करा आणि राहा अपडेट

कुख्यात सच्या, अक्याची टोळी पडेगावात जेरबंद

September 29, 2015, 11:52 am

≫ Next: स्मार्ट सिटीचा रिपोर्ट १५ डिसेंबरपर्यंत

≪ Previous: नरवडे खून प्रकरणात तिघांना बेड्या

$

0

0

म. टा. प्रतिनिधी, औरंगाबाद

पडेगावात दरोडा टाकण्याच्या तयारीत असलेल्या पाच दरोडेखोरांच्या टोळीला गुन्हे शाखेच्या पथकाने मंगळवारी पहाटे जेरबंद केले. कुख्यात गुन्हेगार असलेले भाऊ सचिन व आकाश त्रिभुवन यांची ही टोळी आहे. अक्यासहीत एकजण अंधाराचा फायदा घेत पसार झाले आहेत. याप्रकरणी छावणी पोलिस ठाण्यात गुन्हा दाखल करण्यात आला आहे. पडेगाव भागातील कासंबरी दर्गा ते भावसिंगपुरा रोडवरील युनिक डेव्हलपर्स अपार्टमेंटजवळ सहा ते सात जण पहाटे एकच्या सुमारास संशयास्पदरित्या फिरत असल्याची माहिती गुन्हे शाखेला मिळाली होती. या माहितीवरून पोलिसांनी घटनास्थळी धाव घेतली.

यावेळी एका छोटा हत्ती टेंपोसह पाच जणांना पकडण्यात पोलिसांना यश आले. तर दोघेजण बुलेट दुचाकीवर पसार झाले. पकडलेल्या आरोपीमध्ये सचिन चंद्रकांत त्रिभुवन (वय २१), सचिन कल्याण हिवराळे (वय २० दोघे रा. हर्षनगर), अमीत रतन साठे (वय ३० रा. आधावनगर, वाळूज), सोपान ओपीन पिंपळे (वय ३८ रा. धामोरी शिवार), छबू नामदेव चव्हाण (वय ४२ रा. बाजार तळ, वाळूज गाव) यांचा समावेश आहे. पलायन केलेल्या आरोपींमध्ये नीलेश सोनवणे व आकाश चंद्रकांत त्रिभुवन (रा. हर्षनगर) यांचा समावेश आहे. या टोळीच्या ताब्यातून तलवार तसेच दरोड्याचे साहित्य जप्त करण्यात आले.

ही कारवाई पोलिस निरीक्षक अविनाश आघाव, यांच्या मार्गदर्शनाखाली एपीआय गजानन कल्याणकर, उन्मेष थिटे, अनिल वाघ, शेख आरेफ, अय्युब पठाण, शेख हबीब, गोमटे, विलास वाघ, नवाब शेख, संतोष काकडे, शिवाजी कचरे, आनंद वाहूळ, शिवाजी भोसले, संजय जाधव, रितेश जाधव, राठोड, विलास सुंदर्डे आदींनी केली.

रेकॉर्डवरील अट्टल गुन्हेगार

पकडण्यात आलेले सर्व आरोपी रेकॉर्डवरील अट्टल गुन्हेगार आहेत. सचिन व आकाश‌ त्रिभुवन हे दोन भाऊ शहरात पाकीटमाराची टोळी चालवितात. त्यांच्यावर यापूर्वी खून, खुनाचा प्रयत्न, दरोड्याची तयारी आदी गुन्हे दाखल आहेत. सोपान पिंपळे, छबू चव्हाण यांच्यावर दरोड्याचे गुन्हे दाखल आहेत. चार वर्षांपूर्वी बेगमपुरा स्मशानभूमित पाकीटमारीच्या कमीशनच्या वादातून सचिन व अक्या यांनी जावेद राजमहमद या पाकीटमाराचा निर्घृण खून केला होता.

मोबाइल अॅप डाउनलोड करा आणि राहा अपडेट

स्मार्ट सिटीचा रिपोर्ट १५ डिसेंबरपर्यंत

September 29, 2015, 11:54 am

≫ Next: स्मार्ट सिटीत आमच्या म्हशींचाही विचार करा

≪ Previous: कुख्यात सच्या, अक्याची टोळी पडेगावात जेरबंद

$

0

0

म. टा. प्रतिनिधी, औरंगाबाद

'स्मार्ट सिटीचा सविस्तर प्रकल्प अहवाल (डीपीआर) १५ डिसेंबरपर्यंत केंद्र सरकारला सादर केला जाईल. त्या दृष्टीने येत्या काळात वेगाने काम करावे लागेल. यात नागरिकांचा सहभाग महत्त्वाचा असेल,' अशी माहिती महापालिकेने स्मार्ट सिटी अभियानासाठी नियुक्त केलेल्या फोट्रेस फायनांशियल सर्व्हिसेस या पीएमसीच्या प्रतिनिधींनी आज स्थायी समितीच्या बैठकीत दिली. त्यांनी पीएमसीतर्फे केल्या जाणाऱ्या कामांचे पॉवर पॉइंट प्रेझेंटेशनही केले.

महापालिकेने नाइट फ्रँक कंपनीची पीएमसी म्हणून नियुक्ती केली आहे. या कंपनीसोबत फोट्रेस आणि टॅस्कीला या संस्था काम करणार आहेत. स्थायी समितीच्या बैठकीत पीएमसीला मंजुरी देण्याचा प्रस्ताव प्रशासनाने मांडला होता. त्यावेळी पीएमसी नेमके कोणते काम करणार आहे, याचे सादरीकरण फोट्रेसचे अजय भोरे यांनी केले.

भोरे म्हणाले, 'स्मार्ट सिटीसाठीचा डीपीआर केंद्र सरकारला सादर करण्यासाठी फारच कमी अवधी राहिला आहे. या कालावधीत जास्तीत-जास्त लोकांपर्यंत पोहचून, त्यांच्या सूचना घेऊन डीपीआर तयार करावा लागणार आहे. केंद्र सरकारने १५ डिसेंबरची मुदत दिली असली तरी, नोव्हेंबर अखेरपर्यंत डीपीआर तयार करण्याचे टार्गेट पीएमसीने ठेवले आहे. त्यासाठी पीएमसीतर्फे झोन कार्यालय निहाय नागरिकांचे मेळावे घेऊन त्यांच्याशी संवाद साधला जाईल. १० लाख लोकसंख्येच्या शहरात स्मार्ट सिटी अभियानात किमान एक लाख लोकांचा सहभाग असला पाहिजे असे निकष शासनाने आखून दिलेत. त्यादृष्टीने कार्यक्रमांचे आयोजन केले जाणार आहे. शाळा, कॉलेजमधील विद्यार्थ्यांसाठी निबंध स्पर्धा, चित्रकला स्पर्धा घेण्याचा विचार आहे. ज्येष्ठ नागरिकांनाही यात सामावून घेतले जाणार आहे. लोकांसाठी स्मार्ट सिटीची योजना राबवली जात आहे. योजनेत स्मार्ट इन्फ्रास्ट्रक्चर, ई-गव्हर्नन्सचा मुद्दा फार महत्त्वाचा आहे,' असे भोरे म्हणाले.

चार संकल्पनांवर काम

स्मार्ट सिटीमध्ये रिट्रोफिटिंग, रिडेव्हलपमेंट, ग्रीनफिल्ड आणि पॅनसिटी या चार संकल्पना घेऊन काम करायेच आहे. त्यासाठी कोणत्या परिसराची निवड करायची याचा निर्णय नागरिकांशी चर्चा करून व सर्वसाधारण सभेची मान्यता घेऊन केला जाईल. चांगल्या पायाभूत सुविधा देणे, प्रदूषण कमी करणे, परिसर स्वच्छ ठेवणे याला स्मार्ट सिटीमध्ये महत्त्व आहे, असे भोरे यांनी सांगितले.

मोबाइल अॅप डाउनलोड करा आणि राहा अपडेट

स्मार्ट सिटीत आमच्या म्हशींचाही विचार करा

September 29, 2015, 11:59 am

≫ Next: रिक्षाचालकाने काढली विद्यार्थिनीची छेड

≪ Previous: स्मार्ट सिटीचा रिपोर्ट १५ डिसेंबरपर्यंत

$

0

0

नगरसेवकांच्या प्रश्नांनी 'पीएमसी' चक्रावली

म. टा. प्रतिनिधी, औरंगाबाद

स्मार्ट सिटीत आमच्या म्हशींचे काय होणार, म्हशींच्या दुधाबद्दल काही विचार करणार की नाही, असे बाळबोध प्रश्न स्थायी समितीच्या बैठकीत 'पीएमसी' चर्चेवेळी उपस्थित करून नगरसेवकांनी आपली बौद्धीक दिवाळखोरी दाखविली. आता यावर काय उत्तर द्यावे, असा प्रश्न अधिकाऱ्यांना पडला नसेल तर नवलच.

स्मार्ट सिटी अभियानासाठी महापालिकेने नाइट फ्रँक कंपनीची पीएमसी (प्रकल्प व्यवस्थापन सल्लागार समिती) म्हणून नियुक्ती केली आहे. या कंपनीबरोबर फोर्ट्रेस ही संस्था देखील काम करणार आहे. फोट्रेसचे अजय भोरे यांनी पीएमसीच्या कामाचे सादरीकरण केल्यावर स्थायी समितीचे सभापती दिलीप थोरात यांनी स्थायी समितीच्या सदस्यांना त्यांची काही प्रश्न किंवा शंका असतील तर विचारा असे सांगितले.

मोहन मेघावाले व रावसाहेब आमले म्हणाले, स्मार्ट सिटीत आमच्या म्हशींचे स्थान काय असेल. याचा खुलासा झाला पाहिजे. म्हशींचे दूध सर्वांनाच लागते. आमचा तर वडिलोपार्जित व्यवसाय आहे. त्यामुळे स्मार्ट सिटीमध्ये म्हशींचा विचार झाला पाहिजे. म्हशींच्या गोठ्यांसाठी चिकलठाणा येथे एक भूखंड पालिकेच्या ताब्यात आहे. त्यावर आता अतिक्रमण होत आहे. त्याचा आता विकास व्हावा.' मेघावाले यांनी टीव्ही सेंटर जवळील विवेकानंद उद्यानाचा व डॉ. सलीम अली सरोवराचा मुद्दा मांडत दोन्ही स्थळे चांगले विकसित करा अशी सूचना केली. नगरसेवक अब्दुल नाईकवाडी यांनी शहरात अल्पसंख्यांकांची संख्या जास्त आहे, असा मुद्दा मांडला. अल्पसंख्यांकांच्या व्यवसायाचे काय होणार, त्यांच्या हातगाड्या असतात, टपऱ्या असतात त्या राहणार की नाही याचा खुलासा करा अशी मागणी केली. गजानन बारवाल यांनी महापालिकेच्या फसलेल्या उपक्रमांची यादी वाचली. त्यात सिटीबस सेवा, फूट ओव्हर ब्रिज, शहराच्या एकाच भागात असलेली उद्याने याचा समावेश होता. स्मार्ट सिटीमध्ये ही कामे होणार असतील तर, त्याचे योग्य प्रकारे नियोजन करा. बांधकाम परवानगी, एफएसआयसाठी काय करणार आहात हे स्पष्ट करा, असे ते म्हणाले. स्मार्ट सिटी प्रकल्पाबद्दल नितीन चित्ते यांनी पंतप्रधान नरेंद्र मोदी आणि केंद्रीय नगरविकास मंत्री व्यंकय्या नायडू यांचे अभिनंदन करणारा ठराव मांडला. स्मार्ट सिटीत समांतर जलवाहिनी बद्दल पीएमसीची भूमिका काय असेल, असा प्रश्न त्यांनी उपस्थित केला.

पीएमसी मंजूर

स्मार्ट सिटी अभियानासाठी नाइट फ्रँक या कंपनीला पीएमसी (प्रकल्प व्यवस्थापन सल्लागार समिती) म्हणून नियुक्त करण्याचा महापालिका प्रशासनाचा प्रस्ताव स्थायी समितीच्या बैठकीत चर्चेनंतर मंजूर करण्यात आला. नगरसेवकांनी केलेल्या सूचनांचा विचार पीएमसीने करावा, असे सभापती दिलीप थोरात म्हणाले.

महापालिका नामधारी

नगरसेवकांच्या प्रश्नांना उत्तर देताना फोर्ट्रेसचे अजय भोरे म्हणाले, स्मार्ट सिटीत पालिकेची भूमिका जास्त असणार नाही. प्रकल्पासाठी 'स्पेशल पर्पज व्हेकल (एसपीव्ही)' कंपनीच्या स्वरुपात स्थापन करावी लागेल. एसपीव्हीचे प्रमुख म्हणून सचिवस्तरावरच्या अधिकाऱ्याची नियुक्ती केली जाईल. या माध्यमातून सर्व कामे होतील. शासनाचा निधीही पालिकेला नव्हे तर, एसपीव्हीलाच दिला जाईल.

मोबाइल अॅप डाउनलोड करा आणि राहा अपडेट

रिक्षाचालकाने काढली विद्यार्थिनीची छेड

September 29, 2015, 12:04 pm

≫ Next: शिरजोर चालकाने मुलासह पेटविली रिक्षा

≪ Previous: स्मार्ट सिटीत आमच्या म्हशींचाही विचार करा

$

0

0

विद्यापीठात गुंडगिरी वाढली

म. टा. प्रतिनिधी, औरंगाबाद

नुकतेच झालेले दोन सामूहिक बलात्कार, छेडछाडीला कंटाळून श्रुती कुलकर्णीने केलेली आत्महत्या या घटना ताजा असतानाच सोमवारी विद्यापीठ परिसरात एका रिक्षाचालकाने विद्यार्थिनीची भर दुपारी छेड काढली. विद्यार्थिनीला कुणाचीही मदत न मिळाल्याने मस्तवाल रिक्षावाला निघून गेला.

डॉ. बाबासाहेब आंबेडकर मराठवाडा विद्यापीठातील विद्यार्थिनी काही कामानिमित्त विद्यापीठाकडे जायला निघाली होती. मुख्य बसस्थानकापासून ती सिटर रिक्षात बसली. रिक्षाचालकाने विद्यापीठाकडे जाताना अनेक प्रवासी मिळूनही त्यांना रिक्षात घेतले नाही. मुलीसोबत विनाकारण चर्चा करत, प्रश्न विचारत त्याने रिक्षा विद्यापीठ परिसरात आणली. विद्यार्थिनी रिक्षातून उतरत असतानाच त्याने थेट युवतीला स्पर्श केला. अश्लील बोलणे सुरू केले, पण पुढ्यात काही माणसे पाहून त्याने धूम ठोकली. युवतीने कसाबसा रिक्षाचा नंबर लक्षात ठेवत दामिनी पथकाशी संपर्क साधण्याचा प्रयत्न केला. मात्र, वेळेवर मदत न मिळाल्याने तिचा नाईलाज झाला. नंतर रिक्षाचालक त्रास देईल या कारणाने भेदरलेल्या युवतीने पोलिसांतही तक्रार दिली नाही.

विद्यापीठ परिसरात अशा घटना सातत्याने घडतात, पण यावर ठोस कारवाई करण्यास प्रशासन किंवा संघटना पुढाकार घेत नाहीत. रिक्षाचालकांच्या त्रासामुळे मुलींचे लेक्चरला येण्याचे प्रमाणही अत्यंत कमी झाले आहे. विद्यापीठात येण्यासाठी सिटीबस अत्यंत आवश्यक आहे. मात्र, बस सुरू नसल्याने अनेक रिक्षाचालकांची मुजोरी वाढली आहे. या त्रासाला कंटाळून मुली पायीच जाणे किंवा मैत्रिणींसोबत गाडी शेअर करण्यास प्राधान्य देत आहेत.

येथे मागा मदत

छेडछाडीच्या घटनांवर प्रतिबंध बसावा म्हणून पोलिस आयुक्तालयातर्फे जनजागृती मोहीम सुरू आहे. बरेचदा मुली घाबरून किंवा कॉलेज बंद होण्याच्या भीतीपोटी तक्रार देत नाहीत, पण मुलींनी तक्रार करावी. असा प्रसंग घडल्यावर तत्काळ १००, १०९१ (दामिनी पथक) किंवा (०२४०) ५०० या दूरध्वनी क्रमांकावर फोन करून माहिती द्या. तुम्हाला तत्काळ मदत मिळेल, असे दामिनी पथक प्रमुख विजयामाला रिठे म्हणाल्या.

मोबाइल अॅप डाउनलोड करा आणि राहा अपडेट

---

शिरजोर चालकाने मुलासह पेटविली रिक्षा

September 29, 2015, 12:06 pm

≫ Next: लर्निंग लायसन्स चाचणीत १०० उमेदवार नापास

≪ Previous: रिक्षाचालकाने काढली विद्यार्थिनीची छेड

$

0

0

म. टा. प्रतिनिधी, औरंगाबाद

रेल्वे स्टेशन गेटबाहेर 'नो पार्किंग'मध्ये रिक्षा उभी करणाऱ्या चालकाला पोलिसांनी शंभर रुपयांची पावती दिली. त्यामुळे संतापलेल्या मुजोर रिक्षाचालकाने आपल्या दीड वर्षाच्या चिमुरड्यासह रिक्षा पेटवून देण्याचा प्रयत्न केला.

रिक्षाचालकाच्या उद्दामपणामुळे परिसरात काही काळ तणाव निर्माण झाला. रेल्वे स्टेशनच्या मुख्य चौकात सकाळी साडे अकराच्या सुमारास शेख गफ्फारची रिक्षा (एमएच २० एए ५१५४) स्टेशन गेटजवळ 'नो पार्किंग'मध्ये थांबली होती. त्यामुळे वाहतूक पोलिस त्याला पावती देण्यास गेले. घरी जात होतो, पण मुलगा सोबत असल्याने थांबावे लागले, असे शेखने पोलिसांना सांगितले. यातून पोलिस आणि शेखमध्ये वादावादी सुरू झाली. चिडून शेखने पोलिसांवर हल्ला केला. त्यानंतर पोलिसांनी शेखला मारहाण केली. यावेळी दीड वर्षाच्या मुलालाही मारहाण झाल्याचा आरोप काही प्रत्यक्षदर्शींनी केला. या रागातच शेखने आपल्या मुलासह रिक्षा पेटविल्याचे प्रत्यक्षदर्शींनी व शेखने सांगितले. या हाणामारीत दोन पोलिस कर्मचारी जखमी झाले आहेत. त्यांच्यावर कमलनयन बजाज हॉस्पिटलमध्ये उपचार सुरू आहेत.

दरम्यान यावेळी मोठी गर्दी जमा झाली. ही गर्दी हटविण्यासाठी पोलिसांनी सौम्य लाठीमार केला. घटनास्थळी आमदार इम्तियाज जलील आणि पोलिस आयुक्त अमितेशकुमार यांनी भेट देऊन परिस्थिती नियंत्रणात आणली. पोलिसांनी शेखला क्रांतिचौक ठाण्यात नेले. तेव्हा घटनास्थळी शेखची आई आली. तिने 'माझ्या मुलाला कुठे नेले', अशी पोलिसांना विचारणा केली. मात्र, गर्दी हटविण्याच्या गडबडीत पोलिसांना आईच्या प्रश्नाला उत्तर द्यायलाही वेळ नव्हता. अखेर काही रिक्षा चालकांनी आपल्या रिक्षातून शेखच्या आईला क्रांतिचौक पोलिस ठाण्यात सोडले.

दोन पोलिस जखमी

रिक्षाचालक शेखच्या हल्ल्यात डोक्यात दगड लागल्याने सुनील चौथमल हे पोलिस कर्मचारी गंभीर जखमी झाले. तर माधव सोळंके यांच्या बोटाला शेखने चावा घेतला आहे. दोन्ही जखमींना उपचारासाठी घाटी हॉस्पिटलमध्ये हलविण्यात आले होते. पोलिस आयुक्त अमितेशकुमार यांनी त्यांची भेट घेतली. या कर्मचाऱ्यांना कमलनयन बजाज हॉस्पिटलला हलवण्याचे आदेश त्यांनी दिले.

पूर्वनियोजित प्रकार?

ही घटना पूर्वनियोजित असल्याचा पोलिसांना संशय आहे. शेख गफ्फार याच्याकडे वेळेवर रॉकेल आले कसे, हा प्रश्न पोलिसांना पडला आहे. रिक्षाचालक शेख गफ्फारला अटक करण्यात आली असून, त्याच्यावर क्रांतिचौक पोलिस ठाण्यात मुलाला व पोलिसांना ठार मारण्याचा प्रयत्न करणे, शासकीय कामात अडथळा निर्माण करणे आदी कलमानुसार गुन्हा दाखल करण्यात आला आहे.

पोलिसांनी वाहतुकीला शिस्त लावावी. रिक्षाचालकांचे चुकत असेल तर त्यांना दंड करावा. मात्र, वाहतूक पोलिसांकडून रिक्षाचालकांवर हात उगारणे, मारहाण करणे योग्य नाही.

- इम्तियाज जलील, आमदार

रिक्षा चालकाने पोलिसांना मारहाण केली. स्वतःच्या मुलाला जाळण्याचा प्रयत्न केला. याचे समर्थन रिक्षाचालक म्हणून तुम्ही कराल का? ‌तुम्ही शिस्तीत वागा. मी पंधरा दिवसांत चौकातून वाहतूक पोलिस हटवितो.

- अमितेशकुमार, पोलिस आयुक्त

मोबाइल अॅप डाउनलोड करा आणि राहा अपडेट

लर्निंग लायसन्स चाचणीत १०० उमेदवार नापास

September 29, 2015, 12:10 pm

≫ Next: पायाभूत चाचणीवर शहरात प्रश्नचिन्ह

≪ Previous: शिरजोर चालकाने मुलासह पेटविली रिक्षा

$

0

0

म. टा. प्रति‌निधी, औरंगाबाद

आरटीओ कार्यालयात सुरू केलेल्या ऑनलाइन लर्निंग लायसन्स चाचणीत मंगळवारी १५१ उमेदवारांपैकी १०० जण नापास झाले. आरटीओ कार्यालयात ऑनलाइन लर्निंग लायसन्स चाचणी घेण्यास सोमवारपासून सुरुवात केली आहे. मंगळवारी १५१ उमेदवार चाचणीसाठी आले होते. त्यापैकी ५१ जण उत्तीर्ण झाले. तब्बल १०० उमेदवार नापास झाले. नापास झालेल्या अनेक उमेदवारांनी ५ ते ७ प्रश्नांची योग्य उत्तरे दिली, अशी माहिती आरटीओ कार्यालयातून देण्यात आली. या चाचणीत १५ प्रश्न विचारण्यात येतात. त्यापैकी ९ प्रश्नांची योग्य उत्तरे दिल्यास उमेदवारांना लर्निंग लायसन्स देण्यात येते. नापास विद्यार्थ्यांना पुन्हा अपॉइंटमेट घेऊन चाचणी देण्याची संधी आहे. या चाचणीसाठी आरटीओ कार्यालयात २५ कम्प्युटर बसविण्यात आले आहेत. परीक्षेसाठी २५० प्रश्नांची बँक तयार करण्यात आली आहे. त्यातून १५ प्रश्न चाचणीत विचारण्यात येतात. प्रत्येक उमेदवाराला वेगवेगळी प्रश्नपत्रिका असते.

अल्पशिक्षितांसाठी 'हेड सेट'

लर्निंग लायसन्स घेण्यासाठी आलेल्या अल्पशिक्षित उमेदवारांना कम्प्युटरवरी प्रश्न वाचताना अडचणी येतात. त्यामुळे अशा उमेदवारांसाठी तीन कम्प्युटरवर हेडसेटची व्यवस्था करण्यात आली आहे. यामुळे या उमेदवारांना कम्प्युटरवरील प्रश्न ऐकता येतात. त्यांनी प्रश्न ऐकून योग्य उत्तर देणे अपेक्षित आहे.

मोबाइल अॅप डाउनलोड करा आणि राहा अपडेट

पायाभूत चाचणीवर शहरात प्रश्नचिन्ह

September 29, 2015, 12:13 pm

≫ Next: तलाठी, मंडळ निरीक्षकावर ठपका

≪ Previous: लर्निंग लायसन्स चाचणीत १०० उमेदवार नापास

$

0

0

म. टा. प्रतिनिधी, औरंगाबाद

विद्यार्थ्यांच्या गुणवत्ता तपासणीसाठी घेण्यात येणाऱ्या पायाभूत चाचणी परीक्षेबाबत प्रश्नचिन्ह निर्माण झाले आहे. परीक्षेची मुदत बुधवारी (३० सप्टेंबर) संपत आहे, मात्र अद्याप औरंगाबाद शहरासाठी गणिताच्या प्रश्नपत्रिकाच देण्यात आल्या नाहीत. त्याचबरोबर भाषा विषयाच्या प्रश्नपत्रिकाही कमी पडल्या. प्रश्नांमध्ये अनेक त्रुटी होत्या. सूचना पुस्तिकांचे छायाप्रती काढण्यासाठी मंगळवारी अनेक शाळांची धावपळ उडाली.

शिक्षणाचा दर्जा उंचाविण्याबरोबर विद्यार्थ्यांचा पाया मजबूत करण्यासाठी दुसरी ते आठवी या वर्गांतील विद्यार्थ्यांची पायाभूत चाचणी परीक्षा घेतली जात आहे. त्यात भाषा व गणित विषयांचा समावेश आहे. जुलैमध्ये होणारी परीक्षा सप्टेंबरपर्यंत लांबली. शाळांना ३० सप्टेंबरपर्यंत पायाभूत चाचणी घेणे बंधनकारक आहे, परंतु गणिताच्या प्रश्नपत्रिका अद्याप देण्यात आल्या नाहीत. त्यामुळे औरंगाबाद शहरातील शाळांमध्ये या विषयाची पायाभूत चाचणी घेण्यात आली नाही.

भाषा विषयांच्या पेपरमध्येही अनेक त्रुटी होत्या. परीक्षा घेण्यासाठी बुधवारी शेवटचा दिवस दिवस शिल्लक अाहे. त्यामुळे प्रश्नपत्रिका कधी येणार अन् परीक्षा केव्हा होणार, असा प्रश्न उपस्थित झाला आहे. मराठीच्या प्रश्नपत्रिकांचाही तुटवडा निर्माण झाला. शहरातील बहुतांशी शाळांनी २९ व ३० सप्टेंबर रोजी परीक्षा घेण्याचे निश्चित केले आहे, परंतु प्रश्नपत्रिका कमी असल्याने मराठीची परीक्षा अनेक शाळांत होऊ शकली नाही. त्याचबरोबर शिक्षकांसाठी मार्गदर्शक सूचना पुस्तिकाही उपलब्ध झाल्या नाहीत. त्यामुळे त्याचा प्रती इंटरनेटवरून डाउनलोड करण्यात आल्या. त्याच्या छायाप्रती काढण्यात मंगळवारी अनेक शाळांमध्ये धावपळ उडाली.

प्रश्नपत्रिका पळविल्या कोणी?

शहरातील शाळांमध्ये पायाभूत चाचणी परीक्षा घेण्याची जबाबदारी महापालिकेवर आहे. पालिकेतील सूत्रांनी दिलेल्या माहितीनुसार; प्रश्नपत्रिका जिल्हा परिषदेकडे आल्या होत्या. त्यांनी त्या लगेच तालुक्यांना पाठविल्या. त्यामुळे शहरातील शाळांसाठी प्रश्नपत्रिकाच उरल्या नाहीत. विद्यार्थी, शिक्षक यांच्या संख्येनुसार नियोजन न केल्याने ही तारांबळ उडाली.

पायाभूत चाचणी परीक्षेचे नियोजन पूर्णपणे चुकले आहे. अनेक शाळांमध्ये मंगळवारपर्यंत परीक्षाच होऊ शकली नाही. बुधवारी शेवटचाच दिवस आहे. प्रश्नपत्रिका केव्हा येणार, परीक्षा केव्हा घ्यायची असाच प्रश्न आहे. अशा गोंधळामुळे मुख्याध्यापक, शिक्षक, विद्यार्थी यांची फरफट होते आहे.

- युनूस याकुब पटेल, मराठवाडा अध्यक्ष, मुख्याध्यापक संघ

मोबाइल अॅप डाउनलोड करा आणि राहा अपडेट

तलाठी, मंडळ निरीक्षकावर ठपका

September 29, 2015, 12:14 pm

≫ Next: रस्ते विकासाचा पैसा तीन वर्षांपासून थकित

≪ Previous: पायाभूत चाचणीवर शहरात प्रश्नचिन्ह

$

0

0

म. टा. प्रतिनिधी, औरंगाबाद

रेणुकामाता नगर, ताजमहल कॉलनीतील (सर्वेक्षण क्र. ९९/१ व ९९/२) प्रकरणात १९७०मध्ये तत्कालिन तलाठ्याने सात-बाऱ्यावर ताबे गहाण असलेली नोंद खोडून टाकली व या वाटणी पत्रकास तत्कालीन मंडळ निरीक्षकांनी मंजुरी दिली होती. त्यामुळे तत्कालीन तलाठी व मंडळ निरीक्षक हेच या प्रकरणाला जबाबदार असल्याचा अहवाल चौकशी समितीने उपविभागीय अधिकाऱ्यांकडे पाठवला आहे.

जमिनीचे मूळ मालक माणिकराव दगडू सोनवणे हे होते त्यांनी २८ ऑगस्ट १९५७ रोजी ही जमीन २० वर्षांसाठी गहाण म्हणून तेजराव व हिंमतराव कोरडे यांच्याकडे ठेवली होती. त्याची नोंद खासरा पत्रकात नमूद आहे, मात्र खासरा पत्रकाचे रुपांतर सर्वेक्षण क्रमांकात केले. त्यावेळी मालकी हक्कात माणिकराव दगडू सोनवणेऐवजी ताबेदार तेजराव व हिंमतराव शिवराम कोरडे यांचे नाव घेतले. फेर क्रमांक २२६अन्वये या जमिनीची वाटणी करण्यात आली. त्याची तत्कालीन तलाठी व्यंकटराव एकबोटे यांनी तेजराव शिवराम कोरडे व हिंमतराव शिवराम कोरडे यांच्या नावे २० जून १९७० रोजी नोंद घेतली. सातबारामध्ये ताबे गहाण २० वर्षांसाठी असेल्याची नोंद खोडून टाकल्यामुळे या प्रकरणाला सुरुवात झाली. या वाटणी पत्रकास तत्कालीन मंडळ निरीक्षक रंगनाथराव पत्की यांनी मंजुरी दिली. त्यामुळे या प्रकरणाला तलाठी व मंडळ निरीक्षक जबाबदार असल्याचे चौकशी समितीने म्हटले आहे.

त्यानंतर या प्रकरणामध्ये कुठलीही शहानिशा केली नाही, पूर्वीचे सातबाऱ्याचे उतारे पाहिले नाहीत. तहसील कार्यालय, इतर महसुली न्यायालयात, इतर न्यायालयात सुरू असलेले अपील, निर्णयाची कोणतीही पाहणी व माहिती न घेता इतर वारसांच्या नोंदी व खरेदीच्या नोंदी घेतलेले तलाठीही यामध्ये अंशतः दोषी असल्याचे अहवालात म्हटले आहे. गहाण म्हणून ही जमीन कोरडे परिवाराकडे ठेवण्यात आली होती. गहाणखताची जमीन मालकी हक्कात करून घेतली, वाटणी करून घेतली. हिंमतराव तेजराव यांनी या जमिनीचा वाद सुरू असताना विक्री केली. या सर्व व्यवहारास कोरडे परिवार सर्वात जास्त जबाबदार झाले असल्याचे तहसीलदार रमेश मुनलोड अहवालात नमूद केले आहे.

'एनए'शिवाय रजिस्ट्री!

जमिनीचे प्लॉटंगमध्ये रूपांतर करत असतांना दुय्यम निबंधक कार्यालयानेही कुठलाही अकृषक परवानगी आदेश नसताना रजिस्ट्री केली. त्यामुळे या प्रकरणाला हे कार्यालयाही जबाबदार आहे, असे समितीने अहवालात नमूद केले आहे.

मोबाइल अॅप डाउनलोड करा आणि राहा अपडेट

रस्ते विकासाचा पैसा तीन वर्षांपासून थकित

September 29, 2015, 12:15 pm

≫ Next: कुख्यात गुंड डोळसे ताब्यात

≪ Previous: तलाठी, मंडळ निरीक्षकावर ठपका

$

0

0

Makarand.Kulkarni@timesgroup.com

औरंगाबाद ः एकात्मिक रस्ते विकास योजनेतून (आयआरडीपी) औरंगाबाद शहरात उड्डाणपूल, बाजूचे रस्ते करण्यासाठी शहरातील इंधन विक्रीवर उपकर आकारण्यात येतो. त्यातून जमा झालेली रक्कम गेल्या तीन वर्षांपासून सरकारने महाराष्ट्र रस्ते विकास प्राधिकरणाला दिली नाही. त्यामुळे सध्या सुरू असलेली कामे अडचणीत सापडली आहेत. हे पैसे द्यावेत, अशी मागणी सरकार दरबारी करण्यात आली आहे.

महाराष्ट्र राज्य रस्ते विकास महामंडळाच्या (एमएसआरडीसी) माध्यमातून औरंगाबाद शहरातील प्रमुख रस्त्यांवर उड्डाणपूल, शहराच्या बाजूचे काही रस्ते, पदपथ उभारण्यासाठी एकात्मिक रस्ते विकास योजना २००१मध्ये कार्यान्वित करण्यात आली. या कामासाठी पैसा उभा करताना शहराच्या तीन बाजूला टोलनाके सुरू करण्यात आले; तसेच शहरातील पेट्रोल व डिझेलच्या विक्रीवर उपकर (सेस) लावून रक्कम जमा करण्याचे ठरविण्यात आले होते, पण तब्बल ११ वर्षानंतर त्याची अंमलबजावणी झाली. २०१२पासून महापालिका हद्दीतील पेट्रोल, डिझेल विक्रीवर सेस लावणे सुरू झाले. एक लिटर पेट्रोलमागे एक रुपया तर डिझेलमागे तीन रुपये आकारण्यात आले. गेल्या तीन वर्षांत जमा झालेली रक्कम अर्थ मंत्रालयाकडे जमा होते. तेथून ही रक्कम एमएसआरडीसीकडे जमा करणे अपेक्षित होते. सेसमधून जमा झालेला एक रुपयाही आजवर सरकारने दिला नसल्याचे सूत्रांनी सांगितले. जून महिन्यापासून टोलनाक्यांवरून खासगी चारचाकी वाहनांना सूट देण्यात आली आहे. त्यामुळे 'एमएसआरडीसी'कडे जमा होणारा महसूल घटला आहे. औरंगाबादेत सुरू असलेल्या महावीर चौक, मोंढा नाका तसेच सिडको बस स्टँड चौकातील उड्डाणपुलांच्या बांधकामासाठी निधी कमी पडत आहे.

नुसतीच चर्चा, संभ्रम कायम

राज्य मंत्रिमंडळाने औरंगाबाद आयआरडीपीचे ७० कोटी रुपये देण्याचा निर्णय घेतल्याची चर्चा आहे. मंत्रालयातील अधिकारीही तसे सांगतात, पण त्याची ठोस माहिती नसल्याने संभ्रमावस्था कायम आहे. सर्वसामान्यांच्या खिशातून घेतलेले पैसे देण्यास सरकारकडून विलंब होत आहे.

मोबाइल अॅप डाउनलोड करा आणि राहा अपडेट