वसतिगृहात प्रवेश देण्याची मागणी

December 29, 2015, 10:52 am

≫ Next: ‘सिडको नाट्यगृह भाडेतत्वावर द्या’

≪ Previous: आठ महिन्यांत मद्यरेषा वाढली!

$

0

0

म. टा. प्रतिनिधी, औरंगाबाद

वसतिगृहातील प्रलंबित प्रवेश प्रक्रिया तत्काळ पूर्ण करा, शैक्षणिक साहित्यासह मुलभूत सुविधा पुरविण्यात याव्यात, यासह अन्य मागण्यासाठी अखिल भारतीय आदिवासी विकास परिषदेच्या झेंड्याखाली आदिवासी विद्यार्थ्यांनी एकात्मिक आदिवासी विकास प्रकल्प कार्यालयासमोर आंदोलन सुरू केले आहे. अन्नत्याग केलेल्या एका आंदोलकाची प्रकृती खालविल्याने त्याला घाटी हॉस्पिटलमध्ये दाखल करण्यात आल्याचे आंदोलनकर्त्यांनी सांगितले.

अर्ज करुनही सुमारे ३५० मुले तर ९४ मुलींना आदिवासी विकास विभागाच्या वसतिगृहात प्रवेश देण्यात आलेला नाही, असा आरोप करत विद्यार्थ्यांनी सोमवारपासून येथील एकात्मिक आदिवासी विकास प्रकल्प कार्यालयासमोर आंदोलन सुरू केले आहे. यात काही विद्यार्थ्यांनी अन्नत्याग आंदोलन सुरू केले असून, त्यापैकी श्रीनिवास फोले यास मंगळवारी घाटी हॉस्पिटलमध्ये दाखल करण्यात आले.

प्रवेश प्रक्रिया योग्यरितीने हाताळण्यात आली नाही, असा आंदोलकांचा आरोप आहे. यात दोषी असलेला गृहप्रमुख, सहकारी गृहपाल यांच्यावर कारवाई करण्यात यावी, सर्व विद्यार्थी, विद्यार्थिनींना तत्काळ वसतिगृहात प्रवेश देण्यात यावा, पुढील शैक्षणिक वर्षासाठी आदिवासी मुलांसाठी एक हजार व मुलींसाठी ५०० क्षमतेचे वसतिगृह सुरू करण्यात यावे, अशी मागणी विकास परिषद युवा संघटन औरंगाबाद शाखाचे जिल्हाध्यक्ष आदिनाथ टारपे, उपाध्यक्ष मनोहर वागतकर, श्रीकांत फोले यांनी केली आहे.

वसतिगृहात सुरक्षेसाठी, देखभालीसाठी तत्काळ कायमस्वरुपी कर्मचारी नियुक्ती करावे, विभागीय स्तरावर मुलांच्या वसतिगृहासाठी राजपात्रित किंवा अनुभवी गृहप्रमुखांची नियुक्ती करावी, वसतिगृहाच्या शासकीय इमारतीचे बांधकाम त्वरित सुरू करण्यात यावे यासह अन्य मागण्यासाठी विद्यार्थ्यांनी आंदोलन सुरू केले असून मागण्या मान्य होईपर्यंत माघार नाही असा इशारा श्रीकांत फोले यांनी दिला. माधव डुडुळे, सुनील टारपे, अंकुश ढेंबरे यांच्यासह मोठ्या संख्येने विद्यार्थी या आंदोलनात सहभागी झाले आहेत.

मोबाइल अॅप डाउनलोड करा आणि राहा अपडेट

---

‘सिडको नाट्यगृह भाडेतत्वावर द्या’

December 29, 2015, 2:52 pm

≫ Next: ऐतिहासिक परिषदेचे मक्रणपूर येथे स्मरण

≪ Previous: वसतिगृहात प्रवेश देण्याची मागणी

$

0

0

म. टा.प्रतिनिधी, औरंगाबाद
सिडकोतील संत तुकाराम नाट्यगृहाची दूरवस्था झाली आहे. पालिका प्रशासनाने त्याच्या दुरुस्तीसाठी बजेट उपलब्ध करून दिले नाही. परिणामी, नाट्यगृहातील कार्यक्रमांची संख्या कमी झाली आहे.
रसिकांचा हिरमोड होऊ नये, यासाठी पालिका प्रशासनाने सिडको नाट्यगृह भाडेतत्वावर चालविण्यासाठी द्यावे, अशी मागणी महापालिका स्थायी समिती सभापती दिलीप थोरात यांनी केली आहे. नाट्यगृहातील अवस्था दर्शविणारे चित्र वृत्त सोमवारी 'महाराष्ट्र टाइम्स'ने प्रसिद्ध केले होते. थोरात यांनी महापालिका आयुक्तांना पत्र दिले आहे. त्यात म्हटले आहे, की महापालिकेच्या संत तुकाराम नाट्यगृहाची अवस्था दिवसेंदिवस अत्यंत वाईट झाली आहे. वेळेवर देखभाल व दुरुस्ती होत नसल्याने दूरवस्था झाली आहे. नाट्यगृहाच्या अनेक खुर्च्या तुटलेल्या आहेत. स्टेज, टॉयलेट, साऊंड सिस्टीम याची अवस्था देखील बिकट झालेली आहे. त्यामुळे नाट्यगृहात होणाऱ्या कार्यक्रमांची संख्या रोडावली आहे. पालिकेचे मोठे आर्थिक नुकसान होत आहे. महापालिकेचे उत्पन्न वाढविण्यासाठी संत तुकाराम नाट्यगृह भाडेतत्वावर देण्याबाबत योग्य ती कार्यवाही करावी, यासाठी अनेक संस्था इच्छुक आहेत. त्यासाठी पालिकेने निविदा काढून नाट्यगृह भाडेतत्वावर द्यावे. महापालिकेचे आर्थिक उत्पन्नही त्याद्वारे वाढेल, असे थोरात यांनी पत्रात म्हटले आहे.

मोबाइल अॅप डाउनलोड करा आणि राहा अपडेट

ऐतिहासिक परिषदेचे मक्रणपूर येथे स्मरण

December 29, 2015, 1:30 pm

≫ Next: मोक्याच्या जागांवर टाकले आरक्षण

≪ Previous: ‘सिडको नाट्यगृह भाडेतत्वावर द्या’

$

0

0

म. टा. प्रतिनिधी, औरंगाबाद
मक्रणपूर परिषद स्मरणदिन व ७७ वा जयभीम दिनानिमित्त बुधवारी मक्रणपूर डांगरा (ता. कन्नड) येथे स्वातंत्र्यसैनिक दलित मित्र भाऊसाहेब मोरे प्रतिष्ठान व जयभीम मित्र मंडळातर्फे सकाळी साडेदहा वाजता (नर्सरी) येथे धम्मोपदेश व ऐतिहासिक प्रबोधनपर कार्यक्रम आयोजित करण्यात आला आहे. यावेळी भन्ते ज्ञानज्योती महाथेरो उपस्थित राहणार आहेत.

मक्रणपूर येथे डॉ. बाबासाहेब आंबेडकर यांच्या अध्यक्षतेखाली ३० डिसेंबर १९३८ रोजी मराठवाड्यातील पहिली दलित परिषद झाली. बाबासाहेबांच्या प्रेरणादायी विचारांमधून आंबेडकरी चळवळीचे बीज मराठवाड्यात या परिषदेच्या माध्यमातून प्रथमच पेरले गेले.

मराठवाड्यातील दलित, कष्टकरी, शेतकरी, शेतमजूर आणि स्त्रिया यांच्यात मक्रणपूर परिषदेने संघर्ष करण्याची उर्मी जागृत होती. या परिषदेतून आंबेडकरी कार्यकर्त्यांची पहिली पिढी घडली. हैदराबाद मुक्तीमंग्राम, मराठवाड्यातील उच्च शिक्षण, भूमीहिनांचा सत्याग्रहात मराठवाड्याचा सहभाग, सामाजिक, सांस्कृतिक मूल्यांची फेरमांडणी आदी महत्त्वाच्या घटनांचे बीज मक्रणपूर परिषदेत आहे.

'जय भीम' नारा याच परिषदेत सर्वप्रथम देण्यात आला. या निमित्ताने परिषदेचे तत्कालीन संयोजक व धैर्यवान कार्यकर्त्यांचे कृतज्ञतापूर्वक स्मरण करण्यासाठी, युवकांना इतिहासाची माहिती व्हावी, धम्मशिस्त, विधायक मानसिकता दृढ होण्यासाठी धम्मोपदेश, इतिहास स्मरण व विचार मंथनाचे आयोजन केले आहे.

ताडोबा जंगलात निवास असलेले भन्ते ज्ञानज्योती महाथेरो यांचा धम्मोपदेश होईल. भन्ते उपगुप्त महाथेरो, भन्ते ज्ञानरक्षीत, डी. आर. शेळके हे विचार मांडतील.

यानंतर प्रतापसिंग बोदडे, राहुल अन्वीकर, नागसेनदादा सावदेकर, कुणाल वराळे यांचा बुद्ध व भीमगीतांचा कार्यक्रम होईल. या कार्यक्रमास मोठ्या संख्येने उपस्थित राहावे, असे आवाहन स्वातंत्र्य सेनानी दलित मित्र भाऊसाहेब मोरे प्रतिष्ठानचे अध्यक्ष जगदिश मोरे व जय भीम मित्र मंडळाने केले आहे.

मोबाइल अॅप डाउनलोड करा आणि राहा अपडेट

मोक्याच्या जागांवर टाकले आरक्षण

December 29, 2015, 10:54 am

≫ Next: विद्यार्थ्यांच्या जखमेवर मीठ

≪ Previous: ऐतिहासिक परिषदेचे मक्रणपूर येथे स्मरण

$

0

0

औरंगाबाद : सुधारित शहर विकास आराखड्यात अनेक त्रुटी असून सोयीनुसार मोक्यांच्या जागांवर आरक्षणे टाकण्यात आली आहेत. शहराला स्मार्ट करताना मोक्यांच्या जागांचा वेगळ्याच कारणासाठी दाखविला गेलेला उपयोग आक्षेपांमध्ये वाढ करण्यास कारणीभूत ठरणारा आहे. दरम्यान याचा नकाश महापौरांच्या दालनात नगरसेवकांसाठी उपलब्ध करून देण्यात आला आहे. सर्वसामान्य नागरिकांसाठी पालिका प्रशासन नकाशा कधी उपलब्ध करून देणार ? असा प्रश्न आहे.
सोमवारी महापालिकेच्या विशेष सर्वसाधारण सभेसमोर शहर सुधारित विकास आराखडा ठेवण्यात आला. पुढच्या सभेनंतर तो नागरिकांसाठी प्रसिद्ध होईल, पण त्यातील त्रुटी हळूहळू समोर येत आहेत. अनेक मोक्यांच्या जागेवर उद्यानाची आरक्षणे टाकण्यात आली आहेत. चौकांमध्येच रस्त्यालगतच्या जागा उद्यानासाठी आरक्षित केल्या आहेत. याचा अर्थ असा आहे की भविष्यात वाढणारे शहर लक्षात घेऊन महत्त्वाच्या जागांचा उपयोग कोणत्या कामासाठी करवून घ्यावयाचा याचे गांभीर्य अधिकाऱ्यांनी बाळगलेले नाही. हर्सूल, चिकलठाणा, नक्षत्रवाडी, मुस्तफाबाद या भागातील आराखड्यात हे प्रकार घडले आहेत. काही आरक्षणे कोपऱ्यावर तर काही दोनशे फूट रूंद रस्त्यालगत आहेत. काही चौकांमधील जागांचीही अशीच नोंद केली आहे. मुळात व्यावसायिक असणाऱ्या जागांवर अशी आरक्षणे दाखविली गेल्याने भविष्यात पालिकेच्या महसूलवाढीला मोठा ब्रेक लागण्याची भीती आहे. विकास आराखड्यात नोंदविलेली आरक्षणे मंजूर झाली, तर मोठे नुकसान होईल या शक्यतेने मोठ्या प्रमाणावर आक्षेप नोंदविले जाण्याची शक्यता आहे.
---
सफारीपार्कसाठी जागा
सुधारित विकास आराखड्यात विमानतळाचाही विचार करण्यात आला आहे. १४० हेक्टर जमीन विमानतळासाठी आरक्षित करण्यात आली आहे. प्राणीसंग्रहालय मोठ्या जागेत स्थलांतरित करण्यासंदर्भात चर्चा सुरू आहे. पालिकेकडे जागा नाही, या पार्श्वभूमीवर सुधारित विकास आराखड्यात मिटमिटा परिसरात २०० हेक्टर जागा आरक्षित केली आहे. ट्रान्सपोर्टनगरसाठी हर्सूलजवळ जागा आरक्षित करण्यात आली आहे.

मोबाइल अॅप डाउनलोड करा आणि राहा अपडेट

विद्यार्थ्यांच्या जखमेवर मीठ

December 29, 2015, 10:55 am

≫ Next: मुलीसह आईला शिवीगाळ, मारहाण

≪ Previous: मोक्याच्या जागांवर टाकले आरक्षण

$

0

0

म. टा. प्रतिनिधी, औरंगाबाद

दुष्काळी वरवंट्याखाली मराठवाड्यातील हजारो शेतकरी भरडले जात आहे. अनेक विद्यार्थ्यांनी शिक्षण सोडून दिले. अशा परिस्थितीतही कॉलेज मात्र पराकोटीची अनास्था दाखवत आहेत. आजवर केवळ ४० महाविद्यालयांनीच परीक्षा शुल्कमाफीबाबतची माहिती शिक्षण विभागाला सादर केली. त्यामुळे इतर कॉलेजचे विद्यार्थी या योजनेपासून वंचित राहण्याची भीती आहे.

सरकारने दुष्काळामुळे दहावीसह पदवी, पदव्युत्तर अभ्यासक्रमांचे परीक्षा शुल्क माफीचा निर्णय घेतला. मात्र, कॉलेजांच्या बेजाबदारपणामुळे विद्यार्थ्यांना या माफीपासून वंचित राहण्याची शक्यता आहे. शुल्कमाफीच्या निधीबाबत आपली विद्यार्थी संख्या आणि परीक्षा शुल्काची रक्कम किती होते, याची माहिती कॉलेजांनी कळवावी असे पत्र उच्चशिक्षण विभागाने कॉलेजांना पाठविले. मात्र, महिना उलटल्यानंतरह‌ी विभागातील केवळ ११५ अनुदानित कॉलेजांपैकी फक्त ३० कॉलेजांनी याबाबतची माहिती सादर केली. या कॉलेजांना वारंवार स्मरणपत्र देऊनही कॉलेज प्रशासनाकडून त्याची दखल घेतली जात नाही. शासनाला डिसेंबर अखेरपर्यंत ही माहिती सादर करावयाची आहे.

दोन्ही सत्राची शुल्कमाफी

दुष्काळी स्थिती लक्षात घेत परीक्षा शुल्कमाफी करताना सत्रांचा विचार केला आहे. विद्यार्थ्यांची परीक्षा दोन सत्रात घेतली जाते. त्यामुळे विद्यार्थ्यांना दोनवेळा शुल्क भरावे लागते. या माफीमध्ये दोन्ही सत्रांमधील परीक्षा शुल्कमाफी किती रुपये आहे, हे विद्यार्थी संख्येसह कॉलेजांना कळवायचे आहे.

विद्यार्थी दुर्लक्षित

अनुदान व प्रवेश शुल्कापोटी लाखोंची रक्कम घेणारे कॉलेज आपल्याच विद्यार्थ्यांबाबत उदासिन असल्याने संताप व्यक्त होत आहे. दुष्काळामुळे अनेकांना परीक्षा शुल्क भरणे जिकरीचे झाले होते. यानंतरही परीक्षा शुल्क भरले. आता प्रस्ताव केव्हा जाणार आणि प्रत्यक्षात या विद्यार्थ्यांना त्यांचे शुल्क केव्हा मिळणार, असा प्रश्न आहे.

कॉलेजांना आम्ही याबाबत पत्र दिलेले आहे. त्यानंतरही प्रस्ताव कमी आले आहेत. पुन्हा याचा पाठपुरावा करण्यात येईल.

- डॉ. राजेंद्र धामणस्कर, सहसंचालक, उच्चशिक्षण विभाग, औरंगाबाद

मोबाइल अॅप डाउनलोड करा आणि राहा अपडेट

मुलीसह आईला शिवीगाळ, मारहाण

December 29, 2015, 1:56 pm

≫ Next: नवीन वर्षात घर महागणार

≪ Previous: विद्यार्थ्यांच्या जखमेवर मीठ

$

0

0

म. टा. प्रतिनिधी, औरंगाबाद
अल्पवयीन मुलीसह तिच्या आईला शिवीगाळ व मारहाण करणाऱ्या दोन आरोपींना न्यायालयीन कोठडीत ठेवण्याचे आदेश विशेष सत्र न्यायाधीश यु. एल. तेलगावकर यांनी मंगळवारी (२९ डिसेंबर) दिले. या प्रकरणी १६ वर्षीय मुलीने फिर्याद दिली आहे. फिर्यादीनुसार, फिर्यादी मुलगी ही स्वतःच्या घराच्या गच्चीवर कपडे धूत असताना, तिला आरोपी राजू ज्ञानदेव भगत (२१, रा. बनेवाडी) व गोरख दत्तात्रय प्रधान (२७, रा. बनेवाडी) यांनी शिट्ट्या वाजवून अश्लील इशारे केले. त्याची कल्पना फिर्यादी मुलीने आपल्या आईला दिल्यावरून, त्याचा जाब विचारण्यासाठी आरोपींच्या घरी गेलेल्या मुलीसह तिच्या आईला आरोपींना शिवीगाळ करून
मारहाण केली. या प्रकरणी फिर्यादीने क्रांतिचौक पोलिस ठाण्यामध्ये फिर्याद दिल्यावरून 'बाललैंगिक अपराध अधिनियम'नुसार गुन्हा दाखल झाला व दोन्ही आरोपींना सोमवारी अटक करण्यात आली. दोन्ही आरोपींना मंगळवारी कोर्टात हजर करण्यात आले असता, दोन्ही आरोपींना न्यायालयीन कोठडीत ठेवण्याचे आदेश कोर्टाने दिले. सहाय्यक सरकारी वकील शरदत बांगर यांनी सरकार पक्षाची बाजू मांडली.

मोबाइल अॅप डाउनलोड करा आणि राहा अपडेट

नवीन वर्षात घर महागणार

December 29, 2015, 10:57 am

≫ Next: विभाजनाविरोधात महामोर्चा

≪ Previous: मुलीसह आईला शिवीगाळ, मारहाण

$

0

0

म. टा. प्रतिनिधी, औरंगाबाद

मराठवाड्यातील सततच्या दुष्काळामुळे यंदा रेडिरेकनरची दरवाढ करू नये अशी मागणी असताना प्रशासकीय पातळीवर मात्र हे दरवाढ करण्याबाबत हालचाली सुरू आहेत. रेडिरेकनरचे दर नवीन वर्षापासून लागू होण्याची शक्यता असून, यात पाच ते दहा टक्के वाढ असेल असे बोलले जात आहे.

दरवर्षी १ जानेवारीपासून प्लॉट, प्लॅट, शेती खरेदी-विक्रीच्या सरकारी दरात बदल होतात. मराठवाड्यातील दुष्काळी परिस्थितीमुळे या दरांमध्ये कोणतीही वाढ न करता गतवर्षीचेच दर कायम ठेवावे अशी मागणी होत आहे. यंदा मात्र या दरात वाढ होण्याची दाट शक्यता आहे. सूत्रांनी दिलेल्या माहितीनुसार, हे दर पाच ते दहा टक्के वाढणार आहे. जुन्या शहरातील, शहरालगतच्या गावांमधील तसेच महापालिका हद्दीलगतच्या परिसरातील घराचे, जमिनीचे भाव मोठ्या प्रमाणात वाढतात. दरवाढ झाल्याने रजिस्ट्री करताना भराव्या लागणाऱ्या नोंदणी शुल्काचा भार सर्वसामान्यांवर पडतो. परिणामी डिसेंबरमध्ये खरेदीची प्रक्रिया पूर्ण करण्याकडे अनेकांचा कल असतो. रेडिरेकनरच्या दरसूचीचे तयार करण्याचे काम वर्ष संपण्याच्या तीन चार महिन्या आधीपासून सुरू होते. यंदा डिसेंबर संपत आला तरी याबाबत अभिप्राय मागविण्यात आलेला नाही. तर दुसरीकडे दरवाढ होणार असल्याचे सूत्रांनी सांगितले. डिसेंबरमध्ये सुट्यांची संख्या मोठी होती. मागील आठवड्यात सलग चार दिवस सुट्या आल्याने सोमवारपासून रजिस्ट्री कार्यालयात गर्दी वाढली आहे. रेडिरेकनरच्या दरात वाढ होणार की नाही, हे १ जानेवारीला स्पष्ट होणार आहे. सूत्रांनी दिलेल्या माहितीनुसार पाच ते दहा टक्के नैसर्गिक वाढ झाली तरी याचा भार नागरिकांच्या खिशावर पडणार आहे. दुष्काळी परिस्थितीचा विचार करत २००८, २००९ मध्ये दरवाढ करण्यात आली नव्हती. यंदा याची पुनरावृत्ती होते की दरवाढ होते याकडे नागरिकांचे लक्ष लागले आहे.

मोबाइल अॅप डाउनलोड करा आणि राहा अपडेट

विभाजनाविरोधात महामोर्चा

December 29, 2015, 2:58 pm

≫ Next: मराठवाड्यात दुष्काळाचा वैरडाव!

≪ Previous: नवीन वर्षात घर महागणार

$

0

0

म. टा. प्रतिनिधी, औरंगाबाद
महावितरण कंपनीचे पाच विभाग करण्याच्या धोरणाविरोधात मागासवर्गीय विद्युत कर्मचारी संघटनेच्या वतीने मंगळवारी जिल्हाधिकारी कार्यालयावर मोर्चा काढण्यात आला.
महाराष्ट्र राज्य विद्युत मंडळाचे २००६ मध्ये तीन कंपन्यांमध्ये विभाजन करण्यात आल्यानंतर आता महावितरण कंपनीचे आणखी पाच विभागात विभाजन करण्याची घोषणा राज्य सरकारने नुकतीच केली आहे. या विभाजनास मागासवर्गीय विद्युत कर्मचारी संघटनेने विरोध दर्शविला आहे. महावितरण कंपनीचे विभाजन करण्याऐवजी राज्यातील सर्व १६ झोन कार्यालयांना सक्षम बनवून प्रशासकीय विकेंद्रीकरण करण्यात यावे आणि विभागीय कार्यकारी संचालक यांच्या नियंत्रणात संघटनेने सुचविल्यानुसार अंतर्गत सुधारणानुसार महावितरण कंपनीला आर्थिक - प्रशासनिकदृष्ट्या पारदर्शक बनवून ग्राहकांना चांगल्या प्रकारची सेवा मिळण्यासाठी उपाययोजना करण्याची मागणी संघटनेने मुख्यमंत्री व ऊर्जामंत्री यांच्याकडे केली आहे. सरकारने मागण्यांची दखल घेतली नाही तर राज्यातील ६० हजार अनुसुचित जाती, जमाती, ओबीसी अल्पसंख्याक वीज कर्मचारी २० जानेवारीपासून संपावर जातील असा इशाराही देण्यात आला आहे. संघटनेचे प्रदेशाध्यक्ष संजय घोडके यांनी मोर्चाचे नेतृत्व केले. प्रदेश उपाध्यक्ष रोहिदास अल्हाट, रुपाली पहूरकर, विवेक स्वामी, गौतम पगारे, आशुतोष शिरोळे, सुधाकर जाधव, राजेंद्र दातार यांच्या उपस्थितीत जिल्हाधिकारी डॉ. निधी पांडेय यांना निवेदन देण्यात आले. याप्रसंगी प्राजक्ता पगारे, अंजली पाका, ताराचंद साळवे, सतीश खाकसे, एस. एम. जाधव यांच्यासह प्रतिनिधी मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

---

मराठवाड्यात दुष्काळाचा वैरडाव!

December 29, 2015, 10:59 am

≫ Next: विद्यार्थी चळवळीने घडवले जिगरबाज मित्र

≪ Previous: विभाजनाविरोधात महामोर्चा

$

0

0

म. टा. प्रतिनिधी, औरंगाबाद

दुष्काळाला फितूर झालेल्या निसर्गाने मराठवाड्याशी वैरडाव मांडला आहे. भीषण पाणीटंचाईमुळे चारा प्रश्न गंभीर झाला आहे. चारा छावण्यांमध्ये अवघ्या तीन महिन्यांत जवळपास एक लाख जितराब शरीक झाले आहेत.

संकटात सापडलेल्या पशुधनाला वाचविण्यासाठी भर पावसाळ्यात लातूर, बीड व उस्मानाबाद जिल्ह्यांत चारा छावण्या सुरू करण्याचा निर्णय राज्य सरकारने घेतला. आता काही दिवसांपासून या छावण्यांमध्ये जनावरांची संख्या झपाट्याने वाढत असून इतर जिल्ह्यातही छावण्या सुरू करण्याची मागणी होत आहे. येत्या काही दिवसांमध्ये संपूर्ण मराठवाड्यात चारा टंचाई निर्माण होण्याची भीती आहे. त्यामुळे इतर जिल्ह्यांतही चाराटंचाईबाबत उपाययोजना करण्यासाठी उर्वरित चारा छावण्या उघडण्याचा निर्णय प्रशासनाला घ्यावा लागेल.

मोबाइल अॅप डाउनलोड करा आणि राहा अपडेट

विद्यार्थी चळवळीने घडवले जिगरबाज मित्र

December 29, 2015, 1:30 pm

≫ Next: आठ महिन्यांत मद्यरेषा वाढली!

≪ Previous: मराठवाड्यात दुष्काळाचा वैरडाव!

$

0

0

विद्यार्थी चळवळीतून प्रा. डॉ. राजक्रांती वलसे व प्रा. डॉ. मारोती तेगमपुरे मित्र झाले. डाव्या चळवळीची विचारप्रणाली, उत्तम साहित्यकृतीवर चर्चा करणे आणि चित्रपट आस्वाद अशा समान आवडीतून मैत्री बहरत गेली. सध्याही सामाजिक जाणिवा जपत या मित्रांची वाटचाल सुरू आहे.
.
Tushar.Bodkhe@timesgroup.com

वैयक्तिक जीवनाला व्यापक आयाम देण्यात मित्रांचा अधिक वाटा असतो. किंबहुना जीवनाच्या प्रत्येक टप्प्याचे मित्र साक्षीदार असतात. वेगवेगळ्या प्रांतात मुशाफिरी करताना योग्य-अयोग्य वस्तुस्थितीची जाणीव मित्र करून देतात. एक परिपूर्ण व्यक्तिमत्त्व घडवण्यात मित्रत्व हा महत्त्वाचा पैलू असतो. 'संगतगुण' हा परवलीचा शब्द मैत्रीची व्याख्या करताना नेहमी वापरतात. चांगली पुस्तकं आणि चांगले मित्र जीवन घडवतात असे थोरामोठ्यांचे बोलसुद्धा आहेत. समान विचार व आवड असलेल्या मित्रांच्या सहवासात जीवन परिपूर्ण झाल्याची उदाहरणे बरीच आहेत. विद्यार्थी चळवळ, मनमुराद गझल ऐकणे, उत्तम पुस्तकांवर चर्चा आणि चित्रपट या समान आवडी प्रा. डॉ. राजक्रांती वलसे व प्रा. डॉ. मारोती तेगमपुरे यांच्या मैत्रीच्या सेतू आहेत. २००१ मध्ये बदनापूर येथील कॉलेजात नुकतेच रुजू झालेले प्रा. वलसे डॉ. बाबासाहेब आंबेडकर मराठवाडा विद्यापीठातील वसतिगृहात राहत होते. अर्थात, विद्यार्थी चळवळीशी त्यांचा जुना संबंध होता तर, प्रा. तेगमपुरे विद्यापीठातील विद्यार्थी चळवळीचे आघाडीचे नेते होते. 'एसएफआय'च्या माध्यमातून विद्यार्थ्यांचे प्रश्न धसास लावण्यासाठी कार्यरत प्रमुख विद्यार्थी नेत्यांच्या फळीत तेगमपुरे यांचे नाव होते. स्वभावातील बंडखोरी व उत्तम व्यासंग या गुणांमुळे वलसे व तेगमपुरे यांची मैत्री जुळली. विद्यार्थी जीवनातील वेगवेगळ्या घटना व करिअरमधील चढ-उताराने मैत्री अधिक परिपूर्ण झाली. 'मारोती उत्तम गझलकार आहे. गझल लिहिण्याची व ऐकण्याची मलाही आवड आहे. विद्यापीठ परिसरातील आमराईत मित्रांसोबत रात्र-रात्र गझला ऐकवल्या आणि ऐकल्या आहेत. प्रत्येक धाटणीचा चित्रपट पाहून चर्चा करणे हा दुसरा छंद होता. अजूनही सोबतीनेच चित्रपट पाहतो. समान विचारप्रणालीच्या पुस्तकांवर चर्चा केल्यामुळे अनेक गोष्टी उलगडल्या. हा काळ नेहमी स्मरणात राहणारा ठरला,' अशी आठवण प्रा. वलसे यांनी सांगितली. तेगमपुरे मित्राबाबत वेगळे निरीक्षण नोंदवतात. 'स्वभावात बंडखोरपणा व वागण्यात स्पष्टवक्तेपणा असलेला राजक्रांती मित्र म्हणून खूप जवळचा आहे. त्याच्या स्वभावात वेगळेपण आहे. माझ्या सहवासात आल्यानंतर त्याच्यावर मार्क्सवादाचा प्रभाव पडला. आता दोघांचीही मार्क्सवादावर निष्ठा असल्यामुळे मैत्री अतूट आहे,' असे तेगमपुरे सांगतात. सामाजिक जाणीव जपणे हा स्वभाव असल्यामुळे दोघांनीही विद्यार्थी चळवळीत मनःपूर्वक काम केले. वसतीगृह शुल्क, गावाकडची अडचण, शैक्षणिक अडचण अशा प्रत्येक प्रश्नावर बेधडकपणे काम करण्यासाठी तेगमपुरे प्रसिद्ध आहेत. या चळवळीत महत्त्वाचे कार्यकर्ते घडले. इतरांच्या प्रश्नासाठी झटणारे तेगमपुरे स्वतःला पीएच. डी. संशोधक मिळत नसल्याच्या समस्येलाही सामोरे गेले. सध्या पात्रता परीक्षा उत्तीर्ण झालेल्या विद्यार्थ्याला पीएच. डी. करण्याचा मार्ग मोकळा असतो. पूर्वी ही पद्धत नव्हती. सध्या 'रिसर्च गाइड' असलेल्या तेगमपुरे यांना तेव्हा 'गाइड' मिळाला नव्हता. 'एसएफआय'च्या माध्यमातून आदिवासींसाठी भरपूर काम सुरू होते. कॉम्रेड कुमार शिराळकर आणि इतरांशी चर्चा चालायची. आदिवासींच्या प्रश्नावर अभ्यासपूर्वक परिपूर्ण डॉक्युमेंटेशन करावे असा निर्धार त्यांनी केला. त्यानुसार देगलूर (जि. नांदेड) तालुक्यातील आदिवासींच्या सर्वांगीण जीवनावर संशोधन केले. या संशोधनासाठी मित्र प्रा. वलसे यांच्याशी केलेल्या चर्चा महत्त्वाच्या ठरल्या. या संशोधनावर पुस्तकही निघाले आणि राज्यभर कौतुक झाले. आदिवासींचे प्रश्न सोडवण्यासाठी तेगमपुरे यांनी सुचवलेल्या उपाययोजना राबवण्याची गरज असल्याचा अभिप्रायही मान्यवरांनी दिला होता. सध्या अंबड येथील गोदावरी महाविद्यालयात अर्थशास्त्र विषयाचे प्राध्यापक आहेत तर, जालना येथील बद्रीनारायण बारवाले महाविद्यालयात प्रा. वलसे इंग्रजी विषयाचे प्राध्यापक आहेत. ग्रामीण भागातील प्रश्न, शेतकऱ्यांच्या प्रश्नांचे बदलते स्वरूप, तरूणांचे बदलणारे भावविश्व, शैक्षणिक क्षेत्रातील बदल अशा विषयांवर दोन्ही मित्रांची चर्चा असते. 'आम्ही दोघे चार-पाच तास सोबत असलो आणि एकही शब्द बोललो नाही तरी प्रसन्न वाटते. दोघातील अबोल संवादही आम्हाला फ्रेश करतो,' असा अनुभव तेगमपुरे यांनी सांगितला. आंतरिक ओढ निर्माण व्हावी इतकी ही मैत्री निर्व्याज व घट्ट आहे. विद्यार्थीदशेपासूनची जपलेली चर्चा आणि चित्रपटाची आवड अजूनही कायम आहे. दर आठ दिवसांना भेटतात. महाविद्यालयात नाट्य कार्यशाळा, चित्रपट रसास्वाद शिबिर अशा अनेक कार्यक्रमांसाठी मित्रासोबत चर्चा करण्याचा प्रा. वलसे यांचा छंद आहे. या छंदातून निखळ मैत्रीची वाटचाल सुरू आहे.

आंदोलनाचा त्वेष
डॉ. बाबासाहेब आंबेडकर मराठवाडा विद्यापीठातील विद्यार्थ्यांचे प्रश्न सोडवण्यासाठी प्रा. तेगमपुरे यांनी अनेकदा आंदोलन केले. वसतिगृहाचे शुल्क अचानक वाढल्यानंतर शेकडो विद्यार्थ्यांसह तेगमपुरे व्यवस्थापन परिषदेच्या बैठकीत गेले. अतिरिक्त फी भरणे विद्यार्थ्यांना शक्य नसल्याचे त्यांनी ठामपणे सांगितले. हा त्वेष पाहून अखेर कुलगुरूंनी शुल्कवाढीचा निर्णय रद्द केला होता. अशा अनेक प्रसंगातून मैत्री परिपक्व झाल्याची आठवण प्रा. वलसे यांनी सांगितली.

मोबाइल अॅप डाउनलोड करा आणि राहा अपडेट

आठ महिन्यांत मद्यरेषा वाढली!

December 29, 2015, 11:01 am

≫ Next: ‘पुरस्कार माझ्यासाठी हार्मोन्ससारखा’

≪ Previous: विद्यार्थी चळवळीने घडवले जिगरबाज मित्र

$

0

0

म. टा. प्रतिनिधी, औरंगाबाद

थर्टी फर्स्ट. कोणी अगदी साधेपणाने साजरे करेल. कोणी धूमधडाक्यात, मद्याचे पेग रिचवत, रात्री उशिरापर्यंत जल्लोश करत. या दिवशी दारू जास्त खपल्याचे सांगितले जाते. मात्र, गेल्या ८ महिन्यांपासून जिल्ह्यातील विदेशी मद्यरेषा वाढल्याचे समोर आले आहे.

एप्रिल ते नोव्हेंबर अखेरपर्यंत २९ लाख ८५ हजार लिटर विदेशी मद्य रिचवले गेले. या काळात सुमारे सव्वादोन हजार कोटींचा महसूल राज्य उत्पादन शुल्क खात्याच्या तिजोरीत जमा झाला, तर गेल्या वर्षीच्या तुलनेते तिजोरीत सुमारे तीनशे कोटी रुपयांच्या महसूलाची भर पडली आहे. गेल्या काही वर्षांपासून जिल्ह्यात मद्याची उच्चांकी विक्री सुरू आहे. तरुण वर्ग वेगवेगळ्या पार्ट्यांच्या निमित्ताने मद्यपानाकडे आकर्षित होत आहे. त्यांचा कल विदेशी मद्याकडे जास्त असतो. त्या खालोखाल बिअर, वाइन पिण्याकडे कल आहे. यंदा एप्रिल महिन्यापासून आतापर्यंत (नोव्हेंबर अखेर) सुमारे ८३ लाख ८५ हजार लिटर देशी दारूची विक्री झाली. तर २९ लाख १० हजार लिटर विदेशी मद्याची विक्री झाली. ४४ लाख ५१ हजार लिटर बिअर मद्यप्रेमींनी रिचवली. वाइनला मागणी वाढली असून यंदा ५५ हजार लिटर वाइन जिल्ह्यात विकल्याचे अधीक्षक सी. बी. राजपूत यांनी 'मटा'शी बोलताना सांगितले.

अवैध दारू विक्रीचे ६३८ गुन्हे

एप्रिल ते नोव्हेंबर १५ पर्यंत अवैध दारू विक्रीप्रकरणी जिल्ह्यात एकूण ६३८ कारवाया करण्यात आल्या. यात ३५९ गुन्हेगारांना जेरबंद केले. ३०० प्रकरणात आरोपी सापडले नाहीत. गावठी, देशी, विदेशीचा एकूण ५४ लाख रुपयांचा मुद्देमाल जप्त केला. चोरट्या मार्गाने मागविलेला स्पिरिटचा सुमारे १८ हजार लिटरचा साठाही उत्पादन शुल्क विभागाने नुकताच जप्त केला. यात २० आरोपींनी पकडण्यात आले. अवैध दारू विक्रीप्रकरणी वारंवार गुन्हे करणाऱ्या ५१ जणांवर कारवाईसंदर्भात जिल्हाधिकाऱ्यांकडे प्रस्ताव पाठविण्यात आला आहे. रजिस्टर अद्यावत न ठेवणे यासह नियमाचे पालन न करणाऱ्या ७४ दुकाने, बारवर दंडात्मक कारवाई केली आहे. दरम्यान, उपअधीक्षक, निरीक्षक, दुय्यम निरीक्षकासह विविध पदाची अशी एकूण ३६ पदे रिक्त असल्याने या कारवाईत फरक पडल्याचे सांगण्यात आले.

मोबाइल अॅप डाउनलोड करा आणि राहा अपडेट

‘पुरस्कार माझ्यासाठी हार्मोन्ससारखा’

December 29, 2015, 1:42 pm

≫ Next: मुलीसह आईला शिवीगाळ, मारहाण

≪ Previous: आठ महिन्यांत मद्यरेषा वाढली!

$

0

0

म. टा. प्रतिनिधी, औरंगाबाद
'पद्मविभूषण गोविंदभाई श्रॉफ स्मृती पुरस्कार हा माझ्यासारख्या कार्यकर्त्यासाठी कॅटॅलिस्ट आणि हार्मोन्ससारखा आहे. हा पुरस्कार माझ्या जाणिवा वाढविण्यास मदत करेल,' असे प्रतिपादन डॉ. अशोक बेलखोडे यांनी ‌केले.
स्वामी रामानंद तीर्थ संशोधन केंद्रातर्फे दिल्या जाणारा पद्मविभूषण गोविंदभाई श्रॉफ स्मृती पुरस्काराने मंगळवारी डॉ. बेलखोडे यांना गौरविण्यात आले. यावेळी पुरस्काराला उत्तर देताना ते बोलत होते. व्यासपीठावर डॉ. आर. बी. भागवत, ज्येष्ठ स्वातंत्र्यसैनिक ना. वि. देशपांडे, डॉ. शरद अदवंत, सरस्वती भुवनचे अध्यक्ष दिनकर बोरीकर, श्रीराम वरूडकर यांची उपस्थिती होती. डॉ. बेलखोडे म्हणाले, 'समाजकार्याची आवड निर्माण करणारे बाबा आमटे हे माझ्यासाठी दैवतच. भारत जोडो आंदोलन, सायकल फेरी आणि बाबांची शिकवण आयुष्यात फार मोलाची ठरली. कालांतराने डॉ. शशिकांत अहंकारी यांचा लाभलेला परिसस्पर्श आयुष्याला कलाटणी देणारा ठरला. गोविंदभाईंना फार लहानपणापासून पाहण्याचा योग आला. ज्यांना आम्ही आदर्श मानले त्यांच्याच नावाचा पुरस्कार आज मिळत असल्याने मी कृतकृत्य झालो,' असे ते म्हणाले. यावेळी डॉ. बेलखोडे यांनी भारत जोडो आंदोलनाच्या आठवणी जागवल्या. वैद्यकीय पेशात सध्या किनवट आणि सानेगुरुजी हॉस्पिटलच्या विविध प्रसंगाना उजाळा देत त्यांनी आजपर्यंत आदिवासी तांडे, पाड्यांवर आलेल्या अनुभवांचे कथन केले. अध्यक्षीय समारोप डॉ. आर. बी.भागवत यांनी केला. डॉ. रश्मी बोरीकर यांनी परिचय करून दिला. सुरेश कुलकर्णी यांनी प्रास्ताविक केले. आशा कोरान्ने यांनी सूत्रसंचालन केले. यावेळी शहरातील समाजाजिक, शैक्षणिक, वैद्यकीय क्षेत्रातील विविध मान्यवर उपस्थित होते.

मोबाइल अॅप डाउनलोड करा आणि राहा अपडेट

मुलीसह आईला शिवीगाळ, मारहाण

December 29, 2015, 11:03 am

≫ Next: ‘सिडको नाट्यगृह भाडेतत्वावर द्या’

≪ Previous: ‘पुरस्कार माझ्यासाठी हार्मोन्ससारखा’

$

0

0

म. टा. प्रतिनिधी, औरंगाबाद

अल्पवयीन मुलीसह तिच्या आईला शिवीगाळ व मारहाण करणाऱ्या दोन आरोपींना न्यायालयीन कोठडीत ठेवण्याचे आदेश विशेष सत्र न्यायाधीश यु. एल. तेलगावकर यांनी मंगळवारी (२९ डिसेंबर) दिले.

या प्रकरणी १६ वर्षीय मुलीने फिर्याद दिली आहे. फिर्यादीनुसार, फिर्यादी मुलगी ही स्वतःच्या घराच्या गच्चीवर कपडे धूत असताना, तिला आरोपी राजू ज्ञानदेव भगत (२१, रा. बनेवाडी) व गोरख दत्तात्रय प्रधान (२७, रा. बनेवाडी) यांनी शिट्ट्या वाजवून अश्लील इशारे केले. त्याची कल्पना फिर्यादी मुलीने आपल्या आईला दिल्यावरून, त्याचा जाब विचारण्यासाठी आरोपींच्या घरी गेलेल्या मुलीसह तिच्या आईला आरोपींना शिवीगाळ करून मारहाण केली.

या प्रकरणी फिर्यादीने क्रांतिचौक पोलिस ठाण्यामध्ये फिर्याद दिल्यावरून 'बाललैंगिक अपराध अधिनियम'नुसार गुन्हा दाखल झाला व दोन्ही आरोपींना सोमवारी अटक करण्यात आली. दोन्ही आरोपींना मंगळवारी कोर्टात हजर करण्यात आले असता, दोन्ही आरोपींना न्यायालयीन कोठडीत ठेवण्याचे आदेश कोर्टाने दिले. सहाय्यक सरकारी वकील शरदत बांगर यांनी सरकार पक्षाची बाजू मांडली.

मोबाइल अॅप डाउनलोड करा आणि राहा अपडेट

‘सिडको नाट्यगृह भाडेतत्वावर द्या’

December 29, 2015, 11:05 am

≫ Next: पालिकेने जबाबदारी झटकली

≪ Previous: मुलीसह आईला शिवीगाळ, मारहाण

$

0

0

म. टा.प्रतिनिधी, औरंगाबाद

सिडकोतील संत तुकाराम नाट्यगृहाची दूरवस्था झाली आहे. पालिका प्रशासनाने त्याच्या दुरुस्तीसाठी बजेट उपलब्ध करून दिले नाही. परिणामी, नाट्यगृहातील कार्यक्रमांची संख्या कमी झाली आहे.
रसिकांचा हिरमोड होऊ नये, यासाठी पालिका प्रशासनाने सिडको नाट्यगृह भाडेतत्वावर चालविण्यासाठी द्यावे, अशी मागणी महापालिका स्थायी समिती सभापती दिलीप थोरात यांनी केली आहे. नाट्यगृहातील अवस्था दर्शविणारे चित्र वृत्त सोमवारी 'महाराष्ट्र टाइम्स'ने प्रसिद्ध केले होते. थोरात यांनी महापालिका आयुक्तांना पत्र दिले आहे. त्यात म्हटले आहे, की महापालिकेच्या संत तुकाराम नाट्यगृहाची अवस्था दिवसेंदिवस अत्यंत वाईट झाली आहे. वेळेवर देखभाल व दुरुस्ती होत नसल्याने दूरवस्था झाली आहे. नाट्यगृहाच्या अनेक खुर्च्या तुटलेल्या आहेत. स्टेज, टॉयलेट, साऊंड सिस्टीम याची अवस्था देखील बिकट झालेली आहे. त्यामुळे नाट्यगृहात होणाऱ्या कार्यक्रमांची संख्या रोडावली आहे. पालिकेचे मोठे आर्थिक नुकसान होत आहे. महापालिकेचे उत्पन्न वाढविण्यासाठी संत तुकाराम नाट्यगृह भाडेतत्वावर देण्याबाबत योग्य ती कार्यवाही करावी, यासाठी अनेक संस्था इच्छुक आहेत. त्यासाठी पालिकेने निविदा काढून नाट्यगृह भाडेतत्वावर द्यावे. महापालिकेचे आर्थिक उत्पन्नही त्याद्वारे वाढेल, असे थोरात यांनी पत्रात म्हटले आहे.

मोबाइल अॅप डाउनलोड करा आणि राहा अपडेट

पालिकेने जबाबदारी झटकली

December 29, 2015, 11:09 am

≫ Next: विभाजनाविरोधात महामोर्चा

≪ Previous: ‘सिडको नाट्यगृह भाडेतत्वावर द्या’

$

0

0

म. टा. प्रतिनिधी, औरंगाबाद

शहरातील नागरिकांचे आरोग्य गेल्या काही दिवसांपासून धोक्यात आले आहे. नूर कॉलनी येथे गेल्या आठवड्यात दोन युवकांचा डेंगीसदृश तापाने मृत्यू झाला होता. त्याची दखल घेत आयुक्तांनी दौरा करून आरोग्य विभागास दक्षतेचे आदेश दिले होते. पालिकेने मात्र जबाबदारी झटकत शहरातील सर्व पोलिस ठाण्यांना पत्र दिले आहे. सार्वजनिक आरोग्य धोक्यात आणणे, सार्वजनिक उपद्रव निर्माण करणाऱ्यांविरुद्ध गुन्हे नोंदवावेत, असे पत्रात म्हटले आहे. मात्र, यासंदर्भात तक्रार देणार कोण? असा उल्लेख मात्र पत्रात नाही.

मुख्य अग्निशमन अधिकारी शिवाजी झनझन यांनी २८ डिसेंबर रोजी शहरातील सर्व पोलिस ठाण्यांना पत्र दिले आहे. त्यात म्हटले आहे, की महापालिका क्षेत्रातील विविध रस्त्यावर प्लास्टिक बॅग, ओला - सुका कचरा, बांधकाम साहित्य, रेती, खडी, वाळू जनतेच्या आरोग्यास व शहराच्या स्वच्छतेस बाधा निर्माण करून सार्वजनिक आरोग्य धोक्यात आणले जात आहे. सार्वजनिक उपद्रव निर्माण केल्यामुळे गुन्हा नोंदविणे आवश्यक आहे. रेल्वेस्टेशन ते क्रांतिचौक ते पैठणगेट, रेल्वेस्टेशन रोड ते घाटी हॉस्पिटल, छावणी ते डॉ. बाबासाहेब आंबेडकर मराठवाडा विद्यापीठ ते हर्सूल ते सिडको बसस्टँड, केंब्रिज शाळा ते चिकलठाणा ते बाबा पेट्रोलपंप ते छावणी, एमआयडीसी ते नारेगाव, सिडको बसस्टँड ते रोशनगेट, आझाद चौक ते रोशनगेट, टीव्ही सेंटर ते सिडको एन सहा, सेव्हन हिल्स ते गारखेडा ते शिवाजीनगरसह अन्य रस्त्यांवर ५० मायक्रॉनपेक्षा कमी जाडीच्या प्लास्टिक पिशव्या, ५० मायक्रॉन पेक्षा कमी जाडीचे चहाचे कप, ओला - सुका कचरा, रेती, खडी,वाळू सार्वजनिक रस्त्यावर टाकून जनतेच्या जीवाशी खेळणाऱ्या अनोळखी व्यक्तींवर गुन्हे दाखल करावेत, असे पत्रात म्हटले आहे. रस्त्यावर फळविक्रेते, मटन, मासे, चिकन विक्री करणाऱ्या व्यापारावरही गुन्हे दाखल करावेत, रस्त्यावर कचरा टाकणाऱ्या व्यक्तींवरही गुन्हे दाखल करावेत, असे म्हटले आहे.
...ही तर औपचारिकता

पालिकेकडून असे पत्र देताना नेमका गुन्हा कुणावर दाखल करावा हे मात्र स्पष्ट केलेले नाही. मुळातच अशा प्रकारची मागणी करताना एखाद्या व्यक्ती, विक्रेत्यास पालिकेकडून अटकाव केला गेला पाहिजे आणि पालिकेने पुढे येऊन पोलिसात तक्रार दिली पाहिजे. पालिकेने मात्र यावर केवळ औपचारिकता म्हणून पत्र दिल्याचे मत पालिकेतील अधिकाऱ्यांनी व्यक्त केले.

मोबाइल अॅप डाउनलोड करा आणि राहा अपडेट

---

विभाजनाविरोधात महामोर्चा

December 29, 2015, 11:08 am

≫ Next: मोक्याच्या जागांवर टाकले आरक्षण

≪ Previous: पालिकेने जबाबदारी झटकली

$

0

0

म. टा. प्रतिनिधी, औरंगाबाद

महावितरण कंपनीचे पाच विभाग करण्याच्या धोरणाविरोधात मागासवर्गीय विद्युत कर्मचारी संघटनेच्या वतीने मंगळवारी जिल्हाधिकारी कार्यालयावर मोर्चा काढण्यात आला.

महाराष्ट्र राज्य विद्युत मंडळाचे २००६ मध्ये तीन कंपन्यांमध्ये विभाजन करण्यात आल्यानंतर आता महावितरण कंपनीचे आणखी पाच विभागात विभाजन करण्याची घोषणा राज्य सरकारने नुकतीच केली आहे. या विभाजनास मागासवर्गीय विद्युत कर्मचारी संघटनेने विरोध दर्शविला आहे. महावितरण कंपनीचे विभाजन करण्याऐवजी राज्यातील सर्व १६ झोन कार्यालयांना सक्षम बनवून प्रशासकीय विकेंद्रीकरण करण्यात यावे आणि विभागीय कार्यकारी संचालक यांच्या नियंत्रणात संघटनेने सुचविल्यानुसार अंतर्गत सुधारणानुसार महावितरण कंपनीला आर्थिक - प्रशासनिकदृष्ट्या पारदर्शक बनवून ग्राहकांना चांगल्या प्रकारची सेवा मिळण्यासाठी उपाययोजना करण्याची मागणी संघटनेने मुख्यमंत्री व ऊर्जामंत्री यांच्याकडे केली आहे. सरकारने मागण्यांची दखल घेतली नाही तर राज्यातील ६० हजार अनुसुचित जाती, जमाती, ओबीसी अल्पसंख्याक वीज कर्मचारी २० जानेवारीपासून संपावर जातील असा इशाराही देण्यात आला आहे.

संघटनेचे प्रदेशाध्यक्ष संजय घोडके यांनी मोर्चाचे नेतृत्व केले. प्रदेश उपाध्यक्ष रोहिदास अल्हाट, रुपाली पहूरकर, विवेक स्वामी, गौतम पगारे, आशुतोष शिरोळे, सुधाकर जाधव, राजेंद्र दातार यांच्या उपस्थितीत जिल्हाधिकारी डॉ. निधी पांडेय यांना निवेदन देण्यात आले. याप्रसंगी प्राजक्ता पगारे, अंजली पाका, ताराचंद साळवे, सतीश खाकसे, एस. एम. जाधव यांच्यासह प्रतिनिधी मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

मोक्याच्या जागांवर टाकले आरक्षण

December 29, 2015, 11:05 am

≫ Next: मुक्कामाला जागा दिली; प्रवासी चोरी करून फरार

≪ Previous: विभाजनाविरोधात महामोर्चा

$

0

0

औरंगाबाद : सुधारित शहर विकास आराखड्यात अनेक त्रुटी असून सोयीनुसार मोक्यांच्या जागांवर आरक्षणे टाकण्यात आली आहेत. शहराला स्मार्ट करताना मोक्यांच्या जागांचा वेगळ्याच कारणासाठी दाखविला गेलेला उपयोग आक्षेपांमध्ये वाढ करण्यास कारणीभूत ठरणारा आहे. दरम्यान याचा नकाश महापौरांच्या दालनात नगरसेवकांसाठी उपलब्ध करून देण्यात आला आहे. सर्वसामान्य नागरिकांसाठी पालिका प्रशासन नकाशा कधी उपलब्ध करून देणार ? असा प्रश्न आहे.

सोमवारी महापालिकेच्या विशेष सर्वसाधारण सभेसमोर शहर सुधारित विकास आराखडा ठेवण्यात आला. पुढच्या सभेनंतर तो नागरिकांसाठी प्रसिद्ध होईल, पण त्यातील त्रुटी हळूहळू समोर येत आहेत. अनेक मोक्यांच्या जागेवर उद्यानाची आरक्षणे टाकण्यात आली आहेत. चौकांमध्येच रस्त्यालगतच्या जागा उद्यानासाठी आरक्षित केल्या आहेत. याचा अर्थ असा आहे की भविष्यात वाढणारे शहर लक्षात घेऊन महत्त्वाच्या जागांचा उपयोग कोणत्या कामासाठी करवून घ्यावयाचा याचे गांभीर्य अधिकाऱ्यांनी बाळगलेले नाही. हर्सूल, चिकलठाणा, नक्षत्रवाडी, मुस्तफाबाद या भागातील आराखड्यात हे प्रकार घडले आहेत. काही आरक्षणे कोपऱ्यावर तर काही दोनशे फूट रूंद रस्त्यालगत आहेत. काही चौकांमधील जागांचीही अशीच नोंद केली आहे. मुळात व्यावसायिक असणाऱ्या जागांवर अशी आरक्षणे दाखविली गेल्याने भविष्यात पालिकेच्या महसूलवाढीला मोठा ब्रेक लागण्याची भीती आहे. विकास आराखड्यात नोंदविलेली आरक्षणे मंजूर झाली, तर मोठे नुकसान होईल या शक्यतेने मोठ्या प्रमाणावर आक्षेप नोंदविले जाण्याची शक्यता आहे.

सफारीपार्कसाठी जागा

सुधारित विकास आराखड्यात विमानतळाचाही विचार करण्यात आला आहे. १४० हेक्टर जमीन विमानतळासाठी आरक्षित करण्यात आली आहे. प्राणीसंग्रहालय मोठ्या जागेत स्थलांतरित करण्यासंदर्भात चर्चा सुरू आहे. पालिकेकडे जागा नाही, या पार्श्वभूमीवर सुधारित विकास आराखड्यात मिटमिटा परिसरात २०० हेक्टर जागा आरक्षित केली आहे. ट्रान्सपोर्टनगरसाठी हर्सूलजवळ जागा आरक्षित करण्यात आली आहे.

मोबाइल अॅप डाउनलोड करा आणि राहा अपडेट

मुक्कामाला जागा दिली; प्रवासी चोरी करून फरार

December 30, 2015, 1:50 pm

≫ Next: गुंतवणूकदारांचा गोंधळ

≪ Previous: मोक्याच्या जागांवर टाकले आरक्षण

$

0

0

म. टा. प्रतिनिधी, औरंगाबाद
प्रवासात ओळख झालेल्या अनोळखी तरुणाला त्याने मुक्कामासाठी जागा दिली. मात्र, त्याला ते चांगलेच महागात पडले. त्या भामट्याने १२ हजारांचा ऐवज घेऊन पळ काढला.
सोमवारी रात्री हा प्रकार घडला. या प्रकरणी मुकुंदवाडी पोलिस ठाण्यात गुन्हा दाखल करण्यात आला आहे. नवनाथ भानुदास भालशंकर (रा. चैतन्यनगर, बीड, सध्या रा. विवेकनगर, एन २) हा तरुण सोमवारी बसने गावाकडून औरंगाबादला येत होता. यावेळी त्याची सहप्रवासी असलेल्या एका अनोळखी तरुणासोबत ओळख झाली. त्याने रोहित जाधव (रा. बजाजनगर) असे नाव सांगितले. यानंतर दोघांनी लोकसेवा हॉटेल येथे जेवण केले. रात्री उशीर झाल्यामुळे रोहित हा मुक्कामाला नवनाथच्या रूमवरच थांबला. मंगळवारी सकाळी नवनाथ उठल्यानंतर त्याला रोहित दिसला नाही. तसेच नवनाथचा मोबाइल देखील जागेवर आढळूला नाही. त्याला संशय आल्याने नवनाथने पँटची तपासणी केली असता खिशातील रोख हजार रुपये देखील नाहीसे झालेले समजले. संशयित रोहित जाधवने हा ऐवज लंपास केल्याचे नवनाथच्या लक्षात आले. त्याने दिलेल्या तक्रारीवरून पोलिस ठाण्यात चोरीचा गुन्हा दाखल करण्यात आला आहे.

मोबाइल अॅप डाउनलोड करा आणि राहा अपडेट

गुंतवणूकदारांचा गोंधळ

December 30, 2015, 1:30 pm

≫ Next: दुचाकीस्वार चोरट्यांनी मोबाइल पळवला

≪ Previous: मुक्कामाला जागा दिली; प्रवासी चोरी करून फरार

$

0

0

म.टा. प्रतिनिधी, औरंगाबाद
श्रेयनगरातील मैत्रेय प्लॉटर्स अँड स्ट्रक्चर्स कंपनीचे कार्यालयाला बुधवारी शंभर ते दीडशे नागरिकांनी गराडा घातला होता. हे कार्यालय बंद असून, कंपनीने प्लॉटचे आमिष दाखवून पोबारा केल्याचा आरोप गुंतवणुकदारांनी केला आहे. पोलिसांनी घटनास्थळी धाव घेतली, मात्र याप्रकरणी कोणतीही नोंद करण्यात आलेली नाही.
ठाणे जिल्ह्यातील वसई रोडवरील नवघर येथे मैत्रेय प्लॉटर्स अॅण्ड स्ट्रक्चर्स प्रा. लि. कंपनीचे मुख्य कार्यालय आहे. गेल्या काही वर्षांपासून या कंपनीने श्रेयनगरात शाखा उघडली होती. साखळी पद्धतीने सभासद करून घेत या कंपनीने गुंतवणुकदारांना स्वस्तात प्लॉट देण्याचे आमिष दाखवले होते. यासाठी ग्राहकांना चार ते सहा वर्षांपर्यंत महिना साडेतीनशे ते अकरा हजार रुपयांपर्यंत गुंतवणूक करण्यास सांगितले होते. गुंतवणुकदारांनी कंपनीच्या विमा पॉल‌िसीमध्येे पैशांची गुंतवणूक केली आहे. गेल्या सात ते आठ दिवसांपासून कंपनीचे श्रेयनगरातील कार्यालय, कोणत्याही पूर्वसूचनेविना बंद असल्याने ग्राहक हवालदिल झाले आहेत. बुधवारी सकाळी अनेक गुंतवणुकदारांनी कंपनीच्या श्रेयनगरातील कार्यालयाबाहेर गर्दी केली होती. गुंतवणुकीचा कालावधी संपल्यानंतरही कंपनीचे धनादेश बँकेत वटत नसल्याने ग्राहक हवालदिल झाले. ही कंपनी डबघाईला आल्याचे ग्राहकांचे म्हणणे असून, आपला पैसा कंपनीने परत करावा अशी मागणी गुंतवणुकदार संजय सोनवणे यांच्यासह इतर ग्राहकांनी केली. या ठिकाणी गर्दी झाल्यामुळे जवाहरनगर व उस्मानपुरा पोलिसांच्या टु मोबाइल व्हॅनने धाव घेतली होती. परंतु कोणीही तक्रार देण्यास तयार नसत्याने रात्री उशीरापर्यंत पोलिस ठाण्यात कोणतीही नोंद झाली नाही. दरम्यान, कंपनीच्या मुंबई येथील कार्यालयातील लँडलाईनवर संपर्क साधला असता कोणीही फोन उचलला नाही.

मोबाइल अॅप डाउनलोड करा आणि राहा अपडेट

दुचाकीस्वार चोरट्यांनी मोबाइल पळवला

December 30, 2015, 11:30 am

≫ Next: ट्रकखाली चिरडून तरुण ठार

≪ Previous: गुंतवणूकदारांचा गोंधळ

$

0

0

औरंगाबाद : दुचाकीस्वार मंगळसूत्र चोराकडून मंगळसूत्र पळवण्याच्या घटना नेहमीच घडतात. मात्र दुचाकीस्वारानी मोबाइल पळवण्याची घटना सोमवारी सायंकाळी एन ५ परिसरात घडली. याप्रकरणी सिडको पोलिस ठाण्यात गुन्हा दाखल करण्यात आला आहे. वसुंधरा भारत चव्हाण (वय १८, रा. कामगार चौक, सिडको) या सोमवारी सायंकाळी एन ५मधील एमजीएम कॉलेजसमोरून दुचाकीवरून जात होत्या. यावेळी तिने मागे बसलेल्या मैत्रिणीकडे मोबाइल दिला. त्यांच्या मागून दुचाकीवर दोन अनोळखी तरूण त्यांच्याजवळ आले. त्यांनी जॅकेट व डोक्याला रुमाल बांधलेला होता. यापैकी एकाने तिच्या मैत्रिणीच्या हातातील मोबाइल हिसकावून घेतला व ते पसार झाले. वसुंधरा चव्हाण हिच्या तक्रारीवरून पोलिस ठाण्यात दुचाकीस्वार चोराविरुद्ध गुन्हा दाखल करण्यात आला.

मोबाइल अॅप डाउनलोड करा आणि राहा अपडेट