Sudhir.Bhalerao
@timesgroup.com
औरंगाबाद : लग्न हा प्रत्येक घराघरात जिव्हाळ्याचा, चर्चेचा विषय. वय वाढले, लग्न लांबले की तो चिंतेचा होतो. प्रत्येक समाजातील या समस्येवरचे उत्तर शोधण्यासाठी औरंगाबादमध्ये नव्यानेच स्थापन झालेल्या सकल मारवाडी युवा मंचने पुढाकार घेतला आहे. परिचय संमेलनच्या माध्यमातून विधवा, विधुर, विकलांग, घटस्फोटित आणि वय झालेल्या विवाहोत्सुकांना एक चांगले व्यासपीठ उपलब्ध करून दिले आहे. आजवर या मंचने तब्बल १७ समाज घटकांना एकत्रित आणण्याचे आव्हान यशस्वीपणे पेलले. देशातील अशा प्रकारे झालेले हे पहिलेच संमेलन म्हणावे लागेल.
सकल मारवाडी युवा मंचच्या देशभरात ७०० शाखा. शहरातील पहिल्या शाखेची स्थापना गेल्या ऑगस्ट महिन्यात झाली. स्थापनेनंतर विवाहत्सुकांचे परिचय संमेलन घेण्याचे ठरले. एका समाजापुरतेच संमेलन न घेता १७ समाज घटकांना एकत्रित व्यासपीठ उपलब्ध करून देण्याचा विडा पदाधिकाऱ्यांनी उचलला. नव्याने लग्न जुळवणे सोपे जाते. मात्र, विधवा, विधुर, विकलांग, घटस्फोटीत अशा वर्गातील विवाह शक्यतो लवकर जुळत नाहीत. त्यांच्यासाठी परिचय संमेलन घेण्याचे अवघड आव्हान मंचाने स्वीकारले. या संमेलनाची तीन महिने तयारी केली. अशा प्रकारचा पहिलाच उपक्रम असल्याने लोक कितपत सहकार्य करतील, ही शंका पदाधिकाऱ्यांच्या मनात होती. आपण चांगले काम हाती घेतले आहे, त्यात नक्की यश मिळेल हा त्यांचा विश्वासही होता. २७ डिसेंबर रोजी झालेल्या या परिचय संमेलनात देशभरातून ४५० विवाहत्सुकांनी सहभाग घेतला. त्यात घटस्फोटीत आणि वाढत्या वयातील मंडळींची संख्या लक्षणीय होती हे विशेष. सकल मारवाडी युव मंचच्या परिचय संमेलनात माहेश्वरी, सोनार, जैन, ओसवाल, खंडेलवाल, अग्रवाल, ब्राह्मण, सेन, जाट, चौधरी, जांगिड, राजपूत, गुर्जर, पुरोहित, प्रजापत, जिनगर, खत्री या समाज घटकांनी सहभाग घेतला. १७ समाज घटकांसाठीचे हे पहिेलेच परिचय संमेलन ठरले.
मुले झाली पालक
विधवा, विधूर, विकलांग, घटस्फोटीत आणि वय वाढलेल्या विवाहत्सुकांसाठी हे परिचय संमेलन असल्याने मुले-मुली हे पालकांच्या भूमिकेत दिसत होती. हेच या संमेलनाचे खास वैशिष्ट्य ठरले. या संमेलनात महाराष्ट्रातूनच नव्हे तर हैदराबाद, मध्य प्रदेश, गुजरात, छत्तीसगढ, चेन्नई, दिल्ली, रायपूर, कोलकाता अशा विविध ठिकाणांहून विवाहत्सुक आले होते. मुलगी, मुलगा, जावई यांनी आपल्या जवळच्या नातेवाईकांसाठी पुढाकार घेतला होता.
व्हिडिओच्या माध्यमातून परिचय
परिचय संमेलन एका दिवसाचे असल्याने अधिकाधिक लोकांना यात सहभाग घेता यावा म्हणून संयोजकांनी व्हिडिओ क्लिपिंग माध्यमाचा उपयोग करण्याचे ठरवले. हा प्रयोग कमालीचा यशस्वी ठरला. संमेलनात सहभागी झालेल्यांनी २०-३० सेकंदाचा आपला परिचय स्वतः तयार करून पाठवला. त्यानंतर मंचच्या एका टीमने व्हिडिओ क्लिपिंगवर काम करून त्याचे प्रेझेटेंशन तयार केले. या प्रेझेंटेशनचा चांगला परिणाम झाला. विविध समाजातील विवाहत्सुक असूनही आंतरजातीय विवाह करण्यासाठी अनेक जण तयार झाले. या संमेलनातून पन्नासपेक्षा अधिक विवाह जमण्याची चिन्हे आहेत. पहिल्यांदाच घेतलेल्या या संमेलनाचे यापेक्षा मोठे यश असू शकत नाही, असे सकल मारवाडी युवा मंचचे अध्यक्ष संजय मंत्री यांनी सांगितले.
बिझनेस एक्स्पो, कॅन्सर डिटेक्टर व्हॅन
सकल मारवाडी युवा मंचच्या माध्यमातून आगामी काळात अनेक उपक्रम हाती घेण्यात येणार आहेत. त्यात प्रामुख्याने बिझनेस एक्स्पो, स्किल्ड डेव्हलपमेंट प्रोग्राम, मेडिकल क्लेम, कॅन्सर डिरेक्टर व्हॅन अशा उपक्रमांचा समावेश आहे. व्यवसाय करू इच्छिणाऱ्या तसेच व्यवसाय असलेल्यांसाठी बिझनेस एक्स्पो घेण्यात येणार आहे. त्यातून अनेकांना आपला व्यवसाय पुढे नेण्यासाठी दिशा मिळेल. तसेच युवक-युवतींसाठी स्किल्ड डेव्हलपमेंट प्रोग्राम उपयुक्त ठरणारा आहे. कॅन्सर डिरेक्टर व्हॅनच्या मदतीने 'ऑन द स्पॉट' कॅन्सरचे निदान करण्याचा उपक्रम राबवण्यात येणार आहे, असे मंचचे अध्यक्ष संजय मंत्री यांनी सांगितले.
परिचय संमेलन समिती
संजय मंत्री, अनिल बाहेती, अमित काला, नरेश मोर, आशिष कासलीवाल, विक्की खंडेलवाल, संतोष तिवारी, मुकेश तिवारी, गोविंद शर्मा, अमोल लड्डा, महेश सोकिया, महेश दागडिया, पंकज कलंत्री, पंकेश अग्रवाल, संदेश देसरडा, उमेश शर्मा, संदीप खंडेलवाल, राजेश शर्मा, अमित भोमा, आतिष रुहाटिया, सुदर्शन जाजू, मयूर बंब, प्रवीण भोमा, प्रतिक वर्मा, विकास पाटणी, आशिष अग्रवाल, सावन चुडीवाल, रवी भट्टड, विशाल दुग्गड, आशिष सोमाणी, अंशुल मंत्री, रवी रांदड, निखिल खंडेलवाल, निमेश अग्रवाल, विक्रम बजाज, अमित मालानी, गणेश हेडा, गोपाल जाजू, श्रीकांत उपाध्याय, महेश लाहोटी, नरेश मंत्री, नीलेश चितलांगी, पंकज बजाज, रामेश्वर करवा, रवी खटोड, सुरेंद्र डागा, मुकुंद गट्टाणी, भगतसिंग दरख, स्वप्नील बाहेती, नीलेश पहाडे, डॉ. राजेंद्र चोपडा, प्रेमसिंग परमार, सचिन चितलांगी, विवेक अग्रवाल, संजय दरख, आशिष मेहता, सागर खंडेलवाल, विशाल पाराशर, महावीर लोहाडे, दीपक अग्रवाल, स्वप्नील खंडेलवाल, प्रतिक अग्रवाल, सूरज बाहेती, निखिल मित्तल, निशांत काला, कपिल टिबडीवाला, संजय भारुका, नंदकिशोर मालपानी, नितीन भक्कड, सुधीर खटोड, नितीन तोतला.
महिला समितीः
मालती गुप्ता, रेखा राठी, चंदा कासलीवाल, आशादेवी काला, ललिता करवा, निर्मला चितलांगी, अनिता खंडेलवाल, मनीषा भंसाली, नंदा मुथा, प्रमिला दुसाद, मंजू खंडेलवाल, नीता ठोले, शारदा लोहाडे, राजश्री मालानी, सविता भंडारी, सायर संचेती, स्मिता सोनी, सुनीता अग्रवाल, राखी संचेती, उषा तांबी, भारती बगरेचा, मीरा टावरी, डॉ. निर्मला मुथा, राजश्री बाहेती, विजया शर्मा, राजकुंवर ठोले, शारदा धानुका, कांता खंडेलवाल, उर्मिला खंडेलवाल, स्मिता मुंदडा, राजकुमारी कोठारी, चंदा वर्मा, ममता तिवारी, पुष्पा जोशी, वर्षा मंत्री, भारती वर्मा, उमा वर्मा, रेखा मालपानी,
उमा अग्रवाल.
मोबाइल अॅप डाउनलोड करा आणि राहा अपडेट