मारहाण करणाऱ्या पाच आरोपींना सहा महिने कैद

January 7, 2016, 9:18 am

≫ Next: राधामोहन कॉलनीत गळफास घेऊन आत्महत्या

≪ Previous: दोन लाखासाठी विवाहितेचा छळ

$

0

0

मारहाण करणाऱ्या पाच आरोपींना

सहा महिने कैद, पाच हजारांचा दंड

म. टा. प्रतिनिधी, औरंगाबाद

शेतीच्या वादातून लाकडी दांडा, लोखंडी गज, लाथाबुक्क्यांनी मारहाण करणाऱ्या पाच आरोपींना प्रथम वर्ग न्यायदंडाधिकारी व्ही. जी. उपाध्ये यांनी प्रत्येकी सहा महिने साधी कैद व पाच हजार रुपये दंडाची शिक्षा सुनावली.

या प्रकरणी नितेश तुकाराम चोपडे (रा. तीसगाव) यांनी एमआयडीसी वाळूज पोलिस ठाण्यामध्ये फिर्याद दिली होती. फिर्यादीनुसार, संदीप दिगंबर साळे, सागर तुकाराम साळे, अप्पासाहेब उर्फ पिंट्या दिगंबर साळे, श्रीकांत सुभाष साळे, करण कल्याण साळे या आरोपींनी शेतीच्या वादातून १५ सप्टेंबर २०१३ रोजी दुपारी दीडच्या सुमारास फिर्यादी व सक्षीदार मीना तुकाराम चोपडे यांना लाकडी दांडा, लोखंडी गज, लाथाबुक्क्यांनी मारहाण केली. या फिर्यादीवरून पोलिसांनी प्रकरणाचा तपास करून पाचही आरोपींना अटक केली. त्यांच्याविरूद्ध भादंवि कलम ३२४, ३२३, १४७, १४८ अन्वये गुन्हा नोंदवून कोर्टात दोषारोपपत्र दाखल केले. खटल्याच्या सुनावणीच्या वेळी सहाय्यक सरकारी वकील डी. आर. काठुळे यांनी आठ साक्षीदार तपासून आरोपींविरूद्ध केल्याचा गुन्हा सिद्ध केला. सुनावणीअंती कोर्टाने पाचही आरोपींना कलम ३२४ अन्वये सहा महिने साधी कैद, प्रत्येकी एक हजार रुपये दंड व दंड न भरल्यास पंधरा दिवस कैदेची शिक्षा, तसेच कलम ३२३, १४७,१४८ अन्वये प्रत्येकी एक महिना साध्या कैदेची शिक्षा सुनावली.

मोबाइल अॅप डाउनलोड करा आणि राहा अपडेट

---

राधामोहन कॉलनीत गळफास घेऊन आत्महत्या

January 7, 2016, 9:20 am

≫ Next: पसार दरोडेखोर प्रकरणी दोन कर्मचारी निलंबित

≪ Previous: मारहाण करणाऱ्या पाच आरोपींना सहा महिने कैद

$

0

0

राधामोहन कॉलनीत गळफास घेऊन आत्महत्या

म. टा. प्रतिनिधी, औरंगाबाद

राधा मोहन कॉलनी, खोकडपुरा येथील नरेंद्र राधाकृष्ण कुलकर्णी (वय ४८) यांनी राहत्या घरात गळफास घेऊन आत्महत्या केल्याची घटना गुरुवारी सायंकाळी घडली. त्यांची पत्नी शाळेत गेली होती आणि मुलगा घरात झोपलेला होता. यावेळी खिडकीला दोरी बांधून त्यांनी गळफास घेतला. ही बाब उघड होताच त्यांना घाटीत हलवले. डॉक्‍टरांनी त्यांना मृत घोषित केले. आत्महत्येचे कारण समजू शकले नसून क्रांतिचौक पोलिस ठाण्यात नोंद करण्यात आली आहे.

मोबाइल अॅप डाउनलोड करा आणि राहा अपडेट

पसार दरोडेखोर प्रकरणी दोन कर्मचारी निलंबित

January 7, 2016, 9:22 am

≫ Next: लायन्सच्या शांतता मशाल यात्रेला उत्स्फूर्त प्रतिसाद

≪ Previous: राधामोहन कॉलनीत गळफास घेऊन आत्महत्या

$

0

0

पसार दरोडेखोर प्रकरणी दोन कर्मचारी निलंबित

म. टा. प्रतिनिधी, औरंगाबाद - पसार दरोडेखोर सतीश चव्हाण याच्या पलायनास जबाबदार धरून मुख्यालयातील सहायक फौजदार व कॉन्स्टेबलला निलंबित करण्यात आले आहे. पोलिस मुख्यालयाचे उपायुक्त संदीप आटोळे यांनी या प्रकरणी आदेश जारी केले. बुधवारी सिडको बसस्टँड परिसरातून सतीश नज्या चव्हाण हा दरोडेखोर पोलिसांच्या हातावर तुरी देत हातकडीसह पसार झाला होता. गेवराई येथील कोर्टात त्याला सहायक फौजदार रखमाजी राऊत व शिंदे यांनी नेले होते. त्याला हर्सूल कारागृहात परत नेत असताना त्याने पोलिसांच्या हाताला झटका देत पलायन केले होते. या प्रकरणी राऊत व शिंदे यांना कर्त्यव्यात निष्काळजीपणा केल्याबद्दल जबाबदार धरण्यात आले. त्यांना निलंबित करण्याचे आदेश गुरूवारी जारी करण्यात आले. दरम्यान, पसार दरोडेखोर सतीश अद्याप पोलिसांच्या हाती लागलेला नाही. त्याच्या गावाकडे तसेच बाहेरगावी देखील त्याचा शोध घेण्यात येत आहे.

मोबाइल अॅप डाउनलोड करा आणि राहा अपडेट

लायन्सच्या शांतता मशाल यात्रेला उत्स्फूर्त प्रतिसाद

January 7, 2016, 9:25 am

≫ Next: मिटमिट्यात दुकान फोडणारा नागरिकांच्या सतर्कतेने ताब्यात

≪ Previous: पसार दरोडेखोर प्रकरणी दोन कर्मचारी निलंबित

$

0

0

लायन्सच्या शांतता मशाल यात्रेला उत्स्फूर्त प्रतिसाद

शताब्दीनिमित्त विविध कार्यक्रम

म. टा. प्रतिनिधी, औरंगाबाद - लायन्सच्या शताब्दीनिमित्त शहरात शांतता मशाल यात्रेला शहरात उत्स्फूर्त प्रतिसाद मिळाला. दोन दिवसांत शहरात याचे ठिकठिकाणी स्वागत करण्यात आले होते, अशी माहिती डिस्ट्रीक्ट गव्हर्नर एम. के. अग्रवाल यांनी गुरुवारी (७ जानेवारी) लायन्स आय हॉस्पिटल येथे झालेल्या पत्रकार परिषदेत दिली.

अग्रवाल म्हणाले, बुधवारी (६ जानेवारी) या मशाल यात्रेचे स्वागत पोलिस आयुक्त अमितेशकुमार यांच्या उपस्थितीत करण्यात आले होते. यावेळी एम. के. अग्रवाल, संदीप मालू, वीरेंद्र भंसाली, तनसुख झांबड, शांतीलाल छापरवाल आदी उपस्थित होते. लायन्स क्लब इंटरनॅशनलच्या शताब्दी वर्षानिमित्त मुंबईहून ही 'शांतता मशाल यात्रा' निघाली आहे. बुधवारी सकाळी मुकुंदवाडी चौकात यात्रेचे स्वागत करण्यात आले. त्यानंतर विद्यार्थी रॅली काढण्यात आली. ही शांती मशाल पोलिस आयुक्तालयात आणण्यात आली. तेव्हा शहराच्या वतीने पोलिस आयुक्त अमितेशकुमार यांनी मशाल हातात घेऊन उपक्रमाचे स्वागत केले. यावेळी येथे लायन्स एंजल्सच्या वतीने तयार करण्यात आलेल्या महिला आराम कक्षाचे उद्‍घाटन करण्यात आले होते. जगातील २१० देशांमध्ये कार्यान्वित असलेली लायन्स क्लब इंटरनॅशनल ही संस्था २०१७ मध्ये शताब्दी महोत्सव साजरा करीत आहे. यानिमित्त २०१८पर्यंत विविध उपक्रमाचे आयोजन करण्यात आले आहे. लायन्सच्या सेवाकार्याची जनजागृती व्हावी या उद्देशाने देशभरात शांतता मशाल यात्रेचे आयोजन करण्यात आले आहे.

खानदेश, विदर्भातून आता छत्तीसगडकडे मशाल यात्रा रवाना होणार आहे. पत्रकार परिषदेस विशाल लदनिया, शांतीलाल छापरवाल आणि लायन्सचे विविध पदाधिकारी उपस्थित होते.

'वॉक फॉर पीस'

गुरुवारी (७ जानेवारी) सकाळी ७ वाजता लायन्सच्या वतीने क्रांतिचौक येथे 'वॉक फॉर पीस'चे आयोजन करण्यात आले होते. यालाही शहरवासियांनी उत्स्फूर्त प्रतिसाद दिला. संध्याकाळी ४.३० वाजता सिडको एन-१ येथील लायन्स आय हॉस्पिटल येथे मुख्य समारोप कार्यक्रम झाला. यात्रेत संदीप मालू, वीरेंद्र भंसाली, राजेश राऊत, तनसुख झांबड, अँड. शांतीलाल छापरवाल, राघवेंद्र बगाडिया, राजेंदरसिंग छाबडा, पारस ओस्तवाल, डॉ. विजय दहीफळे, विपूल पाटील, किरण पहाडे आदी उपस्थित होते.

मोबाइल अॅप डाउनलोड करा आणि राहा अपडेट

मिटमिट्यात दुकान फोडणारा नागरिकांच्या सतर्कतेने ताब्यात

January 7, 2016, 9:27 am

≫ Next: अल्पवयीन मुलीवर बलात्कार

≪ Previous: लायन्सच्या शांतता मशाल यात्रेला उत्स्फूर्त प्रतिसाद

$

0

0

मिटमिट्यात दुकान फोडणारा नागरिकांच्या सतर्कतेने ताब्यात

म.टा. प्रतिनिधी, औरंगाबाद- मिटमिट्यात दुकान फोडणाऱ्या टोळीतील एक आरोपी नागरिकांच्या सतर्कतेने रंगेहात पकडला गेला तर दोन जण पसार झाले. गुरुवारी पहाटे साडेतीन वाजता हा प्रकार घडला. दारू व गांजाच्या नशेत दुकाने फोडणारी ही टोळी असून छावणी पोलिस ठाण्यात गुन्हा दाखल करण्यात आला आहे.

उमेश विश्वनाथ चव्हाण रा. मिटमिटा या तरुणाचे साक्षी इलेक्ट्रिकल्स नावाने दुकान आहे. बुधवारी रात्री नऊ वाजता उमेश दुकान बंद करून घरी गेला होता. पहाटे साडेतीन वाजेच्या सुमारास त्याच्या दुकानाच्या शटरचा आवाज शेजारी राहणाऱ्या आसाराम मुळे, भिमाबाई मुळे, विजय मुळे यांना आला. त्यांनी उठून बाहेर जाऊन पाहिले असता तीन व्यक्ती अंधारात पळत असल्याचे दिसले. त्यांचे शेजारी गंगाराम चव्हाण, गणेश परदेशी देखील यावेळी उठले होते. या सर्वांनी या चोरांचा पाठलाग केला. यावेळी समीरखान महमदखान (रा. रहेमानिया कॉलनी) हा आरोपी त्यांच्या हाती सापडला तर उर्वरित दोघे पसार झाले. या चोरट्यांनी दुकानाचे शटर वाकवून एलईडी, वायर बंडल व १३०० रुपये रोख पळविले होते. आरोपीला बेदम चोप देत पोलिसांच्या हवाली करण्यात आले. या प्रकरणी उमेशच्या तक्रारीवरून आरोपींविरुद्ध चोरीचा गुन्हा दाखल करण्यात आला आहे.

या तीन आरोपींनी चोरी करण्यापूर्वी एका हॉटेलवर गांजा व दारू प्राशन केली. यानंतर त्यांनी दुकान फोडले. नशा करून दुकाने फोडण्याची या टोळीची पद्धत असल्याची माहिती सूत्रांनी दिली.

मोबाइल अॅप डाउनलोड करा आणि राहा अपडेट

अल्पवयीन मुलीवर बलात्कार

January 7, 2016, 9:30 pm

≫ Next: चारा छावणीसाठी भूमवासियांचे पुन्हा आंदोलन

≪ Previous: मिटमिट्यात दुकान फोडणारा नागरिकांच्या सतर्कतेने ताब्यात

$

0

0

आरोपीला मंगळवारपर्यंत कोठडी

म. टा. प्रतिनिधी, औरंगाबाद

पाचोड (ता. पैठण) येथील अल्पवयीन मुलीला फूस लावून पळवून नेऊन पुण्यामध्ये अनेकदा बलात्कार करण्याची घटना उघड झाली आहे. या प्रकरणी आरोपीविरुद्ध मंगळवारी (५ जानेवारी) मुकुंदवाडी पोलिस ठाण्यामध्ये गुन्हा दाखल झाला असून, आरोपीला अटक करण्यात आली आहे. संबंधित आरोपीला बुधवारी कोर्टात हजर करण्यात आले असता आरोपीला पोलिस कोठडीत ठेवण्याचे आदेश विशेष न्यायाधीश यु. एल. तेलगावकर यांनी दिले.

या प्रकरणी संबंधित अल्पवयीन मुलीच्या जयभवानी नगरातील मामाने फिर्याद दिलेली आहे. फिर्यादीची १७ वर्षीय भाची १५ दिवसांसाठी तिच्या मामाकडे राहण्यास आली होती. ती ३० नोव्हेंबर २०१५ रोजी अज्ञात व्यक्तीबरोबर निघून गेल्याची शंका आल्यानंतर हरविल्याची तक्रार मुकुंदवाडी पोलिस ठाण्यामध्ये देण्यात आली. त्यावरून गुन्हा दाखल झाल्यानंतर आरोपी राहुल हिरामण अवचर (१९, रा. वडवणी, जि. बीड) याच्या आई-आत्याच्या घरातून संबंधित मुलीला ताब्यात घेण्यात आले. संबंधित अल्पवयीन मुलीने दिलेल्या जबाबानुसार, पर्स हरवल्यामुळे मित्रांकडून पैसे घेऊन ३० नोव्हेंबर रोजी बीडला बसने गेले व परिचित असलेल्या आरोपी राहुल अवचर याला बसस्थानकावर बोलावले होते. त्याच दिवशी रात्री बीडला पोहोचल्यानंतर आरोपीने त्याच्या माजलगाव येथील भावाकडे नेले. तिथून दुसऱ्या दिवशी सकाळी पुण्याला फिरायला जाऊ असे सांगून आरोपी पुण्याला बसने घेऊन गेला. तिथे त्याने पाच ते सहा वेळा बलात्कार केल्याचा जबाब संबंधित मुलीने दिला. त्यावरून आरोपीविरुद्ध मंगळवारी (पाच जानेवारी) कलम ३६३, ३७६ (एन), 'बाललैंगिक अपराध संरक्षण अधिनियम २०१२'च्या कलम ३, ४ अन्वये गुन्हा दाखल झाला. त्यानंतर मंगळवारी आरोपीला अटक करण्यात आली.

मोबाइल अॅप डाउनलोड करा आणि राहा अपडेट

चारा छावणीसाठी भूमवासियांचे पुन्हा आंदोलन

January 7, 2016, 1:30 pm

≫ Next: भाऊरावच्या निवडणुकीत आमदार अमिता चव्हाण बिनविरोध

≪ Previous: अल्पवयीन मुलीवर बलात्कार

$

0

0

म. टा. प्रतिनिधी, उस्मानाबाद

गाव तिथे चारा छावण्या उघडण्याबाबत योग्य ती पावले उचलली जातील असे तोंडी आश्वासन आमदार राहुल मोटे यांना औरंगाबाद येथील अप्पर आयुक्त किसन लवांडे यांनी ३० डिसेंबर रोजी भूमच्या दौऱ्यावेळी दिले होते. या घोषणेला आता आठवडा उलटला तरी प्रत्यक्षात छावण्यांना मंजुरी मिळालेली नाही. त्यामुळे भूम येथील सर्वपक्षीय नेत्यांनी व जय हनूमान ग्रुपच्या पदाधिकाऱ्यांनी गुरुवारी मूक मोर्चा काढून या प्रकाराचा निषेध व्यक्त केला.

सहा जानेवारी रोजी चारा छावण्या सुरू कराव्यात या मागणीसाठी भूम येथील बाजारपेठ बंद ठेवून प्रशासनाचे लक्ष वेधण्यात आले. तर ५ जानेवारी रोजी जय हनुमान ग्रुपच्यावतीने मूकमोर्चा काढण्यात आला. या शिवाय सर्वच पक्षीय नेतेमंडळीने साखळी उपोषणास सुरुवात केली आहे.

एकीकडे आंदोलन होत असताना या आंदोलनाकडे जिल्हा प्रशासनाकडून दूर्लक्ष केले जात असून मागणी नुसार नव्हे तर गरजेनुसार चारा छावण्यांना मंजुरी दिली जाईल. कोणत्याही आंदोलनाला प्रशासन बळी पडणार नाही. या भूमिकेवर जिल्हा प्रशासन अद्याप ठाम आहे. त्यामुळे भूम येथील राजकीय नेतेमंडळीसह जय हनुमान ग्रुपच्यावतीने येत्या काळात उग्र आंदोलन केले जाण्याची शक्यता आहे. आठ दिवसापूर्वीच आंदोलन करताना कार्यकर्त्यांनी बसवर दगडफेक केली होती. या आंदोलनाला काही जणांनी उग्ररुप देण्याचा प्रयत्न केला होता.

गेल्या दोन दिवसांपासून पुन्हा आंदोलन नेतेमंडळीने सुरू केल्याने येत्या काळात नेतमंडळीविरुद्ध प्रशासन असा वाद चिघळण्याची शक्यता निर्माण झाली आहे.

मोबाइल अॅप डाउनलोड करा आणि राहा अपडेट

भाऊरावच्या निवडणुकीत आमदार अमिता चव्हाण बिनविरोध

January 7, 2016, 1:30 pm

≫ Next: आत्महत्या न करण्याचा संकल्प करा

≪ Previous: चारा छावणीसाठी भूमवासियांचे पुन्हा आंदोलन

$

0

0

म. टा. प्रतिनिधी, नांदेड

देगाव-येळेगाव येथील भाऊराव चव्हाण सहकारी साखर कारखान्याच्या निवडणुकीसाठी सभासद सहकारी संस्था मतदार संघातून आमदार अमिता चव्हाण बिनविरोध निवडून आल्या आहेत. प्रदेश काँग्रेसचे अध्यक्ष तथा खासदार अशोक चव्हाण व अमिता चव्हाण या दोघांचेच अर्ज आले होते. परंतु, अशोक चव्हाण यांनी उमदेवारी अर्ज मागे घेण्याच्या शेवटच्या दिवशी बुधवारी ( ६ जानेवारी) रोजी अर्ज मागे घेतला. त्यामुळे अमिता चव्हाण यांची निवड बिनविरोध झाली. शेवटच्या दिवशी २० जागांसाठी ४१ उमेदवार निवडणूक रिंगणात राहिले आहेत.

उमेदवारी अर्ज मागे घेण्याच्या शेवटच्या दिवशी अशोक चव्हाण बुधवारी अर्धापूरमध्ये तळ ठोकून होते. नगरासेवक लंगडे आणि मनसबखॉ पठाण यांच्या निवासस्थानी त्यांचे वास्तव्य होते. उमेदवारी अर्ज मागे घेण्याचा आजचा शेवटचा दिवस असल्यामुळे तहसील कार्यालयात जत्रेचे स्वरूप आले होते. काँग्रेसचे शेतकरी विकास पॅनल असे नाव निश्‍चित झाले असून अशोक चव्हाण यांनी कारखान्याच्या विद्यमान आठ संचालकांना उमेदवारी नाकारली आहे. त्यात माणिकराव इंगोले, प्रतापराव कल्याणकर, विवेक लोखंडे, भगवान सुद्देवाड, गंगाराम पाटील, शांता वानखेडे, लक्ष्मी पवार यांचा समावेश आहे. त्यांच्या जागी नव्या चेहऱ्यांना त्यांनी निवडणुकीसाठी उमेदवारी बहाल केली आहे. शेवटच्या दिवशी महाआघाडीतर्फे धर्मराज देशमुख, नागोराव पाटील-इंगोले, भाजपचे सुधाकर कदम आणि स्वाभिमानी शेतकरी संघटनेचे हरीभाऊ कदम यांनी उमेदवारी अर्ज मागे घेतले.

कारखान्याच्या २१ संचालकांच्या जागांसाठी एकूण १२६ उमेदवारी अर्ज वैध ठरले होते. बुधवारी शेवटच्या दिवशी २० जागांसाठी ४१ उमेदवार निवडणूक रिंगणात राहिले आहेत. या निवडणुकीसाठी १० हजार मतदारांना मतदानाचा हक्क राहणार आहे. त्यामुळे राजकीय घडामोडींना वेग आला आहे.

सर्वच पक्षांचा कस लागणार ही निवडणूक म्हणजे काँग्रेसमध्ये शह-काटशह, महाआघाडीत गोंधळ असे चित्र आहे. काँग्रेस पॅनेलच्या विरोधात शिवसेना, भाजप, राष्ट्रवादी काँग्रेस आणि स्वाभिमानी शेतकरी संघटनेने उमेदवार उभे केले आहेत. महाआघाडी तर्फे आमदार प्रतापराव पाटील-चिखलीकर, माजी आमदार बापुसाहेब गोरठेकर, प्रल्हाद इंगोले, आमदार हेमंत पाटील यांनी डावपेच आखले आहेत.

मोबाइल अॅप डाउनलोड करा आणि राहा अपडेट

---

आत्महत्या न करण्याचा संकल्प करा

January 7, 2016, 1:30 pm

≫ Next: जलसंधारणच्या कामांसाठी ५० लाखांचा निधी

≪ Previous: भाऊरावच्या निवडणुकीत आमदार अमिता चव्हाण बिनविरोध

$

0

0

म. टा. प्रतिनिधी, लातूर

कोणत्याही कारणाने आत्महत्या करणार नाही. कोणी करीत असेल तर त्याला करू देणार नाही असा संकल्प करा, असे आवाहन शिवसेना नेत्या आमदार डॉ. नीलम गोऱ्हे यांनी लातूर येथे केले.

आदर्श महिला गृह उद्योग या संस्थेने इंडियन डेव्हलपमेंट सर्व्हिसेस शिकॅगो अमेरिका सहाय्याने हुंडा विरोधी संमेलनाचे आयोजन करण्यात आले होते. आमदार डॉ. नीलम गोऱ्हे यांच्या हस्ते या संमेलनाचे उद्घाटन करण्यात आले. संमेलनाच्या अध्यक्षस्थानी माजी खासदार डॉ. जर्नादन वाघमारे होते. यावेळी प्रमुख पाहुणे म्हणून अमेरिकेतील आयडीएस संस्थेचे जेरी गोसेनपुड, संस्थेचे अमेरिकेतील सल्लागार मनोज भार्गव, विधी सेवा प्राधिकरणाचे सचिव आर. व्ही. कोकरे, जिल्हा परिषदेच्या अध्यक्षा प्रतिभा पाटील-कव्हेकर, राज्य महिला आयोगाच्या आशाताई भिसे, महिला बालविकास अधिकारी बी. एच. निपाणीकर यांची उपस्थिती होती.

यावेळी बचत गटाच्या माध्यमातून महिला सबलीकरणाचे काम करणाऱ्या महिलांपैकी ज्या महिला सरपंच, ग्रामपंचायत सदस्य झाल्या त्यांचा सत्कार करण्यात आला. त्याचप्रमाणे मुलीचे लग्न हुंडा न देता करणाऱ्या महिलांचाही सत्कार यावेळी करण्यात आला. यावेळी संस्थेच्या कार्यकर्त्यांनी हुंडा देणार नाही, घेणार नाही अशी शपथ घेतली.

संमेलनाचे प्रास्ताविक आदर्श महिला गृह उद्योग संस्थेच्या अध्यक्षा चंद्रकला भार्गव यांनी केले. यावेळी त्यांनी संस्थेच्या कार्याची माहिती देऊन हुंडा विरोधी संमेलनाबाबत भूमिका स्पष्ट केली.

उद्घाटक म्हणून बोलताना आमदार निलम गोऱ्हे म्हणाल्या, 'हुंडा विरोधी कायद्याची कडक अमंलबजावणी झाली पाहिजे. प्रत्येक जिल्ह्यात हुंडा प्रतिबंधक अधिकारी काय करतात हा प्रश्न सतावत आहे. विवाह संस्था आणि कुटूंब संस्था ही समानतेवर आधारीत असली पाहिजे.'

कार्यक्रमानंतर पत्रकारांशी बोलताना आमदार डॉ. गोऱ्हे म्हणाल्या, 'छेडछाडीच्या घटनेमुळे कोणी आत्महत्या करू नये. इतरांची मदत घ्या, परंतु आत्महत्या करू नका. कोणी करत असेल त्याला प्रवृत्त करा. हुंडा विरोधी चळवळीसाठी माजी न्यायमुर्ती चंद्रशेखर धर्माधिकारी यांनी २४० शिफारसी असलेला अहवाल सरकारला सादर केला आहे. त्या अहवालाची अंमलबजावणी करण्यासाठी मी आणि आमदार शोभा फडणवीस यांनी मुख्यमंत्र्याना पत्र दिलेले आहे. मुख्यमंत्री त्याचा गांभिर्याने विचार करतील अशी आशा आहे. दुष्काळाच्या स्थितीत सामाजिक संस्थानीही मुलीच्या निर्माण होणाऱ्या समस्या विषयी सजग राहावे.'

मोबाइल अॅप डाउनलोड करा आणि राहा अपडेट

जलसंधारणच्या कामांसाठी ५० लाखांचा निधी

January 7, 2016, 1:32 pm

≫ Next: घरांवरचे आरक्षण रद्द करा

≪ Previous: आत्महत्या न करण्याचा संकल्प करा

$

0

0

म. टा. प्रतिनिधी, लातूर

भाविष्यातील पाणीटंचाईचे संकट लक्षात घेवून जलयुक्त शिवार अभियानात समावेश झालेला नसतानाही लातूर तालुक्यातील हरंगुळ (बु.) या गावातील ग्रामस्थांनी लोकसहभागातून ३० लाख रुपयांचा निधी खर्च करून जलसंधारणाची विविध कामे केली. स्वयंस्फूर्तीने हरंगुळ (बु.) येथे झालेल्या जलसंधारणाच्या कामांची दखल मुख्यमंत्री देवेंद्र फडणवीस यांनी घेतली असून, मुख्यमंत्री सहाय्यता निधीमधून (जलयुक्त शिवार) हरंगुळ (बु.) या गावास ५० लाख रुपयांचे अर्थसहाय्य केले आहे. या रक्कमेतून हे गाव पाण्याच्या बाबतीत स्वयंपूर्ण होईल. त्याचप्रमाणे पाण्याची उपलब्धता जलसिंचन आणि पिण्याकरीता तसेच अन्य आवश्यक कामासाठी होणार असून, या सर्व गरजा गावच्या अंतर्गत पाणीसाठ्यातून भागविण्यात येणार आहेत.

यावर्षी जलयुक्त शिवार अभियानांतर्गत हरंगुळ (बु.) गावाचा समावेश करण्यात आल्याने ग्रामस्थांनी आनंद व्यक्त करून लोकसहभागातून ५० लाख रुपयांचा निधी गावातील जलसंधारणाच्या कामासाठी खर्च करण्याचा निर्णय घेतला आहे. जलसंधारणाची कामे ही औसा तालुक्यातील जलयुक्तच्या धर्तीवर राबविण्यात येणार आहेत. जलयुक्त शिवार अभियानात हरंगुळ (बु.) चा समावेश आता करण्यात आला असला तरी येथील ग्रामस्थांनी लोकसहभागातून जलसंधारणाची कामे ऑक्टोबर-नोव्हेंबर महिन्यातच सुरू केली आहेत. यामध्ये सुमारे सात ते आठ किलोमीटर पर्यंत नदी-नाला खोलीकरण व सरळीकरणांची कामे केली असून, अनेक शेतकऱ्यांनी शिवूर, वासनगाव आणि कव्हा येथील तलावातील गाळ आपल्या शेतात टाकल्याने शिवारातील ३० टक्के शेतजमीन सुपिक झाली आहे.

लातूर तालुक्यातील रामेश्वर या गावात जलयुक्त शिवार अभियानातंर्गत जलसंधारणाची विविध कामे लोकसहभागातून करण्यात आली आहेत. हरंगुळ (बु.) येथील काही युवकांनी रामेश्वर गावात झालेल्या जलसंधारणाची कामे पाहून व त्यापासून प्रेरित होऊन गावामध्ये जलसंधारणाची अशाच प्रकारची कामे सुरू करून शिवार जलयुक्त करण्यासाठी ऑगस्ट २०१४ मध्ये काही युवकांनी तात्काळ बैठक घेऊन गावातील ५१ युवकांची समिती गठीत केली. या बैठकीमध्येच गावातील ग्रामस्थांनी दहा लाख रुपयांचा निधी जमा केला. ही निधी समितीतील श्याम बरुरे, गोविंद शेळके, भीमा झुजांरे आणि गणेश पाटील या चार युवकांच्या नावाने बँकेत खाते उघडून जमा करून त्यामार्फत जलसंधारणाची कामे सुरू करण्यात आली.

गावातील ग्रामस्थांनी आपल्या ऐपतीप्रमाणे या खात्यावर निधी जमा करण्यास सुरुवात केली. तर गावातील अकरा सदन शेतकऱ्यांनी प्रत्येकी एक लाख रुपये असा आतापर्यंत लोकसहभागातून ३० लाख रुपये इतका निधी जमा झाला. या निधीतून गावच्या शिवारातून सुमारे २५ किलो मीटर लांबीचे छोटे-मोठे नाल्याचे खोलीकरण व सरळीकरण करण्याचा निर्णय ग्रामस्थांनी घेतला. या कामास सुमारे दीड कोटी खर्च अपेक्षित असून, यापैकी सुमारे दहा किलो मीटर लांबीच्या नाल्याचे ५० फुट रुंद व २० फुट खोल असे आतापर्यंत काम झाले आहे. या कामास ३० लाख रुपये इतका निधी खर्च झाला आहे. मुख्यमंत्री देवेंद्र फडणवीस यांच्याकडून प्राप्त झालेला ५० लाख रुपयांचा निधी देखील नाला खोलीकरण व सरळीकरणांच्या कामावर खर्च करण्यात येणार असल्याची माहिती ग्रामस्थांनी दिली. तसेच लोकप्रतिनीधीकडूनही या गावास जलसंधारणाची कामे करण्यासाठी २७ लाख रुपयांचा निधी प्राप्त होणार असल्याची माहिती ग्रामस्थांनी दिली.

कामे पूर्ण करण्यास मुदतवाढ

जलयुक्त शिवार अभियानांतर्गत जिल्ह्यातील २०२ गावांची निवड करण्यात आलेल्या ज्या गावातील कामे अद्यापपर्यंत अपूर्ण असून ती कामे पूर्ण करायची असल्यास कामांचा प्रस्ताव संबंधीत तहसीलदार, उपविभागीय अधिकारी किंवा जिल्हा अधिक्षक कृषी अधिकारी यांच्याकडे तात्काळ सादर करावा. ही कामे पूर्ण करण्यासाठी ३१ मार्च २०१६ पर्यंत मुदतवाढ देण्यात आली आहे. त्यासोबतच टंचाई निवारणार्थ प्राप्त झालेला निधी औसा तालुक्यातील नागरीकांनी स्वयंस्फूर्तीने जलसंधारणाच्या कामाकरीता ज्याप्रकारे वापर केला आहे. त्याचा आदर्श जिल्ह्यातील इतर गावांनी घ्यावा, असे आवाहनही जिल्हाधिकारी पांडुरंग पोले यांनी केली आहे.

जलयुक्त शिवार अभियानांतर्गत जिल्ह्यातील यावर्षी निवडण्यात आलेल्या १७६ गावांमध्ये देखील हरंगुळ (बु.) चा समावेश करण्यात आला आहे. यामध्ये सिमेंट नाला बांध, रिचार्ज शाफ्ट, शेततळे, कंपार्टमेंट बंडिगची कामे करण्यात येणार आहेत.

पांडुरंग पोले, जिल्हाधिकारी, लातूर

मोबाइल अॅप डाउनलोड करा आणि राहा अपडेट

घरांवरचे आरक्षण रद्द करा

January 7, 2016, 1:56 pm

≫ Next: ‘सलीम अली’ जागेच्या निर्णयाचा मार्ग मोकळा

≪ Previous: जलसंधारणच्या कामांसाठी ५० लाखांचा निधी

$

0

0

म. टा. प्रतिनिधी, औरंगाबाद
सुधारित विकास आराखड्यात पक्क्या घरांवर टाकलेले आरक्षण रद्द करा, अशी जोरदार मागणी नगरसेवकांनी महापालिकेच्या सर्वसाधारण सभेत केली. या संदर्भात विशेष सर्वसाधारण सभेत निर्णय घेण्याचे आश्वासन महापौर त्र्यंबक तुपे यांनी दिले. दरम्यान, विठ्ठलनगरच्या नागरिकांनी पक्क्या घरावरील आरक्षण रद्द करा, अशी मागणी करत गुरुवारी महापालिकेत धडक मारली.
रुपचंद वाघमारे, राज वानखेडे यांनी सुधारित विकास आराखड्याचा मुद्दा मांडला. ते म्हणाले, 'अनेक ठिकाणी पक्क्या घरांवर खुल्या जागांचे, उद्यानांचे आरक्षण टाकण्यात आले आहे. त्यामुळे नागरिक भयभित झाले आहेत. आरक्षण टाकताना विद्यमान जमीन वापर नकाशाचा अभ्यास करण्यात आला नाही. सर्वसामान्य नागरिकांच्या घरांवर आरक्षण टाकून बांधकाम व्यवसायिकांच्या जमिनी यलो करण्यात आली आहे,' असा आरोप त्यांनी केला. 'सर्वसामान्यांची घरे पडणार नाहीत असे आश्वासन सर्वसाधारण सभेच्या माध्यमातून महापौरांनी द्यावे,' अशी मागणी केली. विकास आराखड्याचे काम नव्याने करावे : नंदकुमार घोडेले म्हणाले, 'सुधारित विकास आराखडा आल्यामुळे जनतेमध्ये आनंदाचे वातावरण निर्माण होईल असे वाटत होते, पण या आराखड्याच्या विरोधात मोर्चे, शिष्टमंडळे येऊ लागली आहेत. बंद खोलीत बसून गुगल मॅपच्या आधारे विकास आराखडा तयार करण्यात आला आहे. त्यामुळे संपूर्ण विकास आराखड्याबद्दल संशय आहे. शासनाचा एक सक्षम अधिकारी नियुक्त करून विकास आराखडा तयार करण्याचे काम नव्याने करावे,' अशी मागणी त्यांनी केली. कैलास गायकवाड, सीताराम सुरे यांनीही मनोगत व्यक्त केले. यानंतर 'विशेष सर्वसाधारण सभेत सुधारित विकास आराखड्याबद्दल निर्णय घेतला जाईल,' असे महापौर म्हणाले.

मोबाइल अॅप डाउनलोड करा आणि राहा अपडेट

‘सलीम अली’ जागेच्या निर्णयाचा मार्ग मोकळा

January 7, 2016, 2:59 pm

≫ Next: लग्नाचे आमिष दाखवून बलात्कार

≪ Previous: घरांवरचे आरक्षण रद्द करा

$

0

0

म. टा . विशेष प्रतिनिधी ,औरंगाबाद
सलीम अली सरोवरात भर घालून सुमारे चार हजार चौरस फूट जागा वापरात आणणाऱ्या ह्युमन वेल्फेअर सोसायटीच्या कराराची मुदत संपल्याने उपरोक्त जागेसंबंधी मनपाने बजावलेली नोटीस रद्द करावी, अशा आशयाची याचिका मुंबई हायकोर्टाच्या औरंगाबाद खंडपीठाचे न्या. संजय गंगापूरवाला व न्या. ए. एम. बदर यांनी निकाली काढली. यामुळे जागेसंबंधी निर्णय घेण्याचा महापालिकेचा मार्ग मोकळा झाला आहे.
सलीम अली सरोवराचा जॉगिंग ट्रॅक व परिसराची देखभाल दुरुस्ती करण्याचा दहा वर्षांचा करार ह्युमन वेल्फेअर सोसायटीने सिडकोसोबत केला होता. सिडकोच्या महापालिकेकडील हस्तांतरणानंतरही हा करार सुरूच होता. संस्थेच्या नावाखाली सलीम अली सरोवरातील पाण्यात भर घालून सुमारे चार हजार चौरस फूट जागा वापरात आणल्याचे महापालिका प्रशासनाच्या निदर्शनास आल्यानंतर मनपा प्रशासनाने संबंधित संस्थेस नोटीस बजावली होती. संस्थेच्या अध्यक्ष रिझवाना बशीरखान पटेल यांनी हायकोर्टात आव्हान दिले. महापालिकेने बजावलेली नोटीस चुकीची असून ती रद्द करण्यात यावी अशी विनंती करण्यात आली होती. याचिका सुनावणीस निघाली असता या संस्थेच्या कराराचे दहा वर्षे संपल्याने हायकोर्टाने याचिका निकाली काढली. याचिकेत महापालिकेच्या वतीने अतुल कराड, सिडकोतर्फे अनिल बजाज, शासनाच्या वतीने सहायक सरकारी वकील विठ्ठल दिघे यांनी बाजू मांडली.

मोबाइल अॅप डाउनलोड करा आणि राहा अपडेट

लग्नाचे आमिष दाखवून बलात्कार

January 7, 2016, 3:01 pm

≫ Next: ६५ ब्रास वाळू जप्त; महसूलची कारवाई

≪ Previous: ‘सलीम अली’ जागेच्या निर्णयाचा मार्ग मोकळा

$

0

0

औरंगाबाद ः लग्नाचे आमिष दाखवून नांदेड येथील तरुणीवर सलग तीन वर्षे बलात्कार करणाऱ्या आरोपीचा अटकपूर्व जामीन विशेष न्यायाधीश यु. एल. तेलगावकर यांनी गुरुवारी फेटाळला.
फिर्यादी पीडिता ही मुकुंदवाडी परिसरातील एका नर्सिंग कॉलेमध्ये शिक्षण घेत होती. तेव्हापासून म्हणजे २०१२ पासून २०१५ पर्यंत शिक्षण व नोकरीनिमित्त औरंगाबाद, शिर्डी, नांदेड आदी ठिकाणी लग्नाचे आमिष दाखवून आरोपी सुनील भगवान पांचाळ (रा. लिंबगाव रेल्वेस्टेश, नांदेड) याने पीडितेवर बलात्कार केला. पीडितेने आरोपीला वारंवार लग्नाचा आग्रह केला; परंतु आरोपीने टाळाटाळ केली. तसेच दोन डिसेंबर २०१५ रोजी पीडिता दुचाकीवरुन जात असताना तिला मारण्याचा प्रयत्न केला. तर, १७ डिसेंबर रोजी 'तुझ्याशी लग्न करत नाही, काय करायचे ते कर' अशा शब्दांत आरोपीने पीडितेला सुनावल्यानंतर पीडितेने २९ डिसेंबर २०१५ रोजी मुकुंदवाडी पोलिसात फिर्याद दिली. आरोपीविरुद्ध भादंविच्या कलम ३७६ (२) (एन) तसेच अॅट्रॉसिटी कायद्याच्या कलम ३ (ए) (१२) अन्वये गुन्हा दाखल झाला. कोर्टात अटकपूर्व जामीन दाखल केला असता, हा गंभीर स्वरुपाचा गुन्हा असून, पीडितेची वैद्यकीय तपासणी व्हायची आहे. आरोपीकडून संशयित वस्तू जप्त करणे बाकी आहे. त्यामुळे जामीन देऊ नये, अशी विनंती जिल्हा सरकारी वकील शिवाजी नवले यांनी कोर्टात केली.

मोबाइल अॅप डाउनलोड करा आणि राहा अपडेट

६५ ब्रास वाळू जप्त; महसूलची कारवाई

January 7, 2016, 2:03 pm

≫ Next: गोविंदभाई श्रॉफ स्मृती संगीत महोत्सव उद्या

≪ Previous: लग्नाचे आमिष दाखवून बलात्कार

$

0

0

औरंगाबाद : जिल्ह्यातील वाळूपट्ट्यांचे लिलाव झालेले नसताना शहर परिसरात वाळूचे अनधिकृत साठे करण्यात आले आहेत. गुरुवारी वाळूज रोडजवळ तसेच तिसगाव खवड्या डोंगराच्या परिसरातून ६५ ब्रास वाळूसाठा जप्त करण्यात आला, अशी माहिती उपविभागीय अधिकारी शशिकांत हदगल यांनी दिली. उपविभागीय अधिकारी शशिकांत हदगल यांच्या पथकाने दिवसभरात ही कारवाई केली. जेसीबी, ५ मोठ्या ट्रक, १ लहान ट्रकच्या माध्यमातून ही वाळू जप्त करण्यात आली. गेल्या आठ दिवसांमध्ये शहर परिसरातील वाळूसाठ्यांवरील ही दुसरी मोठी कारवाई आहे. वाळूज रोडवरील ए. एस. क्लबच्या मागच्या बाजूला असलेला ३० ब्रास, तर तिसगाव शिवारातील खवड्या डोंगर परिसरातून पथकाने ३५ ब्रास वाळू जप्त केली. महसूल विभगाच्या या कारवाईमध्ये मंडळ अधिकारी श्री सोनवणे, रमंडवाल, तलाठी बागडे, निकम, लोळगे आदींच्या पथकाने ही कारवाई केली. आठवड्याभरापूर्वी शहरात महसूल विभागाच्या पथकांनीहर्सूल टी पॉइंट, पुंडलिकनगर रोड, शिवाजीनगर, देवळाई चौक, पंचवटी चौक, पडेगाव, एमजीएम, हडको आदी १६ ठिकाणी छापे टाकून दीडशे ब्रास वाळू जप्त केली होती.

गौणखणिज तपासणी मोहीम सुरू
शहर परिसरात गौणखणिजाचे अवैध उत्खनन रोखण्यासाठी शासनआदेशानुसार जिल्हास्तरावर समिती स्थापन करण्यात आली असून त्यानुसार शहराच्या विविध भागांमध्ये गौणखणिजाची अवैध वाहतूक रोखण्यासाठी पाच पथकांकडून तपासणी मोहीम गुरुवारी सायंकाळपासून सुरू करण्यात आली. पैठण रोडवरील महानुभाव आश्रमजवळील चौक, बीड रोडवरील जुना महानगरपालिका नाका, जळगाव रोडवरील जुना महापालिका नाका, जालना रोडवर केंब्रिज शाळेजवळ तसेच नगर नाका व नाशिक नाका येथे अशा एकूण ६ पथकांकडून गुरुवारी सायंकाळी ७ वाजेपासून तपासणी मोहीम सुरू केल्याची माहिती अप्पर जिल्हाधिकारी पी. एल. सोरमारे यांनी दिली.

मोबाइल अॅप डाउनलोड करा आणि राहा अपडेट

गोविंदभाई श्रॉफ स्मृती संगीत महोत्सव उद्या

January 7, 2016, 2:04 pm

≫ Next: करोडीतील ११ एकर जागा आरटीओच्या ताब्यात

≪ Previous: ६५ ब्रास वाळू जप्त; महसूलची कारवाई

$

0

0

औरंगाबाद ः श्री सरस्वती भुवन शिक्षण संस्थेच्या शताब्दीपर्वानिमित्त आजी-माजी विद्यार्थ्यांचा मेळावा आणि १४ व्या गोविंदभाई श्रॉफ स्मृती संगीत महोत्सवाचे शनिवार व रविवारी आयोजन करण्यात आले आहे.
महोत्सवाच्या पहिल्या दिवशी ९ जानेवारी रोजी सकाळी साडेदहा वाजता किरण बेदी यांचे 'हमे सजग नागरिक बनना है, नवराष्ट्र निर्माण करना है' या विषयावर व्याख्यान होईल. सायंकाळी ६ ते रात्री १० च्या दरम्यान पुण्याचे संतुरवादक दिलीप काळे, पंडित नाथराव नेरेळकर यांना ऐकण्याची संधी मिळेल. रविवारी सायंकाळी साडेसहा ते रात्री दहाच्या दरम्यान दीपा व लक्ष्मीकांत काळे प्रस्तुत 'स. भु. संगीत मैफल' होईल. सरस्वती भुवन महाविद्यालयाच्या प्रांगणात हे कार्यक्रम होणार आहेत. कार्यक्रमासाठी येताना निमंत्रण पत्रिका सोबत आणावी. एका पत्रिकेवर फक्त दोघांना प्रवेश मिळेल, असे कळविण्यात आले आहे. विद्यार्थी मेळावा व संगीत मैफलीला उपस्थित रहावे असे आवाहन स. भु. शिक्षण संस्थेचे अध्यक्ष प्रा. दिनकर बोरीकर, सरचिटणीस अॅड. दिनेश वकील, सहचिटणीस व श्री स. भु. शताब्दी समारोह समितीचे संयोजक डॉ. श्रीरंग देशपांडे यांनी केले आहे.

मोबाइल अॅप डाउनलोड करा आणि राहा अपडेट

---

करोडीतील ११ एकर जागा आरटीओच्या ताब्यात

January 7, 2016, 2:05 pm

≫ Next: डॉ. जयश्री कुलकर्णी यांना पालिका परत पाठविणार

≪ Previous: गोविंदभाई श्रॉफ स्मृती संगीत महोत्सव उद्या

$

0

0

म. टा. प्रतिनिधी, औरंगाबाद
प्रादेशिक परिवहन विभागाला अखेर करोडीत अकरा एकर जागा महसूल विभागाकडून देण्यात आली. ही जागा गुरूवारी आरटीओ विभागाच्या ताब्यात देण्यात आली. आरटीओ अधिकारी आणि ग्रामस्थांच्या उपस्थितीत नव्या कार्यालयाच्या जागेच्या नावाचा फलक लावण्यात आला. लवकरच या जागेवर टेस्टिंग ट्रॅक तयार केला जाणार असल्याची माहिती आरटीओ सर्जेराव शेळके यांनी दिली.
आरटीओ कार्यालयात वाहनांची गर्दी वाढली आहे. जड वाहनांची टेस्ट घेण्यासाठी शेंद्रा एमआयडीसी कार्यालयात जावे लागते. आरटीओ कार्यालयाला हक्काची जागा नसल्यामुळे हायकोर्टाच्या निर्देशानुसार ब्रेकिंग टेस्ट घेण्यासाठीही जागा नव्हती. आरटीओ सर्जेराव शेळके यांनी जागेचा शोध सुरू केला. त्यांनी विभागीय आयुक्त उमाकांत दांगट यांना भेटून करोडी गावातील जागेबाबत प्रस्ताव दिला होता. विभागीय आयुक्त आणि जिल्हाधिकारी निधी पांडे यांनी दोन महिन्यांत जागा देण्याची प्रक्रिया पूर्ण केली. करोडी शिवारात गट नंबर २४ मधील ४ हेक्टर ३९ आर एवढी जागा महसूल विभागाकडून देण्यात
आली. महसूल विभागाकडून जागेची मोजणी करून ही जागा ताब्यात देण्यात आली. गुरूवारी आरटीओ सर्जेराव शेळके, उपप्रादेशिक परिवहन अधिकारी आर.आर. सावंत, सहायक परिवहन अधिकारी सुधीर जायभाये यांच्यासह अन्य अधिकाऱ्यांनी करोडीतील जागेला भेट दिली.

मोबाइल अॅप डाउनलोड करा आणि राहा अपडेट

डॉ. जयश्री कुलकर्णी यांना पालिका परत पाठविणार

January 7, 2016, 3:06 pm

≫ Next: सेवानिवृत्त रेल्वेकर्मचाऱ्यांचा एसबीएचकडून छळ

≪ Previous: करोडीतील ११ एकर जागा आरटीओच्या ताब्यात

$

0

0

म. टा. प्रतिनिधी, औरंगाबाद
आरोग्य वैद्यकीय अधिकारी डॉ. जयश्री कुलकर्णी यांना शासनाच्या सेवेत परत पाठवण्याचा निर्णय गुरुवारी महापालिकेच्या सर्वसाधारण सभेत घेण्यात आला.
महापालिकेत आरोग्य अधिकारी म्हणून कार्यरत असलेल्या डॉ. कुलकर्णी यांना शासनाने आरोग्य वैद्यकीय अधिकारी या पदावर पदोन्नती देऊन महापालिकेच्या सेवेत पाठवले होते. डॉ. जयश्री कुलकर्णी यांना आरोग्य वैद्यकीय अधिकारी पदावरून तातडीने हटविण्यासंदर्भातले दोन प्रस्ताव सर्वसाधारण सभेत ठेवण्यात आले होते. नगरसेवक फेरोज खान, अस्मा फिरदोस रफीक पठाण, शेख जफर अख्तर, संगीता वाघुळे, अजिम अहेमद, शकीला बेगम फारूकी, अब्दुल नाईकवाडी, विकास एडके, राजू वैद्य, प्रमोद राठोड, दिलीप थोरात, भगवान घडमोडे, राजेंद्र जंजाळ, गजानन बारवाल, विजय औताडे यांनी हे प्रस्ताव ठेवले होते. या प्रस्तावावर राजेंद्र जंजाळ, विजय औताडे, फेरोज खान यांनी मनोगत व्यक्त केले. त्यानंतर डॉ. कुलकर्णी यांना शासनाच्या सेवेत परत पाठवण्याचा निर्णय घेण्यात आला. या निर्णयाची प्रत शासनाकडे तत्काळ पाठवण्यात यावी, त्याच्यासोबत सर्वसाधारण सभेने केलेली कारणमीमांसा, कोर्टाच्या निर्णयाची प्रत, सहकारी डॉक्टरांनी डॉ. कुलकर्णी यांच्याबद्दल घेतलेले आक्षेप याची प्रत देखील शासनाला पाठवण्याचे निर्देश महापौर त्र्यंबक तुपे यांनी दिले.
...अशी आहेत कारणे
वैद्यकीय घनकचरा प्रकल्पात मोठ्या प्रमाणावर अनियमितता असताना त्याकडे आरोग्य वैद्यकीय अधिकारी या नात्याने डॉ. कुलकर्णी यांनी दुर्लक्ष केले, प्लास्टिक कचरा निर्मूलन कायदा २००२ नुसार त्रैमासिक अहवाल आरोग्य वैद्यकीय अधिकाऱ्यांनी शासनाला पाठवणे गरजेचे होते, पण हे काम देखील डॉ. कुलकर्णी यांनी केले नाही. डॉ. कुलकर्णी यांच्याबद्दल त्यांच्या सहकारी डॉक्टरांच्या मोठ्याप्रमाणात तक्रारी होत्या. डॉ. कुलकर्णी यांची वागणूक या सर्वांसाठी त्रासदायक होती, अशी कारणे देऊन त्यांना शासनाकडे परत पाठवण्याचा निर्णय सर्वसाधारण सभेने घेतला.

मोबाइल अॅप डाउनलोड करा आणि राहा अपडेट

सेवानिवृत्त रेल्वेकर्मचाऱ्यांचा एसबीएचकडून छळ

January 7, 2016, 3:08 pm

≫ Next: सीईटी ‘ऑफलाइन’च

≪ Previous: डॉ. जयश्री कुलकर्णी यांना पालिका परत पाठविणार

$

0

0

म. टा. प्रतिनिधी, औरंगाबाद
गेल्या दोन महिन्यांपासून सेवानिवृत्त रेल्वेकर्मचाऱ्यांना पेन्शनबाबत स्टेट बँक ऑफ हैदराबादने वेठीस धरले असून, ४५० ज्येष्ठांना बँकेच्या ढिसाळपणाचा फटका बसला असल्याची माहिती समोर आली आहे.
स्टेट बँक ऑफ हैदराबादच्या रेल्वेस्टेशन शाखेमध्ये सेवानिवृत्त रेल्वे कर्मचाऱ्यांची पेन्शन जमा होते. दोन महिन्यांपासून या पेन्शनधारकांचे पेन्शन रितसर त्यांच्या खात्यात जमाच होत नसल्याने ४५० सेवानिवृत्तांची दमछाक होत आहे. या पेन्शनच्या पैशांवर अनेकांचा घरखर्च अवलंबून असतो, निरनिराळ्या औषधपाण्याचा खर्चही यावरच अवलंबून असतो. मात्र, दोन महिन्यांपासून पेन्शन जमा होत नसल्याने त्यांना अडचणींना तोंड द्यावे लागत आहे. केंद्र शासनाकडून दर महिन्याला रेल्वे प्रशासन कर्मचाऱ्यांचे पगार व सेवानिवृतांचे पेन्शन या बँकेच्या रेल्वेस्टेशन शाखेत जमा केली जाते. पेन्शनधारकांना नोव्हेंबर २०१५ पर्यंत हयात प्रमाणपत्र सादर करा, असे बॅंकेकडून सांगण्यात आले होते. यानुसार सेवानिवृत्तांनी त्यांची हयातप्रमाणपत्रे सादर केली. परंतु ही हयात प्रमाणपत्रे पेन्शनअकाऊंटला लिंक केलीच गेली नाहीत. याचा परिणाम पेन्शनवर झाला. यासंबंधी एसबीएचच्या शाखा व्यवस्थापकांशी संपर्क साधला असता ते हैदराबादला मुख्यालयात गेले असल्याचे बँकेच्या कर्मचाऱ्यांनी सांगितले. वेळोवेळी सेवानिवृत्तांचे हयातप्रमाणपत्र जमा करून ती पेन्शन अकाऊंटला लिंक करून घेणे दरवर्षीचे काम आहे. यात दुर्लक्ष झाल्याने रेल्वेतील सेवानिवृत्त कर्मचारी त्रस्त झाले आहेत. या सर्वांचे हयातप्रमाणपत्र १० जानेवारीपर्यंत अपलोड होतील आणि १२ तारखेला पेन्शन अकाऊंटला जमा होईल, असे येथील एक खिडकी योजनेतील अधिकारी शशांक़ जिंतूरकर यांनी सांगितले. ज्यांना पेन्शन मिळाले नसेल किंवा अजूनही त्रास होत असेल त्यांनी शाखेशी संपर्क साधून १२ जानेवारीपर्यंत पेन्शन घेऊन जावी, सोबत पासबुक आणावे यामुळे पेन्शनधारकांना त्रास होणार नाही असेही जिंतूरकर यांनी स्पष्ट केले आहे.
चूक बॅँकेची
बँकेच्या कर्मचारी वर्गाने हयात प्रमाणपत्र लिंक केली नाहीत. यात बँक दोषी असल्याचे निदर्शनास येताच बँकेने पेन्शनधारकांना नंतर कर्ज म्हणून पेन्शन देऊ केले. शिवाय, पेन्शन घेण्यासाठी ज्येष्ठांना बॅंकेत जावे लागत आहे. हयात प्रमाणपत्र नसल्याने या पेन्शनधारकांना पेन्शन देऊ शकत नसल्याची कबुली बँकेच्या अधिकारीवर्गाने दिली.

मोबाइल अॅप डाउनलोड करा आणि राहा अपडेट

सीईटी ‘ऑफलाइन’च

January 7, 2016, 1:30 pm

≫ Next: माझं शिवार : व्यवस्थापनतंत्रामुळे शेती फायद्याची!

≪ Previous: सेवानिवृत्त रेल्वेकर्मचाऱ्यांचा एसबीएचकडून छळ

$

0

0

म. टा. प्रतिनिधी, औरंगाबाद
राज्यात वैद्यकीय, अभियांत्रिकी आणि औषधनिर्माणशास्त्र अभ्यासक्रमांना प्रवेशासाठी येत्या शैक्षणिक वर्षापासून एकच सामाइक प्रवेश परीक्षा होणार आहे. त्याची तयारी प्रशासकीय पातळीवर सुरू असून, यंदा ही परीक्षा ऑफलाइन पद्धतीनेच घेतली जाणार आहे. त्यामुळे परीक्षआ ऑनलाइन पद्धतीने घेण्याच्या चर्चेला अखेर पूर्णविराम मिळाला आहे.

केंद्रीय प्रवेश परीक्षांमुळे विद्यार्थ्यांना वैद्यकीय, अभियांत्रिकी, औषधनिर्माणशास्त्र अभ्यासक्रमांसाठी वेगवेगळ्या सीईटींना सामोरे जावे लागत होते. त्यात राष्ट्रीय पातळीवरील प्रवेश परीक्षा (नीट) रद्द झाल्याने राज्यात स्वतंत्र सीईटी घेण्यात आली. त्यात यंदा अभियांत्रिकीसाठी जेईईप्रमाणे राज्यस्तरावर सीईटी घेण्याची घोषणा करण्यात आली होती. अखेर यंदा तिन्ही अभ्यासक्रमासाठी एकच सीईटी घेण्याची निर्णय घेण्यात आला. येत्या ५ मे रोजी ही परीक्षा होणार आहे. त्याची तयारी प्रशासकीय पातळीवर सुरू आहे. राज्यातील अभियांत्रिकी, वैद्यकीय, औषधनिर्माणशास्त्र अभ्यासक्रमांच्या कॉलेजांना राज्य सामाइक प्रवेश परीक्षा कक्षाकडून यासंदर्भात पत्र पाठविण्यात आले आहेत. शासनाच्या या निर्णयाने लाखो विद्यार्थ्यांना दिलासा मिळणार आहे. वेगवेगळ्या परीक्षांचा स्वतंत्र अभ्यास करण्याची गरज विद्यार्थ्यांना भासणार नाही. राज्य मंडळाच्या बारावीच्या अभ्यासक्रमाच्या धर्तीवर ही परीक्षा घेतली जाणार आहे.

'एमएचटी-सीईटी-२०१६' परीक्षा ऑफलाइन की ऑनलाइन याबाबत विद्यार्थी, पालकांमध्ये संभ्रम होता, परंतु ही परीक्षा यंदा ऑफलाइनच घेतली जाणार आहे. सूत्रांनी दिलेल्या माहितीनुसार; काही वर्षांच्या विश्रांतीनंतर तीन अभ्यासक्रमांची परीक्षा एकत्र होत आहे. सुविधांचा आणि विद्यार्थ्यांचा अंदाज घेत पुढील वर्षांपासून ऑनलाइन घेतली जाऊ शकते. परीक्षेला राज्यभरातून ४ लाख विद्यार्थी बसतील, असा अंदाज व्यक्त केला जात आहे. परीक्षेसाठी माहिती पुस्तिका व अर्ज विक्री आणि वेळापत्रक लवकरच निश्चित केले जाणार आहे.

विविध प्राधिकरणांना पत्र
'एमएचटी-सीईटी' ५ मे रोजी घेण्यात येणार आहे. यादरम्यान दुसरी कोणती परीक्षा येऊ नये, यासाठी शिक्षण मंडळ, विद्यापीठे, यूपीएससी, एमपीएससीसारख्या विविध प्राधिकरणांनाही पत्र पाठविण्यात आले आहे. एमएचटी-सीईटी परीक्षेदरम्यान अन्य परीक्षा घेऊ नका, अशी विनंती करण्यात आली आहे.

मोबाइल अॅप डाउनलोड करा आणि राहा अपडेट

माझं शिवार : व्यवस्थापनतंत्रामुळे शेती फायद्याची!

January 7, 2016, 1:30 pm

≫ Next: ‘एमफार्मसी’च्या निकालाचा गोंधळ संपेना

≪ Previous: सीईटी ‘ऑफलाइन’च

$

0

0

Tushar.Bodkhe@timesgroup.com
मोसंबीची फळबाग फक्त पावणेतीन एकर... अन् उत्पन्न रोख १९ लाख रुपये! प्रत्येक झाडाला उत्तम फळधारणा आणि प्रत्येक फळ चवदार. दुष्काळात फळबाग जगविण्यासाठी मराठवाड्यातील शेतकऱ्यांची धडपड सुरू आहे. मोसंबी व डाळिंब फळबागांसाठी प्रसिद्ध असलेल्या औरंगाबाद तालुक्यातील शेतकरी पाणी नसल्याने अस्वस्थ आहेत. दुष्काळाचा कठोर तडाखा फळबागांना बसल्यानंतर कधीकाळी मोसंबीचे आगार असलेला करमाड परिसर कोलमडला आहे. या कठीण काळातही व्यवस्थापन तंत्राद्वारे पिंप्रीराजा (ता. औरंगाबाद) येथील शेतकरी रामेश्वर सर्जेराव पवार यांनी फळबाग फुलवली. काही दिवसांपूर्वीच पवार यांनी डाळिंब विक्री केली. आता पावणेतीन एकरावर मोसंबी आहे. प्रत्येक झाडाची निगा राखली आणि पाण्याचे महत्त्वपूर्ण नियोजन केले. परिणामी, प्रत्येक झाड फळांनी अक्षरशः वाकले आहे. हा 'मृगबहार' पवार यांच्यासाठी आधार ठरला. या बागेतील फळांची तब्बल १९ लाख रुपयांत विक्री झाली. परिसरातील गावागावांत पाण्याची ओरड असताना पवार यांनी मोठ्या हिमतीने शेती केली. पूर्वीपासून मोसंबी हेच पिंप्रीराजाच्या शेतकऱ्यांचे हक्काचे पीक. पवार यांचे वडीलही पूर्वीपासून मोसंबी लागवड करीत असत. ही परंपरा कायम असली तरी काळानुसार आवश्यक बदल झाले नव्हते. औरंगाबादला बारावीपर्यंत शिक्षण झाल्यानंतर रामेश्वर पवार यांनी शेती करण्याचा निर्णय घेतला. मागील दहा वर्षांत त्यांनी शेतीत वेगवेगळे प्रयोग केले. मोसंबी फळबागेचे व्यवस्थापन हा महत्त्वाचा प्रयोग ठरला. या प्रयोगात यशस्वी ठरल्यामुळे दुष्काळातही फळबाग उत्पन्नाचा मुख्य स्रोत ठरली.

'पाणीटंचाईचा सामना सगळेच करीत आहेत. विहिरीचे पाणी कमी झाल्यानंतर डाळिंब व मोसंबी बाग कशी जगवावी असा पेच पडला होता. अखेर सात किलोमीटरवरून पाइप लाइनने पाणी आणले. शेततळे या पाण्याने पूर्ण भरून घेतले. उन्हाळ्यात विहीर कोरडी पडल्यानंतर शेततळ्यातील पाण्यावरच बाग जगवणार आहे,' असे पवार यांनी सांगितले.

फळाच्या दर्जानुसार भाव मिळतो याची त्यांना जाणीव आहे. जमीन हलक्या प्रतीची असल्यामुळे पाण्याची गरज अधिक असते. दर पंधरा दिवसांनी बागेला भरपूर पाणी दिले. शिवाय, काही वेळा दर चार दिवसांनी ठिबक सिंचनाद्वारे पाण्याची गरज भागवली, मात्र पाणी देण्यात खंड पडू दिला नाही. यंदा ऐन पावसाळ्यात दोन महिने पावसाचा खंड होता. या 'बखाड्या'ने शेतकरी हवालदिल झाले होते. फळबागा जगवण्यासाठी पवार यांनाही संघर्ष करावा लागला. मात्र, ओरड करण्यापेक्षा पवार यांनी पाणी व्यवस्थापनातून संकटावर मात केली. काही शेतकऱ्यांना पाण्याच्या नियोजनात अपयश आले. परिणामी, फळबागांवर प्रतिकूल परिणाम झाला. खत, किटकनाशक आणि पाण्याचे पुरेपूर वेळापत्रक तयार करून पवार अंमलबजावणी करतात. झाडाला अन्नद्रव्ये मिळाल्याने फळांचा दर्जा चांगला झाला आहे. मोसंबी व डाळिंब फळबागात चांगले प्रयत्न केल्यामुळे शेतकरी व कृषी तज्ज्ञ आवर्जून पवार यांच्या फळबागांची पाहणी करतात. इतर शेतकऱ्यांसाठीही पवार यांची यशोगाथा प्रेरणादायी ठरत आहे. भरघोस उत्पन्न आणि नवीन प्रयोग यांची सांगड घालण्यात पवार यशस्वी ठरले. काही वर्षांपूर्वी फळबाग पाहण्यासाठी हिमायतबाग फळ संशोधन केंद्राचे वरिष्ठ शास्त्रज्ञ डॉ. संजय पाटील आले होते. 'तुमच्या बागेतील मातृवृक्ष चांगले आहेत. तुम्ही रोपवाटिका सुरू करा,' असा सल्ला पाटील यांनी दिला. भिडस्त स्वभावाच्या पवार यांना सल्ला आवडला; मात्र, रोपवाटिका सुरू करण्याची हिंमत नव्हती. शहराचा फारसा परिचय नाही आणि सरकारी कार्यालयात जाऊन रोपवाटिका मंजूर करून घेणे जिकिरीचे वाटत होते. अखेर पाटील यांच्या सल्ल्यानुसार त्यांनी सर्व तांत्रिक प्रक्रिया पूर्ण केली. सद्यस्थितीत मराठवाड्यातील शेतकरी पवार यांच्या रोपवाटिकेतून डाळिंब व मोसंबीची रोपे खरेदी करतात. 'भगवा' जातीचे डाळिंब व 'न्यूसेलर' जातीची मोसंबी शेतकऱ्यांसाठी फायदेशीर ठरली आहे. रोपवाटिकेतही पवार यांनी दर्जा राखला आहे. परिणामी, शेतीसोबत हा पूरक व्यवसाय त्यांना फायदेशीर ठरला. दरवर्षी रोपवाटिकेतून सहा लाख रुपये मिळतात. पाणी नियोजन, मल्चिंग, सेंद्रिय शेती, फळबागांचे व्यवस्थापन आणि रोपवाटिका या माध्यमातून हा साधा शेतकरी यशाच्या शिखराकडे वाटचाल करीत आहे.

विक्रीचे धोरण हवे
फळविक्रीसाठी नवीन प्रयोग करण्याची पवार यांची इच्छा आहे. फळांची थेट विक्री केल्यास जास्त फायदा मिळेल याची शेतकऱ्यांनाही खात्री असते. मात्र, व्यापारी बाजारात अडवणूक करण्याची भीती असते. अहमदाबाद, मुंबई, दिल्ली शहरातील मार्केटमध्ये व्यापाऱ्यांची व्यावसायिक साखळी असते. शेतकऱ्यांना चांगला भाव मिळण्याची खात्री नसते. या पार्श्वभूमीवर कृषी विभागाने विक्रीचे धोरण ठरवावे, असे पवार यांना वाटते. सध्या पाचोड व अंबडला मोसंबीचे नवीन मार्केट तयार झाले आहे. मार्केटमधील मोसंबीच्या दराची चौकशी करून माल विक्री करण्याचा निर्णय शेतकरी घेतात. या धर्तीवर प्रत्येक तालुक्यात शेतमालानुसार नवीन मार्केट झाल्यास व्यापाऱ्यांची मक्तेदारी मोडीत निघून शेतकरी स्वावलंबी होतील, असे पवार यांना वाटते.

मोबाइल अॅप डाउनलोड करा आणि राहा अपडेट