औरंगाबाद विमानतळाचा विस्तार जालन्याच्या दिशेने

January 18, 2016, 2:37 pm

≫ Next: ‘आयसीटी’ शिक्षकांना कायम करण्याची मागणी

≪ Previous: आंबेडकरी चळवळीतील नेते जगन कांबळे यांचे निधन

$

0

0

औरंगाबाद : शहरातील विमानतळाचे विस्तारीकरण जालन्याच्या दिशेलाच होणार आहे. हे काम लवकरच वेगात सुरू होईल, अशी माहिती सूत्रांनी दिली.
औरंगाबाद विमानतळावर आंतरराष्ट्रीय हवाई वाहतूक सेवा सुरू करण्यासाठी धावपट्टी वाढविण्याची गरज आहे. सध्या विमानतळाचा रनवे हा ९,२०० मीटरचा आहे. मोठ्या आकाराचे विमान औरंगाबादला उतरता येत नाही. हे ध्यानात घेता विमानतळ विस्तारीकरणासाठी १८२ एकर जागेचे भूसंपादन करा, असा प्रस्ताव विभागीय आयुक्त, जिल्हाधिकारी कार्यालय यांच्याकडे देण्यात आला होता. तो सरकारकडे पाठवण्यात आला. त्यानंतर या प्रस्तावावर गुरुवारी विशेष बैठक झाली. या बैठकीत विमानतळ विस्तारीकरणाच्या भूसंपादनासाठी एमआयडीसीने दोनशे कोटी रुपये द्यावेत, अशी सूचना मुख्यमंत्री देवेंद्र फडणवीस यांनी केली. यामुळे विमानतळ विस्तारीकरणाचा मार्ग मोकळा झाला आहे. विमानतळ विस्तारीकरणासाठी जालन्याकडील जागा ताब्यात घेण्यात येणार असल्याचे संकेत विमानतळ प्राधिकरणाच्या सूत्रांनी दिले होते. या प्रमाणेच हे काम होणार आहे. विमानतळाच्या पश्चिमेकडे साडेचार ते पाच एकर जागा ताब्यात घेण्याची शक्यताही विमानतळाच्या सूत्रांनी व्यक्त केली आहे.
टॅक्सी-वे होणार
मोठ्या आकाराची विमाने येथे येण्यासाठी मोठ्या धावपट्टीची गरज आहे. १८२ एकर जागा मिळाल्यास धावपट्टीची लांबी वाढविण्याबरोबर टॅक्सी-वे करण्यात येणार आहे, अशी माहिती विमानतळ प्राधिकरणाच्या सूत्रांनी दिली.

मोबाइल अॅप डाउनलोड करा आणि राहा अपडेट

---

‘आयसीटी’ शिक्षकांना कायम करण्याची मागणी

January 18, 2016, 1:30 pm

≫ Next: मुबारक बेगम यांना सभुची मदत

≪ Previous: औरंगाबाद विमानतळाचा विस्तार जालन्याच्या दिशेने

$

0

0

म. टा. प्रतिनिधी, औरंगाबाद
केंद्र सरकारच्या आयसीटी योजनेंतर्गत राज्यात कार्यरत असलेल्या शिक्षकांना सेवेत सामावून घेण्याच्या मागणीसाठी महाराष्ट्र सर्व श्रमिक संघाने सोमवारी जिल्हाधिकारी कार्यालयावर मोर्चा काढला.

क्रांतिचौकातून मोर्चाला सुरुवात करण्यात आली. सिल्लेखाना, पैठणगेट, गुलमंडी, सिटीचौक, किलेअर्कमार्गे मोर्चा जिल्हाधिकारी कार्यालयावर पोचला. यावेळी आंदोलकांनी जिल्हाधिकाऱ्यांना निवेदन दिले. केंद्र सरकारने २००८मध्ये आयसीटी (माहिती संप्रेषण व तंत्रज्ञान) योजना सुरू केली. राज्यात या योजनेच्या अंमलबजावणीसाठी कंपन्या नेमल्या. कंपन्यांनी शिक्षकांची दरमहा आठ हजार रुपये वेतनावर नियुक्त केली. या शिक्षकांना कायम स्वरुपी रोजगार द्यावा, अशी मागणीसाठी राज्यातील संगणक शिक्षकांनी आंदोलने केली. त्याचबरोबर नागपूर येथे हिवाळी अधिवेशनावर मोर्चाही काढला. राज्यात या शिक्षकांनी सुमारे १३ लाखांपेक्षा जास्त विद्यार्थ्यांना संगणक साक्षर केले.

पहिल्या टप्प्यात निवडलेल्या ५०० शाळांत प्रशिक्षण देण्याचे काम पूर्ण झाले आहे. त्यामुळे तेथील प्रयोगशाळा बंद आहेत. दुसऱ्या टप्प्यातील अडीच हजार शाळांचा प्रशिक्षण कालावधी या शैक्षणिक वर्षाच्या अखेरीला पूर्ण होत आहे. त्याचबरोबर तिसऱ्या टप्प्यातील पाच हजार शाळांत गेल्या दोन वर्षांपासून प्रशिक्षण सुरू आहे. पंजाब, बिहार, हरियाणा, राजस्थान, उत्तर प्रदेश, गोवा, सिक्कीम, हिमाचल प्रदेश आदी राज्यांनी आयसीटी शिक्षकांना सेवेत सामावून घेण्यासाठी पुढाकार घेतला आहे. त्याप्रमाणे महाराष्ट्रातही आयसीटी शिक्षकाना सरकारने सेवेत घ्यावे, अशी मागणी या निवेदनात केली आहे.

या मोर्चात जिल्हाध्यक्ष महेंद्र नरके, योगेश काथार, नारायण रिठे, जयमाला दखने, अस्लम सय्यद, राहुल वैष्णव, रवींद्र बाराहाते, दीपाली सूर्यवंशी, कल्पना अंबरकर आदींसह शिक्षक सहभागी झाले होते.

मोबाइल अॅप डाउनलोड करा आणि राहा अपडेट

मुबारक बेगम यांना सभुची मदत

January 18, 2016, 1:38 pm

≫ Next: मराठा आरक्षणासाठी क्रांतिचौकात निदर्शने

≪ Previous: ‘आयसीटी’ शिक्षकांना कायम करण्याची मागणी

$

0

0

म. टा. प्रतिनिधी, औरंगाबाद
प्रसिद्ध गायिका मुबारक बेगम यांची आर्थिक परिस्थिती अत्यंत हलाखीची आहे. एकेकाळी आपल्या गायकीच्या आणि यशाच्या सुवर्णशिखरावर विराजमान असलेली ही गायिका मदतीच्या प्रतिक्षेत आहे. बेगम यांची गरज ओळखून श्री सरस्वती भुवन शिक्षण संस्थेच्या वतीने ५१ हजार रुपयांची मदत नुकतीच प्रदान करण्यात आली. ही मदत पाहून बेगम यांच्या डोळ्यात आनंदाश्रू तरळले.
मुबारक बेगम यांनी ख्यातनाम संगीतकार खय्याम, नौशाद, शंकर-जयकिशन, मदनमोहन, लक्ष्मीकांत प्यारेलाल यांच्यासोबत काम केले. बेगम यांनी गायलेल्या गाण्यांवर सिनेतारका प्रसिद्धीच्या शिखरावर पोहचल्या. कधीकाळी यश अनुभवलेल्या मुबारक बेगम आज विपन्नावस्थेत आहेत. मुंबईच्या जोगेश्वरी (पश्चिम) येथे 'चिराग अपार्टमेंट' या इमारतीत त्या हलाखीचे जीवन कंठत आहेत. शासनाने दिलेला छोटा फ्लॅट आणि सोबतीला मुलगा व सून हेच त्यांचे जग आहे. 'देवदास', 'मधुमती', 'दायरा', 'हमराही' अशा गाजलेल्या अनेक चित्रपटात त्यांनी गायन केले. मुबारक बेगम यांची करूण कहाणी ऐकल्यानंतर स. भु. शिक्षण संस्थेचे अध्यक्ष प्रा. दिनकर बोरीकर, सरचिटणीस अॅड. दिनेश वकील, कोषाध्यक्ष रामकृष्ण जोशी, सहचिटणीस डॉ. श्रीरंग देशपांडे यांनी तत्काळ बैठक घेऊन बेगम यांना संस्थेच्या वतीने ५१ हजार रुपयांची मदत देण्याचा निर्णय़ घेतला. हा धनादेश घेऊन संगीत विभागप्रमुख डॉ. संजय मोहड आणि नाट्यशास्त्र विभागप्रमुख प्रा. किशोर शिरसाट यांनी मुबारक बेगम यांच्या जोगेश्वरी येथील घरी जाऊन धनादेश सुपूर्द केला.

मोबाइल अॅप डाउनलोड करा आणि राहा अपडेट

मराठा आरक्षणासाठी क्रांतिचौकात निदर्शने

January 18, 2016, 1:30 pm

≫ Next: गुरुमंत्र ः शेतकरी झाला उत्तम शिक्षक

≪ Previous: मुबारक बेगम यांना सभुची मदत

$

0

0

औरंगाबाद : मराठा आरक्षणाची तात्काळ अमंलबजाणी व्हावी, या मागणीसाठी महाराष्ट्र राज्य मराठा आरक्षण विद्यार्थी कृती समितीचे कार्यकर्ते दिल्ली येथे उपोषणास बसले आहेत. त्यांची शासनस्तरावरून दखल घेतली जात नसल्याने समितीतर्फे औरंगाबादमध्ये सोमवारी निदर्शने करण्यात आली.

समितीचे अध्यक्ष अविनाश खापे व त्यांचे सहकारी हे १५ जानेवारीपासून दिल्लीत उपोषण करीत आहेत. दोन उपोषणार्थींची प्रकृती खालावली आहे. शासनाने त्यांचीन दखल घेतली नसल्याचे क्रांतिचौकात निदर्शने करण्यात आली. आरक्षणाची तात्काळ अमंलबजावणी करावी, अशी मागणी यावेळी करण्यात आली. निदर्शकांनी सरकारच्या विरोधात घोषणाबाजी केली. यावेळी समितीचे शहराध्यक्ष पवन खडके, कार्याध्यक्ष वैभव बोडखे, ग्रामीण जिल्हाध्यक्ष भरत तांबारे, गोविंद सावंत, शुभम चौधरी, कृष्णा केंद्रे, धनंजय देशमुख, शुभम कळमकर आदी उपस्थित होते.

मोबाइल अॅप डाउनलोड करा आणि राहा अपडेट

गुरुमंत्र ः शेतकरी झाला उत्तम शिक्षक

January 18, 2016, 1:30 pm

≫ Next: ‘शिवरायांचे कार्य दिशादर्शक’

≪ Previous: मराठा आरक्षणासाठी क्रांतिचौकात निदर्शने

$

0

0

Ramchandra.Vaybhat@timesgroup.com
इंग्रजी म्हटले की मराठी माध्यमाच्या विद्यार्थ्यांच्या पोटात गोळा आलाच म्हणून समजा. फाडफाड इंग्रजी बोलणे लांबच, मात्र मला इंग्रजीत पास होता येईल काय? अशी काहीशी अवस्था आजही अनेक विद्यार्थ्यांची आहे, मात्र सिडकोतील ठाकरेनगरात भरणाऱ्या ज्ञानेश विद्यामंदिर शाळेतील विद्यार्थी याला अपवाद आहेत. त्यांना इंग्रजीचा लळा लागला आहे. विविध कार्यक्रमात जेव्हा चिमुकले जेव्हा इंग्रजीतून भाषण करतात, तेव्हा उच्चशिक्षितांनाही नवल वाटल्याशिवाय राहत नाही. याचे श्रेय शाळेतील शिक्षक नसले तरीही शिक्षक असलेले नंदू कुलकर्णी यांना जाते. शाळेतील विद्यार्थीच नव्हे तर शिक्षकांनाही ते इंग्रजीचे धडे देत आहेत.
.
लहानपणापासूनच इंग्रजीची आवड. शिक्षक होण्याची तीव्र इच्छा. मात्र, घरची परिस्थिती बेताची. शेतकरी कुटुंबात कसेबसे १२वी पर्यंत शिक्षण झाले, मात्र कुटुंबाच्या जबाबदाऱ्या पूर्ण करण्यासाठी कुलकर्णीसरांनी ३५ वर्षे शेती केली. त्यांचे शिक्षक होण्याचे स्वप्न ज्ञानेश विद्यामंदिरने पूर्ण करून दिले.

शाळेत आठवी ते दहावी या वर्गांना इंग्रजी शिकवणारे नंदू कुलकर्णी यांनी शिकवण्याचे कोणतेही शिक्षण-प्रशिक्षण घेतलेले नाही. केवळ वाचन, अभ्यास आणि शिकवण्यातील प्रामाणिकपणामुळे शाळेत कुलकर्णीसर विद्यार्थ्यांचे आवडते गुरुजी झाले आहेत.

शाळेत २०११पासून अध्यापन करीत असलेले कुलकर्णीसर हे विद्यार्थ्यांना यांत्रिकी भाषेत शिकवण्याऐवजी विविध उदाहरणे सांगून शिकवतात. विद्यार्थ्यांना समजेल अशा भाषेतून संवाद साधतात. यामुळे विद्यार्थ्यांच्या मनातून इंग्रजीची भीती निघून जाते. आपण काय शिकवतो हे विद्यार्थ्यांना विविध रुपांनी व्यक्त करून दाखवण्याचे कसब अंगी असलेल्या कुलकर्णीसरांचा वर्ग केव्हा संपतो हे विद्यार्थी अन् खुद्द कुलकर्णीसरांच्याही लक्षात येत नाही. पुढचा वर्ग घेण्यासाठी दुसऱ्या विषयाचे शिक्षक वर्गात येतात तेव्हाच कुलकर्णीसरांचा वर्ग त्या दिवसापुरता संपतो. सर वर्गाच्या बाहेर पडले तरी त्यांच्याभोवती विद्यार्थ्यांचा गराडा असतो.

शाळेत इंग्रजी विषय शिकवणारे इतर शिक्षक असल्यामुळे अभ्यासक्रम शिकवण्याची विभागणी करण्यात येते व कुलकर्णीसरांच्या वाट्याला जो अभ्यासक्रम येईल तो ते शिकवतात. दुसऱ्या दिवशी वर्गात काय शिकवायचे आहे, याचा अभ्यास आगोदर करायचा आणि दुसऱ्या दिवशी वर्गात विद्यार्थ्यांना आपल्या पद्धतीने शिकवायचे असा रोजचा क्रम ठरलेला. मुले कोणत्याही गोष्टीसाठी काल्पनिक विश्व तयार करतात व त्या विश्वाचा उपयोग शिकवण्यासाठी केल्यामुळे विद्या‌र्थ्यांना घोकमपट्टी न करता तो विषय समजतो. विद्यार्थ्यांना अभ्यासक्रमाप्रमाणे शिकवले तर, ते रोबो होतील, मात्र त्यांना निसर्गातील उदाहरणे, इतिहासातील प्रसंग, शिवाजी महाराजांचे चरित्र, गोष्टी आदींमधून समजून सांगितल्यास त्यांच्या लक्षात राहते. अभ्यासाचे हेच तंत्र लक्षात ठेवून इंग्रजी व्याकरण, कविता आदी गोष्टी शिकवण्यात आल्याने विषय मुलांना पक्का लक्षात राहतो व विद्यार्थ्यांना विषयाची गोडी निर्माण होते, असे कुलकर्णीसरांचे मत आहे.

इंग्रजी भाषेची भिती विद्यार्थ्यांच्या मनातून दूर व्हावी म्हणून कुलकर्णीसर आगळ्या पद्धतीने शिकवितात. निसर्गातील उदाहरणे, ऐतिहासिक प्रसंगांचे दाखले यांच्या मदतीने ते शब्दांचे अर्थ सोपे करून सांगतात. 'शिक्षक हा कलाकार असला पाहिजे. कविता विद्यार्थ्यांच्या मनात फुलली पाहिजे,' असे ते सांगतात. त्यांचे शिक्षण जेमतेम १२वीपर्यंत, पण ते विद्यार्थ्यांनाच नव्हे तर आता शिक्षकांनाही इंग्रजीचे धडे शिकवितात. त्यांच्या शिकविण्याच्या अनोख्या कलेमुळे गेल्या पाच वर्षांत शाळेचा इंग्रजी विषयाचा निकाल उंचावला आहे. उंचावलेला निकालच त्यांच्या अध्यापनकौशल्याची

पावती देतो.

शेतकरी ते शिक्षक...

विहामांडवा गावात शेती करीत असताना औरंगाबाद उच्च न्यायालयाचे न्यायमूर्ती अंबादास जोशी यांची शेती योगायोगाने कसण्यासाठी नंदू कुलकर्णी यांनी घेतली. शेतीसंबंधी चर्चा करण्यासाठी कुलकर्णी व अंबादास जोशी यांचे वारंवार इंग्रजीतून संभाषण होत असे. जोशी यांनी कुलकर्णीसरांना स्पोकन इंग्लिशचे क्लासेस घेण्याचा सल्ला दिला. येथूनच नंदू कुलकर्णी यांचा शिक्षक जीवनाचा प्रवास सुरू झाला. योगायोगाने ज्ञानेश विद्यामंदिर शाळेतील काही विद्यार्थी त्यांच्या स्पोकन क्लासला जाऊ लागले. त्यांचा इंग्रजी विषय पक्का होऊ लागला. शाळेतील शिक्षकांना ही बाब कळाल्यानंतर शाळेचे मुख्याध्यापक रामनाथ पंडुरे व संस्थेचे अध्यक्ष शैलेंद्र विटोरे यांनी नंदू कुलकर्णी यांच्याकडे जावून शाळेतील ९वी व १०वीच्या विद्यार्थ्यांना मानधनावार मार्गदर्शन करण्याची विनंती केली. शाळेत शिकवण्यास सुरुवात झाल्यानंतर अवघ्या काही दिवसांतच ज्ञानेश विद्या मंदिरच्या विद्यार्थ्यांचे कुलकर्णीसर आवडते शिक्षक झाले. नाममात्र मानधनावर ते या शाळेत ठराविक वेळ शिकवतात. विद्यार्थ्यांच्या शंकांचे निरसन करतात. त्यामुळे शाळेचा इंग्रजीचा निकाल वधारला आहे.

मोबाइल अॅप डाउनलोड करा आणि राहा अपडेट

‘शिवरायांचे कार्य दिशादर्शक’

January 18, 2016, 1:44 pm

≫ Next: प्रेरणा राज्य शिबिरास सुरुवात

≪ Previous: गुरुमंत्र ः शेतकरी झाला उत्तम शिक्षक

$

0

0

म. टा. प्रतिनिधी, औरंगाबाद
'पारतंत्र्यांच्या अंधारातून बाहेर पडण्यासाठी आणि स्वातंत्र्याची गुढी पुन्हा उभारण्यासाठी छत्रपती शिवाजी महाराज यांनी कार्य केले. शिवरायांसमोर शंभरदा नतमस्तक झालो तरी कमी आहे. या राजाची थोरवी अजूनही दिशादर्शक आहे,' असे प्रतिपादन प्रसिद्ध शिवशाहीर विजय तनपुरे यांनी केले. 'शिवायण' या संगीत चरित्र कथा कार्यक्रमात ते बोलत होते.
शिवसेनाप्रमुख बाळासाहेब ठाकरे यांच्या जन्मदिनानिमित्त हडकोतील टीव्ही सेंटर मैदानावर 'शिवायण' कार्यक्रम आयोजित करण्यात आला आहे. छत्रपती शिवाजी महाराजांवरील या संगीत चरित्र कथा कार्यक्रमाचे सोमवारी सायंकाळी उदघाटन करण्यात आले. यावेळी व्यासपीठावर खासदार चंद्रकांत खैरे, महापौर त्र्यंबक तुपे, शिवसेना जिल्हाप्रमुख अंबादास दानवे, शहरप्रमुख राजू वैद्य, संतोष जेजुरकर, बाळासाहेब थोरात, बप्पा दळवी, नंदकुमार घोडेले, बंडू ओक आदी उपस्थित होते. शिवशाहीर तनपुरे यांच्या संगीत शिवचरित्र कथेची उत्सुकता असल्यामुळे नागरिकांनी पहिल्याच दिवशी गर्दी केली. 'आइए महाराज विराजीये' या गीताने शिवायण सुरू झाले. यावेळी तनपुरे म्हणाले, 'शिवरायांना हिंदवी स्वराज्य उभारणीची प्रेरणा मिळण्याची वेगवेगळी कारणे आहेत. त्यांच्या जन्मापूर्वी चारशे वर्षे मोगलांचे राज्य होते. १२९४ मध्ये देवगिरी पडली आणि राजा रामदेवराय शरण आला. या लढाईत अलाउद्दीन खिलजीने प्रचंड लूट केली. पुढील काळात चार शाह्यांनी जनतेवर प्रचंड अत्याचार केला. या सगळ्या वातावरणात शिवरायांचा जन्म झाला. मुलखातील परिस्थिती त्यांना प्रेरणा देणारी ठरली'. दरम्यान, विविध संतांचे अभंग, गीत आणि निरूपण अशा सुश्राव्य पद्धतीने 'शिवायण' रंगले. काही प्रसंग अतिशय उत्कट होताच उपस्थितांमधून 'छत्रपती शिवाजी महाराज की जय' असा जयघोष निनादला. रविवार, २४ जानेवारीपर्यंत दररोज सायंकाळी सात वाजता 'शिवायण' सादर होणार आहे.

मोबाइल अॅप डाउनलोड करा आणि राहा अपडेट

प्रेरणा राज्य शिबिरास सुरुवात

January 18, 2016, 1:30 pm

≫ Next: तासिका तत्त्वावरील प्राध्यापक अडचणीत

≪ Previous: ‘शिवरायांचे कार्य दिशादर्शक’

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठात सोमवारी राज्यस्तरीय प्रेरणा नेतृत्व गुण विकास शिबिरास सुरुवात झाली. राज्यातील २० विद्यापीठांतील दीडशे स्वयंसेवक शिबिरात सहभागी झाले आहेत. शिबिरात पर्यटन, अंधश्रद्धा निर्मूलन आदी विषयांवर विद्यार्थ्यांना मार्गदर्शन केले जाणार आहे.

कॉलेजामध्ये राष्ट्रीय सेवा योजनेतर्फे विविध उपक्रम राबविले जातात. नेतृत्त्व गुण विकसित व्हावेत म्हणून, या योजनेत काम करणाऱ्या स्वयंसेवकांना प्रशिक्षण देण्यात येते. त्यासाठी राज्यस्तरावर प्रेरणा नेतृत्व गुण विकास शिबिर आयोजित करण्यात आले आहे. २२ जानेवारीपर्यंत हे शिबिर चालणार आहे. प्रसिद्ध विचारवंत श्रीमंत कोकाटे यांच्या हस्ते शिबिराचे उद्घाटन झाले. अध्यक्षस्थानी कुलगुरू डॉ. बी. ए. चोपडे यांची उपस्थिती होती. यासह राष्ट्रीय सेवा योजनेचे राज्यसंपर्क अधिकारी डॉ. अतुल साळुंके, संयोजक डॉ. राजेश करपे यांची प्रमुख उपस्थिती होती. कोकाटे यांनी, सध्याच्या नेतृत्वावर टिका केली. उपजत गुणवत्ता असणाऱ्यांपेक्षाही आज लादलेले नेतृत्व स्वीकारावे लागते आहे. तरुणांनी मन, मनगट व मेंदूच्या बळावर जीवनाची जडण-घडण करावी. संपूर्ण देशात पुरोगामी व परिवर्तनवादी विचारधारा रुजविण्याचे काम महाराष्ट्राने केले आहे. आज महाराष्ट्राला समतावादी नेतृत्वाची गरज अाहे.

डॉ. साळुंके म्हणाले,'राष्ट्रीय सेवा योजना ही सामाजिक सेवेच्या माध्यमातून व्यक्तिमत्व विकासाची जडणघडण करणारी प्रयोगशाळा आहे.' कुलगुरू डॉ. बी. ए. चोपडे यांनीही यावेळी मार्गदर्शन केले. डॉ. समाधान इंगळे यांनी सूत्रसंचालन केले. डॉ. शरद गावंडे यांनी आभार मानले.

मोबाइल अॅप डाउनलोड करा आणि राहा अपडेट

तासिका तत्त्वावरील प्राध्यापक अडचणीत

January 18, 2016, 1:30 pm

≫ Next: रामच्या अवयवदानात भूलतज्ज्ञांची शर्थ

≪ Previous: प्रेरणा राज्य शिबिरास सुरुवात

$

0

0

औरंगाबाद : डॉ. बाबासाहेब आंबेडकर मराठवाडा विद्यापीठांतंर्गत तासिका तत्त्वारील एक हजार प्राध्यापकांचे पगार रखडले आहेत. कॉलेजांनी हे प्रस्तावच न पाठविल्यामुळे शिक्षक पगारापासून वंचित आहेत. अशा २३ कॉलेजांच्या प्राचार्यांना सहसंचालकांनी पत्र पाठवून कारवाईचा इशारा दिला. अनुदानित कॉलेजांमधील तासिका तत्त्वावरील प्राध्यापकांचे पगार रखडण्याचे प्रकार अनेकदा समोर येतात. विद्यापीठांतंर्गत औरंगाबादसह बीड, उस्मनाबाद, जालना जिल्ह्यांतील अशा शिक्षकांचे पगार रखडलेले आहेत. अनुदानित कॉलेजांची संख्या ११५ आहे. त्यात तासिका तत्त्वावर शिकविणाऱ्या शिक्षकांची संख्या सुमारे तीन हजार आहे. यातील एक हजार शिक्षकांचे प्रस्तावच कॉलेजांकडून न आल्याने त्यांच्या पगाराचा प्रश्न समोर आला. हे शिक्षक चार जिल्ह्यांतील २३ कॉलेजांमधील आहेत. अशा कॉलेजांच्या प्राचार्यांना याबाबत उच्चशिक्षण सहसंचालकांनी पत्र पाठवित प्रस्ताव तात्काळ पाठविण्याच्या सूचना केल्या आहेत.

मोबाइल अॅप डाउनलोड करा आणि राहा अपडेट

---

रामच्या अवयवदानात भूलतज्ज्ञांची शर्थ

January 18, 2016, 1:41 pm

≫ Next: सफाई कर्मचाऱ्यांना मंजूर कर्ज मिळेना

≪ Previous: तासिका तत्त्वावरील प्राध्यापक अडचणीत

$

0

0

म. टा. प्रतिनिधी, औरंगाबाद
राम मगर या 'ब्रेन डेड' युवकाच्या अवयवदानासाठी भूलतज्ज्ञांच्या टीमने आपले सगळे कौशल्य पणाला लावले. या तरुणाचे अवयव चांगले राहण्यासाठी भूलतज्ज्ञांनी शब्दशः शर्थ लढविली आणि त्यामुळेच यशस्वी अवयवदान होऊ शकले. रामच्या शरीरातील पाणी, प्राणवायू, रक्तशर्करेसह रक्तदाब, हृदयाची गती व इतर असंख्य घटकांचे संतुलन राखल्यामुळे अवयव चांगल्या स्थितीत काढता आले आणि थेट मुंबईपर्यंत नेऊन त्यांचे पहिल्यांदाच यशस्वी रोपण करता आले. यामध्ये अनन्यसाधारण भूमिका पार पाडली ती 'ओझोन' या भूलतज्ज्ञांच्या ग्रुपमधील तीन भूलतज्ज्ञांनी.
रामला 'ब्रेन डेड' (वैद्यकीयदृष्ट्या मृत) जाहीर केले. त्याच्या अवयवदानाचा निर्णय झाल्यानंतर त्याला एमआयटी व नंतर युनायटेड सिग्मा हॉस्पिटलमध्ये अखंडपणे व्हेंटिलेटरवर ठेवण्यात येऊन अवयव काढण्याची शस्त्रक्रिया होईपर्यंत त्याची एकूण शरीरसंस्था चांगल्या स्थितीत ठेवण्यासाठी क्षणाक्षणाला झटावे लागले. हे काम केले 'ओझोन'चे भूलतज्ज्ञ डॉ. प्रमोद अपसिंगेकर, डॉ. सुजित खाडे व डॉ. बालाजी आसेगावकर यांनी. या संदर्भात डॉ. अपसिंगेकर 'मटा'शी बोलताना म्हणाले, 'संबंधित रुग्ण 'ब्रेन डेड' झाल्यानंतर त्याचा रक्तदाब, हृदयाची गती कमी व्हायला सुरुवात होते. श्वासोच्छवास थांबतो व परिणामी फुफ्फसाचे कार्य थांबते. त्याआधीच संबंधित 'ब्रेन डेड' व्यक्तीला कृत्रिम श्वासोच्छवासासाठी ताताडीने व्हेंटिलेटरवर घ्यावे लागते. तोंडातून विविध नळ्या टाकून वेगवेगळ्या औषधांद्वारे रक्तदाब व हृदयाची गती नियंत्रणात ठेवण्यासाठी प्रयत्न केला जातो आणि तो नियंत्रित राहत आहे किंवा नाही, याची प्रत्येक मिनिटाला पडताळणी केली जाते. 'ब्रेन डेड' झाल्यानंतर शरीरातील पाण्याचे व प्राणवायूचे प्रमाण खूप कमी होते. शरीराचे तापमान घटत जाते. त्यासाठीच संबंधित 'ब्रेन डेड' व्यक्तीला 'आयव्ही फ्लुईड्स' द्यावे लागतात. हृदयाचे किमान पंपिग सुरळीत ठेवण्यासाठी कटाक्षाने प्रयत्न केला जातो आणि सोनोग्राफी, टू-डी इकोद्वारे तपासणी केली जाते. शरीरातील सोडियमचे प्रमाण १५० पेक्षा वाढणार नाही, पोटॅशियमचे प्रमाण ३.५ पेक्षा कमी होणार नाही, रक्तशर्करा वाढणार नाही, याचे मॉनिटरिंग आवश्यक ठरते. हे प्रमाण अपेक्षेपेक्षा कमी-जास्त झाले तर अवयवांचे आयुष्य कमी होते किंवा प्रत्यारोपण यशस्वी होऊ शकत नाही. साहजिकच 'ब्रेन डेड' व्यक्तीच्या यशस्वी अवयवदानासाठी त्याचे रक्ताभिसरणाचे कार्य व्यवस्थित सुरू ठेवण्यासाठी प्रत्येक मिनिटा-मिनिटाला डोळ्यात तेल घालून लक्ष द्यावे लागते,' असेही डॉ. खाडे, डॉ. भिसेगावकर यांनी सांगितले.
शस्त्रक्रियेवेळी लागला कस
'ब्रेन डेड' व्यक्तीचे विविध अवयव काढण्यासाठी जी शस्त्रक्रिया केली जाते, त्यावेळी भूलतज्ज्ञांचा कस लागतो. मुळात अशी शस्त्रक्रिया करताना 'ब्रेन डेड' व्यक्तीच्या शरीरामध्ये असंख्य बदल खूप जास्त झपाट्याने होतात आणि त्यामुळेच शरीराअंतर्गत रक्तपुरवठा सुव्यवस्थित ठेऊन शरीर यंत्रणा शाबूत ठेवण्यासाठी कसरत करावी लागते. मध्यरात्री सव्वादोन ते सव्वापाच या तीन तासात ही शस्त्रक्रिया झाली आणि एकाचवेळी तिन्ही अवयव काढण्यात आले. हे अवयव काढून शून्य अंश तापमानात व वेगवेगळ्या द्रवांमध्ये व चक्क बर्फात ठेवले जातात, असेही त्यांनी सांगितले.

मोबाइल अॅप डाउनलोड करा आणि राहा अपडेट

सफाई कर्मचाऱ्यांना मंजूर कर्ज मिळेना

January 18, 2016, 1:42 pm

≫ Next: कमी किमतीतील पाच हजार घरे उभारणार

≪ Previous: रामच्या अवयवदानात भूलतज्ज्ञांची शर्थ

$

0

0

म. टा. प्रतिनिधी, औरंगाबाद
महात्मा फुले मागासवर्ग विकास महामंडळाच्या मायक्रो फायनान्स योजनेत सफाई कर्मचाऱ्यांना मंजूर झालेल्या कर्जाचे वाटप एक वर्षानंतरही झालेले नाही. पाठपुरावा करूनही याबाबत अधिकाऱ्यांकडून समाधानकारक उत्तर मिळत नसल्याने लाभार्थ्यांनी तीव्र नाराजी व्यक्त करत याप्रकरणाची सखोल चौकशी करावी, अशी मागणी केली आहे.
दिल्लीतील 'एनएसकेएफडीसी'कडून सफाई कामगार व त्यांच्यावर अवलंबून असलेल्या कुटुंबीयांचे पुनर्वसन करण्याकरीता अर्थसहाय्य देण्यात येते. यात मायक्रो एमएसवाय-एमसीएफ योजनेंतर्गत कर्ज पुरवठ्यासाठी जिल्ह्यातील सफाई कामगारांकडून महात्मा फुले मागासवर्ग विकास महामंडळाने अर्ज मागविले होते. त्यानुसार लाभार्थ्यांनी जून २०१३मध्ये अर्जासह आवश्यक ती सर्व कागदपत्रे येथील जिल्हा कार्यालयाकडे सादर केली. मुंबई येथील महामंडळाच्या मुख्य कार्यालयाच्या आदेशाने लकी ड्राॅ काढण्यात आला. कर्ज मिळताच किराणा दुकान, मिरची कांडप, पापड मशीन आदी व्यवसाय सुरू करता येईल, दोन पैसे मिळतील, अशी आशा लाभार्थ्यांना होती, पण सर्व प्रक्रिया करूनही २०पैकी एकाही लाभार्थ्यास अद्यापही कर्ज मिळाले नसल्याची धक्कादायक बाब समोर आली आहे. कर्ज वितरणाची तात्काळ कारवाई करावी, असे आदेशही एप्रिल २०१४मध्ये प्रादेशिक व्यवस्थापक के. पी. जुमडे यांनी जिल्हा व्यवस्थापकांना दिले होते, पण त्यानंतरही कोणतीच कारवाई झालेली नाही, असा आरोप भारतीय वाल्मिक समाज युवा मोर्चाचे शहराध्यक्ष विशाल चावरिया यांनी केला. वारंवार पाठपुरावा करूनही महामंडळाचे अधिकारी समाधानकारक उत्तर देत नाहीत, अर्जाची सोडत काढली तेव्हा महामंडळाकडे निधी होता व नंतर नाही, असे कसे म्हणता येईल, असे चावरियांनी सांगत या प्रकरणाची सखोल चौकशी करावी, लाभार्थ्यांना तातडीने न्याय मिळावा, अशी मागणी केली. दरम्यान, वरिष्ठ कार्यालयातून निधी प्राप्त न झाल्याने कर्ज वितरित करता आले नाही, अशी माहिती जिल्हा व्यवस्थापक एल. डी. चव्हाण यांनी दिली.

मोबाइल अॅप डाउनलोड करा आणि राहा अपडेट

कमी किमतीतील पाच हजार घरे उभारणार

January 18, 2016, 1:30 pm

≫ Next: मर्सिडीज बेंझला ग्राहक मंचाचा दणका

≪ Previous: सफाई कर्मचाऱ्यांना मंजूर कर्ज मिळेना

$

0

0

म. टा. प्रतिनिधी, औरंगाबाद
'सर्वांसाठी घर' योजनेअंतर्गत औरंगाबादमध्ये येत्या काळात पाच हजारांवर घरांचे बांधकाम केले जाण्याची शक्यता आहे. त्या अनुषंगाने शासनाने महापालिकेकडून एक एप्रिलपर्यंत अहवाल मागवला आहे.

सर्वांसाठी घर (हाउसिंग फॉर ऑल) ही योजना केंद्र व राज्य सरकारच्या माध्यमातून प्रत्येक महापालिकेच्या क्षेत्रात राबवली जाणार आहे. त्यासाठी शनिवारी मुंबईत नगरविकास खात्याच्या अधिकाऱ्यांबरोबर बैठक झाली. बैठकीला महापालिकेच्या अधिकाऱ्यांनाही पाचारण केले होते.

'सर्वांसाठी घर' ही योजना कशी राबवता येईल, घराचे क्षेत्रफळ किती असावे, त्यासाठी कोणती जागा निवडावी या बद्दल प्राथमिक चर्चा या बैठकीत करण्यात आली. प्रत्येक महापालिकेने त्यांच्या क्षेत्रात ही योजना कशा प्रकारे राबवता येईल, या बद्दल १ फेब्रुवारी पर्यंत अहवाल द्यावा, सर्व अहवाल एकत्रित करून त्यानंतर योजनेची आखणी केली जाईल, असे स्पष्ट करण्यात आले. त्यानुसार महापालिकेत अहवाल तयार करण्याचे काम हाती घेण्यात आले आहे. केंद्र व राज्य सरकारच्या या महत्त्वाकांक्षी योजनेमुळे कष्टकरी, कामगारांना औरंगाबादमध्ये घर घेणे सहज शक्य होणार आहे.

मोबाइल अॅप डाउनलोड करा आणि राहा अपडेट

मर्सिडीज बेंझला ग्राहक मंचाचा दणका

January 17, 2016, 1:30 pm

≫ Next: छावणी होतेय ‘टेक्नोसॅव्ही’

≪ Previous: कमी किमतीतील पाच हजार घरे उभारणार

$

0

0

म. टा. विशेष प्रतिनिधी, औरंगाबाद

एकाचवेळी दीडशे मर्सिडीज बेंझ कार खरेदी करण्यात आल्याचे बिरूद मिरविणाऱ्या औरंगाबाद शहरातील एका ग्राहकाने केवळ ११ महिन्यांत कारच्या चाकांचा चुराडा झाल्याची तक्रार औरंगाबाद जिल्हा ग्राहक मंचात केली. ती मंजूर झाली आहे. कारमध्ये उत्पादनातील दोष असल्याचे मत व्यक्त करून तक्रारदाराने चाके बदलण्यासाठी दिलेले पावणेदोन लाख रुपये ९ टक्के व्याजाने परत करण्याचे आदेश मंचाने मर्सिडीज बेंझ इंडिया व पुण्यातील बी. यू. भंडारी लिमिटेड यांना दिले आहेत.

ऑटोमोटिव्ह क्षेत्रात वरिष्ठ पदावर कार्यरत मकरंद देशपांडे यांनी पुणे जिल्ह्यातील मुळशी येथील बी. यू. भंडारी मोटर्समधून मर्सिडीज बेंझ कार (८५८ मॉडेल-ई २२०सीडीआय) ४२ लाखांत खरेदी केली. औरंगाबाद शहरात धावत असताना अचानकपणे चारही चाके वेडीवाकडी झाल्याचे देशपांडे यांनी तक्रार अर्जात नमूद केले होते. कारच्या टायरमधून बुडबुडे येत होते. कंपनीच्या वर्कशॉपमधून कारचे अलॉय व्हील नादुरुस्त झाल्याचे सांगण्यात आले. भंडारी मोटर्सकडे चाकांची तक्रार करण्यात आली, मात्र कंपनीने ही आपली जबाबदारीच नसल्याचे सांगून चक्क हात वर केले. इन्शुरन्स कंपनीनेही अलॉय व्हील्सचा इन्शुरन्समध्ये समावेश होत नसल्याचे स्पष्ट केले. या प्रकारच्या त्रासाबद्दल देशपांडे यांनी १ एप्रिल २०१४ रोजी ग्राहक मंचात दाद मागितली.

ही तक्रार मंचाच्या कार्यक्षेत्राबाहेरची आहे. अर्जदाराची तक्रार चाकांबाबत आहे. त्यांनी टायर पुरविणाऱ्या कंपनीस प्रतिवादी करणे आवश्यक आहे. टायरचे उत्पादन कंपनी करत नाही. अर्जदाराने निष्काळजीपणाने कार चालविली. ही तक्रार खारीज करावी, अशी लेखी विनंती मर्सिडीज बेंझ इंडियाने केली. भंडारी मोटर्सनेही मंचात कंपनीप्रमाणेच उत्तर दाखल केले.

तक्रारदारास एक वर्षाच्या आत चाके बदलावी लागली. त्यासाठी १ लाख ७५ हजार १३७ इतकी रक्कम कंपनीला मोजावी लागली. तक्रारदाराने तज्ज्ञाचे म्हणणे मंचात सादर केले. चाकांमधील उत्पादनदोषामुळे कारची चाके नादुरुस्त झाली असण्याची शक्यता नाकारता येत नाही. मंचाने तक्रारदारास १ लाख ७५ हजार १३७ रुपये ९ टक्के व्याज दराने देण्याचे आदेश अध्यक्ष के. एन. तुंगार, सदस्य संध्या बारलिंगे व किरण ठोले यांनी प्रतिवादी कंपनी व मोटर्सला दिले. कंपनी बी. यू. भंडारी मोटर्स यांनी तक्रारदारास झालेल्या मानसिक त्रासापोटी १० हजार तर, तक्रारीच्या खर्चाचे ५ हजार रुपये देण्याचे निर्देश मंचाने दिले.

कंपनीचाच दोष व त्रुटी

कारमध्ये निर्माण झालेला दोष टायरशी संबधित असला तरी कंपनीच त्यासाठी जबाबदार असल्याचे मंचाने म्हटले आहे. कंपनीने तांत्रिक कारण दाखवून चाके बदलल्याची रक्कम घेतली आहे. त्यांनी सेवेमध्ये त्रुटी दिली आहे. सामान्य स्थितीत कार चालविताना कारची चाके नादुरुस्त झाली होती. हा कारमधील उत्पादनीय दोष आहे, असे मत मंचाने व्यक्त केले.

मोबाइल अॅप डाउनलोड करा आणि राहा अपडेट

छावणी होतेय ‘टेक्नोसॅव्ही’

January 19, 2016, 1:37 pm

≫ Next: सुभेदारीतील कर्मचाऱ्यांना सेवेत घ्या

≪ Previous: मर्सिडीज बेंझला ग्राहक मंचाचा दणका

$

0

0

Dhananjay.Kulkarni
@timesgroup
म. टा. प्रतिनिधी, औरंगाबाद
छावणीचा विकास वेगात व्हावा यासाठी प्रशासनाने 'टेक्नोसॅव्ही' होण्यावर भर दिला आहे. या कामासाठी प्रशासनाची तांत्रिक टीम अव्वल ठरत असून त्यांनी वेबसाइट, फेसबूक पेज, ट्विटर हॅंडल अप-टू-डेट करण्यावर भर दिला आहे.
प्रशासकीय बाबींच्या विविध कामांत गती यावी, प्रशासन पारदर्शक व्हावे म्हणून ऑनलाइन पद्धतीने कार्य सुरू झाले आहे. प्रशासनाने यासाठी विशेष टीम ठेवली आहे. ट्विटर हँडल तयार करून त्याद्वारे मेसेज देणे, कामाचा अहवाल देणे, दैनंदिन म‌ाहिती देणे सुरू केले आहे. याशिवाय वेबसाइट सुरू करून त्यात दैनंदिन प्रोसिडिंग अपलोड केले जात आहे. विविध विकास कामांची माहिती, उपाययोजना, फिडबॅकद्वारे लोकांचा सहभाग नोंदवला जात आहे. छावणीतील तरुणाईला उद्देशून फेसबूक पेज तयार करण्यात आले आहे. या पेजवर विकास कामांचे फोटो, माहिती आणि इतर समस्यांच्या व तक्रारींचा पाढाही वाचला जात आहे. टॅक्स, जन्म-मृत्यू आणि इतर प्रमाणपत्रे देण्याचे काम आता ऑनलाइन पद्धतीने सुरू होत आहे. यामुळे कामात सुसूत्रता येणार असून, नागरिकांनाही त्याचा उपयोग होणार आहे.
या उपक्रमाबाबत कार्यकारी अधिकारी पूजा पलिचा म्हणाल्या, 'वेबसाइट रोज अपडेट केली जात आहे. ट्विटरवर माहिती दिली जात आहे. ट्विट अॅक्टिव्हिटी शेकडोच्या घरात आहे. फेसबुकवर हजारो लाइक मिळत असून, वेबसाइटला किमान १०० जण रोज व्हिजिट करत आहेत. यामुळे याचा हेतू हळूहळू सफल होत आहे. आगामी काळात निविदा आणि इतर प्रशासकीय कामेही ऑनलाइन करण्याचा विचार आहे. याशिवाय विकिपिडियावर छावणीचे पेज तयार केले आहे. स्वच्छता अभियान, सामाजिक कामे, विकास कामे आणि प्रशासकीय कामे साध्य करण्यासाठी विविध मोहिमा राबवण्यात येत आहेत. याच अनुषंगाने २४ जानेवारीला मॅरेथॉन होत आहे. याची नोंदणी, वेबसाइट आणि इतर टेक्नॉलॉजीच्या माध्यमातूनच करणार आहोत,' असे पलिचा म्हणाल्या.
...इथे करा क्लिक!
छावणी फेसबूक पेज https://m.facebook.com/aurangabad-cantonment-Board
छावणी वेबसाइट www.cbaurangabad.in
छावणीचे विकिपिडिया पेज https://en.wikipedia.org/wikiAurangabad_Cantonment

मोबाइल अॅप डाउनलोड करा आणि राहा अपडेट

सुभेदारीतील कर्मचाऱ्यांना सेवेत घ्या

January 19, 2016, 2:39 pm

≫ Next: पुनर्रोपण दूरच; महामार्गावर प्राचीन वटवृक्षांची राख

≪ Previous: छावणी होतेय ‘टेक्नोसॅव्ही’

$

0

0

म. टा. विशेष प्रतिनिधी, औरंगाबाद
सार्वजनिक बांधकाम विभागाच्या कार्यकारी अभियंत्यांनी पाठविलेल्या प्रस्तावानुसार शासकीय सुभेदारी विश्रामगृहात कार्यरत असलेल्या याचिकाकर्त्या कर्मचाऱ्यांना सेवेत सामावून घेण्याबाबत सहा महिन्यांच्या आत निर्णय घ्यावा. त्यानंतर सहा आठवड्यात याचिकाकर्त्यांना शासनाचा निर्णय कळवावा, असा आदेश मुंबई हायकोर्टाच्या औरंगाबाद खंडपीठाचे न्या. रवींद्र घुगे यांनी राज्य शासनास दिला आहे.
याचिकाकर्ता बिपीन छबुराव पाटोळे व इतर २० कर्मचारी हे १९९४-९५ पासून शासकीय सुभेदारी विश्रामगृह येथे काम करीत आहेत. गेली वीस वर्षे सेवेत असूनही त्यांना सेवेत कायम करण्यात आले नाही, म्हणून त्यांनी २००८ मध्ये औद्योगिक कोर्टात तक्रार दाखल केली होती. याचिकाकर्त्यांनी आतापर्यंतच्या सेवा काळात दरवर्षी २४० दिवस सलग सेवा पूर्ण केलेली आहे, परंतु त्यांना कायमस्वरुपी सेवेत सामावून घेतले नाही किंवा कायम स्वरुपी सेवेचे लाभ दिले नाहीत. त्यांना कायमस्वरुपी सेवेत सामावून सर्व लाभ देण्याची विनंती केली होती. मात्र, औद्योगिक कोर्टाने त्यांची तक्रार फेटाळून लावली होती. औद्योगिक कोर्टाच्या निर्णयाविरोधात बिपीन पाटोळे व इतर वीस जणांनी औरंगाबाद खंडपीठात याचिका दाखल केली होती. ही याचिका प्रलंबित असताना कार्यकारी अभियंता यांनी शासनाशी पत्रव्यवहार केला. त्यानुसार शासनाने सुभेदारी विश्रामगृहात काम करणाऱ्या कामगारांची यादी मागविली होती. त्या यादीनुसार शासनाने १ ऑक्टोबर २०१२ रोजी विश्रामगृहातील कामगारांच्या पदांना मंजुरी दिली होती. याबाबी लक्षात घेवून खंडपीठाने मुख्य कार्यकारी अभियंत्यांच्या ३ मार्च २०१५ रोजीचे पत्र आणि २४ जून २०१५ रोजी पाठविलेल्या प्रस्तावावर शासनाने सहा महिन्यात निर्णय घेण्याचा आदेश दिला. या प्रकरणात याचिकाकर्त्यांतर्फे विजय पी. लटंगे यांनी काम पाहिले, त्यांना व्ही. बी. पाटील आणि खोंडे यांनी सहकार्य केले. शासनातर्फे व्ही. जी. शेळके यांनी काम पाहिले.

मोबाइल अॅप डाउनलोड करा आणि राहा अपडेट

पुनर्रोपण दूरच; महामार्गावर प्राचीन वटवृक्षांची राख

January 19, 2016, 1:30 pm

≫ Next: एसटीच्या ताफ्यात ५०० नवीन बस

≪ Previous: सुभेदारीतील कर्मचाऱ्यांना सेवेत घ्या

$

0

0

म. टा. प्रतिनिधी, औरंगाबाद
राष्ट्रीय महामार्ग रुंदीकरणाचे काम नगर नाका ते वेरूळदरम्यान सुरू आहे. रस्त्याच्या दुतर्फा असलेल्या जुन्या झाडांचे जतन करण्याचे आदेश विभागीय आयुक्तांनी महिनाभरापूर्वी दिले; मात्र सार्वजनिक बांधकाम विभागाच्या दुर्लक्षामुळे सर्रास वृक्षतोड सुरू आहे. झाडाच्या गाभ्यात अॅसिड टाकणे, साल काढणे व झाड जाळणे असे गैरप्रकार वाढले आहेत. पडेगाव परिसरात दोन दिवसांपूर्वी वडाचे मोठे झाड जाळण्यात आले. या प्रकरणाची प्रशासनाने गंभीर दखल घेतली नसल्याने पर्यावरण संस्था संतापल्या आहेत.

पडेगाव परिसरातील फौजी ढाब्याजवळील जुने वडाचे झाड जाळून जमीनदोस्त केल्याचा प्रकार दोन दिवसांपूर्वी उघडकीस आला. काही दिवसांपासून झाडाच्या गाभ्यात आग लावून हा प्रकार करण्यात आला. हा प्रकार कुणी केला याची माहिती समजली नाही; मात्र, परिसरातील व्यावसायिकांनी हा प्रकार केल्याची शक्यता बळावली आहे. मागील काही महिन्यांपासून राष्ट्रीय महामार्गालगतची वडाची झाडे तोडण्याचा सपाटा सुरू आहे. झाडाच्या गाभ्यात अॅसिड टाकणे, झाडाची साल काढणे आणि आग लावून झाड जमीनदोस्त करण्यात येत आहे. हा प्रकार लवकर उघडकीस येत नाही आणि चार दिवसात झाड कोसळते. पडेगाव परिसरातील झाड याच पद्धतीने पाडण्यात आले. याबाबत 'वुई फॉर एन्व्हॉरमेंट'च्या मेघना बडजाते यांनी विभागीय आयुक्त, सार्वजनिक बांधकाम विभाग आणि जिल्हाधिकारी कार्यालयाला माहिती दिली. महामार्गालगत झाडांचे जतन करण्याची जबाबदारी सार्वजनिक बांधकाम विभागाची आहे; मात्र विभागाने कारवाई केली नाही. राष्ट्रीय महामार्ग (क्रमांक २११) रुंदीकरणात वृक्षतोड झाली आहे. या झाडांचे रक्षण करण्याची मागणी पर्यावरण संस्थांनी केली होती. त्यानुसार विभागीय आयुक्त व जिल्हाधिकाऱ्यांनी डिसेंबर महिन्यात आदेश दिले. रस्त्याचे बळकटीकरण व रुंदीकरणाच्या कामात शंभर ते दीडशे वर्षे वयाच्या झाडांचे जतन करण्याची सूचना होती. झाडांना हानी होईल, असे काम करू नये, अशी स्पष्ट सूचना आहे. सार्वजनिक बांधकाम विभागाने नगर नाका ते वेरूळ महामार्गावरील झाडांना ठळक क्रमांक देऊन 'संरक्षित वृक्ष' अशी पाटी लावण्याची सूचना आयुक्तांनी

केली होती. प्रत्यक्ष सूचनांची अंमलबजावणी झाली नसल्याने झाडांचे अस्तित्व धोक्यात आले आहे. याबाबत राष्ट्रीय महामार्ग प्राधिकरणचे प्रकल्प संचालक बी. यू. चामरगोरे यांच्याशी संपर्क साधला, मात्र ते उपलब्ध होऊ शकले नाहीत.

व्यावसायिकांचे अतिक्रमण
रस्त्याच्या मध्यापासून दोन्ही बाजूला पंधरा मीटर सार्वजनिक बांधकाम विभागाची मालकी आहे. या जागेवर अतिक्रमण झाले आहे. व्यवसायास अडथळा ठरलेल्या झाडांना जमीनदोस्त करण्याचा सपाटा व्यावसायिकांनी लावला आहे. सार्वजनिक बांधकाम विभागाच्या दुर्लक्षामुळे मोठे वटवृक्ष जमीनदोस्त झाले आहेत. फौजदारी कारवाईचे अधिकार असूनही विभागाने बघ्याची भूमिका घेतली आहे.

मोबाइल अॅप डाउनलोड करा आणि राहा अपडेट

---

एसटीच्या ताफ्यात ५०० नवीन बस

January 19, 2016, 1:43 pm

≫ Next: स्वच्छता कर भरूनही अस्वच्छता

≪ Previous: पुनर्रोपण दूरच; महामार्गावर प्राचीन वटवृक्षांची राख

$

0

0

म. टा. प्रतिनिधी, औरंगाबाद
'एसटी विभागात लवकरच ५०० नवीन एसी गाड्या भाडेतत्वावर घेण्यात येतील. यासाठी निविदा काढण्यात आली आहे. ३२ स्कॅनिया बस लवकरच प्रवासी वाहतुकीसाठी वापरण्यात येतील,' अशी माहिती व्यवस्थापकीय संचालक रणजित सिंह देओल यांनी दिली.
५२ व्या एसटी क्रीडा स्पर्धेच्या उदघाटनासाठी देओल शहरात आले होते. उदघाटन कार्यक्रमानंतर देओल यांनी पत्रकारांशी संवाद साधला. ते म्हणाले, 'एसटी विभागात अनुकंपा घोटाळा गाजत आहे. याची अन्य विभागात चौकशी करण्यात आली. मात्र, यात एकही बोगस प्रकरण आढळले नाही. औरंगाबादमध्ये अनुकंपा घोटाळ्यामध्ये संबंधितांवर गुन्हे दाखल झाले आहेत. याची चौकशी पोलिसांकडून होत आहे. याबाबत कोर्टात निर्णय होईल. पदोन्नतीबाबत लवकरच बैठक घेण्यात येईल. रिक्त होणाऱ्या पदांसाठी भरती प्रक्रियाही राबविण्यात येणार आहे. राज्यात एसटीला तोट्यातून बाहेर काढण्यासाठी विविध योजना राबविण्यात येत आहेत. सध्या एसटीच्या ताफ्यात साध्या, एसटी आणि निमआराम या बस आहेत. या सेवेचा दर्जा वाढविण्यासाठी ५०० डिलक्स एसी बस घेण्याचा निर्णय घेण्यात आला आहे. एवढी मोठी गुंतवणूक शक्य नसल्याने या गाड्या भाडेतत्वाव घेण्यात येतील.
१३ बस स्थानकांचा विकास
'राज्यातील १३ बस स्थानक हायटेक करण्याची घोषणा परिवहन मंत्र्यांनी केली आहे. ही योजना राबविण्यासाठी आर्किटेक्टची नेमणूक करण्यात आली आहे. त्यांच्याकडून नकाशे प्राप्त झाल्यानंतर या बस स्थानकांचा विकास केला जाणार आहे. या यादीत औरंगाबादच्या मध्यवर्ती बस स्थानकाचा समावेश आहे. टप्पटप्प्याने हा विकास केला जाईल. इतर ३० बसस्थानकांचाही विकास केला जाईल. एसटी विभागाचे कामकाज संगणकीकृत करण्याची प्रक्रिया सुरू आहे. आगामी तीन महिन्यात हे काम होईल. औरंगाबाद शहरात सध्या एसटीच्या माध्यमातून शहर बससेवा चालविण्यात येत आहे. शहरात मिडी बसच्या मागणीचा प्रस्ताव आलेला आहे. शहरासाठी मिडी बस देण्यात येणार की नाही, याबाबत अधिकाऱ्यांसोबत चर्चा करून अंतिम निर्णय घेण्यात येणार आहे,' अशी माहिती देओल यांनी दिली.

मोबाइल अॅप डाउनलोड करा आणि राहा अपडेट

स्वच्छता कर भरूनही अस्वच्छता

January 19, 2016, 1:30 pm

≫ Next: शुल्कवाढीबाबत टोलवाटोलवी

≪ Previous: एसटीच्या ताफ्यात ५०० नवीन बस

$

0

0

म. टा. प्रतिनिधी, औरंगाबाद
सेवाकरावर लागू करण्यात आलेल्या अर्धा टक्का स्वच्छता कराच्या माध्यमातून केंद्र सरकारच्या तिजोरीत औरंगाबादकर दरमहा ६५ लाख रुपयांची भर टाकतात, मात्र या करातून शहराच्या स्वच्छतेसाठी एकही रुपया खर्च केला जात नाही. त्यामुळे औरंगाबादकरांना अस्वच्छतेचा त्रास सहन करावा लागत आहे. मराठवाड्यातील आठ जिल्ह्यातून स्वच्छता करापोटी दरमहा दोन कोटी रुपये गोळा केले जात आहेत.

मराठवाड्याच्या आठ जिल्ह्यांतून ४०० कोटी रुपये सेवाकर वसूल केला जातो. त्यावर अर्धा टक्का स्वच्छता कर आकारला जातो. स्वच्छता कराची वसुली १५ नोव्हेंबर २०१५पासून करण्यास सुरुवात केली. विभागातील आठ जिल्ह्यातून दोन महिन्यांत सुमारे चार ते साडेचार कोटींची वसुली झाली आहे. आठ जिल्ह्यांतील महापालिका आणि नगर पालिकांना केंद्राकडून स्वच्छतेसाठी कुठलाही निधी आलेला नाही. फक्त नागरिकांकडून स्वच्छता करच वसुल केला आहे.

औरंगाबाद महापालिकाही दरमहा सुमारे ५६ ते ६० लाख रुपये स्वच्छता कर वसूल करत असून, त्यामानाने शहरात स्वच्छता काहीच ठेवली जात नसल्याचे उघड आहे. केंद्रीय उत्पादन व सीमा शुल्क विभागाच्या आयुक्त कार्यालयातील सूत्रांनी दिलेल्या माहितीनुसार; औरंगाबाद शहरातूनच सुमारे ६० लाख रुपये स्वच्छता करातून दरमहा वसूल केले जातात. या शिवाय इतर जिल्ह्यांतून सुमारे दीड कोटींचा निधी स्वच्छता कर म्हणून दरमहा वसूल केला आहे. केंद्र सरकारने १५ नोव्हेंबर २०१५ रोजी सर्व सेवाकरांवर अर्धा टक्का अधिभार आकारण्याचा निर्णय घेतला. हा अर्धा टक्का कर स्वच्छ भारत मोहिमेसाठी वापरण्यात येईल, असे जाहीर केले होते. देशभरात सेवाकरांवर अर्धा टक्का स्वच्छ भारत अधिभार लागू झाला आहे. यामुळे सेवाकरामध्ये अर्धा टक्का स्वच्छ भारत अधिभार लागू झाला आहे.

पंतप्रधान नरेंद्र मोदींच्या महत्त्वाकांक्षी स्वच्छ भारत भारत मोहिमेसाठी केंद्र सरकारने हे महत्त्वाचे पाऊल उचलले. त्यामुळे विविध सेवांचा वापर करणाऱ्या नागरिकांवर भार पडला, पण या महत्त्वाच्या निर्णयाच्या माध्यमातून गोळा केलेला निधी नेमका कोठे खर्च केला जाणार, हे अस्पष्ट आहे. गेल्या दोन महिन्यांत वसूल करण्यात आलेल्या स्वच्छता कराचा वाटा औरंगाबाद शहरासाठी मिळालेला नाही. त्यामुळे कर भरूनही अस्वच्छा, कचरा यांचा त्रास सहन करण्याची वेळ औरंगाबादकरांवर आली आहे. नागरिकांमध्ये स्वच्छता राखण्याची प्रवृत्ती निर्माण व्हावी यासाठी स्वच्छ भारत अभियान सुरु करण्यात आले असल्याचेही त्यावेळी सांगितले होते. दरम्यान, या अधिभाराविषयी सरकारने आपली भूमिका स्पष्ट केली आहे. भारत १२० कोटींच्या नागरिकांचा देश आहे. एवढ्या मोठ्या देशात स्वच्छता करणे ही सर्वात मोठी समस्या असून, स्वच्छता राखणे हे सर्वांचे कर्तव्य आहे. यासाठी हा अधिभार लागू करण्यात येणार असल्याचे सरकारकडून सांगण्यात आले होते, असे केंद्रीय सीमा व उत्पादन शुल्क विभागाच्या सूत्रांनी सांगितले.

महापालिकेकडील सोयीसुविधा
...........................................
महापालिकेची मालकीची वाहने ः ३५
किरायाने लावलेली वाहने ः २०
ट्रॅक्टर्स - १३
अॅटो टिप्पर - १५ (पालिकेच्या मालकीचे)
लोडिंग रिक्षा - २०
बिन्स - १००० ( २४० लिटरच्या)
कॉम्पॅक्टर्स - ६०
हुकलोडर्स - ६

मोबाइल अॅप डाउनलोड करा आणि राहा अपडेट

शुल्कवाढीबाबत टोलवाटोलवी

January 19, 2016, 1:30 pm

≫ Next: एसटी कर्मचाऱ्यांना जास्त सुविधा

≪ Previous: स्वच्छता कर भरूनही अस्वच्छता

$

0

0

म. टा. प्रतिनिधी, औरंगाबाद
डॉ. बाबासाहेब आंबेडकर मराठवाडा विद्यापीठाने शैक्षणिक संस्थांचे हित पाहत शुल्कवाढ केली. या शुल्कवाढीबाबत प्रशासन मात्र टोलवाटोलवी करते आहे. कुलगुरूंनी बीसीयूडीकडे बोट दाखविले तर, बीसीयूडी विभागाने हा व्यवस्थापन परिषदेचा निर्णय आहे. आमचा संबंध नसल्याचे सांगितले. सूत्रांनी दिलेल्या माहितीनुसार; या शुल्कवाढीच्या माध्यमातून विद्यार्थ्यांच्या खिशातून सुमारे २७ कोटी रुपये काढून घेतले जाणार आहेत.

मराठवाड्यात भीषण दुष्काळाची परिस्थिती असताना विद्यापीठाने कॉलेजांचे हित जोपासण्यासाठी अभ्यासक्रमांना दुप्पट शुल्कवाढीची परवानगी दिली आहे. ऐन दुष्काळात विद्यापीठाच्या निर्णयाने विद्यार्थी, पालकांच्या खिशावर भुर्दंड पडणार आहे. 'महाराष्ट्र टाइम्स'ने यावर प्रकाश टाकताच विद्यापीठ प्रशासनात खळबळ उडाली आहे. याबाबत प्रशासन आता टोलवाटोलवीची भाषा करीत आहे. कुलगुरू डॉ. बी. ए. चोपडे यांनी बीसीयूडी विभागाशी हा निर्णय अवलंबून असल्याचे सांगितले तर, कुलगुरूंच्याच स्वाक्षरीने परिपत्रक निघाल्याने आपला संबंध नसल्याचे बीसीयूडी विभाग खाजगीत सांगत आहे. नेमका हा निर्णय घेण्याची कारणे काय, दुष्काळात विद्यार्थी, पालकांना भुर्दंड का, या प्रश्नांची उत्तरे देण्यास कोणीही समोर आले नाही. दुष्काळामुळे ग्रामीण भागातील विद्यार्थी परीक्षा शुल्क भरण्याची ऐपत नाही. अशावेळी विद्यापीठाच्या या निर्णयावर संताप व्यक्त होत आहे.

२७ कोटीपेक्षा अधिकचा विद्यार्थ्यांच भुर्दंड

दुष्काळात शिक्षण सोडण्याची वेळ हजारो विद्यार्थ्यांवर आली आहे. अशावेळी विद्यापीठ प्रशासनाने शुल्कवाढीची दिलेली मंजुरी यामुळे विद्यार्थ्यांमधून संताप व्यक्त होत आहे. शुल्कवाढीमुळे एकट्या बीबीए, बीसीएस, बीसीए या केवळ तीन अभ्यासक्रमातून शुल्कवाढीमुळे तब्बल २७ कोटी ४२ लाख ६२ हजार ५०० रुपयांचा भुर्दंड विद्यार्थ्यांच्या खिशावर पडणार आहे.

बीसीयूडी नव्हे, उपकुलसचिवांची स्वाक्षरी
विद्यापीठाने काढलेल्या या शुल्कवाढी दर्शविणा परिपत्रकावर कुलगुरू डॉ. बी. ए. चोपडे यांच्यासह उपकुलसचिव डॉ. पी. पी. कलावंत यांची स्वाक्षरी आहे. शुल्कवाढीचे नेमके आदेश कोणी दिले, याबाबत विद्यापीठ वर्तुळात दिवसभर चर्चा होती. आपला याप्रकरणात संबंध नसून व्यवस्थापन परिषदेच्या निर्णयानंतर आम्ही नियमाप्रमाणे केलेली कार्यवाही असल्याचे कलावंत यांनी पत्रकारांशी बोलताना सांगितले.

विद्यार्थीसंख्या
बीबीए : २७६३
बीसीएस : ९६९४
बीसीए : ९४८४

मोबाइल अॅप डाउनलोड करा आणि राहा अपडेट

एसटी कर्मचाऱ्यांना जास्त सुविधा

January 19, 2016, 1:30 pm

≫ Next: उद्योजक व्हा... : रबर-प्लास्टिक मोल्डिंगचा बादशाह

≪ Previous: शुल्कवाढीबाबत टोलवाटोलवी

$

0

0

म. टा. प्रतिनिधी, औरंगाबाद
इतर शासकीय विभागाच्या तुलनेत एसटी महामंडळात जास्त सुविधा आहेत. वैद्यकीय उपचारांसाठी एसटी कर्मचाऱ्यांना थेट मदत दिली जाते. याशिवाय एक लाख रुपये डेथ क्लेम आणि कर्मचाऱ्यांच्या पाल्यांना स्कॉलरशिप देण्याची योजना राबविण्यात येत आहे. एसटी महामंडळातील कर्मचाऱ्यांना जास्तीत जास्त लाभ देण्याचा प्रयत्न असल्याची माहिती मुख्य कामगार अधिकारी प्रताप पवार यांनी दिली.

औरंगाबाद शहरात राज्य एसटी क्रीडा स्पर्धेच्या कार्यक्रमात भाग घेण्यासाठी मुख्य कामगार अधिकारी पवार आले होते. विभागीय नियंत्रक आर. एन पाटील यांच्या दालनात पत्रकारांशी अनौपचारिक चर्चेत त्यांनी एसटी महामंडळातर्फे कामगारांसाठी राबविण्यात येणाऱ्या विविध योजनांची माहिती दिली. त्यानी सांगितले की, एसटीत एक लाख कर्मचारी आहेत. या कर्मचाऱ्यांसाठी मेडिक्लेम कॅशलेस कार्ड देता येणार नाही. कारण सध्या राब‌विण्यात येणाऱ्या सु‌विधेत कर्मचाऱ्यांना वैद्यकीय उपयारांवर दोन लाखांपर्यंत झालेला खर्च देण्यात येताे.

सध्याची प्रक्रिया ही थोडी त्रासदायक असली तरी यात कर्मचाऱ्यांचा फायदा अाहे. त्यांनी केलेल्या खर्चाच्या ९० टक्के रक्कम परत करण्याचा प्रयत्न आहे. मेडिक्लेम कॅशलेसची योजना राबविणे अशक्य आहे. एसटी महामंडळाकडून एसटी चालक, वाहकांच्या आरोग्य तपासणीही नियमितपणे करण्यात येते.

एसटी महामंडळात अचानक मृत्युमुखी पडलेल्या कर्मचाऱ्यांच्या वारसांना एक लाख रुपये मदत देण्यात येते. या मदतीत कोणत्याही अटींचा समावेश नाही. कोणत्याही कारणाने कर्मचारी मृत्यू झाल्यास त्यांच्या वारसाच्या बँक खात्यावर थेट एक लाख रुपये जमा केले जातात. याशिवाय दरवर्षी राज्यातील सर्व कर्मचाऱ्यांच्या गुणवंत पाल्यांना शिष्यवृत्तीही देण्यातयेत आहे.

राज्यात सध्या ३६५ कामगारांच्या पाल्यांना शिष्यवृत्ती देण्यात येत असून, साठ टक्क्यांपेक्षा जास्त गुण मिळविणाऱ्या पाल्यांसाठी ही योजना आहे. त्यासाठी एसटीच्या विभागांना कोटा निश्चित करून दिला आहे., अशी माहिती पवार यांनी दिली.

१२ टक्के अतिरिक्त नाहीच
एसटीमध्ये १२ टक्के वेतन वाढ करावी, या मागणीसाठी इंटक संघटनेने आंदोलन केले. संघटनेने १२ टक्के वेतनवाढ सध्याच्या चालू करारात करून २५ टक्के वेतनवाढ द्यावी, अशी मागणी केली होती. याबाबत मुख्य कामगार अधिकारी पवार यांना विचारले असता त्यांनी, कामगार संघटना आणि एसटी महामंडळ यांच्यात झालेल्या कराराप्रमाणेच पगार देण्यात येत आहे. वेतन कराराव्यतिरिक्त सध्याच्या करारात कोणताही बदल होणार नसल्याचे स्पष्ट केले. नवीन वेतन कराराबाबत बोलण्यास त्यानी नकार दिला.

मोबाइल अॅप डाउनलोड करा आणि राहा अपडेट

उद्योजक व्हा... : रबर-प्लास्टिक मोल्डिंगचा बादशाह

January 19, 2016, 1:30 pm

≫ Next: कचरा गाडीच्या चालकाला मारहाण

≪ Previous: एसटी कर्मचाऱ्यांना जास्त सुविधा

$

0

0

Dhananjay.Kulkarni@timesgroup.com
शैलेश पत्की यांना नोकरीवरून तडकाफडकी काढले. 'पुन्हा कधीच नोकरी करायचीच नाही,' असे त्यांनी त्याचवेळी ठरवून टाकले. हा विचार त्यांच्या उद्योजकतेसाठी पूरक ठरला. पुन्हा नोकरी करत अस्थैर्याकडे वळायचेच नाही, चाकोरीबद्ध आयुष्य जगायचेच नाही व आता नोकरी करणारे हात होण्यापेक्षा नोकरी देणारे हात व्हायचे. या निर्णयावर कायम राहणारे आणि पटकन उद्योगशीलतेकडे वळणारे पत्की आज औरंगाबादमध्ये रबर-प्लासिटक मोल्डेड पार्ट निर्माण करणारे युवा उद्योजक ठरले आहेत. दहा-बारा वर्षांपूर्वी फक्त ५० हजाराच्या भांडवलावर त्यांनी उद्योग सुरू केला. आता त्यांची उलाढाल तीन कोटींहून अधिक आहे..

मध्यमवर्गीय कौंटुंबिक पार्श्वभूमी असलेले शैलेश पत्की. वडील सुहास पत्की अॅग्र‌िकल्चर ऑफिसर आणि आई स्नेहलता गुजराती कन्या शाळेत शिक्षिका. पत्की कुटुंबीय मुळचे औरंगाबादचेच. शैलेश पत्की यांनी १९९६मध्ये जेएनईसीतून बी.ई. प्रोडक्शन पदवी संपादन केली. सरस्वती भुवन शाळेत शालेय शिक्षण झालेले शैलेश सुरुवातीपासून बॅक बेंचर. कुटुंबीयांनीही त्यांच्याकडून फारशा अपेक्षा ठेवल्या नाहीत. मोठा भाऊ संदीप रेल्वे स्टेशन एमआयडीसीत निर्माण इंडस्ट्रीचा संचालक. त्याच्याकडे काम करण्याआधी अनुभवासाठी 'ग्लेट लिगर इंडिया कंपनी' येथे केवळ दोन-अडीच हजारावर नोकरीला सुरुवात केली. एक दिवस कंपनीत शिफ्टमध्ये हजेरी लावली आणि एचआर डिपार्टमेंटने अचानक पाकीट देत सर्व हिशेबच हातावर टेकवला. उद्यापासून तुमची गरज नाही. आज तुमचा शेवटचा दिवस होता, असे सांगत नोकरीवरून कमी केले. तडकाफडकी नोकरी सुटली. कामावरून अचानक कमी कसे काय करू शकतात, याचे वाईट वाटले, पण त्याचवेळी निर्णय घेतला, यापुढे चाकोरीबद्द आयुष्य नोकरी वगैरे करायचीच नाही आणि तो शैलेशच्या आयुष्याचा टर्निंग पाइंट ठरला.

घरी आल्यावर घडलेल्या प्रसंगाबाबत चर्चा केली. आईने लगेच पन्नास हजार रुपये काढून दिले. 'जा व्यवसाय कर, उद्योग उभा कर,' असे म्हणत वडील, भाऊ यांनी पाठिंबा दिला. त्यांनी भावासोबत निर्माण इंडस्ट्रीत वर्षभर कामागारापासून मॅनेजरपर्यंत पडेल ते काम केले. युनिटमधील सर्व विभागाचा अनुभव घेतला. १९९८मध्ये भावासोबत काम थांबवून त्यांनी १९९९मध्ये कंपनीचा प्रोजेक्ट तयार केला. वाळूजला १०० चौरस फूट जागा भाड्याने घेतली. तेथे 'शैलेश प्लास्टिक्स'ची स्थापना केली. सीएकडे जाणे, कागदपत्रांची पूर्तता करणे, बँकेकडे जाऊन योजना सांगणे आणि एकीकडे प्रोडक्शनसाठी लागत असलेल्या विविध परवानग्या मिळविणे सुरू केले.

भावाबरोबर कंपनीत केलेल्या कामाचा अनुभव येथे कामी आला. सुरुवाकीचे चार-सहा महिने भिती वाटत असे. कसे होईल, या प्रश्नाने त्यांना ग्रासले होते. नोकरी पुन्हा करायचीच नाही, असा निर्धार केल्यामुळे त्यांनी झपाट्याने काम सुरू केले. त्याचदरम्यान रबर आणि प्लास्टिक निर्मितीने शैलेश यांचे लक्ष वेधले आणि याच उद्योगामध्ये पाय रोवण्याचे त्यांनी निश्चित केले. या उद्योगाचे तब्बल ३ ते ४ युनिट त्या काळात होते. बहुतेकांकडून सकारात्मक फिडबॅक मिळत होता. काही जण नकारात्मकतेकडेही ओढत होते, परंतु न डगमगता दोन जणांना आधी कामावर घेतले आणि १०० चौरस फुटांत मनीष वांगीकर यांच्यासोबत भागीदारीत उद्योग सुरू केला. वर्षभरानंतर वांगीकर काही अपरिहार्य कारणामुळे व्यवसायातून दूर झाले. मग शैलेश यांनी एकट्यानेच उभारणी सुरू केली. २०००मध्ये भाड्याच्या जागेतून स्वत:ची जागा घ्यावी हे विचार मनात घोळू लागले. पहिल्या दोन-तीन वर्षांत फक्त ५० हजार ते १ लाखापर्यंत उलाढाला सुरू होती. संघर्ष सुरू होता, टेक्नॉलॉजींचा अभ्यास करणे सुरू होते. वाळूज एमआयडीसीत एकाने जागा दाखवली. १०० चौरस फुटांवरून त्यांनी ३ हजार ५०० चौरस फुटांपर्यंत मजल मारली. स्वत:च्या जागेत येण्यासाठी तब्बल ६ ते ७ वर्षे लागली. सुरुवातीच्या काळात २ कामगार होते; पण ऑर्डरच नव्हत्या. ऑर्डर मिळविण्यासाठी त्यांनी संघर्ष सुरू केला. वाळूजमधील प्रत्येक छोट्या-मोठ्या युनिटचे उंबरठे झिजविण्यास प्रारंभ केला. प्रत्येक युनिटवर जायचे, संबंधित मॅनेजरचे नाव, नंबर मिळवायचा, त्यांची अपॉइंटमेंट मिळवायची, त्यांना भेटून प्रोडक्टची माहिती द्यायची आणि त्यानंतर मिळाली तर ऑर्डर, असा सगळा कार्यक्रम सहा-सात वर्षांपर्यंत अखंडपणे सुरू होता. हळुहळु ऑर्डर मिळू लागल्या. मिळालेल्या संधीचे म्हणजेच ऑर्डरचे सोने करणे सुरू झाले. आलेल्या नफ्यालाच पुन्हा भांडवल म्हणून वापरणे सुरू केले. २०१०मध्ये स्वत:च्या जागेत आपला व्यवसाय थाटला. आज कंपनीची उलाढाल ३ कोटींवर पोचली आहे. त्यांनी व्हेरॉक, एन्ड्युरन्ससारख्या मोठ्या कंपन्यांना आपली कम्पोनंट देणे सुरू केले आहे.

लेबरलेस काम करण्याचा त्यांचा मानस आहे, पण शैलेश यांनी सुमारे २५ जणांना थेट रोजगार दिला. पंढरपूर, वळदगाव, बजाजनगर या भागातील १०० महिलांनाही अप्रत्यक्षपणे रबर कटिंग व मोल्डिंगचा बिझनेस घरगुती स्वरुपात दिला आहे. शैलेश यांनी ३ सबव्हेंडरही तयार केले आहेत. २०१४मध्ये सोहम एंटरप्राइजेस या नावाने पत्नी आरती पत्की यांच्या मालकीची नवी फॅक्टरीही सुरू केली आहे. दोन्ही कंपन्यांद्वारे एकाच छताखाली सगळी कामे होऊ शकतात, हे लक्षात येताच त्यांनी मशीनरी घेतली आणि कामामध्ये आणखी सुसूत्रतता आणली.

सध्या 'शैलेश प्लास्टिक'चे ४० पेक्षा जास्त कायम स्वरुपी कस्टमर आहेत. गुणवत्ता व अचूक प्रोडक्टसह ते योग्य दरांत मिळणार, याची खात्री असल्यानेच ते आमचे कस्टमर कायम असल्याचे शैलेश सांगतात.

दुर्दम्य इच्छाशक्तीचे बळ
नोकरीत काहीच करता येत नाही. मर्यादा येतात. मुक्तपणे जगता येत नाही. अशावेळी फक्त विचार न करता झपकन निर्णय घेऊन चिकटी, मेहनत आणि निर्णयावर ठाम राहिल्यास व्यवसाय -उद्योग नक्कीच यशस्वी होऊ शकतो. त्याला 'पॅशन' लागते हे नक्क, असे शैलेश सांगतात.

मोबाइल अॅप डाउनलोड करा आणि राहा अपडेट