गणेशोत्सव स्पर्धेच्या अर्जाबाबत गोंधळ

September 3, 2016, 2:15 pm

≫ Next: तोतया तिकीट तपासणीस गजाआड

≪ Previous: गोसावी, गायकवाड; कामे आदर्श शिक्षक

$

0

0

म. टा. विशेष प्रतिनिधी, औरंगाबाद
महाराष्ट्राची परंपरा असलेला गणेशोत्सव यंदा अधिक जोमाने साजरा व्हावा, यासाठी राज्य सरकारने लोकमान्य गणेशोत्सव सजावट स्पर्धा 'स्वराज्य ते सुराज्य' जाहीर केली. त्याचे अर्जही ठिकठिकाणी पोचले; पण गणेश मंडळांनी भरून दिलेले अर्ज द्यायचे कुणाकडे? याचेच नियोजन नसल्याने गणेशभक्तांची फरफट होत आहे. विविध सरकारी कार्यालयांमध्ये चकरा मारून थकलेल्या गणेशभक्तांमध्ये संतापाची भावना असून सरकारी कार्यालयातून मात्र कुठेच नियोजन नसल्याने शहरी भागातील गणेश मंडळांचे पदाधिकारी त्रस्त झाले आहेत. दरम्यान, अर्ज दाखल करण्याची मुदत सात सप्टेंबरपर्यंत वाढवून देण्याच्या सूचना देण्यात येतील, अशी माहिती अर्थमंत्री सुधीर मुनगंटीवार यांनी 'मटा'शी बोलताना दिली.
सरकारने यंदा सार्वजनिक मंडळांसाठी लोकमान्य गणेशोत्सव स्पर्धा जाहीर केली आहे. यासंदर्भातील अटी व नियम ठरवून मंडळांना सहभागी होण्यासाठीचे अर्जही ठिकठिकाणी पाठविले आहेत. औरंगाबादसाठी अर्ज अलंकार सभागृहात देण्याची सुविधा उपलब्ध करून दिली आहे. विहित नमुन्यातील हा अर्ज भरल्यानंतर तो दाखल कुठे करायचा याबाबत मात्र निश्चित माहिती नसल्याने गणेशभक्तांची अडचण झाली आहे. सिडकोतील एका गणेश मंडळाच्या पदाधिकाऱ्यांनी तीन दिवसांपूर्वी भरलेला अर्ज निवासी उपजिल्हाधिकारी गावंडे यांच्या कार्यालयात नेला. मात्र अर्ज तिथे स्वीकारला जाणार नसल्याचे सांगण्यात आले. स्पर्धेसंदर्भात वेबसाइटवर असलेल्या माहितीत गटशिक्षणाधिकाऱ्यांच्या नावाचा उल्लेख आहे. त्यामुळे ही मंडळी पंचायत समिती कार्यालयात पोचली. गटशिक्षणाधिकारी साळुंके सांगितले की, आम्हाला ग्रामीण भागातील अर्ज स्वीकारायचे आहेत. त्यामुळे तुमचा अर्ज घेता येणार नाही. त्यामुळे पदाधिकारी पुन्हा जिल्हाधिकारी कार्यालयात पोचले. तिथे त्यांना महापालिकेत जाण्याचा सल्ला देण्यात आला. पालिका उपायुक्त रवींद्र निकम यांच्या कार्यालयात जाऊन त्यांनी अर्ज स्वीकारण्याची विनंती केली. मात्र पालिकेकडेही कुठलेच आदेश आले नसल्याने त्यांनीही नकार दिला. अर्ज दाखल करण्याची अंतिम तारीख चार सप्टेंबर असल्याने गणेशभक्तांची चिंता वाढली. ते पुन्हा निवासी उपजिल्हाधिकाऱ्यांच्या कार्यालयात गेले. एकूणच जिल्हाधिकारी कार्यालय, पंचायत समितीचा शिक्षण विभाग आणि महापालिका या तीनही सरकारी कार्यालयाकडून टोलवाटोलवी करण्यात आली. जिल्हाधिकारी कार्यालयातील सूत्रांनी दिलेल्या माहितीनुसार महापालिका कार्यक्षेत्रातील गणेश मंडळांचे अर्ज वॉर्ड कार्यालयात स्वीकारण्यात येणार आहेत. त्यामुळे संभ्रम वाढला आहे.

मोबाइल अॅप डाउनलोड करा आणि राहा अपडेट

---

तोतया तिकीट तपासणीस गजाआड

September 3, 2016, 2:11 pm

≫ Next: मोबदला दिला, टीडीआरही दिला

≪ Previous: गणेशोत्सव स्पर्धेच्या अर्जाबाबत गोंधळ

$

0

0

म. टा. प्रतिनिधी, औरंगाबाद

तिकीट पाहण्याच्या बहाण्याने प्रवाशांना लुबाडणाऱ्या तोतया तिकीट तपासणीसास शनिवारी रेल्वे स्थानकावर बेड्या ठोकण्यात आल्या. रेल्वे सुरक्षा दलाच्या दक्ष अधिकाऱ्यांमुळे ही कारवाई झाली. यामागे मोठे रॅकेट असल्याची शक्यता व्यक्त होत आहे.

आंनद वाघमारे (रा. परभणी) असे तोतया तिकीट तपासणीस अधिकाऱ्याचे नाव आहे. रेल्वे स्थानकावर दुपारी तीनच्या सुमारास तपोवन एक्सप्रेस आली. तोच वाघमारे याने स्थानकाबाहेर जाणाऱ्या प्रवाशांचे तिकीट तपासण्यास सुरुवात केली. त्याने टीसी अधिकाऱ्याप्रमाणेच पहेराव केला होता. त्याचवेळी रेल्वे सुरक्षा दलासह रेल्वेचे काही कर्मचारी तेथून जात होतो. वाघमारे यांच्या हालचाली त्यांना संशयास्पद वाटल्या. हा प्रकार आरपीएफचे पोलिस निरीक्षक धर्मेंद कुमार, राजनंदन सिंग यांना सांगण्यात आला. त्यांनी एम.एस. बेग व अन्य कर्मचाऱ्यांसह तातडीने घटनास्थळ गाठले. वाघमारे याच्याशी गप्पा मारण्याचा बहाण करत कोणत्या बँचचा आहे, यासह अन्य माहिती विचारली आणि काही क्षणातच वाघमारे याचे बिंग फुटले. त्याचे ओळखपत्र बनावट आढळून आल्याने आरपीएफने त्यास ताब्यात घेत चौकशी केली. त्याच्याकडील बॅगेची तपासणी केली असता त्यात आधारकार्ड अन्य कागदपत्रासह ३३ हजारांची रोकड आढळून आली. अधिक तपासासाठी वाघमारे यास लोहमार्ग पोलिसांच्या स्वाधीन करण्यात आले.

मोबाइल अॅप डाउनलोड करा आणि राहा अपडेट

मोबदला दिला, टीडीआरही दिला

September 3, 2016, 2:14 pm

≫ Next: ४ वर्षांच्या संशोधनातून साकारले प्रथमांकुर

≪ Previous: तोतया तिकीट तपासणीस गजाआड

$

0

0

म. टा. प्रतिनिधी, औरंगाबाद

औरंगाबाद : मंजुरपुरा ते गांधीपुतळा या विकास आराखड्यातील रस्त्याच्या जागेचे भूसंपादन करून त्याचा मोबदला दिलेला असतानाही त्याच जागेसाठी टीडीआर देण्यात आल्याचे प्रकरण नुकतेच उघडकीस आले आहे. या प्रकरणात महापालिका आयुक्तांकडे तक्रार केल्यानंतरही अद्याप कारवाई झालेली नाही. एकाच जागेचा दोनवेळा मोबदला दिल्यामुळे नगररचना विभागात डबलगेम झाला असून संबंधितांवर फौजदारी स्वरूपाची कारवाई करावी अशी मागणी केली जात आहे.

किशोर राजपुत यांची या 'डबलगेम' संदर्भात आयुक्तांकडे लेखी तक्रार केली आहे. त्यात त्यांनी म्हटले आहे की, सिटीसर्व्हे क्रमांक ७६६१ मंजुरपुरा येथील मालमत्तेचे ४० फूट रुंद रस्त्यासाठी भूसंपादन करून त्याचा मोबदला मंजूर करण्यात आला. १४५ चौरस मीटर क्षेत्रासाठी ८ लाख २५ हजार रुपयांचा मोबदला देण्याचा प्रस्ताव २६ मार्च १९९७ रोजी झालेल्या स्थायी समितीच्या बैठकीत ठेवण्यात आला. स्थायी समितीने २९ मार्च रोजी त्याला मान्यता दिली. जीपीए धारक अब्दुल साजेद यांना मोबदला दिला देण्यात आला. या व्यवहाराची रजिस्ट्री करण्याचा खर्च महापालिका करणार असल्याचे स्थायी समितीने मंजूर केलेल्या ठरात नमूद केले असले तरी आतापर्यंत महापालिकेने त्या जागेची रजिस्ट्री केली नाही. जागेचा मोबदला दिल्यानंतरही महापालिकेने ती जागा आपल्या नावावर करून घेतली नाही.

१९९७ नंतर आता त्याच जागेसाठी (सिटीसर्व्हे क्रमांक ७६६१, मंजुरपुरा) टीडीआर देण्यासंदर्भात महापालिकेच्या नगररचना विभागाने जाहीर प्रगटन काढले. विकास योजनेत बाधित होणाऱ्या १५ मीटर रस्त्यासाठी टीडीआर देण्यासाठी हे जाहीर प्रगटन असून १६ ऑगस्ट २०१६ रोजी ते स्थानिक वृत्तपत्रात प्रसिद्ध करण्यात आले. त्याआधारे टीडीआर देण्याची कार्यवाहीदेखील झाली. राजपूत यांनी आक्षेप घेतलेला असतानाही नगररचना विभागाने टीडीआर मंजुर केला. या प्रकरणाची चौकशी करून एकाच जागेसाठी दोनवेळा मोबदला घेणाऱ्या व देणाऱ्यांवर फौजदारीस्वरूपाचे गुन्हे दाखल करावेत अशी मागणी राजपूत यांनी केली आहे.

मोबाइल अॅप डाउनलोड करा आणि राहा अपडेट

४ वर्षांच्या संशोधनातून साकारले प्रथमांकुर

September 3, 2016, 2:07 pm

≫ Next: जादूटोण्याचा संशय : महिलेवर अघोरी प्रयोग

≪ Previous: मोबदला दिला, टीडीआरही दिला

$

0

0

म. टा. प्रतिनिधी, औरंगाबाद

खरा कलाकार केवळ कला व्यक्त करण्यापुरते स्वत: ला मर्यादित न ठेवता, ती कला सुरक्षित कशी होईल याचीही जबाबदारी स्वीकारतो. उल्कानगरीतील मंगलमूर्ती कला केंद्राचे प्रमोद डवले यांनीही हीच प्रामाणिकता जपत 'प्रथमांकूर' मूर्ती बनवल्या. प्रत्येक सामान्यास शाडू मातीच्याच मूर्ती मिळाव्या म्हणून प्रमोद यांनी यंदा अतिशय अभिनव उपक्रम राबवला आहे.

शाडू मातीच्या नावाने बॉम्बे क्ले किंवा चायना क्ले विकून ग्राहकांची फसवणूक व्हायची. या मूर्तीला तडे जायचे किंवा विर्सजन कुंडीतील झाड मरायचे. एकीकडे पर्यावरणपूरक गणेशोत्सवासाठी पुढाकार घ्यायचा आणि दुसरीकडे शाडू मातीच्या नावाने सामान्यांच्या विश्वासाला तडा पोचवायचा. पर्यावरण व ग्राहकांची फसवणूक होऊ नये म्हणून मूर्तिकार व प्रमोद डवले यांनी सलग चार वर्षांपासून संशोधन केले. लाल माती, काळी माती, बारीक मुरुम व कँल्शियमयुक्त माती एकत्र करून शाडू माती तयार केली. या मातीला क्रँक पडत नाही.या मातीत गहू पेरल्यावर अंकूर निघाल्यावर ही माती पूर्णपणे पर्यापूरणपूरक असल्याचे सिद्ध झाले आहे.

अमेरिकेला रवाना

प्रमोद यांनी मूर्तींचे रंग एकच ठेवून केवळ डोळे व सोंडेला रंग दिला. एकच आकार कायम ठेवल्याने सर्वांना मूर्ती तयार झाल्या. हे रंग सुद्धा मातीचे असल्याने गणेश मूर्ती पर्यावरणपूरक झाल्या आहेत. यंदा पेशवा, सिंहासन मूर्तीसोबत बालगणेशला खूप मागणी होती. दरवर्षीप्रमाणे यंदाही त्यांच्या मूर्ती अमेरिकेला गेल्या.

एका दिवशी शाडू मातीच्या दोन वा तीन मूर्ती तयार होतात, पण हळुहळु या मातीमध्ये चायना क्ले एकत्र होऊ लागली. शाडू मातीच्या नावाने फसवणुकीचे प्रमाण वाढले. मूर्तीकरांनी याचा फटका बसला. मलाही याच अनुभवातून जावे लागले. पुढच्या वर्षीही मी हा प्रयोग कायम ठेवेल. सामान्यांनीही शाडू मातीच्या मूर्तीसाठी आग्रह करावा. यामुळे मूर्तिकारांनीही काम मिळेल.

- प्रमोद डवले, मूर्तिकार

मोबाइल अॅप डाउनलोड करा आणि राहा अपडेट

जादूटोण्याचा संशय : महिलेवर अघोरी प्रयोग

September 3, 2016, 2:13 pm

≫ Next: महिला मंडळाचे सामूहिक हरितालिका पूजन

≪ Previous: ४ वर्षांच्या संशोधनातून साकारले प्रथमांकुर

$

0

0

म. टा. प्रतिनिधी, औरंगाबाद

जादूटोणा झाल्याच्या संशयावरून जिन्सी भागात विवाहितेवर अघोरी प्रयोग सुरू होते. शनिवारी विवाहितेने स्वतःची सुटका करून घेत जिन्सी पोलिस ठाणे गाठले. तेव्हा हा प्रकार समोर आला. या प्रकरणी पतीसह आठ जणांविरुद्ध महाराष्ट्र नरबळी आणि इतर अमानुष, अनिष्ट व अघोरी प्रथा व जादूटोणा प्रतिबंधक कायदान्वये जिन्सी पोलिस ठाण्यात गुन्हा दाखल करण्यात आला आहे.

पीडित विवाहिता अठरा वर्षांची असून मे २०१५ पासून छळ सुरू असल्याचे तिने तक्रारीत नमूद केले आहे. कलरचे दुकान टाकण्यासाठी दोन लाख रुपये माहेरुन आणावे, यासाठी पती अय्याज नवाब शेख, सासू, दिर फय्याज नवाब शेख तसेच गुलाम नबी नवाब शेखसह दोन नणंदेकडून छळ, शिवीगाळ सुरू असल्याचे तिने सांगितले.

काहीतरी जादूटोणा झाला आहे, असा समज करून विवाहितेवर अघोरी प्रयोग सुरू होते. इकबाल हकीम बाबा तसेच साहेबलाल हसन शेख या भोंदूनी पीडिताचे केस कापून टाकले होते. डोळ्यात काजळ भरून गळ्यात लिंबू टाकून झाडूने मारहाण करत. गुंगीचे औषध देऊन तिच्यावर जादूटोण्याचे प्रयोग सुरू होते, असे पीडितेने तक्रारीत नमूद केले आहे. दरम्यान, तक्रारीवरुन पतीसह आठ जणांविरुद्ध गुन्हा दाखल झाला असून अधिक तपास सुरू असल्याचे पोलिस निरीक्षक एस. जी. वसूरकर यांनी सांगितले.

मोबाइल अॅप डाउनलोड करा आणि राहा अपडेट

महिला मंडळाचे सामूहिक हरितालिका पूजन

September 4, 2016, 2:30 pm

≫ Next: उद्योजकांनी स्वतःत बदल घडवण्याची गरज

≪ Previous: जादूटोण्याचा संशय : महिलेवर अघोरी प्रयोग

$

0

0

म. टा. प्रतिनिधी, औरंगाबाद
उल्कानगरीतील ओंकारेश्वर मंदिराच्या आवारात पारंपरिक वेशभूषेत आलेल्या महिला मोठ्या एकाग्रतेने हरितालिका पूजन करत होत्या. पुरोहितांच्या मार्गदर्शनाखाली पूजेचा शास्‍त्रशुद्ध विधी पार पडला तेव्हा सर्वजणी आनंदी दिसत होत्या. तेजस्विनी मंडळाच्या वतीने रविवारी सामूहिक ‌हरितालिका पूजन कार्यक्रमात महिलांनी एकत्र पूजनाचा आनंद घेतला.
गेल्या वर्षीपासून तेजस्विनी मंडळातर्फे हा उपक्रम आयोजित केला जातो. पूजाविधीचे नेमके महत्त्व महिलांना माहित नसते. पूजेचा शास्‍त्रशुद्ध विधी व अन्य आवश्यक माहिती मिळावी व एकटीने पूजा करण्याऐवजी सर्वांना एकत्र आणून पूजा केली जाते. यावेळी महिलांनी एकमेकींना हळदी-कुंकु वाहून, उखाणे घेत मोठ्या खेळीमेळीच्या वातवरणात पूजा केली. मंडळातर्फे पारंप‌रिक वेशभूषा स्पर्धा घेण्यात आली. नऊवारी नेसून आलेल्या महिलांसाठीही स्पर्धा उत्तम संधी ठरली. यावेळी राष्ट्रसेविका समितीच्या शहर संपर्कप्रमुख सुनिता जोशी व वैशाली जवळगेकर यांनी परीक्षण केले. उत्कृष्ट वेशभूषा करुन संगीता देवळाणकर व अश्विनी मुळे यांनी बाजी मारली. ओंकारेश्वर मंदिराच्या प्रमुख स्नेहलता ठाकूर यांनी स‌हकार्य केले. कार्यक्रमाच्या यशस्वितेसाठी अध्यक्ष वैशाली लांबे, रेखा हिवरे, सुनिता पेंडभाजे, शिल्पा व्यास, अंजली अयाचित, लीना उपासनी, अंजली मुळावेकर, रेखा बारहाते, प्रगती देशपांडे आदींनी परिश्रम घेतले.

मोबाइल अॅप डाउनलोड करा आणि राहा अपडेट

उद्योजकांनी स्वतःत बदल घडवण्याची गरज

September 4, 2016, 2:30 pm

≫ Next: कचरा डेपोच्या भीतीने मिटमिटाकरांची गाळण

≪ Previous: महिला मंडळाचे सामूहिक हरितालिका पूजन

$

0

0

म. टा. प्रतिनिधी, औरंगाबाद
'जगभरात आज सर्व प्रकारच्या बाजारपेठेचे स्वरूप बदलत चालले आहे. उद्योगांच्या यशस्वीतेकरिता त्याच्यात सातत्याने नवनवीन संकल्पना राबविणे, उपभोक्त्याचे समाधान कसे होईल याचा मागोवा घेत स्वतःमध्ये तसे बदल घडविणे अत्यावश्यक आहे,' असे मत स्टरलाईट टेक्नॉलॉजीजचे के. एस. राव यांनी व्यक्त केले.
इंडियन इन्स्टिटयूट ऑफ मटेरियल मॅनेजमेंटतर्फे रविवारी 'बिल्डिंग कस्टमर सेंट्रिक सप्लाय चेन- ड्रायव्हिंग इनोव्हेशन' या विषयावर कार्यशाळा आयोजित करण्यात आली होती. कार्यशाळेच्या उद्‍घाटनप्रसंगी राव बोलत होते. राजुरी ग्रुप ऑफ इंडस्ट्रीजचे मॅनेजिंग डायरेक्टर डी. बी. सोनी अध्यक्षस्थानी होते. आयआयएमएमचे माजी राष्ट्रीय अध्यक्ष एल. पी. पटेल, उपाध्यक्ष, पश्चिम विभाग मलय मजुमदार, औरंगाबाद शाखेचे अध्यक्ष डॉ. नरेंद्र जोशी, परिषदेचे अध्यक्ष पी. पी. रेड्डी, तांत्रिक समितीचे एस. जे. संघई, उपाध्यक्ष के. श्रीहरी, जितेश गुप्ता, ललित लोहाडे, सुधीर पाटील, रमेश जऊळकर, संतोष पांडे, सुनील वेद आदींची प्रमुख उपस्थिती होती.
'उद्योगांना आवश्यक मालाचा पुरवठा करताना त्यांची कामाची पद्धत, बाजारपेठ, ग्राहक, ग्राहकांच्या गरज यांचा विचार पुरवठादाराने केला. थोडक्यात त्यांच्या प्रगतीमध्येच आपलीही प्रगती आहे अशा पद्धतीने काम केल्यास सर्वांचीच भरभराट होऊ शकेल," असे राव म्हणाले. 'उद्योजक उत्पादित करीत असलेल्या वस्तूची बाजारपेठ, उपभोक्ता, त्यांची अपेक्षा अशा अनेक घटकांचा अभ्यासही पुरवठादारानी करायला हवा. ग्राहक उद्योजकाचा आपल्या उद्योगाकडे पाहण्याचा दृष्टिकोनही समजावून घ्यायला हवा. उपभोक्ता, बाजारपेठ, उत्पादक, त्यांचा उद्योग, त्यांच्या गरज अशा साऱ्यांचा अभ्यास आता बदलत्या वातावरणात करणे अत्यावश्यक आहे,' असे राव यांनी सांगितले. पी. पी. रेड्डी यांनी आयोजनामागील भूमिका विशद केली. दिवसभर विविध चार सत्रांमधून तज्ज्ञांनी मार्गदर्शन केले.

मोबाइल अॅप डाउनलोड करा आणि राहा अपडेट

कचरा डेपोच्या भीतीने मिटमिटाकरांची गाळण

September 4, 2016, 2:30 pm

≫ Next: अंबरवाडीकर्सच्या विद्यार्थ्यांच्या तासिकांची सोय

≪ Previous: उद्योजकांनी स्वतःत बदल घडवण्याची गरज

$

0

0

म. टा. प्रतिनिधी, पडेगाव
मिटमिटा येथे कचरा डेपो सुरू करण्यात येणार असल्याच्या भीतीने मिटमिट्यातील नागरिकांची शनिवारी गाळ उडाली. पण, नगरसेवक रावसाहेब आम्ले यांनी महापालिका अधिकारी, खासदार चंद्रकांत खैरे व आमदार संजय शिरसाट यांच्याशी संपर्क साधून नागरिकांचा गैरसमज दूर केला.
महाराष्ट्र शासन असे लिहिलेले चार पोकलेन मशीन दोन दिवसांपासून मिटमिटा भागात उभे करून ठेवण्यात आले होते. हे मशीन कशासाठी आले आहेत याची नीट माहिती मिळत नसल्याने निरनिराळ्या शंका उपस्थित करण्यात येत होत्या. त्यातच काही जणांनी गावात कचरा डेपो सुरू करण्यात येणार असल्याची अफवा पसरवली. ही बाब नगरसेवक आम्ले यांच्या कानावर टाकून सकाळी साडेआठ वाजता हनुमान मंदिरात बैठक बोलावण्यात आली होती. याची माहिती मंदिराच्या लाउडस्पिकरवरून देण्यात आल्याने बैठकीला मोठा जमाव उपस्थित राहिला.
नगरसेवक रावसाहेब आम्ले यांनी मनपा अधिकारी, महसूल अधिकारी यांना फोनवर संपर्क साधल्यानंतर गैरसमज दूर झाला. मिटमिटा येथे शासनाची २०० एकर जमीन असून ती मनपाला सफारी पार्कसाठी हस्तांतर करण्यात येणार आहे. त्यापूर्वी जमीन सपाटीकरण करण्यासाठी हे पोललेन मशीन तेथे आणले आहेत, असे अधिकाऱ्यांनी सांगितले. ही माहिती आम्ले यांनी नागरिकांना दिली. मात्र, येथे कचरा डेपो होऊ देणार नाही, असे नागरिकांनी नगरसेवकाला बैठकीत बजावले.
या बैठकीचे प्रास्ताविक मिटमिटा परिसर सर्वांगिण विकास कृती समितीचे शिवाजी गायकवाड यांनी केले. रखमाजी जाधव, अजबराव मुळे, प्रमोदसिंग यांची भाषणे झाली. शिवसेना शाखाप्रमुख प्रकाश दुबिले, विविध कार्यकारी सोसायटीचे चेअरमन आण्णासाहेब वागळे, बबनराव मुळे आदींची उपस्थिती होती.

मोबाइल अॅप डाउनलोड करा आणि राहा अपडेट

---

अंबरवाडीकर्सच्या विद्यार्थ्यांच्या तासिकांची सोय

September 4, 2016, 2:30 pm

≫ Next: लॉ प्रवेश प्रक्रियेला मुहूर्त; पसंतीक्रमाचा संभ्रम

≪ Previous: कचरा डेपोच्या भीतीने मिटमिटाकरांची गाळण

$

0

0

म. टा. प्रतिनिधी, वाळूज
साई शिक्षण संस्थेचे अंबरवाडीकर्स इन्स्टिट्यूट ऑफ टेक्नॉलाजीमधील विद्यार्थ्यांच्या तासिकांची व्यवस्था बजाजनगरमधील हायटेक इंजिनीअरिंग कॉलेजमध्ये करण्यात आली आहे. परंतु, त्यांचे स्थलांतर झालेले नसल्याने परीक्षा अर्ज भरणे व इतर बाबींचा प्रश्न निर्माण होऊ शकतो.
वाळूज येथील अंबरवाडीकर्स इन्स्टिट्यूट ऑफ टेक्नॉलाजी या कॉलेजमध्ये मॅकॅनिकल, आयटी, सिव्‍हिल, इलेक्‍ट्रिकल, कंम्‍प्‍युटर व इलेक्‍ट्रॉनिक्‍स या सहा विद्याशाखांत सुमारे ७०० विद्यार्थी शिक्षण घेतात. यावर्षी अचानक कॉलेज बंद करण्यात आल्याने या विद्यार्थ्यांचे भवितव्य धोक्यात आले आहे.
घेतलेले कर्ज परत न केल्यामुळे अभ्युदय बँकेने कॉलेजच्या इमारतीला सिल लावले आहे. यामुळे विद्यार्थी हवालदिल झाले आहेत. धास्तावलेल्या विद्यार्थ्यांनी गेल्या आठवड्यात शिक्षक ‍विभागात धाव घेतली, त्यानंतर कॉलेजसमोर निदर्शने केली.
दरम्यान, यामुळे खडबडून जाग आलेल्या शिक्षण संस्थाचालकांनी अखिल भारतीय तंत्रशिक्षण परिषदेचे मुंबई येथील कार्यालय व सहसंचालक तंत्रशिक्षण विभागाच्या औरंगाबाद येथील कार्यालयात विद्यार्थ्यांच्या स्थलांतरासाठी विनंती केली. त्यानंतर प्रशाससाने विद्यार्थ्यांचा अभ्यासक्रम पूर्ण करण्यासाठी बजाजनगर येथील हायटेक इंजिनिअरिंगमध्ये तासिकांची व्यवस्था केली आहे. या विद्यार्थ्यांच्या तासिका घेण्यास हायटेक कॉलेजने मान्यता दिली आहे. त्यामुळे विद्यार्थ्यांच्या तासिकांचा प्रश्न सुटला आहे. पण, विद्यार्थ्यांचे परीक्षा अर्ज भरण्यासाठी स्थलांतर होणे अत्यंत गरजेचे आहे. हा निर्णय होईपर्यंत त्यांच्या शैक्षणिक वर्षाचा प्रश्न कायम आहे.

अंबरवाडीकर्स इन्स्टिट्यूट ऑफ टेक्नॉलॉजी येथील विद्यार्थ्यांच्या तासिका आमच्या कॉलेजमध्ये घेण्यात येणार आहेत. पण, विद्यार्थ्यांचे नियमानुसार स्थलांतर झाल्याशिवाय त्यांना येथून परीक्षा अर्ज भरता येणार नाही. त्याबद्दल निर्णय घेणे गरजेचे आहे.
-प्रमोद लोलगे, प्राचार्य, हायटेक कॉलेज

मोबाइल अॅप डाउनलोड करा आणि राहा अपडेट

लॉ प्रवेश प्रक्रियेला मुहूर्त; पसंतीक्रमाचा संभ्रम

September 4, 2016, 2:30 pm

≫ Next: अॅसिड फेकण्याची विद्यार्थिनीला धमकी

≪ Previous: अंबरवाडीकर्सच्या विद्यार्थ्यांच्या तासिकांची सोय

$

0

0

म. टा. प्रतिनिधी, औरंगाबाद
राज्यातील विधी अभ्यासक्रमांच्या प्रवेश प्रक्रियेला अखेर मुहूर्त सापडला आहे. रविवारपासून पसंती क्रमांक भरण्याच्या प्रक्रियेला सुरुवात झाली. ८ सप्टेंबरपर्यंत विद्यार्थ्यांना पसंती क्रमांक द्यावयाचा आहे. त्यासाठी कॉलेजांची वर्गवारी 'रंगा'नुसार करण्यात आली आहे. त्यामुळे कॉलेजांना पसंती क्रमांक देण्याबाबत विद्यार्थ्यांमध्ये संभ्रमाचे वातावरण आहे.
यंदा विधी अभ्यासक्रमाची प्रवेश प्रक्रिया सुरुवातीपासून वादात अडकली आहे. बार कौन्सिलच्या मान्यतेवरून प्रवेश प्रक्रिया चर्चेत राहिली आहे. बार कौन्सिल ऑफ इंडियाने पात्र कॉलेजांची यादी शासनाला दिली आणि अखेर प्रक्रियेला मुहूर्त लागला आहे. ८ सप्टेंबरपर्यंत विद्यार्थ्यांना पसंती क्रमांक भरावयाचे आहे. १० सप्टेंबर रोजी यादी जाहीर केली जाणार आहे. १२ ते १६ सप्टेंबरपर्यंत प्रवेशाचे तीन टप्पे पूर्ण होणार आहेत. २२ सप्टेंबरला शेवटचा टप्पा होणार आहे. विद्यार्थ्यांना कॉलेजांचे ३०० पसंती क्रमांक भरता येणार आहेत. प्रक्रिया सुरू असल्याने ३ ते १९ सप्टेंबरपर्यंत सुटीच्या दिवशीही कॉलेज सुरू ठेवण्याचे आदेश संचालकांनी दिले आहेत. यासह प्रवेश प्रक्रियेबाबत विद्यार्थ्यांना मार्गदर्शन करण्यासाठी कॉलेजांनी माहितगार व्यक्तीची नेमणूक करावी अशा सूचनाही देण्यात आल्या आहेत.

वर्गवारीचे अनोखे 'रंग'
उच्चशिक्षण विभागाकडून लॉ अभ्यासक्रमासाठी पसंतीक्रम भरण्याची प्रक्रिया सुरू आहे. त्यात कॉलेजांची पांढरा, केशरी, हिरवा आणि लाल अशी 'रंग'निहाय वर्गवारी करण्यात आली आहे. पांढऱ्या रंगात समाविष्ट कॉलेजांची मान्यतेची प्रक्रिया पूर्णपणे झाली असल्याचे स्पष्ट करण्यात आले. त्यासह इतर रंगाबाबतही वेबसाइटवर स्पष्ट माहिती दिली आहे. या वर्गवारीमुळे गोंधळ निर्माण होण्याची शक्यता आहे. तसेच सध्या या वर्गवारीचे स्वरूप पुढे कशाप्रकारे निश्चित केलेले असेल याबाबत साशंकता आहे. त्यामुळे पंसती क्रमांक भरताना विद्यार्थ्यांत संभ्रमाचे वातावरण आहे.

मोबाइल अॅप डाउनलोड करा आणि राहा अपडेट

अॅसिड फेकण्याची विद्यार्थिनीला धमकी

September 4, 2016, 2:30 pm

≫ Next: तक्रार मागे घेण्यासाठी पालकांवर दबाव

≪ Previous: लॉ प्रवेश प्रक्रियेला मुहूर्त; पसंतीक्रमाचा संभ्रम

$

0

0

म. टा. प्रतिनिधी, सातारा
बीड बायपासवरील महाविद्यालयात शिक्षण घेणाऱ्या विद्यार्थिनीस माझ्याशी लग्न कर, नसता तुझ्‍या तोंडावर अॅसिड फेकेन व जीवे मारण्याची धमकी देणाऱ्यास सातारा पोलिसांनी अटक केली आहे. या तरुणाने या मुलीचे जमलेले लग्न बदनामी करून दोन वेळा मोडले आहे.
महाविद्यालयीन शिक्षण घेणाऱ्या एका विद्यार्थिनीचा गणेश नरवडे (रा. शिवाजीनगर) हा चार वर्षांपासून तिचा कधी उघड, तर कधी लपूनछपून पाठलाग करतो. मला तुझ्याशी मैत्री करायची आहे, असे सांगत तिला तिला रस्त्यात अडवत असे. माझ्याशी लग्न कर नसता तोंडावर अॅसिड टाकण्याची व लग्न केले नाही, तर जीवे मारण्याच्या धमक्या फोनवर प्रत्यक्ष भेटून दिल्या. तसेच दोन वेळेस तिची सोयरिक झाल्यानंतर प्रत्यक्ष जाऊन, फेसबूकवर खोटे अकाउंट तयार करून मोडली. मॅसेज, फोटो व व्हीडिओ अपलोड करून बदनामीची धमकी दिली. याप्रकरणी सातारा पोलिस ठाण्यात गुन्हा दाखल करण्यात आला असून, पुढील तपास पोलिस निरीक्षक भारत काकडे हे करीत आहेत.

मोबाइल अॅप डाउनलोड करा आणि राहा अपडेट

तक्रार मागे घेण्यासाठी पालकांवर दबाव

September 4, 2016, 2:30 pm

≫ Next: राऊंड टेबल : विद्यार्थ्यांना सन्मान द्या; शाळा नंदनवन होईल

≪ Previous: अॅसिड फेकण्याची विद्यार्थिनीला धमकी

$

0

0

म. टा. प्रतिनिधी, औरंगाबाद
जिन्सी भागातील एका शाळेत लैंगिक अत्याचार झालेल्या आठ वर्षांच्या मुलीच्या आई-वडिलांनी तक्रार मागे घेण्यासाठी दबाव येत असल्याची दबाव येत आहे, असे पत्रकार परिषेद सांगितले.
सिडकोतील राणाजी मंगल कार्यालयात रविवारी झालेल्या या पत्रकार परिषदेला सजग महिला संघटनच्या मंगल खिंवसरा, डॉ. रश्मी बोरीकर यांची उपस्थिती होती.
शाळेतील शिक्षक अहेमदखान अमीनखान हा दीड महिन्यांपासून आठ वर्षांच्या मुलीचे लैंगिक शोषण करत असल्याचे नुकतेच उघडकीस आले आहे. 'आई-वडिलांना ठार मारण्याची धमकी देऊन तिच्यावर अत्याचार करण्यात आले. अहेमदखान अमीनखान याच्यासोबत ऑटोरिक्षाचालक व कम्प्युटर शिक्षकाचाही सहभाग होता. ही मुलगी प्रचंड तणावात असून आई-वडील वगळता कोणासोबत बोलण्यास, ओळखण्यास तयार नाही. पुरूषांना पाहले तरी ती घाबरते. म्हणून तिचा जबाब अजून नोंदवलेला नाही. लवकरच तिचा जबाब नोंदवण्याचा आमचा प्रयत्न आहे,' असे तिच्या आईने सांगितले. 'या घटनेनंतर सर्व स्तरातून मदतीची अपेक्षा होती. परंतु, समाजातील काही जण आम्हाला तक्रार मागे घेण्यासाठी आग्रह करत आहेत. पण, मी समाजाचा विचार नाही करत. माझ्यासाठी माझी मुलगी महत्त्वाची आहे,' असे तिच्या वडिलांनी सांगितले.
अन्याय करणारा शिक्षक मौलवी असल्याने प्रचंड दबाव आहे. पण, आमचा लढा सुरूच राहील असा निर्धार त्यांनी बोलून दाखवला. मानसोपचार तज्ज्ञ व पोलिसांचे सहकार्य मिळत असल्याचे त्यांनी सांगितले.

मोबाइल अॅप डाउनलोड करा आणि राहा अपडेट

राऊंड टेबल : विद्यार्थ्यांना सन्मान द्या; शाळा नंदनवन होईल

September 4, 2016, 2:30 pm

≫ Next: ‘वन टू वन’ : शिक्षकांनाच दर्जेदार प्रशिक्षणाची गरज

≪ Previous: तक्रार मागे घेण्यासाठी पालकांवर दबाव

$

0

0

शाळेत जाणे आनंददायी वाटावे
नोकरी आहे, पगार मिळतो म्हणून काम करण्यापेक्षा शिक्षकाने विद्यार्थ्यांमध्ये रममाण व्हावे. शाळा सुटल्यानंतर किंवा उद्या सुटी आहे या घोषणेनंतर ज्या शाळेतील मुले आनंदाने उड्या मारतात, तेव्हा ते त्या शाळेचे अपयश आहे. शाळा म्हणजे विद्यार्थ्यांना आंनदाचे ठिकाण वाटयला हवे. माझी शाळा तांड्यावरची आहे. ग्रामीण भागातील विद्यार्थ्यांमध्ये प्रचंड क्षमता आहे. त्यांना केवळ मार्गदर्शन, पाठबळाची गरज असते. आम्ही प्रारंभी उपस्थिती वाढविण्याकडे लक्ष दिले. त्यानंतर दर्जेदार शिक्षण देण्यावर भर दिला. त्यासाठी विविध उपक्रमांची आखणी केली. त्यामुळे आकलन क्षमता वाढण्यास मदत मिळाली. व्यक्तिमत्व विकासावर भर देणारे उपक्रम राबविले. त्याचे परिणाम आज दिसतात. शाळेबद्दल, वर्गाबद्दल विद्यार्थ्यांना आकर्षण वाढावे ही शिक्षकाची जबाबदारी आहे. मुले आनंदाने शाळेत यावेत, अशा शाळा व्हायला हव्यात.
- भरत काळे

विद्यार्थ्याचा सन्मान करा
आपले विद्यार्थी किती यशस्वी ठरतात, यावर शिक्षकाच्या यशाची मोजमाप होणे आवश्यक आहे. मुलांना शाळा आपली वाटली पाहिजे. त्यासाठी मुले शाळेत आली पाहिजेत. शाळेत आली, तर ती बसती झाली पाहिजेत, त्यानंतर ती शिकती झाली पाहिजेत. मी 'चार सूत्री' कार्यक्रमाची आखणी केली. सर्वात पहिले विद्यार्थ्यांचा सन्मान करणे, कौटुंबिक विचारपूस करण्यावर भर. त्यानंतर आज कोणता विषय शिकायचा हे मी विद्यार्थ्यावर सोडतो. विद्यार्थ्याचा शिक्षकाने सन्मान केला, तर विद्यार्थ्याच्या मनात शिक्षकाबाबत आदराची भावना निर्माण होते. शिक्षण कंटाळवाणे वाटू नये, यासाठी त्यांना विषय निवडण्याचे स्वातंत्र दिले. त्यामुळे त्यांना गोडी निर्माण होते. शिक्षकानेही स्वयंमूल्यमापन करणे महत्त्वाचे आहे. आम्ही विद्यार्थ्यांचा कल लक्षात घेत भाषा, सायन्स असे गट केले. त्या-त्यानुसार शिक्षण दिले जे प्रात्यक्षिकावर आधारित होते. त्याचा परिणाम असा झाला की ती मुले आज विविध क्षेत्रांत सक्षमपणे उभी राहिली आहेत.
- दादासाहेब नवपुते

नितीमूल्यांवर अधारित शिक्षण हवे
स्पर्धेच्या युगात विद्यार्थ्याकडून पालक, शिक्षक, समाज आशा विविध स्तरांवरून अपेक्षा वाढत आहेत. त्यामुळे शाळेत रोबो बनविण्याचे काम सुरू असल्याचा भास कधीकधी होतो. याचा आपण प्रत्येकाने विचार करायला हवा. विशेषतः शिक्षकांवर मोठी जबाबदारी येते. पारंपारिक शिक्षणाच्या बेड्या तोडत हसत-खेळत शिक्षणावर भर दिला पाहिजे आणि हाच माझा प्रयत्न असतो. विद्यार्थ्यांमध्ये कुतूहल, जिज्ञासूवृत्ती वाढावी यासाठी राष्ट्रीय, आंतरराष्ट्रीय पातळीवरील उदाहरण, विविध सर्वेक्षणाची आकडेवारी मांडण्याचा प्रयत्न करतो. पुस्तकी विद्यासह क्रियाशील शिक्षणाची गरज आहे. त्यासाठी नितीमूल्याधारित शिक्षणावर भर दिला गेला पाहिजे. शिक्षकानेही आपण जो विषय शिकवितो त्याचे अधिकाधिक ज्ञान आत्मसात करण्यावर भर दिला पाहिजे.
- नंदू कुलकर्णी

विषयात गोडी निर्माण करण्यावर भर
विषयाची गोडी विद्यार्थ्यांमध्ये कशी निर्माण होईल, यावर माझा भर असतो. इंग्रजी विषयात शब्दांचे पाठांतर, व्याकरण महत्त्वाचे असते. त्यासाठी शब्दांची ओळख, वृत्तपत्रांचे वाचन यावर भर देत. वर्गात त्यांना अधिकाधिक उदाहरणे देत विषयातील आशय त्यांच्यापर्यंत पोचविण्याचा माझा प्रयत्न असतो. वर्गावर उपस्थिती वाढावी यासाठी 'मी शाळा बुडवणार नाही,' अशा उपक्रमातूनही आम्ही आमच्या वर्गात एक नवा पायंडा पाडला आहे. एखादा धडा असेल तर त्याचा विविध अंगाने विचार, अभ्यास केल्यानंतरच तो धडा शिकविण्यावर भर असतो. विद्यार्थी अतिशय हुशार आहेत. त्यांची आकलन क्षमताही उत्तम आहे. त्यामुळे त्यांना चांगले आणि उत्तमोत्तम शिक्षण देण्यावरच भर असायला हवो. विद्यार्थ्यांशी वैयक्तिक संवाद साधण्यावर भर असतो.- संध्या करमनकर

केवळ घोकमपट्टी नको
शाळा हे आत्मविश्वासाचे केंद्र बनले पाहिजे, असे मला वाटते. चिमुकल्यांवर केवळ पाठांतराचा किंवा घोकमपट्टीचा ताण न देता त्यांना विषयातील घटक चटकन कसा समजेल यासाठी शिक्षकांनी प्रयत्न करण्याची गरज आहे. मी शाळेमध्ये बोलक्या बाहुल्यांच्या माध्यमातून विषय विद्यार्थ्यांपर्यंत पोचवण्याचे प्रयत्न करते. दैनंदिन जीवनातूनही शिक्षण कसे घेता येऊ शकते यासाठी जाहिरात, नाटिकांचे माध्यम निश्चित प्रभावी ठरते. शहरी भागाच्या तुलनेत ग्रामीण भागात साधनांची मर्यादा असते, मात्र यातूनही मार्ग काढता येणे शक्य आहे. विद्यार्थ्यांच्या सर्वांगिण विकासासाठी अभ्यासक्रमात बदल होण्याची गरज आहे. गेल्या काही दिवसांपासून समाजातील घटना पाहता लैंगिक शिक्षण विषचही अभ्यासक्रमात समावेश करण्याची गरज वाटते.
- सरला कामे

शैक्ष‌णिक साहित्याचा वापर आवश्यक
प्रत्येकालाच गणित विषय आवडेलच असे नाही. माध्यमिक स्तरावर गणित विषय ऐच्छिक करण्यात यावा. यामुळे विद्यार्थ्याना आपला आवडता विषय निवडता येईल. शिक्षणाचा प्रचार व प्रसार करताना शैक्षणिक साहित्याचाही अविष्कार होणे गरजेचा आहे. केवळ वर्गामध्ये शिकवून घोकमपट्टी करण्याऐवजी विद्यार्थ्यांना विषयाची आवड निर्माण करण्यासाठी व संबंधित विषय पटकन लक्षात कसा राहील, या पद्धतीचे शिक्षण हवे. याचा एक प्रयत्न म्हणून गणित पक्के करण्यासाठी आम्ही शाळेमध्ये गणिताची प्रयोगशाळा तयार केली आहे. खेळाच्या माध्यमातून विद्यार्थ्यांना गणित सोपे कसे वाटेल याचा प्रयत्न आम्ही करतो. विद्यार्थ्यांना आवडीच्या विषयाचेच शिक्षण द्यावे, त्यामुळे न आवडणाऱ्या विषयात त्यांना ऊर्जा खर्च करावी लागणार नाही, असे मला वाटते. विद्यार्थ्यांचा कल पाहून शिक्षण देण्याची आवश्यकता आहे. त्यामुळे शिक्षण पद्धतील अमूलाग्र बदल होण्याची गरज आहे.
- निळकंठ लोसरवार

विद्यार्थ्यांना शिक्षकाची भीती वाटू नये
विद्यार्थ्यांच्या सर्वांगिण विकासासाठी त्यांच्या मनातून शिक्षकाची भीती काढून टाकणे आवश्यक आहे. ‌मुलांना शालेय जीवनापासूनच पर्यावरणाचे महत्त्व कळावे यासाठी चार भिंतींच्यासह निसर्गाच्या सानिध्यातही शिक्षण देण्यावर माझा भर असतो. यासाठी शाळेमध्ये नियमित निसर्गसहल काढण्यात येते. या माध्यमातून शाळेच्या परिसरातच विद्यार्थ्यांच्या मदतीने बाग फुलवली आहे. विद्यार्थ्यांचा शिक्षणासोबतच पर्यावरणाचाही प्रवास सुरू करण्यात आल्यामुळे त्यांना विविध झाडे, फुले, पक्षी व प्राण्यांबाबत आकर्षण निर्माण झाले. त्यातून विद्यार्थ्यांना स्वतःचे घर व परिसरात झाडे आवावी, असे वाटू लागले.
- मिलिंद गिरधारी

पालक-मुले संवाद महत्त्वाचा
शिक्षणात शहरी आणि ग्रामीण असे स्तर आहेत. ग्रामीण भागात अनेकदा पालकांना आपल्या पाल्याच्या शैक्षणिक प्रगतीकडे लक्ष देण्यास वेळ नसतो. हे लक्षात घेत प्रांरभी आम्ही पाल्यांच्या शिक्षणाबाबत पालकांनी जागरुक असावे यावर भर दिला. त्यानंतर विद्यार्थी प्रगत कसा होईल, त्या दृष्टिकोनातून कृतीयुक्त शिक्षणाच्या अनुशंगाने उपक्रम राबविले. इंग्रजी विषय शिकविताना 'शब्दांची बँक' उपक्रम घेतला हा प्रयत्न विद्यार्थ्यांना भावला. गणित शिकविताना आम्ही पारंपारिक पद्धतीला फाटा देत टाकाऊ वस्तूंपासून तयार केलेल्या उपक्रमांना प्राधान्य दिले. तंत्रज्ञानाबाबत विद्यार्थ्यांची जागरुकता लक्षात घेऊन त्याचाही अंतर्भाव शिक्षणात करण्यावर भर दिला. प्रत्येक विद्यार्थ्याची क्षमता वेगवेगळी असते, तशी वर्गवारी करत आम्ही शिक्षण पद्धतीत बदल केले. अप्रगत विद्यार्थ्यांवर अधिक लक्ष दिले. त्यांना जो अवघड विषय वाटतो त्याचे अधिकचे शिक्षण दिले तेही त्यांना कंटाळवाणे न वाटू देता. त्याचे चांगले परिणाम काही दिवसात दिसून आले. शिक्षण अधिकाधिक आनंददायी असेल, तर विद्यार्थ्याला शाळा, शिक्षक जवळचे वाटतात.
- संगीता तळेगावकर

पालकांसोबत संवाद महत्त्वाचा
पारंपारिक शिक्षणपद्धतीत झालेल्या बदलांमुळे अमूलाग्र बदल झाले आहेत. जिल्हा परिषदेच्या शिक्षकांसमोर इंग्रजी माध्यमाच्या खाजगी शाळांचे मोठे आव्हान आहे. त्यामुळे आम्ही कुठे कमी पडू नये याचा प्रयत्न करतो. विद्यार्थ्यांच्या सर्वांगिण विकासासाठी ग्रामीण भागातील पालकांशी संवाद साधणे महत्त्वाचे वाटते. परिसरातील मोठ्या शाळेसोबत स्पर्धा करताना विद्यार्थ्यांना आकर्षक गणवेश, शाळेत विविध कार्यक्रमाचे आयोजन केले. यासाठी ग्रामस्थांना मोठे सहकार्य लाभले. शाळेत घेण्यात येणाऱ्या विविध कार्यक्रमांमध्ये ‌प्रत्येक विद्यार्थ्यांचा सहभाग असेल, याची काळजी घेत विद्यार्थ्यांच्या प्रगतीसंदर्भात पालकांशी वारंवार चर्चा केली. याचा मोठा लाभ झाला, शाळेत विद्यार्थ्यांच्या माध्यमातून तयार करण्यात आलेल्या औषधीच्या बागेच्या माध्यमातून विद्यार्थ्यांना पर्यावरणाचे महत्त्वही समजावून सांगण्याचा प्रयत्न करण्यात येतो. विद्यार्थी व शाळेमध्ये करण्यत येणारे सकारात्मक बदलासाठी गावकरी व पालकांचे मोठे सहकार्य लाभत आहे.
- गीता गवळी

मोबाइल अॅप डाउनलोड करा आणि राहा अपडेट

‘वन टू वन’ : शिक्षकांनाच दर्जेदार प्रशिक्षणाची गरज

September 4, 2016, 2:30 pm

≫ Next: मच्छीमार धोरण कंत्राटदारांना पोषक

≪ Previous: राऊंड टेबल : विद्यार्थ्यांना सन्मान द्या; शाळा नंदनवन होईल

$

0

0

Ramchandra.Vaybhat@timesgroup.com
- माध्यमिक स्तरावर शिक्षण दर्जेदार होण्यासाठी काय सुचवाल?
- शिक्षणाबाबत पालक अत्यंत जागरुक व सुजाण झालेले आहेत. करिअरसाठी ९वी ते १२वी हे शिक्षण अतिशय महत्त्वाचे आहे. अशावेळी शिक्षक, मुख्याध्यापक, प्राचार्यांची जबाबदारीही वाढते, मात्र आजचे चित्र वेगळे आहे. दहावीनंतर बहुतांश कॉलेजमध्ये तासिका होत नाही. त्यामुळे पालक ‌आपल्या पाल्याला खाजगी शिकवणीमध्ये पाठवतात. शैक्षणिकदृष्ट्या तेथे त्यांना जास्त सुर‌क्षित वाटते, अशी अवस्था आहे. त्याला काहीअंशी शिक्षक हा घटक जबाबदार आहे. शिक्षणात मोठ्या प्रमाणावर बदल होत आहेत, हा बदल शिक्षकांनी स्वीकारला पाहिजे. त्यासाठी त्यांनी शिक्षकांना प्रशिक्षण देण्याची गरज आहे.

- तुम्ही शिकवत असलेल्या गणित विषयांच्या उपक्रमाबद्दल काय सांगाल?
- गणित अवघड आहे अशी काहीशी आपली व्यवस्था आहे, मात्र गणित हा विषय आपणच तयार केला. त्यामुळे अवघड असण्याचे काहीच कारण नाही. गणित कठिण आहे, हा मुळात व्यवस्थेचा दोष आहे. गणित विषय विद्यार्थ्यांच्या पक्का लक्षात राहण्यासाठी शिक्षकांनाच प्रशिक्षण देण्याची गरज आहे. आज बहुतांश शाळांमध्ये गणिताचा कसलाही संबंध नसलेले शिक्षक गणित विषय विद्यार्थ्यांना शिकवत असल्याचे चित्र आहे. अनेक ठिकाणी बीपीएड झालेले शिक्षक गणित शिकवात. या व्यवस्थेत बदल झाला पाहिजे.

- दहावी, बारावीच्या उत्तरपत्रिका तपासणीच्या दर्जाबाबत काय सांगाल?
- परीक्षक प्रशिक्षित नसतात. त्यांच्यामध्ये गुणवत्तेचा आभाव असतो, म्हणून असा घोळ होतो. त्यांना मेथड; तसेच मॉडेल माहिती नसते, याला कायम विनानअनुदानितचे धोरणही अवलंबून आहे, असे वाटते. उत्तरपत्रिका तपासण्यासाठी पेपर इतर जिल्ह्यात जातात. तेथे पेपर तपासणाऱ्यांनाच त्या विषयाचे फारसे ज्ञान नसते, त्यामुळे असे प्रकार घडतात.

- शाळा, कॉलेजांमधील मुलींच्या सुरक्षिततेबाबत काय उपाययोजना व्हाव्यात?
- किशोरवयीन मुलींच्या सुरक्षीततेचा प्रश्न हा सामाजिक प्रश्न बनला आहे. आमच्या पर्यवेक्षक संघटनेने प्रशासनास्तरावर हा विषय अनेकदा मांडला आहे. औरंगाबाद, मराठवाड्याच्या दृष्टिकोनातून आम्ही नुकतीच व्यापक बैठक बोलावली होती. बैठकीत शिक्षक, संस्थांचालक, पोलिस, सामाजिक कार्यकर्ते सहभागी झाले होते. शासनदरबारीही हा प्रश्न मांडला आहे. कोपर्डी, निर्भया प्रकरणानंतर अशा प्रकारची घटना सामाजिक समस्या म्हणून पुढे आली आहे. यासाठी गंभीरपणे विचार होण्याची गरज आहे. कोपर्डी घटनेनंतर प्रत्येक गावांमध्ये ग्राम रक्षक दल तयार करावे, अशी मागणी पुढे आली होती. त्या सारखेच प्रत्येक शाळेत, पोलिस ठाण्याच्या हद्दीमध्ये पालक, शिक्षक, पोलिसांची त्रिसदस्यीय समिती स्थापन करून छेडछाड रोखण्यासाठी अशा विद्यार्थ्यांना शाळा, कॉलेजकंटक म्हणून जाहीर करावे, असे वाटते.

मोबाइल अॅप डाउनलोड करा आणि राहा अपडेट

मच्छीमार धोरण कंत्राटदारांना पोषक

September 4, 2016, 2:30 pm

≫ Next: राजनगरात दगडाने ठेचून तरुणाचा खून

≪ Previous: ‘वन टू वन’ : शिक्षकांनाच दर्जेदार प्रशिक्षणाची गरज

$

0

0

म. टा. प्रतिनिधी, औरंगाबाद

राज्यात २६ जून २०१४ रोजी मच्छीमार धोरण राज्य शासनाने लागू केले आहे. हे धोरण सर्वसामान्य भोई समाजाच्या पोटावर लाथ मारणारे असून कंत्राटदारी पद्धतीला पोषक आहे. त्यामुळे हे धोरण रद्द करावे, अशी मागणी अखिल भारतीय भोई समाज सेवा संस्‍थेच्या कार्यशाळेत करण्यात आली आहे.

अखिल भारतीय भोई समाज सेवा संस्‍थेतर्फे रविवारी मौलाना आझाद संशोधन केंद्रात कार्यशाळा घेण्यात आली. या कार्यशाळेचे उद्‍घाटन नवी दिल्ली येथील एनएफडीबी संस्‍थेचे माजी अध्यक्ष ए. एल. मल्ला यांनी केले. महाराष्ट्र राज्य सहकारी संस्‍था उपनिबंधक प्रणिता बुरांडे, डी. जी. श्रीहरी, वल्लेमळेश्वर, ए. व्ही. बिरण्‍णा, संस्थेचे अध्यक्ष एकनाथ काटकर, हिम्मत मोरे, गणेश वानखेडे, चंद्रकांत डुब्बा, संघटनेचे महासचिव गजानन साटोटे यांची उपस्थिती होती. यावेळी महासचिव गजाजन साटोटे यांनी
'सहकारी संस्‍था नोंदणी करताना भोई समाजाच्या प्रतिनिधींकडून जात प्रमाणपत्र मागितले जाते. भोई समाजाचा व्यवसाय हा मासेमारीचा आहे. पारंपारिक व्यवसाय असल्याने सहकार विभागाने जात प्रमाणपत्राची मागणी करू नये,' अशी मागणी यावेळी बोलताना साटोटे यांनी केली. या पुढील काळात भोई समाजाकडून कोणतेही प्रमाणपत्र सहकार विभागात सादर केला जाणार नाही, असे त्यांनी सांगितले. संघटनेच्या अध्यक्षांनी मच्छीमार धोरण हे पारंपरिक मासेमारी व्यवसाय करणाऱ्यांवर अन्यायकारक असल्याचे सांगितले. या निर्णयाबाबत फेरविचार करण्यासाठी लवकरच समिती येणार आहे, त्यामुळे समितीच्या सदस्यांनी हे धोरण रद्द करावे, अशी मागणी करण्यात आली.

तिकडे एसटी इकडे एनटी

नवी दिल्ली आणि हैदराबाद येथून आलेल्या तज्‍ज्ञांनी भोई समाजाचे अधिकार व व्यवसायाला मिळणाऱ्या अनुदानाची माहिती दिली. आंध्र प्रदेशात भोई समाजाला मागासवर्ग जातीचा दर्जा आहे. महाराष्ट्रात मात्र भटक्या विमुक्त जातीत ठेवण्यात आले आहे. त्यामुळे याबाबत सुद्धा निर्णय घ्यावा, असे मत कार्यशाळेत व्यक्त झाले.

मोबाइल अॅप डाउनलोड करा आणि राहा अपडेट

---

राजनगरात दगडाने ठेचून तरुणाचा खून

September 4, 2016, 2:30 pm

≫ Next: दहावी परीक्षा नापास विद्यार्थ्याची आत्महत्या

≪ Previous: मच्छीमार धोरण कंत्राटदारांना पोषक

$

0

0

घरात झोपलेला असताना तरुणाचा खून

म. टा. प्रतिनिधी, औरंगाबाद

मुकुंदवाडी रेल्वेस्टेशन परिसरात असलेल्या राजनगर, शिवशाही नगर येथे तरुणाचा दगडाने ठेचून खून करण्यात आला. मनोज अशोक गवळी (वय १९) असे या तरुणाचे नाव आहे. रविवारी सकाळी हा प्रकार उघडकीस आला. घरात एकटा झोपलेला असताना हा हल्ला करण्यात आला. या प्रकरणी मुकुंदवाडी पोलिस ठाण्यात अज्ञात मारेकऱ्याविरुद्ध खुनाचा गुन्हा दाखल करण्यात आला आहे.

मनोज गवळी हा आई वडिलांसोबत राहत होता. तीन महिन्यांपूर्वी त्याने पाण्याचे जार वाटप करण्याचा व्यवसाय सुरू केला होता. मनोजचे वडील माऊली सुरक्षा कंपनीत सुरक्षारक्षक असून शनिवारी गारखेडा येथील गजानन हॉस्पिटलमध्ये रात्रपाळीला गेले होते. तर त्याची आई आजीची तब्येत बरी नसल्याने तिला पाहण्यासाठी वसई ता. सिल्लोड येथे शुक्रवारी रात्री गेली होती. शनिवारी रात्री मनोज हा घरी एकटाच होता. घराच्या बाजुला असलेला जिन्याचा दरवाजा उघडा ठेवून तो झोपी गेला होता. रात्रीच्या सुमारास मारेकऱ्याने या दरवाज्याने घरात प्रवेश केला. झोपलेल्या मनोजच्या तोंडात बोळा कोंबण्यात आला. तसेच पिवळ्या रुमालाने गळा आवळण्यात आला. यानंतर मारेकऱ्याने दगडाने ठेचून त्याचा खून केला. रविवारी सकाळी आठ वाजता मनोजचे वडील घरी आले. अनेक आवाज देऊनही मनोजने दरवाजा उघडला नाही. त्यांनी शिडीचा वापर करून गच्चीवर जाऊन जिन्यातून खाली उतरून आतील दरवाजाने घरात प्रवेश केला. यावेळी मनोज त्याच्या रूममध्ये रक्ताच्या थारोळ्यात पडलेला आढळला. मुकुंदवाडी पोलिसांना या घटनेची माहिती देण्यात आली. पोलिस उपायुक्त राहुल श्रीरामे, एसीपी रविकांत बुवा, पोलिस निरीक्षक नाथा जाधव यांनी घटनास्थळी भेट दिली. खुनाचे कारण स्पष्ट झाले नसून अज्ञात मारेकऱ्याविरुद्ध गुन्हा दाखल करण्यात आला आहे.

माहितगाराचे कृत्य ?

मृत मनोजचे चार ते पाच दिवसांपूर्वी एका महिलेसोबत भांडण झाले होते. तसेच यापूर्वी देखील वरच्या जिन्याकडील दरवाजातून अनोळखी व्यक्ती आल्याची घटना घडली होती. मात्र, घरात सगळे असल्याने ते निघून गेले होते. वरच्या भागातील दरवाजा माहित असलेल्या व्यक्तीचे हे कृत्य असून घातपाताचा संशय मनोजच्या वडिलांनी व्यक्त केला.

वडिलांना म्हणाला होता जाऊ नका

सायंकाळी साडेसात, आठ वाजता मनोज व त्याच्या वडिलांनी सोबत जेवण केले होते. यावेळी मनोजने वडिलांना कामावर जाऊ नका अशी गळ घातली होती. मात्र, त्याचे वडील कामाला गेले. त्यानंतर हा दुर्देवी प्रकार त्याच्यासोबत घडला. मनोज हा त्याच्या आई-वडिलांना एकुलता एक होता. बारावी नापास झाल्यानंतर त्याने जार वाटपाचे काम सुरू केले होते. शांत स्वभावाचा असलेल्या मनोजच्या मृत्यूनंतर शेजाऱ्यापाजाऱ्यात हळहळ व्यक्त करण्यात येत होती.

मोबाइल अॅप डाउनलोड करा आणि राहा अपडेट

दहावी परीक्षा नापास विद्यार्थ्याची आत्महत्या

September 4, 2016, 2:30 pm

≫ Next: संपूर्ण कंपनीने केला अवयवदानाचा संकल्प

≪ Previous: राजनगरात दगडाने ठेचून तरुणाचा खून

$

0

0

म. टा. प्रतिनिधी, औरंगाबाद

दहावीच्या परीक्षेत दोनदा अपयश आल्याने निराश झालेल्या एका १७ वर्षांच्या विद्यार्थ्याने रविवारी दुपारी साडेतीन वाजता गळफास घेऊन आत्महत्या केली. पवन भाऊसाहेब घोलप (वय १७), असे या विद्यार्थ्याचे नाव आहे. रामेश्वरनगर, मयूरपार्क भागातील या घटनेची हर्सूल पोलिस ठाण्यात नोंद करण्यात आली.

पवन याने दहावीची परीक्षा दिली होती, मात्र तो नापास झाला. त्यानंतर दिलेल्या पुरवणी परीक्षेत सुद्धा अपयश आल्याने तो नाराज झाला होता. पवन रविवारी दुपारी साडेतीन वाजता घराच्या वरच्या मजल्यावरील पत्र्याच्या खोलीत एकटा होता. त्यावेळी त्याने छताच्या बल्लीला बेडशीटने गळफास घेत आत्महत्या केली. त्याचा भाऊ किरण याने पवन बराच वेळ खोलीबाहेर आला नसल्याने आवाज दिला. त्याला प्रतिसाद न मिळाल्याने किरण याने खिडकीची काच फोडली. त्यातून खोलीत प्रवेश केल्यानंतर ही घटना उघडकीस आली.

आत्महत्येची माहिती समजाताच परिसरातील नागरिकांनी घोलप यांच्या घरासमोर गर्दी केली. या घटनेची माहिती नागरिकांकडून मिळाल्यानंतर हर्सूल पोलिसांनी घटनास्थळी जाऊन मृतदेह घाटी हॉस्पिटलमध्ये पाठवला. तेथे डॉक्टरांनी त्याला तपासून मृत घोषित केले. नापास झाल्यामुळे पवन निराश होता, त्यातून हे पाऊल उचलले असावे, अशी शक्यता हर्सूल पोलिसांनी व्यक्त केली. पवनने गळफास घेतल्यानंतर त्याचा भाऊ किरणने दरवाजा वाजवला. प्रतिसाद मिळत नसल्याने त्याने खिडकीची काच ठोसा मारून फोडली. यावेळी हातात काच घुसल्याने किरण गंभीर जखमी झाला. जखमी किरणला उपचारासाठी खासगी हॉस्पिटलमध्ये दाखल करण्यात आले आहे.

मोबाइल अॅप डाउनलोड करा आणि राहा अपडेट

संपूर्ण कंपनीने केला अवयवदानाचा संकल्प

September 4, 2016, 2:30 pm

≫ Next: सिल्लोडजवळ पूल कोसळला

≪ Previous: दहावी परीक्षा नापास विद्यार्थ्याची आत्महत्या

$

0

0

म. टा. प्रतिनिधी, औरंगाबाद

अवयवदानाचे महत्त्व ओळखून देशपातळीवर जनजागृती मोहीम राबविण्यात येत आहे. औरंगाबादेत गेल्या वर्षभरात अवयवदानाच्या चार घटनांमधून अनेकांना जीवदान मिळाले. वाळूज औद्योगिक वसाहतीतील बीएमसी इलेक्ट्रोप्लास्ट प्रायव्हेट लिमिटेड या कंपनीतील सर्व कर्मचाऱ्यांनी अवयवदान करण्याचा निर्णय घेतला आहे. कंपनीच्या संचालकासह ३० कर्मचाऱ्यांनी अवयवदान करण्याचा निर्णय घेणारी कदाचित ही राज्यातील पहिलीच कंपनी असावी.

वाळूज औद्योगिक वसाहतीत असलेल्या बीएमसी इलेक्ट्रोप्लास्ट प्रायव्हेट लिमिटेड या कंपनीत इलेक्ट्रिकल सर्किट ब्रेकर बनविणारी अग्रगण्य कंपनी आहे. संचालक गिरीश मगरे, व्यवस्थापक कनक मुखर्जी, संजय डाके, जगन्नाथ नरवडे व अन्य कर्मचारी 'कार्पोरेट सोशल रिस्पॉन्सबिलिटी' (सीएसआर) उपक्रमांतर्गत कायम अनेक सामाजिक कामे केली जातात. वृक्षारोपण, स्वच्छता अभियान, दिव्यांग लोकांना रोजगार देणे याचा प्रामुख्याने उल्लेख केला जातो. कंपनीत दोन मूकबधीर कर्मचारी कार्यरत आहेत. केंद्र सरकारने जाहीर केलेल्या अवयवदान जनजागृतीला प्रतिसाद देत ग्रुपच्या वतीने अवयवदानाच्या उपक्रमांत सहभागी होण्याचे ठरविले. संपूर्ण कर्मचारी वर्गाने अवयवदानाचे दाते होण्याचा निर्णय घेतला. संचालकांसह सर्व, ३० कर्मचाऱ्यांनी अवयवदान करण्याचा निर्णय घेतला. सर्वच्या सर्व कर्मचाऱ्यांनी हा संकल्प करण्याची ही राज्यातील बहुधा पहिलीच कंपनी असावी.

पर्यावरण बांधिलकी
बीएमसी इलेक्ट्रोप्लास्टतर्फे कायम ग्रीन इंजिनीअरिंग प्रोडक्ट व त्यांचे तंत्रज्ञान विकसित करण्यात जगभर काम करत असते. याबद्दल त्यांना संशोधन व विकास केंद्राचे प्रमाणपत्र मिळाले आहे. पर्यावरणाची बांधिलकीला प्रमाण ठेवून अतिउच्चदाब उत्पादने विकसित करण्याचा संकल्प कंपनीने केला आहे.

मोबाइल अॅप डाउनलोड करा आणि राहा अपडेट

सिल्लोडजवळ पूल कोसळला

September 5, 2016, 2:30 pm

≫ Next: उपक्रमातून सर्वांगीण विकासावर भर

≪ Previous: संपूर्ण कंपनीने केला अवयवदानाचा संकल्प

$

0

0

म. टा. प्रतिनिधी, सिल्लोड
सिल्लोड-कन्नड राज्यमार्गावर मोढावाडीजवळ ओढ्यावरील दगडी पूल सोमवारी दुपारी साडेतीनच्या सुमारास कोसळला. या अपघातात चार जण गंभीर जखमी झाले आहेत. दोघांवर सिल्लोड येथील उपजिल्हा रुग्णालयात प्राथमोपचार करून औरंगाबाद येथे अधिक उपचारासाठी पाठवण्यात आले. इतर दोघांना सिल्लोड येथील उपजिल्हा रुग्णालयात दाखल केले आहे.
सिल्लोडपासून पाच किलोमीटर अंतरावरील हा पूल अचानक कोसळला. त्यावेळी बाळू आनंदा पंडित (वय २५) व गोविंदा तुकाराम पंडित (वय ४५, दोघे रा. मोढा खुर्द) हे गणपती घेऊन मोटारसायकवरून जात होते. ते पूल संपतो तेथे होते. त्यावेळी अचानक पूल खचला व दोघे मोटारसायकलसह घरंगळत खाली गेले. या अपघातात बाळू यांच्या डोक्याला गंभीर मार लागला असून, गोविंद यांचे दोन्ही हात मोडले आहेत. अजयसिंह तुकाराम बैनाडे (वय २५, रा. बोरगाव बाजार) हे बहीण आरती भारत जारवाल (वय २८, रा. अन्वा ता. भोकरदन) यांच्यासह मोटारसायकलवरून सिल्लोडकडे येत होते. हे दोघे मोटारसायकलसह खाली पडले. या अपघातात दोघे गंभीर जखमी झाले आहेत. त्यांना सिल्लोड येथील उपजिल्हा रुग्णालयात दाखल केले आहे. बाळू पंडित व गोविंदा पंडित यांना औरंगाबादला उपचारासाठी पाठवले आहेत. याचवेळी या पुलाजवळ सिल्लोड-म्हसला टाकळी बस आली. चालक वसंत गावंडे यांनी पूल अचानक खचताना व मोटारसायकलस्वार खाली पडताना पाहिले. एकदम धुळीचे लोट उठल्याने त्यांना पुढचे दिसेनासे झाले. त्यांनी वाहक पंढरीनाथ सपकाळ यांना ही घटना ओरडून सांगितली व बस थांबवली. बसमधी २५ प्रवासी व वाहक-चालकांनी पुलाकडे धाव घेतली. आजुबाजुच्या शेतातून शेतकऱ्यांनी सुद्धा धाव घेतली. त्यांनी जखमींना बाहेर काढले. ही माहिती पोलिसांना कळवल्यानंतर काही वेळेत पोलिस निरीक्षक शंकर शिंदे, मिलिंद खोपडे व के. के.पाटील घटनास्थळी दाखल झाले. पोलिसांच्या वाहनातून दोघांना व शिवसेनेचे सुनील मिरकर यांच्या अॅम्ब्युलन्समधून दोघांना हॉस्पिटलमध्ये पाठवण्यात आले.

३५ वर्षांपूर्वीचा पूल
घटनास्थळी बांधकाम विभागाच्या अधिकाऱ्यांना पोचण्यास पाच वाजले. महसूल विभागाचे अधिकारी सुद्धा उशिरा आले. हा पूल ३० ते ३५ वर्षांपूर्वीचा असल्याची माहिती सार्वजनिक बांधकाम विभागाचे शाखा अभियंता सुनील देवरे यांनी दिली. पुलाच्या बांधकामाची कागदपत्रे औरंगाबाद येथील कार्यालयात असल्याचे सांगून अधिक माहिती देण्यास नकार दिला.

मोबाइल अॅप डाउनलोड करा आणि राहा अपडेट

उपक्रमातून सर्वांगीण विकासावर भर

September 5, 2016, 12:00 pm

≫ Next: करवसुली ढेपाळली

≪ Previous: सिल्लोडजवळ पूल कोसळला

$

0

0

Ashish.Choudhari@timesgroup.com
औरंगाबाद: विद्यार्थी परीक्षार्थी बनविण्यापेक्षा त्यांचा सर्वांगाने विकास व्हावा, या हेतूने काम करणाऱ्या शिक्षिका, मुख्याध्यापिका म्हणून माँटेसरी बालक मंदिरच्या मीनाक्षी रामकृष्ण गोसावी यांची ओळख आहे. अध्यापनात पाठ्यपुस्तकाला धरून शिकविण्यापेक्षा प्रात्यक्षिकावर त्या भर देतात. संदर्भसाहित्याचा अधिकाधिक वापर करतात. 'शनिवार दप्तराविना शाळा', 'शिष्यवृत्तीसाठी विशेष वर्ग' असे त्यांचे विविध उपक्रम विद्यार्थ्यांना आनंददायी शिक्षणाकडे घेऊन जाणारे आहेत. त्यांची दखल राज्यपातळीवर घेण्यात आली आहे....
सुमारे ३२ वर्षापूर्वी शाळेत रुजू झालेल्या मीनाक्षी गोसावी यांनी सुरुवातीचे सोळा वर्षे सहाय्यक शिक्षक पदावर काम केले. गेल्या सोळा वर्षापासून त्या मुख्याध्यापक पदावर कार्यरत आहेत. चौथी, पाचवी वर्गाला इतिहास, भूगोल विषयासह रजेवर असलेल्या शिक्षकांचा वर्गावर त्या तासिका घेतात. विविध शिष्यवृत्ती परीक्षांमध्ये आपले विद्यार्थी यशस्वी ठरावेत, यावर त्यांचा भर असतो. गणित, मराठी, बुद्धीमत्ता चाचणी, समान्य ज्ञान अशा विषयांवर विशेष तासिका घेऊन विद्यार्थी अधिकाधिक पारंगत व्हावेत, असा त्यांचा हेतू असतो. विषय शिकविताना धड्याला अनुसरून प्रात्यक्षिक, प्रत्यक्ष व्यवहरातील उदाहरणे विद्यार्थ्यांसमोर मांडतात. त्यामुळे विद्यार्थ्यांची आकलन क्षमता वाढण्यासह निरीक्षण करण्याची दृष्टीही जोपासली जाते, असे त्या सांगतात. कोणताही विद्यार्थी अप्रगत राहू नये यासाठी 'पूर्वज्ञान चाचणी' हा उपक्रम उल्लेखनिय ठरला आहे. त्यामध्ये विद्यार्थ्यांची परीक्षा घेतली जाते. निकालानंतर प्रगत, मध्यम व अप्रगत अशी विद्यार्थ्यांची वर्गवारी करण्यात येते. अप्रगत विद्यार्थी प्रगत व्हावेत, त्यासाठी अधिक तासिका घेतल्या जातात. त्यासाठी साठ दिवसांचे वेळापत्रक तयार करण्यात आले आहे. या वर्गात संबंधित विद्यार्थ्याला विषयनिहाय शिकविले जाते. त्यानंतर त्याची प्रगती तपासली जाते. त्याचबरोबर विद्यार्थी दत्तकही घेतले जातात. त्यामुळे वर्गाचा निकाल शंभर टक्के असतो. गुणवत्तेसह विद्यार्थ्यांचा शारीरिक, सर्वांगिण विकास यासाठी नवनवीन उपक्रम आखले जातात. विद्यार्थ्यांना आपल्या संस्कृतीची ओळख व्हावी, मूल्ये रुजावित म्हणून टाकाऊपासून टिकाऊ वस्तू् बनविणे, भेटकार्ड, पणती सजावट आदी उपक्रम घेतले जातात. गणेशोत्सवात गणपती बनविणे, पोळ्याला बैल, राखीपौर्णिमेला राख्या बनविण्याची कार्यशाळा घेतली जाते. गुणवत्ता म्हणजे केवळ विद्यार्थ्याला वाचन-लिखाण येणे एवढेच नाही. कृतीयुक्त अध्यापन, वैविध्यपूर्ण उपक्रमातून आपण विद्यार्थ्याचा सर्वांगिण विकास करून शकतो अन् त्यामुळे शाळाचा दर्जाही उंचावल्याचे गोसावी सांगतात.

दप्तराविना भरते शाळा
दप्तराचे ओझे कमी करण्यासाठी राज्य सरकारकडून प्रयत्न केले जात आहेत, परंतु त्याला पूर्णपणे यश आले नाहीत. मीनाक्षी सावजी यांच्याप्रयत्नामुळे ही शाळा मात्र त्याला अपवाद ठरली आहे. प्रत्येक शनिवारी दप्तराविना शाळा भरते. त्या दिवशी संगीत, आठ दिवसांतील शिकविलेले पाठांतर, वाचन अभियान आदी उपक्रम घेतले जातात. त्याचबरोबर रोज दप्तराचे ओझे कमी करण्यासाठी त्यांनी तीन विषयांना मिळून एक वही, स्टीलऐवजी प्लास्टिकचा डबा, लोखंडी कंपासपेटी दप्तरात न आणणे हे प्रयोग केले. त्यामुळे दप्तराचे ओझे कमी झाले. विद्यार्थ्यांच्या आरोग्याच्या दृष्टिकोनातून हा निर्णय अतिशय उपयुक्त ठरला आहे. पालकांसह, राज्यपातळीवरही याची दखल घेतली गेली.

वाचन प्रेरणा
प्राथमिकस्तरापासून विद्यार्थ्यांना वाचनाची गोडी लागावी, वाचन संस्कृतिला बळकटी मिळावी यासाठी त्यांनी पुस्तकपेढी तयार केली. त्यात छोटी-छोटी पुस्तके आहेत. गड-किल्ले, गोष्टी, शास्त्रज्ञांची माहिती असलेली पुस्तके आहेत. शनिवारी प्रत्येक विद्यार्थ्याला एक पुस्तक दिले जाते. एका तासिकात विद्यार्थ्याला पुस्तक वाचायचे असते. विद्यार्थ्यांना पुस्तक घरी न्यायचे असेल, तरी पुस्तक दिले जाते. पुस्तकपेढीत पाच हजार पुस्तकांचा संग्रह झाल्याचे अभिमानाने मीनाक्षी गोसावी सांगतात.

तासभर आधी भरतात वर्ग
वेळापत्रकानुसार शाळा सुरू होण्याची वेळ दुपारी १२.४० वाजता आहे. असे असले तरी विद्यार्थी १२ वाजता शाळेत येतात. ४० मिनिटांच्या वेळेत बोधकथा, सुविचार, दैनंदिन बातम्या, दिनविशेष असा उपक्रम पूर्ण होतो. शाळा सुरू झाल्यानंतर तासिकांसाठी शिक्षक येईपर्यंत प्रत्येक वर्गाला ठराविक विषयाचा परिपाठ दिलेला असतो. त्याचे पाठांतर वर्गाचा विद्यार्थीप्रमुख घेतो.

मोबाइल अॅप डाउनलोड करा आणि राहा अपडेट